రుద్రాష్టాధ్యాయీ (శుక్ల యజుర్వేద)

ఇతి రుద్రే ప్రథమో-ఽధ్యాయః ॥ 1॥ 3. ద్వితీయోఽధ్యాయః - పురుష సూక్తమ్ హరిః॑ ఓం స॒హస్ర॑శీర్​షా॒ పురు॑ష-స్సహస్రా॒క్ష-స్స॒హస్ర॑పాత్ । స భూమి॑గ్ం స॒ర్వతః॑ స్పృ॒త్వాత్య॑తిష్ఠద్దశాఙ్గు॒లమ్ ॥ 1॥ పురు॑ష ఏ॒వేదగ్ం సర్వం॒ యద్భూ॒తం-యఁచ్చ॑ భా॒వ్య॒మ్ । ఉ॒తామృ॑త॒త్వస్యేశా॑నో॒ యదన్నే॑నాతి॒రోహ॑తి ॥ 2॥ ఏ॒తావా॑నస్య మహి॒మాతో॒ జ్యాయా.ణ్॑శ్చ॒ పూరు॑షః । పాదో॑-ఽస్య॒ విశ్వా॑ భూ॒తాని॑ త్రి॒పాద॑స్యా॒మృతం॑ ది॒వి ॥ 3॥ త్రి॒పాదూ॒ర్ధ్వ ఉదై॒త్పురు॑షః॒ పాదో॑-ఽస్యే॒హాభ॑వ॒త్పునః॑ । తతో॒ విష్వ॒ఙ్ వ్య॒క్రామత్సాశనానశ॒నే అ॒భి ॥ 4॥ తతో॑ వి॒రాడ॑జాయత వి॒రాజో॒ అధి॒ పూరు॑షః । స జా॒తో అత్య॑రిచ్యత ప॒శ్చాద్భూమి॒మథో॑ పు॒రః ॥ 5॥ తస్మా॑ద్య॒జ్ఞాత్స॑ర్వ॒హుత॒-స్సమ్భృ॑త-మ్పృషదా॒జ్యమ్ । ప॒శూ.ణ్స్తా.ణ్శ్చ॑క్రే వాయ॒వ్యా॒నార॒ణ్యా గ్రా॒మ్యాశ్చ॒ యే ॥ 6॥ తస్మా॑ద్య॒జ్ఞాత్స॑ర్వ॒హుత॒ ఋచ॒-స్సామా॑ని జజ్ఞిరే । ఛన్దా॑గ్ంసి జజ్ఞిరే॒ తస్మా॒ద్యజు॒స్తస్మా॑దజాయత ॥ 7॥ తస్మా॒దశ్వా॑ అజాయన్త॒ యే కే చో॑భ॒యాద॑తః । గావో॑ హ జజ్ఞిరే॒ తస్మా॒త్తస్మా॑జ్జా॒తా అ॑జా॒వయః॑ ॥ 8॥ తం-యఁ॒జ్ఞ-మ్బ॒ర్​హిషి॒ ప్రౌక్ష॒న్పురు॑ష-ఞ్జా॒తమ॑గ్ర॒తః । తేన॑ దే॒వా అ॑యజన్త సా॒ధ్యా ఋష॑యశ్చ॒ యే ॥ 9॥ యత్పురు॑షం॒ వ్యద॑ధుః కతి॒ధా వ్య॑కల్పయన్న్ । ముఖం॒ కిమ॑స్యాసీ॒-త్కి-మ్బా॒హూ కిమూ॒రూ పాదా॑ ఉచ్యేతే ॥ 10॥ బ్రా॒హ్మ॒ణో॒-ఽస్య॒ ముఖ॑మాసీద్బా॒హూ రా॑జ॒న్యః॒ కృ॒తః । ఊ॒రూ తద॑స్య॒ యద్వై॑శ్యః ప॒ద్భ్యాగ్ం శూ॒ద్రో అ॑జాయత ॥ 11॥ చ॒న్ద్రమా॒ మన॑సో జా॒తశ్చక్షోః॒ సూర్యో॑ అజాయత । శ్రోత్రా॑ద్వా॒యుశ్చ॑ ప్రా॒ణశ్చ॒ ముఖా॑ద॒గ్నిర॑జాయత ॥ 12॥ నాభ్యా॑ ఆసీద॒న్తరి॑క్షగ్ం శీ॒ర్​ష్ణో ద్యౌ॒-స్సమ॑వర్తత । ప॒ద్భ్యా-మ్భూమి॒ర్దిశ॒-శ్శ్రోత్రా॒త్తథా॑ లో॒కా.ణ2 ॥ అ॑కల్పయన్న్ ॥ 13॥ యత్పురు॑షేణ హ॒విషా॑ దే॒వా య॒జ్ఞమత॑న్వత । వ॒స॒న్తో॒-ఽస్యాసీ॒దాజ్యం॑ గ్రీ॒ష్మ ఇ॒ధ్మ-శ్శ॒రద్ధ॒విః ॥ 14॥ స॒ప్తాస్యా॑సన్పరి॒ధయ॒స్త్రిస్స॒ప్త స॒మిధః॑ కృ॒తాః । దే॒వా యద్య॒జ్ఞ-న్త॑న్వా॒నా అబ॑ధ్న॒-న్పురు॑ష-మ్ప॒శుమ్ ॥ 15॥ య॒జ్ఞేన॑ య॒జ్ఞమ॑యజన్త దే॒వాస్తాని॒ ధర్మా॑ణి ప్రథ॒మాన్యా॑సన్న్ । తే హ॒ నాకం॑ మహి॒మానః॑ సచన్త॒ యత్ర॒ పూర్వే॑ సా॒ధ్యా-స్సన్తి॑ దే॒వాః ॥ 16॥ అ॒ద్భ్య-స్సమ్భృ॑తః పృథివ్యై॒ రసా॑చ్చ వి॒శ్వక॑ర్మణ॒-స్సమ॑వర్త॒తాగ్రే॑ । తస్య॒ త్వష్టా॑ వి॒దధ॑ద్రూ॒పమే॑తి॒ తన్మర్త్య॑స్య దేవ॒త్వమా॒జాన॒మగ్రే॑ ॥ 17॥ వేదా॒హమే॒త-మ్పురు॑ష-మ్మ॒హాన్త॑మాది॒త్యవ॑ర్ణం॒ తమ॑సః ప॒రస్తా॑త్ । తమే॒వ వి॑ది॒త్వా-ఽతి॑ మృ॒త్యుమే॑తి॒ నాన్యః పన్థా॑ విద్య॒తే-ఽయ॑నాయ ॥ 18॥ ప్ర॒జాప॑తిశ్చ॒రతి॒ గర్భే॑ అ॒న్తరజా॑యమానో బహు॒ధా వి జా॑యతే । తస్య॒ యోనిం॒ పరి॑పశ్యన్తి॒ ధీరా॒స్తస్మి॑న్హ తస్థు॒ర్భువ॑నాని॒ విశ్వా॑ ॥ 19॥ యో దే॒వేభ్య॑ ఆ॒తప॑తి॒ యో దే॒వానాం॑ పు॒రోహి॑తః । పూర్వో॒ యో దే॒వేభ్యో॑ జా॒తో నమో॑ రు॒చాయ॒ బ్రాహ్మ॑యే ॥ 20॥ రు॒చ-మ్బ్రా॒హ్మ్య-ఞ్జ॒నయ॑న్తో దే॒వా అగ్రే॒ తద॑బ్రువన్న్ । యస్త్వై॒వ-మ్బ్రా॑హ్మ॒ణో వి॒ద్యాత్తస్య॑ దే॒వా అ॑స॒న్వశే॑ ॥ 21॥ శ్రీశ్చ॑ తే ల॒క్ష్మీశ్చ॒ పత్న్యా॑వహోరా॒త్రే పా॒ర్​శ్వే నక్ష॑త్రాణి రూ॒పమ॒శ్వినౌ॒ వ్యాత్త॑మ్ । ఇ॒ష్ణన్ని॑షాణా॒ము-మ్మ॑ ఇషాణ సర్వలో॒క-మ్మ॑ ఇషాణ ॥ 22॥ ఇతి రుద్రే ద్వితీయో-ఽధ్యాయః ॥ 2॥ 4. తృతీయోఽధ్యాయః - అప్రతిరథ సూక్తమ్ హరి॑ ఓం ఆ॒శు-శ్శిశా॑నో వృష॒భో న భీ॒మో ఘ॑నాఘ॒నః, క్షోభ॑ణశ్చర్​షణీ॒నామ్ । స॒ఙ్క్రన్ద॑నో-ఽనిమి॒ష ఏ॑కవీ॒ర-శ్శ॒తగ్ం సేనా॑ అజయత్సా॒కమిన్ద్రః॑ ॥ 1॥ స॒ఙ్క్రన్ద॑నేనా-ఽనిమి॒షేణ॑ జి॒ష్ణునా॑ యుత్కా॒రేణ॑ దుశ్చ్యవ॒నేన॑ ధృ॒ష్ణునా॑ । తదిన్ద్రే॑ణ జయత॒ తత్స॑హధ్వం॒ యుధో॑ నర॒ ఇషు॑హస్తేన॒ వృష్ణా॑ ॥ 2॥ స ఇషు॑హస్తైః॒ స ని॑ష॒ఙ్గిభి॑ర్వ॒శీ సగ్ంస్ర॑ష్టా॒ స యుధ॒ ఇన్ద్రో॑ గ॒ణేన॑ । స॒గ్ంసృష్ట॒జిత్సో॑మ॒పా బా॑హుశ॒ర్ధ్యుగ్రధ॑న్వా॒ ప్రతి॑హితాభి॒రస్తా॑ ॥ 3॥ బృహ॑స్పతే॒ పరి॑దీయా॒ రథే॑న రక్షో॒హామిత్రా॑.ణ2 అప॒బాధ॑మానః । ప్ర॒భ॒ఞ్జన్త్సేనాః॑ ప్రమృ॒ణో యు॒ధా జయ॑న్న॒స్మాక॑మేధ్యవి॒తా రథా॑నామ్ ॥ 4॥ బ॒ల॒వి॒జ్ఞా॒య-స్స్థవి॑రః॒ ప్రవీ॑ర॒-స్సహ॑స్వాన్వా॒జీ సహ॑మాన ఉ॒గ్రః । అ॒భివీ॑రో అ॒భిస॑త్వా సహో॒జా జై॑త్రమిన్ద్ర॒ రథ॒మాతి॑ష్ఠ గో॒విత్ ॥ 5॥ గో॒త్ర॒భిదం॑ గో॒విదం॒ వజ్ర॑బాహుం॒ జయ॑న్త॒మజ్మ॑ ప్రమృ॒ణన్త॒మోజ॑సా । ఇ॒మగ్ం స॑జాతా॒ అను॑ వీరయధ్వ॒మిన్ద్ర॑గ్ం సఖాయో॒ అను॒ సగ్ంర॑భధ్వమ్ ॥ 6॥ అ॒భి గో॒త్రాణి॒ సహ॑సా॒ గాహ॑మానో-ఽద॒యో వీ॒ర-శ్శ॒తమ॑న్యు॒రిన్ద్రః॑ । దు॒శ్చ్య॒వ॒నః పృ॑తనా॒షాడ॑యు॒ధ్యో-ఽస్మాక॒గ్ం సేనా॑ అవతు॒ ప్ర యు॒త్సు ॥ 7॥ ఇన్ద్ర॑ ఆసా-న్నే॒తా బృహ॒స్పతి॒ర్దక్షి॑ణా య॒జ్ఞః పు॒ర ఏ॑తు॒ సోమః॑ । దే॒వ॒సే॒నానా॑మభిభఞ్జతీ॒నా-ఞ్జయ॑న్తీనా-మ్మ॒రుతో॑ య॒న్త్వగ్ర॑మ్ ॥ 