What is Haridra Ganesh Kavacham?

Read Haridra Ganesh Kavacham in Assamese script — full lyrics with English meaning and transliteration. The Haridra Ganesha Kavacham, spoken by Ishvara — the armour of the turmeric-yellow Ganesha, worshipped for auspiciousness and for the removal of obstacles.

Which deity is Haridra Ganesh Kavacham dedicated to?

Haridra Ganesh Kavacham is a Sanskrit hymn dedicated to Lord Ganesha.

Haridra Ganesh Kavacham in Assamese – Meaning

॥ শ্ৰী গণেশায নমঃ ॥

ঈশ্ৱৰ উৱাচ
শৃণু ৱক্ষ্যামি কৱচং সৰ্ৱসিদ্ধিকৰং প্ৰিযে ।
পঠিত্ৱা পাঠযিত্ৱা চ মুচ্যতে সৰ্ৱসঙ্কটাত্ ॥ ১॥

অজ্ঞাত্ৱা কৱচং দেৱি গণেশস্য মনুং জপেত্ ।
সিদ্ধিৰ্নজাযতে তস্য কল্পকোটিশতৈৰপি ॥ ২॥

ওঁ আমোদশ্চ শিৰঃ পাতু প্ৰমোদশ্চ শিখোপৰি ।
সম্মোদো ভ্ৰূযুগে পাতু ভ্ৰূমধ্যে চ গণাধিপঃ ॥ ৩॥

গণাক্ৰীডো নেত্ৰযুগ্মং নাসাযাং গণনাযকঃ ।
গণক্ৰীডান্ৱিতঃ পাতু ৱদনে সৰ্ৱসিদ্ধযে ॥ ৪॥

জিহ্ৱাযাং সুমুখঃ পাতু গ্ৰীৱাযাং দুৰ্মুখঃ সদা ।
ৱিঘ্নেশো হৃদযে পাতু ৱিঘ্ননাথশ্চ ৱক্ষসি ॥ ৫॥

গণানাং নাযকঃ পাতু বাহুযুগ্মং সদা মম ।
ৱিঘ্নকৰ্তা চ হ্যুদৰে ৱিঘ্নহৰ্তা চ লিঙ্গকে ॥ ৬॥

গজৱক্ত্ৰঃ কটীদেশে একদন্তো নিতম্বকে ।
লম্বোদৰঃ সদা পাতু গুহ্যদেশে মমাৰুণঃ ॥ ৭॥

ৱ্যালযজ্ঞোপৱীতী মাং পাতু পাদযুগে সদা ।
জাপকঃ সৰ্ৱদা পাতু জানুজঙ্ঘে গণাধিপঃ ॥ ৮॥

হাৰিদ্ৰঃ সৰ্ৱদা পাতু সৰ্ৱাঙ্গে গণনাযকঃ ।
য ইদং প্ৰপঠেন্নিত্যং গণেশস্য মহেশ্ৱৰি ॥ ৯॥

কৱচং সৰ্ৱসিদ্ধাখ্যং সৰ্ৱৱিঘ্নৱিনাশনম্ ।
সৰ্ৱসিদ্ধিকৰং সাক্ষাত্সৰ্ৱপাপৱিমোচনম্ ॥ ১০॥

সৰ্ৱসম্পত্প্ৰদং সাক্ষাত্সৰ্ৱদুঃখৱিমোক্ষণম্ ।
সৰ্ৱাপত্তিপ্ৰশমনং সৰ্ৱশত্ৰুক্ষযঙ্কৰম্ ॥ ১১॥

গ্ৰহপীডা জ্ৱৰা ৰোগা যে চান্যে গুহ্যকাদযঃ ।
পঠনাদ্ধাৰণাদেৱ নাশমাযন্তি তত্ক্ষণাত্ ॥ ১২॥

ধনধান্যকৰং দেৱি কৱচং সুৰপূজিতম্ ।
সমং নাস্তি মহেশানি ত্ৰৈলোক্যে কৱচস্য চ ॥ ১৩॥

হাৰিদ্ৰস্য মহাদেৱি ৱিঘ্নৰাজস্য ভূতলে ।
কিমন্যৈৰসদালাপৈৰ্যত্ৰাযুৰ্ৱ্যযতামিযাত্ ॥ ১৪॥

॥ ইতি ৱিশ্ৱসাৰতন্ত্ৰে হৰিদ্ৰাগণেশকৱচং সম্পূৰ্ণম্ ॥

হৰিদ্ৰা গণেশ কৱচম্

Explore More

More Ganesha Stotras

Explore More