রুদ্রাষ্টাধ্যাযী (শুক্ল যজুর্বেদ)

ইতি রুদ্রে প্রথমো-ঽধ্যাযঃ ॥ 1॥ 3. দ্বিতীযোঽধ্যাযঃ - পুরুষ সূক্তম্ হরিঃ॑ ওঁ স॒হস্র॑শীর্​ষা॒ পুরু॑ষ-স্সহস্রা॒ক্ষ-স্স॒হস্র॑পাত্ । স ভূমি॑গ্ং স॒র্বতঃ॑ স্পৃ॒ত্বাত্য॑তিষ্ঠদ্দশাঙ্গু॒লম্ ॥ 1॥ পুরু॑ষ এ॒বেদগ্ং সর্বং॒ যদ্ভূ॒তং-যঁচ্চ॑ ভা॒ব্য॒ম্ । উ॒তামৃ॑ত॒ত্বস্যেশা॑নো॒ যদন্নে॑নাতি॒রোহ॑তি ॥ 2॥ এ॒তাবা॑নস্য মহি॒মাতো॒ জ্যাযা.ণ্॑শ্চ॒ পূরু॑ষঃ । পাদো॑-ঽস্য॒ বিশ্বা॑ ভূ॒তানি॑ ত্রি॒পাদ॑স্যা॒মৃতং॑ দি॒বি ॥ 3॥ ত্রি॒পাদূ॒র্ধ্ব উদৈ॒ত্পুরু॑ষঃ॒ পাদো॑-ঽস্যে॒হাভ॑ব॒ত্পুনঃ॑ । ততো॒ বিষ্ব॒ঙ্ ব্য॒ক্রামত্সাশনানশ॒নে অ॒ভি ॥ 4॥ ততো॑ বি॒রাড॑জাযত বি॒রাজো॒ অধি॒ পূরু॑ষঃ । স জা॒তো অত্য॑রিচ্যত প॒শ্চাদ্ভূমি॒মথো॑ পু॒রঃ ॥ 5॥ তস্মা॑দ্য॒জ্ঞাত্স॑র্ব॒হুত॒-স্সম্ভৃ॑ত-ম্পৃষদা॒জ্যম্ । প॒শূ.ণ্স্তা.ণ্শ্চ॑ক্রে বায॒ব্যা॒নার॒ণ্যা গ্রা॒ম্যাশ্চ॒ যে ॥ 6॥ তস্মা॑দ্য॒জ্ঞাত্স॑র্ব॒হুত॒ ঋচ॒-স্সামা॑নি জজ্ঞিরে । ছন্দা॑গ্ংসি জজ্ঞিরে॒ তস্মা॒দ্যজু॒স্তস্মা॑দজাযত ॥ 7॥ তস্মা॒দশ্বা॑ অজাযন্ত॒ যে কে চো॑ভ॒যাদ॑তঃ । গাবো॑ হ জজ্ঞিরে॒ তস্মা॒ত্তস্মা॑জ্জা॒তা অ॑জা॒বযঃ॑ ॥ 8॥ তং-যঁ॒জ্ঞ-ম্ব॒র্​হিষি॒ প্রৌক্ষ॒ন্পুরু॑ষ-ঞ্জা॒তম॑গ্র॒তঃ । তেন॑ দে॒বা অ॑যজন্ত সা॒ধ্যা ঋষ॑যশ্চ॒ যে ॥ 9॥ যত্পুরু॑ষং॒ ব্যদ॑ধুঃ কতি॒ধা ব্য॑কল্পযন্ন্ । মুখং॒ কিম॑স্যাসী॒-ত্কি-ম্বা॒হূ কিমূ॒রূ পাদা॑ উচ্যেতে ॥ 10॥ ব্রা॒হ্ম॒ণো॒-ঽস্য॒ মুখ॑মাসীদ্বা॒হূ রা॑জ॒ন্যঃ॒ কৃ॒তঃ । ঊ॒রূ তদ॑স্য॒ যদ্বৈ॑শ্যঃ প॒দ্ভ্যাগ্ং শূ॒দ্রো অ॑জাযত ॥ 11॥ চ॒ন্দ্রমা॒ মন॑সো জা॒তশ্চক্ষোঃ॒ সূর্যো॑ অজাযত । শ্রোত্রা॑দ্বা॒যুশ্চ॑ প্রা॒ণশ্চ॒ মুখা॑দ॒গ্নির॑জাযত ॥ 12॥ নাভ্যা॑ আসীদ॒ন্তরি॑ক্ষগ্ং শী॒র্​ষ্ণো দ্যৌ॒-স্সম॑বর্তত । প॒দ্ভ্যা-ম্ভূমি॒র্দিশ॒-শ্শ্রোত্রা॒ত্তথা॑ লো॒কা.ণ2 ॥ অ॑কল্পযন্ন্ ॥ 13॥ যত্পুরু॑ষেণ হ॒বিষা॑ দে॒বা য॒জ্ঞমত॑ন্বত । ব॒স॒ন্তো॒-ঽস্যাসী॒দাজ্যং॑ গ্রী॒ষ্ম ই॒ধ্ম-শ্শ॒রদ্ধ॒বিঃ ॥ 14॥ স॒প্তাস্যা॑সন্পরি॒ধয॒স্ত্রিস্স॒প্ত স॒মিধঃ॑ কৃ॒তাঃ । দে॒বা যদ্য॒জ্ঞ-ন্ত॑ন্বা॒না অব॑ধ্ন॒-ন্পুরু॑ষ-ম্প॒শুম্ ॥ 15॥ য॒জ্ঞেন॑ য॒জ্ঞম॑যজন্ত দে॒বাস্তানি॒ ধর্মা॑ণি প্রথ॒মান্যা॑সন্ন্ । তে হ॒ নাকং॑ মহি॒মানঃ॑ সচন্ত॒ যত্র॒ পূর্বে॑ সা॒ধ্যা-স্সন্তি॑ দে॒বাঃ ॥ 16॥ অ॒দ্ভ্য-স্সম্ভৃ॑তঃ পৃথিব্যৈ॒ রসা॑চ্চ বি॒শ্বক॑র্মণ॒-স্সম॑বর্ত॒তাগ্রে॑ । তস্য॒ ত্বষ্টা॑ বি॒দধ॑দ্রূ॒পমে॑তি॒ তন্মর্ত্য॑স্য দেব॒ত্বমা॒জান॒মগ্রে॑ ॥ 17॥ বেদা॒হমে॒ত-ম্পুরু॑ষ-ম্ম॒হান্ত॑মাদি॒ত্যব॑র্ণং॒ তম॑সঃ প॒রস্তা॑ত্ । তমে॒ব বি॑দি॒ত্বা-ঽতি॑ মৃ॒ত্যুমে॑তি॒ নান্যঃ পন্থা॑ বিদ্য॒তে-ঽয॑নায ॥ 18॥ প্র॒জাপ॑তিশ্চ॒রতি॒ গর্ভে॑ অ॒ন্তরজা॑যমানো বহু॒ধা বি জা॑যতে । তস্য॒ যোনিং॒ পরি॑পশ্যন্তি॒ ধীরা॒স্তস্মি॑ন্হ তস্থু॒র্ভুব॑নানি॒ বিশ্বা॑ ॥ 19॥ যো দে॒বেভ্য॑ আ॒তপ॑তি॒ যো দে॒বানাং॑ পু॒রোহি॑তঃ । পূর্বো॒ যো দে॒বেভ্যো॑ জা॒তো নমো॑ রু॒চায॒ ব্রাহ্ম॑যে ॥ 20॥ রু॒চ-ম্ব্রা॒হ্ম্য-ঞ্জ॒নয॑ন্তো দে॒বা অগ্রে॒ তদ॑ব্রুবন্ন্ । যস্ত্বৈ॒ব-ম্ব্রা॑হ্ম॒ণো বি॒দ্যাত্তস্য॑ দে॒বা অ॑স॒ন্বশে॑ ॥ 21॥ শ্রীশ্চ॑ তে ল॒ক্ষ্মীশ্চ॒ পত্ন্যা॑বহোরা॒ত্রে পা॒র্​শ্বে নক্ষ॑ত্রাণি রূ॒পম॒শ্বিনৌ॒ ব্যাত্ত॑ম্ । ই॒ষ্ণন্নি॑ষাণা॒মু-ম্ম॑ ইষাণ সর্বলো॒ক-ম্ম॑ ইষাণ ॥ 22॥ ইতি রুদ্রে দ্বিতীযো-ঽধ্যাযঃ ॥ 2॥ 4. তৃতীযোঽধ্যাযঃ - অপ্রতিরথ সূক্তম্ হরি॑ ওঁ আ॒শু-শ্শিশা॑নো বৃষ॒ভো ন ভী॒মো ঘ॑নাঘ॒নঃ, ক্ষোভ॑ণশ্চর্​ষণী॒নাম্ । স॒ঙ্ক্রন্দ॑নো-ঽনিমি॒ষ এ॑কবী॒র-শ্শ॒তগ্ং সেনা॑ অজযত্সা॒কমিন্দ্রঃ॑ ॥ 1॥ স॒ঙ্ক্রন্দ॑নেনা-ঽনিমি॒ষেণ॑ জি॒ষ্ণুনা॑ যুত্কা॒রেণ॑ দুশ্চ্যব॒নেন॑ ধৃ॒ষ্ণুনা॑ । তদিন্দ্রে॑ণ জযত॒ তত্স॑হধ্বং॒ যুধো॑ নর॒ ইষু॑হস্তেন॒ বৃষ্ণা॑ ॥ 2॥ স ইষু॑হস্তৈঃ॒ স নি॑ষ॒ঙ্গিভি॑র্ব॒শী সগ্ংস্র॑ষ্টা॒ স যুধ॒ ইন্দ্রো॑ গ॒ণেন॑ । স॒গ্ংসৃষ্ট॒জিত্সো॑ম॒পা বা॑হুশ॒র্ধ্যুগ্রধ॑ন্বা॒ প্রতি॑হিতাভি॒রস্তা॑ ॥ 3॥ বৃহ॑স্পতে॒ পরি॑দীযা॒ রথে॑ন রক্ষো॒হামিত্রা॑.ণ2 অপ॒বাধ॑মানঃ । প্র॒ভ॒ঞ্জন্ত্সেনাঃ॑ প্রমৃ॒ণো যু॒ধা জয॑ন্ন॒স্মাক॑মেধ্যবি॒তা রথা॑নাম্ ॥ 4॥ ব॒ল॒বি॒জ্ঞা॒য-স্স্থবি॑রঃ॒ প্রবী॑র॒-স্সহ॑স্বান্বা॒জী সহ॑মান উ॒গ্রঃ । অ॒ভিবী॑রো অ॒ভিস॑ত্বা সহো॒জা জৈ॑ত্রমিন্দ্র॒ রথ॒মাতি॑ষ্ঠ গো॒বিত্ ॥ 5॥ গো॒ত্র॒ভিদং॑ গো॒বিদং॒ বজ্র॑বাহুং॒ জয॑ন্ত॒মজ্ম॑ প্রমৃ॒ণন্ত॒মোজ॑সা । ই॒মগ্ং স॑জাতা॒ অনু॑ বীরযধ্ব॒মিন্দ্র॑গ্ং সখাযো॒ অনু॒ সগ্ংর॑ভধ্বম্ ॥ 6॥ অ॒ভি গো॒ত্রাণি॒ সহ॑সা॒ গাহ॑মানো-ঽদ॒যো বী॒র-শ্শ॒তম॑ন্যু॒রিন্দ্রঃ॑ । দু॒শ্চ্য॒ব॒নঃ পৃ॑তনা॒ষাড॑যু॒ধ্যো-ঽস্মাক॒গ্ং সেনা॑ অবতু॒ প্র যু॒ত্সু ॥ 7॥ ইন্দ্র॑ আসা-ন্নে॒তা বৃহ॒স্পতি॒র্দক্ষি॑ণা য॒জ্ঞঃ পু॒র এ॑তু॒ সোমঃ॑ । দে॒ব॒সে॒নানা॑মভিভঞ্জতী॒না-ঞ্জয॑ন্তীনা-ম্ম॒রুতো॑ য॒ন্ত্বগ্র॑ম্ ॥ 