rudrāṣṭādhyāyī (śukla yajurveda)

iti rudre prathamo-'dhyāyaḥ || 1|| 3. dvitīyo'dhyāyaḥ - puruṣa sūktam hariḥ̭ oṃ sa॒hasra̭śīr​ṣā॒ purṷṣa-ssahasrā॒kṣa-ssa॒hasra̭pāt | sa bhūmi̭gṃ sa॒rvataḥ̭ spṛ॒tvātya̭tiṣṭhaddaśāṅgu॒lam || 1|| purṷṣa e॒vedagṃ sarvaṃ॒ yadbhū॒taṃ-ya~cca̭ bhā॒vya॒m | u॒tāmṛ̭ta॒tvasyeśā̭no॒ yadannḙnāti॒roha̭ti || 2|| e॒tāvā̭nasya mahi॒māto॒ jyāyā.ṇ̭śca॒ pūrṷṣaḥ | pādo̭-'sya॒ viśvā̭ bhū॒tāni̭ tri॒pāda̭syā॒mṛtaṃ̭ di॒vi || 3|| tri॒pādū॒rdhva udai॒tpurṷṣaḥ॒ pādo̭-'sye॒hābha̭va॒tpunaḥ̭ | tato॒ viṣva॒ṅ vya॒krāmatsāśanānaśa॒ne a॒bhi || 4|| tato̭ vi॒rāḍa̭jāyata vi॒rājo॒ adhi॒ pūrṷṣaḥ | sa jā॒to atya̭ricyata pa॒ścādbhūmi॒matho̭ pu॒raḥ || 5|| tasmā̭dya॒jñātsa̭rva॒huta॒-ssambhṛ̭ta-mpṛṣadā॒jyam | pa॒śū.ṇstā.ṇśca̭kre vāya॒vyā॒nāra॒ṇyā grā॒myāśca॒ ye || 6|| tasmā̭dya॒jñātsa̭rva॒huta॒ ṛca॒-ssāmā̭ni jajñire | chandā̭gṃsi jajñire॒ tasmā॒dyaju॒stasmā̭dajāyata || 7|| tasmā॒daśvā̭ ajāyanta॒ ye ke co̭bha॒yāda̭taḥ | gāvo̭ ha jajñire॒ tasmā॒ttasmā̭jjā॒tā a̭jā॒vayaḥ̭ || 8|| taṃ-ya~॒jña-mba॒r​hiṣi॒ praukṣa॒npurṷṣa-ñjā॒tama̭gra॒taḥ | tena̭ de॒vā a̭yajanta sā॒dhyā ṛṣa̭yaśca॒ ye || 9|| yatpurṷṣaṃ॒ vyada̭dhuḥ kati॒dhā vya̭kalpayann | mukhaṃ॒ kima̭syāsī॒-tki-mbā॒hū kimū॒rū pādā̭ ucyete || 10|| brā॒hma॒ṇo॒-'sya॒ mukha̭māsīdbā॒hū rā̭ja॒nyaḥ॒ kṛ॒taḥ | ū॒rū tada̭sya॒ yadvai̭śyaḥ pa॒dbhyāgṃ śū॒dro a̭jāyata || 11|| ca॒ndramā॒ mana̭so jā॒taścakṣoḥ॒ sūryo̭ ajāyata | śrotrā̭dvā॒yuśca̭ prā॒ṇaśca॒ mukhā̭da॒gnira̭jāyata || 12|| nābhyā̭ āsīda॒ntari̭kṣagṃ śī॒r​ṣṇo dyau॒-ssama̭vartata | pa॒dbhyā-mbhūmi॒rdiśa॒-śśrotrā॒ttathā̭ lo॒kā.ṇa2 || a̭kalpayann || 13|| yatpurṷṣeṇa ha॒viṣā̭ de॒vā ya॒jñamata̭nvata | va॒sa॒nto॒-'syāsī॒dājyaṃ̭ grī॒ṣma i॒dhma-śśa॒raddha॒viḥ || 14|| sa॒ptāsyā̭sanpari॒dhaya॒strissa॒pta sa॒midhaḥ̭ kṛ॒tāḥ | de॒vā yadya॒jña-nta̭nvā॒nā aba̭dhna॒-npurṷṣa-mpa॒śum || 15|| ya॒jñena̭ ya॒jñama̭yajanta de॒vāstāni॒ dharmā̭ṇi pratha॒mānyā̭sann | te ha॒ nākaṃ̭ mahi॒mānaḥ̭ sacanta॒ yatra॒ pūrvḙ sā॒dhyā-ssanti̭ de॒vāḥ || 16|| a॒dbhya-ssambhṛ̭taḥ pṛthivyai॒ rasā̭cca vi॒śvaka̭rmaṇa॒-ssama̭varta॒tāgrḙ | tasya॒ tvaṣṭā̭ vi॒dadha̭drū॒pamḙti॒ tanmartya̭sya deva॒tvamā॒jāna॒magrḙ || 17|| vedā॒hame॒ta-mpurṷṣa-mma॒hānta̭mādi॒tyava̭rṇaṃ॒ tama̭saḥ pa॒rastā̭t | tame॒va vi̭di॒tvā-'ti̭ mṛ॒tyumḙti॒ nānyaḥ panthā̭ vidya॒te-'ya̭nāya || 18|| pra॒jāpa̭tiśca॒rati॒ garbhḙ a॒ntarajā̭yamāno bahu॒dhā vi jā̭yate | tasya॒ yoniṃ॒ pari̭paśyanti॒ dhīrā॒stasmi̭nha tasthu॒rbhuva̭nāni॒ viśvā̭ || 19|| yo de॒vebhya̭ ā॒tapa̭ti॒ yo de॒vānāṃ̭ pu॒rohi̭taḥ | pūrvo॒ yo de॒vebhyo̭ jā॒to namo̭ ru॒cāya॒ brāhma̭ye || 20|| ru॒ca-mbrā॒hmya-ñja॒naya̭nto de॒vā agre॒ tada̭bruvann | yastvai॒va-mbrā̭hma॒ṇo vi॒dyāttasya̭ de॒vā a̭sa॒nvaśḙ || 21|| śrīśca̭ te la॒kṣmīśca॒ patnyā̭vahorā॒tre pā॒r​śve nakṣa̭trāṇi rū॒pama॒śvinau॒ vyātta̭m | i॒ṣṇanni̭ṣāṇā॒mu-mma̭ iṣāṇa sarvalo॒ka-mma̭ iṣāṇa || 22|| iti rudre dvitīyo-'dhyāyaḥ || 2|| 4. tṛtīyo'dhyāyaḥ - apratiratha sūktam hari̭ oṃ ā॒śu-śśiśā̭no vṛṣa॒bho na bhī॒mo gha̭nāgha॒naḥ, kṣobha̭ṇaścar​ṣaṇī॒nām | sa॒ṅkranda̭no-'nimi॒ṣa ḙkavī॒ra-śśa॒tagṃ senā̭ ajayatsā॒kamindraḥ̭ || 1|| sa॒ṅkranda̭nenā-'nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā̭ | tadindrḙṇa jayata॒ tatsa̭hadhvaṃ॒ yudho̭ nara॒ iṣṷhastena॒ vṛṣṇā̭ || 2|| sa iṣṷhastaiḥ॒ sa ni̭ṣa॒ṅgibhi̭rva॒śī sagṃsra̭ṣṭā॒ sa yudha॒ indro̭ ga॒ṇena̭ | sa॒gṃsṛṣṭa॒jitso̭ma॒pā bā̭huśa॒rdhyugradha̭nvā॒ prati̭hitābhi॒rastā̭ || 3|| bṛha̭spate॒ pari̭dīyā॒ rathḙna rakṣo॒hāmitrā̭.ṇa2 apa॒bādha̭mānaḥ | pra॒bha॒ñjantsenāḥ̭ pramṛ॒ṇo yu॒dhā jaya̭nna॒smāka̭medhyavi॒tā rathā̭nām || 4|| ba॒la॒vi॒jñā॒ya-ssthavi̭raḥ॒ pravī̭ra॒-ssaha̭svānvā॒jī saha̭māna u॒graḥ | a॒bhivī̭ro a॒bhisa̭tvā saho॒jā jai̭tramindra॒ ratha॒māti̭ṣṭha go॒vit || 5|| go॒tra॒bhidaṃ̭ go॒vidaṃ॒ vajra̭bāhuṃ॒ jaya̭nta॒majma̭ pramṛ॒ṇanta॒moja̭sā | i॒magṃ sa̭jātā॒ anṷ vīrayadhva॒mindra̭gṃ sakhāyo॒ anu॒ sagṃra̭bhadhvam || 6|| a॒bhi go॒trāṇi॒ saha̭sā॒ gāha̭māno-'da॒yo vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭yu॒dhyo-'smāka॒gṃ senā̭ avatu॒ pra yu॒tsu || 7|| indra̭ āsā-nne॒tā bṛha॒spati॒rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭mabhibhañjatī॒nā-ñjaya̭ntīnā-mma॒ruto̭ ya॒ntvagra̭m || 8|| indra̭sya॒ vṛṣṇo॒ varṷṇasya॒ rājña̭ ādi॒tyānāṃ̭ ma॒rutā॒gṃ śardha̭ u॒gram | ma॒hāma̭nasā-mbhuvanacya॒vānāṃ॒ ghoṣo̭ de॒vānāṃ॒ jaya̭tā॒muda̭sthāt || 9|| uddha̭r​ṣaya maghava॒nnāyṷdhā॒nyutsatva̭nā-mmāma॒kānāṃ॒ manā̭gṃsi | udvṛ̭trahanvā॒jināṃ॒ vāji̭nā॒nyudrathā̭nāṃ॒ jaya̭tāṃ-ya~ntu॒ ghoṣāḥ̭ || 10|| a॒smāka॒mindra॒-ssamṛ̭teṣu dhva॒jeṣva॒smākaṃ॒ yā iṣa̭va॒stā ja̭yantu | a॒smākaṃ̭ vī॒rā utta̭re bhavantva॒smā.ṇa2 ṷ devā avatā॒ havḙṣu || 11|| a॒mīṣāṃ̭ ci॒tta-mpra̭tilo॒bhaya̭ntī gṛhā॒ṇāṅgā̭nyapve॒ parḙhi | a॒bhi prehi॒ nirda̭ha hṛ॒tsu śokai̭ra॒ndhenā॒mitrā॒stama̭sā sacantām || 12|| ava̭sṛṣṭā॒ parā̭pata॒ śara̭vye॒ brahma̭sagṃśite | gacchā॒mitrā॒nprapa̭dyasva॒ māmīṣāṅkañcanocchi̭ṣaḥ || 13|| pretā॒ jaya̭tā nara॒ indro̭ va॒-śśarma̭ yacchatu | u॒grā vaḥ̭ santu bā॒havo̭-'nādhṛ॒ṣyā yathāsa̭tha || 14|| asau॒ yā senā̭ marutaḥ॒ parḙṣāma॒bhyaiti̭ na॒ oja̭sā॒ spardha̭mānā | tā-ṅgṷ̄hata॒ tama॒sā-'pa̭vratena॒ yathā॒mī a॒nyo a॒nya-nna jā॒nann || 15|| yatra̭ bā॒ṇā-ssa॒mpata̭nti kumā॒rā vi̭śi॒khā i̭va | tanna॒ indro॒ bṛha॒spati॒radi̭ti॒-śśarma̭ yacchatu vi॒śvāhā॒ śarma̭ yacchatu || 16|| marmā̭ṇi te॒ varma̭ṇā chādayāmi॒ soma̭stvā॒ rājā॒-'mṛte॒nānṷvastām | u॒rorvarī̭yo॒ varṷṇaste kṛṇotu॒ jaya̭ntaṃ॒ tvānṷ de॒vā ma̭dantu || 17|| iti rudre tṛtīyo-'dhyāyaḥ || 3|| 5. caturtho'dhyāyaḥ - saura sūktam, maitra sūktam hariḥ̭ oṃ vi॒bhrāḍbṛ॒hatpi̭batu so॒mya-mmadhvāyu॒rdadha̭dya॒jñapa̭tā॒vavi̭hrutam | vāta̭jūto॒ yo a̭bhi॒rakṣa̭ti॒ tmanā̭ pra॒jāḥ pṷpoṣa puru॒dhā vi rā̭jati || 1|| udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya̭m || 2|| yenā̭ pāvaka॒ cakṣa̭sā bhura॒ṇyantaṃ॒ janā.