Lord Rama

শ্রী রাম সহস্রনাম স্তোত্রম্

(Sri Rama Sahasranama Stotram in Bengali)

From Ananda Ramayana

Language:Sanskrit
Translation:English

The Sri Rama Sahasranama Stotram is a profound devotional hymn comprising one thousand names of Lord Rama, the embodiment of Dharma and the seventh avatar of Lord Vishnu. Originating from the Ananda Ramayana, this sacred text serves as a meditative tool for devotees to invoke the divine qualities of the Maryada Purushottama. Traditionally recited to seek protection, inner peace, and spiritual growth, the stotra is believed to dissolve karmic burdens and bestow grace upon the practitioner. By contemplating these names, the devotee aligns their consciousness with the purity and righteousness of Rama, fostering devotion and mental tranquility.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 132
শ্রীরামসহস্রনামস্তোত্রম্
শ্রীরাঘবং দশরথাত্মজমপ্রমেযং
সীতাপতিং রঘুকুলান্বযরত্নদীপম্ ।
আজানুবাহুমরবিন্দদলাযতাক্ষং
রামং নিশাচরবিনাশকরং নমামি ॥
বৈদেহীসহিতং সুরদ্রুমতলে হৈমে মহামণ্ডপে
মধ্যে পুষ্পকমাসনে মণিমযে বীরাসনে সুস্থিতম্ ।
অগ্রে বাচযতি প্রভঞ্জনসুতে তত্ত্বং মুনিভ্যঃ পরং
ব্যাখ্যান্তং ভরতাদিভিঃ পরিবৃতং রামং ভজে শ্যামলম্ ॥
পার্বত্যুবাচ-
শ্রোতুমিচ্ছাম্যহং দেব তদেবং সর্বকামদম্ ।
নাম্নাং সহস্রং রামস্য ব্রূহি যদ্যস্তি মে দযা ॥ ১
শ্রীমহাদেব উবাচ-
অথ বক্ষ্যামি তে দেবি রামনামসহস্রকম্ ।
শৃণু চৈকমনাঃ স্তোত্রং গুহ্যাদুহ্যতরং মহত্ ॥ ২
অস্য শ্রীরামসহস্রনামস্তোত্রমহামন্ত্রস্য, ভগবান্ ঈশ্বর ঋষিঃ ।
অনুষ্টুপ্ছন্দঃ । শ্রীরামঃ পরমাত্মা দেবতা ।
শ্রীমান্মহাবিষ্ণুরিতি বীজম্ । গুণভৃন্নির্গুণো মহানিতি শক্তিঃ ।
সংসারতারকো রাম ইতি মন্ত্রঃ । সচ্চিদানন্দবিগ্রহ ইতি কীলকম্ ।
অক্ষযঃ পুরুষঃ সাক্ষীতি কবচম্ । অজেযঃ সর্বভূতানাং ইত্যস্ত্রম্ ।