8॥ ఇన్ద్ర॑స్య॒ వృష్ణో॒ వరు॑ణస్య॒ రాజ్ఞ॑ ఆది॒త్యానాం॑ మ॒రుతా॒గ్ం శర్ధ॑ ఉ॒గ్రమ్ । మ॒హామ॑నసా-మ్భువనచ్య॒వానాం॒ ఘోషో॑ దే॒వానాం॒ జయ॑తా॒ముద॑స్థాత్ ॥ 9॥ ఉద్ధ॑ర్​షయ మఘవ॒న్నాయు॑ధా॒న్యుత్సత్వ॑నా-మ్మామ॒కానాం॒ మనా॑గ్ంసి । ఉద్వృ॑త్రహన్వా॒జినాం॒ వాజి॑నా॒న్యుద్రథా॑నాం॒ జయ॑తాం-యఁన్తు॒ ఘోషాః॑ ॥ 10॥ అ॒స్మాక॒మిన్ద్ర॒-స్సమృ॑తేషు ధ్వ॒జేష్వ॒స్మాకం॒ యా ఇష॑వ॒స్తా జ॑యన్తు । అ॒స్మాకం॑ వీ॒రా ఉత్త॑రే భవన్త్వ॒స్మా.ణ2 ఉ॑ దేవా అవతా॒ హవే॑షు ॥ 11॥ అ॒మీషాం॑ చి॒త్త-మ్ప్ర॑తిలో॒భయ॑న్తీ గృహా॒ణాఙ్గా॑న్యప్వే॒ పరే॑హి । అ॒భి ప్రేహి॒ నిర్ద॑హ హృ॒త్సు శోకై॑ర॒న్ధేనా॒మిత్రా॒స్తమ॑సా సచన్తామ్ ॥ 12॥ అవ॑సృష్టా॒ పరా॑పత॒ శర॑వ్యే॒ బ్రహ్మ॑సగ్ంశితే । గచ్ఛా॒మిత్రా॒న్ప్రప॑ద్యస్వ॒ మామీషాఙ్కఞ్చనోచ్ఛి॑షః ॥ 13॥ ప్రేతా॒ జయ॑తా నర॒ ఇన్ద్రో॑ వ॒-శ్శర్మ॑ యచ్ఛతు । ఉ॒గ్రా వః॑ సన్తు బా॒హవో॑-ఽనాధృ॒ష్యా యథాస॑థ ॥ 14॥ అసౌ॒ యా సేనా॑ మరుతః॒ పరే॑షామ॒భ్యైతి॑ న॒ ఓజ॑సా॒ స్పర్ధ॑మానా । తా-ఙ్గూ॑హత॒ తమ॒సా-ఽప॑వ్రతేన॒ యథా॒మీ అ॒న్యో అ॒న్య-న్న జా॒నన్న్ ॥ 15॥ యత్ర॑ బా॒ణా-స్స॒మ్పత॑న్తి కుమా॒రా వి॑శి॒ఖా ఇ॑వ । తన్న॒ ఇన్ద్రో॒ బృహ॒స్పతి॒రది॑తి॒-శ్శర్మ॑ యచ్ఛతు వి॒శ్వాహా॒ శర్మ॑ యచ్ఛతు ॥ 16॥ మర్మా॑ణి తే॒ వర్మ॑ణా ఛాదయామి॒ సోమ॑స్త్వా॒ రాజా॒-ఽమృతే॒నాను॑వస్తామ్ । ఉ॒రోర్వరీ॑యో॒ వరు॑ణస్తే కృణోతు॒ జయ॑న్తం॒ త్వాను॑ దే॒వా మ॑దన్తు ॥ 17॥ ఇతి రుద్రే తృతీయో-ఽధ్యాయః ॥ 3॥ 5. చతుర్థోఽధ్యాయః - సౌర సూక్తమ్, మైత్ర సూక్తమ్ హరిః॑ ఓం వి॒భ్రాడ్బృ॒హత్పి॑బతు సో॒మ్య-మ్మధ్వాయు॒ర్దధ॑ద్య॒జ్ఞప॑తా॒వవి॑హ్రుతమ్ । వాత॑జూతో॒ యో అ॑భి॒రక్ష॑తి॒ త్మనా॑ ప్ర॒జాః పు॑పోష పురు॒ధా వి రా॑జతి ॥ 1॥ ఉదు॒ త్య-ఞ్జా॒తవే॑దస-న్దే॒వం-వఁ॑హన్తి కే॒తవః॑ । దృ॒శే విశ్వా॑య॒ సూర్య॑మ్ ॥ 2॥ యేనా॑ పావక॒ చక్ష॑సా భుర॒ణ్యన్తం॒ జనా.ఙ్​2 ॥ అను॑ । త్వం-వఁ॑రుణ॒ పశ్య॑సి ॥ 3॥ దైవ్యా॑వధ్వర్యూ॒ ఆగ॑త॒గ్ం రథే॑న॒ సూర్య॑త్వచా . మధ్వా॑ య॒జ్ఞగ్ం సమ॑ఞ్జాథే । త-మ్ప్ర॒త్నథా॒-ఽయం-వేఁ॒నశ్చి॒త్ర-న్దే॒వానా॑మ్ ॥ 4॥ త-మ్ప్ర॒త్నథా॑ పూ॒ర్వథా॑ వి॒శ్వథే॒మథా॑ జ్యే॒ష్ఠతా॑తి-మ్బర్​హి॒షద॑గ్ంస్వ॒ర్విద॑మ్ । ప్ర॒తీ॒చీ॒నం-వృఁ॒జనం॑ దోహసే॒ ధుని॑మా॒శు-ఞ్జయ॑న్త॒మను॒ యాసు॒ వర్ధ॑సే ॥ 5॥ అ॒యం-వేఁ॒నశ్చో॑దయ॒త్పృశ్ని॑గర్భా॒ జ్యోతి॑ర్జరాయూ॒ రజ॑సో వి॒మానే॑ । ఇ॒మమ॒పాగ్ంస॑ఙ్గ॒మే సూర్య॑స్య॒ శిశు॒న్న విప్రా॑ మ॒తిభీ॑ రిహన్తి ॥ 6॥ చి॒త్ర-న్దే॒వానా॒ముద॑గా॒దనీ॑కం॒ చక్షు॑ర్మి॒త్రస్య॒ వరు॑ణస్యా॒గ్నేః । ఆప్రా॒ ద్యావా॑పృథి॒వీ అ॒న్తరి॑క్షగ్ం సూర్య॑ ఆ॒త్మా జగ॑తస్త॒స్థుష॑శ్చ ॥ 7॥ ఆ న॒ ఇడా॑భిర్వి॒దథే॑ సుశ॒స్తి వి॒శ్వాన॑ర-స్సవి॒తా దే॒వ ఏ॑తు । అపి॒ యథా॑ యువానో॒ మత్స॑థా నో॒ విశ్వం॒ జగ॑దభిపి॒త్వే మ॑నీ॒షా ॥ 8॥ యద॒ద్య కచ్చ॑ వృత్రహన్ను॒దగా॑ అ॒భి సూ॑ర్య । సర్వం॒ తది॑న్ద్ర తే॒ వశే॑ ॥ 9॥ త॒రణి॑ర్వి॒శ్వద॑ర్​శతో జ్యోతి॒ష్కృద॑సి సూర్య । విశ్వ॒మా భా॑సి రోచ॒నమ్ ॥ 10॥ తత్సూర్య॑స్య దేవ॒త్వ-న్తన్మ॑హి॒త్వ-మ్మ॒ధ్యా కర్తో॒ర్విత॑త॒గ్ం స-ఞ్జ॑భార । య॒దేదయు॑క్త హ॒రితః॑ స॒ధస్థా॒దాద్రాత్రీ॒ వాస॑స్తనుతే సి॒మస్మై॑ ॥ 11॥ తన్మి॒త్రస్య॒ వరు॑ణస్యాభి॒చక్షే॒ సూర్యో॑ రూ॒ప-ఙ్కృ॑ణుతే॒ ద్యోరు॒పస్థే॑ । అ॒న॒న్తమ॒న్యద్రుశ॑దస్య॒ పాజః॑ కృ॒ష్ణమ॒న్యద్ధ॒రిత॒-స్స-మ్భ॑రన్తి ॥ 12॥ బణ్మ॒హా.ణ2 ॥ అ॑సి సూర్య॒ బడా॑దిత్య మ॒హా.ణ2 ॥ అ॑సి । మ॒హస్తే॑ స॒తో మ॑హి॒మా ప॑నస్యతే॒-ఽద్ధా దే॑వ మ॒హా.ణ2 ॥ అ॑సి ॥ 13॥ బట్ సూ॑ర్య॒ శ్రవ॑సా మ॒హా.ణ2 ॥ అ॑సి . స॒త్రా దే॑వ మ॒హా.ణ2 ॥ అ॑సి । మ॒హ్నా దే॒వానా॑మసు॒ర్యః॒ పు॒రోహి॑తో వి॒భు జ్యోతి॒రదా॑భ్యమ్ ॥ 14॥ శ్రాయ॑న్త ఇవ॒ సూర్యం॒ విశ్వేదిన్ద్ర॑స్య భక్షత । వసూ॑ని జా॒తే జన॑మాన॒ ఓజ॑సా॒ ప్రతి॑ భా॒గ-న్న దీ॑ధిమ ॥ 15॥ అ॒ద్యా దే॑వా॒ ఉది॑తా॒ సూర్య॑స్య॒ నిరగ్ంహ॑సః పిపృ॒తా నిర॑వ॒ద్యాత్ । తన్నో॑ మి॒త్రో వరు॑ణో మామహన్తా॒మది॑తి॒-స్సిన్ధుః॑ పృథి॒వీ ఉ॒త ద్యౌః ॥ 16॥ ఆ కృ॒ష్ణేన॒ రజ॑సా॒ వర్త॑మానో నివే॒శయ॑న్న॒మృతం॒ మర్త్యం॑ చ । హి॒ర॒ణ్యయే॑న సవి॒తా రథే॒నా దే॒వో యా॑తి॒ భువ॑నాని॒ పశ్య॑న్ ॥ 17॥ ఇతి రుద్రే చతుర్థో-ఽధ్యాయః ॥ 4॥ 6. పఞ్చమోఽధ్యాయః - రుద్ర సూక్తమ్ (నీల సూక్తమ్) హరిః॑ ఓం నమ॑స్తే రుద్ర మ॒న్యవ॑ ఉ॒తో త॒ ఇష॑వే॒ నమః॑ । బా॒హుభ్యా॑ము॒త తే॒ నమః॑ ॥ 1॥ యా తే॑ రుద్ర శి॒వా త॒నూరఘో॒రా-ఽపా॑పకాశినీ । తయా॑ నస్త॒న్వా శన్త॑మయా॒ గిరి॑శన్తా॒భి చా॑కశీహి ॥ 2॥ యామిషుం॑ గిరిశన్త॒ హస్తే॑ బి॒భర్​ష్యస్త॑వే । శి॒వా-ఙ్గి॑రిత్ర॒ తా-ఙ్కు॑రు॒ మా హి॑గ్ంసీః॒ పురు॑షం॒ జగ॑త్ ॥ 3॥ శి॒వేన॒ వచ॑సా త్వా గిరి॒శా-ఽచ్ఛా॑వదామసి । యథా॑ న॒-స్సర్వ॒మిజ్జగ॑దయ॒క్ష్మగ్ం సు॒మనా॒ అస॑త్ ॥ 4॥ అధ్య॑వోచదధివ॒క్తా ప్ర॑థ॒మో దైవ్యో॑ భి॒షక్ । అహీ॑గ్ంశ్చ॒ సర్వా॑ఞ్జ॒మ్భయ॒న్త్సర్వా॑శ్చ యాతుధా॒న్యో॒-ఽధ॒రాచీః॒ పరా॑సువ ॥ 5॥ అసౌ॒ యస్తా॒మ్రో అ॑రు॒ణ ఉ॒త బ॒భ్రు-స్సు॑మ॒ఙ్గలః॑ । యే చై॑నగ్ం రు॒ద్రా అ॒భితో॑ ది॒క్షు శ్రి॒తా-స్స॑హస్ర॒శో-ఽవై॑షా॒గ్ం హేడ॑ ఈమహే ॥ 6॥ అసౌ॒ యో॑-ఽవ॒సర్ప॑తి॒ నీల॑గ్రీవో॒ విలో॑హితః । ఉ॒తైనం॑ గో॒పా అ॑దృశ్ర॒న్నదృ॑శ్రన్నుదహా॒ర్య-స్స దృ॒ష్టో మృ॑డయాతి నః ॥ 7॥ నమో॑-ఽస్తు॒ నీల॑గ్రీవాయ సహస్రా॒క్షాయ॑ మీ॒ఢుషే॑ । అథో॒ యే అ॑స్య॒ సత్వా॑నో॒-ఽహ-న్తేభ్యో॑-ఽకరం॒ నమః॑ ॥ 8॥ ప్రము॑ఞ్చ॒ ధన్వ॑న॒స్త్వము॒భయో॒రార్త్న్యో॒ర్జ్యామ్ । యాశ్చ॑ తే॒ హస్త॒ ఇష॑వః॒ పరా॒ తా భ॑గవో వప ॥ 9॥ విజ్యం॒ ధనుః॑ కప॒ర్దినో॒ విశ॑ల్యో॒ బాణ॑వా.ణ2 ॥ ఉ॒త । అనే॑శన్నస్య॒ యా ఇష॑వ ఆ॒భుర॑స్య నిషఙ్గ॒ధిః ॥ 10॥ యా తే॑ హే॒తిర్మీ॑ఢుష్టమ॒ హస్తే॑ బ॒భూవ॑ తే॒ ధనుః॑ । తయా॒స్మాన్వి॒శ్వత॒స్త్వమ॑య॒క్ష్మయా॒ పరి॑భుజ ॥ 11॥ పరి॑ తే॒ ధన్వ॑నో హే॒తిర॒స్మాన్వృ॑ణక్తు వి॒శ్వతః॑ । అథో॒ య ఇ॑షు॒ధిస్తవా॒రే అ॒స్మన్నిధే॑హి॒ తమ్ ॥ 12॥ అ॒వ॒తత్య॒ ధను॒ష్ట్వగ్ం సహ॑స్రాక్ష॒ శతే॑షుధే । ని॒శీర్య॑ శ॒ల్యానాం॒ ముఖా॑ శి॒వో నః॑ సు॒మనా॑ భవ ॥ 13॥ నమ॑స్త॒ ఆయు॑ధా॒యానా॑తతాయ ధృ॒ష్ణవే॑ । ఉ॒భాభ్యా॑ము॒త తే॒ నమో॑ బా॒హుభ్యాం॒ తవ॒ ధన్వ॑నే ॥ 14॥ మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉక్ష॑న్తము॒త మా న॑ ఉక్షి॒తమ్ । మా నో॑ వధీః పి॒తరం॒ మోత॑ మా॒తరం॒ మా నః॑ ప్రి॒యాస్త॒న్వో॒ రుద్ర రీరిషః ॥ 15॥ మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః । మా నో॑ వీ॒రా-న్రు॑ద్ర భా॒మినో॑ వధీర్​హ॒విష్మ॑న్త॒-స్సద॒మిత్త్వా॑ హవామహే ॥ 16॥ నమో॒ హిర॑ణ్యబాహవే సేనా॒న్యే॒ ది॒శా-ఞ్చ॒ పత॑యే॒ నమో॒ నమో॑ వృ॒క్షేభ్యో॒ హరి॑కేశేభ్యః పశూ॒నా-మ్పత॑యే॒ నమో॒ నమః॑ శ॒ష్పిఞ్జ॑రాయ॒ త్విషీ॑మతే పథీ॒నా-మ్పత॑యే॒ నమో॒ నమో॒ హరి॑కేశాయోపవీ॒తినే॑ పు॒ష్టానాం॒ పత॑యే॒ నమః॑ ॥ 17॥ నమో॑ బభ్లు॒శాయ॑ వ్యా॒ధినే-ఽన్నా॑నాం॒ పత॑యే॒ నమో॒ నమో॑ భ॒వస్య॑ హేత్యై॒ జగ॑తాం॒ పత॑యే॒ నమో॒ నమో॑ రు॒ద్రాయా॑తతా॒యినే॒ క్షేత్రా॑ణాం॒ పత॑యే॒ నమో॒ నమః॑ సూ॒తాయాహ॑న్త్యై॒ వనా॑నాం॒ పత॑యే॒ నమః॑ ॥ 18॥ నమో॒ రోహి॑తాయ స్థ॒పత॑యే వృ॒క్షాణాం॒ పత॑యే॒ నమో॒ నమో॑ భువ॒న్తయే॑ వారివస్కృ॒తాయౌష॑ధీనాం॒ పత॑యే॒ నమో॒ నమో॑ మ॒న్త్రిణే॑ వాణి॒జాయ॒ కక్షా॑ణాం॒ పత॑యే॒ నమో॒ నమ॑ ఉ॒చ్చైర్ఘో॑షాయాక్ర॒న్దయ॑తే పత్తీ॒నా-మ్పత॑యే॒ నమః॑ ॥ 19॥ నమః॑ కృత్స్నాయ॒తయా॒ ధావ॑తే॒ సత్వ॑నాం॒ పత॑యే॒ నమో॒ నమ॒-స్సహ॑మానాయ నివ్యా॒ధిన॑ ఆవ్యా॒ధినీ॑నాం॒ పత॑యే॒ నమో॒ నమో॑ నిష॒ఙ్గిణే॑ కకు॒భాయ॑ స్తే॒నానాం॒ పత॑యే॒ నమో॒ నమో॑ నిచే॒రవే॑ పరిచ॒రాయార॑ణ్యానాం॒ పత॑యే॒ నమః॑ ॥ 20॥ నమో॒ వఞ్చ॑తే పరి॒వఞ్చ॑తే స్తాయూ॒నా-మ్పత॑యే॒ నమో॒ నమో॑ నిష॒ఙ్గిణ॑ ఇషుధి॒మతే॒ తస్క॑రాణాం॒ పత॑యే॒ నమో॒ నమః॑ సృకా॒యిభ్యో॒ జిఘా॑గ్ంసద్భ్యో ముష్ణ॒తా-మ్పత॑యే॒ నమో॒ నమో॑-ఽసి॒మద్భ్యో॒ నక్త॒ఞ్చర॑ద్భ్యో వికృ॒న్తానాం॒ పత॑యే॒ నమః॑ ॥ 21॥ నమ॑ ఉష్ణీ॒షిణే॑ గిరిచ॒రాయ॑ కులు॒ఞ్చానాం॒ పత॑యే॒ నమో॒ నమ॑ ఇషు॒మద్భ్యో॑ ధన్వా॒యిభ్య॑శ్చ వో॒ నమో॒ నమ॑ ఆతన్వా॒నేభ్యః॑ ప్రతి॒దధా॑నేభ్యశ్చ వో॒ నమో॒ నమ॑ ఆ॒యచ్ఛ॒ద్భ్యో-ఽస్య॑ద్భ్యశ్చ వో॒ నమః॑ ॥ 22॥ నమో॑ విసృ॒జద్భ్యో॒ విధ్య॑ద్భ్యశ్చ వో॒ నమో॒ నమః॑ స్వ॒పద్భ్యో॒ జాగ్ర॑ద్భ్యశ్చ వో॒ నమో॒ నమ॒-శ్శయా॑నేభ్య॒ ఆసీ॑నేభ్యశ్చ వో॒ నమో॒ నమ॒స్తిష్ఠ॑ద్భ్యో॒ ధావ॑ద్భ్యశ్చ వో॒ నమః॑ ॥ 23॥ నమః॑ స॒భాభ్యః॑ స॒భాప॑తిభ్యశ్చ వో॒ నమో॒ నమో-ఽశ్వే॒భ్యో-ఽశ్వ॑పతిభ్యశ్చ వో॒ నమో॒ నమ॑ ఆవ్యా॒ధినీ॑భ్యో వి॒విధ్య॑న్తీభ్యశ్చ వో॒ నమో॒ నమ॒ ఉగ॑ణాభ్యస్తృగ్ంహ॒తీభ్య॑శ్చ వో॒ నమః॑ ॥ 24॥ నమో॑ గ॒ణేభ్యో॑ గ॒ణప॑తిభ్యశ్చ వో॒ నమో॒ నమో॒ వ్రాతే॑భ్యో॒ వ్రాత॑పతిభ్యశ్చ వో॒ నమో॒ నమో॒ గృత్సే॑భ్యో॒ గృత్స॑పతిభ్యశ్చ వో॒ నమో॒ నమో॒ విరూ॑పేభ్యో వి॒శ్వరూ॑పేభ్యశ్చ వో॒ నమః॑ ॥ 25॥ నమ॒-స్సేనా॑భ్య-స్సేనా॒నిభ్య॑శ్చ వో॒ నమో॒ నమో॑ ర॒థిభ్యో॑ అర॒థేభ్య॑శ్చ వో॒ నమో॒ నమః॑ క్ష॒త్తృభ్యః॑ సఙ్గ్రహీ॒తృభ్య॑శ్చ వో॒ నమో॒ నమో॑ మ॒హద్భ్యో॑ అర్భ॒కేభ్య॑శ్చ వో॒ నమః॑ ॥ 26॥ నమ॒స్తక్ష॑భ్యో రథకా॒రేభ్య॑శ్చ వో॒ నమో॒ నమః॒ కులా॑లేభ్యః క॒ర్మారే॑భ్యశ్చ వో॒ నమో॒ నమో॑ నిషా॒దేభ్యః॑ పు॒ఞ్జిష్టే॑భ్యశ్చ వో॒ నమో॒ నమః॑ శ్వ॒నిభ్యో॑ మృగ॒యుభ్య॑శ్చ వో॒ నమః॑ ॥ 27॥ నమ॒-శ్శ్వభ్య॒-శ్శ్వప॑తిభ్యశ్చ వో॒ నమో॒ నమో॑ భ॒వాయ॑ చ రు॒ద్రాయ॑ చ॒ నమః॑ శ॒ర్వాయ॑ చ పశు॒పత॑యే చ॒ నమో॒ నీల॑గ్రీవాయ చ శితి॒కణ్ఠా॑య చ ॥ 28॥ నమః॑ కప॒ర్దినే॑ చ॒ వ్యు॒ప్తకేశాయ చ॒ నమః॑ సహస్రా॒క్షాయ॑ చ శ॒తధ॑న్వనే చ॒ నమో॑ గిరిశ॒యాయ॑ చ శిపివి॒ష్టాయ॑ చ॒ నమో॑ మీ॒ఢుష్ట॑మాయ॒ చేషు॑మతే చ ॥ 