॥ ପଞ୍ଚମଃ ସର୍ଗଃ ॥
॥ ସାକାଙ୍କ୍ଷପୁଣ୍ଡରୀକାକ୍ଷଃ ॥
ଅହମିହ ନିଵସାମି ଯାହି ରାଧାଂ ଅନୁନଯ ମଦ୍ଵଚନେନ ଚାନଯେଥାଃ ।
ଇତି ମଧୁରିପୁଣା ସଖୀ ନିଯୁକ୍ତା ସ୍ଵଯମିଦମେତ୍ଯ ପୁନର୍ଜଗାଦ ରାଧାମ୍ ॥ 31 ॥
॥ ଗୀତଂ 10 ॥
ଵହତି ମଲଯସମୀରେ ମଦନମୁପନିଧାଯ ।
ସ୍ଫୁଟତି କୁସୁମନିକରେ ଵିରହିହୃଦଯଦଲନାଯ ॥
ତଵ ଵିରହେ ଵନମାଲୀ ସଖି ସୀଦତି ॥ 1 ॥
ଦହତି ଶିଶିରମଯୂଖେ ମରଣମନୁକରୋତି ।
ପତତି ମଦନଵିଶିଖେ ଵିଲପତି ଵିକଲତରୋଽତି ॥ 2 ॥
ଧ୍ଵନତି ମଧୁପସମୂହେ ଶ୍ରଵଣମପିଦଧାତି ।
ମନସି ଚଲିତଵିରହେ ନିଶି ନିଶି ରୁଜମୁପଯାତି ॥ 3 ॥
ଵସତି ଵିପିନଵିତାନେ ତ୍ଯଜତି ଲଲିତଧାମ ।
ଲୁଠତି ଧରଣିଶଯନେ ବହୁ ଵିଲପତି ତଵ ନାମ ॥ 4 ॥
ରଣତି ପିକସମଵାଯେ ପ୍ରତିଦିଶମନୁଯାତି ।
ହସତି ମନୁଜନିଚଯେ ଵିରହମପଲପତି ନେତି ॥ 5 ॥
ସ୍ଫୁରତି କଲରଵରାଵେ ସ୍ମରତି ମଣିତମେଵ।
ତଵରତିସୁଖଵିଭଵେ ଗଣଯତି ସୁଗୁଣମତୀଵ ॥ 6 ॥
ତ୍ଵଦଭିଧଶୁଭଦମାସଂ ଵଦତି ନରି ଶୃଣୋତି ।
ତମପି ଜପତି ସରସଂ ଯୁଵତିଷୁ ନ ରତିମୁପୈତି ॥ 7 ॥
ଭଣତି କଵିଜଯଦେଵେ ଵିରହଵିଲସିତେନ ।
ମନସି ରଭସଵିଭଵେ ହରିରୁଦଯତୁ ସୁକୃତେନ ॥ 8 ॥
ପୂର୍ଵଂ ଯତ୍ର ସମଂ ତ୍ଵଯା ରତିପତେରାସାଦିତଃ ସିଦ୍ଧଯ-ସ୍ତସ୍ମିନ୍ନେଵ ନିକୁଞ୍ଜମନ୍ମଥମହାତୀର୍ଥେ ପୁନର୍ମାଧଵଃ ।
ଧ୍ଯାଯଂସ୍ତ୍ଵାମନିଶଂ ଜପନ୍ନପି ତଵୈଵାଲାପମନ୍ତ୍ରାଵଲୀଂ ଭୂଯସ୍ତ୍ଵତ୍କୁଚକୁମ୍ଭନିର୍ଭରପରୀରମ୍ଭାମୃତଂ ଵାଞ୍ଛତି ॥ 32 ॥
॥ ଗୀତଂ 11 ॥
ରତିସୁଖସାରେ ଗତମଭିସାରେ ମଦନମନୋହରଵେଶମ୍ ।
ନ କୁରୁ ନିତମ୍ବିନି ଗମନଵିଲମ୍ବନମନୁସର ତଂ ହୃଦଯେଶମ୍ ॥