রাজীবলোচনঃ শ্রীমানিতি ধ্যানম্ ।
শ্রীরামপ্রীত্যর্থে দিব্যসহস্রনামজপে
বিনিযোগঃ ।
করন্যাসঃ -
শ্রীরামচন্দ্রাযেত্যঙ্গুষ্ঠাভ্যাং নমঃ ।
সীতাপতযে ইতি তর্জনীভ্যাং নমঃ ।
রঘুনাথাযেতি মধ্যমাভ্যাং নমঃ ।
ভরতাগ্রজাযেত্যনামিকাভ্যাং নমঃ ।
দশরথাত্মজাযেতি কনিষ্ঠিকাভ্যাং নমঃ ।
হনুমত্প্রভবে ইতি করতলকরপৃষ্ঠাভ্যাং নমঃ ।
এবং হৃদযাদিন্যাসঃ ।
ধ্যানম্-
বিজ্ঞানহেতুং বিমলাযতাক্ষং প্রজ্ঞানরূপং স্বসুখৈকহেতুম্ ।
শ্রীরামচন্দ্রং হরিমাদিদেবং পরাত্পরং রামমহং ভজামি ॥
তত্ত্বস্বরূপং পুরুষং পুরাণং স্বতেজসা পূরিতবিশ্বমেকম্ ।
রাজাধিরাজং রবিমণ্ডলস্থং বিশ্বেশ্বরং রামমহং ভজামি ।
লমিত্যাদিপঞ্চপূজাঃ ।
ওঁ রামঃ শ্রীমান্ মহাবিষ্ণুর্জিষ্ণুর্দেবহিতাবহঃ ।
তত্ত্বাত্মা তারকং ব্রহ্ম শাশ্বতঃ সর্বসিদ্ধিদঃ ॥
রাজীবলোচনঃ শ্রীমান্ শ্রীরামো রঘুপুঙ্গবঃ ।
রামভদ্রঃ সদাচারো রাজেন্দ্রো জানকীপতিঃ ॥ ১॥
অগ্রগণ্যো বরেণ্যশ্চ বরদঃ পরমেশ্বরঃ ।
জনার্দনো জিতামিত্রঃ পরার্থৈকপ্রযোজনঃ ॥ ২॥
বিশ্বামিত্রপ্রিযো দান্তঃ শত্রুজিচ্ছত্রুতাপনঃ ।
সর্বজ্ঞঃ সর্বদেবাদিঃ শরণ্যো বালিমর্দনঃ ॥ ৩॥
জ্ঞানভাব্যোঽপরিচ্ছেদ্যো বাগ্মী সত্যব্রতঃ শুচিঃ ।
জ্ঞানগম্যো দৃঢপ্রজ্ঞঃ খরধ্বংসী প্রতাপবান্ ॥ ৪॥
দ্যুতিমানাত্মবান্ বীরো জিতক্রোধোঽরিমর্দনঃ ।
বিশ্বরূপো বিশালাক্ষঃ প্রভুঃ পরিবৃঢো দৃঢঃ ॥ ৫॥
ঈশঃ খড্গধরঃ শ্রীমান্ কৌসলেযোঽনসূযকঃ ।
বিপুলাংসো মহোরস্কঃ পরমেষ্ঠী পরাযণঃ ॥ ৬॥
সত্যব্রতঃ সত্যসন্ধো গুরুঃ পরমধার্মিকঃ ।
লোকজ্ঞো লোকবন্দ্যশ্চ লোকাত্মা লোককৃত্পরঃ ॥ ৭॥
অনাদির্ভগবান্ সেব্যো জিতমাযো রঘূদ্বহঃ ।
রামো দযাকরো দক্ষঃ সর্বজ্ঞঃ সর্বপাবনঃ ॥ ৮॥
ব্রহ্মণ্যো নীতিমান্ গোপ্তা সর্বদেবমযো হরিঃ ।
সুন্দরঃ পীতবাসাশ্চ সূত্রকারঃ পুরাতনঃ ॥ ৯॥
সৌম্যো মহর্ষিঃ কোদণ্ডী সর্বজ্ঞঃ সর্বকোবিদঃ ।
কবিঃ সুগ্রীববরদঃ সর্বপুণ্যাধিকপ্রদঃ ॥ ১০॥
ভব্যো জিতারিষড্বর্গো মহোদারোঽঘনাশনঃ ।
সুকীর্তিরাদিপুরুষঃ কান্তঃ পুণ্যকৃতাগমঃ ॥ ১১॥
অকল্মষশ্চতুর্বাহুঃ সর্বাবাসো দুরাসদঃ ।
স্মিতভাষী নিবৃত্তাত্মা স্মৃতিমান্ বীর্যবান্ প্রভুঃ ॥ ১২॥