8॥ ইন্দ্র॑স্য॒ বৃষ্ণো॒ বরু॑ণস্য॒ রাজ্ঞ॑ আদি॒ত্যানাং॑ ম॒রুতা॒গ্ং শর্ধ॑ উ॒গ্রম্ । ম॒হাম॑নসা-ম্ভুবনচ্য॒বানাং॒ ঘোষো॑ দে॒বানাং॒ জয॑তা॒মুদ॑স্থাত্ ॥ 9॥ উদ্ধ॑র্​ষয মঘব॒ন্নাযু॑ধা॒ন্যুত্সত্ব॑না-ম্মাম॒কানাং॒ মনা॑গ্ংসি । উদ্বৃ॑ত্রহন্বা॒জিনাং॒ বাজি॑না॒ন্যুদ্রথা॑নাং॒ জয॑তাং-যঁন্তু॒ ঘোষাঃ॑ ॥ 10॥ অ॒স্মাক॒মিন্দ্র॒-স্সমৃ॑তেষু ধ্ব॒জেষ্ব॒স্মাকং॒ যা ইষ॑ব॒স্তা জ॑যন্তু । অ॒স্মাকং॑ বী॒রা উত্ত॑রে ভবন্ত্ব॒স্মা.ণ2 উ॑ দেবা অবতা॒ হবে॑ষু ॥ 11॥ অ॒মীষাং॑ চি॒ত্ত-ম্প্র॑তিলো॒ভয॑ন্তী গৃহা॒ণাঙ্গা॑ন্যপ্বে॒ পরে॑হি । অ॒ভি প্রেহি॒ নির্দ॑হ হৃ॒ত্সু শোকৈ॑র॒ন্ধেনা॒মিত্রা॒স্তম॑সা সচন্তাম্ ॥ 12॥ অব॑সৃষ্টা॒ পরা॑পত॒ শর॑ব্যে॒ ব্রহ্ম॑সগ্ংশিতে । গচ্ছা॒মিত্রা॒ন্প্রপ॑দ্যস্ব॒ মামীষাঙ্কঞ্চনোচ্ছি॑ষঃ ॥ 13॥ প্রেতা॒ জয॑তা নর॒ ইন্দ্রো॑ ব॒-শ্শর্ম॑ যচ্ছতু । উ॒গ্রা বঃ॑ সন্তু বা॒হবো॑-ঽনাধৃ॒ষ্যা যথাস॑থ ॥ 14॥ অসৌ॒ যা সেনা॑ মরুতঃ॒ পরে॑ষাম॒ভ্যৈতি॑ ন॒ ওজ॑সা॒ স্পর্ধ॑মানা । তা-ঙ্গূ॑হত॒ তম॒সা-ঽপ॑ব্রতেন॒ যথা॒মী অ॒ন্যো অ॒ন্য-ন্ন জা॒নন্ন্ ॥ 15॥ যত্র॑ বা॒ণা-স্স॒ম্পত॑ন্তি কুমা॒রা বি॑শি॒খা ই॑ব । তন্ন॒ ইন্দ্রো॒ বৃহ॒স্পতি॒রদি॑তি॒-শ্শর্ম॑ যচ্ছতু বি॒শ্বাহা॒ শর্ম॑ যচ্ছতু ॥ 16॥ মর্মা॑ণি তে॒ বর্ম॑ণা ছাদযামি॒ সোম॑স্ত্বা॒ রাজা॒-ঽমৃতে॒নানু॑বস্তাম্ । উ॒রোর্বরী॑যো॒ বরু॑ণস্তে কৃণোতু॒ জয॑ন্তং॒ ত্বানু॑ দে॒বা ম॑দন্তু ॥ 17॥ ইতি রুদ্রে তৃতীযো-ঽধ্যাযঃ ॥ 3॥ 5. চতুর্থোঽধ্যাযঃ - সৌর সূক্তম্, মৈত্র সূক্তম্ হরিঃ॑ ওঁ বি॒ভ্রাড্বৃ॒হত্পি॑বতু সো॒ম্য-ম্মধ্বাযু॒র্দধ॑দ্য॒জ্ঞপ॑তা॒ববি॑হ্রুতম্ । বাত॑জূতো॒ যো অ॑ভি॒রক্ষ॑তি॒ ত্মনা॑ প্র॒জাঃ পু॑পোষ পুরু॒ধা বি রা॑জতি ॥ 1॥ উদু॒ ত্য-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ । দৃ॒শে বিশ্বা॑য॒ সূর্য॑ম্ ॥ 2॥ যেনা॑ পাবক॒ চক্ষ॑সা ভুর॒ণ্যন্তং॒ জনা.ঙ্​2 ॥ অনু॑ । ত্বং-বঁ॑রুণ॒ পশ্য॑সি ॥ 3॥ দৈব্যা॑বধ্বর্যূ॒ আগ॑ত॒গ্ং রথে॑ন॒ সূর্য॑ত্বচা . মধ্বা॑ য॒জ্ঞগ্ং সম॑ঞ্জাথে । ত-ম্প্র॒ত্নথা॒-ঽযং-বেঁ॒নশ্চি॒ত্র-ন্দে॒বানা॑ম্ ॥ 4॥ ত-ম্প্র॒ত্নথা॑ পূ॒র্বথা॑ বি॒শ্বথে॒মথা॑ জ্যে॒ষ্ঠতা॑তি-ম্বর্​হি॒ষদ॑গ্ংস্ব॒র্বিদ॑ম্ । প্র॒তী॒চী॒নং-বৃঁ॒জনং॑ দোহসে॒ ধুনি॑মা॒শু-ঞ্জয॑ন্ত॒মনু॒ যাসু॒ বর্ধ॑সে ॥ 5॥ অ॒যং-বেঁ॒নশ্চো॑দয॒ত্পৃশ্নি॑গর্ভা॒ জ্যোতি॑র্জরাযূ॒ রজ॑সো বি॒মানে॑ । ই॒মম॒পাগ্ংস॑ঙ্গ॒মে সূর্য॑স্য॒ শিশু॒ন্ন বিপ্রা॑ ম॒তিভী॑ রিহন্তি ॥ 6॥ চি॒ত্র-ন্দে॒বানা॒মুদ॑গা॒দনী॑কং॒ চক্ষু॑র্মি॒ত্রস্য॒ বরু॑ণস্যা॒গ্নেঃ । আপ্রা॒ দ্যাবা॑পৃথি॒বী অ॒ন্তরি॑ক্ষগ্ং সূর্য॑ আ॒ত্মা জগ॑তস্ত॒স্থুষ॑শ্চ ॥ 7॥ আ ন॒ ইডা॑ভির্বি॒দথে॑ সুশ॒স্তি বি॒শ্বান॑র-স্সবি॒তা দে॒ব এ॑তু । অপি॒ যথা॑ যুবানো॒ মত্স॑থা নো॒ বিশ্বং॒ জগ॑দভিপি॒ত্বে ম॑নী॒ষা ॥ 8॥ যদ॒দ্য কচ্চ॑ বৃত্রহন্নু॒দগা॑ অ॒ভি সূ॑র্য । সর্বং॒ তদি॑ন্দ্র তে॒ বশে॑ ॥ 9॥ ত॒রণি॑র্বি॒শ্বদ॑র্​শতো জ্যোতি॒ষ্কৃদ॑সি সূর্য । বিশ্ব॒মা ভা॑সি রোচ॒নম্ ॥ 10॥ তত্সূর্য॑স্য দেব॒ত্ব-ন্তন্ম॑হি॒ত্ব-ম্ম॒ধ্যা কর্তো॒র্বিত॑ত॒গ্ং স-ঞ্জ॑ভার । য॒দেদযু॑ক্ত হ॒রিতঃ॑ স॒ধস্থা॒দাদ্রাত্রী॒ বাস॑স্তনুতে সি॒মস্মৈ॑ ॥ 11॥ তন্মি॒ত্রস্য॒ বরু॑ণস্যাভি॒চক্ষে॒ সূর্যো॑ রূ॒প-ঙ্কৃ॑ণুতে॒ দ্যোরু॒পস্থে॑ । অ॒ন॒ন্তম॒ন্যদ্রুশ॑দস্য॒ পাজঃ॑ কৃ॒ষ্ণম॒ন্যদ্ধ॒রিত॒-স্স-ম্ভ॑রন্তি ॥ 12॥ বণ্ম॒হা.ণ2 ॥ অ॑সি সূর্য॒ বডা॑দিত্য ম॒হা.ণ2 ॥ অ॑সি । ম॒হস্তে॑ স॒তো ম॑হি॒মা প॑নস্যতে॒-ঽদ্ধা দে॑ব ম॒হা.ণ2 ॥ অ॑সি ॥ 13॥ বট্ সূ॑র্য॒ শ্রব॑সা ম॒হা.ণ2 ॥ অ॑সি . স॒ত্রা দে॑ব ম॒হা.ণ2 ॥ অ॑সি । ম॒হ্না দে॒বানা॑মসু॒র্যঃ॒ পু॒রোহি॑তো বি॒ভু জ্যোতি॒রদা॑ভ্যম্ ॥ 14॥ শ্রায॑ন্ত ইব॒ সূর্যং॒ বিশ্বেদিন্দ্র॑স্য ভক্ষত । বসূ॑নি জা॒তে জন॑মান॒ ওজ॑সা॒ প্রতি॑ ভা॒গ-ন্ন দী॑ধিম ॥ 15॥ অ॒দ্যা দে॑বা॒ উদি॑তা॒ সূর্য॑স্য॒ নিরগ্ংহ॑সঃ পিপৃ॒তা নির॑ব॒দ্যাত্ । তন্নো॑ মি॒ত্রো বরু॑ণো মামহন্তা॒মদি॑তি॒-স্সিন্ধুঃ॑ পৃথি॒বী উ॒ত দ্যৌঃ ॥ 16॥ আ কৃ॒ষ্ণেন॒ রজ॑সা॒ বর্ত॑মানো নিবে॒শয॑ন্ন॒মৃতং॒ মর্ত্যং॑ চ । হি॒র॒ণ্যযে॑ন সবি॒তা রথে॒না দে॒বো যা॑তি॒ ভুব॑নানি॒ পশ্য॑ন্ ॥ 17॥ ইতি রুদ্রে চতুর্থো-ঽধ্যাযঃ ॥ 4॥ 6. পঞ্চমোঽধ্যাযঃ - রুদ্র সূক্তম্ (নীল সূক্তম্) হরিঃ॑ ওঁ নম॑স্তে রুদ্র ম॒ন্যব॑ উ॒তো ত॒ ইষ॑বে॒ নমঃ॑ । বা॒হুভ্যা॑মু॒ত তে॒ নমঃ॑ ॥ 1॥ যা তে॑ রুদ্র শি॒বা ত॒নূরঘো॒রা-ঽপা॑পকাশিনী । তযা॑ নস্ত॒ন্বা শন্ত॑মযা॒ গিরি॑শন্তা॒ভি চা॑কশীহি ॥ 2॥ যামিষুং॑ গিরিশন্ত॒ হস্তে॑ বি॒ভর্​ষ্যস্ত॑বে । শি॒বা-ঙ্গি॑রিত্র॒ তা-ঙ্কু॑রু॒ মা হি॑গ্ংসীঃ॒ পুরু॑ষং॒ জগ॑ত্ ॥ 3॥ শি॒বেন॒ বচ॑সা ত্বা গিরি॒শা-ঽচ্ছা॑বদামসি । যথা॑ ন॒-স্সর্ব॒মিজ্জগ॑দয॒ক্ষ্মগ্ং সু॒মনা॒ অস॑ত্ ॥ 