॥ પઞ્ચમઃ સર્ગઃ ॥
॥ સાકાઙ્ક્ષપુણ્ડરીકાક્ષઃ ॥
અહમિહ નિવસામિ યાહિ રાધાં અનુનય મદ્વચનેન ચાનયેથાઃ ।
ઇતિ મધુરિપુણા સખી નિયુક્તા સ્વયમિદમેત્ય પુનર્જગાદ રાધામ્ ॥ 31 ॥
અહમિહ નિવસામિ યાહિ રાધાં અનુનય મદ્વચનેન ચાનયેથાઃ ।
ઇતિ મધુરિપુણા સખી નિયુક્તા સ્વયમિદમેત્ય પુનર્જગાદ રાધામ્ ॥ 31 ॥
॥ ગીતં 10 ॥
વહતિ મલયસમીરે મદનમુપનિધાય ।
સ્ફુટતિ કુસુમનિકરે વિરહિહૃદયદલનાય ॥
તવ વિરહે વનમાલી સખિ સીદતિ ॥ 1 ॥
સ્ફુટતિ કુસુમનિકરે વિરહિહૃદયદલનાય ॥
તવ વિરહે વનમાલી સખિ સીદતિ ॥ 1 ॥
દહતિ શિશિરમયૂખે મરણમનુકરોતિ ।
પતતિ મદનવિશિખે વિલપતિ વિકલતરોઽતિ ॥ 2 ॥
પતતિ મદનવિશિખે વિલપતિ વિકલતરોઽતિ ॥ 2 ॥
ધ્વનતિ મધુપસમૂહે શ્રવણમપિદધાતિ ।
મનસિ ચલિતવિરહે નિશિ નિશિ રુજમુપયાતિ ॥ 3 ॥
મનસિ ચલિતવિરહે નિશિ નિશિ રુજમુપયાતિ ॥ 3 ॥
વસતિ વિપિનવિતાને ત્યજતિ લલિતધામ ।
લુઠતિ ધરણિશયને બહુ વિલપતિ તવ નામ ॥ 4 ॥
લુઠતિ ધરણિશયને બહુ વિલપતિ તવ નામ ॥ 4 ॥
રણતિ પિકસમવાયે પ્રતિદિશમનુયાતિ ।
હસતિ મનુજનિચયે વિરહમપલપતિ નેતિ ॥ 5 ॥
હસતિ મનુજનિચયે વિરહમપલપતિ નેતિ ॥ 5 ॥
સ્ફુરતિ કલરવરાવે સ્મરતિ મણિતમેવ।
તવરતિસુખવિભવે ગણયતિ સુગુણમતીવ ॥ 6 ॥
તવરતિસુખવિભવે ગણયતિ સુગુણમતીવ ॥ 6 ॥
ત્વદભિધશુભદમાસં વદતિ નરિ શૃણોતિ ।
તમપિ જપતિ સરસં યુવતિષુ ન રતિમુપૈતિ ॥ 7 ॥
તમપિ જપતિ સરસં યુવતિષુ ન રતિમુપૈતિ ॥ 7 ॥
ભણતિ કવિજયદેવે વિરહવિલસિતેન ।
મનસિ રભસવિભવે હરિરુદયતુ સુકૃતેન ॥ 8 ॥
મનસિ રભસવિભવે હરિરુદયતુ સુકૃતેન ॥ 8 ॥
પૂર્વં યત્ર સમં ત્વયા રતિપતેરાસાદિતઃ સિદ્ધય-સ્તસ્મિન્નેવ નિકુઞ્જમન્મથમહાતીર્થે પુનર્માધવઃ ।
ધ્યાયંસ્ત્વામનિશં જપન્નપિ તવૈવાલાપમન્ત્રાવલીં ભૂયસ્ત્વત્કુચકુમ્ભનિર્ભરપરીરમ્ભામૃતં વાઞ્છતિ ॥ 32 ॥
ધ્યાયંસ્ત્વામનિશં જપન્નપિ તવૈવાલાપમન્ત્રાવલીં ભૂયસ્ત્વત્કુચકુમ્ભનિર્ભરપરીરમ્ભામૃતં વાઞ્છતિ ॥ 32 ॥
॥ ગીતં 11 ॥
રતિસુખસારે ગતમભિસારે મદનમનોહરવેશમ્ ।
ન કુરુ નિતમ્બિનિ ગમનવિલમ્બનમનુસર તં હૃદયેશમ્ ॥
ધીરસમીરે યમુનાતીરે વસતિ વને વનમાલી ॥ 1 ॥
ન કુરુ નિતમ્બિનિ ગમનવિલમ્બનમનુસર તં હૃદયેશમ્ ॥
ધીરસમીરે યમુનાતીરે વસતિ વને વનમાલી ॥ 1 ॥
નામ સમેતં કૃતસઙ્કેતં વાદયતે મૃદુવેણુમ્ ।
બહુ મનુતે નનુ તે તનુસઙ્ગતપવનચલિતમપિ રેણુમ્ ॥ 2 ॥
બહુ મનુતે નનુ તે તનુસઙ્ગતપવનચલિતમપિ રેણુમ્ ॥ 2 ॥
પતતિ પતત્રે વિચલતિ પત્રે શઙ્કિતભવદુપયાનમ્ ।
રચયતિ શયનં સચકિતનયનં પશ્યતિ તવ પન્થાનમ્ ॥ 3 ॥
રચયતિ શયનં સચકિતનયનં પશ્યતિ તવ પન્થાનમ્ ॥ 3 ॥
મુખરમધીરં ત્યજ મઞ્જીરં રિપુમિવ કેલિષુલોલમ્ ।