ধীরো দান্তো ঘনশ্যামঃ সর্বাযুধবিশারদঃ ।
অধ্যাত্মযোগনিলযঃ সুমনা লক্ষ্মণাগ্রজঃ ॥ ১৩॥
সর্বতীর্থমযঃ শূরঃ সর্বযজ্ঞফলপ্রদঃ ।
যজ্ঞস্বরূপী যজ্ঞেশো জরামরণবর্জিতঃ ॥ ১৪॥
বর্ণাশ্রমকরো বর্ণী শত্রুজিত্ পুরুষোত্তমঃ ।
বিভীষণপ্রতিষ্ঠাতা পরমাত্মা পরাত্পরঃ ॥ ১৫॥
প্রমাণভূতো দুর্জ্ঞেযঃ পূর্ণঃ পরপুরঞ্জযঃ ।
অনন্তদৃষ্টিরানন্দো ধনুর্বেদো ধনুর্ধরঃ ॥ ১৬॥
গুণাকরো গুণশ্রেষ্ঠঃ সচ্চিদানন্দবিগ্রহঃ ।
অভিবন্দ্যো মহাকাযো বিশ্বকর্মা বিশারদঃ ॥ ১৭॥
বিনীতাত্মা বীতরাগস্তপস্বীশো জনেশ্বরঃ ।
কল্যাণপ্রকৃতিঃ কল্পঃ সর্বেশঃ সর্বকামদঃ ॥ ১৮॥
অক্ষযঃ পুরুষঃ সাক্ষী কেশবঃ পুরুষোত্তমঃ ।
লোকাধ্যক্ষো মহামাযো বিভীষণবরপ্রদঃ ॥ ১৯॥
আনন্দবিগ্রহো জ্যোতির্হনুমত্প্রভুরব্যযঃ ।
ভ্রাজিষ্ণুঃ সহনো ভোক্তা সত্যবাদী বহুশ্রুতঃ ॥ ২০॥
সুখদঃ কারণং কর্তা ভববন্ধবিমোচনঃ ।
দেবচূডামণির্নেতা ব্রহ্মণ্যো ব্রহ্মবর্ধনঃ ॥ ২১॥
সংসারোত্তারকো রামঃ সর্বদুঃখবিমোক্ষকৃত্ ।
বিদ্বত্তমো বিশ্বকর্তা বিশ্বহর্তা চ বিশ্বকৃত্ ॥ ২২॥
নিত্যো নিযতকল্যাণঃ সীতাশোকবিনাশকৃত্ ।
কাকুত্স্থঃ পুণ্ডরীকাক্ষো বিশ্বামিত্রভযাপহঃ ॥ ২৩॥
মারীচমথনো রামো বিরাধবধপণ্ডিতঃ ।
দুঃস্বপ্ননাশনো রম্যঃ কিরীটী ত্রিদশাধিপঃ ॥ ২৪॥
মহাধনুর্মহাকাযো ভীমো ভীমপরাক্রমঃ ।
তত্ত্বস্বরূপী তত্ত্বজ্ঞস্তত্ত্ববাদী সুবিক্রমঃ ॥ ২৫॥
ভূতাত্মা ভূতকৃত্স্বামী কালজ্ঞানী মহাপটুঃ ।
অনির্বিণ্ণো গুণগ্রাহী নিষ্কলঙ্কঃ কলঙ্কহা ॥ ২৬॥
স্বভাবভদ্রঃ শত্রুঘ্নঃ কেশবঃ স্থাণুরীশ্বরঃ ।
ভূতাদিঃ শম্ভুরাদিত্যঃ স্থবিষ্ঠঃ শাশ্বতো ধ্রুবঃ ॥ ২৭॥
কবচী কুণ্ডলী চক্রী খড্গী ভক্তজনপ্রিযঃ ।
অমৃত্যুর্জন্মরহিতঃ সর্বজিত্সর্বগোচরঃ ॥ ২৮॥
অনুত্তমোঽপ্রমেযাত্মা সর্বাদির্গুণসাগরঃ ।
সমঃ সমাত্মা সমগো জটামুকুটমণ্ডিতঃ ॥ ২৯॥
অজেযঃ সর্বভূতাত্মা বিষ্বক্সেনো মহাতপাঃ ।
লোকাধ্যক্ষো মহাবাহুরমৃতো বেদবিত্তমঃ ॥ ৩০॥
সহিষ্ণুঃ সদ্গতিঃ শাস্তা বিশ্বযোনির্মহাদ্যুতিঃ ।
অতীন্দ্র ঊর্জিতঃ প্রাংশুরুপেন্দ্রো বামনো বলী ॥ ৩১॥
ধনুর্বেদো বিধাতা চ ব্রহ্মা বিষ্ণুশ্চ শঙ্করঃ ।
