What is Haridra Ganesh Kavacham?

Read Haridra Ganesh Kavacham in Bengali script — full lyrics with English meaning and transliteration. The Haridra Ganesha Kavacham, spoken by Ishvara — the armour of the turmeric-yellow Ganesha, worshipped for auspiciousness and for the removal of obstacles.

Which deity is Haridra Ganesh Kavacham dedicated to?

Haridra Ganesh Kavacham is a Sanskrit hymn dedicated to Lord Ganesha.

Haridra Ganesh Kavacham in Bengali – Meaning & Word-by-Word

॥ শ্রী গণেশায নমঃ ॥

ঈশ্বর উবাচ
শৃণু বক্ষ্যামি কবচং সর্বসিদ্ধিকরং প্রিযে ।
পঠিত্বা পাঠযিত্বা চ মুচ্যতে সর্বসঙ্কটাত্ ॥ ১॥

অজ্ঞাত্বা কবচং দেবি গণেশস্য মনুং জপেত্ ।
সিদ্ধির্নজাযতে তস্য কল্পকোটিশতৈরপি ॥ ২॥

ওঁ আমোদশ্চ শিরঃ পাতু প্রমোদশ্চ শিখোপরি ।
সম্মোদো ভ্রূযুগে পাতু ভ্রূমধ্যে চ গণাধিপঃ ॥ ৩॥

গণাক্রীডো নেত্রযুগ্মং নাসাযাং গণনাযকঃ ।
গণক্রীডান্বিতঃ পাতু বদনে সর্বসিদ্ধযে ॥ ৪॥

জিহ্বাযাং সুমুখঃ পাতু গ্রীবাযাং দুর্মুখঃ সদা ।
বিঘ্নেশো হৃদযে পাতু বিঘ্ননাথশ্চ বক্ষসি ॥ ৫॥

গণানাং নাযকঃ পাতু বাহুযুগ্মং সদা মম ।
বিঘ্নকর্তা চ হ্যুদরে বিঘ্নহর্তা চ লিঙ্গকে ॥ ৬॥

গজবক্ত্রঃ কটীদেশে একদন্তো নিতম্বকে ।
লম্বোদরঃ সদা পাতু গুহ্যদেশে মমারুণঃ ॥ ৭॥

ব্যালযজ্ঞোপবীতী মাং পাতু পাদযুগে সদা ।
জাপকঃ সর্বদা পাতু জানুজঙ্ঘে গণাধিপঃ ॥ ৮॥

হারিদ্রঃ সর্বদা পাতু সর্বাঙ্গে গণনাযকঃ ।
য ইদং প্রপঠেন্নিত্যং গণেশস্য মহেশ্বরি ॥ ৯॥

কবচং সর্বসিদ্ধাখ্যং সর্ববিঘ্নবিনাশনম্ ।
সর্বসিদ্ধিকরং সাক্ষাত্সর্বপাপবিমোচনম্ ॥ ১০॥

সর্বসম্পত্প্রদং সাক্ষাত্সর্বদুঃখবিমোক্ষণম্ ।
সর্বাপত্তিপ্রশমনং সর্বশত্রুক্ষযঙ্করম্ ॥ ১১॥

গ্রহপীডা জ্বরা রোগা যে চান্যে গুহ্যকাদযঃ ।
পঠনাদ্ধারণাদেব নাশমাযন্তি তত্ক্ষণাত্ ॥ ১২॥

ধনধান্যকরং দেবি কবচং সুরপূজিতম্ ।
সমং নাস্তি মহেশানি ত্রৈলোক্যে কবচস্য চ ॥ ১৩॥

হারিদ্রস্য মহাদেবি বিঘ্নরাজস্য ভূতলে ।
কিমন্যৈরসদালাপৈর্যত্রাযুর্ব্যযতামিযাত্ ॥ ১৪॥

॥ ইতি বিশ্বসারতন্ত্রে হরিদ্রাগণেশকবচং সম্পূর্ণম্ ॥

হরিদ্রা গণেশ কবচম্

Explore More

More Ganesha Stotras

Explore More