॥ পঞ্চমঃ সৰ্গঃ ॥
॥ সাকাঙ্ক্ষপুণ্ডৰীকাক্ষঃ ॥
অহমিহ নিৱসামি যাহি ৰাধাং অনুনয মদ্ৱচনেন চানযেথাঃ ।
ইতি মধুৰিপুণা সখী নিযুক্তা স্ৱযমিদমেত্য পুনৰ্জগাদ ৰাধাম্ ॥ 31 ॥
অহমিহ নিৱসামি যাহি ৰাধাং অনুনয মদ্ৱচনেন চানযেথাঃ ।
ইতি মধুৰিপুণা সখী নিযুক্তা স্ৱযমিদমেত্য পুনৰ্জগাদ ৰাধাম্ ॥ 31 ॥
॥ গীতং 10 ॥
ৱহতি মলযসমীৰে মদনমুপনিধায ।
স্ফুটতি কুসুমনিকৰে ৱিৰহিহৃদযদলনায ॥
তৱ ৱিৰহে ৱনমালী সখি সীদতি ॥ 1 ॥
স্ফুটতি কুসুমনিকৰে ৱিৰহিহৃদযদলনায ॥
তৱ ৱিৰহে ৱনমালী সখি সীদতি ॥ 1 ॥
দহতি শিশিৰমযূখে মৰণমনুকৰোতি ।
পততি মদনৱিশিখে ৱিলপতি ৱিকলতৰোঽতি ॥ 2 ॥
পততি মদনৱিশিখে ৱিলপতি ৱিকলতৰোঽতি ॥ 2 ॥
ধ্ৱনতি মধুপসমূহে শ্ৰৱণমপিদধাতি ।
মনসি চলিতৱিৰহে নিশি নিশি ৰুজমুপযাতি ॥ 3 ॥
মনসি চলিতৱিৰহে নিশি নিশি ৰুজমুপযাতি ॥ 3 ॥
ৱসতি ৱিপিনৱিতানে ত্যজতি ললিতধাম ।
লুঠতি ধৰণিশযনে বহু ৱিলপতি তৱ নাম ॥ 4 ॥
লুঠতি ধৰণিশযনে বহু ৱিলপতি তৱ নাম ॥ 4 ॥
ৰণতি পিকসমৱাযে প্ৰতিদিশমনুযাতি ।
হসতি মনুজনিচযে ৱিৰহমপলপতি নেতি ॥ 5 ॥
হসতি মনুজনিচযে ৱিৰহমপলপতি নেতি ॥ 5 ॥
স্ফুৰতি কলৰৱৰাৱে স্মৰতি মণিতমেৱ।
তৱৰতিসুখৱিভৱে গণযতি সুগুণমতীৱ ॥ 6 ॥
তৱৰতিসুখৱিভৱে গণযতি সুগুণমতীৱ ॥ 6 ॥
ত্ৱদভিধশুভদমাসং ৱদতি নৰি শৃণোতি ।
তমপি জপতি সৰসং যুৱতিষু ন ৰতিমুপৈতি ॥ 7 ॥
তমপি জপতি সৰসং যুৱতিষু ন ৰতিমুপৈতি ॥ 7 ॥
ভণতি কৱিজযদেৱে ৱিৰহৱিলসিতেন ।
মনসি ৰভসৱিভৱে হৰিৰুদযতু সুকৃতেন ॥ 8 ॥
মনসি ৰভসৱিভৱে হৰিৰুদযতু সুকৃতেন ॥ 8 ॥
পূৰ্ৱং যত্ৰ সমং ত্ৱযা ৰতিপতেৰাসাদিতঃ সিদ্ধয-স্তস্মিন্নেৱ নিকুঞ্জমন্মথমহাতীৰ্থে পুনৰ্মাধৱঃ ।
ধ্যাযংস্ত্ৱামনিশং জপন্নপি তৱৈৱালাপমন্ত্ৰাৱলীং ভূযস্ত্ৱত্কুচকুম্ভনিৰ্ভৰপৰীৰম্ভামৃতং ৱাঞ্ছতি ॥ 32 ॥
