గోపాల అక్షయ కవచమ్

శ్రీ గణేశాయ నమః ।
శ్రీ నారద ఉవాచ।
ఇన్ద్రాద్యమరవర్గేషు బ్రహ్మన్యత్పరమాఽద్భుతమ్ ।
అక్షయం కవచం నామ కథయస్వ మమ ప్రభో ॥ ౧॥

యద్ధృత్వాఽఽకర్ణ్య వీరస్తు త్రైలోక్య విజయీ భవేత్ । బ్రహ్మోవాచ ।
శృణు పుత్ర మునిశ్రేష్ఠ కవచం పరమాద్భుతమ్ ॥ ౨॥

ఇన్ద్రాదిదేవవృన్దైశ్చ నారాయణముఖాచ్ఛ్రతమ్ ।
త్రైలోక్యవిజయస్యాస్య కవచస్య ప్రజాపతిః ॥ ౩॥

ఋషిశ్ఛన్దో దేవతా చ సదా నారాయణః ప్రభుః ।
అస్య శ్రీత్రైలోక్యవిజయాక్షయకవచస్య ప్రజాపతిఋర్షిః।
అనుష్టుప్ఛన్దః।, శ్రీనారాయణః పరమాత్మా దేవతా।
ధర్మార్థకామమోక్షార్థే జపే వినియోగః ।
పాదౌ రక్షతు గోవిన్దో జఙ్ఘే పాతు జగత్ప్రభుః ॥ ౪॥

ఊరూ ద్వౌ కేశవః పాతు కటీ దామోదరస్తతః ।
వదనం శ్రీహరిః పాతు నాడీదేశం చ మేఽచ్యుతః ॥ ౫॥

వామపార్శ్వం తథా విష్ణుర్దక్షిణం చ సుదర్శనః ।
బాహుమూలే వాసుదేవో హృదయం చ జనార్దనః ॥ ౬॥

కణ్ఠం పాతు వరాహశ్చ కృష్ణశ్చ ముఖమణ్డలమ్ ।
కర్ణౌ మే మాధవః పాతు హృషీకేశశ్చ నాసికే ॥ ౭॥

నేత్రే నారాయణః పాతు లలాటం గరుడధ్వజః ।
కపోలం కేశవః పాతు చక్రపాణిః శిరస్తథా ॥ ౮॥

ప్రభాతే మాధవః పాతు మధ్యాహ్నే మధుసూదనః ।
దినాన్తే దైత్యనాశశ్చ రాత్రౌ రక్షతు చన్ద్రమాః ॥ ౯॥

పూర్వస్యాం పుణ్డరీకాక్షో వాయవ్యాం చ జనార్దనః ।
ఇతి తే కథితం వత్స సర్వమన్త్రౌఘవిగ్రహమ్ ॥ ౧౦॥

తవ స్నేహాన్మయాఽఽఖ్యాతం న వక్తవ్యం తు కస్యచిత్ ।
కవచం ధారయేద్యస్తు సాధకో దక్షిణే భుజే ॥ ౧౧॥

దేవా మనుష్యా గన్ధర్వా యజ్ఞాస్తస్య న సంశయః ।
యోషిద్వామభుజే చైవ పురుషో దక్షిణే భుజే ॥ ౧౨॥

నిభృయాత్కవచం పుణ్యం సర్వసిద్ధియుతో భవేత్ ।
కణ్ఠే యో ధారయేదేతత్ కవచం మత్స్వరూపిణమ్ ॥ ౧౩॥

యుద్ధే జయమవాప్నోతి ద్యూతే వాదే చ సాధకః ।
సర్వథా జయమాప్నోతి నిశ్చితం జన్మజన్మని ॥ ౧౪॥

అపుత్రో లభతే పుత్రం రోగనాశస్తథా భవేత్ ।
సర్వతాపప్రముక్తశ్చ విష్ణులోకం స గచ్ఛతి ॥ ౧౫॥

॥ ఇతి బ్రహ్మసంహితోక్తం శ్రీగోపాలాక్షయకవచం సమ్పూర్ణమ్ ॥