॥ ಪಞ್ಚಮಃ ಸರ್ಗಃ ॥
॥ ಸಾಕಾಙ್ಕ್ಷಪುಣ್ಡರೀಕಾಕ್ಷಃ ॥
ಅಹಮಿಹ ನಿವಸಾಮಿ ಯಾಹಿ ರಾಧಾಂ ಅನುನಯ ಮದ್ವಚನೇನ ಚಾನಯೇಥಾಃ ।
ಇತಿ ಮಧುರಿಪುಣಾ ಸಖೀ ನಿಯುಕ್ತಾ ಸ್ವಯಮಿದಮೇತ್ಯ ಪುನರ್ಜಗಾದ ರಾಧಾಮ್ ॥ 31 ॥
ಅಹಮಿಹ ನಿವಸಾಮಿ ಯಾಹಿ ರಾಧಾಂ ಅನುನಯ ಮದ್ವಚನೇನ ಚಾನಯೇಥಾಃ ।
ಇತಿ ಮಧುರಿಪುಣಾ ಸಖೀ ನಿಯುಕ್ತಾ ಸ್ವಯಮಿದಮೇತ್ಯ ಪುನರ್ಜಗಾದ ರಾಧಾಮ್ ॥ 31 ॥
॥ ಗೀತಂ 10 ॥
ವಹತಿ ಮಲಯಸಮೀರೇ ಮದನಮುಪನಿಧಾಯ ।
ಸ್ಫುಟತಿ ಕುಸುಮನಿಕರೇ ವಿರಹಿಹೃದಯದಲನಾಯ ॥
ತವ ವಿರಹೇ ವನಮಾಲೀ ಸಖಿ ಸೀದತಿ ॥ 1 ॥
ಸ್ಫುಟತಿ ಕುಸುಮನಿಕರೇ ವಿರಹಿಹೃದಯದಲನಾಯ ॥
ತವ ವಿರಹೇ ವನಮಾಲೀ ಸಖಿ ಸೀದತಿ ॥ 1 ॥
ದಹತಿ ಶಿಶಿರಮಯೂಖೇ ಮರಣಮನುಕರೋತಿ ।
ಪತತಿ ಮದನವಿಶಿಖೇ ವಿಲಪತಿ ವಿಕಲತರೋಽತಿ ॥ 2 ॥
ಪತತಿ ಮದನವಿಶಿಖೇ ವಿಲಪತಿ ವಿಕಲತರೋಽತಿ ॥ 2 ॥
ಧ್ವನತಿ ಮಧುಪಸಮೂಹೇ ಶ್ರವಣಮಪಿದಧಾತಿ ।
ಮನಸಿ ಚಲಿತವಿರಹೇ ನಿಶಿ ನಿಶಿ ರುಜಮುಪಯಾತಿ ॥ 3 ॥
ಮನಸಿ ಚಲಿತವಿರಹೇ ನಿಶಿ ನಿಶಿ ರುಜಮುಪಯಾತಿ ॥ 3 ॥
ವಸತಿ ವಿಪಿನವಿತಾನೇ ತ್ಯಜತಿ ಲಲಿತಧಾಮ ।
ಲುಠತಿ ಧರಣಿಶಯನೇ ಬಹು ವಿಲಪತಿ ತವ ನಾಮ ॥ 4 ॥
ಲುಠತಿ ಧರಣಿಶಯನೇ ಬಹು ವಿಲಪತಿ ತವ ನಾಮ ॥ 4 ॥
ರಣತಿ ಪಿಕಸಮವಾಯೇ ಪ್ರತಿದಿಶಮನುಯಾತಿ ।
ಹಸತಿ ಮನುಜನಿಚಯೇ ವಿರಹಮಪಲಪತಿ ನೇತಿ ॥ 5 ॥
ಹಸತಿ ಮನುಜನಿಚಯೇ ವಿರಹಮಪಲಪತಿ ನೇತಿ ॥ 5 ॥
ಸ್ಫುರತಿ ಕಲರವರಾವೇ ಸ್ಮರತಿ ಮಣಿತಮೇವ।
ತವರತಿಸುಖವಿಭವೇ ಗಣಯತಿ ಸುಗುಣಮತೀವ ॥ 6 ॥
ತವರತಿಸುಖವಿಭವೇ ಗಣಯತಿ ಸುಗುಣಮತೀವ ॥ 6 ॥
ತ್ವದಭಿಧಶುಭದಮಾಸಂ ವದತಿ ನರಿ ಶೃಣೋತಿ ।