ଧୀରସମୀରେ ଯମୁନାତୀରେ ଵସତି ଵନେ ଵନମାଲୀ ॥ 1 ॥
ନାମ ସମେତଂ କୃତସଙ୍କେତଂ ଵାଦଯତେ ମୃଦୁଵେଣୁମ୍ ।
ବହୁ ମନୁତେ ନନୁ ତେ ତନୁସଙ୍ଗତପଵନଚଲିତମପି ରେଣୁମ୍ ॥ 2 ॥
ପତତି ପତତ୍ରେ ଵିଚଲତି ପତ୍ରେ ଶଙ୍କିତଭଵଦୁପଯାନମ୍ ।
ରଚଯତି ଶଯନଂ ସଚକିତନଯନଂ ପଶ୍ଯତି ତଵ ପନ୍ଥାନମ୍ ॥ 3 ॥
ମୁଖରମଧୀରଂ ତ୍ଯଜ ମଞ୍ଜୀରଂ ରିପୁମିଵ କେଲିଷୁଲୋଲମ୍ ।
ଚଲ ସଖି କୁଞ୍ଜଂ ସତିମିରପୁଞ୍ଜଂ ଶୀଲଯ ନୀଲନିଚୋଲମ୍ ॥ 4 ॥
ଉରସି ମୁରାରେରୁପହିତହାରେ ଘନ ଇଵ ତରଲବଲାକେ ।
ତଟିଦିଵ ପୀତେ ରତିଵିପରୀତେ ରାଜସି ସୁକୃତଵିପାକେ ॥ 5 ॥
ଵିଗଲିତଵସନଂ ପରିହୃତରସନଂ ଘଟଯ ଜଘନମପିଧାନମ୍ ।
କିସଲଯଶଯନେ ପଙ୍କଜନଯନେ ନିଧିମିଵ ହର୍ଷନିଦାନମ୍ ॥ 6 ॥
ହରିରଭିମାନୀ ରଜନିରିଦାନୀମିଯମପି ଯାତି ଵିରାମମ୍ ।
କୁରୁ ମମ ଵଚନଂ ସତ୍ଵରରଚନଂ ପୂରଯ ମଧୁରିପୁକାମମ୍ ॥ 7 ॥
ଶ୍ରୀଜଯଦେଵେ କୃତହରିସେଵେ ଭଣତି ପରମରମଣୀଯମ୍ ।
ପ୍ରମୁଦିତହୃଦଯଂ ହରିମତିସଦଯଂ ନମତ ସୁକୃତକମନୀଯମ୍ ॥ 8 ॥
ଵିକିରତି ମୁହୁଃ ଶ୍ଵାସାନ୍ଦିଶଃ ପୁରୋ ମୁହୁରୀକ୍ଷତେ ପ୍ରଵିଶତି ମୁହୁଃ କୁଞ୍ଜଂ ଗୁଞ୍ଜନ୍ମୁହୁର୍ବହୁ ତାମ୍ଯତି ।
ରଚଯତି ମୁହୁଃ ଶଯ୍ଯାଂ ପର୍ଯାକୁଲଂ ମୁହୁରୀକ୍ଷତେ ମଦନକଦନକ୍ଲାନ୍ତଃ କାନ୍ତେ ପ୍ରିଯସ୍ତଵ ଵର୍ତତେ ॥ 33 ॥
ତ୍ଵଦ୍ଵାମ୍ଯେନ ସମଂ ସମଗ୍ରମଧୁନା ତିଗ୍ମାଂଶୁରସ୍ତଂ ଗତୋ ଗୋଵିନ୍ଦସ୍ଯ ମନୋରଥେନ ଚ ସମଂ ପ୍ରାପ୍ତଂ ତମଃ ସାନ୍ଦ୍ରତାମ୍ ।
କୋକାନାଂ କରୁଣସ୍ଵନେନ ସଦୃଶୀ ଦୀର୍ଘା ମଦଭ୍ଯର୍ଥନା ତନ୍ମୁଗ୍ଧେ ଵିଫଲଂ ଵିଲମ୍ବନମସୌ ରମ୍ଯୋଽଭିସାରକ୍ଷଣଃ ॥ 34 ॥
