॥ চতুর্থঃ সর্গঃ ॥
॥ স্নিগ্ধমধুসূদনঃ ॥
যমুনাতীরবানীরনিকুঞ্জে মন্দমাস্থিতম্ ।
প্রাহ প্রেমভরোদ্ভ্রান্তং মাধবং রাধিকাসখী ॥ 25 ॥
যমুনাতীরবানীরনিকুঞ্জে মন্দমাস্থিতম্ ।
প্রাহ প্রেমভরোদ্ভ্রান্তং মাধবং রাধিকাসখী ॥ 25 ॥
॥ গীতং 8 ॥
নিন্দতি চন্দনমিন্দুকিরণমনু বিন্দতি খেদমধীরম্ ।
ব্যালনিলযমিলনেন গরলমিব কলযতি মলযসমীরম্ ॥
সা বিরহে তব দীনা মাধব মনসিজবিশিখভযাদিব ভাবনযা ত্বযি লীনা ॥ 1 ॥
ব্যালনিলযমিলনেন গরলমিব কলযতি মলযসমীরম্ ॥
সা বিরহে তব দীনা মাধব মনসিজবিশিখভযাদিব ভাবনযা ত্বযি লীনা ॥ 1 ॥
অবিরলনিপতিতমদনশরাদিব ভবদবনায বিশালম্ ।
স্বহৃদযর্মণী বর্ম করোতি সজলনলিনীদলজালম্ ॥ 2 ॥
স্বহৃদযর্মণী বর্ম করোতি সজলনলিনীদলজালম্ ॥ 2 ॥
কুসুমবিশিখশরতল্পমনল্পবিলাসকলাকমনীযম্ ।
ব্রতমিব তব পরিরম্ভসুখায করোতি কুসুমশযনীযম্ ॥ 3 ॥
ব্রতমিব তব পরিরম্ভসুখায করোতি কুসুমশযনীযম্ ॥ 3 ॥
বহতি চ গলিতবিলোচনজলভরমাননকমলমুদারম্ ।
বিধুমিব বিকটবিধুন্তুদদন্তদলনগলিতামৃতধারম্ ॥ 4 ॥
বিধুমিব বিকটবিধুন্তুদদন্তদলনগলিতামৃতধারম্ ॥ 4 ॥
বিলিখতি রহসি কুরঙ্গমদেন ভবন্তমসমশরভূতম্ ।
প্রণমতি মকরমধো বিনিধায করে চ শরং নবচূতম্ ॥ 5 ॥
প্রণমতি মকরমধো বিনিধায করে চ শরং নবচূতম্ ॥ 5 ॥
প্রতিপদমিদমপি নিগততি মাধব তব চরণে পতিতাহম্ ।
ত্বযি বিমুখে মযি সপদি সুধানিধিরপি তনুতে তনুদাহম্ ॥ 6 ॥
ত্বযি বিমুখে মযি সপদি সুধানিধিরপি তনুতে তনুদাহম্ ॥ 6 ॥
ধ্যানলযেন পুরঃ পরিকল্প্য ভবন্তমতীব দুরাপম্ ।
বিলপতি হসতি বিষীদতি রোদিতি চঞ্চতি মুঞ্চতি তাপম্ ॥ 7 ॥
বিলপতি হসতি বিষীদতি রোদিতি চঞ্চতি মুঞ্চতি তাপম্ ॥ 7 ॥
শ্রীজযদেবভণিতমিদমধিকং যদি মনসা নটনীযম্ ।
হরিবিরহাকুলবল্লবযুবতিসখীবচনং পঠনীযম্ ॥ 8 ॥
হরিবিরহাকুলবল্লবযুবতিসখীবচনং পঠনীযম্ ॥ 8 ॥
আবাসো বিপিনাযতে প্রিযসখীমালাপি জালাযতে তাপোঽপি শ্বসিতেন দাবদহনজ্বালাকলাপাযতে ।
সাপি ত্বদ্বিরহেণ হন্ত হরিণীরূপাযতে হা কথং কন্দর্পোঽপি যমাযতে বিরচযঞ্শার্দূলবিক্রীডিতম্ ॥ 26 ॥
সাপি ত্বদ্বিরহেণ হন্ত হরিণীরূপাযতে হা কথং কন্দর্পোঽপি যমাযতে বিরচযঞ্শার্দূলবিক্রীডিতম্ ॥ 26 ॥
॥ গীতং 9 ॥
স্তনবিনিহিতমপি হারমুদারম্ ।