হংসো মরীচির্গোবিন্দো রত্নগর্ভো মহামতিঃ ॥ ৩২॥
ব্যাসো বাচস্পতিঃ সর্বদর্পিতাসুরমর্দনঃ ।
জানকীবল্লভঃ পূজ্যঃ প্রকটঃ প্রীতিবর্ধনঃ ॥ ৩৩॥
সম্ভবোঽতীন্দ্রিযো বেদ্যোঽনির্দেশো জাম্ববত্প্রভুঃ ।
মদনো মথনো ব্যাপী বিশ্বরূপো নিরঞ্জনঃ ॥ ৩৪॥
নারাযণোঽগ্রণীঃ সাধুর্জটাযুপ্রীতিবর্ধনঃ ।
নৈকরূপো জগন্নাথঃ সুরকার্যহিতঃ স্বভূঃ ॥ ৩৫॥
জিতক্রোধো জিতারাতিঃ প্লবগাধিপরাজ্যদঃ ।
বসুদঃ সুভুজো নৈকমাযো ভব্যপ্রমোদনঃ ॥ ৩৬॥
চণ্ডাংশুঃ সিদ্ধিদঃ কল্পঃ শরণাগতবত্সলঃ ।
অগদো রোগহর্তা চ মন্ত্রজ্ঞো মন্ত্রভাবনঃ ॥ ৩৭॥
সৌমিত্রিবত্সলো ধুর্যো ব্যক্তাব্যক্তস্বরূপধৃক্ ।
বসিষ্ঠো গ্রামণীঃ শ্রীমাননুকূলঃ প্রিযংবদঃ ॥ ৩৮॥
অতুলঃ সাত্ত্বিকো ধীরঃ শরাসনবিশারদঃ ।
জ্যেষ্ঠঃ সর্বগুণোপেতঃ শক্তিমাংস্তাটকান্তকঃ ॥ ৩৯॥
বৈকুণ্ঠঃ প্রাণিনাং প্রাণঃ কমঠঃ কমলাপতিঃ ।
গোবর্ধনধরো মত্স্যরূপঃ কারুণ্যসাগরঃ ॥ ৪০॥
কুম্ভকর্ণপ্রভেত্তা চ গোপীগোপালসংবৃতঃ ।
মাযাবী ব্যাপকো ব্যাপী রৈণুকেযবলাপহঃ ॥ ৪১॥
পিনাকমথনো বন্দ্যঃ সমর্থো গরুডধ্বজঃ ।
লোকত্রযাশ্রযো লোকচরিতো ভরতাগ্রজঃ ॥ ৪২॥
শ্রীধরঃ সদ্গতির্লোকসাক্ষী নারাযণো বুধঃ ।
মনোবেগী মনোরূপী পূর্ণঃ পুরুষপুঙ্গবঃ ॥ ৪৩॥
যদুশ্রেষ্ঠো যদুপতির্ভূতাবাসঃ সুবিক্রমঃ ।
তেজোধরো ধরাধারশ্চতুর্মূর্তির্মহানিধিঃ ॥ ৪৪॥
চাণূরমর্দনো দিব্যঃ শান্তো ভরতবন্দিতঃ ।
শব্দাতিগো গভীরাত্মা কোমলাঙ্গঃ প্রজাগরঃ ॥ ৪৫॥
লোকগর্ভঃ শেষশাযী ক্ষীরাব্ধিনিলযোঽমলঃ ।
আত্মযোনিরদীনাত্মা সহস্রাক্ষঃ সহস্রপাত্ ॥ ৪৬॥
অমৃতাংশুর্মহাগর্ভো নিবৃত্তবিষযস্পৃহঃ ।
ত্রিকালজ্ঞো মুনিঃ সাক্ষী বিহাযসগতিঃ কৃতী ॥ ৪৭॥
পর্জন্যঃ কুমুদো ভূতাবাসঃ কমললোচনঃ ।
শ্রীবত্সবক্ষাঃ শ্রীবাসো বীরহা লক্ষ্মণাগ্রজঃ ॥ ৪৮॥
লোকাভিরামো লোকারিমর্দনঃ সেবকপ্রিযঃ ।
সনাতনতমো মেঘশ্যামলো রাক্ষসান্তকৃত্ ॥ ৪৯॥
দিব্যাযুধধরঃ শ্রীমানপ্রমেযো জিতেন্দ্রিযঃ ।
ভূদেববন্দ্যো জনকপ্রিযকৃত্প্রপিতামহঃ ॥ ৫০॥
উত্তমঃ সাত্ত্বিকঃ সত্যঃ সত্যসন্ধস্ত্রিবিক্রমঃ ।
সুব্রতঃ সুলভঃ সূক্ষ্মঃ সুঘোষঃ সুখদঃ সুধীঃ ॥ ৫১॥