ଆଶ୍ଲେଷାଦନୁ ଚୁମ୍ବନାଦନୁ ନଖୋଲ୍ଲେଖାଦନୁ ସ୍ଵାନ୍ତଜ-ପ୍ରୋଦ୍ବୋଧାଦନୁ ସମ୍ଭ୍ରମାଦନୁ ରତାରମ୍ଭାଦନୁ ପ୍ରୀତଯୋଃ ।
ଅନ୍ଯାର୍ଥଂ ଗତଯୋର୍ଭ୍ରମାନ୍ମିଲିତଯୋଃ ସମ୍ଭାଷଣୈର୍ଜାନତୋ-ର୍ଦମ୍ପତ୍ଯୋରିହ କୋ ନ କୋ ନ ତମସି ଵ୍ରୀଡାଵିମିଶ୍ରୋ ରସଃ ॥ 35 ॥
ସଭଯଚକିତଂ ଵିନ୍ଯସ୍ଯନ୍ତୀଂ ଦୃଶୌ ତିମିରେ ପଥି ପ୍ରତିତରୁ ମୁହୁଃ ସ୍ଥିତ୍ଵା ମନ୍ଦଂ ପଦାନି ଵିତନ୍ଵତୀମ୍ ।
କଥମପି ରହଃ ପ୍ରାପ୍ତାମଙ୍ଗୈରନଙ୍ଗତରଙ୍ଗିଭିଃ ସୁମୁଖି ସୁଭଗଃ ପଶ୍ଯନ୍ସ ତ୍ଵାମୁପୈତୁ କୃତାର୍ଥତାମ୍ ॥ 36 ॥
ରାଧାମୁଗ୍ଧମୁଖାରଵିନ୍ଦମଧୁପସ୍ତ୍ରୈଲୋକ୍ଯମୌଲିସ୍ଥଲୀ ନେପଥ୍ଯୋଚିତନୀଲରତ୍ନମଵନୀଭାରାଵତାରାନ୍ତକଃ।
ସ୍ଵଚ୍ଛନ୍ଦଂ ଵ୍ରଜସୁବ୍ଦରୀଜନମନସ୍ତୋଷପ୍ରଦୋଷୋଦଯଃ କଂସଧ୍ଵଂସନଧୂମକେତୁରଵତୁ ତ୍ଵାଂ ଦେଵକୀନନ୍ଦନଃ॥ 36 + 1 ॥
ଅହମିହ ନିଵସାମି ଯାହି ରାଧାଂ ଅନୁନଯ ମଦ୍ଵଚନେନ ଚାନଯେଥାଃ ।
ଇତି ମଧୁରିପୁଣା ସଖୀ ନିଯୁକ୍ତା ସ୍ଵଯମିଦମେତ୍ଯ ପୁନର୍ଜଗାଦ ରାଧାମ୍ ॥ 31 ॥
॥ ଗୀତଂ 10 ॥
ଵହତି ମଲଯସମୀରେ ମଦନମୁପନିଧାଯ ।
ସ୍ଫୁଟତି କୁସୁମନିକରେ ଵିରହିହୃଦଯଦଲନାଯ ॥
ତଵ ଵିରହେ ଵନମାଲୀ ସଖି ସୀଦତି ॥ 1 ॥
ଦହତି ଶିଶିରମଯୂଖେ ମରଣମନୁକରୋତି ।
ପତତି ମଦନଵିଶିଖେ ଵିଲପତି ଵିକଲତରୋଽତି ॥ 2 ॥
ଧ୍ଵନତି ମଧୁପସମୂହେ ଶ୍ରଵଣମପିଦଧାତି ।
ମନସି ଚଲିତଵିରହେ ନିଶି ନିଶି ରୁଜମୁପଯାତି ॥ 3 ॥
ଵସତି ଵିପିନଵିତାନେ ତ୍ଯଜତି ଲଲିତଧାମ ।
ଲୁଠତି ଧରଣିଶଯନେ ବହୁ ଵିଲପତି ତଵ ନାମ ॥ 4 ॥
ରଣତି ପିକସମଵାଯେ ପ୍ରତିଦିଶମନୁଯାତି ।
ହସତି ମନୁଜନିଚଯେ ଵିରହମପଲପତି ନେତି ॥ 5 ॥
ସ୍ଫୁରତି କଲରଵରାଵେ ସ୍ମରତି ମଣିତମେଵ।
