Lord Rama

শ্ৰী ৰাম সহস্ৰনাম স্তোত্ৰম্

(Sri Rama Sahasranama Stotram in Assamese)

From Ananda Ramayana

Language:Sanskrit
Translation:English

The Sri Rama Sahasranama Stotram is a profound devotional hymn comprising one thousand names of Lord Rama, the embodiment of Dharma and the seventh avatar of Lord Vishnu. Originating from the Ananda Ramayana, this sacred text serves as a meditative tool for devotees to invoke the divine qualities of the Maryada Purushottama. Traditionally recited to seek protection, inner peace, and spiritual growth, the stotra is believed to dissolve karmic burdens and bestow grace upon the practitioner. By contemplating these names, the devotee aligns their consciousness with the purity and righteousness of Rama, fostering devotion and mental tranquility.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 132
শ্ৰীৰামসহস্ৰনামস্তোত্ৰম্
শ্ৰীৰাঘৱং দশৰথাত্মজমপ্ৰমেযং
সীতাপতিং ৰঘুকুলান্ৱযৰত্নদীপম্ ।
আজানুবাহুমৰৱিন্দদলাযতাক্ষং
ৰামং নিশাচৰৱিনাশকৰং নমামি ॥
ৱৈদেহীসহিতং সুৰদ্ৰুমতলে হৈমে মহামণ্ডপে
মধ্যে পুষ্পকমাসনে মণিমযে ৱীৰাসনে সুস্থিতম্ ।
অগ্ৰে ৱাচযতি প্ৰভঞ্জনসুতে তত্ত্ৱং মুনিভ্যঃ পৰং
ৱ্যাখ্যান্তং ভৰতাদিভিঃ পৰিৱৃতং ৰামং ভজে শ্যামলম্ ॥
পাৰ্ৱত্যুৱাচ-
শ্ৰোতুমিচ্ছাম্যহং দেৱ তদেৱং সৰ্ৱকামদম্ ।
নাম্নাং সহস্ৰং ৰামস্য ব্ৰূহি যদ্যস্তি মে দযা ॥ ১
শ্ৰীমহাদেৱ উৱাচ-
অথ ৱক্ষ্যামি তে দেৱি ৰামনামসহস্ৰকম্ ।
শৃণু চৈকমনাঃ স্তোত্ৰং গুহ্যাদুহ্যতৰং মহত্ ॥ ২
অস্য শ্ৰীৰামসহস্ৰনামস্তোত্ৰমহামন্ত্ৰস্য, ভগৱান্ ঈশ্ৱৰ ঋষিঃ ।
অনুষ্টুপ্ছন্দঃ । শ্ৰীৰামঃ পৰমাত্মা দেৱতা ।
শ্ৰীমান্মহাৱিষ্ণুৰিতি বীজম্ । গুণভৃন্নিৰ্গুণো মহানিতি শক্তিঃ ।
সংসাৰতাৰকো ৰাম ইতি মন্ত্ৰঃ । সচ্চিদানন্দৱিগ্ৰহ ইতি কীলকম্ ।
অক্ষযঃ পুৰুষঃ সাক্ষীতি কৱচম্ । অজেযঃ সৰ্ৱভূতানাং ইত্যস্ত্ৰম্ ।