4॥ অধ্য॑বোচদধিব॒ক্তা প্র॑থ॒মো দৈব্যো॑ ভি॒ষক্ । অহী॑গ্ংশ্চ॒ সর্বা॑ঞ্জ॒ম্ভয॒ন্ত্সর্বা॑শ্চ যাতুধা॒ন্যো॒-ঽধ॒রাচীঃ॒ পরা॑সুব ॥ 5॥ অসৌ॒ যস্তা॒ম্রো অ॑রু॒ণ উ॒ত ব॒ভ্রু-স্সু॑ম॒ঙ্গলঃ॑ । যে চৈ॑নগ্ং রু॒দ্রা অ॒ভিতো॑ দি॒ক্ষু শ্রি॒তা-স্স॑হস্র॒শো-ঽবৈ॑ষা॒গ্ং হেড॑ ঈমহে ॥ 6॥ অসৌ॒ যো॑-ঽব॒সর্প॑তি॒ নীল॑গ্রীবো॒ বিলো॑হিতঃ । উ॒তৈনং॑ গো॒পা অ॑দৃশ্র॒ন্নদৃ॑শ্রন্নুদহা॒র্য-স্স দৃ॒ষ্টো মৃ॑ডযাতি নঃ ॥ 7॥ নমো॑-ঽস্তু॒ নীল॑গ্রীবায সহস্রা॒ক্ষায॑ মী॒ঢুষে॑ । অথো॒ যে অ॑স্য॒ সত্বা॑নো॒-ঽহ-ন্তেভ্যো॑-ঽকরং॒ নমঃ॑ ॥ 8॥ প্রমু॑ঞ্চ॒ ধন্ব॑ন॒স্ত্বমু॒ভযো॒রার্ত্ন্যো॒র্জ্যাম্ । যাশ্চ॑ তে॒ হস্ত॒ ইষ॑বঃ॒ পরা॒ তা ভ॑গবো বপ ॥ 9॥ বিজ্যং॒ ধনুঃ॑ কপ॒র্দিনো॒ বিশ॑ল্যো॒ বাণ॑বা.ণ2 ॥ উ॒ত । অনে॑শন্নস্য॒ যা ইষ॑ব আ॒ভুর॑স্য নিষঙ্গ॒ধিঃ ॥ 10॥ যা তে॑ হে॒তির্মী॑ঢুষ্টম॒ হস্তে॑ ব॒ভূব॑ তে॒ ধনুঃ॑ । তযা॒স্মান্বি॒শ্বত॒স্ত্বম॑য॒ক্ষ্মযা॒ পরি॑ভুজ ॥ 11॥ পরি॑ তে॒ ধন্ব॑নো হে॒তির॒স্মান্বৃ॑ণক্তু বি॒শ্বতঃ॑ । অথো॒ য ই॑ষু॒ধিস্তবা॒রে অ॒স্মন্নিধে॑হি॒ তম্ ॥ 12॥ অ॒ব॒তত্য॒ ধনু॒ষ্ট্বগ্ং সহ॑স্রাক্ষ॒ শতে॑ষুধে । নি॒শীর্য॑ শ॒ল্যানাং॒ মুখা॑ শি॒বো নঃ॑ সু॒মনা॑ ভব ॥ 13॥ নম॑স্ত॒ আযু॑ধা॒যানা॑ততায ধৃ॒ষ্ণবে॑ । উ॒ভাভ্যা॑মু॒ত তে॒ নমো॑ বা॒হুভ্যাং॒ তব॒ ধন্ব॑নে ॥ 14॥ মা নো॑ ম॒হান্ত॑মু॒ত মা নো॑ অর্ভ॒ক-ম্মা ন॒ উক্ষ॑ন্তমু॒ত মা ন॑ উক্ষি॒তম্ । মা নো॑ বধীঃ পি॒তরং॒ মোত॑ মা॒তরং॒ মা নঃ॑ প্রি॒যাস্ত॒ন্বো॒ রুদ্র রীরিষঃ ॥ 15॥ মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ । মা নো॑ বী॒রা-ন্রু॑দ্র ভা॒মিনো॑ বধীর্​হ॒বিষ্ম॑ন্ত॒-স্সদ॒মিত্ত্বা॑ হবামহে ॥ 16॥ নমো॒ হির॑ণ্যবাহবে সেনা॒ন্যে॒ দি॒শা-ঞ্চ॒ পত॑যে॒ নমো॒ নমো॑ বৃ॒ক্ষেভ্যো॒ হরি॑কেশেভ্যঃ পশূ॒না-ম্পত॑যে॒ নমো॒ নমঃ॑ শ॒ষ্পিঞ্জ॑রায॒ ত্বিষী॑মতে পথী॒না-ম্পত॑যে॒ নমো॒ নমো॒ হরি॑কেশাযোপবী॒তিনে॑ পু॒ষ্টানাং॒ পত॑যে॒ নমঃ॑ ॥ 17॥ নমো॑ বভ্লু॒শায॑ ব্যা॒ধিনে-ঽন্না॑নাং॒ পত॑যে॒ নমো॒ নমো॑ ভ॒বস্য॑ হেত্যৈ॒ জগ॑তাং॒ পত॑যে॒ নমো॒ নমো॑ রু॒দ্রাযা॑ততা॒যিনে॒ ক্ষেত্রা॑ণাং॒ পত॑যে॒ নমো॒ নমঃ॑ সূ॒তাযাহ॑ন্ত্যৈ॒ বনা॑নাং॒ পত॑যে॒ নমঃ॑ ॥ 18॥ নমো॒ রোহি॑তায স্থ॒পত॑যে বৃ॒ক্ষাণাং॒ পত॑যে॒ নমো॒ নমো॑ ভুব॒ন্তযে॑ বারিবস্কৃ॒তাযৌষ॑ধীনাং॒ পত॑যে॒ নমো॒ নমো॑ ম॒ন্ত্রিণে॑ বাণি॒জায॒ কক্ষা॑ণাং॒ পত॑যে॒ নমো॒ নম॑ উ॒চ্চৈর্ঘো॑ষাযাক্র॒ন্দয॑তে পত্তী॒না-ম্পত॑যে॒ নমঃ॑ ॥ 19॥ নমঃ॑ কৃত্স্নায॒তযা॒ ধাব॑তে॒ সত্ব॑নাং॒ পত॑যে॒ নমো॒ নম॒-স্সহ॑মানায নিব্যা॒ধিন॑ আব্যা॒ধিনী॑নাং॒ পত॑যে॒ নমো॒ নমো॑ নিষ॒ঙ্গিণে॑ ককু॒ভায॑ স্তে॒নানাং॒ পত॑যে॒ নমো॒ নমো॑ নিচে॒রবে॑ পরিচ॒রাযার॑ণ্যানাং॒ পত॑যে॒ নমঃ॑ ॥ 20॥ নমো॒ বঞ্চ॑তে পরি॒বঞ্চ॑তে স্তাযূ॒না-ম্পত॑যে॒ নমো॒ নমো॑ নিষ॒ঙ্গিণ॑ ইষুধি॒মতে॒ তস্ক॑রাণাং॒ পত॑যে॒ নমো॒ নমঃ॑ সৃকা॒যিভ্যো॒ জিঘা॑গ্ংসদ্ভ্যো মুষ্ণ॒তা-ম্পত॑যে॒ নমো॒ নমো॑-ঽসি॒মদ্ভ্যো॒ নক্ত॒ঞ্চর॑দ্ভ্যো বিকৃ॒ন্তানাং॒ পত॑যে॒ নমঃ॑ ॥ 21॥ নম॑ উষ্ণী॒ষিণে॑ গিরিচ॒রায॑ কুলু॒ঞ্চানাং॒ পত॑যে॒ নমো॒ নম॑ ইষু॒মদ্ভ্যো॑ ধন্বা॒যিভ্য॑শ্চ বো॒ নমো॒ নম॑ আতন্বা॒নেভ্যঃ॑ প্রতি॒দধা॑নেভ্যশ্চ বো॒ নমো॒ নম॑ আ॒যচ্ছ॒দ্ভ্যো-ঽস্য॑দ্ভ্যশ্চ বো॒ নমঃ॑ ॥ 22॥ নমো॑ বিসৃ॒জদ্ভ্যো॒ বিধ্য॑দ্ভ্যশ্চ বো॒ নমো॒ নমঃ॑ স্ব॒পদ্ভ্যো॒ জাগ্র॑দ্ভ্যশ্চ বো॒ নমো॒ নম॒-শ্শযা॑নেভ্য॒ আসী॑নেভ্যশ্চ বো॒ নমো॒ নম॒স্তিষ্ঠ॑দ্ভ্যো॒ ধাব॑দ্ভ্যশ্চ বো॒ নমঃ॑ ॥ 23॥ নমঃ॑ স॒ভাভ্যঃ॑ স॒ভাপ॑তিভ্যশ্চ বো॒ নমো॒ নমো-ঽশ্বে॒ভ্যো-ঽশ্ব॑পতিভ্যশ্চ বো॒ নমো॒ নম॑ আব্যা॒ধিনী॑ভ্যো বি॒বিধ্য॑ন্তীভ্যশ্চ বো॒ নমো॒ নম॒ উগ॑ণাভ্যস্তৃগ্ংহ॒তীভ্য॑শ্চ বো॒ নমঃ॑ ॥ 24॥ নমো॑ গ॒ণেভ্যো॑ গ॒ণপ॑তিভ্যশ্চ বো॒ নমো॒ নমো॒ ব্রাতে॑ভ্যো॒ ব্রাত॑পতিভ্যশ্চ বো॒ নমো॒ নমো॒ গৃত্সে॑ভ্যো॒ গৃত্স॑পতিভ্যশ্চ বো॒ নমো॒ নমো॒ বিরূ॑পেভ্যো বি॒শ্বরূ॑পেভ্যশ্চ বো॒ নমঃ॑ ॥ 25॥ নম॒-স্সেনা॑ভ্য-স্সেনা॒নিভ্য॑শ্চ বো॒ নমো॒ নমো॑ র॒থিভ্যো॑ অর॒থেভ্য॑শ্চ বো॒ নমো॒ নমঃ॑ ক্ষ॒ত্তৃভ্যঃ॑ সঙ্গ্রহী॒তৃভ্য॑শ্চ বো॒ নমো॒ নমো॑ ম॒হদ্ভ্যো॑ অর্ভ॒কেভ্য॑শ্চ বো॒ নমঃ॑ ॥ 26॥ নম॒স্তক্ষ॑ভ্যো রথকা॒রেভ্য॑শ্চ বো॒ নমো॒ নমঃ॒ কুলা॑লেভ্যঃ ক॒র্মারে॑ভ্যশ্চ বো॒ নমো॒ নমো॑ নিষা॒দেভ্যঃ॑ পু॒ঞ্জিষ্টে॑ভ্যশ্চ বো॒ নমো॒ নমঃ॑ শ্ব॒নিভ্যো॑ মৃগ॒যুভ্য॑শ্চ বো॒ নমঃ॑ ॥ 27॥ নম॒-শ্শ্বভ্য॒-শ্শ্বপ॑তিভ্যশ্চ বো॒ নমো॒ নমো॑ ভ॒বায॑ চ রু॒দ্রায॑ চ॒ নমঃ॑ শ॒র্বায॑ চ পশু॒পত॑যে চ॒ নমো॒ নীল॑গ্রীবায চ শিতি॒কণ্ঠা॑য চ ॥ 28॥ নমঃ॑ কপ॒র্দিনে॑ চ॒ ব্যু॒প্তকেশায চ॒ নমঃ॑ সহস্রা॒ক্ষায॑ চ শ॒তধ॑ন্বনে চ॒ নমো॑ গিরিশ॒যায॑ চ শিপিবি॒ষ্টায॑ চ॒ নমো॑ মী॒ঢুষ্ট॑মায॒ চেষু॑মতে চ ॥ 