29॥ నమో॑ హ్ర॒స్వాయ॑ చ వామ॒నాయ॑ చ॒ నమో॑ బృహ॒తే చ॒ వర్​షీ॑యసే చ॒ నమో॑ వృ॒ద్ధాయ॑ చ స॒వృధే॑ చ॒ నమో-ఽగ్ర్యా॑య చ ప్రథ॒మాయ॑ చ ॥ 30॥ నమ॑ ఆ॒శవే॑ చాజి॒రాయ॑ చ॒ నమ॒-శ్శీఘ్ర్యా॑య చ॒ శీభ్యా॑య చ॒ నమ॒ ఊర్మ్యా॑య చావస్వ॒న్యా॒య చ॒ నమో॑ నాదే॒యాయ॑ చ॒ ద్వీప్యా॑య చ ॥ 31॥ నమో॑ జ్యే॒ష్ఠాయ॑ చ కని॒ష్ఠాయ॑ చ॒ నమః॑ పూర్వ॒జాయ॑ చాపర॒జాయ॑ చ॒ నమో॑ మధ్య॒మాయ॑ చాపగ॒ల్భాయ॑ చ॒ నమో॑ జఘ॒న్యా॒య చ బు॒ధ్న్యా॒య చ ॥ 32॥ నమ॒-స్సోభ్యా॑య చ ప్రతిస॒ర్యా॒య చ॒ నమో॒ యామ్యా॑య చ॒ క్షేమ్యా॑య చ॒ నమ॒-శ్శ్లోక్యా॑య చావసా॒న్యా॒య చ॒ నమ॑ ఉర్వ॒ర్యా॒య చ॒ ఖల్యా॑య చ ॥ 33॥ నమో॒ వన్యా॑య చ॒ కక్ష్యా॑య చ॒ నమః॑ శ్ర॒వాయ॑ చ ప్రతిశ్ర॒వాయ॑ చ॒ నమ॑ ఆ॒శుషే॑ణాయ చా॒శుర॑థాయ చ॒ నమ॒-శ్శూరా॑య చావభే॒దినే॑ చ ॥ 34॥ నమో॑ బి॒ల్మినే॑ చ కవ॒చినే॑ చ॒ నమో॑ వ॒ర్మిణే॑ చ వరూ॒థినే॑ చ॒ నమః॑ శ్రు॒తాయ॑ చ శ్రుతసే॒నాయ॑ చ॒ నమో॑ దున్దు॒భ్యా॒య చాహన॒న్యా॒య చ ॥ 35॥ నమో॑ ధృ॒ష్ణవే॑ చ ప్రమృ॒శాయ॑ చ॒ నమో॑ నిష॒ఙ్గిణే॑ చేషుధి॒మతే॑ చ॒ నమ॑స్తీ॒క్ష్ణేష॑వే చాయు॒ధినే॑ చ॒ నమః॑ స్వాయు॒ధాయ॑ చ సు॒ధన్వ॑నే చ ॥ 36॥ నమ॒-స్స్రుత్యా॑య చ॒ పథ్యా॑య చ॒ నమః॒ కాట్యా॑య చ॒ నీప్యా॑య చ॒ నమః॒ కుల్యా॑య చ సర॒స్యా॒య చ॒ నమో॑ నాదే॒యాయ॑ చ వైశ॒న్తాయ॑ చ ॥ 37॥ నమః॒ కూప్యా॑య చావ॒ట్యా॑య చ॒ నమో॒ వీధ్ర్యా॑య చాత॒ప్యా॒య చ॒ నమో॒ మేఘ్యా॑య చ విద్యు॒త్యా॒య చ॒ నమో॒ వర్​ష్యా॑య చావ॒ర్​ష్యాయ॑ చ ॥ 38॥ నమో॒ వాత్యా॑య చ॒ రేష్మ్యా॑య చ॒ నమో॑ వాస్త॒వ్యా॒య చ వాస్తు॒పాయ॑ చ॒ నమ॒-స్సోమా॑య చ రు॒ద్రాయ॑ చ॒ నమ॑స్తా॒మ్రాయ॑ చారు॒ణాయ॑ చ ॥ 39॥ నమః॑ శ॒ఙ్గవే॑ చ పశు॒పత॑యే చ॒ నమ॑ ఉ॒గ్రాయ॑ చ భీ॒మాయ॑ చ॒ నమో॑-ఽగ్రేవ॒ధాయ॑ చ దూరేవ॒ధాయ॑ చ॒ నమో॑ హ॒న్త్రే చ॒ హనీ॑యసే చ॒ నమో॑ వృ॒క్షేభ్యో॒ హరి॑కేశేభ్యో॒ నమ॑స్తా॒రాయ॑ ॥ 40॥ నమః॑ శమ్భ॒వాయ॑ చ మయోభ॒వాయ॑ చ॒ నమః॑ శఙ్క॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ ॥ 41॥ నమః॒ పార్యా॑య చావా॒ర్యా॒య చ॒ నమః॑ ప్ర॒తర॑ణాయ చో॒త్తర॑ణాయ చ॒ నమ॒స్తీర్థ్యా॑య చ॒ కూల్యా॑య చ॒ నమ॒-శ్శష్ప్యా॑య చ॒ ఫేన్యా॑య చ ॥ 42॥ నమః॑ సిక॒త్యా॒య చ ప్రవా॒హ్యా॒య చ॒ నమః॑ కిగ్ంశి॒లాయ॑ చ క్షయ॒ణాయ॑ చ॒ నమః॑ కప॒ర్దినే॑ చ పుల॒స్తయే॑ చ॒ నమ॑ ఇరి॒ణ్యా॒య చ ప్రప॒థ్యా॒య చ ॥ 43॥ నమో॒ వ్రజ్యా॑య చ॒ గోష్ఠ్యా॑య చ॒ నమ॒స్తల్ప్యా॑య చ॒ గేహ్యా॑య చ॒ నమో॑ హృద॒య్యా॒య చ నివే॒ష్ప్యా॒య చ॒ నమః॒ కాట్యా॑య చ గహ్వరే॒ష్ఠాయ॑ చ ॥ 44॥ నమ॒-శ్శుష్క్యా॑య చ హరి॒త్యా॒య చ॒ నమః॑ పాగ్ంస॒వ్యా॒య చ రజ॒స్యా॒య చ॒ నమో॒ లోప్యా॑య చోల॒ప్యా॒య చ॒ నమ॒ ఊర్వ్యా॑య చ॒ సూర్వ్యా॑య చ ॥ 45॥ నమః॑ ప॒ర్ణాయ॑ చ పర్ణశ॒దాయ॑ చ॒ నమ॑ ఉద్గు॒రమా॑ణాయ చాభిఘ్న॒తే చ॒ నమ॑ ఆఖిద॒తే చ॑ ప్రఖిద॒తే చ॒ నమః॑ ఇషు॒కృద్భ్యో॑ ధను॒ష్కృద్భ్య॑శ్చ వో॒ నమో॒ నమో॑ వః కిరి॒కేభ్యో॑ దే॒వానా॒గ్ం హృద॑యేభ్యో॒ నమో॑ విచిన్వ॒త్కేభ్యో॒ నమో॑ విక్షిణ॒త్కేభ్యో॒ నమ॑ ఆనిర్​హ॒తేభ్యః॑ ॥ 46॥ ద్రాపే॒ అన్ధ॑సస్పతే॒ దరి॑ద్రం॒ నీల॑లోహిత । ఆ॒సా-మ్ప్ర॒జానా॑మే॒షా-మ్ప॑శూ॒నా-మ్మా భే॒ర్మా రోఙ్భో చ॑ నః॒ కిఞ్చ॒నామ॑మత్ ॥ 47॥ ఇ॒మా రు॒ద్రాయ॑ త॒వసే॑ కప॒ర్దినే॑ క్ష॒యద్వీ॑రాయ॒ ప్రభ॑రామహే మ॒తీః । యథా॒ శమస॑ద్ద్వి॒పదే॒ చతు॑ష్పదే॒ విశ్వం॑ పు॒ష్ట-ఙ్గ్రామే॑ అ॒స్మిన్న॑నాతు॒రమ్ ॥ 48॥ యా తే॑ రుద్ర శి॒వా త॒నూ-శ్శి॒వా వి॒శ్వాహా॑ భేష॒జీ । శి॒వా రు॒తస్య॑ భేష॒జీ తయా॑ నో మృడ జీ॒వసే॑ ॥ 49॥ పరి॑ నో రు॒ద్రస్య॑ హే॒తిర్వృ॑ణక్తు॒ పరి॑ త్వే॒షస్య॑ దుర్మ॒తిర॑ఘా॒యోః । అవ॑ స్థి॒రా మ॒ఘవ॑ద్భ్యస్తనుష్వ॒ మీఢ్వ॑స్తో॒కాయ॒ తన॑యాయ మృడ ॥ 50॥ మీఢు॑ష్టమ॒ శివ॑తమ శి॒వో నః॑ సు॒మనా॑ భవ । ప॒ర॒మే వృ॒క్ష ఆయు॑ధ-న్ని॒ధాయ॒ కృత్తిం॒ వసా॑న॒ ఆచ॑ర॒ పినా॑కం॒ బిభ్ర॒దాగ॑హి ॥ 51॥ వికి॑రిద్ర॒ విలో॑హిత॒ నమ॑స్తే అస్తు భగవః । యాస్తే॑ స॒హస్ర॑గ్ం హే॒తయో॒-ఽన్యమ॒స్మన్నివ॑పన్తు॒ తాః ॥ 52॥ స॒హస్రా॑ణి సహస్ర॒శో బా॒హ్వోస్తవ॑ హే॒తయః॑ । తాసా॒మీశా॑నో భగవః పరా॒చీనా॒ ముఖా॑ కృధి ॥ 53॥ అసం॑ఖ్యాతా స॒హస్రా॑ణి॒ యే రు॒ద్రా అధి॒ భూమ్యా॑మ్ । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 54॥ అ॒స్మిన్మ॑హ॒త్య॒ర్ణ॒వే-ఽన్తరి॑క్షే భ॒వా అధి॑ । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 55॥ నీల॑గ్రీవా-శ్శితి॒కణ్ఠా॒ దివ॑గ్ం రు॒ద్రా ఉప॑శ్రితాః । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 56॥ నీల॑గ్రీవా-శ్శితి॒కణ్ఠాః॑ శ॒ర్వా అ॒ధః, క్ష॑మాచ॒రాః । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 57॥ యే వృ॒క్షేషు॑ శ॒ష్పిఞ్జ॑రా॒ నీల॑గ్రీవా॒ విలో॑హితాః । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 58॥ యే భూ॒తానా॒మధి॑పతయో విశి॒ఖాసః॑ కప॒ర్దినః॑ । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 59॥ యే ప॒థా-మ్ప॑థి॒రక్ష॑య ఐలబృ॒దా ఆ॑యు॒ర్యుధః॑ । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 60॥ యే తీ॒ర్థాని॑ ప్ర॒చర॑న్తి సృ॒కాహ॑స్తా నిష॒ఙ్గిణః॑ । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 61॥ యే-ఽన్నే॑షు వి॒విధ్య॑న్తి॒ పాత్రే॑షు॒ పిబ॑తో॒ జనా॑న్ । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 62॥ య ఏ॒తావ॑న్తశ్చ॒ భూయా॑గ్ంసశ్చ॒ దిశో॑ రు॒ద్రా వి॑తస్థి॒రే । తేషా॑గ్ం సహస్రయోజ॒నే-ఽవ॒ ధన్వా॑ని తన్మసి ॥ 63॥ నమో॑-ఽస్తు రు॒ద్రేభ్యో॒ యే ది॒వి యేషాం॑ వ॒ర్​షమిష॑వస్తేభ్యో॒ దశ॒ ప్రాచీ॒ర్దశ॑ దక్షి॒ణా దశ॑ ప్ర॒తీచీ॒ర్దశోదీ॑చీ॒ర్దశో॒ర్ధ్వాస్తేభ్యో॒ నమో॑ అస్తు॒ తే నో॑-ఽవన్తు॒ తే నో॑ మృడయన్తు॒ తే యం ద్వి॒ష్మో యశ్చ॑ నో॒ ద్వేష్టి॒ తమే॑షాం॒ జమ్భే॑ దధ్మః ॥ 64॥ నమో॑-ఽస్తు రు॒ద్రేభ్యో॒ యే-ఽన్తరి॑క్షే॒ యేషాం॒ వాత॒ ఇష॑వస్తేభ్యో॒ దశ॒ ప్రాచీ॒ర్దశ॑ దక్షి॒ణా దశ॑ ప్ర॒తీచీ॒ర్దశోదీ॑చీ॒ర్దశో॒ర్ధ్వాస్తేభ్యో॒ నమో॑ అస్తు॒ తే నో॑-ఽవన్తు॒ తే నో॑ మృడయన్తు॒ తే యం ద్వి॒ష్మో యశ్చ॑ నో॒ ద్వేష్టి॒ తమే॑షాం॒ జమ్భే॑ దధ్మః ॥ 65॥ నమో॑-ఽస్తు రు॒ద్రేభ్యో॒ యే పృ॑థి॒వ్యాం-యేఁషా॒మన్న॒మిష॑వస్తేభ్యో॒ దశ॒ ప్రాచీ॒ర్దశ॑ దక్షి॒ణా దశ॑ ప్ర॒తీచీ॒ర్దశోదీ॑చీ॒ర్దశో॒ర్ధ్వాస్తేభ్యో॒ నమో॑ అస్తు॒ తే నో॑-ఽవన్తు॒ తే నో॑ మృడయన్తు॒ తే యం ద్వి॒ష్మో యశ్చ॑ నో॒ ద్వేష్టి॒ తమే॑షాం॒ జమ్భే॑ దధ్మః ॥ 66॥ ఇతి రుద్రే పఞ్చమో-ఽధ్యాయః ॥ 5॥ 7. షష్ఠోఽధ్యాయః - మహచ్ఛిర, సోమ స్తవన, త్ర్యమ్బక యజనమ్ హరిః॑ ఓం వ॒యగ్ంసో॑మ వ్ర॒తే తవ॒ మన॑స్త॒నూషు॒ బిభ్ర॑తః । ప్ర॒జావ॑న్త-స్సచేమహి ॥ 1॥ ఏ॒ష తే॑ రుద్ర భా॒గ-స్స॒హ స్వస్రా-ఽమ్బి॑కయా॒ త-ఞ్జు॑షస్వ॒ స్వాహై॒ష తే॑ రుద్ర భా॒గ ఆ॒ఖుస్తే॑ ప॒శుః ॥ 2॥ అవ॑ రు॒ద్రమ॑దీమ॒హ్యవ॑ దే॒వ-న్త్ర్య॑మ్బకమ్ । యథా॑ నో॒ వస్య॑స॒స్కర॒ద్యథా॑ న॒-శ్శ్రేయ॑స॒స్కర॒ద్యథా॑ నో వ్యవసా॒యయా॑త్ ॥ 3॥ భే॒ష॒జమ॑సి భేష॒జ-ఙ్గవే-ఽశ్వా॑య॒ పురు॑షాయ భేష॒జమ్ । సు॒ఖ-మ్మే॒షాయ॑ మేష్యై ॥ 4॥ త్ర్య॑మ్బకం-యఁజామహే సుగ॒న్ధి-మ్పు॑ష్టి॒వర్ధ॑నమ్ । ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మా-ఽమృతా॑త్ । త్ర్య॑మ్బకం-యఁజామహే సుగ॒న్ధి-మ్ప॑తి॒వేద॑నమ్ । ఉ॒ర్వా॒రు॒కమి॑వ॒ బన్ధ॑నాది॒తో ము॑క్షీయ॒ మాముతః॑ ॥ 5॥ ఏ॒తత్తే॑ రుద్రావ॒స-న్తేన॑ ప॒రో మూజ॑వ॒తో-ఽతీ॑హి । అవ॑తతధన్వా॒ పినా॑కావసః॒ కృత్తి॑వాసా॒ అహి॑గ్ంసన్న-శ్శి॒వో-ఽతీ॑హి ॥ 6॥ త్ర్యా॑యు॒ష-ఞ్జ॒మద॑గ్నేః క॒శ్యప॑స్య త్ర్యాయు॒షమ్ । యద్దే॒వేషు॑ త్ర్యాయు॒ష-న్తన్నో॑ అస్తు త్ర్యాయు॒షమ్ ॥ 7॥ శి॒వో నామా॑సి॒ స్వధి॑తిస్తే పి॒తా నమ॑స్తే అస్తు॒ మా మా॑ హిగ్ంసీః । నివ॑ర్తయామ్యాయు॑షే॒-ఽన్నాద్యా॑య॒ ప్రజన॑నాయ రా॒యస్పోషా॑య సుప్రజా॒స్త్వాయ॑ సు॒వీర్యా॑య ॥ 8॥ ఇతి రుద్రే షష్ఠో-ఽధ్యాయః ॥ 6॥ 8. సప్తమోఽధ్యాయః - జటాఽధ్యాయః హరిః॑ ఓం ఉ॒గ్రశ్చ॑ భీ॒మశ్చ॒ ధ్వా॒న్తశ్చ॒ ధుని॑శ్చ । సా॒స॒హ్వాంశ్చా॑భియు॒గ్వా చ॑ వి॒క్షిప॒-స్స్వాహా॑ ॥ 1॥ అ॒గ్నిగ్ం హృద॑యేనా॒శని॑గ్ం హృదయా॒గ్రేణ॑ పశు॒పతిం॑ కృత్స్న॒హృద॑యేన భ॒వం-యఁ॒క్నా । శ॒ర్వ-మ్మత॑స్నాభ్యా॒మీశా॑న-మ్మ॒న్యునా॑ మహాదే॒వమ॑న్తః పర్​శ॒వ్యేనో॒గ్రం దే॒వం-వఁ॑ని॒ష్ఠునా॑ వసిష్ఠ॒హనుః॒ శిఙ్గీ॑ని కో॒శ్యాభ్యా॑మ్ ॥ 2॥ ఉ॒గ్రం-ల్లోఁహి॑తేన మి॒త్రగ్ం సౌ॑వ్రత్యేన రు॒ద్ర-న్దౌర్వ్ర॑త్యే॒నేన్ద్రం॑ ప్రక్రీ॒డేన॑ మ॒రుతో॒ బలే॑న సా॒ధ్యాన్ప్ర॒ముదా॑ । భ॒వస్య॒ కణ్ఠ్య॑గ్ం రు॒ద్రస్యా॑న్తః పా॒ర్​శ్వ్య-మ్మ॑హాదే॒వస్య॒ యకృ॑చ్ఛ॒ర్వస్య॑ వని॒ష్ఠుః ప॑శు॒పతేః॑ పురీ॒తత్ ॥ 3॥ లోమ॑భ్య॒-స్స్వాహా॒ లోమ॑భ్య॒-స్స్వాహా॑ త్వ॒చే స్వాహా॑ త్వ॒చే స్వాహా॒ లోహి॑తాయ॒ స్వాహా॒ లోహి॑తాయ॒ స్వాహా॒ మేదో॑భ్య॒-స్స్వాహా॒ మేదో॑భ్య॒-స్స్వాహా॑ । మా॒గ్ంసేభ్య॒-స్స్వాహా॑ మా॒గ్ంసేభ్య॒-స్స్వాహా॒ స్నావ॑భ్య॒-స్స్వాహా॒ స్నావ॑భ్య॒-స్స్వాహా॒ అస్థభ్య॒-స్స్వాహా॒ అస్థభ్య॒-స్స్వాహా॑ మ॒జ్జభ్య॒-స్స్వాహా॑ మ॒జ్జభ్య॒-స్స్వాహా॑ । రేత॑సే॒ స్వాహా॑ పా॒యవే॒ స్వాహా॑ ॥ 4॥ ఆ॒యా॒సాయ॒ స్వాహా॑ ప్రాయా॒సాయ॒ స్వాహా॑ సం​యాఁ॒సాయ॒ స్వాహా॑ వియా॒సాయ॒ స్వాహో॑ద్యా॒సాయ॒ స్వాహా॑ । శు॒చే స్వాహా॒ శోచ॑తే॒ స్వాహా॒ శోచ॑మానాయ॒ స్వాహా॒ శోకా॑య॒ స్వాహా॑ ॥ 5॥ తప॑సే॒ స్వాహా॒ తప్య॑తే॒ స్వాహా॒ తప్య॑మానాయ॒ స్వాహా॑ త॒ప్తాయ॒ స్వాహా॑ ఘ॒ర్మాయ॒ స్వాహా॑ । నిష్కృ॑త్యై॒ స్వాహా॒ ప్రాయ॑శ్చిత్త్యై॒ స్వాహా॑ భేష॒జాయ॒ స్వాహా॑ ॥ 6॥ య॒మాయ॒ స్వాహాన్త॑కాయ॒ స్వాహా॑ మృ॒త్యవే॒ స్వాహా॒ బ్రహ్మ॑ణే॒ స్వాహా॑ బ్రహ్మహ॒త్యాయై॒ స్వాహా॒ । విశ్వే॑భ్యో దే॒వేభ్య॒-స్స్వాహా॒ ద్యావా॑పృథి॒వీభ్యా॒గ్ం స్వాహా॑ ॥ 7॥ ఇతి రుద్రే సప్తమో-ఽధ్యాయః ॥ 7॥ 9. అష్టమోఽధ్యాయః - చమక ప్రశ్నః (చమకప్రశ్నః ।) హరిః॑ ఓం వాజ॑శ్చ మే ప్రస॒వశ్చ॑ మే॒ ప్రయ॑తిశ్చ మే॒ ప్రసి॑తిశ్చ మే ధీ॒తిశ్చ॑ మే॒ క్రతు॑శ్చ మే॒ స్వర॑శ్చ మే॒ శ్లోక॑శ్చ మే శ్ర॒వశ్చ॑ మే॒ శ్రుతి॑శ్చ మే॒ జ్యోతి॑శ్చ మే॒ స్వ॒శ్చ మే య॒జ్ఞేన॑ కల్పన్తామ్ ॥ 1॥ ప్రా॒ణశ్చ॑ మే-ఽపా॒నశ్చ॑ మే వ్యా॒నశ్చ॒ మే-ఽసు॑శ్చ మే చి॒త్త-ఞ్చ॑ మ॒ ఆధీ॑త-ఞ్చ మే॒ వాక్చ॑ మే॒ మన॑శ్చ మే॒ చక్షు॑శ్చ మే॒ శ్రోత్రం॑ చ మే॒ దక్ష॑శ్చ మే॒ బలం॑ చ మే య॒జ్ఞేన॑ కల్పన్తామ్ ॥ 2॥ ఓజ॑శ్చ మే॒ సహ॑శ్చ మ ఆ॒త్మా చ॑ మే త॒నూశ్చ॑ మే॒ శర్మ॑ చ మే॒ వర్మ॑ చ॒ మే-ఽఙ్గా॑ని చ॒ మే-ఽస్థీ॑ని చ మే॒ పరూ॑గ్ంషి చ మే॒ శరీ॑రాణి చ మ॒ ఆయు॑శ్చ మే జ॒రా చ॑ మే య॒జ్ఞేన॑ కల్పన్తామ్ ॥ 3॥ జ్యై॑ష్ఠ్య-ఞ్చ మ ఆధి॑పత్య-ఞ్చ మే మ॒న్యుశ్చ॑ మే॒ భామ॑శ్చ॒ మే-ఽమ॑శ్చ॒ మే-ఽమ్భ॑శ్చ మే జే॒మా చ॑ మే మహి॒మా చ॑ మే వరి॒మా చ॑ మే ప్రథి॒మా చ॑ మే వర్​షి॒మా చ॑ మే ద్రాఘి॒మా చ॑ మే వృ॒ద్ధ-ఞ్చ॑ మే॒ వృద్ధి॑శ్చ మే య॒జ్ఞేన॑ కల్పన్తామ్ ॥ 4॥ స॒త్య-ఞ్చ॑ మే శ్ర॒ద్ధా చ॑ మే॒ జగ॑చ్చ మే॒ ధనం॑ చ మే॒ విశ్వం॑ చ మే॒ మహ॑శ్చ మే క్రీ॒డా చ॑ మే॒ మోద॑శ్చ మే జా॒త-ఞ్చ॑ మే జని॒ష్యమా॑ణ-ఞ్చ మే సూ॒క్త-ఞ్చ॑ మే సుకృ॒త-ఞ్చ॑ మే య॒జ్ఞేన॑ కల్పన్తామ్ ॥ 5॥ ఋ॒త-ఞ్చ॑ మే-ఽమృతం॑ చ మే-ఽయ॒క్ష్మ-ఞ్చ॒ మే-ఽనా॑మయచ్చ మే జీ॒వాతు॑శ్చ మే దీర్ఘాయు॒త్వ-ఞ్చ॑ మే-ఽనమి॒త్ర-ఞ్చ॒ మే-ఽభ॑య-ఞ్చ మే సు॒ఖ-ఞ్చ॑ మే॒ శయ॑న-ఞ్చ మే సూ॒షాశ్చ॑ మే సు॒దినం॑ చ మే య॒జ్ఞేన॑ కల్పన్తామ్ ॥ 6॥ య॒న్తా చ॑ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒ విశ్వం॑ చ మే॒ మహ॑శ్చ మే సం॒విచ్చ॑ మే॒ జ్ఞాత్రం॑ చ మే॒ సూశ్చ॑ మే ప్ర॒సూశచ॒॑ మే॒ సీరం॑ చ మే॒ లయ॑శ్చ మే య॒జ్ఞేన॑ కల్పన్తామ్ ॥ 7॥ శ-ఞ్చ॑ మే॒ మయ॑శ్చ మే ప్రి॒య-ఞ్చ॑ మే-ఽనుకా॒మశ్చ॑ మే॒ కామ॑శ్చ మే సౌమన॒సశ్చ॑ మే॒ భగ॑శ్చ మే॒ ద్రవి॑ణ-ఞ్చ మే భ॒ద్ర-ఞ్చ॑ మే॒ శ్రేయ॑శ్చ మే॒ వసీ॑యశ్చ మే॒ యశ॑శ్చ మే య॒జ్ఞేన॑ కల్పన్తామ్ ॥ 8॥ ఊర్క్చ॑ మే సూ॒నృతా॑ చ మే॒ పయ॑శ్చ మే॒ రస॑శ్చ మే ఘృ॒త-ఞ్చ॑ మే॒ మధు॑ చ మే॒ సగ్ధి॑శ్చ మే॒ సపీ॑తిశ్చ మే కృ॒షిశ్చ॑ మే॒ వృష్టి॑శ్చ మే॒ జైత్రం॑ చ మ॒ ఔద్భి॑ద్య-ఞ్చ మే య॒జ్ఞేన॑ కల్పన్తామ్ ॥ 9॥ ర॒యిశ్చ॑ మే॒ రాయ॑శ్చ మే పు॒ష్ట-ఞ్చ॑ మే॒ పుష్టి॑శ్చ మే వి॒భు చ॑ మే ప్ర॒భు చ॑ మే పూ॒ర్ణ-ఞ్చ॑ మే పూ॒ర్ణత॑ర-ఞ్చ మే॒ కుయ॑వ-ఞ్చ॒ మే-ఽక్షి॑త-ఞ్చ॒ మే-ఽన్నం॑ చ॒ మే-ఽక్షు॑చ్చ మే య॒జ్ఞేన॑ కల్పన్తామ్ ॥ 10॥ వి॒త్త-ఞ్చ॑ మే॒ వేద్యం॑ చ మే భూ॒త-ఞ్చ॑ మే భవి॒ష్యచ్చ॑ మే సు॒గ-ఞ్చ॑ మే సుప॒థ్యం॒ చ మ ఋ॒ద్ధ-ఞ్చ॑ మ॒ ఋద్ధి॑శ్చ మే క్లృ॒ప్త-ఞ్చ॑ మే॒ క్లృప్తి॑శ్చ మే మ॒తిశ్చ॑ మే సుమ॒తిశ్చ॑ మే య॒జ్ఞేన॑ కల్పన్తామ్ ॥ 11॥ వ్రీ॒హయ॑శ్చ మే॒ యవా॑శ్చ మే॒ మాషా॑శ్చ మే॒ తిలా॑శ్చ మే ము॒ద్రాశ్చ॑ మే॒ ఖల్వా॑శ్చ మే ప్రి॒యఙ్గ॑వశ్చ॒ మే-ఽణ॑వశ్చ మే శ్యా॒మాకా॑శ్చ మే నీ॒వారా॑శ్చ మే గో॒ధూమా॑శ్చ మే మ॒సూరా॑శ్చ మే య॒జ్ఞేన॑ కల్పన్తామ్ ॥ 12॥ అశ్మా॑ చ మే॒ మృత్తి॑కా చ మే గి॒రయ॑శ్చ మే॒ పర్వ॑తాశ్చ మే॒ సిక॑తాశ్చ మే॒ వన॒స్పత॑యశ్చ మే॒ హిర॑ణ్య-ఞ్చ॒ మే-ఽయ॑శ్చ మే శ్యా॒మ-ఞ్చ॑ మే లో॒హ-ఞ్చ॑ మే॒ సీసం॑ చ మే॒ త్రపు॑ చ మే య॒జ్ఞేన॑ కల్పన్తామ్ ॥ 13॥ అ॒గ్నిశ్చ॑ మ॒ ఆప॑శ్చ మే వీ॒రుధ॑శ్చ మ॒ ఓష॑ధయశ్చ మే కృష్టప॒చ్యాశ్చ॑ మే-ఽకృష్టప॒చ్యాశ్చ॑ మే గ్రా॒మ్యాశ్చ॑ మే ప॒శవ॑ ఆర॒ణ్యాశ్చ॑ మే వి॒త్త-ఞ్చ॑ మే॒ విత్తి॑శ్చ మే భూ॒త-ఞ్చ॑ మే॒ భూతి॑శ్చ మే య॒జ్ఞేన॑ కల్పన్తామ్ ॥ 14॥ వసు॑ చ మే వస॒తిశ్చ॑ మే॒ కర్మ॑ చ మే॒ శక్తి॑శ్చ॒ మే-ఽర్థ॑శ్చ మ॒ ఏమ॑శ్చ మ ఇ॒త్యా చ॑ మే॒ గతి॑శ్చ మే య॒జ్ఞేన॑ కల్పన్తామ్ ॥ 15॥ అ॒గ్నిశ్చ॑ మ॒ ఇన్ద్ర॑శ్చ మే॒ సోమ॑శ్చ మ॒ ఇన్ద్ర॑శ్చ మే సవి॒తా చ॑ మ॒ ఇన్ద్ర॑శ్చ మే॒ సర॑స్వతీ చ మ॒ ఇన్ద్ర॑శ్చ మే పూ॒షా చ॑ మ॒ ఇన్ద్ర॑శ్చ మే॒ బృహ॒స్పతి॑శ్చ మ॒ ఇన్ద్ర॑శ్చ మే య॒జ్ఞేన॑ కల్పన్తామ్ ॥ 16॥ మి॒త్రశ్చ॑ మ॒ ఇన్ద్ర॑శ్చ మే॒ వరు॑ణశ్చ మ॒ ఇన్ద్ర॑శ్చ మే ధా॒తా చ॑ మ॒ ఇన్ద్ర॑శ్చ మే॒ త్వష్టా॑ చ మ॒ ఇన్ద్ర॑శ్చ మే మ॒రుత॑శ్చ మ॒ ఇన్ద్ర॑శ్చ మే॒ విశ్వే॑ చ మే దే॒వా ఇన్ద్ర॑శ్చ మే య॒జ్ఞేన॑ కల్పన్తామ్ ॥ 17॥ పృ॒థి॒వీ చ॑ మ॒ ఇన్ద్ర॑శ్చ॒ మే-ఽన్తరి॑క్ష-ఞ్చ మ॒ ఇన్ద్ర॑శ్చ మే॒ ద్యౌశ్చ॑ మ॒ ఇన్ద్ర॑శ్చ మే॒ సమా॑శ్చ మ॒ ఇన్ద్ర॑శ్చ మే॒ నక్ష॑త్రాణి చ మ॒ ఇన్ద్ర॑శ్చ మే॒ దిశ॑శ్చ మ॒ ఇన్ద్ర॑శ్చ మే య॒జ్ఞేన॑ కల్పన్తామ్ ॥ 18॥ అ॒గ్ంశుశ్చ॑ మే ర॒శ్మిశ్చ॒ మే-ఽదా॑భ్యశ్చ॒ మే-ఽధి॑పతిశ్చ మ ఉపా॒గ్ంశుశ్చ॑ మే-ఽన్తర్యా॒మశ్చ॑ మ ఐన్ద్రవాయ॒వశ్చ॑ మే మైత్రావరు॒ణశ్చ॑ మ ఆశ్వి॒నశ్చ॑ మే ప్రతిప్ర॒స్థాన॑శ్చ మే శు॒క్రశ్చ॑ మే మ॒న్థీ చ॑ మే య॒జ్ఞేన॑ కల్పన్తామ్ ॥ 19॥ ఆ॒గ్ర॒యా॒ణశ్చ॑ మే వైశ్వదే॒వశ్చ॑ మే ధ్రు॒వశ్చ॑ మే వైశ్వాన॒రశ్చ॑ మ ఐన్ద్రా॒గ్నశ్చ॑ మే మ॒హావై॑శ్వదేశ్చ మే మరుత్వ॒తీయా॑శ్చ మే॒ నిష్కే॑వల్యశ్చ మే సావి॒త్రశ్చ॑ మే సారస్వ॒తశ్చ॑ మే పాత్నీవ॒తశ్చ॑ మే హారియోజ॒నశ్చ॑ మే య॒జ్ఞేన॑ కల్పన్తామ్ ॥ 20॥ స్రుచ॑శ్చ మే చమ॒సాశ్చ॑ మే వాయ॒వ్యా॒ని చ మే ద్రోణకల॒శశ్చ॑ మే॒ గ్రావా॑ణశ్చ మే-ఽధి॒షవ॑ణే చ మే పూత॒భృచ్చ॑ మ ఆధవ॒నీయ॑శ్చ మే॒ వేది॑శ్చ మే బ॒ర్​హిశ్చ॑ మే-ఽవభృ॒తశ్చ॑ మే స్వగాకా॒రశ్చ॑ మే య॒జ్ఞేన॑ కల్పన్తామ్ ॥ 21॥ అ॒గ్నిశ్చ॑ మే ఘ॒ర్మశ్చ॑ మే॒-ఽర్కశ్చ॑ మే॒ సూర్య॑శ్చ మే ప్రా॒ణశ్చ॑ మే-ఽశ్వమే॒ధశ్చ॑ మే పృథి॒వీ చ॒ మే-ఽది॑తిశ్చ మే॒ దితి॑శ్చ మే॒ ద్యౌశ్చ॑ మే॒-ఽఙ్గుల॑య॒: శక్వ॑రయో॒ దిశ॑శ్చ మే య॒జ్ఞేన॑ కల్పన్తామ్ ॥ 22॥ వ్ర॒త-ఞ్చ॑ మ ఋ॒తవ॑శ్చ మే॒ తప॑శ్చ మే సం​వఁత్స॒రశ్చ॑ మే అహోరా॒త్రే ఊ॑ర్వష్ఠీ॒వే బృ॑హద్రథన్త॒రే చ॑ మే య॒జ్ఞేన॑ కల్పన్తామ్ ॥ 23॥ ఏకా॑ చ మే తి॒స్రశ్చ॑ మే తి॒స్రశ్చ॑ మే॒ పఞ్చ॑ చ మే॒ పఞ్చ॑ చ మే స॒ప్త చ॑ మే స॒ప్త చ॑ మే॒ నవ॑ చ మే॒ నవ॑ చ మ॒ ఏకా॑దశ చ మ॒ ఏకా॑దశ చ మే॒ త్రయో॑దశ చ మే॒ త్రయో॑దశ చ మే॒ పఞ్చ॑దశ చ మే॒ పఞ్చ॑దశ చ మే స॒ప్తద॑శ చ మే స॒ప్తద॑శ చ మే॒ నవ॑దశ చ మే॒ నవ॑దశ చ మ॒ ఏక॑విగ్ంశతిశ్చ మ॒ ఏక॑విగ్ంశతిశ్చ మే॒ త్రయో॑విగ్ంశతిశ్చ మే॒ త్రయో॑విగ్ంశతిశ్చ మే॒ పఞ్చ॑విగ్ంశతిశ్చ మే॒ పఞ్చ॑విగ్ంశతిశ్చ మే స॒ప్తవి॑గ్ంశతిశ్చ మే ప్తవి॑గ్ంశతిశ్చ మే॒ నవ॑విగ్ంశతిశ్చ మే॒ నవ॑విగ్ంశతిశ్చ మ॒ ఏక॑త్రిగ్ంశచ్చ మ॒ ఏక॑త్రిగ్ంశచ్చ మే॒ త్రయ॑స్త్రిగ్ంశచ్చ మే య॒జ్ఞేన॑ కల్పన్తామ్ ॥ 24॥ చత॑స్రశ్చ మే॒-ఽష్టౌ చ॑ మే॒-ఽష్టౌ చ॑ మే॒ ద్వాద॑శ చ మే॒ ద్వాద॑శ చ మే॒ షోడ॑శ చ మే॒ షోడ॑శ చ మే విగ్ంశ॒తిశ్చ॑ మే విగ్ంశతిశ్చ॑ మే॒ చతు॑ర్విగ్ంశతిశ్చ మే॒ చతు॑ర్విగ్ంశ॒తిశ్చ॑ మే॒-ఽష్టావి॑గ్ంశతిశ్చ మే॒-ఽష్టావి॑గ్ంశతిశ్చ మే॒ ద్వాత్రి॑గ్ంశచ్చ మే॒ ద్వాత్రి॑గ్ంశచ్చ మే॒ షట్త్రి॑గ్ంశచ్చ మే॒ షట్త్రి॑గ్ంశచ్చ మే చత్వారి॒గ్ంశచ్చ॑ మే చత్వారి॒గ్ంశచ్చ॑ మే॒ చతు॑శ్చత్వారిగ్ంశచ్చ మే॒ చతు॑శ్చత్వారిగ్ంశచ్చ మే॒-ఽష్టాచ॑త్వారిగ్ంశచ్చ మే య॒జ్ఞేన॑ కల్పన్తామ్ ॥ 25॥ త్ర్యవి॑శ్చ మే త్ర్య॒వీ చ॑ మే దిత్య॒వాట్ చ॑ మే దిత్యౌ॒హీ చ॑ మే పఞ్చా॒విశ్చ॑ మే పఞ్చా॒వీ చ॑ మే త్రివ॒త్సశ్చ॑ మే త్రివ॒త్సా చ॑ మే తుర్య॒వాట్ చ॑ మే తుర్యౌ॒హీ చ॑ మే య॒జ్ఞేన॑ కల్పన్తామ్ ॥ 26॥ ప॒ష్ఠ॒వాట్ చ॑ మే పష్ఠౌ॒హీ చ॑ మ ఉ॒క్షా చ॑ మే వ॒శా చ॑ మ ఋష॒భశ్చ॑ మే వే॒హచ్చ॑ మే-ఽన॒డ్వాంశ్చ॑ మే ధే॒నుశ్చ॑ మే య॒జ్ఞేన॑ కల్పన్తామ్ ॥ 27॥ వాజా॑య॒ స్వాహా॑ ప్రస॒వాయ॒ స్వాహా॑-ఽపి॒జాయ॒ స్వాహా॒ క్రత॑వే॒ స్వాహా॒ వస॑వే॒ స్వాహా॑-ఽహ॒ర్పత॑యే॒ స్వాహాహ్నే॑ ము॒గ్ధాయ॒ స్వాహా॑ ము॒గ్ధాయ॑ వైనగ్ంశి॒నాయ॒ స్వాహా॑ విన॒శిన॑ ఆన్త్యాయ॒నాయ॒ స్వాహాన్త్యా॑య భౌవ॒నాయ॒ స్వాహా॒ భువ॑నస్య॒ పత॑యే॒ స్వాహాధి॑పతయే॒ స్వాహా॑ ప్ర॒జాప॑తయే॒ స్వాహా॑ । ఇ॒య-న్తే॒ రాణ్మి॒త్రాయ॑ య॒న్తా-ఽసి॒ యమ॑న ఊ॒ర్జే త్వా॒ వృష్ట్యై॑ త్వా ప్ర॒జానాం॒ త్వాధి॑పత్యాయ ॥ 28॥ ఆయు॑ర్య॒జ్ఞేన॑ కల్పతా-మ్ప్రా॒ణో య॒జ్ఞేన॑ కల్పతాం॒ చక్షు॑ర్య॒జ్ఞేన॑ కల్పతా॒గ్ంశ్రోత్రం॑ య॒జ్ఞేన॑ కల్పతాం॒ వాగ్య॒జ్ఞేన॑ కల్పతాం॒ మనో॑ య॒జ్ఞేన॑ కల్పతామా॒త్మా య॒జ్ఞేన॑ కల్పతా-మ్బ్ర॒హ్మా య॒జ్ఞేన॑ కల్పతాం॒ జ్యోతి॑ర్య॒జ్ఞేన॑ కల్పతాం॒ స్వ॒ర్య॒జ్ఞేన॑ కల్పతా-మ్పృ॒ష్ఠం-యఁ॒జ్ఞేన॑ కల్పతాం-యఁ॒జ్ఞో య॒జ్ఞేన॑ కల్పతామ్ । స్తోమ॑శ్చ యజు॑శ్చ॒ ఋక్చ॒ సామ॑ చ బృ॒హచ్చ॑ రథన్త॒ర-ఞ్చ॑ । స్వ॑ర్దేవా అగన్మా॒మృతా॑ అభూమ ప్ర॒జాప॑తేః ప్ర॒జా అ॑భూమ॒ వేట్ స్వాహా॑ ॥ 29॥ ఇతి రుద్రే-ఽష్టమో-ఽధ్యాయః ॥ 8॥ 10. శాన్త్యధ్యాయః హరిః॑ ఓం ఋచం॒ వాచం॒ ప్రప॑ద్యే॒ మనో॒ యజుః॒ ప్రప॑ద్యే॒ సామ॑ ప్రా॒ణ-మ్ప్రప॑ద్యే॒ చక్షు॒-శ్శ్రోత్రం॒ ప్రప॑ద్యే । వాగోజః॑ స॒హౌజో॒ మయి॑ ప్రాణాపా॒నౌ ॥ 1॥ యన్మే॑ ఛి॒ద్ర-ఞ్చక్షు॑షో॒ హృద॑యస్య॒ మన॑సో॒ వాతి॑తృణ్ణం॒ బృహ॒స్పతి॑ర్మే॒ తద్ద॑ధాతు । శ-న్నో॑ భవతు॒ భువ॑నస్య॒ యస్పతిః॑ ॥ 2॥ భూర్భువ॒-స్స్వః॒ తత్స॑వి॒తుర్వరే॑ణ్యం॒ భర్గో॑ దే॒వస్య॑ ధీమహి । ధియో॒ యో నః॑ ప్రచో॒దయా॑త్ ॥ 3॥ కయా॑ నశ్చి॒త్ర ఆభు॑వదూ॒తీ స॒దావృ॑ధ॒-స్సఖా॑ । కయా॒ శచి॑ష్ఠయా వృ॒తా ॥ 4॥ కస్త్వా॑ స॒త్యో మదా॑నాం॒ మగ్ంహి॑ష్ఠో మత్స॒దన్ధ॑సః । దృ॒ఢా చి॑దా॒రుజే॒ వసు॑ ॥ 5॥ అ॒భీ షు ణ॒-స్సఖీ॑నామవి॒తా జ॑రితౄ॒ణామ్ । శ॒త-మ్భ॑వాస్యూ॒తిభిః॑ ॥ 6॥ కయా॒ త్వ-న్న ఊ॒త్యాభి ప్రమ॑న్దసే వృషన్న్ । కయా॑ స్తో॒తృభ్య॒ ఆభ॑ర ॥ 7॥ ఇన్ద్రో॒ విశ్వ॑స్య రాజతి । శ-న్నో॑ అస్తు ద్వి॒పదే॒ శ-ఞ్చతు॑ష్పదే ॥ 8॥ శ-న్నో॑ మి॒త్ర: శం-వఁరు॑ణ॒-శ్శ-న్నో॑ భవత్వర్య॒మా । శ-న్న॒ ఇన్ద్రో॒ బృహ॒స్పతి॒-శ్శ-న్నో॒ విష్ణు॑రురుక్ర॒మః ॥ 9॥ శ-న్నో॒ వాతః॑ పవతా॒గ్ం శ-న్న॑స్తపతు॒ సూర్యః॑ । శ-న్నః॒ కని॑క్రదద్దే॒వః ప॒ర్జన్యో॑ అ॒భివ॑ర్​షతు ॥ 10॥ అహా॑ని॒ శ-మ్భవ॑న్తు న॒-శ్శగ్ం రాత్రీః॒ ప్రతి॑ధీయతామ్ । శ-న్న॑ ఇన్ద్రా॒గ్నీ భ॑వతా॒మవో॑భి॒-శ్శ-న్న॒ ఇన్ద్రా॒వరు॑ణా రా॒తహ॑వ్యా । శ-న్న॑ ఇన్ద్రాపూ॒షణా॒ వాజ॑సాతౌ॒ శమిన్ద్రా॒సోమా॑ సువి॒తాయ॒ శం-యోః ఁ॥ 11॥ శ-న్నో॑ దే॒వీర॒భిష్ట॑య॒ ఆపో॑ భవన్తు పీ॒తయే॑ । శం-యోఁర॒భిస్ర॑వన్తు నః ॥ 12॥ స్యో॒నా పృ॑థివి నో భవానృక్ష॒రా ని॒వేశ॑నీ । యచ్ఛా॑ న॒-శ్శర్మ॑ స॒ప్రథాః॑ ॥ 13॥ ఆపో॒ హి ష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హే రణా॑య॒ చక్ష॑సే ॥ 14॥ యో వః॑ శి॒వత॑మో॒ రస॒స్తస్య॑ భాజయతే॒హ నః॑ । ఉ॒శ॒తీరి॑వ మా॒తరః॑ ॥ 15॥ తస్మా॒ అరం॑ గమామ వో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః ॥ 16॥ ద్యౌ: శాన్తి॑ర॒న్తరి॑క్ష॒గ్ం శాన్తిః॑ పృథి॒వీ శాన్తి॒రాప॒-శ్శాన్తి॒రోష॑ధయ॒-శ్శాన్తిః॑ । వన॒స్పత॑య॒-శ్శాన్తి॒ర్విశ్వే॑ దే॒వా-శ్శాన్తి॒ర్బ్రహ్మ॒ శాన్తి॒-స్సర్వ॒గ్ం శాన్తిః॒ శాన్తి॑రే॒వ శాన్తి॒-స్సా మా॒ శాన్తి॑రేధి ॥ 17॥ దృతే॒ దృగ్ంహ॑ మా మి॒త్రస్య॑ మా॒ చక్షు॑షా॒ సర్వా॑ణి భూ॒తాని॒ సమీ॑క్షన్తామ్ । మి॒త్రస్యా॒హ-ఞ్చక్షు॑షా॒ సర్వా॑ణి భూ॒తాని॒ సమీ॑క్షే । మి॒త్రస్య॒ చక్షు॑షా॒ సమీ॑క్షామహే ॥ 18॥ దృతే॒ దృగ్ంహ॑ మా మి॒త్రస్య॑ మా॒ చక్షు॑షా॒ సర్వా॑ణి భూ॒తాని॒ సమీ॑క్షన్తామ్ । జ్యోక్తే॑ స॒న్దృశి॑ జీవ్యాసం॒ జ్యోక్తే॑ స॒న్దృశి॑ జీవ్యాసమ్ ॥ 19॥ నమ॑స్తే॒ హర॑సే శో॒చిషే॒ నమ॑స్తే అస్త్వ॒ర్చిషే॑ । అ॒న్యా.ణ్స్తే॑ అ॒స్మత్త॑పన్తు హే॒తయః॑ పావ॒కో అ॒స్మభ్య॑గ్ం శి॒వో భ॑వ ॥ 20॥ నమ॑స్తే అస్తు వి॒ద్యుతే॒ నమ॑స్తే స్తనయి॒త్నవే॑ । నమ॑స్తే భగవన్నస్తు॒ యత॒-స్స్వః॒ స॒మీహ॑సే ॥ 21॥ యతో॑ యత-స్స॒మీహ॑సే॒ తతో॑ నో॒ అభ॑య-ఙ్కురు । శ-న్నః॑ కురు ప్ర॒జాభ్యో-ఽభ॑య-న్నః ప॒శుభ్యః॑ ॥ 22॥ సు॒మి॒త్రి॒యా న॒ ఆప॒ ఓష॑ధయ-స్సన్తు దుర్మిత్రి॒యాస్తస్మై॑ సన్తు॒యో॒-ఽస్మా-న్ద్వేష్టి॒ య-ఞ్చ॑ వ॒య-న్ద్వి॒ష్మః ॥ 23॥ తచ్చక్షు॑ర్దే॒వహి॑త-మ్పు॒రస్తా॑చ్ఛు॒క్రముచ్చ॑రత్ । పశ్యే॑మ శ॒రదః॑ శ॒త-ఞ్జీవే॑మ శ॒రదః॑ శ॒తగ్ం శృణు॑యామ శ॒రదః॑ శ॒తం ప్రబ్ర॑వామ శ॒రదః॑ శ॒తమదీ॑నా-స్స్యామ శ॒రదః॑ శ॒త-మ్భూయ॑శ్చ శ॒రదః॑ శ॒తాత్ ॥ 24॥ ఇతి రుద్రే శాన్త్యధ్యాయః ॥ 9॥ 11. స్వస్తి ప్రార్థనా మన్త్రాః హరిః॑ ఓం ఓం స్వ॒స్తి న॒ ఇన్ద్రో॑ వృ॒ద్ధశ్ర॑వాః । స్వ॒స్తి నః॑ పూ॒షా వి॒శ్వవే॑దాః । స్వ॒స్తి న॒స్తార్క్ష్యో॒ అరి॑ష్టనేమిః । స్వ॒స్తి నో॒ బృహ॒స్పతి॑ర్దధాతు ॥ 1॥ ఓం పయః॑ పృథి॒వ్యా-మ్పయ॒ ఓష॑ధీషు॒ పయో॑ ది॒వ్యన్తరి॑క్షే॒ పయో॑ ధాః । పయ॑స్వతీః ప్ర॒దిశః॑ సన్తు॒ మహ్య॑మ్ ॥ 2॥ ఓం విష్ణో॑ ర॒రాట॑మసి॒ విష్ణో॒-శ్శ్నప్త్రే॑ స్థో విష్ణో॒-స్స్యూర॑సి॒ విష్ణో॑ర్ధ్రు॒వో॒-ఽసి । వై॒ష్ణ॒వమ॑సి॒ విష్ణ॑వే త్వా ॥ 3॥ ఓం అ॒గ్నిర్దే॒వతా॒ వాతో॑ దే॒వతా॒ సూర్యో॑ దే॒వతా॑ చ॒న్ద్రమా॑ దే॒వతా॒ వస॑వో దే॒వతా॑ రు॒ద్రా దే॒వతా॑ది॒త్యా దే॒వతా॑ మ॒రుతో॑ దే॒వతా॒ విశ్వే॑దే॒వా దేవతా॒ బృహ॒స్పతి॑ర్దే॒వతేన్ద్రో॑ దే॒వతా॒ వరు॑ణో దే॒వతా॑ ॥ 4॥ ఓం స॒ద్యోజా॒త-మ్ప్ర॑పద్యా॒మి॒ స॒ద్యోజా॒తాయ॒ వై నమో॒ నమః॑ । భ॒వే భ॑వే॒ నాతి॑భవే భవస్వ॒ మామ్ । భ॒వోద్భ॑వాయ॒ నమః॑ ॥ 5॥ వా॒మ॒దే॒వాయ॒ నమో॑ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమః॒ సర్వ॑భూతదమనాయ॒ నమో॑ మ॒నోన్మ॑నాయ॒ నమః॒ ॥ 6॥ అ॒ఘోరే॑భ్యో-ఽథ॒ ఘోరే॑భ్యో॒ ఘోర॒ఘోర॑తరేభ్యః । స॒ర్వేభ్య-స్సర్వ॒ శ॑ర్వేభ్యో॒ నమ॑స్తే-ఽస్తు రు॒ద్రరూ॑పేభ్యః ॥ 7॥ (స॒ర్వతః॑ శర్వ॒ సర్వే॑భ్యో॒) తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా॑త్ ॥ 8॥ ఈశానస్సర్వ॑విద్యా॒నా॒మీశ్వర-స్సర్వ॑భూతా॒నాం॒ । బ్రహ్మాధి॑పతి॒ర్బ్రహ్మ॒ణో-ఽధి॑పతి॒ర్బ్రహ్మా॑ శి॒వో మే॑-ఽస్తు సదాశి॒వోమ్ ॥ 9॥ ఓం శి॒వో నామా॑సి॒ స్వధి॑తిస్తే పి॒తా నమ॑స్తే అస్తు॒ మా మా॑ హిగ్ంసీః । నివ॑ర్తయామ్యాయు॑షే॒-ఽన్నాద్యా॑య॒ ప్రజన॑నాయ రా॒యస్పోషా॑య సుప్రజా॒స్త్వాయ॑ సు॒వీర్యా॑య ॥ 10॥ ఓం విశ్వా॑ని దేవ సవితర్దురి॒తాని॒ పరాసువ । యద్భ॒ద్ర-న్తన్న॒ ఆసువ ॥ 11॥ ఓం ద్యౌ-శ్శాన్తి॑ర॒న్తరి॑క్ష॒గ్ం శాన్తిః॑ పృథి॒వీ శాన్తి॒రాప॒-శ్శాన్తి॒రోష॑ధయ॒-శ్శాన్తిః॑ । వన॒స్పత॑య॒-శ్శాన్తి॒ర్విశ్వే॑దే॒వా-శ్శాన్తి॒ర్బ్రహ్మ॒ శాన్తి॒-స్సర్వ॒గ్ం శాన్తి॒-శ్శాన్తి॑రే॒వ శాన్తి॒-స్సా మా॒ శాన్తి॑రేధి ॥ 12॥ ఓం సర్వేషాం-వాఁ ఏష వేదానాగ్ంరసో యత్సామః । సర్వేషామేవైనమేతద్ వేదానాగ్ం రసేనాభిషిఞ్చతి ॥ 13॥ ఓం శాన్తి॒-శ్శాన్తి॒-శ్శాన్తిః॑ ॥ అనేన శ్రీ రుద్రాభిషేకకర్మణా శ్రీ భవానీశఙ్కర మహారుద్రాః ప్రీయతా-న్న మమ । ఇతి శ్రీశుక్లయజుర్వేదీయ రుద్రాష్టాధ్యాయీ సమాప్తా । ॥ ఓం సామ్బ సదాశివార్పణమస్తు ॥