ৰাজীৱলোচনঃ শ্ৰীমানিতি ধ্যানম্ ।
শ্ৰীৰামপ্ৰীত্যৰ্থে দিৱ্যসহস্ৰনামজপে
ৱিনিযোগঃ ।
কৰন্যাসঃ -
শ্ৰীৰামচন্দ্ৰাযেত্যঙ্গুষ্ঠাভ্যাং নমঃ ।
সীতাপতযে ইতি তৰ্জনীভ্যাং নমঃ ।
ৰঘুনাথাযেতি মধ্যমাভ্যাং নমঃ ।
ভৰতাগ্ৰজাযেত্যনামিকাভ্যাং নমঃ ।
দশৰথাত্মজাযেতি কনিষ্ঠিকাভ্যাং নমঃ ।
হনুমত্প্ৰভৱে ইতি কৰতলকৰপৃষ্ঠাভ্যাং নমঃ ।
এৱং হৃদযাদিন্যাসঃ ।
ধ্যানম্-
ৱিজ্ঞানহেতুং ৱিমলাযতাক্ষং প্ৰজ্ঞানৰূপং স্ৱসুখৈকহেতুম্ ।
শ্ৰীৰামচন্দ্ৰং হৰিমাদিদেৱং পৰাত্পৰং ৰামমহং ভজামি ॥
তত্ত্ৱস্ৱৰূপং পুৰুষং পুৰাণং স্ৱতেজসা পূৰিতৱিশ্ৱমেকম্ ।
ৰাজাধিৰাজং ৰৱিমণ্ডলস্থং ৱিশ্ৱেশ্ৱৰং ৰামমহং ভজামি ।
লমিত্যাদিপঞ্চপূজাঃ ।
ওঁ ৰামঃ শ্ৰীমান্ মহাৱিষ্ণুৰ্জিষ্ণুৰ্দেৱহিতাৱহঃ ।
তত্ত্ৱাত্মা তাৰকং ব্ৰহ্ম শাশ্ৱতঃ সৰ্ৱসিদ্ধিদঃ ॥
ৰাজীৱলোচনঃ শ্ৰীমান্ শ্ৰীৰামো ৰঘুপুঙ্গৱঃ ।
ৰামভদ্ৰঃ সদাচাৰো ৰাজেন্দ্ৰো জানকীপতিঃ ॥ ১॥
অগ্ৰগণ্যো ৱৰেণ্যশ্চ ৱৰদঃ পৰমেশ্ৱৰঃ ।
জনাৰ্দনো জিতামিত্ৰঃ পৰাৰ্থৈকপ্ৰযোজনঃ ॥ ২॥
ৱিশ্ৱামিত্ৰপ্ৰিযো দান্তঃ শত্ৰুজিচ্ছত্ৰুতাপনঃ ।
সৰ্ৱজ্ঞঃ সৰ্ৱদেৱাদিঃ শৰণ্যো ৱালিমৰ্দনঃ ॥ ৩॥
জ্ঞানভাৱ্যোঽপৰিচ্ছেদ্যো ৱাগ্মী সত্যৱ্ৰতঃ শুচিঃ ।
জ্ঞানগম্যো দৃঢপ্ৰজ্ঞঃ খৰধ্ৱংসী প্ৰতাপৱান্ ॥ ৪॥
দ্যুতিমানাত্মৱান্ ৱীৰো জিতক্ৰোধোঽৰিমৰ্দনঃ ।
ৱিশ্ৱৰূপো ৱিশালাক্ষঃ প্ৰভুঃ পৰিৱৃঢো দৃঢঃ ॥ ৫॥
ঈশঃ খড্গধৰঃ শ্ৰীমান্ কৌসলেযোঽনসূযকঃ ।
ৱিপুলাংসো মহোৰস্কঃ পৰমেষ্ঠী পৰাযণঃ ॥ ৬॥
সত্যৱ্ৰতঃ সত্যসন্ধো গুৰুঃ পৰমধাৰ্মিকঃ ।
লোকজ্ঞো লোকৱন্দ্যশ্চ লোকাত্মা লোককৃত্পৰঃ ॥ ৭॥
অনাদিৰ্ভগৱান্ সেৱ্যো জিতমাযো ৰঘূদ্ৱহঃ ।
ৰামো দযাকৰো দক্ষঃ সৰ্ৱজ্ঞঃ সৰ্ৱপাৱনঃ ॥ ৮॥
ব্ৰহ্মণ্যো নীতিমান্ গোপ্তা সৰ্ৱদেৱমযো হৰিঃ ।
সুন্দৰঃ পীতৱাসাশ্চ সূত্ৰকাৰঃ পুৰাতনঃ ॥ ৯॥
সৌম্যো মহৰ্ষিঃ কোদণ্ডী সৰ্ৱজ্ঞঃ সৰ্ৱকোৱিদঃ ।
কৱিঃ সুগ্ৰীৱৱৰদঃ সৰ্ৱপুণ্যাধিকপ্ৰদঃ ॥ ১০॥
ভৱ্যো জিতাৰিষড্ৱৰ্গো মহোদাৰোঽঘনাশনঃ ।
সুকীৰ্তিৰাদিপুৰুষঃ কান্তঃ পুণ্যকৃতাগমঃ ॥ ১১॥
অকল্মষশ্চতুৰ্বাহুঃ সৰ্ৱাৱাসো দুৰাসদঃ ।
স্মিতভাষী নিৱৃত্তাত্মা স্মৃতিমান্ ৱীৰ্যৱান্ প্ৰভুঃ ॥ ১২॥
