What is Yama Krta Ganesastottarasatanama Stotra?

Read Yama Krta Ganesastottarasatanama Stotra in Kannada script — full lyrics with English meaning and transliteration. A hundred and eight names spoken by Yama, from the twenty-sixth chapter of the Lambodara Charita in the Mudgala Purana, and they are not addressed to Ganesha at all. Every verse is an order shouted at the obstacles: let him go, get far off, wander in fear. The names are the grounds given for the order — Ganesha, Heramba, Gajanana, Mahodara, revealer of one's own experience, lover of accomplishment, lord of understanding; ender of many obstacles, curved-trunk, four-armed, lord of poets, destroyer of Devantaka — and each run of them closes on the same dismissal. The chapter around it concerns the power of touching shami and mandara, and its opening verses put that to the same use: whichever of the two is on his body is the measure, so leave, and go in fear.

Which deity is Yama Krta Ganesastottarasatanama Stotra dedicated to?

Yama Krta Ganesastottarasatanama Stotra is a Sanskrit hymn dedicated to Lord Ganesha.

Yama Krta Ganesastottarasatanama Stotra in Kannada – Lyrics

ಮನ್ದಾರಮಾಲಾಶಮಿಕಾಷ್ಠಜಾ ಚ ಯಸ್ಯೈವ ದೇಹೇ ಭವತಿ ಪ್ರಮಾಣಮ್ ।
ಪುಷ್ಪಂ ತಯೋಃ ಪತ್ರಯುತಂ ಚ ಶೂರಾಃ ಸನ್ತ್ಯಜ್ಯ ದೂರಂ ಚರತ ಪ್ರಭೀತಾಃ ॥ ೩೩॥

ದೂರ್ವಾಯುತಂ ವಿಘ್ನಹರಸ್ಯ ಗಾಥಾಂ ಸಙ್ಗಾಯಮಾನಂ ಯದಿ ಪಾಪಯುಕ್ತಮ್ ।
ಪೂಜಾದಿಕಾರಂ ಗಣನಾಯಕಸ್ಯ ಸನ್ತ್ಯಜ್ಯ ದೂರಂ ಚರತ ಪ್ರಭೀತಾಃ ॥ ೩೪॥

ಓಂ ಗಣೇಶ ಹೇರಮ್ಬ ಗಜಾನನೇತಿ ಮಹೋದರ ಸ್ವಾನುಭವಪ್ರಕಾಶಿನ್ ।
ವರಿಷ್ಠ ಸಿದ್ಧಿಪ್ರಿಯ ಬುದ್ಧಿನಾಥ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೩೫॥

ಅನೇಕವಿಘ್ನಾನ್ತಕ ವಕ್ರತುಣ್ಡ ಸ್ವಸಂಜ್ಞವಾಸಿಂಶ್ಚ ಚತುರ್ಭುಜೇತಿ ।
ಕವೀಶ ದೇವಾನ್ತಕನಾಶಕಾರಿನ್ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೩೬॥

ಮಹೇಶಸೂನೋ ಗಜದೈತ್ಯಶತ್ರೋ ವರೇಣ್ಯಸೂನೋ ವಿಕಟ ತ್ರಿನೇತ್ರ ।
ಪರೇಶ ಧರಣೀಧರ ಏಕದನ್ತ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೩೭॥

ಪ್ರಮೋದಮೋದೇತಿ ನರಾನ್ತಕಾರೇ ಷಡೂರ್ಮಿಹನ್ತರ್ಗಜಕರ್ಣ ಢುಣ್ಢೇ ।
ದ್ವನ್ದ್ವಾರಿಸಿನ್ಧೌ ಸ್ಥಿರಭಾವಕಾರಿನ್ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೩೮॥

ವಿನಾಯಕ ಜ್ಞಾನವಿಘಾತಶತ್ರೋ ಪರಾಶರಸ್ಯಾತ್ಮಜ ವಿಷ್ಣುಪುತ್ರ ।
ಅನಾದಿಪೂಜ್ಯಾಖುಗ ಸರ್ವಪೂಜ್ಯ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೩೯॥

ವಿಧೇರ್ಜ ಲಮ್ಬೋದರ ಧೂಮ್ರವರ್ಣ ಮಯೂರಪಾಲೇತಿ ಮಯೂರವಾಹಿನ್ ।
ಸುರಾಸುರೈಃ ಸೇವಿತಪಾದಪದ್ಮ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೦॥

ವರಿನ್ ಮಹಾಖುಧ್ವಜ ಶೂರ್ಪಕರ್ಣ ಶಿವಾಜ ಸಿಂಹಸ್ಥ ಅನನ್ತವಾಹ ।
ದಿತೌಜ ವಿಘ್ನೇಶ್ವರ ಶೇಷನಾಭೇ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೧॥

ಅಣೋರಣೀಯನ್ ಮಹತೋ ಮಹೀಯನ್ ರವೇರ್ಜ ಯೋಗೇಶ ವರಿಷ್ಠರಾಜ ।
ನಿಧೀಶ ಮನ್ತ್ರೇಶ ಚ ಶೇಷಪುತ್ರ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೨॥

ವರಪ್ರದಾತರ್ಹ್ಯದಿತೇಶ್ಚ ಸೂನೋ ಪರಾಶರಜ್ಞಾನದ ತಾರವಕ್ತ್ರ ।
ಗುಹಾಗ್ರಜ ಬ್ರಹ್ಮಪ ಪಾರ್ಶ್ವಪುತ್ರ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೩॥

ಸಿನ್ಧೋಶ್ಚ ಶತ್ರೋ ಪರಶುಪ್ರಪಾಣೇ ಶಮೀಶ ಪುಷ್ಪಪ್ರಿಯ ವಿಘ್ನಹಾರಿನ್ ।
ದೂರ್ವಾಭರೈರರ್ಚಿತ ದೇವದೇವ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೪॥