দামোদরোঽচ্যুতঃ শার্ঙ্গী বামনো মধুরাধিপঃ ।
দেবকীনন্দনঃ শৌরিঃ শূরঃ কৈটভমর্দনঃ ॥ ৫২॥
সপ্ততালপ্রভেত্তা চ মিত্রবংশপ্রবর্ধনঃ ।
কালস্বরূপী কালাত্মাকালঃ কল্যাণদঃকবিঃ ।
সংবত্সর ঋতুঃ পক্ষো হ্যযনং দিবসো যুগঃ ॥ ৫৩॥
স্তব্যো বিবিক্তো নির্লেপঃ সর্বব্যাপী নিরাকুলঃ ।
অনাদিনিধনঃ সর্বলোকপূজ্যো নিরামযঃ ॥ ৫৪॥
রসো রসজ্ঞঃ সারজ্ঞো লোকসারো রসাত্মকঃ ।
সর্বদুঃখাতিগো বিদ্যারাশিঃ পরমগোচরঃ ॥ ৫৫॥
শেষো বিশেষো বিগতকল্মষো রঘুনাযকঃ ।
বর্ণশ্রেষ্ঠো বর্ণবাহ্যো বর্ণ্যো বর্ণ্যগুণোজ্জ্বলঃ ॥ ৫৬॥
কর্মসাক্ষ্যমরশ্রেষ্ঠো দেবদেবঃ সুখপ্রদঃ ।
দেবাধিদেবো দেবর্ষির্দেবাসুরনমস্কৃতঃ ॥ ৫৭॥
সর্বদেবমযশ্চক্রী শার্ঙ্গপাণী রঘূত্তমঃ ।
মনো বুদ্ধিরহঙ্কারঃ প্রকৃতিঃ পুরুষোঽব্যযঃ ॥ ৫৮॥
অহল্যাপাবনঃ স্বামী পিতৃভক্তো বরপ্রদঃ ।
ন্যাযো ন্যাযী নযী শ্রীমান্নযো নগধরো ধ্রুবঃ ॥ ৫৯॥
লক্ষ্মীবিশ্বম্ভরাভর্তা দেবেন্দ্রো বলিমর্দনঃ ।
বাণারিমর্দনো যজ্বানুত্তমো মুনিসেবিতঃ ॥ ৬০॥
দেবাগ্রণীঃ শিবধ্যানতত্পরঃ পরমঃ পরঃ ।
সামগেযঃ প্রিযোঽক্রূরঃ পুণ্যকীর্তিঃ সুলোচনঃ ॥ ৬১॥
পুণ্যঃ পুণ্যাধিকঃ পূর্বঃ পূর্ণঃ পূরযিতা রবিঃ ।
জটিলঃ কল্মষধ্বান্তপ্রভঞ্জনবিভাবসুঃ ॥ ৬২॥
অব্যক্তলক্ষণোঽব্যক্তো দশাস্যদ্বিপকেসরী ।
কলানিধিঃ কলানাথো কমলানন্দবর্ধনঃ ॥ ৬৩॥
জযী জিতারিঃ সর্বাদিঃ শমনো ভবভঞ্জনঃ ।
অলঙ্করিষ্ণুরচলো রোচিষ্ণুর্বিক্রমোত্তমঃ ॥ ৬৪॥
আশুঃ শব্দপতিঃ শব্দাগোচরো রঞ্জনো রঘুঃ ।
নিঃশব্দঃ প্রণবো মালী স্থূলঃ সূক্ষ্মো বিলক্ষণঃ ॥ ৬৫॥
আত্মযোনিরযোনিশ্চ সপ্তজিহ্বঃ সহস্রপাত্ ।
সনাতনতমঃ স্রগ্বী পেশলো জবিনাং বরঃ ॥ ৬৬॥
শক্তিমাঞ্শঙ্খভৃন্নাথঃ গদাপদ্মরথাঙ্গভৃত্ ।
নিরীহো নির্বিকল্পশ্চ চিদ্রূপো বীতসাধ্বসঃ ॥ ৬৭॥
শতাননঃ সহস্রাক্ষঃ শতমূর্তির্ধনপ্রভঃ ।
হৃত্পুণ্ডরীকশযনঃ কঠিনো দ্রব এব চ ॥ ৬৮॥
উগ্রো গ্রহপতিঃ শ্রীমান্ সমর্থোঽনর্থনাশনঃ ।
অধর্মশত্রূ রক্ষোঘ্নঃ পুরুহূতঃ পুরুষ্টুতঃ ॥ ৬৯॥
ব্রহ্মগর্ভো বৃহদ্গর্ভো ধর্মধেনুর্ধনাগমঃ ।
হিরণ্যগর্ভো জ্যোতিষ্মান্ সুললাটঃ সুবিক্রমঃ ॥ ৭০॥