ধীৰো দান্তো ঘনশ্যামঃ সৰ্ৱাযুধৱিশাৰদঃ ।
অধ্যাত্মযোগনিলযঃ সুমনা লক্ষ্মণাগ্ৰজঃ ॥ ১৩॥
সৰ্ৱতীৰ্থমযঃ শূৰঃ সৰ্ৱযজ্ঞফলপ্ৰদঃ ।
যজ্ঞস্ৱৰূপী যজ্ঞেশো জৰামৰণৱৰ্জিতঃ ॥ ১৪॥
ৱৰ্ণাশ্ৰমকৰো ৱৰ্ণী শত্ৰুজিত্ পুৰুষোত্তমঃ ।
ৱিভীষণপ্ৰতিষ্ঠাতা পৰমাত্মা পৰাত্পৰঃ ॥ ১৫॥
প্ৰমাণভূতো দুৰ্জ্ঞেযঃ পূৰ্ণঃ পৰপুৰঞ্জযঃ ।
অনন্তদৃষ্টিৰানন্দো ধনুৰ্ৱেদো ধনুৰ্ধৰঃ ॥ ১৬॥
গুণাকৰো গুণশ্ৰেষ্ঠঃ সচ্চিদানন্দৱিগ্ৰহঃ ।
অভিৱন্দ্যো মহাকাযো ৱিশ্ৱকৰ্মা ৱিশাৰদঃ ॥ ১৭॥
ৱিনীতাত্মা ৱীতৰাগস্তপস্ৱীশো জনেশ্ৱৰঃ ।
কল্যাণপ্ৰকৃতিঃ কল্পঃ সৰ্ৱেশঃ সৰ্ৱকামদঃ ॥ ১৮॥
অক্ষযঃ পুৰুষঃ সাক্ষী কেশৱঃ পুৰুষোত্তমঃ ।
লোকাধ্যক্ষো মহামাযো ৱিভীষণৱৰপ্ৰদঃ ॥ ১৯॥
আনন্দৱিগ্ৰহো জ্যোতিৰ্হনুমত্প্ৰভুৰৱ্যযঃ ।
ভ্ৰাজিষ্ণুঃ সহনো ভোক্তা সত্যৱাদী বহুশ্ৰুতঃ ॥ ২০॥
সুখদঃ কাৰণং কৰ্তা ভৱবন্ধৱিমোচনঃ ।
দেৱচূডামণিৰ্নেতা ব্ৰহ্মণ্যো ব্ৰহ্মৱৰ্ধনঃ ॥ ২১॥
সংসাৰোত্তাৰকো ৰামঃ সৰ্ৱদুঃখৱিমোক্ষকৃত্ ।
ৱিদ্ৱত্তমো ৱিশ্ৱকৰ্তা ৱিশ্ৱহৰ্তা চ ৱিশ্ৱকৃত্ ॥ ২২॥
নিত্যো নিযতকল্যাণঃ সীতাশোকৱিনাশকৃত্ ।
কাকুত্স্থঃ পুণ্ডৰীকাক্ষো ৱিশ্ৱামিত্ৰভযাপহঃ ॥ ২৩॥
মাৰীচমথনো ৰামো ৱিৰাধৱধপণ্ডিতঃ ।
দুঃস্ৱপ্ননাশনো ৰম্যঃ কিৰীটী ত্ৰিদশাধিপঃ ॥ ২৪॥
মহাধনুৰ্মহাকাযো ভীমো ভীমপৰাক্ৰমঃ ।
তত্ত্ৱস্ৱৰূপী তত্ত্ৱজ্ঞস্তত্ত্ৱৱাদী সুৱিক্ৰমঃ ॥ ২৫॥
ভূতাত্মা ভূতকৃত্স্ৱামী কালজ্ঞানী মহাপটুঃ ।
অনিৰ্ৱিণ্ণো গুণগ্ৰাহী নিষ্কলঙ্কঃ কলঙ্কহা ॥ ২৬॥
স্ৱভাৱভদ্ৰঃ শত্ৰুঘ্নঃ কেশৱঃ স্থাণুৰীশ্ৱৰঃ ।
ভূতাদিঃ শম্ভুৰাদিত্যঃ স্থৱিষ্ঠঃ শাশ্ৱতো ধ্ৰুৱঃ ॥ ২৭॥
কৱচী কুণ্ডলী চক্ৰী খড্গী ভক্তজনপ্ৰিযঃ ।
অমৃত্যুৰ্জন্মৰহিতঃ সৰ্ৱজিত্সৰ্ৱগোচৰঃ ॥ ২৮॥
অনুত্তমোঽপ্ৰমেযাত্মা সৰ্ৱাদিৰ্গুণসাগৰঃ ।
সমঃ সমাত্মা সমগো জটামুকুটমণ্ডিতঃ ॥ ২৯॥
অজেযঃ সৰ্ৱভূতাত্মা ৱিষ্ৱক্সেনো মহাতপাঃ ।
লোকাধ্যক্ষো মহাবাহুৰমৃতো ৱেদৱিত্তমঃ ॥ ৩০॥
সহিষ্ণুঃ সদ্গতিঃ শাস্তা ৱিশ্ৱযোনিৰ্মহাদ্যুতিঃ ।
অতীন্দ্ৰ ঊৰ্জিতঃ প্ৰাংশুৰুপেন্দ্ৰো ৱামনো বলী ॥ ৩১॥
ধনুৰ্ৱেদো ৱিধাতা চ ব্ৰহ্মা ৱিষ্ণুশ্চ শঙ্কৰঃ ।
