கோபால அக்ஷய கவசம்

ஶ்ரீ கணேஶாய நமஃ ।
ஶ்ரீ நாரத உவாச।
இந்த்ராத்யமரவர்கேஷு ப்ரஹ்மந்யத்பரமா'த்புதம் ।
அக்ஷயம் கவசம் நாம கதயஸ்வ மம ப்ரபோ ॥ ௧॥

யத்த்ரு'த்வா''கர்ண்ய வீரஸ்து த்ரைலோக்ய விஜயீ பவேத் । ப்ரஹ்மோவாச ।
ஶ்ரு'ணு புத்ர முநிஶ்ரேஷ்ட கவசம் பரமாத்புதம் ॥ ௨॥

இந்த்ராதிதேவவ்ரு'ந்தைஶ்ச நாராயணமுகாச்ச்ரதம் ।
த்ரைலோக்யவிஜயஸ்யாஸ்ய கவசஸ்ய ப்ரஜாபதிஃ ॥ ௩॥

ரு'ஷிஶ்சந்தோ தேவதா ச ஸதா நாராயணஃ ப்ரபுஃ ।
அஸ்ய ஶ்ரீத்ரைலோக்யவிஜயாக்ஷயகவசஸ்ய ப்ரஜாபதிரு'ர்ஷிஃ।
அநுஷ்டுப்சந்தஃ।, ஶ்ரீநாராயணஃ பரமாத்மா தேவதா।
தர்மார்தகாமமோக்ஷார்தே ஜபே விநியோகஃ ।
பாதௌ ரக்ஷது கோவிந்தோ ஜங்கே பாது ஜகத்ப்ரபுஃ ॥ ௪॥

ஊரூ த்வௌ கேஶவஃ பாது கடீ தாமோதரஸ்ததஃ ।
வதநம் ஶ்ரீஹரிஃ பாது நாடீதேஶம் ச மே'ச்யுதஃ ॥ ௫॥

வாமபார்ஶ்வம் ததா விஷ்ணுர்தக்ஷிணம் ச ஸுதர்ஶநஃ ।
பாஹுமூலே வாஸுதேவோ ஹ்ரு'தயம் ச ஜநார்தநஃ ॥ ௬॥

கண்டம் பாது வராஹஶ்ச க்ரு'ஷ்ணஶ்ச முகமண்டலம் ।
கர்ணௌ மே மாதவஃ பாது ஹ்ரு'ஷீகேஶஶ்ச நாஸிகே ॥ ௭॥

நேத்ரே நாராயணஃ பாது லலாடம் கருடத்வஜஃ ।
கபோலம் கேஶவஃ பாது சக்ரபாணிஃ ஶிரஸ்ததா ॥ ௮॥

ப்ரபாதே மாதவஃ பாது மத்யாஹ்நே மதுஸூதநஃ ।
திநாந்தே தைத்யநாஶஶ்ச ராத்ரௌ ரக்ஷது சந்த்ரமாஃ ॥ ௯॥

பூர்வஸ்யாம் புண்டரீகாக்ஷோ வாயவ்யாம் ச ஜநார்தநஃ ।
இதி தே கதிதம் வத்ஸ ஸர்வமந்த்ரௌகவிக்ரஹம் ॥ ௧௦॥

தவ ஸ்நேஹாந்மயா''க்யாதம் ந வக்தவ்யம் து கஸ்யசித் ।
கவசம் தாரயேத்யஸ்து ஸாதகோ தக்ஷிணே புஜே ॥ ௧௧॥

தேவா மநுஷ்யா கந்தர்வா யஜ்ஞாஸ்தஸ்ய ந ஸம்ஶயஃ ।
யோஷித்வாமபுஜே சைவ புருஷோ தக்ஷிணே புஜே ॥ ௧௨॥

நிப்ரு'யாத்கவசம் புண்யம் ஸர்வஸித்தியுதோ பவேத் ।
கண்டே யோ தாரயேதேதத் கவசம் மத்ஸ்வரூபிணம் ॥ ௧௩॥

யுத்தே ஜயமவாப்நோதி த்யூதே வாதே ச ஸாதகஃ ।
ஸர்வதா ஜயமாப்நோதி நிஶ்சிதம் ஜந்மஜந்மநி ॥ ௧௪॥

அபுத்ரோ லபதே புத்ரம் ரோகநாஶஸ்ததா பவேத் ।
ஸர்வதாபப்ரமுக்தஶ்ச விஷ்ணுலோகம் ஸ கச்சதி ॥ ௧௫॥

॥ இதி ப்ரஹ்மஸம்ஹிதோக்தம் ஶ்ரீகோபாலாக்ஷயகவசம் ஸம்பூர்ணம் ॥