ഗോപാല അക്ഷയ കവചമ്

ശ്രീ ഗണേശായ നമഃ ।
ശ്രീ നാരദ ഉവാച।
ഇന്ദ്രാദ്യമരവര്ഗേഷു ബ്രഹ്മന്യത്പരമാഽദ്ഭുതമ് ।
അക്ഷയം കവചം നാമ കഥയസ്വ മമ പ്രഭോ ॥ ൧॥

യദ്ധൃത്വാഽഽകര്ണ്യ വീരസ്തു ത്രൈലോക്യ വിജയീ ഭവേത് । ബ്രഹ്മോവാച ।
ശൃണു പുത്ര മുനിശ്രേഷ്ഠ കവചം പരമാദ്ഭുതമ് ॥ ൨॥

ഇന്ദ്രാദിദേവവൃന്ദൈശ്ച നാരായണമുഖാച്ഛ്രതമ് ।
ത്രൈലോക്യവിജയസ്യാസ്യ കവചസ്യ പ്രജാപതിഃ ॥ ൩॥

ഋഷിശ്ഛന്ദോ ദേവതാ ച സദാ നാരായണഃ പ്രഭുഃ ।
അസ്യ ശ്രീത്രൈലോക്യവിജയാക്ഷയകവചസ്യ പ്രജാപതിഋര്ഷിഃ।
അനുഷ്ടുപ്ഛന്ദഃ।, ശ്രീനാരായണഃ പരമാത്മാ ദേവതാ।
ധര്മാര്ഥകാമമോക്ഷാര്ഥേ ജപേ വിനിയോഗഃ ।
പാദൌ രക്ഷതു ഗോവിന്ദോ ജങ്ഘേ പാതു ജഗത്പ്രഭുഃ ॥ ൪॥

ഊരൂ ദ്വൌ കേശവഃ പാതു കടീ ദാമോദരസ്തതഃ ।
വദനം ശ്രീഹരിഃ പാതു നാഡീദേശം ച മേഽച്യുതഃ ॥ ൫॥

വാമപാര്ശ്വം തഥാ വിഷ്ണുര്ദക്ഷിണം ച സുദര്ശനഃ ।
ബാഹുമൂലേ വാസുദേവോ ഹൃദയം ച ജനാര്ദനഃ ॥ ൬॥

കണ്ഠം പാതു വരാഹശ്ച കൃഷ്ണശ്ച മുഖമണ്ഡലമ് ।
കര്ണൌ മേ മാധവഃ പാതു ഹൃഷീകേശശ്ച നാസികേ ॥ ൭॥

നേത്രേ നാരായണഃ പാതു ലലാടം ഗരുഡധ്വജഃ ।
കപോലം കേശവഃ പാതു ചക്രപാണിഃ ശിരസ്തഥാ ॥ ൮॥

പ്രഭാതേ മാധവഃ പാതു മധ്യാഹ്നേ മധുസൂദനഃ ।
ദിനാന്തേ ദൈത്യനാശശ്ച രാത്രൌ രക്ഷതു ചന്ദ്രമാഃ ॥ ൯॥

പൂര്വസ്യാം പുണ്ഡരീകാക്ഷോ വായവ്യാം ച ജനാര്ദനഃ ।
ഇതി തേ കഥിതം വത്സ സര്വമന്ത്രൌഘവിഗ്രഹമ് ॥ ൧൦॥

തവ സ്നേഹാന്മയാഽഽഖ്യാതം ന വക്തവ്യം തു കസ്യചിത് ।
കവചം ധാരയേദ്യസ്തു സാധകോ ദക്ഷിണേ ഭുജേ ॥ ൧൧॥

ദേവാ മനുഷ്യാ ഗന്ധര്വാ യജ്ഞാസ്തസ്യ ന സംശയഃ ।
യോഷിദ്വാമഭുജേ ചൈവ പുരുഷോ ദക്ഷിണേ ഭുജേ ॥ ൧൨॥

നിഭൃയാത്കവചം പുണ്യം സര്വസിദ്ധിയുതോ ഭവേത് ।
കണ്ഠേ യോ ധാരയേദേതത് കവചം മത്സ്വരൂപിണമ് ॥ ൧൩॥

യുദ്ധേ ജയമവാപ്നോതി ദ്യൂതേ വാദേ ച സാധകഃ ।
സര്വഥാ ജയമാപ്നോതി നിശ്ചിതം ജന്മജന്മനി ॥ ൧൪॥

അപുത്രോ ലഭതേ പുത്രം രോഗനാശസ്തഥാ ഭവേത് ।
സര്വതാപപ്രമുക്തശ്ച വിഷ്ണുലോകം സ ഗച്ഛതി ॥ ൧൫॥

॥ ഇതി ബ്രഹ്മസംഹിതോക്തം ശ്രീഗോപാലാക്ഷയകവചം സമ്പൂര്ണമ് ॥