ତଵରତିସୁଖଵିଭଵେ ଗଣଯତି ସୁଗୁଣମତୀଵ ॥ 6 ॥
ତ୍ଵଦଭିଧଶୁଭଦମାସଂ ଵଦତି ନରି ଶୃଣୋତି ।
ତମପି ଜପତି ସରସଂ ଯୁଵତିଷୁ ନ ରତିମୁପୈତି ॥ 7 ॥
ଭଣତି କଵିଜଯଦେଵେ ଵିରହଵିଲସିତେନ ।
ମନସି ରଭସଵିଭଵେ ହରିରୁଦଯତୁ ସୁକୃତେନ ॥ 8 ॥
ପୂର୍ଵଂ ଯତ୍ର ସମଂ ତ୍ଵଯା ରତିପତେରାସାଦିତଃ ସିଦ୍ଧଯ-ସ୍ତସ୍ମିନ୍ନେଵ ନିକୁଞ୍ଜମନ୍ମଥମହାତୀର୍ଥେ ପୁନର୍ମାଧଵଃ ।
ଧ୍ଯାଯଂସ୍ତ୍ଵାମନିଶଂ ଜପନ୍ନପି ତଵୈଵାଲାପମନ୍ତ୍ରାଵଲୀଂ ଭୂଯସ୍ତ୍ଵତ୍କୁଚକୁମ୍ଭନିର୍ଭରପରୀରମ୍ଭାମୃତଂ ଵାଞ୍ଛତି ॥ 32 ॥
॥ ଗୀତଂ 11 ॥
ରତିସୁଖସାରେ ଗତମଭିସାରେ ମଦନମନୋହରଵେଶମ୍ ।
ନ କୁରୁ ନିତମ୍ବିନି ଗମନଵିଲମ୍ବନମନୁସର ତଂ ହୃଦଯେଶମ୍ ॥
ଧୀରସମୀରେ ଯମୁନାତୀରେ ଵସତି ଵନେ ଵନମାଲୀ ॥ 1 ॥
ନାମ ସମେତଂ କୃତସଙ୍କେତଂ ଵାଦଯତେ ମୃଦୁଵେଣୁମ୍ ।
ବହୁ ମନୁତେ ନନୁ ତେ ତନୁସଙ୍ଗତପଵନଚଲିତମପି ରେଣୁମ୍ ॥ 2 ॥
ପତତି ପତତ୍ରେ ଵିଚଲତି ପତ୍ରେ ଶଙ୍କିତଭଵଦୁପଯାନମ୍ ।
ରଚଯତି ଶଯନଂ ସଚକିତନଯନଂ ପଶ୍ଯତି ତଵ ପନ୍ଥାନମ୍ ॥ 3 ॥
ମୁଖରମଧୀରଂ ତ୍ଯଜ ମଞ୍ଜୀରଂ ରିପୁମିଵ କେଲିଷୁଲୋଲମ୍ ।
ଚଲ ସଖି କୁଞ୍ଜଂ ସତିମିରପୁଞ୍ଜଂ ଶୀଲଯ ନୀଲନିଚୋଲମ୍ ॥ 4 ॥
ଉରସି ମୁରାରେରୁପହିତହାରେ ଘନ ଇଵ ତରଲବଲାକେ ।
ତଟିଦିଵ ପୀତେ ରତିଵିପରୀତେ ରାଜସି ସୁକୃତଵିପାକେ ॥ 5 ॥
ଵିଗଲିତଵସନଂ ପରିହୃତରସନଂ ଘଟଯ ଜଘନମପିଧାନମ୍ ।
କିସଲଯଶଯନେ ପଙ୍କଜନଯନେ ନିଧିମିଵ ହର୍ଷନିଦାନମ୍ ॥ 6 ॥
ହରିରଭିମାନୀ ରଜନିରିଦାନୀମିଯମପି ଯାତି ଵିରାମମ୍ ।
କୁରୁ ମମ ଵଚନଂ ସତ୍ଵରରଚନଂ ପୂରଯ ମଧୁରିପୁକାମମ୍ ॥ 7 ॥
ଶ୍ରୀଜଯଦେଵେ କୃତହରିସେଵେ ଭଣତି ପରମରମଣୀଯମ୍ ।
