॥ চতুৰ্থঃ সৰ্গঃ ॥
॥ স্নিগ্ধমধুসূদনঃ ॥
যমুনাতীৰৱানীৰনিকুঞ্জে মন্দমাস্থিতম্ ।
প্ৰাহ প্ৰেমভৰোদ্ভ্ৰান্তং মাধৱং ৰাধিকাসখী ॥ 25 ॥
যমুনাতীৰৱানীৰনিকুঞ্জে মন্দমাস্থিতম্ ।
প্ৰাহ প্ৰেমভৰোদ্ভ্ৰান্তং মাধৱং ৰাধিকাসখী ॥ 25 ॥
॥ গীতং 8 ॥
নিন্দতি চন্দনমিন্দুকিৰণমনু ৱিন্দতি খেদমধীৰম্ ।
ৱ্যালনিলযমিলনেন গৰলমিৱ কলযতি মলযসমীৰম্ ॥
সা ৱিৰহে তৱ দীনা মাধৱ মনসিজৱিশিখভযাদিৱ ভাৱনযা ত্ৱযি লীনা ॥ 1 ॥
ৱ্যালনিলযমিলনেন গৰলমিৱ কলযতি মলযসমীৰম্ ॥
সা ৱিৰহে তৱ দীনা মাধৱ মনসিজৱিশিখভযাদিৱ ভাৱনযা ত্ৱযি লীনা ॥ 1 ॥
অৱিৰলনিপতিতমদনশৰাদিৱ ভৱদৱনায ৱিশালম্ ।
স্ৱহৃদযৰ্মণী ৱৰ্ম কৰোতি সজলনলিনীদলজালম্ ॥ 2 ॥
স্ৱহৃদযৰ্মণী ৱৰ্ম কৰোতি সজলনলিনীদলজালম্ ॥ 2 ॥
কুসুমৱিশিখশৰতল্পমনল্পৱিলাসকলাকমনীযম্ ।
ৱ্ৰতমিৱ তৱ পৰিৰম্ভসুখায কৰোতি কুসুমশযনীযম্ ॥ 3 ॥
ৱ্ৰতমিৱ তৱ পৰিৰম্ভসুখায কৰোতি কুসুমশযনীযম্ ॥ 3 ॥
ৱহতি চ গলিতৱিলোচনজলভৰমাননকমলমুদাৰম্ ।
ৱিধুমিৱ ৱিকটৱিধুন্তুদদন্তদলনগলিতামৃতধাৰম্ ॥ 4 ॥
ৱিধুমিৱ ৱিকটৱিধুন্তুদদন্তদলনগলিতামৃতধাৰম্ ॥ 4 ॥
ৱিলিখতি ৰহসি কুৰঙ্গমদেন ভৱন্তমসমশৰভূতম্ ।
প্ৰণমতি মকৰমধো ৱিনিধায কৰে চ শৰং নৱচূতম্ ॥ 5 ॥
প্ৰণমতি মকৰমধো ৱিনিধায কৰে চ শৰং নৱচূতম্ ॥ 5 ॥
প্ৰতিপদমিদমপি নিগততি মাধৱ তৱ চৰণে পতিতাহম্ ।
ত্ৱযি ৱিমুখে মযি সপদি সুধানিধিৰপি তনুতে তনুদাহম্ ॥ 6 ॥
ত্ৱযি ৱিমুখে মযি সপদি সুধানিধিৰপি তনুতে তনুদাহম্ ॥ 6 ॥
ধ্যানলযেন পুৰঃ পৰিকল্প্য ভৱন্তমতীৱ দুৰাপম্ ।
ৱিলপতি হসতি ৱিষীদতি ৰোদিতি চঞ্চতি মুঞ্চতি তাপম্ ॥ 7 ॥
ৱিলপতি হসতি ৱিষীদতি ৰোদিতি চঞ্চতি মুঞ্চতি তাপম্ ॥ 7 ॥
শ্ৰীজযদেৱভণিতমিদমধিকং যদি মনসা নটনীযম্ ।
হৰিৱিৰহাকুলবল্লৱযুৱতিসখীৱচনং পঠনীযম্ ॥ 8 ॥
হৰিৱিৰহাকুলবল্লৱযুৱতিসখীৱচনং পঠনীযম্ ॥ 8 ॥
আৱাসো ৱিপিনাযতে প্ৰিযসখীমালাপি জালাযতে তাপোঽপি শ্ৱসিতেন দাৱদহনজ্ৱালাকলাপাযতে ।
সাপি ত্ৱদ্ৱিৰহেণ হন্ত হৰিণীৰূপাযতে হা কথং কন্দৰ্পোঽপি যমাযতে ৱিৰচযঞ্শাৰ্দূলৱিক্ৰীডিতম্ ॥ 26 ॥
সাপি ত্ৱদ্ৱিৰহেণ হন্ত হৰিণীৰূপাযতে হা কথং কন্দৰ্পোঽপি যমাযতে ৱিৰচযঞ্শাৰ্দূলৱিক্ৰীডিতম্ ॥ 26 ॥
॥ গীতং 9 ॥
স্তনৱিনিহিতমপি হাৰমুদাৰম্ ।