হংসো মৰীচিৰ্গোৱিন্দো ৰত্নগৰ্ভো মহামতিঃ ॥ ৩২॥
ৱ্যাসো ৱাচস্পতিঃ সৰ্ৱদৰ্পিতাসুৰমৰ্দনঃ ।
জানকীৱল্লভঃ পূজ্যঃ প্ৰকটঃ প্ৰীতিৱৰ্ধনঃ ॥ ৩৩॥
সম্ভৱোঽতীন্দ্ৰিযো ৱেদ্যোঽনিৰ্দেশো জাম্বৱত্প্ৰভুঃ ।
মদনো মথনো ৱ্যাপী ৱিশ্ৱৰূপো নিৰঞ্জনঃ ॥ ৩৪॥
নাৰাযণোঽগ্ৰণীঃ সাধুৰ্জটাযুপ্ৰীতিৱৰ্ধনঃ ।
নৈকৰূপো জগন্নাথঃ সুৰকাৰ্যহিতঃ স্ৱভূঃ ॥ ৩৫॥
জিতক্ৰোধো জিতাৰাতিঃ প্লৱগাধিপৰাজ্যদঃ ।
ৱসুদঃ সুভুজো নৈকমাযো ভৱ্যপ্ৰমোদনঃ ॥ ৩৬॥
চণ্ডাংশুঃ সিদ্ধিদঃ কল্পঃ শৰণাগতৱত্সলঃ ।
অগদো ৰোগহৰ্তা চ মন্ত্ৰজ্ঞো মন্ত্ৰভাৱনঃ ॥ ৩৭॥
সৌমিত্ৰিৱত্সলো ধুৰ্যো ৱ্যক্তাৱ্যক্তস্ৱৰূপধৃক্ ।
ৱসিষ্ঠো গ্ৰামণীঃ শ্ৰীমাননুকূলঃ প্ৰিযংৱদঃ ॥ ৩৮॥
অতুলঃ সাত্ত্ৱিকো ধীৰঃ শৰাসনৱিশাৰদঃ ।
জ্যেষ্ঠঃ সৰ্ৱগুণোপেতঃ শক্তিমাংস্তাটকান্তকঃ ॥ ৩৯॥
ৱৈকুণ্ঠঃ প্ৰাণিনাং প্ৰাণঃ কমঠঃ কমলাপতিঃ ।
গোৱৰ্ধনধৰো মত্স্যৰূপঃ কাৰুণ্যসাগৰঃ ॥ ৪০॥
কুম্ভকৰ্ণপ্ৰভেত্তা চ গোপীগোপালসংৱৃতঃ ।
মাযাৱী ৱ্যাপকো ৱ্যাপী ৰৈণুকেযবলাপহঃ ॥ ৪১॥
পিনাকমথনো ৱন্দ্যঃ সমৰ্থো গৰুডধ্ৱজঃ ।
লোকত্ৰযাশ্ৰযো লোকচৰিতো ভৰতাগ্ৰজঃ ॥ ৪২॥
শ্ৰীধৰঃ সদ্গতিৰ্লোকসাক্ষী নাৰাযণো বুধঃ ।
মনোৱেগী মনোৰূপী পূৰ্ণঃ পুৰুষপুঙ্গৱঃ ॥ ৪৩॥
যদুশ্ৰেষ্ঠো যদুপতিৰ্ভূতাৱাসঃ সুৱিক্ৰমঃ ।
তেজোধৰো ধৰাধাৰশ্চতুৰ্মূৰ্তিৰ্মহানিধিঃ ॥ ৪৪॥
চাণূৰমৰ্দনো দিৱ্যঃ শান্তো ভৰতৱন্দিতঃ ।
শব্দাতিগো গভীৰাত্মা কোমলাঙ্গঃ প্ৰজাগৰঃ ॥ ৪৫॥
লোকগৰ্ভঃ শেষশাযী ক্ষীৰাব্ধিনিলযোঽমলঃ ।
আত্মযোনিৰদীনাত্মা সহস্ৰাক্ষঃ সহস্ৰপাত্ ॥ ৪৬॥
অমৃতাংশুৰ্মহাগৰ্ভো নিৱৃত্তৱিষযস্পৃহঃ ।
ত্ৰিকালজ্ঞো মুনিঃ সাক্ষী ৱিহাযসগতিঃ কৃতী ॥ ৪৭॥
পৰ্জন্যঃ কুমুদো ভূতাৱাসঃ কমললোচনঃ ।
শ্ৰীৱত্সৱক্ষাঃ শ্ৰীৱাসো ৱীৰহা লক্ষ্মণাগ্ৰজঃ ॥ ৪৮॥
লোকাভিৰামো লোকাৰিমৰ্দনঃ সেৱকপ্ৰিযঃ ।
সনাতনতমো মেঘশ্যামলো ৰাক্ষসান্তকৃত্ ॥ ৪৯॥
দিৱ্যাযুধধৰঃ শ্ৰীমানপ্ৰমেযো জিতেন্দ্ৰিযঃ ।
ভূদেৱৱন্দ্যো জনকপ্ৰিযকৃত্প্ৰপিতামহঃ ॥ ৫০॥
উত্তমঃ সাত্ত্ৱিকঃ সত্যঃ সত্যসন্ধস্ত্ৰিৱিক্ৰমঃ ।
সুৱ্ৰতঃ সুলভঃ সূক্ষ্মঃ সুঘোষঃ সুখদঃ সুধীঃ ॥ ৫১॥