শিবপূজারতঃ শ্রীমান্ ভবানীপ্রিযকৃদ্বশী ।
নরো নারাযণঃ শ্যামঃ কপর্দী নীললোহিতঃ ॥ ৭১॥
রুদ্রঃ পশুপতিঃ স্থাণুর্বিশ্বামিত্রো দ্বিজেশ্বরঃ ।
মাতামহো মাতরিশ্বা বিরিঞ্চো বিষ্টরশ্রবাঃ ॥ ৭২॥
অক্ষোভ্যঃ সর্বভূতানাং চণ্ডঃ সত্যপরাক্রমঃ ।
বালখিল্যো মহাকল্পঃ কল্পবৃক্ষঃ কলাধরঃ ॥ ৭৩॥
নিদাঘস্তপনোঽমোঘঃ শ্লক্ষ্ণঃ পরবলাপহৃত্ ।
কবন্ধমথনো দিব্যঃ কম্বুগ্রীবশিবপ্রিযঃ ॥ ৭৪॥
শঙ্খোঽনিলঃ সুনিষ্পন্নঃ সুলভঃ শিশিরাত্মকঃ ।
অসংসৃষ্টোঽতিথিঃ শূরঃ প্রমাথী পাপনাশকৃত্ ॥ ৭৫॥
বসুশ্রবাঃ কব্যবাহঃ প্রতপ্তো বিশ্বভোজনঃ ।
রামো নীলোত্পলশ্যামো জ্ঞানস্কন্ধো মহাদ্যুতিঃ ॥ ৭৬॥
পবিত্রপাদঃ পাপারির্মণিপূরো নভোগতিঃ ।
উত্তারণো দুষ্কৃতিহা দুর্ধর্ষো দুঃসহোঽভযঃ ॥ ৭৭॥
অমৃতেশোঽমৃতবপুর্ধর্মী ধর্মঃ কৃপাকরঃ ।
ভর্গো বিবস্বানাদিত্যো যোগাচার্যো দিবস্পতিঃ ॥ ৭৮॥
উদারকীর্তিরুদ্যোগী বাঙ্মযঃ সদসন্মযঃ ।
নক্ষত্রমালী নাকেশঃ স্বাধিষ্ঠানঃ ষডাশ্রযঃ ॥ ৭৯॥
চতুর্বর্গফলো বর্ণী শক্তিত্রযফলং নিধিঃ ।
নিধানগর্ভো নির্ব্যাজো গিরীশো ব্যালমর্দনঃ ॥ ৮০॥
শ্রীবল্লভঃ শিবারম্ভঃ শান্তির্ভদ্রঃ সমঞ্জসঃ ।
ভূশযো ভূতিকৃদ্ভূতির্ভূষণো ভূতবাহনঃ ॥ ৮১॥
অকাযো ভক্তকাযস্থঃ কালজ্ঞানী মহাবটুঃ ।
পরার্থবৃত্তিরচলো বিবিক্তঃ শ্রুতিসাগরঃ ॥ ৮২॥
স্বভাবভদ্রো মধ্যস্থঃ সংসারভযনাশনঃ ।
বেদ্যো বৈদ্যো বিযদ্গোপ্তা সর্বামরমুনীশ্বরঃ ॥ ৮৩॥
সুরেন্দ্রঃ করণং কর্ম কর্মকৃত্কর্ম্যধোক্ষজঃ ।
ধ্যেযো ধুর্যো ধরাধীশঃ সংকল্পঃ শর্বরীপতিঃ ॥ ৮৪॥
পরমার্থগুরুর্বৃদ্ধঃ শুচিরাশ্রিতবত্সলঃ ।
বিষ্ণুর্জিষ্ণুর্বিভুর্বন্দ্যো যজ্ঞেশো যজ্ঞপালকঃ ॥ ৮৫॥
প্রভবিষ্ণুর্গ্রসিষ্ণুশ্চ লোকাত্মা লোকভাবনঃ ।
কেশবঃ কেশিহা কাব্যঃ কবিঃ কারণকারণম্ ॥ ৮৬॥
কালকর্তা কালশেষো বাসুদেবঃ পুরুষ্টুতঃ ।
আদিকর্তা বরাহশ্চ মাধবো মধুসূদনঃ ॥ ৮৭॥
নারাযণো নরো হংসো বিষ্বক্সেনো জনার্দনঃ ।
বিশ্বকর্তা মহাযজ্ঞো জ্যোতিষ্মান্ পুরুষোত্তমঃ ॥ ৮৮॥
বৈকুণ্ঠঃ পুণ্ডরীকাক্ষঃ কৃষ্ণঃ সূর্যঃ সুরার্চিতঃ ।
নারসিংহো মহাভীমো বক্রদংষ্ট্রো নখাযুধঃ ॥ ৮৯॥
আদিদেবো জগত্কর্তা যোগীশো গরুডধ্বজঃ ।