ಧಿಯಃ ಪ್ರದಾತಶ್ಚ ಶಮೀಪ್ರಿಯೇತಿ ಸುಸಿದ್ಧಿದಾತಶ್ಚ ಸುಶಾನ್ತಿದಾತಃ ।
ಅಮೇಯಮಾಯಾಮಿತವಿಕ್ರಮೇತಿ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೫॥

ದ್ವಿಧಾ ಚತುರ್ಥೀಪ್ರಿಯ ಕಶ್ಯಪಾಜ್ಜ ಧನಪ್ರದ ಜ್ಞಾನಪ್ರದ ಪ್ರಕಾಶ ।
ಚಿನ್ತಾಮಣೇ ಚಿತ್ತವಿಹಾರಕಾರಿನ್ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೬॥

ಯಮಸ್ಯ ಶತ್ರೋ ಅಭಿಮಾನಶತ್ರೋ ವಿಧೇರ್ಜಹನ್ತಃ ಕಪಿಲಸ್ಯ ಸೂನೋ ।
ವಿದೇಹ ಸ್ವಾನನ್ದ ಅಯೋಗಯೋಗ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೭॥

ಗಣಸ್ಯ ಶತ್ರೋ ಕಮಲಸ್ಯ ಶತ್ರೋ ಸಮಸ್ಥ ಭಾವಜ್ಞ ಚ ಭಾಲಚನ್ದ್ರ ।
ಅನಾದಿಮಧ್ಯಾನ್ತಮಯಪ್ರಚಾರಿನ್ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೮॥

ವಿಭೋ ಜಗದ್ರೂಪ ಗುಣೇಶ ಭೂಮನ್ ಪುಷ್ಟೇಃ ಪತೇ ಆಖುಗತೇತಿ ಬೋಧ ।
ಕರ್ತಶ್ಚ ಪಾತಶ್ಚ ತು ಸಂಹರೇತಿ ವದನ್ತಮೇವಂ ತ್ಯಜತ ಪ್ರಭೀತಾಃ ॥ ೪೯॥

ಇದಮಷ್ಟೋತ್ತರಶತಂ ನಾಮ್ನಾಂ ತತ್ ಪ್ರಪಠನ್ತಿ ಯೇ ।
ಶೃಣ್ವನ್ತಿ ತೇಷು ಕುರುತ ಭೀತಾ ಮಾ ವೈ ಪ್ರವೇಶನಮ್ ॥ ೫೦॥

ಭುಕ್ತಿಮುಕ್ತಿಪ್ರದಂ ಢುಣ್ಢೇರ್ಧನಧಾನ್ಯಪ್ರವರ್ಧನಮ್ ।
ಬ್ರಹ್ಮಭೂಯಕರಂ ಸ್ತೋತ್ರಂ ಜಪತೋ ನಿತ್ಯಮಾದರಾತ್ ॥ ೫೧॥

ಯತ್ರ ಕುತ್ರ ಗಣೇಶಸ್ಯ ಚಿಹ್ನಯುಕ್ತಾನಿ ವೈ ಭಟಾಃ ।
ಧಾಮಾನಿ ತತ್ರ ಕುರುತ ಸಮ್ಭೀತಾ ಮಾ ಪ್ರವೇಶನಮ್ ॥ ೫೨॥

ತೇನ ಸಂಸ್ಥಾಪಿತಾಃ ಸರ್ವೇ ಸ್ವಸ್ವಕಾರ್ಯೇಷು ಸೇವಕಾಃ ।
ಕೇಶಾದ್ಯಾಸ್ತತ್ರ ಕೇ ಯೂಯಂ ವಯಂ ಭಜತ ತಂ ಸದಾ ॥ ೫೩॥

ಏವಮುಕ್ತ್ವಾ ಯಮಃ ಸರ್ವಾನ್ ಕಿಙ್ಕರಾನ್ ಮೌನಮಾದಧೇ ।
ಯಾಮಾಃ ಸರ್ವೇ ಗಣೇಶಾನಂ ಭಜತೇ ಭಾವಸಂಯುತಾಃ ॥ ೫೪॥

ಇದಂ ಶಮೀಭವಂ ಪುಣ್ಯಂ ಮಾಹಾತ್ಮ್ಯಂ ಯಃ ಶೃಣೋತಿ ಚೇತ್ ।
ಪಠತಿ ಸಿದ್ಧಿದಂ ತಸ್ಯ ಮನ್ದಾರಸ್ಯ ಭವಿಷ್ಯತಿ ॥ ೫೫॥

॥ ಇತಿ ಶ್ರೀಮದಾನ್ತ್ಯೇ ಪುರಾಣೋಪನಿಷದಿ ಶ್ರೀಮನ್ಮೌದ್ಗಲೇ ಮಹಾಪುರಾಣೇ ಪಞ್ಚಮೇ ಖಣ್ಡೇ ಲಮ್ಬೋದರಚರಿತೇ ಶಮೀಮನ್ದಾರಸ್ಪರ್ಶಮಹಿಮಾವರ್ಣನಂ ನಾಮ ಷಡ್ವಿಂಶತಿತಮಾಽಧ್ಯಾಯಾನ್ತರ್ಗತಂ ಯಮಕೃತಂ ಶ್ರೀಗಣೇಶಾಷ್ಟೋತ್ತರಶತನಾಮಸ್ತೋತ್ರಂ ಸಮಾಪ್ತಮ್ ॥

ಯಮ ಕೃತ ಗಣೇಶಾಷ್ಟೋತ್ತರಶತನಾಮ ಸ್ತೋತ್ರ

Explore More

More Ganesha Stotras

Explore More