দামোদৰোঽচ্যুতঃ শাৰ্ঙ্গী ৱামনো মধুৰাধিপঃ ।
দেৱকীনন্দনঃ শৌৰিঃ শূৰঃ কৈটভমৰ্দনঃ ॥ ৫২॥
সপ্ততালপ্ৰভেত্তা চ মিত্ৰৱংশপ্ৰৱৰ্ধনঃ ।
কালস্ৱৰূপী কালাত্মাকালঃ কল্যাণদঃকৱিঃ ।
সংৱত্সৰ ঋতুঃ পক্ষো হ্যযনং দিৱসো যুগঃ ॥ ৫৩॥
স্তৱ্যো ৱিৱিক্তো নিৰ্লেপঃ সৰ্ৱৱ্যাপী নিৰাকুলঃ ।
অনাদিনিধনঃ সৰ্ৱলোকপূজ্যো নিৰামযঃ ॥ ৫৪॥
ৰসো ৰসজ্ঞঃ সাৰজ্ঞো লোকসাৰো ৰসাত্মকঃ ।
সৰ্ৱদুঃখাতিগো ৱিদ্যাৰাশিঃ পৰমগোচৰঃ ॥ ৫৫॥
শেষো ৱিশেষো ৱিগতকল্মষো ৰঘুনাযকঃ ।
ৱৰ্ণশ্ৰেষ্ঠো ৱৰ্ণৱাহ্যো ৱৰ্ণ্যো ৱৰ্ণ্যগুণোজ্জ্ৱলঃ ॥ ৫৬॥
কৰ্মসাক্ষ্যমৰশ্ৰেষ্ঠো দেৱদেৱঃ সুখপ্ৰদঃ ।
দেৱাধিদেৱো দেৱৰ্ষিৰ্দেৱাসুৰনমস্কৃতঃ ॥ ৫৭॥
সৰ্ৱদেৱমযশ্চক্ৰী শাৰ্ঙ্গপাণী ৰঘূত্তমঃ ।
মনো বুদ্ধিৰহঙ্কাৰঃ প্ৰকৃতিঃ পুৰুষোঽৱ্যযঃ ॥ ৫৮॥
অহল্যাপাৱনঃ স্ৱামী পিতৃভক্তো ৱৰপ্ৰদঃ ।
ন্যাযো ন্যাযী নযী শ্ৰীমান্নযো নগধৰো ধ্ৰুৱঃ ॥ ৫৯॥
লক্ষ্মীৱিশ্ৱম্ভৰাভৰ্তা দেৱেন্দ্ৰো বলিমৰ্দনঃ ।
ৱাণাৰিমৰ্দনো যজ্ৱানুত্তমো মুনিসেৱিতঃ ॥ ৬০॥
দেৱাগ্ৰণীঃ শিৱধ্যানতত্পৰঃ পৰমঃ পৰঃ ।
সামগেযঃ প্ৰিযোঽক্ৰূৰঃ পুণ্যকীৰ্তিঃ সুলোচনঃ ॥ ৬১॥
পুণ্যঃ পুণ্যাধিকঃ পূৰ্ৱঃ পূৰ্ণঃ পূৰযিতা ৰৱিঃ ।
জটিলঃ কল্মষধ্ৱান্তপ্ৰভঞ্জনৱিভাৱসুঃ ॥ ৬২॥
অৱ্যক্তলক্ষণোঽৱ্যক্তো দশাস্যদ্ৱিপকেসৰী ।
কলানিধিঃ কলানাথো কমলানন্দৱৰ্ধনঃ ॥ ৬৩॥
জযী জিতাৰিঃ সৰ্ৱাদিঃ শমনো ভৱভঞ্জনঃ ।
অলঙ্কৰিষ্ণুৰচলো ৰোচিষ্ণুৰ্ৱিক্ৰমোত্তমঃ ॥ ৬৪॥
আশুঃ শব্দপতিঃ শব্দাগোচৰো ৰঞ্জনো ৰঘুঃ ।
নিঃশব্দঃ প্ৰণৱো মালী স্থূলঃ সূক্ষ্মো ৱিলক্ষণঃ ॥ ৬৫॥
আত্মযোনিৰযোনিশ্চ সপ্তজিহ্ৱঃ সহস্ৰপাত্ ।
সনাতনতমঃ স্ৰগ্ৱী পেশলো জৱিনাং ৱৰঃ ॥ ৬৬॥
শক্তিমাঞ্শঙ্খভৃন্নাথঃ গদাপদ্মৰথাঙ্গভৃত্ ।
নিৰীহো নিৰ্ৱিকল্পশ্চ চিদ্ৰূপো ৱীতসাধ্ৱসঃ ॥ ৬৭॥
শতাননঃ সহস্ৰাক্ষঃ শতমূৰ্তিৰ্ধনপ্ৰভঃ ।
হৃত্পুণ্ডৰীকশযনঃ কঠিনো দ্ৰৱ এৱ চ ॥ ৬৮॥
উগ্ৰো গ্ৰহপতিঃ শ্ৰীমান্ সমৰ্থোঽনৰ্থনাশনঃ ।
অধৰ্মশত্ৰূ ৰক্ষোঘ্নঃ পুৰুহূতঃ পুৰুষ্টুতঃ ॥ ৬৯॥
ব্ৰহ্মগৰ্ভো বৃহদ্গৰ্ভো ধৰ্মধেনুৰ্ধনাগমঃ ।
হিৰণ্যগৰ্ভো জ্যোতিষ্মান্ সুললাটঃ সুৱিক্ৰমঃ ॥ ৭০॥