গোবিন্দো গোপতির্গোপ্তা ভূপতির্ভুবনেশ্বরঃ ॥ ৯০॥
পদ্মনাভো হৃষীকেশো ধাতা দামোদরঃ প্রভুঃ ।
ত্রিবিক্রমস্ত্রিলোকেশো ব্রহ্মেশঃ প্রীতিবর্ধনঃ ॥ ৯১॥
বামনো দুষ্টদমনো গোবিন্দো গোপবল্লভঃ ।
ভক্তপ্রিযোঽচ্যুতঃ সত্যঃ সত্যকীর্তির্ধৃতিঃ স্মৃতিঃ ॥ ৯২॥
কারুণ্যং করুণো ব্যাসঃ পাপহা শান্তিবর্ধনঃ ।
সংন্যাসী শাস্ত্রতত্ত্বজ্ঞো মন্দরাদ্রিনিকেতনঃ ॥ ৯৩॥
বদরীনিলযঃ শান্তস্তপস্বী বৈদ্যুতপ্রভঃ ।
ভূতাবাসো গুহাবাসঃ শ্রীনিবাসঃ শ্রিযঃ পতিঃ ॥ ৯৪॥
তপোবাসো মুদাবাসঃ সত্যবাসঃ সনাতনঃ ।
পুরুষঃ পুষ্করঃ পুণ্যঃ পুষ্করাক্ষো মহেশ্বরঃ ॥ ৯৫॥
পূর্ণমূর্তিঃ পুরাণজ্ঞঃ পুণ্যদঃ প্রীতিবর্ধনঃ ।
শঙ্খী চক্রী গদী শার্ঙ্গী লাঙ্গলী মুসলী হলী ॥ ৯৬॥
কিরীটী কুণ্ডলী হারী মেখলী কবচী ধ্বজী ।
যোদ্ধা জেতা মহাবীর্যঃ শত্রুজিচ্ছত্রুতাপনঃ ॥ ৯৭॥
শাস্তা শাস্ত্রকরঃ শাস্ত্রং শঙ্করঃ শঙ্করস্তুতঃ ।
সারথিঃ সাত্ত্বিকঃ স্বামী সামবেদপ্রিযঃ সমঃ ॥ ৯৮॥
পবনঃ সংহতঃ শক্তিঃ সম্পূর্ণাঙ্গঃ সমৃদ্ধিমান্ ।
স্বর্গদঃ কামদঃ শ্রীদঃ কীর্তিদোঽকীর্তিনাশনঃ ॥ ৯৯॥
মোক্ষদঃ পুণ্ডরীকাক্ষঃ ক্ষীরাব্ধিকৃতকেতনঃ ।
সর্বাত্মা সর্বলোকেশঃ প্রেরকঃ পাপনাশনঃ ॥ ১০০॥
সর্বব্যাপী জগন্নাথঃ সর্বলোকমহেশ্বরঃ ।
সর্গস্থিত্যন্তকৃদ্দেবঃ সর্বলোকসুখাবহঃ ॥ ১০১॥
অক্ষয্যঃ শাশ্বতোঽনন্তঃ ক্ষযবৃদ্ধিবিবর্জিতঃ ।
নির্লেপো নির্গুণঃ সূক্ষ্মো নির্বিকারো নিরঞ্জনঃ ॥ ১০২॥
সর্বোপাধিবিনির্মুক্তঃ সত্তামাত্রব্যবস্থিতঃ ।
অধিকারী বিভুর্নিত্যঃ পরমাত্মা সনাতনঃ ॥ ১০৩॥
অচলো নির্মলো ব্যাপী নিত্যতৃপ্তো নিরাশ্রযঃ ।
শ্যামো যুবা লোহিতাক্ষো দীপ্তাস্যো মিতভাষণঃ ॥ ১০৪॥
আজানুবাহুঃ সুমুখঃ সিংহস্কন্ধো মহাভুজঃ ।
সত্যবান্ গুণসম্পন্নঃ স্বযন্তেজাঃ সুদীপ্তিমান্ ॥ ১০৫॥
কালাত্মা ভগবান্ কালঃ কালচক্রপ্রবর্তকঃ ।
নারাযণঃ পরঞ্জ্যোতিঃ পরমাত্মা সনাতনঃ ॥ ১০৬॥
বিশ্বসৃড্ বিশ্বগোপ্তা চ বিশ্বভোক্তা চ শাশ্বতঃ ।
বিশ্বেশ্বরো বিশ্বমূর্তির্বিশ্বাত্মা বিশ্বভাবনঃ ॥ ১০৭॥
সর্বভূতসুহৃচ্ছান্তঃ সর্বভূতানুকম্পনঃ ।