ṅ​2 || anṷ | tvaṃ-va~̭ruṇa॒ paśya̭si || 3|| daivyā̭vadhvaryū॒ āga̭ta॒gṃ rathḙna॒ sūrya̭tvacā . madhvā̭ ya॒jñagṃ sama̭ñjāthe | ta-mpra॒tnathā॒-'yaṃ-ve~॒naści॒tra-nde॒vānā̭m || 4|| ta-mpra॒tnathā̭ pū॒rvathā̭ vi॒śvathe॒mathā̭ jye॒ṣṭhatā̭ti-mbar​hi॒ṣada̭gṃsva॒rvida̭m | pra॒tī॒cī॒naṃ-vṛ~॒janaṃ̭ dohase॒ dhuni̭mā॒śu-ñjaya̭nta॒manu॒ yāsu॒ vardha̭se || 5|| a॒yaṃ-ve~॒naśco̭daya॒tpṛśni̭garbhā॒ jyoti̭rjarāyū॒ raja̭so vi॒mānḙ | i॒mama॒pāgṃsa̭ṅga॒me sūrya̭sya॒ śiśu॒nna viprā̭ ma॒tibhī̭ rihanti || 6|| ci॒tra-nde॒vānā॒muda̭gā॒danī̭kaṃ॒ cakṣṷrmi॒trasya॒ varṷṇasyā॒gneḥ | āprā॒ dyāvā̭pṛthi॒vī a॒ntari̭kṣagṃ sūrya̭ ā॒tmā jaga̭tasta॒sthuṣa̭śca || 7|| ā na॒ iḍā̭bhirvi॒dathḙ suśa॒sti vi॒śvāna̭ra-ssavi॒tā de॒va ḙtu | api॒ yathā̭ yuvāno॒ matsa̭thā no॒ viśvaṃ॒ jaga̭dabhipi॒tve ma̭nī॒ṣā || 8|| yada॒dya kacca̭ vṛtrahannu॒dagā̭ a॒bhi sṷ̄rya | sarvaṃ॒ tadi̭ndra te॒ vaśḙ || 9|| ta॒raṇi̭rvi॒śvada̭r​śato jyoti॒ṣkṛda̭si sūrya | viśva॒mā bhā̭si roca॒nam || 10|| tatsūrya̭sya deva॒tva-ntanma̭hi॒tva-mma॒dhyā karto॒rvita̭ta॒gṃ sa-ñja̭bhāra | ya॒dedayṷkta ha॒ritaḥ̭ sa॒dhasthā॒dādrātrī॒ vāsa̭stanute si॒masmai̭ || 11|| tanmi॒trasya॒ varṷṇasyābhi॒cakṣe॒ sūryo̭ rū॒pa-ṅkṛ̭ṇute॒ dyoru॒pasthḙ | a॒na॒ntama॒nyadruśa̭dasya॒ pājaḥ̭ kṛ॒ṣṇama॒nyaddha॒rita॒-ssa-mbha̭ranti || 12|| baṇma॒hā.ṇa2 || a̭si sūrya॒ baḍā̭ditya ma॒hā.ṇa2 || a̭si | ma॒hastḙ sa॒to ma̭hi॒mā pa̭nasyate॒-'ddhā dḙva ma॒hā.ṇa2 || a̭si || 13|| baṭ sṷ̄rya॒ śrava̭sā ma॒hā.ṇa2 || a̭si . sa॒trā dḙva ma॒hā.ṇa2 || a̭si | ma॒hnā de॒vānā̭masu॒ryaḥ॒ pu॒rohi̭to vi॒bhu jyoti॒radā̭bhyam || 14|| śrāya̭nta iva॒ sūryaṃ॒ viśvedindra̭sya bhakṣata | vasṷ̄ni jā॒te jana̭māna॒ oja̭sā॒ prati̭ bhā॒ga-nna dī̭dhima || 15|| a॒dyā dḙvā॒ udi̭tā॒ sūrya̭sya॒ niragṃha̭saḥ pipṛ॒tā nira̭va॒dyāt | tanno̭ mi॒tro varṷṇo māmahantā॒madi̭ti॒-ssindhuḥ̭ pṛthi॒vī u॒ta dyauḥ || 16|| ā kṛ॒ṣṇena॒ raja̭sā॒ varta̭māno nive॒śaya̭nna॒mṛtaṃ॒ martyaṃ̭ ca | hi॒ra॒ṇyayḙna savi॒tā rathe॒nā de॒vo yā̭ti॒ bhuva̭nāni॒ paśya̭n || 17|| iti rudre caturtho-'dhyāyaḥ || 4|| 6. pañcamo'dhyāyaḥ - rudra sūktam (nīla sūktam) hariḥ̭ oṃ nama̭ste rudra ma॒nyava̭ u॒to ta॒ iṣa̭ve॒ namaḥ̭ | bā॒hubhyā̭mu॒ta