শিৱপূজাৰতঃ শ্ৰীমান্ ভৱানীপ্ৰিযকৃদ্ৱশী ।
নৰো নাৰাযণঃ শ্যামঃ কপৰ্দী নীললোহিতঃ ॥ ৭১॥
ৰুদ্ৰঃ পশুপতিঃ স্থাণুৰ্ৱিশ্ৱামিত্ৰো দ্ৱিজেশ্ৱৰঃ ।
মাতামহো মাতৰিশ্ৱা ৱিৰিঞ্চো ৱিষ্টৰশ্ৰৱাঃ ॥ ৭২॥
অক্ষোভ্যঃ সৰ্ৱভূতানাং চণ্ডঃ সত্যপৰাক্ৰমঃ ।
ৱালখিল্যো মহাকল্পঃ কল্পৱৃক্ষঃ কলাধৰঃ ॥ ৭৩॥
নিদাঘস্তপনোঽমোঘঃ শ্লক্ষ্ণঃ পৰবলাপহৃত্ ।
কবন্ধমথনো দিৱ্যঃ কম্বুগ্ৰীৱশিৱপ্ৰিযঃ ॥ ৭৪॥
শঙ্খোঽনিলঃ সুনিষ্পন্নঃ সুলভঃ শিশিৰাত্মকঃ ।
অসংসৃষ্টোঽতিথিঃ শূৰঃ প্ৰমাথী পাপনাশকৃত্ ॥ ৭৫॥
ৱসুশ্ৰৱাঃ কৱ্যৱাহঃ প্ৰতপ্তো ৱিশ্ৱভোজনঃ ।
ৰামো নীলোত্পলশ্যামো জ্ঞানস্কন্ধো মহাদ্যুতিঃ ॥ ৭৬॥
পৱিত্ৰপাদঃ পাপাৰিৰ্মণিপূৰো নভোগতিঃ ।
উত্তাৰণো দুষ্কৃতিহা দুৰ্ধৰ্ষো দুঃসহোঽভযঃ ॥ ৭৭॥
অমৃতেশোঽমৃতৱপুৰ্ধৰ্মী ধৰ্মঃ কৃপাকৰঃ ।
ভৰ্গো ৱিৱস্ৱানাদিত্যো যোগাচাৰ্যো দিৱস্পতিঃ ॥ ৭৮॥
উদাৰকীৰ্তিৰুদ্যোগী ৱাঙ্মযঃ সদসন্মযঃ ।
নক্ষত্ৰমালী নাকেশঃ স্ৱাধিষ্ঠানঃ ষডাশ্ৰযঃ ॥ ৭৯॥
চতুৰ্ৱৰ্গফলো ৱৰ্ণী শক্তিত্ৰযফলং নিধিঃ ।
নিধানগৰ্ভো নিৰ্ৱ্যাজো গিৰীশো ৱ্যালমৰ্দনঃ ॥ ৮০॥
শ্ৰীৱল্লভঃ শিৱাৰম্ভঃ শান্তিৰ্ভদ্ৰঃ সমঞ্জসঃ ।
ভূশযো ভূতিকৃদ্ভূতিৰ্ভূষণো ভূতৱাহনঃ ॥ ৮১॥
অকাযো ভক্তকাযস্থঃ কালজ্ঞানী মহাৱটুঃ ।
পৰাৰ্থৱৃত্তিৰচলো ৱিৱিক্তঃ শ্ৰুতিসাগৰঃ ॥ ৮২॥
স্ৱভাৱভদ্ৰো মধ্যস্থঃ সংসাৰভযনাশনঃ ।
ৱেদ্যো ৱৈদ্যো ৱিযদ্গোপ্তা সৰ্ৱামৰমুনীশ্ৱৰঃ ॥ ৮৩॥
সুৰেন্দ্ৰঃ কৰণং কৰ্ম কৰ্মকৃত্কৰ্ম্যধোক্ষজঃ ।
ধ্যেযো ধুৰ্যো ধৰাধীশঃ সংকল্পঃ শৰ্ৱৰীপতিঃ ॥ ৮৪॥
পৰমাৰ্থগুৰুৰ্ৱৃদ্ধঃ শুচিৰাশ্ৰিতৱত্সলঃ ।
ৱিষ্ণুৰ্জিষ্ণুৰ্ৱিভুৰ্ৱন্দ্যো যজ্ঞেশো যজ্ঞপালকঃ ॥ ৮৫॥
প্ৰভৱিষ্ণুৰ্গ্ৰসিষ্ণুশ্চ লোকাত্মা লোকভাৱনঃ ।
কেশৱঃ কেশিহা কাৱ্যঃ কৱিঃ কাৰণকাৰণম্ ॥ ৮৬॥
কালকৰ্তা কালশেষো ৱাসুদেৱঃ পুৰুষ্টুতঃ ।
আদিকৰ্তা ৱৰাহশ্চ মাধৱো মধুসূদনঃ ॥ ৮৭॥
নাৰাযণো নৰো হংসো ৱিষ্ৱক্সেনো জনাৰ্দনঃ ।
ৱিশ্ৱকৰ্তা মহাযজ্ঞো জ্যোতিষ্মান্ পুৰুষোত্তমঃ ॥ ৮৮॥
ৱৈকুণ্ঠঃ পুণ্ডৰীকাক্ষঃ কৃষ্ণঃ সূৰ্যঃ সুৰাৰ্চিতঃ ।
নাৰসিংহো মহাভীমো ৱক্ৰদংষ্ট্ৰো নখাযুধঃ ॥ ৮৯॥
আদিদেৱো জগত্কৰ্তা যোগীশো গৰুডধ্ৱজঃ ।