সর্বেশ্বরেশ্বরঃ সর্বঃ শ্রীমানাশ্রিতবত্সলঃ ॥ ১০৮॥
সর্বগঃ সর্বভূতেশঃ সর্বভূতাশযস্থিতঃ ।
অভ্যন্তরস্থস্তমসশ্ছেত্তা নারাযণঃ পরঃ ॥ ১০৯॥
অনাদিনিধনঃ স্রষ্টা প্রজাপতিপতির্হরিঃ ।
নরসিংহো হৃষীকেশঃ সর্বাত্মা সর্বদৃগ্বশী ॥ ১১০॥
জগতস্তস্থুষশ্চৈব প্রভুর্নেতা সনাতনঃ ।
কর্তা ধাতা বিধাতা চ সর্বেষাং প্রভুরীশ্বরঃ ॥ ১১১॥
সহস্রমূর্তির্বিশ্বাত্মা বিষ্ণুর্বিশ্বদৃগব্যযঃ ।
পুরাণপুরুষঃ স্রষ্টা সহস্রাক্ষঃ সহস্রপাত্ ॥ ১১২॥
তত্ত্বং নারাযণো বিষ্ণুর্বাসুদেবঃ সনাতনঃ ।
পরমাত্মা পরং ব্রহ্ম সচ্চিদানন্দবিগ্রহঃ ॥ ১১৩॥
পরঞ্জ্যোতিঃ পরন্ধামঃ পরাকাশঃ পরাত্পরঃ ।
অচ্যুতঃ পুরুষঃ কৃষ্ণঃ শাশ্বতঃ শিব ঈশ্বরঃ ॥ ১১৪॥
নিত্যঃ সর্বগতঃ স্থাণুরুগ্রঃ সাক্ষী প্রজাপতিঃ ।
হিরণ্যগর্ভঃ সবিতা লোককৃল্লোকভৃদ্বিভুঃ ॥ ১১৫॥
রামঃ শ্রীমান্ মহাবিষ্ণুর্জিষ্ণুর্দেবহিতাবহঃ ।
তত্ত্বাত্মা তারকং ব্রহ্ম শাশ্বতঃ সর্বসিদ্ধিদঃ ॥ ১১৬॥
অকারবাচ্যো ভগবান্ শ্রীর্ভূ লীলাপতিঃ পুমান্ ।
সর্বলোকেশ্বরঃ শ্রীমান্ সর্বজ্ঞঃ সর্বতোমুখঃ ॥ ১১৭॥
স্বামী সুশীলঃ সুলভঃ সর্বজ্ঞঃ সর্বশক্তিমান্ ।
নিত্যঃ সম্পূর্ণকামশ্চ নৈসর্গিকসুহৃত্সুখী ॥ ১১৮॥
কৃপাপীযূষজলধিঃ শরণ্যঃ সর্বদেহিনাম্ ।
শ্রীমান্নারাযণঃ স্বামী জগতাং পতিরীশ্বরঃ ॥ ১১৯॥
শ্রীশঃ শরণ্যো ভূতানাং সংশ্রিতাভীষ্টদাযকঃ ।
অনন্তঃ শ্রীপতী রামো গুণভৃন্নির্গুণো মহান্ ॥ ১২০॥
॥ ইতি শ্রীরামসহস্রনামস্তোত্রং সম্পূর্ণম্ ॥

More Rama Stotras

श्रीरामश्लोकपञ्चरत्नम्
Sri Rama Shloka Pancharatnam
श्रीरामरक्षास्तोत्रम्
Ram Raksha Stotra
श्रीरामप्रेमाष्टकम्
Ram Prema Ashtakam Yamunacharya
श्री रामरघुनाथ अष्टकम्
Ram Raghunath Ashtakam
श्री राम रक्षा स्तोत्रम्
Shri Rama Raksha Stotram
राम सभ
Ram Sabha
श्रीरामचंद्रश्रित पारिजातः समस्तकल्याण गुणाभिरामः
Ramachandra Shrita Parijatha
रामचन्द्राय जनक (मङ्गलं)
Ramachandraya Janakarajaja Manoharaya Mangalam
View All Rama Collection →

Explore More

Rama CollectionWealthObstaclesHealthProtectionWisdomHome