ತಮಪಿ ಜಪತಿ ಸರಸಂ ಯುವತಿಷು ನ ರತಿಮುಪೈತಿ ॥ 7 ॥
ತಮಪಿ ಜಪತಿ ಸರಸಂ ಯುವತಿಷು ನ ರತಿಮುಪೈತಿ ॥ 7 ॥
ಭಣತಿ ಕವಿಜಯದೇವೇ ವಿರಹವಿಲಸಿತೇನ ।
ಮನಸಿ ರಭಸವಿಭವೇ ಹರಿರುದಯತು ಸುಕೃತೇನ ॥ 8 ॥
ಮನಸಿ ರಭಸವಿಭವೇ ಹರಿರುದಯತು ಸುಕೃತೇನ ॥ 8 ॥
ಪೂರ್ವಂ ಯತ್ರ ಸಮಂ ತ್ವಯಾ ರತಿಪತೇರಾಸಾದಿತಃ ಸಿದ್ಧಯ-ಸ್ತಸ್ಮಿನ್ನೇವ ನಿಕುಞ್ಜಮನ್ಮಥಮಹಾತೀರ್ಥೇ ಪುನರ್ಮಾಧವಃ ।
ಧ್ಯಾಯಂಸ್ತ್ವಾಮನಿಶಂ ಜಪನ್ನಪಿ ತವೈವಾಲಾಪಮನ್ತ್ರಾವಲೀಂ ಭೂಯಸ್ತ್ವತ್ಕುಚಕುಮ್ಭನಿರ್ಭರಪರೀರಮ್ಭಾಮೃತಂ ವಾಞ್ಛತಿ ॥ 32 ॥
ಧ್ಯಾಯಂಸ್ತ್ವಾಮನಿಶಂ ಜಪನ್ನಪಿ ತವೈವಾಲಾಪಮನ್ತ್ರಾವಲೀಂ ಭೂಯಸ್ತ್ವತ್ಕುಚಕುಮ್ಭನಿರ್ಭರಪರೀರಮ್ಭಾಮೃತಂ ವಾಞ್ಛತಿ ॥ 32 ॥
॥ ಗೀತಂ 11 ॥
ರತಿಸುಖಸಾರೇ ಗತಮಭಿಸಾರೇ ಮದನಮನೋಹರವೇಶಮ್ ।
ನ ಕುರು ನಿತಮ್ಬಿನಿ ಗಮನವಿಲಮ್ಬನಮನುಸರ ತಂ ಹೃದಯೇಶಮ್ ॥
ಧೀರಸಮೀರೇ ಯಮುನಾತೀರೇ ವಸತಿ ವನೇ ವನಮಾಲೀ ॥ 1 ॥
ನ ಕುರು ನಿತಮ್ಬಿನಿ ಗಮನವಿಲಮ್ಬನಮನುಸರ ತಂ ಹೃದಯೇಶಮ್ ॥
ಧೀರಸಮೀರೇ ಯಮುನಾತೀರೇ ವಸತಿ ವನೇ ವನಮಾಲೀ ॥ 1 ॥
ನಾಮ ಸಮೇತಂ ಕೃತಸಙ್ಕೇತಂ ವಾದಯತೇ ಮೃದುವೇಣುಮ್ ।
ಬಹು ಮನುತೇ ನನು ತೇ ತನುಸಙ್ಗತಪವನಚಲಿತಮಪಿ ರೇಣುಮ್ ॥ 2 ॥
ಬಹು ಮನುತೇ ನನು ತೇ ತನುಸಙ್ಗತಪವನಚಲಿತಮಪಿ ರೇಣುಮ್ ॥ 2 ॥
ಪತತಿ ಪತತ್ರೇ ವಿಚಲತಿ ಪತ್ರೇ ಶಙ್ಕಿತಭವದುಪಯಾನಮ್ ।
ರಚಯತಿ ಶಯನಂ ಸಚಕಿತನಯನಂ ಪಶ್ಯತಿ ತವ ಪನ್ಥಾನಮ್ ॥ 3 ॥
ರಚಯತಿ ಶಯನಂ ಸಚಕಿತನಯನಂ ಪಶ್ಯತಿ ತವ ಪನ್ಥಾನಮ್ ॥ 3 ॥
ಮುಖರಮಧೀರಂ ತ್ಯಜ ಮಞ್ಜೀರಂ ರಿಪುಮಿವ ಕೇಲಿಷುಲೋಲಮ್ ।