গোৱিন্দো গোপতিৰ্গোপ্তা ভূপতিৰ্ভুৱনেশ্ৱৰঃ ॥ ৯০॥
পদ্মনাভো হৃষীকেশো ধাতা দামোদৰঃ প্ৰভুঃ ।
ত্ৰিৱিক্ৰমস্ত্ৰিলোকেশো ব্ৰহ্মেশঃ প্ৰীতিৱৰ্ধনঃ ॥ ৯১॥
ৱামনো দুষ্টদমনো গোৱিন্দো গোপৱল্লভঃ ।
ভক্তপ্ৰিযোঽচ্যুতঃ সত্যঃ সত্যকীৰ্তিৰ্ধৃতিঃ স্মৃতিঃ ॥ ৯২॥
কাৰুণ্যং কৰুণো ৱ্যাসঃ পাপহা শান্তিৱৰ্ধনঃ ।
সংন্যাসী শাস্ত্ৰতত্ত্ৱজ্ঞো মন্দৰাদ্ৰিনিকেতনঃ ॥ ৯৩॥
বদৰীনিলযঃ শান্তস্তপস্ৱী ৱৈদ্যুতপ্ৰভঃ ।
ভূতাৱাসো গুহাৱাসঃ শ্ৰীনিৱাসঃ শ্ৰিযঃ পতিঃ ॥ ৯৪॥
তপোৱাসো মুদাৱাসঃ সত্যৱাসঃ সনাতনঃ ।
পুৰুষঃ পুষ্কৰঃ পুণ্যঃ পুষ্কৰাক্ষো মহেশ্ৱৰঃ ॥ ৯৫॥
পূৰ্ণমূৰ্তিঃ পুৰাণজ্ঞঃ পুণ্যদঃ প্ৰীতিৱৰ্ধনঃ ।
শঙ্খী চক্ৰী গদী শাৰ্ঙ্গী লাঙ্গলী মুসলী হলী ॥ ৯৬॥
কিৰীটী কুণ্ডলী হাৰী মেখলী কৱচী ধ্ৱজী ।
যোদ্ধা জেতা মহাৱীৰ্যঃ শত্ৰুজিচ্ছত্ৰুতাপনঃ ॥ ৯৭॥
শাস্তা শাস্ত্ৰকৰঃ শাস্ত্ৰং শঙ্কৰঃ শঙ্কৰস্তুতঃ ।
সাৰথিঃ সাত্ত্ৱিকঃ স্ৱামী সামৱেদপ্ৰিযঃ সমঃ ॥ ৯৮॥
পৱনঃ সংহতঃ শক্তিঃ সম্পূৰ্ণাঙ্গঃ সমৃদ্ধিমান্ ।
স্ৱৰ্গদঃ কামদঃ শ্ৰীদঃ কীৰ্তিদোঽকীৰ্তিনাশনঃ ॥ ৯৯॥
মোক্ষদঃ পুণ্ডৰীকাক্ষঃ ক্ষীৰাব্ধিকৃতকেতনঃ ।
সৰ্ৱাত্মা সৰ্ৱলোকেশঃ প্ৰেৰকঃ পাপনাশনঃ ॥ ১০০॥
সৰ্ৱৱ্যাপী জগন্নাথঃ সৰ্ৱলোকমহেশ্ৱৰঃ ।
সৰ্গস্থিত্যন্তকৃদ্দেৱঃ সৰ্ৱলোকসুখাৱহঃ ॥ ১০১॥
অক্ষয্যঃ শাশ্ৱতোঽনন্তঃ ক্ষযৱৃদ্ধিৱিৱৰ্জিতঃ ।
নিৰ্লেপো নিৰ্গুণঃ সূক্ষ্মো নিৰ্ৱিকাৰো নিৰঞ্জনঃ ॥ ১০২॥
সৰ্ৱোপাধিৱিনিৰ্মুক্তঃ সত্তামাত্ৰৱ্যৱস্থিতঃ ।
অধিকাৰী ৱিভুৰ্নিত্যঃ পৰমাত্মা সনাতনঃ ॥ ১০৩॥
অচলো নিৰ্মলো ৱ্যাপী নিত্যতৃপ্তো নিৰাশ্ৰযঃ ।
শ্যামো যুৱা লোহিতাক্ষো দীপ্তাস্যো মিতভাষণঃ ॥ ১০৪॥
আজানুবাহুঃ সুমুখঃ সিংহস্কন্ধো মহাভুজঃ ।
সত্যৱান্ গুণসম্পন্নঃ স্ৱযন্তেজাঃ সুদীপ্তিমান্ ॥ ১০৫॥
কালাত্মা ভগৱান্ কালঃ কালচক্ৰপ্ৰৱৰ্তকঃ ।
নাৰাযণঃ পৰঞ্জ্যোতিঃ পৰমাত্মা সনাতনঃ ॥ ১০৬॥
ৱিশ্ৱসৃড্ ৱিশ্ৱগোপ্তা চ ৱিশ্ৱভোক্তা চ শাশ্ৱতঃ ।
ৱিশ্ৱেশ্ৱৰো ৱিশ্ৱমূৰ্তিৰ্ৱিশ্ৱাত্মা ৱিশ্ৱভাৱনঃ ॥ ১০৭॥
সৰ্ৱভূতসুহৃচ্ছান্তঃ সৰ্ৱভূতানুকম্পনঃ ।