সা মনুতে কৃশতনুৰতিভাৰম্ ॥
ৰাধিকা ৱিৰহে তৱ কেশৱ ॥ 1 ॥
সা মনুতে কৃশতনুৰতিভাৰম্ ॥
ৰাধিকা ৱিৰহে তৱ কেশৱ ॥ 1 ॥
সৰসমসৃণমপি মলযজপঙ্কম্ ।
পশ্যতি ৱিষমিৱ ৱপুষি সশঙ্কম্ ॥ 2 ॥
পশ্যতি ৱিষমিৱ ৱপুষি সশঙ্কম্ ॥ 2 ॥
শ্ৱসিতপৱনমনুপমপৰিণাহম্ ।
মদনদহনমিৱ ৱহতি সদাহম্ ॥ 3 ॥
মদনদহনমিৱ ৱহতি সদাহম্ ॥ 3 ॥
দিশি দিশি কিৰতি সজলকণজালম্ ।
নযননলিনমিৱ ৱিগলিতনালম্ ॥ 4 ॥
নযননলিনমিৱ ৱিগলিতনালম্ ॥ 4 ॥
নযনৱিষযমপি কিসলযতল্পম্ ।
কলযতি ৱিহিতহুতাশৱিকল্পম্ ॥ 5 ॥
কলযতি ৱিহিতহুতাশৱিকল্পম্ ॥ 5 ॥
ত্যজতি ন পাণিতলেন কপোলম্ ।
বালশশিনমিৱ সাযমলোলম্ ॥ 6 ॥
বালশশিনমিৱ সাযমলোলম্ ॥ 6 ॥
হৰিৰিতি হৰিৰিতি জপতি সকামম্ ।
ৱিৰহৱিহিতমৰণেন নিকামম্ ॥ 7 ॥
ৱিৰহৱিহিতমৰণেন নিকামম্ ॥ 7 ॥
শ্ৰীজযদেৱভণিতমিতি গীতম্ ।
সুখযতু কেশৱপদমুপুনীতম্ ॥ 8 ॥
সুখযতু কেশৱপদমুপুনীতম্ ॥ 8 ॥
সা ৰোমাঞ্চতি সীত্কৰোতি ৱিলপত্যুত্ক্ম্পতে তাম্যতি ধ্যাযত্যুদ্ভ্ৰমতি প্ৰমীলতি পতত্যুদ্যাতি মূৰ্চ্ছত্যপি ।
এতাৱত্যতনুজ্ৱৰে ৱৰতনুৰ্জীৱেন্ন কিং তে ৰসাত্ স্ৱৰ্ৱৈদ্যপ্ৰতিম প্ৰসীদসি যদি ত্যক্তোঽন্যথা নান্তকঃ ॥ 27 ॥
এতাৱত্যতনুজ্ৱৰে ৱৰতনুৰ্জীৱেন্ন কিং তে ৰসাত্ স্ৱৰ্ৱৈদ্যপ্ৰতিম প্ৰসীদসি যদি ত্যক্তোঽন্যথা নান্তকঃ ॥ 27 ॥
স্মৰাতুৰাং দৈৱতৱৈদ্যহৃদ্য ত্ৱদঙ্গসঙ্গামৃতমাত্ৰসাধ্যাম্ ।
ৱিমুক্তবাধাং কুৰুষে ন ৰাধা-মুপেন্দ্ৰ ৱজ্ৰাদপি দাৰুণোঽসি ॥ 28 ॥
ৱিমুক্তবাধাং কুৰুষে ন ৰাধা-মুপেন্দ্ৰ ৱজ্ৰাদপি দাৰুণোঽসি ॥ 28 ॥
কন্দৰ্পজ্ৱৰসঞ্জ্ৱৰস্তুৰতনোৰাশ্চৰ্যমস্যাশ্চিৰং চেতশ্চন্দনচন্দ্ৰমঃকমলিনীচিন্তাসু সন্তাম্যতি ।
কিন্তু ক্লান্তিৱশেন শীতলতনুং ত্ৱামেকমেৱ প্ৰিযং ধ্যাযন্তী ৰহসি স্থিতা কথমপি ক্ষীণা ক্ষণং প্ৰাণিতি ॥ 29 ॥
কিন্তু ক্লান্তিৱশেন শীতলতনুং ত্ৱামেকমেৱ প্ৰিযং ধ্যাযন্তী ৰহসি স্থিতা কথমপি ক্ষীণা ক্ষণং প্ৰাণিতি ॥ 29 ॥
ক্ষণমপি ৱিৰহঃ পুৰা ন সেহে নযননিমীলনখিন্নযা যযা তে ।
শ্ৱসিতি কথমসৌ ৰসালশাখাং চিৰৱিৰহেণ ৱিলোক্য পুষ্পিতাগ্ৰাম্ ॥ 30 ॥
শ্ৱসিতি কথমসৌ ৰসালশাখাং চিৰৱিৰহেণ ৱিলোক্য পুষ্পিতাগ্ৰাম্ ॥ 30 ॥
॥ ইতি গীতগোৱিন্দে স্নিগ্ধমাধৱো নাম চতুৰ্থঃ সৰ্গঃ ॥