ಚಲ ಸಖಿ ಕುಞ್ಜಂ ಸತಿಮಿರಪುಞ್ಜಂ ಶೀಲಯ ನೀಲನಿಚೋಲಮ್ ॥ 4 ॥
ಚಲ ಸಖಿ ಕುಞ್ಜಂ ಸತಿಮಿರಪುಞ್ಜಂ ಶೀಲಯ ನೀಲನಿಚೋಲಮ್ ॥ 4 ॥
ಉರಸಿ ಮುರಾರೇರುಪಹಿತಹಾರೇ ಘನ ಇವ ತರಲಬಲಾಕೇ ।
ತಟಿದಿವ ಪೀತೇ ರತಿವಿಪರೀತೇ ರಾಜಸಿ ಸುಕೃತವಿಪಾಕೇ ॥ 5 ॥
ತಟಿದಿವ ಪೀತೇ ರತಿವಿಪರೀತೇ ರಾಜಸಿ ಸುಕೃತವಿಪಾಕೇ ॥ 5 ॥
ವಿಗಲಿತವಸನಂ ಪರಿಹೃತರಸನಂ ಘಟಯ ಜಘನಮಪಿಧಾನಮ್ ।
ಕಿಸಲಯಶಯನೇ ಪಙ್ಕಜನಯನೇ ನಿಧಿಮಿವ ಹರ್ಷನಿದಾನಮ್ ॥ 6 ॥
ಕಿಸಲಯಶಯನೇ ಪಙ್ಕಜನಯನೇ ನಿಧಿಮಿವ ಹರ್ಷನಿದಾನಮ್ ॥ 6 ॥
ಹರಿರಭಿಮಾನೀ ರಜನಿರಿದಾನೀಮಿಯಮಪಿ ಯಾತಿ ವಿರಾಮಮ್ ।
ಕುರು ಮಮ ವಚನಂ ಸತ್ವರರಚನಂ ಪೂರಯ ಮಧುರಿಪುಕಾಮಮ್ ॥ 7 ॥
ಕುರು ಮಮ ವಚನಂ ಸತ್ವರರಚನಂ ಪೂರಯ ಮಧುರಿಪುಕಾಮಮ್ ॥ 7 ॥
ಶ್ರೀಜಯದೇವೇ ಕೃತಹರಿಸೇವೇ ಭಣತಿ ಪರಮರಮಣೀಯಮ್ ।
ಪ್ರಮುದಿತಹೃದಯಂ ಹರಿಮತಿಸದಯಂ ನಮತ ಸುಕೃತಕಮನೀಯಮ್ ॥ 8 ॥
ಪ್ರಮುದಿತಹೃದಯಂ ಹರಿಮತಿಸದಯಂ ನಮತ ಸುಕೃತಕಮನೀಯಮ್ ॥ 8 ॥
ವಿಕಿರತಿ ಮುಹುಃ ಶ್ವಾಸಾನ್ದಿಶಃ ಪುರೋ ಮುಹುರೀಕ್ಷತೇ ಪ್ರವಿಶತಿ ಮುಹುಃ ಕುಞ್ಜಂ ಗುಞ್ಜನ್ಮುಹುರ್ಬಹು ತಾಮ್ಯತಿ ।
ರಚಯತಿ ಮುಹುಃ ಶಯ್ಯಾಂ ಪರ್ಯಾಕುಲಂ ಮುಹುರೀಕ್ಷತೇ ಮದನಕದನಕ್ಲಾನ್ತಃ ಕಾನ್ತೇ ಪ್ರಿಯಸ್ತವ ವರ್ತತೇ ॥ 33 ॥
ರಚಯತಿ ಮುಹುಃ ಶಯ್ಯಾಂ ಪರ್ಯಾಕುಲಂ ಮುಹುರೀಕ್ಷತೇ ಮದನಕದನಕ್ಲಾನ್ತಃ ಕಾನ್ತೇ ಪ್ರಿಯಸ್ತವ ವರ್ತತೇ ॥ 33 ॥
ತ್ವದ್ವಾಮ್ಯೇನ ಸಮಂ ಸಮಗ್ರಮಧುನಾ ತಿಗ್ಮಾಂಶುರಸ್ತಂ ಗತೋ ಗೋವಿನ್ದಸ್ಯ ಮನೋರಥೇನ ಚ ಸಮಂ ಪ್ರಾಪ್ತಂ ತಮಃ ಸಾನ್ದ್ರತಾಮ್ ।
ಕೋಕಾನಾಂ ಕರುಣಸ್ವನೇನ ಸದೃಶೀ ದೀರ್ಘಾ ಮದಭ್ಯರ್ಥನಾ ತನ್ಮುಗ್ಧೇ ವಿಫಲಂ ವಿಲಮ್ಬನಮಸೌ ರಮ್ಯೋಽಭಿಸಾರಕ್ಷಣಃ ॥ 34 ॥