সৰ্ৱেশ্ৱৰেশ্ৱৰঃ সৰ্ৱঃ শ্ৰীমানাশ্ৰিতৱত্সলঃ ॥ ১০৮॥
সৰ্ৱগঃ সৰ্ৱভূতেশঃ সৰ্ৱভূতাশযস্থিতঃ ।
অভ্যন্তৰস্থস্তমসশ্ছেত্তা নাৰাযণঃ পৰঃ ॥ ১০৯॥
অনাদিনিধনঃ স্ৰষ্টা প্ৰজাপতিপতিৰ্হৰিঃ ।
নৰসিংহো হৃষীকেশঃ সৰ্ৱাত্মা সৰ্ৱদৃগ্ৱশী ॥ ১১০॥
জগতস্তস্থুষশ্চৈৱ প্ৰভুৰ্নেতা সনাতনঃ ।
কৰ্তা ধাতা ৱিধাতা চ সৰ্ৱেষাং প্ৰভুৰীশ্ৱৰঃ ॥ ১১১॥
সহস্ৰমূৰ্তিৰ্ৱিশ্ৱাত্মা ৱিষ্ণুৰ্ৱিশ্ৱদৃগৱ্যযঃ ।
পুৰাণপুৰুষঃ স্ৰষ্টা সহস্ৰাক্ষঃ সহস্ৰপাত্ ॥ ১১২॥
তত্ত্ৱং নাৰাযণো ৱিষ্ণুৰ্ৱাসুদেৱঃ সনাতনঃ ।
পৰমাত্মা পৰং ব্ৰহ্ম সচ্চিদানন্দৱিগ্ৰহঃ ॥ ১১৩॥
পৰঞ্জ্যোতিঃ পৰন্ধামঃ পৰাকাশঃ পৰাত্পৰঃ ।
অচ্যুতঃ পুৰুষঃ কৃষ্ণঃ শাশ্ৱতঃ শিৱ ঈশ্ৱৰঃ ॥ ১১৪॥
নিত্যঃ সৰ্ৱগতঃ স্থাণুৰুগ্ৰঃ সাক্ষী প্ৰজাপতিঃ ।
হিৰণ্যগৰ্ভঃ সৱিতা লোককৃল্লোকভৃদ্ৱিভুঃ ॥ ১১৫॥
ৰামঃ শ্ৰীমান্ মহাৱিষ্ণুৰ্জিষ্ণুৰ্দেৱহিতাৱহঃ ।
তত্ত্ৱাত্মা তাৰকং ব্ৰহ্ম শাশ্ৱতঃ সৰ্ৱসিদ্ধিদঃ ॥ ১১৬॥
অকাৰৱাচ্যো ভগৱান্ শ্ৰীৰ্ভূ লীলাপতিঃ পুমান্ ।
সৰ্ৱলোকেশ্ৱৰঃ শ্ৰীমান্ সৰ্ৱজ্ঞঃ সৰ্ৱতোমুখঃ ॥ ১১৭॥
স্ৱামী সুশীলঃ সুলভঃ সৰ্ৱজ্ঞঃ সৰ্ৱশক্তিমান্ ।
নিত্যঃ সম্পূৰ্ণকামশ্চ নৈসৰ্গিকসুহৃত্সুখী ॥ ১১৮॥
কৃপাপীযূষজলধিঃ শৰণ্যঃ সৰ্ৱদেহিনাম্ ।
শ্ৰীমান্নাৰাযণঃ স্ৱামী জগতাং পতিৰীশ্ৱৰঃ ॥ ১১৯॥
শ্ৰীশঃ শৰণ্যো ভূতানাং সংশ্ৰিতাভীষ্টদাযকঃ ।
অনন্তঃ শ্ৰীপতী ৰামো গুণভৃন্নিৰ্গুণো মহান্ ॥ ১২০॥
॥ ইতি শ্ৰীৰামসহস্ৰনামস্তোত্ৰং সম্পূৰ্ণম্ ॥

More Rama Stotras

श्रीरामश्लोकपञ्चरत्नम्
Sri Rama Shloka Pancharatnam
श्रीरामरक्षास्तोत्रम्
Ram Raksha Stotra
श्रीरामप्रेमाष्टकम्
Ram Prema Ashtakam Yamunacharya
श्री रामरघुनाथ अष्टकम्
Ram Raghunath Ashtakam
श्री राम रक्षा स्तोत्रम्
Shri Rama Raksha Stotram
राम सभ
Ram Sabha
श्रीरामचंद्रश्रित पारिजातः समस्तकल्याण गुणाभिरामः
Ramachandra Shrita Parijatha
रामचन्द्राय जनक (मङ्गलं)
Ramachandraya Janakarajaja Manoharaya Mangalam
View All Rama Collection →

Explore More

Rama CollectionWealthObstaclesHealthProtectionWisdomHome