29॥ নমো॑ হ্র॒স্বায॑ চ বাম॒নায॑ চ॒ নমো॑ বৃহ॒তে চ॒ বর্​ষী॑যসে চ॒ নমো॑ বৃ॒দ্ধায॑ চ স॒বৃধে॑ চ॒ নমো-ঽগ্র্যা॑য চ প্রথ॒মায॑ চ ॥ 30॥ নম॑ আ॒শবে॑ চাজি॒রায॑ চ॒ নম॒-শ্শীঘ্র্যা॑য চ॒ শীভ্যা॑য চ॒ নম॒ ঊর্ম্যা॑য চাবস্ব॒ন্যা॒য চ॒ নমো॑ নাদে॒যায॑ চ॒ দ্বীপ্যা॑য চ ॥ 31॥ নমো॑ জ্যে॒ষ্ঠায॑ চ কনি॒ষ্ঠায॑ চ॒ নমঃ॑ পূর্ব॒জায॑ চাপর॒জায॑ চ॒ নমো॑ মধ্য॒মায॑ চাপগ॒ল্ভায॑ চ॒ নমো॑ জঘ॒ন্যা॒য চ বু॒ধ্ন্যা॒য চ ॥ 32॥ নম॒-স্সোভ্যা॑য চ প্রতিস॒র্যা॒য চ॒ নমো॒ যাম্যা॑য চ॒ ক্ষেম্যা॑য চ॒ নম॒-শ্শ্লোক্যা॑য চাবসা॒ন্যা॒য চ॒ নম॑ উর্ব॒র্যা॒য চ॒ খল্যা॑য চ ॥ 33॥ নমো॒ বন্যা॑য চ॒ কক্ষ্যা॑য চ॒ নমঃ॑ শ্র॒বায॑ চ প্রতিশ্র॒বায॑ চ॒ নম॑ আ॒শুষে॑ণায চা॒শুর॑থায চ॒ নম॒-শ্শূরা॑য চাবভে॒দিনে॑ চ ॥ 34॥ নমো॑ বি॒ল্মিনে॑ চ কব॒চিনে॑ চ॒ নমো॑ ব॒র্মিণে॑ চ বরূ॒থিনে॑ চ॒ নমঃ॑ শ্রু॒তায॑ চ শ্রুতসে॒নায॑ চ॒ নমো॑ দুন্দু॒ভ্যা॒য চাহন॒ন্যা॒য চ ॥ 35॥ নমো॑ ধৃ॒ষ্ণবে॑ চ প্রমৃ॒শায॑ চ॒ নমো॑ নিষ॒ঙ্গিণে॑ চেষুধি॒মতে॑ চ॒ নম॑স্তী॒ক্ষ্ণেষ॑বে চাযু॒ধিনে॑ চ॒ নমঃ॑ স্বাযু॒ধায॑ চ সু॒ধন্ব॑নে চ ॥ 36॥ নম॒-স্স্রুত্যা॑য চ॒ পথ্যা॑য চ॒ নমঃ॒ কাট্যা॑য চ॒ নীপ্যা॑য চ॒ নমঃ॒ কুল্যা॑য চ সর॒স্যা॒য চ॒ নমো॑ নাদে॒যায॑ চ বৈশ॒ন্তায॑ চ ॥ 37॥ নমঃ॒ কূপ্যা॑য চাব॒ট্যা॑য চ॒ নমো॒ বীধ্র্যা॑য চাত॒প্যা॒য চ॒ নমো॒ মেঘ্যা॑য চ বিদ্যু॒ত্যা॒য চ॒ নমো॒ বর্​ষ্যা॑য চাব॒র্​ষ্যায॑ চ ॥ 38॥ নমো॒ বাত্যা॑য চ॒ রেষ্ম্যা॑য চ॒ নমো॑ বাস্ত॒ব্যা॒য চ বাস্তু॒পায॑ চ॒ নম॒-স্সোমা॑য চ রু॒দ্রায॑ চ॒ নম॑স্তা॒ম্রায॑ চারু॒ণায॑ চ ॥ 39॥ নমঃ॑ শ॒ঙ্গবে॑ চ পশু॒পত॑যে চ॒ নম॑ উ॒গ্রায॑ চ ভী॒মায॑ চ॒ নমো॑-ঽগ্রেব॒ধায॑ চ দূরেব॒ধায॑ চ॒ নমো॑ হ॒ন্ত্রে চ॒ হনী॑যসে চ॒ নমো॑ বৃ॒ক্ষেভ্যো॒ হরি॑কেশেভ্যো॒ নম॑স্তা॒রায॑ ॥ 40॥ নমঃ॑ শম্ভ॒বায॑ চ মযোভ॒বায॑ চ॒ নমঃ॑ শঙ্ক॒রায॑ চ মযস্ক॒রায॑ চ॒ নমঃ॑ শি॒বায॑ চ শি॒বত॑রায চ ॥ 41॥ নমঃ॒ পার্যা॑য চাবা॒র্যা॒য চ॒ নমঃ॑ প্র॒তর॑ণায চো॒ত্তর॑ণায চ॒ নম॒স্তীর্থ্যা॑য চ॒ কূল্যা॑য চ॒ নম॒-শ্শষ্প্যা॑য চ॒ ফেন্যা॑য চ ॥ 42॥ নমঃ॑ সিক॒ত্যা॒য চ প্রবা॒হ্যা॒য চ॒ নমঃ॑ কিগ্ংশি॒লায॑ চ ক্ষয॒ণায॑ চ॒ নমঃ॑ কপ॒র্দিনে॑ চ পুল॒স্তযে॑ চ॒ নম॑ ইরি॒ণ্যা॒য চ প্রপ॒থ্যা॒য চ ॥ 43॥ নমো॒ ব্রজ্যা॑য চ॒ গোষ্ঠ্যা॑য চ॒ নম॒স্তল্প্যা॑য চ॒ গেহ্যা॑য চ॒ নমো॑ হৃদ॒য্যা॒য চ নিবে॒ষ্প্যা॒য চ॒ নমঃ॒ কাট্যা॑য চ গহ্বরে॒ষ্ঠায॑ চ ॥ 44॥ নম॒-শ্শুষ্ক্যা॑য চ হরি॒ত্যা॒য চ॒ নমঃ॑ পাগ্ংস॒ব্যা॒য চ রজ॒স্যা॒য চ॒ নমো॒ লোপ্যা॑য চোল॒প্যা॒য চ॒ নম॒ ঊর্ব্যা॑য চ॒ সূর্ব্যা॑য চ ॥ 45॥ নমঃ॑ প॒র্ণায॑ চ পর্ণশ॒দায॑ চ॒ নম॑ উদ্গু॒রমা॑ণায চাভিঘ্ন॒তে চ॒ নম॑ আখিদ॒তে চ॑ প্রখিদ॒তে চ॒ নমঃ॑ ইষু॒কৃদ্ভ্যো॑ ধনু॒ষ্কৃদ্ভ্য॑শ্চ বো॒ নমো॒ নমো॑ বঃ কিরি॒কেভ্যো॑ দে॒বানা॒গ্ং হৃদ॑যেভ্যো॒ নমো॑ বিচিন্ব॒ত্কেভ্যো॒ নমো॑ বিক্ষিণ॒ত্কেভ্যো॒ নম॑ আনির্​হ॒তেভ্যঃ॑ ॥ 46॥ দ্রাপে॒ অন্ধ॑সস্পতে॒ দরি॑দ্রং॒ নীল॑লোহিত । আ॒সা-ম্প্র॒জানা॑মে॒ষা-ম্প॑শূ॒না-ম্মা ভে॒র্মা রোঙ্ভো চ॑ নঃ॒ কিঞ্চ॒নাম॑মত্ ॥ 47॥ ই॒মা রু॒দ্রায॑ ত॒বসে॑ কপ॒র্দিনে॑ ক্ষ॒যদ্বী॑রায॒ প্রভ॑রামহে ম॒তীঃ । যথা॒ শমস॑দ্দ্বি॒পদে॒ চতু॑ষ্পদে॒ বিশ্বং॑ পু॒ষ্ট-ঙ্গ্রামে॑ অ॒স্মিন্ন॑নাতু॒রম্ ॥ 48॥ যা তে॑ রুদ্র শি॒বা ত॒নূ-শ্শি॒বা বি॒শ্বাহা॑ ভেষ॒জী । শি॒বা রু॒তস্য॑ ভেষ॒জী তযা॑ নো মৃড জী॒বসে॑ ॥ 49॥ পরি॑ নো রু॒দ্রস্য॑ হে॒তির্বৃ॑ণক্তু॒ পরি॑ ত্বে॒ষস্য॑ দুর্ম॒তির॑ঘা॒যোঃ । অব॑ স্থি॒রা ম॒ঘব॑দ্ভ্যস্তনুষ্ব॒ মীঢ্ব॑স্তো॒কায॒ তন॑যায মৃড ॥ 50॥ মীঢু॑ষ্টম॒ শিব॑তম শি॒বো নঃ॑ সু॒মনা॑ ভব । প॒র॒মে বৃ॒ক্ষ আযু॑ধ-ন্নি॒ধায॒ কৃত্তিং॒ বসা॑ন॒ আচ॑র॒ পিনা॑কং॒ বিভ্র॒দাগ॑হি ॥ 51॥ বিকি॑রিদ্র॒ বিলো॑হিত॒ নম॑স্তে অস্তু ভগবঃ । যাস্তে॑ স॒হস্র॑গ্ং হে॒তযো॒-ঽন্যম॒স্মন্নিব॑পন্তু॒ তাঃ ॥ 52॥ স॒হস্রা॑ণি সহস্র॒শো বা॒হ্বোস্তব॑ হে॒তযঃ॑ । তাসা॒মীশা॑নো ভগবঃ পরা॒চীনা॒ মুখা॑ কৃধি ॥ 53॥ অসং॑খ্যাতা স॒হস্রা॑ণি॒ যে রু॒দ্রা অধি॒ ভূম্যা॑ম্ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 54॥ অ॒স্মিন্ম॑হ॒ত্য॒র্ণ॒বে-ঽন্তরি॑ক্ষে ভ॒বা অধি॑ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 55॥ নীল॑গ্রীবা-শ্শিতি॒কণ্ঠা॒ দিব॑গ্ং রু॒দ্রা উপ॑শ্রিতাঃ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 56॥ নীল॑গ্রীবা-শ্শিতি॒কণ্ঠাঃ॑ শ॒র্বা অ॒ধঃ, ক্ষ॑মাচ॒রাঃ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 57॥ যে বৃ॒ক্ষেষু॑ শ॒ষ্পিঞ্জ॑রা॒ নীল॑গ্রীবা॒ বিলো॑হিতাঃ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 58॥ যে ভূ॒তানা॒মধি॑পতযো বিশি॒খাসঃ॑ কপ॒র্দিনঃ॑ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 59॥ যে প॒থা-ম্প॑থি॒রক্ষ॑য ঐলবৃ॒দা আ॑যু॒র্যুধঃ॑ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 60॥ যে তী॒র্থানি॑ প্র॒চর॑ন্তি সৃ॒কাহ॑স্তা নিষ॒ঙ্গিণঃ॑ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 61॥ যে-ঽন্নে॑ষু বি॒বিধ্য॑ন্তি॒ পাত্রে॑ষু॒ পিব॑তো॒ জনা॑ন্ । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 62॥ য এ॒তাব॑ন্তশ্চ॒ ভূযা॑গ্ংসশ্চ॒ দিশো॑ রু॒দ্রা বি॑তস্থি॒রে । তেষা॑গ্ং সহস্রযোজ॒নে-ঽব॒ ধন্বা॑নি তন্মসি ॥ 63॥ নমো॑-ঽস্তু রু॒দ্রেভ্যো॒ যে দি॒বি যেষাং॑ ব॒র্​ষমিষ॑বস্তেভ্যো॒ দশ॒ প্রাচী॒র্দশ॑ দক্ষি॒ণা দশ॑ প্র॒তীচী॒র্দশোদী॑চী॒র্দশো॒র্ধ্বাস্তেভ্যো॒ নমো॑ অস্তু॒ তে নো॑-ঽবন্তু॒ তে নো॑ মৃডযন্তু॒ তে যং দ্বি॒ষ্মো যশ্চ॑ নো॒ দ্বেষ্টি॒ তমে॑ষাং॒ জম্ভে॑ দধ্মঃ ॥ 64॥ নমো॑-ঽস্তু রু॒দ্রেভ্যো॒ যে-ঽন্তরি॑ক্ষে॒ যেষাং॒ বাত॒ ইষ॑বস্তেভ্যো॒ দশ॒ প্রাচী॒র্দশ॑ দক্ষি॒ণা দশ॑ প্র॒তীচী॒র্দশোদী॑চী॒র্দশো॒র্ধ্বাস্তেভ্যো॒ নমো॑ অস্তু॒ তে নো॑-ঽবন্তু॒ তে নো॑ মৃডযন্তু॒ তে যং দ্বি॒ষ্মো যশ্চ॑ নো॒ দ্বেষ্টি॒ তমে॑ষাং॒ জম্ভে॑ দধ্মঃ ॥ 65॥ নমো॑-ঽস্তু রু॒দ্রেভ্যো॒ যে পৃ॑থি॒ব্যাং-যেঁষা॒মন্ন॒মিষ॑বস্তেভ্যো॒ দশ॒ প্রাচী॒র্দশ॑ দক্ষি॒ণা দশ॑ প্র॒তীচী॒র্দশোদী॑চী॒র্দশো॒র্ধ্বাস্তেভ্যো॒ নমো॑ অস্তু॒ তে নো॑-ঽবন্তু॒ তে নো॑ মৃডযন্তু॒ তে যং দ্বি॒ষ্মো যশ্চ॑ নো॒ দ্বেষ্টি॒ তমে॑ষাং॒ জম্ভে॑ দধ্মঃ ॥ 66॥ ইতি রুদ্রে পঞ্চমো-ঽধ্যাযঃ ॥ 5॥ 7. ষষ্ঠোঽধ্যাযঃ - মহচ্ছির, সোম স্তবন, ত্র্যম্বক যজনম্ হরিঃ॑ ওঁ ব॒যগ্ংসো॑ম ব্র॒তে তব॒ মন॑স্ত॒নূষু॒ বিভ্র॑তঃ । প্র॒জাব॑ন্ত-স্সচেমহি ॥ 1॥ এ॒ষ তে॑ রুদ্র ভা॒গ-স্স॒হ স্বস্রা-ঽম্বি॑কযা॒ ত-ঞ্জু॑ষস্ব॒ স্বাহৈ॒ষ তে॑ রুদ্র ভা॒গ আ॒খুস্তে॑ প॒শুঃ ॥ 2॥ অব॑ রু॒দ্রম॑দীম॒হ্যব॑ দে॒ব-ন্ত্র্য॑ম্বকম্ । যথা॑ নো॒ বস্য॑স॒স্কর॒দ্যথা॑ ন॒-শ্শ্রেয॑স॒স্কর॒দ্যথা॑ নো ব্যবসা॒যযা॑ত্ ॥ 3॥ ভে॒ষ॒জম॑সি ভেষ॒জ-ঙ্গবে-ঽশ্বা॑য॒ পুরু॑ষায ভেষ॒জম্ । সু॒খ-ম্মে॒ষায॑ মেষ্যৈ ॥ 4॥ ত্র্য॑ম্বকং-যঁজামহে সুগ॒ন্ধি-ম্পু॑ষ্টি॒বর্ধ॑নম্ । উ॒র্বা॒রু॒কমি॑ব॒ বন্ধ॑নান্মৃ॒ত্যোর্মু॑ক্ষীয॒ মা-ঽমৃতা॑ত্ । ত্র্য॑ম্বকং-যঁজামহে সুগ॒ন্ধি-ম্প॑তি॒বেদ॑নম্ । উ॒র্বা॒রু॒কমি॑ব॒ বন্ধ॑নাদি॒তো মু॑ক্ষীয॒ মামুতঃ॑ ॥ 5॥ এ॒তত্তে॑ রুদ্রাব॒স-ন্তেন॑ প॒রো মূজ॑ব॒তো-ঽতী॑হি । অব॑ততধন্বা॒ পিনা॑কাবসঃ॒ কৃত্তি॑বাসা॒ অহি॑গ্ংসন্ন-শ্শি॒বো-ঽতী॑হি ॥ 6॥ ত্র্যা॑যু॒ষ-ঞ্জ॒মদ॑গ্নেঃ ক॒শ্যপ॑স্য ত্র্যাযু॒ষম্ । যদ্দে॒বেষু॑ ত্র্যাযু॒ষ-ন্তন্নো॑ অস্তু ত্র্যাযু॒ষম্ ॥ 7॥ শি॒বো নামা॑সি॒ স্বধি॑তিস্তে পি॒তা নম॑স্তে অস্তু॒ মা মা॑ হিগ্ংসীঃ । নিব॑র্তযাম্যাযু॑ষে॒-ঽন্নাদ্যা॑য॒ প্রজন॑নায রা॒যস্পোষা॑য সুপ্রজা॒স্ত্বায॑ সু॒বীর্যা॑য ॥ 8॥ ইতি রুদ্রে ষষ্ঠো-ঽধ্যাযঃ ॥ 6॥ 8. সপ্তমোঽধ্যাযঃ - জটাঽধ্যাযঃ হরিঃ॑ ওঁ উ॒গ্রশ্চ॑ ভী॒মশ্চ॒ ধ্বা॒ন্তশ্চ॒ ধুনি॑শ্চ । সা॒স॒হ্বাংশ্চা॑ভিযু॒গ্বা চ॑ বি॒ক্ষিপ॒-স্স্বাহা॑ ॥ 1॥ অ॒গ্নিগ্ং হৃদ॑যেনা॒শনি॑গ্ং হৃদযা॒গ্রেণ॑ পশু॒পতিং॑ কৃত্স্ন॒হৃদ॑যেন ভ॒বং-যঁ॒ক্না । শ॒র্ব-ম্মত॑স্নাভ্যা॒মীশা॑ন-ম্ম॒ন্যুনা॑ মহাদে॒বম॑ন্তঃ পর্​শ॒ব্যেনো॒গ্রং দে॒বং-বঁ॑নি॒ষ্ঠুনা॑ বসিষ্ঠ॒হনুঃ॒ শিঙ্গী॑নি কো॒শ্যাভ্যা॑ম্ ॥ 2॥ উ॒গ্রং-ল্লোঁহি॑তেন মি॒ত্রগ্ং সৌ॑ব্রত্যেন রু॒দ্র-ন্দৌর্ব্র॑ত্যে॒নেন্দ্রং॑ প্রক্রী॒ডেন॑ ম॒রুতো॒ বলে॑ন সা॒ধ্যান্প্র॒মুদা॑ । ভ॒বস্য॒ কণ্ঠ্য॑গ্ং রু॒দ্রস্যা॑ন্তঃ পা॒র্​শ্ব্য-ম্ম॑হাদে॒বস্য॒ যকৃ॑চ্ছ॒র্বস্য॑ বনি॒ষ্ঠুঃ প॑শু॒পতেঃ॑ পুরী॒তত্ ॥ 3॥ লোম॑ভ্য॒-স্স্বাহা॒ লোম॑ভ্য॒-স্স্বাহা॑ ত্ব॒চে স্বাহা॑ ত্ব॒চে স্বাহা॒ লোহি॑তায॒ স্বাহা॒ লোহি॑তায॒ স্বাহা॒ মেদো॑ভ্য॒-স্স্বাহা॒ মেদো॑ভ্য॒-স্স্বাহা॑ । মা॒গ্ংসেভ্য॒-স্স্বাহা॑ মা॒গ্ংসেভ্য॒-স্স্বাহা॒ স্নাব॑ভ্য॒-স্স্বাহা॒ স্নাব॑ভ্য॒-স্স্বাহা॒ অস্থভ্য॒-স্স্বাহা॒ অস্থভ্য॒-স্স্বাহা॑ ম॒জ্জভ্য॒-স্স্বাহা॑ ম॒জ্জভ্য॒-স্স্বাহা॑ । রেত॑সে॒ স্বাহা॑ পা॒যবে॒ স্বাহা॑ ॥ 4॥ আ॒যা॒সায॒ স্বাহা॑ প্রাযা॒সায॒ স্বাহা॑ সং​যাঁ॒সায॒ স্বাহা॑ বিযা॒সায॒ স্বাহো॑দ্যা॒সায॒ স্বাহা॑ । শু॒চে স্বাহা॒ শোচ॑তে॒ স্বাহা॒ শোচ॑মানায॒ স্বাহা॒ শোকা॑য॒ স্বাহা॑ ॥ 5॥ তপ॑সে॒ স্বাহা॒ তপ্য॑তে॒ স্বাহা॒ তপ্য॑মানায॒ স্বাহা॑ ত॒প্তায॒ স্বাহা॑ ঘ॒র্মায॒ স্বাহা॑ । নিষ্কৃ॑ত্যৈ॒ স্বাহা॒ প্রায॑শ্চিত্ত্যৈ॒ স্বাহা॑ ভেষ॒জায॒ স্বাহা॑ ॥ 6॥ য॒মায॒ স্বাহান্ত॑কায॒ স্বাহা॑ মৃ॒ত্যবে॒ স্বাহা॒ ব্রহ্ম॑ণে॒ স্বাহা॑ ব্রহ্মহ॒ত্যাযৈ॒ স্বাহা॒ । বিশ্বে॑ভ্যো দে॒বেভ্য॒-স্স্বাহা॒ দ্যাবা॑পৃথি॒বীভ্যা॒গ্ং স্বাহা॑ ॥ 7॥ ইতি রুদ্রে সপ্তমো-ঽধ্যাযঃ ॥ 7॥ 