te॒ namaḥ̭ || 1|| yā tḙ rudra śi॒vā ta॒nūragho॒rā-'pā̭pakāśinī | tayā̭ nasta॒nvā śanta̭mayā॒ giri̭śantā॒bhi cā̭kaśīhi || 2|| yāmiṣuṃ̭ giriśanta॒ hastḙ bi॒bhar​ṣyasta̭ve | śi॒vā-ṅgi̭ritra॒ tā-ṅkṷru॒ mā hi̭gṃsīḥ॒ purṷṣaṃ॒ jaga̭t || 3|| śi॒vena॒ vaca̭sā tvā giri॒śā-'cchā̭vadāmasi | yathā̭ na॒-ssarva॒mijjaga̭daya॒kṣmagṃ su॒manā॒ asa̭t || 4|| adhya̭vocadadhiva॒ktā pra̭tha॒mo daivyo̭ bhi॒ṣak | ahī̭gṃśca॒ sarvā̭ñja॒mbhaya॒ntsarvā̭śca yātudhā॒nyo॒-'dha॒rācīḥ॒ parā̭suva || 5|| asau॒ yastā॒mro a̭ru॒ṇa u॒ta ba॒bhru-ssṷma॒ṅgalaḥ̭ | ye cai̭nagṃ ru॒drā a॒bhito̭ di॒kṣu śri॒tā-ssa̭hasra॒śo-'vai̭ṣā॒gṃ heḍa̭ īmahe || 6|| asau॒ yo̭-'va॒sarpa̭ti॒ nīla̭grīvo॒ vilo̭hitaḥ | u॒tainaṃ̭ go॒pā a̭dṛśra॒nnadṛ̭śrannudahā॒rya-ssa dṛ॒ṣṭo mṛ̭ḍayāti naḥ || 7|| namo̭-'stu॒ nīla̭grīvāya sahasrā॒kṣāya̭ mī॒ḍhuṣḙ | atho॒ ye a̭sya॒ satvā̭no॒-'ha-ntebhyo̭-'karaṃ॒ namaḥ̭ || 8|| pramṷñca॒ dhanva̭na॒stvamu॒bhayo॒rārtnyo॒rjyām | yāśca̭ te॒ hasta॒ iṣa̭vaḥ॒ parā॒ tā bha̭gavo vapa || 9|| vijyaṃ॒ dhanuḥ̭ kapa॒rdino॒ viśa̭lyo॒ bāṇa̭vā.ṇa2 || u॒ta | anḙśannasya॒ yā iṣa̭va ā॒bhura̭sya niṣaṅga॒dhiḥ || 10|| yā tḙ he॒tirmī̭ḍhuṣṭama॒ hastḙ ba॒bhūva̭ te॒ dhanuḥ̭ | tayā॒smānvi॒śvata॒stvama̭ya॒kṣmayā॒ pari̭bhuja || 11|| pari̭ te॒ dhanva̭no he॒tira॒smānvṛ̭ṇaktu vi॒śvataḥ̭ | atho॒ ya i̭ṣu॒dhistavā॒re a॒smannidhḙhi॒ tam || 12|| a॒va॒tatya॒ dhanu॒ṣṭvagṃ saha̭srākṣa॒ śatḙṣudhe | ni॒śīrya̭ śa॒lyānāṃ॒ mukhā̭ śi॒vo naḥ̭ su॒manā̭ bhava || 13|| nama̭sta॒ āyṷdhā॒yānā̭tatāya dhṛ॒ṣṇavḙ | u॒bhābhyā̭mu॒ta te॒ namo̭ bā॒hubhyāṃ॒ tava॒ dhanva̭ne || 14|| mā no̭ ma॒hānta̭mu॒ta mā no̭ arbha॒ka-mmā na॒ ukṣa̭ntamu॒ta mā na̭ ukṣi॒tam | mā no̭ vadhīḥ pi॒taraṃ॒ mota̭ mā॒taraṃ॒ mā naḥ̭ pri॒yāsta॒nvo॒ rudra rīriṣaḥ || 15|| mā na̭sto॒ke tana̭ye॒ mā na॒ āyṷṣi॒ mā no॒ goṣu॒ mā no॒ aśvḙṣu rīriṣaḥ | mā no̭ vī॒rā-nrṷdra bhā॒mino̭ vadhīr​ha॒viṣma̭nta॒-ssada॒mittvā̭ havāmahe || 16|| namo॒ hira̭ṇyabāhave senā॒nye॒ di॒śā-ñca॒ pata̭ye॒ namo॒ namo̭ vṛ॒kṣebhyo॒ hari̭keśebhyaḥ paśū॒nā-mpata̭ye॒ namo॒ namaḥ̭ śa॒ṣpiñja̭rāya॒ tviṣī̭mate pathī॒nā-mpata̭ye॒ namo॒ namo॒ hari̭keśāyopavī॒tinḙ pu॒ṣṭānāṃ॒ pata̭ye॒ namaḥ̭ || 17|| namo̭ babhlu॒śāya̭ vyā॒dhine-'nnā̭nāṃ॒ pata̭ye॒ namo॒ namo̭ bha॒vasya̭ hetyai॒ jaga̭tāṃ॒ pata̭ye॒ namo॒ namo̭ ru॒drāyā̭tatā॒yine॒ kṣetrā̭ṇāṃ॒ pata̭ye॒ namo॒ namaḥ̭ sū॒tāyāha̭ntyai॒ vanā̭nāṃ॒ pata̭ye॒ namaḥ̭ || 18|| namo॒ rohi̭tāya stha॒pata̭ye vṛ॒kṣāṇāṃ॒ pata̭ye॒ namo॒ namo̭ bhuva॒ntayḙ vārivaskṛ॒tāyauṣa̭dhīnāṃ॒ pata̭ye॒ namo॒ namo̭ ma॒ntriṇḙ vāṇi॒jāya॒ kakṣā̭ṇāṃ॒ pata̭ye॒ namo॒ nama̭ u॒ccairgho̭ṣāyākra॒ndaya̭te pattī॒nā-mpata̭ye॒ namaḥ̭ || 19|| namaḥ̭ kṛtsnāya॒tayā॒ dhāva̭te॒ satva̭nāṃ॒ pata̭ye॒ namo॒ nama॒-ssaha̭mānāya nivyā॒dhina̭ āvyā॒dhinī̭nāṃ॒ pata̭ye॒ namo॒ namo̭ niṣa॒ṅgiṇḙ kaku॒bhāya̭ ste॒nānāṃ॒ pata̭ye॒ namo॒ namo̭ nice॒ravḙ parica॒rāyāra̭ṇyānāṃ॒ pata̭ye॒ namaḥ̭ || 20|| namo॒ vañca̭te pari॒vañca̭te stāyū॒nā-mpata̭ye॒ namo॒ namo̭ niṣa॒ṅgiṇa̭ iṣudhi॒mate॒ taska̭rāṇāṃ॒ pata̭ye॒ namo॒ namaḥ̭ sṛkā॒yibhyo॒ jighā̭gṃsadbhyo muṣṇa॒tā-mpata̭ye॒ namo॒ namo̭-'si॒madbhyo॒ nakta॒ñcara̭dbhyo vikṛ॒ntānāṃ॒ pata̭ye॒ namaḥ̭ || 21|| nama̭ uṣṇī॒ṣiṇḙ girica॒rāya̭ kulu॒ñcānāṃ॒ pata̭ye॒ namo॒ nama̭ iṣu॒madbhyo̭ dhanvā॒yibhya̭śca vo॒ namo॒ nama̭ ātanvā॒nebhyaḥ̭ prati॒dadhā̭nebhyaśca vo॒ namo॒ nama̭ ā॒yaccha॒dbhyo-'sya̭dbhyaśca vo॒ namaḥ̭ || 22|| namo̭ visṛ॒jadbhyo॒ vidhya̭dbhyaśca vo॒ namo॒ namaḥ̭ sva॒padbhyo॒ jāgra̭dbhyaśca vo॒ namo॒ nama॒-śśayā̭nebhya॒ āsī̭nebhyaśca vo॒ namo॒ nama॒stiṣṭha̭dbhyo॒ dhāva̭dbhyaśca vo॒ namaḥ̭ || 23|| namaḥ̭ sa॒bhābhyaḥ̭ sa॒bhāpa̭tibhyaśca vo॒ namo॒ namo-'śve॒bhyo-'śva̭patibhyaśca vo॒ namo॒ nama̭ āvyā॒dhinī̭bhyo vi॒vidhya̭ntībhyaśca vo॒ namo॒ nama॒ uga̭ṇābhyastṛgṃha॒tībhya̭śca vo॒ namaḥ̭ || 24|| namo̭ ga॒ṇebhyo̭ ga॒ṇapa̭tibhyaśca vo॒ namo॒ namo॒ vrātḙbhyo॒ vrāta̭patibhyaśca vo॒ namo॒ namo॒ gṛtsḙbhyo॒ gṛtsa̭patibhyaśca vo॒ namo॒ namo॒ virṷ̄pebhyo vi॒śvarṷ̄pebhyaśca vo॒ namaḥ̭ || 25|| nama॒-ssenā̭bhya-ssenā॒nibhya̭śca vo॒ namo॒ namo̭ ra॒thibhyo̭ ara॒thebhya̭śca vo॒ namo॒ namaḥ̭ kṣa॒ttṛbhyaḥ̭ saṅgrahī॒tṛbhya̭śca vo॒ namo॒ namo̭ ma॒hadbhyo̭ arbha॒kebhya̭śca vo॒ namaḥ̭ || 26|| nama॒stakṣa̭bhyo rathakā॒rebhya̭śca vo॒ namo॒ namaḥ॒ kulā̭lebhyaḥ ka॒rmārḙbhyaśca vo॒ namo॒ namo̭ niṣā॒debhyaḥ̭ pu॒ñjiṣṭḙbhyaśca vo॒ namo॒ namaḥ̭ śva॒nibhyo̭ mṛga॒yubhya̭śca vo॒ namaḥ̭ || 27|| nama॒-śśvabhya॒-śśvapa̭tibhyaśca vo॒ namo॒ namo̭ bha॒vāya̭ ca ru॒drāya̭ ca॒ namaḥ̭ śa॒rvāya̭ ca paśu॒pata̭ye ca॒ namo॒ nīla̭grīvāya ca śiti॒kaṇṭhā̭ya ca || 28|| namaḥ̭ kapa॒rdinḙ ca॒ vyu॒ptakeśāya ca॒ namaḥ̭ sahasrā॒kṣāya̭ ca śa॒tadha̭nvane ca॒ namo̭ giriśa॒yāya̭ ca śipivi॒ṣṭāya̭ ca॒ namo̭ mī॒ḍhuṣṭa̭māya॒ ceṣṷmate ca || 29|| namo̭ hra॒svāya̭ ca vāma॒nāya̭ ca॒ namo̭ bṛha॒te ca॒ var​ṣī̭yase ca॒ namo̭ vṛ॒ddhāya̭ ca sa॒vṛdhḙ ca॒ namo-'gryā̭ya ca pratha॒māya̭ ca || 30|| nama̭ ā॒śavḙ cāji॒rāya̭ ca॒ nama॒-śśīghryā̭ya ca॒ śībhyā̭ya ca॒ nama॒ ūrmyā̭ya cāvasva॒nyā॒ya ca॒ namo̭ nāde॒yāya̭ ca॒ dvīpyā̭ya ca || 31|| namo̭ jye॒ṣṭhāya̭ ca kani॒ṣṭhāya̭ ca॒ namaḥ̭ pūrva॒jāya̭ cāpara॒jāya̭ ca॒ namo̭ madhya॒māya̭ cāpaga॒lbhāya̭ ca॒ namo̭ jagha॒nyā॒ya ca bu॒dhnyā॒ya ca || 32|| nama॒-ssobhyā̭ya ca pratisa॒ryā॒ya ca॒ namo॒ yāmyā̭ya ca॒ kṣemyā̭ya ca॒ nama॒-śślokyā̭ya cāvasā॒nyā॒ya ca॒ nama̭ urva॒ryā॒ya ca॒ khalyā̭ya ca || 33|| namo॒ vanyā̭ya ca॒ kakṣyā̭ya ca॒ namaḥ̭ śra॒vāya̭ ca pratiśra॒vāya̭ ca॒ nama̭ ā॒śuṣḙṇāya cā॒śura̭thāya ca॒ nama॒-śśūrā̭ya cāvabhe॒dinḙ ca || 34|| namo̭ bi॒lminḙ ca kava॒cinḙ ca॒ namo̭ va॒rmiṇḙ ca varū॒thinḙ ca॒ namaḥ̭ śru॒tāya̭ ca śrutase॒nāya̭ ca॒ namo̭ dundu॒bhyā॒ya cāhana॒nyā॒ya ca || 35|| namo̭ dhṛ॒ṣṇavḙ ca pramṛ॒śāya̭ ca॒ namo̭ niṣa॒ṅgiṇḙ ceṣudhi॒matḙ ca॒ nama̭stī॒kṣṇeṣa̭ve cāyu॒dhinḙ ca॒ namaḥ̭ svāyu॒dhāya̭ ca su॒dhanva̭ne ca || 36|| nama॒-ssrutyā̭ya ca॒ pathyā̭ya ca॒ namaḥ॒ kāṭyā̭ya ca॒ nīpyā̭ya ca॒ namaḥ॒ kulyā̭ya ca sara॒syā॒ya ca॒ namo̭ nāde॒yāya̭ ca vaiśa॒ntāya̭ ca || 37|| namaḥ॒ kūpyā̭ya cāva॒ṭyā̭ya ca॒ namo॒ vīdhryā̭ya cāta॒pyā॒ya ca॒ namo॒ meghyā̭ya