ধ্যাযংস্ত্ৱামনিশং জপন্নপি তৱৈৱালাপমন্ত্ৰাৱলীং ভূযস্ত্ৱত্কুচকুম্ভনিৰ্ভৰপৰীৰম্ভামৃতং ৱাঞ্ছতি ॥ 32 ॥
॥ গীতং 11 ॥
ৰতিসুখসাৰে গতমভিসাৰে মদনমনোহৰৱেশম্ ।
ন কুৰু নিতম্বিনি গমনৱিলম্বনমনুসৰ তং হৃদযেশম্ ॥
ধীৰসমীৰে যমুনাতীৰে ৱসতি ৱনে ৱনমালী ॥ 1 ॥
ন কুৰু নিতম্বিনি গমনৱিলম্বনমনুসৰ তং হৃদযেশম্ ॥
ধীৰসমীৰে যমুনাতীৰে ৱসতি ৱনে ৱনমালী ॥ 1 ॥
নাম সমেতং কৃতসঙ্কেতং ৱাদযতে মৃদুৱেণুম্ ।
বহু মনুতে ননু তে তনুসঙ্গতপৱনচলিতমপি ৰেণুম্ ॥ 2 ॥
বহু মনুতে ননু তে তনুসঙ্গতপৱনচলিতমপি ৰেণুম্ ॥ 2 ॥
পততি পতত্ৰে ৱিচলতি পত্ৰে শঙ্কিতভৱদুপযানম্ ।
ৰচযতি শযনং সচকিতনযনং পশ্যতি তৱ পন্থানম্ ॥ 3 ॥
ৰচযতি শযনং সচকিতনযনং পশ্যতি তৱ পন্থানম্ ॥ 3 ॥
মুখৰমধীৰং ত্যজ মঞ্জীৰং ৰিপুমিৱ কেলিষুলোলম্ ।
চল সখি কুঞ্জং সতিমিৰপুঞ্জং শীলয নীলনিচোলম্ ॥ 4 ॥
চল সখি কুঞ্জং সতিমিৰপুঞ্জং শীলয নীলনিচোলম্ ॥ 4 ॥
উৰসি মুৰাৰেৰুপহিতহাৰে ঘন ইৱ তৰলবলাকে ।
তটিদিৱ পীতে ৰতিৱিপৰীতে ৰাজসি সুকৃতৱিপাকে ॥ 5 ॥
তটিদিৱ পীতে ৰতিৱিপৰীতে ৰাজসি সুকৃতৱিপাকে ॥ 5 ॥
ৱিগলিতৱসনং পৰিহৃতৰসনং ঘটয জঘনমপিধানম্ ।
কিসলযশযনে পঙ্কজনযনে নিধিমিৱ হৰ্ষনিদানম্ ॥ 6 ॥
কিসলযশযনে পঙ্কজনযনে নিধিমিৱ হৰ্ষনিদানম্ ॥ 6 ॥
হৰিৰভিমানী ৰজনিৰিদানীমিযমপি যাতি ৱিৰামম্ ।
কুৰু মম ৱচনং সত্ৱৰৰচনং পূৰয মধুৰিপুকামম্ ॥ 7 ॥
কুৰু মম ৱচনং সত্ৱৰৰচনং পূৰয মধুৰিপুকামম্ ॥ 7 ॥
শ্ৰীজযদেৱে কৃতহৰিসেৱে ভণতি পৰমৰমণীযম্ ।
প্ৰমুদিতহৃদযং হৰিমতিসদযং নমত সুকৃতকমনীযম্ ॥ 8 ॥
প্ৰমুদিতহৃদযং হৰিমতিসদযং নমত সুকৃতকমনীযম্ ॥ 8 ॥
ৱিকিৰতি মুহুঃ শ্ৱাসান্দিশঃ পুৰো মুহুৰীক্ষতে প্ৰৱিশতি মুহুঃ কুঞ্জং গুঞ্জন্মুহুৰ্বহু তাম্যতি ।