ಕೋಕಾನಾಂ ಕರುಣಸ್ವನೇನ ಸದೃಶೀ ದೀರ್ಘಾ ಮದಭ್ಯರ್ಥನಾ ತನ್ಮುಗ್ಧೇ ವಿಫಲಂ ವಿಲಮ್ಬನಮಸೌ ರಮ್ಯೋಽಭಿಸಾರಕ್ಷಣಃ ॥ 34 ॥
ಆಶ್ಲೇಷಾದನು ಚುಮ್ಬನಾದನು ನಖೋಲ್ಲೇಖಾದನು ಸ್ವಾನ್ತಜ-ಪ್ರೋದ್ಬೋಧಾದನು ಸಮ್ಭ್ರಮಾದನು ರತಾರಮ್ಭಾದನು ಪ್ರೀತಯೋಃ ।
ಅನ್ಯಾರ್ಥಂ ಗತಯೋರ್ಭ್ರಮಾನ್ಮಿಲಿತಯೋಃ ಸಮ್ಭಾಷಣೈರ್ಜಾನತೋ-ರ್ದಮ್ಪತ್ಯೋರಿಹ ಕೋ ನ ಕೋ ನ ತಮಸಿ ವ್ರೀಡಾವಿಮಿಶ್ರೋ ರಸಃ ॥ 35 ॥
ಅನ್ಯಾರ್ಥಂ ಗತಯೋರ್ಭ್ರಮಾನ್ಮಿಲಿತಯೋಃ ಸಮ್ಭಾಷಣೈರ್ಜಾನತೋ-ರ್ದಮ್ಪತ್ಯೋರಿಹ ಕೋ ನ ಕೋ ನ ತಮಸಿ ವ್ರೀಡಾವಿಮಿಶ್ರೋ ರಸಃ ॥ 35 ॥
ಸಭಯಚಕಿತಂ ವಿನ್ಯಸ್ಯನ್ತೀಂ ದೃಶೌ ತಿಮಿರೇ ಪಥಿ ಪ್ರತಿತರು ಮುಹುಃ ಸ್ಥಿತ್ವಾ ಮನ್ದಂ ಪದಾನಿ ವಿತನ್ವತೀಮ್ ।
ಕಥಮಪಿ ರಹಃ ಪ್ರಾಪ್ತಾಮಙ್ಗೈರನಙ್ಗತರಙ್ಗಿಭಿಃ ಸುಮುಖಿ ಸುಭಗಃ ಪಶ್ಯನ್ಸ ತ್ವಾಮುಪೈತು ಕೃತಾರ್ಥತಾಮ್ ॥ 36 ॥
ಕಥಮಪಿ ರಹಃ ಪ್ರಾಪ್ತಾಮಙ್ಗೈರನಙ್ಗತರಙ್ಗಿಭಿಃ ಸುಮುಖಿ ಸುಭಗಃ ಪಶ್ಯನ್ಸ ತ್ವಾಮುಪೈತು ಕೃತಾರ್ಥತಾಮ್ ॥ 36 ॥
ರಾಧಾಮುಗ್ಧಮುಖಾರವಿನ್ದಮಧುಪಸ್ತ್ರೈಲೋಕ್ಯಮೌಲಿಸ್ಥಲೀ ನೇಪಥ್ಯೋಚಿತನೀಲರತ್ನಮವನೀಭಾರಾವತಾರಾನ್ತಕಃ।
ಸ್ವಚ್ಛನ್ದಂ ವ್ರಜಸುಬ್ದರೀಜನಮನಸ್ತೋಷಪ್ರದೋಷೋದಯಃ ಕಂಸಧ್ವಂಸನಧೂಮಕೇತುರವತು ತ್ವಾಂ ದೇವಕೀನನ್ದನಃ॥ 36 + 1 ॥
ಸ್ವಚ್ಛನ್ದಂ ವ್ರಜಸುಬ್ದರೀಜನಮನಸ್ತೋಷಪ್ರದೋಷೋದಯಃ ಕಂಸಧ್ವಂಸನಧೂಮಕೇತುರವತು ತ್ವಾಂ ದೇವಕೀನನ್ದನಃ॥ 36 + 1 ॥
॥ ಇತಿ ಶ್ರೀಗೀತಗೋವಿನ್ದೇಽಭಿಸಾರಿಕವರ್ಣನೇ ಸಾಕಾಙ್ಕ್ಷಪುಣ್ಡರೀಕಾಕ್ಷೋ ನಾಮ ಪಞ್ಚಮಃ ಸರ್ಗಃ ॥