9. অষ্টমোঽধ্যাযঃ - চমক প্রশ্নঃ (চমকপ্রশ্নঃ ।) হরিঃ॑ ওঁ বাজ॑শ্চ মে প্রস॒বশ্চ॑ মে॒ প্রয॑তিশ্চ মে॒ প্রসি॑তিশ্চ মে ধী॒তিশ্চ॑ মে॒ ক্রতু॑শ্চ মে॒ স্বর॑শ্চ মে॒ শ্লোক॑শ্চ মে শ্র॒বশ্চ॑ মে॒ শ্রুতি॑শ্চ মে॒ জ্যোতি॑শ্চ মে॒ স্ব॒শ্চ মে য॒জ্ঞেন॑ কল্পন্তাম্ ॥ 1॥ প্রা॒ণশ্চ॑ মে-ঽপা॒নশ্চ॑ মে ব্যা॒নশ্চ॒ মে-ঽসু॑শ্চ মে চি॒ত্ত-ঞ্চ॑ ম॒ আধী॑ত-ঞ্চ মে॒ বাক্চ॑ মে॒ মন॑শ্চ মে॒ চক্ষু॑শ্চ মে॒ শ্রোত্রং॑ চ মে॒ দক্ষ॑শ্চ মে॒ বলং॑ চ মে য॒জ্ঞেন॑ কল্পন্তাম্ ॥ 2॥ ওজ॑শ্চ মে॒ সহ॑শ্চ ম আ॒ত্মা চ॑ মে ত॒নূশ্চ॑ মে॒ শর্ম॑ চ মে॒ বর্ম॑ চ॒ মে-ঽঙ্গা॑নি চ॒ মে-ঽস্থী॑নি চ মে॒ পরূ॑গ্ংষি চ মে॒ শরী॑রাণি চ ম॒ আযু॑শ্চ মে জ॒রা চ॑ মে য॒জ্ঞেন॑ কল্পন্তাম্ ॥ 3॥ জ্যৈ॑ষ্ঠ্য-ঞ্চ ম আধি॑পত্য-ঞ্চ মে ম॒ন্যুশ্চ॑ মে॒ ভাম॑শ্চ॒ মে-ঽম॑শ্চ॒ মে-ঽম্ভ॑শ্চ মে জে॒মা চ॑ মে মহি॒মা চ॑ মে বরি॒মা চ॑ মে প্রথি॒মা চ॑ মে বর্​ষি॒মা চ॑ মে দ্রাঘি॒মা চ॑ মে বৃ॒দ্ধ-ঞ্চ॑ মে॒ বৃদ্ধি॑শ্চ মে য॒জ্ঞেন॑ কল্পন্তাম্ ॥ 4॥ স॒ত্য-ঞ্চ॑ মে শ্র॒দ্ধা চ॑ মে॒ জগ॑চ্চ মে॒ ধনং॑ চ মে॒ বিশ্বং॑ চ মে॒ মহ॑শ্চ মে ক্রী॒ডা চ॑ মে॒ মোদ॑শ্চ মে জা॒ত-ঞ্চ॑ মে জনি॒ষ্যমা॑ণ-ঞ্চ মে সূ॒ক্ত-ঞ্চ॑ মে সুকৃ॒ত-ঞ্চ॑ মে য॒জ্ঞেন॑ কল্পন্তাম্ ॥ 5॥ ঋ॒ত-ঞ্চ॑ মে-ঽমৃতং॑ চ মে-ঽয॒ক্ষ্ম-ঞ্চ॒ মে-ঽনা॑মযচ্চ মে জী॒বাতু॑শ্চ মে দীর্ঘাযু॒ত্ব-ঞ্চ॑ মে-ঽনমি॒ত্র-ঞ্চ॒ মে-ঽভ॑য-ঞ্চ মে সু॒খ-ঞ্চ॑ মে॒ শয॑ন-ঞ্চ মে সূ॒ষাশ্চ॑ মে সু॒দিনং॑ চ মে য॒জ্ঞেন॑ কল্পন্তাম্ ॥ 6॥ য॒ন্তা চ॑ মে ধ॒র্তা চ॑ মে॒ ক্ষেম॑শ্চ মে॒ ধৃতি॑শ্চ মে॒ বিশ্বং॑ চ মে॒ মহ॑শ্চ মে সং॒বিচ্চ॑ মে॒ জ্ঞাত্রং॑ চ মে॒ সূশ্চ॑ মে প্র॒সূশচ॒॑ মে॒ সীরং॑ চ মে॒ লয॑শ্চ মে য॒জ্ঞেন॑ কল্পন্তাম্ ॥ 7॥ শ-ঞ্চ॑ মে॒ ময॑শ্চ মে প্রি॒য-ঞ্চ॑ মে-ঽনুকা॒মশ্চ॑ মে॒ কাম॑শ্চ মে সৌমন॒সশ্চ॑ মে॒ ভগ॑শ্চ মে॒ দ্রবি॑ণ-ঞ্চ মে ভ॒দ্র-ঞ্চ॑ মে॒ শ্রেয॑শ্চ মে॒ বসী॑যশ্চ মে॒ যশ॑শ্চ মে য॒জ্ঞেন॑ কল্পন্তাম্ ॥ 8॥ ঊর্ক্চ॑ মে সূ॒নৃতা॑ চ মে॒ পয॑শ্চ মে॒ রস॑শ্চ মে ঘৃ॒ত-ঞ্চ॑ মে॒ মধু॑ চ মে॒ সগ্ধি॑শ্চ মে॒ সপী॑তিশ্চ মে কৃ॒ষিশ্চ॑ মে॒ বৃষ্টি॑শ্চ মে॒ জৈত্রং॑ চ ম॒ ঔদ্ভি॑দ্য-ঞ্চ মে য॒জ্ঞেন॑ কল্পন্তাম্ ॥ 9॥ র॒যিশ্চ॑ মে॒ রায॑শ্চ মে পু॒ষ্ট-ঞ্চ॑ মে॒ পুষ্টি॑শ্চ মে বি॒ভু চ॑ মে প্র॒ভু চ॑ মে পূ॒র্ণ-ঞ্চ॑ মে পূ॒র্ণত॑র-ঞ্চ মে॒ কুয॑ব-ঞ্চ॒ মে-ঽক্ষি॑ত-ঞ্চ॒ মে-ঽন্নং॑ চ॒ মে-ঽক্ষু॑চ্চ মে য॒জ্ঞেন॑ কল্পন্তাম্ ॥ 10॥ বি॒ত্ত-ঞ্চ॑ মে॒ বেদ্যং॑ চ মে ভূ॒ত-ঞ্চ॑ মে ভবি॒ষ্যচ্চ॑ মে সু॒গ-ঞ্চ॑ মে সুপ॒থ্যং॒ চ ম ঋ॒দ্ধ-ঞ্চ॑ ম॒ ঋদ্ধি॑শ্চ মে ক্লৃ॒প্ত-ঞ্চ॑ মে॒ ক্লৃপ্তি॑শ্চ মে ম॒তিশ্চ॑ মে সুম॒তিশ্চ॑ মে য॒জ্ঞেন॑ কল্পন্তাম্ ॥ 11॥ ব্রী॒হয॑শ্চ মে॒ যবা॑শ্চ মে॒ মাষা॑শ্চ মে॒ তিলা॑শ্চ মে মু॒দ্রাশ্চ॑ মে॒ খল্বা॑শ্চ মে প্রি॒যঙ্গ॑বশ্চ॒ মে-ঽণ॑বশ্চ মে শ্যা॒মাকা॑শ্চ মে নী॒বারা॑শ্চ মে গো॒ধূমা॑শ্চ মে ম॒সূরা॑শ্চ মে য॒জ্ঞেন॑ কল্পন্তাম্ ॥ 12॥ অশ্মা॑ চ মে॒ মৃত্তি॑কা চ মে গি॒রয॑শ্চ মে॒ পর্ব॑তাশ্চ মে॒ সিক॑তাশ্চ মে॒ বন॒স্পত॑যশ্চ মে॒ হির॑ণ্য-ঞ্চ॒ মে-ঽয॑শ্চ মে শ্যা॒ম-ঞ্চ॑ মে লো॒হ-ঞ্চ॑ মে॒ সীসং॑ চ মে॒ ত্রপু॑ চ মে য॒জ্ঞেন॑ কল্পন্তাম্ ॥ 13॥ অ॒গ্নিশ্চ॑ ম॒ আপ॑শ্চ মে বী॒রুধ॑শ্চ ম॒ ওষ॑ধযশ্চ মে কৃষ্টপ॒চ্যাশ্চ॑ মে-ঽকৃষ্টপ॒চ্যাশ্চ॑ মে গ্রা॒ম্যাশ্চ॑ মে প॒শব॑ আর॒ণ্যাশ্চ॑ মে বি॒ত্ত-ঞ্চ॑ মে॒ বিত্তি॑শ্চ মে ভূ॒ত-ঞ্চ॑ মে॒ ভূতি॑শ্চ মে য॒জ্ঞেন॑ কল্পন্তাম্ ॥ 14॥ বসু॑ চ মে বস॒তিশ্চ॑ মে॒ কর্ম॑ চ মে॒ শক্তি॑শ্চ॒ মে-ঽর্থ॑শ্চ ম॒ এম॑শ্চ ম ই॒ত্যা চ॑ মে॒ গতি॑শ্চ মে য॒জ্ঞেন॑ কল্পন্তাম্ ॥ 15॥ অ॒গ্নিশ্চ॑ ম॒ ইন্দ্র॑শ্চ মে॒ সোম॑শ্চ ম॒ ইন্দ্র॑শ্চ মে সবি॒তা চ॑ ম॒ ইন্দ্র॑শ্চ মে॒ সর॑স্বতী চ ম॒ ইন্দ্র॑শ্চ মে পূ॒ষা চ॑ ম॒ ইন্দ্র॑শ্চ মে॒ বৃহ॒স্পতি॑শ্চ ম॒ ইন্দ্র॑শ্চ মে য॒জ্ঞেন॑ কল্পন্তাম্ ॥ 16॥ মি॒ত্রশ্চ॑ ম॒ ইন্দ্র॑শ্চ মে॒ বরু॑ণশ্চ ম॒ ইন্দ্র॑শ্চ মে ধা॒তা চ॑ ম॒ ইন্দ্র॑শ্চ মে॒ ত্বষ্টা॑ চ ম॒ ইন্দ্র॑শ্চ মে ম॒রুত॑শ্চ ম॒ ইন্দ্র॑শ্চ মে॒ বিশ্বে॑ চ মে দে॒বা ইন্দ্র॑শ্চ মে য॒জ্ঞেন॑ কল্পন্তাম্ ॥ 17॥ পৃ॒থি॒বী চ॑ ম॒ ইন্দ্র॑শ্চ॒ মে-ঽন্তরি॑ক্ষ-ঞ্চ ম॒ ইন্দ্র॑শ্চ মে॒ দ্যৌশ্চ॑ ম॒ ইন্দ্র॑শ্চ মে॒ সমা॑শ্চ ম॒ ইন্দ্র॑শ্চ মে॒ নক্ষ॑ত্রাণি চ ম॒ ইন্দ্র॑শ্চ মে॒ দিশ॑শ্চ ম॒ ইন্দ্র॑শ্চ মে য॒জ্ঞেন॑ কল্পন্তাম্ ॥ 18॥ অ॒গ্ংশুশ্চ॑ মে র॒শ্মিশ্চ॒ মে-ঽদা॑ভ্যশ্চ॒ মে-ঽধি॑পতিশ্চ ম উপা॒গ্ংশুশ্চ॑ মে-ঽন্তর্যা॒মশ্চ॑ ম ঐন্দ্রবায॒বশ্চ॑ মে মৈত্রাবরু॒ণশ্চ॑ ম আশ্বি॒নশ্চ॑ মে প্রতিপ্র॒স্থান॑শ্চ মে শু॒ক্রশ্চ॑ মে ম॒ন্থী চ॑ মে য॒জ্ঞেন॑ কল্পন্তাম্ ॥ 19॥ আ॒গ্র॒যা॒ণশ্চ॑ মে বৈশ্বদে॒বশ্চ॑ মে ধ্রু॒বশ্চ॑ মে বৈশ্বান॒রশ্চ॑ ম ঐন্দ্রা॒গ্নশ্চ॑ মে ম॒হাবৈ॑শ্বদেশ্চ মে মরুত্ব॒তীযা॑শ্চ মে॒ নিষ্কে॑বল্যশ্চ মে সাবি॒ত্রশ্চ॑ মে সারস্ব॒তশ্চ॑ মে পাত্নীব॒তশ্চ॑ মে হারিযোজ॒নশ্চ॑ মে য॒জ্ঞেন॑ কল্পন্তাম্ ॥ 20॥ স্রুচ॑শ্চ মে চম॒সাশ্চ॑ মে বায॒ব্যা॒নি চ মে দ্রোণকল॒শশ্চ॑ মে॒ গ্রাবা॑ণশ্চ মে-ঽধি॒ষব॑ণে চ মে পূত॒ভৃচ্চ॑ ম আধব॒নীয॑শ্চ মে॒ বেদি॑শ্চ মে ব॒র্​হিশ্চ॑ মে-ঽবভৃ॒তশ্চ॑ মে স্বগাকা॒রশ্চ॑ মে য॒জ্ঞেন॑ কল্পন্তাম্ ॥ 21॥ অ॒গ্নিশ্চ॑ মে ঘ॒র্মশ্চ॑ মে॒-ঽর্কশ্চ॑ মে॒ সূর্য॑শ্চ মে প্রা॒ণশ্চ॑ মে-ঽশ্বমে॒ধশ্চ॑ মে পৃথি॒বী চ॒ মে-ঽদি॑তিশ্চ মে॒ দিতি॑শ্চ মে॒ দ্যৌশ্চ॑ মে॒-ঽঙ্গুল॑য॒: শক্ব॑রযো॒ দিশ॑শ্চ মে য॒জ্ঞেন॑ কল্পন্তাম্ ॥ 22॥ ব্র॒ত-ঞ্চ॑ ম ঋ॒তব॑শ্চ মে॒ তপ॑শ্চ মে সং​বঁত্স॒রশ্চ॑ মে অহোরা॒ত্রে ঊ॑র্বষ্ঠী॒বে বৃ॑হদ্রথন্ত॒রে চ॑ মে য॒জ্ঞেন॑ কল্পন্তাম্ ॥ 23॥ একা॑ চ মে তি॒স্রশ্চ॑ মে তি॒স্রশ্চ॑ মে॒ পঞ্চ॑ চ মে॒ পঞ্চ॑ চ মে স॒প্ত চ॑ মে স॒প্ত চ॑ মে॒ নব॑ চ মে॒ নব॑ চ ম॒ একা॑দশ চ ম॒ একা॑দশ চ মে॒ ত্রযো॑দশ চ মে॒ ত্রযো॑দশ চ মে॒ পঞ্চ॑দশ চ মে॒ পঞ্চ॑দশ চ মে স॒প্তদ॑শ চ মে স॒প্তদ॑শ চ মে॒ নব॑দশ চ মে॒ নব॑দশ চ ম॒ এক॑বিগ্ংশতিশ্চ ম॒ এক॑বিগ্ংশতিশ্চ মে॒ ত্রযো॑বিগ্ংশতিশ্চ মে॒ ত্রযো॑বিগ্ংশতিশ্চ মে॒ পঞ্চ॑বিগ্ংশতিশ্চ মে॒ পঞ্চ॑বিগ্ংশতিশ্চ মে স॒প্তবি॑গ্ংশতিশ্চ মে প্তবি॑গ্ংশতিশ্চ মে॒ নব॑বিগ্ংশতিশ্চ মে॒ নব॑বিগ্ংশতিশ্চ ম॒ এক॑ত্রিগ্ংশচ্চ ম॒ এক॑ত্রিগ্ংশচ্চ মে॒ ত্রয॑স্ত্রিগ্ংশচ্চ মে য॒জ্ঞেন॑ কল্পন্তাম্ ॥ 24॥ চত॑স্রশ্চ মে॒-ঽষ্টৌ চ॑ মে॒-ঽষ্টৌ চ॑ মে॒ দ্বাদ॑শ চ মে॒ দ্বাদ॑শ চ মে॒ ষোড॑শ চ মে॒ ষোড॑শ চ মে বিগ্ংশ॒তিশ্চ॑ মে বিগ্ংশতিশ্চ॑ মে॒ চতু॑র্বিগ্ংশতিশ্চ মে॒ চতু॑র্বিগ্ংশ॒তিশ্চ॑ মে॒-ঽষ্টাবি॑গ্ংশতিশ্চ মে॒-ঽষ্টাবি॑গ্ংশতিশ্চ মে॒ দ্বাত্রি॑গ্ংশচ্চ মে॒ দ্বাত্রি॑গ্ংশচ্চ মে॒ ষট্ত্রি॑গ্ংশচ্চ মে॒ ষট্ত্রি॑গ্ংশচ্চ মে চত্বারি॒গ্ংশচ্চ॑ মে চত্বারি॒গ্ংশচ্চ॑ মে॒ চতু॑শ্চত্বারিগ্ংশচ্চ মে॒ চতু॑শ্চত্বারিগ্ংশচ্চ মে॒-ঽষ্টাচ॑ত্বারিগ্ংশচ্চ মে য॒জ্ঞেন॑ কল্পন্তাম্ ॥ 25॥ ত্র্যবি॑শ্চ মে ত্র্য॒বী চ॑ মে দিত্য॒বাট্ চ॑ মে দিত্যৌ॒হী চ॑ মে পঞ্চা॒বিশ্চ॑ মে পঞ্চা॒বী চ॑ মে ত্রিব॒ত্সশ্চ॑ মে ত্রিব॒ত্সা চ॑ মে তুর্য॒বাট্ চ॑ মে তুর্যৌ॒হী চ॑ মে য॒জ্ঞেন॑ কল্পন্তাম্ ॥ 26॥ প॒ষ্ঠ॒বাট্ চ॑ মে পষ্ঠৌ॒হী চ॑ ম উ॒ক্ষা চ॑ মে ব॒শা চ॑ ম ঋষ॒ভশ্চ॑ মে বে॒হচ্চ॑ মে-ঽন॒ড্বাংশ্চ॑ মে ধে॒নুশ্চ॑ মে য॒জ্ঞেন॑ কল্পন্তাম্ ॥ 27॥ বাজা॑য॒ স্বাহা॑ প্রস॒বায॒ স্বাহা॑-ঽপি॒জায॒ স্বাহা॒ ক্রত॑বে॒ স্বাহা॒ বস॑বে॒ স্বাহা॑-ঽহ॒র্পত॑যে॒ স্বাহাহ্নে॑ মু॒গ্ধায॒ স্বাহা॑ মু॒গ্ধায॑ বৈনগ্ংশি॒নায॒ স্বাহা॑ বিন॒শিন॑ আন্ত্যায॒নায॒ স্বাহান্ত্যা॑য ভৌব॒নায॒ স্বাহা॒ ভুব॑নস্য॒ পত॑যে॒ স্বাহাধি॑পতযে॒ স্বাহা॑ প্র॒জাপ॑তযে॒ স্বাহা॑ । ই॒য-ন্তে॒ রাণ্মি॒ত্রায॑ য॒ন্তা-ঽসি॒ যম॑ন ঊ॒র্জে ত্বা॒ বৃষ্ট্যৈ॑ ত্বা প্র॒জানাং॒ ত্বাধি॑পত্যায ॥ 28॥ আযু॑র্য॒জ্ঞেন॑ কল্পতা-ম্প্রা॒ণো য॒জ্ঞেন॑ কল্পতাং॒ চক্ষু॑র্য॒জ্ঞেন॑ কল্পতা॒গ্ংশ্রোত্রং॑ য॒জ্ঞেন॑ কল্পতাং॒ বাগ্য॒জ্ঞেন॑ কল্পতাং॒ মনো॑ য॒জ্ঞেন॑ কল্পতামা॒ত্মা য॒জ্ঞেন॑ কল্পতা-ম্ব্র॒হ্মা য॒জ্ঞেন॑ কল্পতাং॒ জ্যোতি॑র্য॒জ্ঞেন॑ কল্পতাং॒ স্ব॒র্য॒জ্ঞেন॑ কল্পতা-ম্পৃ॒ষ্ঠং-যঁ॒জ্ঞেন॑ কল্পতাং-যঁ॒জ্ঞো য॒জ্ঞেন॑ কল্পতাম্ । স্তোম॑শ্চ যজু॑শ্চ॒ ঋক্চ॒ সাম॑ চ বৃ॒হচ্চ॑ রথন্ত॒র-ঞ্চ॑ । স্ব॑র্দেবা অগন্মা॒মৃতা॑ অভূম প্র॒জাপ॑তেঃ প্র॒জা অ॑ভূম॒ বেট্ স্বাহা॑ ॥ 29॥ ইতি রুদ্রে-ঽষ্টমো-ঽধ্যাযঃ ॥ 8॥ 10. শান্ত্যধ্যাযঃ হরিঃ॑ ওঁ ঋচং॒ বাচং॒ প্রপ॑দ্যে॒ মনো॒ যজুঃ॒ প্রপ॑দ্যে॒ সাম॑ প্রা॒ণ-ম্প্রপ॑দ্যে॒ চক্ষু॒-শ্শ্রোত্রং॒ প্রপ॑দ্যে । বাগোজঃ॑ স॒হৌজো॒ মযি॑ প্রাণাপা॒নৌ ॥ 1॥ যন্মে॑ ছি॒দ্র-ঞ্চক্ষু॑ষো॒ হৃদ॑যস্য॒ মন॑সো॒ বাতি॑তৃণ্ণং॒ বৃহ॒স্পতি॑র্মে॒ তদ্দ॑ধাতু । শ-ন্নো॑ ভবতু॒ ভুব॑নস্য॒ যস্পতিঃ॑ ॥ 2॥ ভূর্ভুব॒-স্স্বঃ॒ তত্স॑বি॒তুর্বরে॑ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচো॒দযা॑ত্ ॥ 3॥ কযা॑ নশ্চি॒ত্র আভু॑বদূ॒তী স॒দাবৃ॑ধ॒-স্সখা॑ । কযা॒ শচি॑ষ্ঠযা বৃ॒তা ॥ 4॥ কস্ত্বা॑ স॒ত্যো মদা॑নাং॒ মগ্ংহি॑ষ্ঠো মত্স॒দন্ধ॑সঃ । দৃ॒ঢা চি॑দা॒রুজে॒ বসু॑ ॥ 5॥ অ॒ভী ষু ণ॒-স্সখী॑নামবি॒তা জ॑রিতৄ॒ণাম্ । শ॒ত-ম্ভ॑বাস্যূ॒তিভিঃ॑ ॥ 6॥ কযা॒ ত্ব-ন্ন ঊ॒ত্যাভি প্রম॑ন্দসে বৃষন্ন্ । কযা॑ স্তো॒তৃভ্য॒ আভ॑র ॥ 7॥ ইন্দ্রো॒ বিশ্ব॑স্য রাজতি । শ-ন্নো॑ অস্তু দ্বি॒পদে॒ শ-ঞ্চতু॑ষ্পদে ॥ 8॥ শ-ন্নো॑ মি॒ত্র: শং-বঁরু॑ণ॒-শ্শ-ন্নো॑ ভবত্বর্য॒মা । শ-ন্ন॒ ইন্দ্রো॒ বৃহ॒স্পতি॒-শ্শ-ন্নো॒ বিষ্ণু॑রুরুক্র॒মঃ ॥ 9॥ শ-ন্নো॒ বাতঃ॑ পবতা॒গ্ং শ-ন্ন॑স্তপতু॒ সূর্যঃ॑ । শ-ন্নঃ॒ কনি॑ক্রদদ্দে॒বঃ প॒র্জন্যো॑ অ॒ভিব॑র্​ষতু ॥ 