গোপাল অক্ষয কৱচম্

শ্ৰী গণেশায নমঃ ।
শ্ৰী নাৰদ উৱাচ।
ইন্দ্ৰাদ্যমৰৱৰ্গেষু ব্ৰহ্মন্যত্পৰমাঽদ্ভুতম্ ।
অক্ষযং কৱচং নাম কথযস্ৱ মম প্ৰভো ॥ ১॥

যদ্ধৃত্ৱাঽঽকৰ্ণ্য ৱীৰস্তু ত্ৰৈলোক্য ৱিজযী ভৱেত্ । ব্ৰহ্মোৱাচ ।
শৃণু পুত্ৰ মুনিশ্ৰেষ্ঠ কৱচং পৰমাদ্ভুতম্ ॥ ২॥

ইন্দ্ৰাদিদেৱৱৃন্দৈশ্চ নাৰাযণমুখাচ্ছ্ৰতম্ ।
ত্ৰৈলোক্যৱিজযস্যাস্য কৱচস্য প্ৰজাপতিঃ ॥ ৩॥

ঋষিশ্ছন্দো দেৱতা চ সদা নাৰাযণঃ প্ৰভুঃ ।
অস্য শ্ৰীত্ৰৈলোক্যৱিজযাক্ষযকৱচস্য প্ৰজাপতিঋৰ্ষিঃ।
অনুষ্টুপ্ছন্দঃ।, শ্ৰীনাৰাযণঃ পৰমাত্মা দেৱতা।
ধৰ্মাৰ্থকামমোক্ষাৰ্থে জপে ৱিনিযোগঃ ।
পাদৌ ৰক্ষতু গোৱিন্দো জঙ্ঘে পাতু জগত্প্ৰভুঃ ॥ ৪॥

ঊৰূ দ্ৱৌ কেশৱঃ পাতু কটী দামোদৰস্ততঃ ।
ৱদনং শ্ৰীহৰিঃ পাতু নাডীদেশং চ মেঽচ্যুতঃ ॥ ৫॥

ৱামপাৰ্শ্ৱং তথা ৱিষ্ণুৰ্দক্ষিণং চ সুদৰ্শনঃ ।
বাহুমূলে ৱাসুদেৱো হৃদযং চ জনাৰ্দনঃ ॥ ৬॥

কণ্ঠং পাতু ৱৰাহশ্চ কৃষ্ণশ্চ মুখমণ্ডলম্ ।
কৰ্ণৌ মে মাধৱঃ পাতু হৃষীকেশশ্চ নাসিকে ॥ ৭॥

নেত্ৰে নাৰাযণঃ পাতু ললাটং গৰুডধ্ৱজঃ ।
কপোলং কেশৱঃ পাতু চক্ৰপাণিঃ শিৰস্তথা ॥ ৮॥

প্ৰভাতে মাধৱঃ পাতু মধ্যাহ্নে মধুসূদনঃ ।
দিনান্তে দৈত্যনাশশ্চ ৰাত্ৰৌ ৰক্ষতু চন্দ্ৰমাঃ ॥ ৯॥

পূৰ্ৱস্যাং পুণ্ডৰীকাক্ষো ৱাযৱ্যাং চ জনাৰ্দনঃ ।
ইতি তে কথিতং ৱত্স সৰ্ৱমন্ত্ৰৌঘৱিগ্ৰহম্ ॥ ১০॥

তৱ স্নেহান্মযাঽঽখ্যাতং ন ৱক্তৱ্যং তু কস্যচিত্ ।
কৱচং ধাৰযেদ্যস্তু সাধকো দক্ষিণে ভুজে ॥ ১১॥

দেৱা মনুষ্যা গন্ধৰ্ৱা যজ্ঞাস্তস্য ন সংশযঃ ।
যোষিদ্ৱামভুজে চৈৱ পুৰুষো দক্ষিণে ভুজে ॥ ১২॥

নিভৃযাত্কৱচং পুণ্যং সৰ্ৱসিদ্ধিযুতো ভৱেত্ ।
কণ্ঠে যো ধাৰযেদেতত্ কৱচং মত্স্ৱৰূপিণম্ ॥ ১৩॥

যুদ্ধে জযমৱাপ্নোতি দ্যূতে ৱাদে চ সাধকঃ ।
সৰ্ৱথা জযমাপ্নোতি নিশ্চিতং জন্মজন্মনি ॥ ১৪॥

অপুত্ৰো লভতে পুত্ৰং ৰোগনাশস্তথা ভৱেত্ ।
সৰ্ৱতাপপ্ৰমুক্তশ্চ ৱিষ্ণুলোকং স গচ্ছতি ॥ ১৫॥

॥ ইতি ব্ৰহ্মসংহিতোক্তং শ্ৰীগোপালাক্ষযকৱচং সম্পূৰ্ণম্ ॥