ચલ સખિ કુઞ્જં સતિમિરપુઞ્જં શીલય નીલનિચોલમ્ ॥ 4 ॥
ચલ સખિ કુઞ્જં સતિમિરપુઞ્જં શીલય નીલનિચોલમ્ ॥ 4 ॥
ઉરસિ મુરારેરુપહિતહારે ઘન ઇવ તરલબલાકે ।
તટિદિવ પીતે રતિવિપરીતે રાજસિ સુકૃતવિપાકે ॥ 5 ॥
તટિદિવ પીતે રતિવિપરીતે રાજસિ સુકૃતવિપાકે ॥ 5 ॥
વિગલિતવસનં પરિહૃતરસનં ઘટય જઘનમપિધાનમ્ ।
કિસલયશયને પઙ્કજનયને નિધિમિવ હર્ષનિદાનમ્ ॥ 6 ॥
કિસલયશયને પઙ્કજનયને નિધિમિવ હર્ષનિદાનમ્ ॥ 6 ॥
હરિરભિમાની રજનિરિદાનીમિયમપિ યાતિ વિરામમ્ ।
કુરુ મમ વચનં સત્વરરચનં પૂરય મધુરિપુકામમ્ ॥ 7 ॥
કુરુ મમ વચનં સત્વરરચનં પૂરય મધુરિપુકામમ્ ॥ 7 ॥
શ્રીજયદેવે કૃતહરિસેવે ભણતિ પરમરમણીયમ્ ।
પ્રમુદિતહૃદયં હરિમતિસદયં નમત સુકૃતકમનીયમ્ ॥ 8 ॥
પ્રમુદિતહૃદયં હરિમતિસદયં નમત સુકૃતકમનીયમ્ ॥ 8 ॥
વિકિરતિ મુહુઃ શ્વાસાન્દિશઃ પુરો મુહુરીક્ષતે પ્રવિશતિ મુહુઃ કુઞ્જં ગુઞ્જન્મુહુર્બહુ તામ્યતિ ।
રચયતિ મુહુઃ શય્યાં પર્યાકુલં મુહુરીક્ષતે મદનકદનક્લાન્તઃ કાન્તે પ્રિયસ્તવ વર્તતે ॥ 33 ॥
રચયતિ મુહુઃ શય્યાં પર્યાકુલં મુહુરીક્ષતે મદનકદનક્લાન્તઃ કાન્તે પ્રિયસ્તવ વર્તતે ॥ 33 ॥
ત્વદ્વામ્યેન સમં સમગ્રમધુના તિગ્માંશુરસ્તં ગતો ગોવિન્દસ્ય મનોરથેન ચ સમં પ્રાપ્તં તમઃ સાન્દ્રતામ્ ।
કોકાનાં કરુણસ્વનેન સદૃશી દીર્ઘા મદભ્યર્થના તન્મુગ્ધે વિફલં વિલમ્બનમસૌ રમ્યોઽભિસારક્ષણઃ ॥ 34 ॥
કોકાનાં કરુણસ્વનેન સદૃશી દીર્ઘા મદભ્યર્થના તન્મુગ્ધે વિફલં વિલમ્બનમસૌ રમ્યોઽભિસારક્ષણઃ ॥ 34 ॥
આશ્લેષાદનુ ચુમ્બનાદનુ નખોલ્લેખાદનુ સ્વાન્તજ-પ્રોદ્બોધાદનુ સમ્ભ્રમાદનુ રતારમ્ભાદનુ પ્રીતયોઃ ।
અન્યાર્થં ગતયોર્ભ્રમાન્મિલિતયોઃ સમ્ભાષણૈર્જાનતો-ર્દમ્પત્યોરિહ કો ન કો ન તમસિ વ્રીડાવિમિશ્રો રસઃ ॥ 35 ॥
અન્યાર્થં ગતયોર્ભ્રમાન્મિલિતયોઃ સમ્ભાષણૈર્જાનતો-ર્દમ્પત્યોરિહ કો ન કો ન તમસિ વ્રીડાવિમિશ્રો રસઃ ॥ 35 ॥
સભયચકિતં વિન્યસ્યન્તીં દૃશૌ તિમિરે પથિ પ્રતિતરુ મુહુઃ સ્થિત્વા મન્દં પદાનિ વિતન્વતીમ્ ।
કથમપિ રહઃ પ્રાપ્તામઙ્ગૈરનઙ્ગતરઙ્ગિભિઃ સુમુખિ સુભગઃ પશ્યન્સ ત્વામુપૈતુ કૃતાર્થતામ્ ॥ 36 ॥
કથમપિ રહઃ પ્રાપ્તામઙ્ગૈરનઙ્ગતરઙ્ગિભિઃ સુમુખિ સુભગઃ પશ્યન્સ ત્વામુપૈતુ કૃતાર્થતામ્ ॥ 36 ॥
રાધામુગ્ધમુખારવિન્દમધુપસ્ત્રૈલોક્યમૌલિસ્થલી નેપથ્યોચિતનીલરત્નમવનીભારાવતારાન્તકઃ।
સ્વચ્છન્દં વ્રજસુબ્દરીજનમનસ્તોષપ્રદોષોદયઃ કંસધ્વંસનધૂમકેતુરવતુ ત્વાં દેવકીનન્દનઃ॥ 36 + 1 ॥
સ્વચ્છન્દં વ્રજસુબ્દરીજનમનસ્તોષપ્રદોષોદયઃ કંસધ્વંસનધૂમકેતુરવતુ ત્વાં દેવકીનન્દનઃ॥ 36 + 1 ॥
॥ ઇતિ શ્રીગીતગોવિન્દેઽભિસારિકવર્ણને સાકાઙ્ક્ષપુણ્ડરીકાક્ષો નામ પઞ્ચમઃ સર્ગઃ ॥