গোপাল অক্ষয কবচম্

শ্রী গণেশায নমঃ ।
শ্রী নারদ উবাচ।
ইন্দ্রাদ্যমরবর্গেষু ব্রহ্মন্যত্পরমাঽদ্ভুতম্ ।
অক্ষযং কবচং নাম কথযস্ব মম প্রভো ॥ ১॥

যদ্ধৃত্বাঽঽকর্ণ্য বীরস্তু ত্রৈলোক্য বিজযী ভবেত্ । ব্রহ্মোবাচ ।
শৃণু পুত্র মুনিশ্রেষ্ঠ কবচং পরমাদ্ভুতম্ ॥ ২॥

ইন্দ্রাদিদেববৃন্দৈশ্চ নারাযণমুখাচ্ছ্রতম্ ।
ত্রৈলোক্যবিজযস্যাস্য কবচস্য প্রজাপতিঃ ॥ ৩॥

ঋষিশ্ছন্দো দেবতা চ সদা নারাযণঃ প্রভুঃ ।
অস্য শ্রীত্রৈলোক্যবিজযাক্ষযকবচস্য প্রজাপতিঋর্ষিঃ।
অনুষ্টুপ্ছন্দঃ।, শ্রীনারাযণঃ পরমাত্মা দেবতা।
ধর্মার্থকামমোক্ষার্থে জপে বিনিযোগঃ ।
পাদৌ রক্ষতু গোবিন্দো জঙ্ঘে পাতু জগত্প্রভুঃ ॥ ৪॥

ঊরূ দ্বৌ কেশবঃ পাতু কটী দামোদরস্ততঃ ।
বদনং শ্রীহরিঃ পাতু নাডীদেশং চ মেঽচ্যুতঃ ॥ ৫॥

বামপার্শ্বং তথা বিষ্ণুর্দক্ষিণং চ সুদর্শনঃ ।
বাহুমূলে বাসুদেবো হৃদযং চ জনার্দনঃ ॥ ৬॥

কণ্ঠং পাতু বরাহশ্চ কৃষ্ণশ্চ মুখমণ্ডলম্ ।
কর্ণৌ মে মাধবঃ পাতু হৃষীকেশশ্চ নাসিকে ॥ ৭॥

নেত্রে নারাযণঃ পাতু ললাটং গরুডধ্বজঃ ।
কপোলং কেশবঃ পাতু চক্রপাণিঃ শিরস্তথা ॥ ৮॥

প্রভাতে মাধবঃ পাতু মধ্যাহ্নে মধুসূদনঃ ।
দিনান্তে দৈত্যনাশশ্চ রাত্রৌ রক্ষতু চন্দ্রমাঃ ॥ ৯॥

পূর্বস্যাং পুণ্ডরীকাক্ষো বাযব্যাং চ জনার্দনঃ ।
ইতি তে কথিতং বত্স সর্বমন্ত্রৌঘবিগ্রহম্ ॥ ১০॥

তব স্নেহান্মযাঽঽখ্যাতং ন বক্তব্যং তু কস্যচিত্ ।
কবচং ধারযেদ্যস্তু সাধকো দক্ষিণে ভুজে ॥ ১১॥

দেবা মনুষ্যা গন্ধর্বা যজ্ঞাস্তস্য ন সংশযঃ ।
যোষিদ্বামভুজে চৈব পুরুষো দক্ষিণে ভুজে ॥ ১২॥

নিভৃযাত্কবচং পুণ্যং সর্বসিদ্ধিযুতো ভবেত্ ।
কণ্ঠে যো ধারযেদেতত্ কবচং মত্স্বরূপিণম্ ॥ ১৩॥

যুদ্ধে জযমবাপ্নোতি দ্যূতে বাদে চ সাধকঃ ।
সর্বথা জযমাপ্নোতি নিশ্চিতং জন্মজন্মনি ॥ ১৪॥

অপুত্রো লভতে পুত্রং রোগনাশস্তথা ভবেত্ ।
সর্বতাপপ্রমুক্তশ্চ বিষ্ণুলোকং স গচ্ছতি ॥ ১৫॥

॥ ইতি ব্রহ্মসংহিতোক্তং শ্রীগোপালাক্ষযকবচং সম্পূর্ণম্ ॥