ପ୍ରମୁଦିତହୃଦଯଂ ହରିମତିସଦଯଂ ନମତ ସୁକୃତକମନୀଯମ୍ ॥ 8 ॥
ଵିକିରତି ମୁହୁଃ ଶ୍ଵାସାନ୍ଦିଶଃ ପୁରୋ ମୁହୁରୀକ୍ଷତେ ପ୍ରଵିଶତି ମୁହୁଃ କୁଞ୍ଜଂ ଗୁଞ୍ଜନ୍ମୁହୁର୍ବହୁ ତାମ୍ଯତି ।
ରଚଯତି ମୁହୁଃ ଶଯ୍ଯାଂ ପର୍ଯାକୁଲଂ ମୁହୁରୀକ୍ଷତେ ମଦନକଦନକ୍ଲାନ୍ତଃ କାନ୍ତେ ପ୍ରିଯସ୍ତଵ ଵର୍ତତେ ॥ 33 ॥
ତ୍ଵଦ୍ଵାମ୍ଯେନ ସମଂ ସମଗ୍ରମଧୁନା ତିଗ୍ମାଂଶୁରସ୍ତଂ ଗତୋ ଗୋଵିନ୍ଦସ୍ଯ ମନୋରଥେନ ଚ ସମଂ ପ୍ରାପ୍ତଂ ତମଃ ସାନ୍ଦ୍ରତାମ୍ ।
କୋକାନାଂ କରୁଣସ୍ଵନେନ ସଦୃଶୀ ଦୀର୍ଘା ମଦଭ୍ଯର୍ଥନା ତନ୍ମୁଗ୍ଧେ ଵିଫଲଂ ଵିଲମ୍ବନମସୌ ରମ୍ଯୋଽଭିସାରକ୍ଷଣଃ ॥ 34 ॥
ଆଶ୍ଲେଷାଦନୁ ଚୁମ୍ବନାଦନୁ ନଖୋଲ୍ଲେଖାଦନୁ ସ୍ଵାନ୍ତଜ-ପ୍ରୋଦ୍ବୋଧାଦନୁ ସମ୍ଭ୍ରମାଦନୁ ରତାରମ୍ଭାଦନୁ ପ୍ରୀତଯୋଃ ।
ଅନ୍ଯାର୍ଥଂ ଗତଯୋର୍ଭ୍ରମାନ୍ମିଲିତଯୋଃ ସମ୍ଭାଷଣୈର୍ଜାନତୋ-ର୍ଦମ୍ପତ୍ଯୋରିହ କୋ ନ କୋ ନ ତମସି ଵ୍ରୀଡାଵିମିଶ୍ରୋ ରସଃ ॥ 35 ॥
ସଭଯଚକିତଂ ଵିନ୍ଯସ୍ଯନ୍ତୀଂ ଦୃଶୌ ତିମିରେ ପଥି ପ୍ରତିତରୁ ମୁହୁଃ ସ୍ଥିତ୍ଵା ମନ୍ଦଂ ପଦାନି ଵିତନ୍ଵତୀମ୍ ।
କଥମପି ରହଃ ପ୍ରାପ୍ତାମଙ୍ଗୈରନଙ୍ଗତରଙ୍ଗିଭିଃ ସୁମୁଖି ସୁଭଗଃ ପଶ୍ଯନ୍ସ ତ୍ଵାମୁପୈତୁ କୃତାର୍ଥତାମ୍ ॥ 36 ॥
ରାଧାମୁଗ୍ଧମୁଖାରଵିନ୍ଦମଧୁପସ୍ତ୍ରୈଲୋକ୍ଯମୌଲିସ୍ଥଲୀ ନେପଥ୍ଯୋଚିତନୀଲରତ୍ନମଵନୀଭାରାଵତାରାନ୍ତକଃ।
ସ୍ଵଚ୍ଛନ୍ଦଂ ଵ୍ରଜସୁବ୍ଦରୀଜନମନସ୍ତୋଷପ୍ରଦୋଷୋଦଯଃ କଂସଧ୍ଵଂସନଧୂମକେତୁରଵତୁ ତ୍ଵାଂ ଦେଵକୀନନ୍ଦନଃ॥ 36 + 1 ॥
॥ ଇତି ଶ୍ରୀଗୀତଗୋଵିନ୍ଦେଽଭିସାରିକଵର୍ଣନେ ସାକାଙ୍କ୍ଷପୁଣ୍ଡରୀକାକ୍ଷୋ ନାମ ପଞ୍ଚମଃ ସର୍ଗଃ ॥