ৰচযতি মুহুঃ শয্যাং পৰ্যাকুলং মুহুৰীক্ষতে মদনকদনক্লান্তঃ কান্তে প্ৰিযস্তৱ ৱৰ্ততে ॥ 33 ॥
ৰচযতি মুহুঃ শয্যাং পৰ্যাকুলং মুহুৰীক্ষতে মদনকদনক্লান্তঃ কান্তে প্ৰিযস্তৱ ৱৰ্ততে ॥ 33 ॥
ত্ৱদ্ৱাম্যেন সমং সমগ্ৰমধুনা তিগ্মাংশুৰস্তং গতো গোৱিন্দস্য মনোৰথেন চ সমং প্ৰাপ্তং তমঃ সান্দ্ৰতাম্ ।
কোকানাং কৰুণস্ৱনেন সদৃশী দীৰ্ঘা মদভ্যৰ্থনা তন্মুগ্ধে ৱিফলং ৱিলম্বনমসৌ ৰম্যোঽভিসাৰক্ষণঃ ॥ 34 ॥
কোকানাং কৰুণস্ৱনেন সদৃশী দীৰ্ঘা মদভ্যৰ্থনা তন্মুগ্ধে ৱিফলং ৱিলম্বনমসৌ ৰম্যোঽভিসাৰক্ষণঃ ॥ 34 ॥
আশ্লেষাদনু চুম্বনাদনু নখোল্লেখাদনু স্ৱান্তজ-প্ৰোদ্বোধাদনু সম্ভ্ৰমাদনু ৰতাৰম্ভাদনু প্ৰীতযোঃ ।
অন্যাৰ্থং গতযোৰ্ভ্ৰমান্মিলিতযোঃ সম্ভাষণৈৰ্জানতো-ৰ্দম্পত্যোৰিহ কো ন কো ন তমসি ৱ্ৰীডাৱিমিশ্ৰো ৰসঃ ॥ 35 ॥
অন্যাৰ্থং গতযোৰ্ভ্ৰমান্মিলিতযোঃ সম্ভাষণৈৰ্জানতো-ৰ্দম্পত্যোৰিহ কো ন কো ন তমসি ৱ্ৰীডাৱিমিশ্ৰো ৰসঃ ॥ 35 ॥
সভযচকিতং ৱিন্যস্যন্তীং দৃশৌ তিমিৰে পথি প্ৰতিতৰু মুহুঃ স্থিত্ৱা মন্দং পদানি ৱিতন্ৱতীম্ ।
কথমপি ৰহঃ প্ৰাপ্তামঙ্গৈৰনঙ্গতৰঙ্গিভিঃ সুমুখি সুভগঃ পশ্যন্স ত্ৱামুপৈতু কৃতাৰ্থতাম্ ॥ 36 ॥
কথমপি ৰহঃ প্ৰাপ্তামঙ্গৈৰনঙ্গতৰঙ্গিভিঃ সুমুখি সুভগঃ পশ্যন্স ত্ৱামুপৈতু কৃতাৰ্থতাম্ ॥ 36 ॥
ৰাধামুগ্ধমুখাৰৱিন্দমধুপস্ত্ৰৈলোক্যমৌলিস্থলী নেপথ্যোচিতনীলৰত্নমৱনীভাৰাৱতাৰান্তকঃ।
স্ৱচ্ছন্দং ৱ্ৰজসুব্দৰীজনমনস্তোষপ্ৰদোষোদযঃ কংসধ্ৱংসনধূমকেতুৰৱতু ত্ৱাং দেৱকীনন্দনঃ॥ 36 + 1 ॥
স্ৱচ্ছন্দং ৱ্ৰজসুব্দৰীজনমনস্তোষপ্ৰদোষোদযঃ কংসধ্ৱংসনধূমকেতুৰৱতু ত্ৱাং দেৱকীনন্দনঃ॥ 36 + 1 ॥
॥ ইতি শ্ৰীগীতগোৱিন্দেঽভিসাৰিকৱৰ্ণনে সাকাঙ্ক্ষপুণ্ডৰীকাক্ষো নাম পঞ্চমঃ সৰ্গঃ ॥