সা মনুতে কৃশতনুরতিভারম্ ॥
রাধিকা বিরহে তব কেশব ॥ 1 ॥
সা মনুতে কৃশতনুরতিভারম্ ॥
রাধিকা বিরহে তব কেশব ॥ 1 ॥
সরসমসৃণমপি মলযজপঙ্কম্ ।
পশ্যতি বিষমিব বপুষি সশঙ্কম্ ॥ 2 ॥
পশ্যতি বিষমিব বপুষি সশঙ্কম্ ॥ 2 ॥
শ্বসিতপবনমনুপমপরিণাহম্ ।
মদনদহনমিব বহতি সদাহম্ ॥ 3 ॥
মদনদহনমিব বহতি সদাহম্ ॥ 3 ॥
দিশি দিশি কিরতি সজলকণজালম্ ।
নযননলিনমিব বিগলিতনালম্ ॥ 4 ॥
নযননলিনমিব বিগলিতনালম্ ॥ 4 ॥
নযনবিষযমপি কিসলযতল্পম্ ।
কলযতি বিহিতহুতাশবিকল্পম্ ॥ 5 ॥
কলযতি বিহিতহুতাশবিকল্পম্ ॥ 5 ॥
ত্যজতি ন পাণিতলেন কপোলম্ ।
বালশশিনমিব সাযমলোলম্ ॥ 6 ॥
বালশশিনমিব সাযমলোলম্ ॥ 6 ॥
হরিরিতি হরিরিতি জপতি সকামম্ ।
বিরহবিহিতমরণেন নিকামম্ ॥ 7 ॥
বিরহবিহিতমরণেন নিকামম্ ॥ 7 ॥
শ্রীজযদেবভণিতমিতি গীতম্ ।
সুখযতু কেশবপদমুপুনীতম্ ॥ 8 ॥
সুখযতু কেশবপদমুপুনীতম্ ॥ 8 ॥
সা রোমাঞ্চতি সীত্করোতি বিলপত্যুত্ক্ম্পতে তাম্যতি ধ্যাযত্যুদ্ভ্রমতি প্রমীলতি পতত্যুদ্যাতি মূর্চ্ছত্যপি ।
এতাবত্যতনুজ্বরে বরতনুর্জীবেন্ন কিং তে রসাত্ স্বর্বৈদ্যপ্রতিম প্রসীদসি যদি ত্যক্তোঽন্যথা নান্তকঃ ॥ 27 ॥
এতাবত্যতনুজ্বরে বরতনুর্জীবেন্ন কিং তে রসাত্ স্বর্বৈদ্যপ্রতিম প্রসীদসি যদি ত্যক্তোঽন্যথা নান্তকঃ ॥ 27 ॥
স্মরাতুরাং দৈবতবৈদ্যহৃদ্য ত্বদঙ্গসঙ্গামৃতমাত্রসাধ্যাম্ ।
বিমুক্তবাধাং কুরুষে ন রাধা-মুপেন্দ্র বজ্রাদপি দারুণোঽসি ॥ 28 ॥
বিমুক্তবাধাং কুরুষে ন রাধা-মুপেন্দ্র বজ্রাদপি দারুণোঽসি ॥ 28 ॥
কন্দর্পজ্বরসঞ্জ্বরস্তুরতনোরাশ্চর্যমস্যাশ্চিরং চেতশ্চন্দনচন্দ্রমঃকমলিনীচিন্তাসু সন্তাম্যতি ।
কিন্তু ক্লান্তিবশেন শীতলতনুং ত্বামেকমেব প্রিযং ধ্যাযন্তী রহসি স্থিতা কথমপি ক্ষীণা ক্ষণং প্রাণিতি ॥ 29 ॥
কিন্তু ক্লান্তিবশেন শীতলতনুং ত্বামেকমেব প্রিযং ধ্যাযন্তী রহসি স্থিতা কথমপি ক্ষীণা ক্ষণং প্রাণিতি ॥ 29 ॥
ক্ষণমপি বিরহঃ পুরা ন সেহে নযননিমীলনখিন্নযা যযা তে ।
শ্বসিতি কথমসৌ রসালশাখাং চিরবিরহেণ বিলোক্য পুষ্পিতাগ্রাম্ ॥ 30 ॥
শ্বসিতি কথমসৌ রসালশাখাং চিরবিরহেণ বিলোক্য পুষ্পিতাগ্রাম্ ॥ 30 ॥
॥ ইতি গীতগোবিন্দে স্নিগ্ধমাধবো নাম চতুর্থঃ সর্গঃ ॥