10॥ অহা॑নি॒ শ-ম্ভব॑ন্তু ন॒-শ্শগ্ং রাত্রীঃ॒ প্রতি॑ধীযতাম্ । শ-ন্ন॑ ইন্দ্রা॒গ্নী ভ॑বতা॒মবো॑ভি॒-শ্শ-ন্ন॒ ইন্দ্রা॒বরু॑ণা রা॒তহ॑ব্যা । শ-ন্ন॑ ইন্দ্রাপূ॒ষণা॒ বাজ॑সাতৌ॒ শমিন্দ্রা॒সোমা॑ সুবি॒তায॒ শং-যোঃ ঁ॥ 11॥ শ-ন্নো॑ দে॒বীর॒ভিষ্ট॑য॒ আপো॑ ভবন্তু পী॒তযে॑ । শং-যোঁর॒ভিস্র॑বন্তু নঃ ॥ 12॥ স্যো॒না পৃ॑থিবি নো ভবানৃক্ষ॒রা নি॒বেশ॑নী । যচ্ছা॑ ন॒-শ্শর্ম॑ স॒প্রথাঃ॑ ॥ 13॥ আপো॒ হি ষ্ঠা ম॑যো॒ভুব॒স্তা ন॑ ঊ॒র্জে দ॑ধাতন । ম॒হে রণা॑য॒ চক্ষ॑সে ॥ 14॥ যো বঃ॑ শি॒বত॑মো॒ রস॒স্তস্য॑ ভাজযতে॒হ নঃ॑ । উ॒শ॒তীরি॑ব মা॒তরঃ॑ ॥ 15॥ তস্মা॒ অরং॑ গমাম বো॒ যস্য॒ ক্ষযা॑য॒ জিন্ব॑থ । আপো॑ জ॒নয॑থা চ নঃ ॥ 16॥ দ্যৌ: শান্তি॑র॒ন্তরি॑ক্ষ॒গ্ং শান্তিঃ॑ পৃথি॒বী শান্তি॒রাপ॒-শ্শান্তি॒রোষ॑ধয॒-শ্শান্তিঃ॑ । বন॒স্পত॑য॒-শ্শান্তি॒র্বিশ্বে॑ দে॒বা-শ্শান্তি॒র্ব্রহ্ম॒ শান্তি॒-স্সর্ব॒গ্ং শান্তিঃ॒ শান্তি॑রে॒ব শান্তি॒-স্সা মা॒ শান্তি॑রেধি ॥ 17॥ দৃতে॒ দৃগ্ংহ॑ মা মি॒ত্রস্য॑ মা॒ চক্ষু॑ষা॒ সর্বা॑ণি ভূ॒তানি॒ সমী॑ক্ষন্তাম্ । মি॒ত্রস্যা॒হ-ঞ্চক্ষু॑ষা॒ সর্বা॑ণি ভূ॒তানি॒ সমী॑ক্ষে । মি॒ত্রস্য॒ চক্ষু॑ষা॒ সমী॑ক্ষামহে ॥ 18॥ দৃতে॒ দৃগ্ংহ॑ মা মি॒ত্রস্য॑ মা॒ চক্ষু॑ষা॒ সর্বা॑ণি ভূ॒তানি॒ সমী॑ক্ষন্তাম্ । জ্যোক্তে॑ স॒ন্দৃশি॑ জীব্যাসং॒ জ্যোক্তে॑ স॒ন্দৃশি॑ জীব্যাসম্ ॥ 19॥ নম॑স্তে॒ হর॑সে শো॒চিষে॒ নম॑স্তে অস্ত্ব॒র্চিষে॑ । অ॒ন্যা.ণ্স্তে॑ অ॒স্মত্ত॑পন্তু হে॒তযঃ॑ পাব॒কো অ॒স্মভ্য॑গ্ং শি॒বো ভ॑ব ॥ 20॥ নম॑স্তে অস্তু বি॒দ্যুতে॒ নম॑স্তে স্তনযি॒ত্নবে॑ । নম॑স্তে ভগবন্নস্তু॒ যত॒-স্স্বঃ॒ স॒মীহ॑সে ॥ 21॥ যতো॑ যত-স্স॒মীহ॑সে॒ ততো॑ নো॒ অভ॑য-ঙ্কুরু । শ-ন্নঃ॑ কুরু প্র॒জাভ্যো-ঽভ॑য-ন্নঃ প॒শুভ্যঃ॑ ॥ 22॥ সু॒মি॒ত্রি॒যা ন॒ আপ॒ ওষ॑ধয-স্সন্তু দুর্মিত্রি॒যাস্তস্মৈ॑ সন্তু॒যো॒-ঽস্মা-ন্দ্বেষ্টি॒ য-ঞ্চ॑ ব॒য-ন্দ্বি॒ষ্মঃ ॥ 23॥ তচ্চক্ষু॑র্দে॒বহি॑ত-ম্পু॒রস্তা॑চ্ছু॒ক্রমুচ্চ॑রত্ । পশ্যে॑ম শ॒রদঃ॑ শ॒ত-ঞ্জীবে॑ম শ॒রদঃ॑ শ॒তগ্ং শৃণু॑যাম শ॒রদঃ॑ শ॒তং প্রব্র॑বাম শ॒রদঃ॑ শ॒তমদী॑না-স্স্যাম শ॒রদঃ॑ শ॒ত-ম্ভূয॑শ্চ শ॒রদঃ॑ শ॒তাত্ ॥ 24॥ ইতি রুদ্রে শান্ত্যধ্যাযঃ ॥ 9॥ 11. স্বস্তি প্রার্থনা মন্ত্রাঃ হরিঃ॑ ওঁ ওঁ স্ব॒স্তি ন॒ ইন্দ্রো॑ বৃ॒দ্ধশ্র॑বাঃ । স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্যো॒ অরি॑ষ্টনেমিঃ । স্ব॒স্তি নো॒ বৃহ॒স্পতি॑র্দধাতু ॥ 1॥ ওঁ পযঃ॑ পৃথি॒ব্যা-ম্পয॒ ওষ॑ধীষু॒ পযো॑ দি॒ব্যন্তরি॑ক্ষে॒ পযো॑ ধাঃ । পয॑স্বতীঃ প্র॒দিশঃ॑ সন্তু॒ মহ্য॑ম্ ॥ 2॥ ওঁ বিষ্ণো॑ র॒রাট॑মসি॒ বিষ্ণো॒-শ্শ্নপ্ত্রে॑ স্থো বিষ্ণো॒-স্স্যূর॑সি॒ বিষ্ণো॑র্ধ্রু॒বো॒-ঽসি । বৈ॒ষ্ণ॒বম॑সি॒ বিষ্ণ॑বে ত্বা ॥ 3॥ ওঁ অ॒গ্নির্দে॒বতা॒ বাতো॑ দে॒বতা॒ সূর্যো॑ দে॒বতা॑ চ॒ন্দ্রমা॑ দে॒বতা॒ বস॑বো দে॒বতা॑ রু॒দ্রা দে॒বতা॑দি॒ত্যা দে॒বতা॑ ম॒রুতো॑ দে॒বতা॒ বিশ্বে॑দে॒বা দেবতা॒ বৃহ॒স্পতি॑র্দে॒বতেন্দ্রো॑ দে॒বতা॒ বরু॑ণো দে॒বতা॑ ॥ 4॥ ওঁ স॒দ্যোজা॒ত-ম্প্র॑পদ্যা॒মি॒ স॒দ্যোজা॒তায॒ বৈ নমো॒ নমঃ॑ । ভ॒বে ভ॑বে॒ নাতি॑ভবে ভবস্ব॒ মাম্ । ভ॒বোদ্ভ॑বায॒ নমঃ॑ ॥ 5॥ বা॒ম॒দে॒বায॒ নমো॑ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒ কালা॑য নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒ বল॑প্রমথনায॒ নমঃ॒ সর্ব॑ভূতদমনায॒ নমো॑ ম॒নোন্ম॑নায॒ নমঃ॒ ॥ 6॥ অ॒ঘোরে॑ভ্যো-ঽথ॒ ঘোরে॑ভ্যো॒ ঘোর॒ঘোর॑তরেভ্যঃ । স॒র্বেভ্য-স্সর্ব॒ শ॑র্বেভ্যো॒ নম॑স্তে-ঽস্তু রু॒দ্ররূ॑পেভ্যঃ ॥ 7॥ (স॒র্বতঃ॑ শর্ব॒ সর্বে॑ভ্যো॒) তত্পুরু॑ষায বি॒দ্মহে॑ মহাদে॒বায॑ ধীমহি । তন্নো॑ রুদ্রঃ প্রচো॒দযা॑ত্ ॥ 8॥ ঈশানস্সর্ব॑বিদ্যা॒না॒মীশ্বর-স্সর্ব॑ভূতা॒নাং॒ । ব্রহ্মাধি॑পতি॒র্ব্রহ্ম॒ণো-ঽধি॑পতি॒র্ব্রহ্মা॑ শি॒বো মে॑-ঽস্তু সদাশি॒বোম্ ॥ 9॥ ওঁ শি॒বো নামা॑সি॒ স্বধি॑তিস্তে পি॒তা নম॑স্তে অস্তু॒ মা মা॑ হিগ্ংসীঃ । নিব॑র্তযাম্যাযু॑ষে॒-ঽন্নাদ্যা॑য॒ প্রজন॑নায রা॒যস্পোষা॑য সুপ্রজা॒স্ত্বায॑ সু॒বীর্যা॑য ॥ 10॥ ওঁ বিশ্বা॑নি দেব সবিতর্দুরি॒তানি॒ পরাসুব । যদ্ভ॒দ্র-ন্তন্ন॒ আসুব ॥ 11॥ ওঁ দ্যৌ-শ্শান্তি॑র॒ন্তরি॑ক্ষ॒গ্ং শান্তিঃ॑ পৃথি॒বী শান্তি॒রাপ॒-শ্শান্তি॒রোষ॑ধয॒-শ্শান্তিঃ॑ । বন॒স্পত॑য॒-শ্শান্তি॒র্বিশ্বে॑দে॒বা-শ্শান্তি॒র্ব্রহ্ম॒ শান্তি॒-স্সর্ব॒গ্ং শান্তি॒-শ্শান্তি॑রে॒ব শান্তি॒-স্সা মা॒ শান্তি॑রেধি ॥ 12॥ ওঁ সর্বেষাং-বাঁ এষ বেদানাগ্ংরসো যত্সামঃ । সর্বেষামেবৈনমেতদ্ বেদানাগ্ং রসেনাভিষিঞ্চতি ॥ 13॥ ওঁ শান্তি॒-শ্শান্তি॒-শ্শান্তিঃ॑ ॥ অনেন শ্রী রুদ্রাভিষেককর্মণা শ্রী ভবানীশঙ্কর মহারুদ্রাঃ প্রীযতা-ন্ন মম । ইতি শ্রীশুক্লযজুর্বেদীয রুদ্রাষ্টাধ্যাযী সমাপ্তা । ॥ ওঁ সাম্ব সদাশিবার্পণমস্তু ॥