ଗୋପାଲ ଅକ୍ଷଯ କଵଚମ୍

ଶ୍ରୀ ଗଣେଶାଯ ନମଃ ।
ଶ୍ରୀ ନାରଦ ଉଵାଚ।
ଇନ୍ଦ୍ରାଦ୍ଯମରଵର୍ଗେଷୁ ବ୍ରହ୍ମନ୍ଯତ୍ପରମାଽଦ୍ଭୁତମ୍ ।
ଅକ୍ଷଯଂ କଵଚଂ ନାମ କଥଯସ୍ଵ ମମ ପ୍ରଭୋ ॥ ୧॥

ଯଦ୍ଧୃତ୍ଵାଽଽକର୍ଣ୍ଯ ଵୀରସ୍ତୁ ତ୍ରୈଲୋକ୍ଯ ଵିଜଯୀ ଭଵେତ୍ । ବ୍ରହ୍ମୋଵାଚ ।
ଶୃଣୁ ପୁତ୍ର ମୁନିଶ୍ରେଷ୍ଠ କଵଚଂ ପରମାଦ୍ଭୁତମ୍ ॥ ୨॥

ଇନ୍ଦ୍ରାଦିଦେଵଵୃନ୍ଦୈଶ୍ଚ ନାରାଯଣମୁଖାଚ୍ଛ୍ରତମ୍ ।
ତ୍ରୈଲୋକ୍ଯଵିଜଯସ୍ଯାସ୍ଯ କଵଚସ୍ଯ ପ୍ରଜାପତିଃ ॥ ୩॥

ଋଷିଶ୍ଛନ୍ଦୋ ଦେଵତା ଚ ସଦା ନାରାଯଣଃ ପ୍ରଭୁଃ ।
ଅସ୍ଯ ଶ୍ରୀତ୍ରୈଲୋକ୍ଯଵିଜଯାକ୍ଷଯକଵଚସ୍ଯ ପ୍ରଜାପତିଋର୍ଷିଃ।
ଅନୁଷ୍ଟୁପ୍ଛନ୍ଦଃ।, ଶ୍ରୀନାରାଯଣଃ ପରମାତ୍ମା ଦେଵତା।
ଧର୍ମାର୍ଥକାମମୋକ୍ଷାର୍ଥେ ଜପେ ଵିନିଯୋଗଃ ।
ପାଦୌ ରକ୍ଷତୁ ଗୋଵିନ୍ଦୋ ଜଙ୍ଘେ ପାତୁ ଜଗତ୍ପ୍ରଭୁଃ ॥ ୪॥

ଊରୂ ଦ୍ଵୌ କେଶଵଃ ପାତୁ କଟୀ ଦାମୋଦରସ୍ତତଃ ।
ଵଦନଂ ଶ୍ରୀହରିଃ ପାତୁ ନାଡୀଦେଶଂ ଚ ମେଽଚ୍ଯୁତଃ ॥ ୫॥

ଵାମପାର୍ଶ୍ଵଂ ତଥା ଵିଷ୍ଣୁର୍ଦକ୍ଷିଣଂ ଚ ସୁଦର୍ଶନଃ ।
ବାହୁମୂଲେ ଵାସୁଦେଵୋ ହୃଦଯଂ ଚ ଜନାର୍ଦନଃ ॥ ୬॥

କଣ୍ଠଂ ପାତୁ ଵରାହଶ୍ଚ କୃଷ୍ଣଶ୍ଚ ମୁଖମଣ୍ଡଲମ୍ ।
କର୍ଣୌ ମେ ମାଧଵଃ ପାତୁ ହୃଷୀକେଶଶ୍ଚ ନାସିକେ ॥ ୭॥

ନେତ୍ରେ ନାରାଯଣଃ ପାତୁ ଲଲାଟଂ ଗରୁଡଧ୍ଵଜଃ ।
କପୋଲଂ କେଶଵଃ ପାତୁ ଚକ୍ରପାଣିଃ ଶିରସ୍ତଥା ॥ ୮॥

ପ୍ରଭାତେ ମାଧଵଃ ପାତୁ ମଧ୍ଯାହ୍ନେ ମଧୁସୂଦନଃ ।
ଦିନାନ୍ତେ ଦୈତ୍ଯନାଶଶ୍ଚ ରାତ୍ରୌ ରକ୍ଷତୁ ଚନ୍ଦ୍ରମାଃ ॥ ୯॥

ପୂର୍ଵସ୍ଯାଂ ପୁଣ୍ଡରୀକାକ୍ଷୋ ଵାଯଵ୍ଯାଂ ଚ ଜନାର୍ଦନଃ ।
ଇତି ତେ କଥିତଂ ଵତ୍ସ ସର୍ଵମନ୍ତ୍ରୌଘଵିଗ୍ରହମ୍ ॥ ୧୦॥

ତଵ ସ୍ନେହାନ୍ମଯାଽଽଖ୍ଯାତଂ ନ ଵକ୍ତଵ୍ଯଂ ତୁ କସ୍ଯଚିତ୍ ।
କଵଚଂ ଧାରଯେଦ୍ଯସ୍ତୁ ସାଧକୋ ଦକ୍ଷିଣେ ଭୁଜେ ॥ ୧୧॥

ଦେଵା ମନୁଷ୍ଯା ଗନ୍ଧର୍ଵା ଯଜ୍ଞାସ୍ତସ୍ଯ ନ ସଂଶଯଃ ।
ଯୋଷିଦ୍ଵାମଭୁଜେ ଚୈଵ ପୁରୁଷୋ ଦକ୍ଷିଣେ ଭୁଜେ ॥ ୧୨॥

ନିଭୃଯାତ୍କଵଚଂ ପୁଣ୍ଯଂ ସର୍ଵସିଦ୍ଧିଯୁତୋ ଭଵେତ୍ ।
କଣ୍ଠେ ଯୋ ଧାରଯେଦେତତ୍ କଵଚଂ ମତ୍ସ୍ଵରୂପିଣମ୍ ॥ ୧୩॥

ଯୁଦ୍ଧେ ଜଯମଵାପ୍ନୋତି ଦ୍ଯୂତେ ଵାଦେ ଚ ସାଧକଃ ।
ସର୍ଵଥା ଜଯମାପ୍ନୋତି ନିଶ୍ଚିତଂ ଜନ୍ମଜନ୍ମନି ॥ ୧୪॥

ଅପୁତ୍ରୋ ଲଭତେ ପୁତ୍ରଂ ରୋଗନାଶସ୍ତଥା ଭଵେତ୍ ।
ସର୍ଵତାପପ୍ରମୁକ୍ତଶ୍ଚ ଵିଷ୍ଣୁଲୋକଂ ସ ଗଚ୍ଛତି ॥ ୧୫॥

॥ ଇତି ବ୍ରହ୍ମସଂହିତୋକ୍ତଂ ଶ୍ରୀଗୋପାଲାକ୍ଷଯକଵଚଂ ସମ୍ପୂର୍ଣମ୍ ॥