ca vidyu॒tyā॒ya ca॒ namo॒ var​ṣyā̭ya cāva॒r​ṣyāya̭ ca || 38|| namo॒ vātyā̭ya ca॒ reṣmyā̭ya ca॒ namo̭ vāsta॒vyā॒ya ca vāstu॒pāya̭ ca॒ nama॒-ssomā̭ya ca ru॒drāya̭ ca॒ nama̭stā॒mrāya̭ cāru॒ṇāya̭ ca || 39|| namaḥ̭ śa॒ṅgavḙ ca paśu॒pata̭ye ca॒ nama̭ u॒grāya̭ ca bhī॒māya̭ ca॒ namo̭-'greva॒dhāya̭ ca dūreva॒dhāya̭ ca॒ namo̭ ha॒ntre ca॒ hanī̭yase ca॒ namo̭ vṛ॒kṣebhyo॒ hari̭keśebhyo॒ nama̭stā॒rāya̭ || 40|| namaḥ̭ śambha॒vāya̭ ca mayobha॒vāya̭ ca॒ namaḥ̭ śaṅka॒rāya̭ ca mayaska॒rāya̭ ca॒ namaḥ̭ śi॒vāya̭ ca śi॒vata̭rāya ca || 41|| namaḥ॒ pāryā̭ya cāvā॒ryā॒ya ca॒ namaḥ̭ pra॒tara̭ṇāya co॒ttara̭ṇāya ca॒ nama॒stīrthyā̭ya ca॒ kūlyā̭ya ca॒ nama॒-śśaṣpyā̭ya ca॒ phenyā̭ya ca || 42|| namaḥ̭ sika॒tyā॒ya ca pravā॒hyā॒ya ca॒ namaḥ̭ kigṃśi॒lāya̭ ca kṣaya॒ṇāya̭ ca॒ namaḥ̭ kapa॒rdinḙ ca pula॒stayḙ ca॒ nama̭ iri॒ṇyā॒ya ca prapa॒thyā॒ya ca || 43|| namo॒ vrajyā̭ya ca॒ goṣṭhyā̭ya ca॒ nama॒stalpyā̭ya ca॒ gehyā̭ya ca॒ namo̭ hṛda॒yyā॒ya ca nive॒ṣpyā॒ya ca॒ namaḥ॒ kāṭyā̭ya ca gahvare॒ṣṭhāya̭ ca || 44|| nama॒-śśuṣkyā̭ya ca hari॒tyā॒ya ca॒ namaḥ̭ pāgṃsa॒vyā॒ya ca raja॒syā॒ya ca॒ namo॒ lopyā̭ya cola॒pyā॒ya ca॒ nama॒ ūrvyā̭ya ca॒ sūrvyā̭ya ca || 45|| namaḥ̭ pa॒rṇāya̭ ca parṇaśa॒dāya̭ ca॒ nama̭ udgu॒ramā̭ṇāya cābhighna॒te ca॒ nama̭ ākhida॒te ca̭ prakhida॒te ca॒ namaḥ̭ iṣu॒kṛdbhyo̭ dhanu॒ṣkṛdbhya̭śca vo॒ namo॒ namo̭ vaḥ kiri॒kebhyo̭ de॒vānā॒gṃ hṛda̭yebhyo॒ namo̭ vicinva॒tkebhyo॒ namo̭ vikṣiṇa॒tkebhyo॒ nama̭ ānir​ha॒tebhyaḥ̭ || 46|| drāpe॒ andha̭saspate॒ dari̭draṃ॒ nīla̭lohita | ā॒sā-mpra॒jānā̭me॒ṣā-mpa̭śū॒nā-mmā bhe॒rmā roṅbho ca̭ naḥ॒ kiñca॒nāma̭mat || 47|| i॒mā ru॒drāya̭ ta॒vasḙ kapa॒rdinḙ kṣa॒yadvī̭rāya॒ prabha̭rāmahe ma॒tīḥ | yathā॒ śamasa̭ddvi॒pade॒ catṷṣpade॒ viśvaṃ̭ pu॒ṣṭa-ṅgrāmḙ a॒sminna̭nātu॒ram || 48|| yā tḙ rudra śi॒vā ta॒nū-śśi॒vā vi॒śvāhā̭ bheṣa॒jī | śi॒vā ru॒tasya̭ bheṣa॒jī tayā̭ no mṛḍa jī॒vasḙ || 49|| pari̭ no ru॒drasya̭ he॒tirvṛ̭ṇaktu॒ pari̭ tve॒ṣasya̭ durma॒tira̭ghā॒yoḥ | ava̭ sthi॒rā ma॒ghava̭dbhyastanuṣva॒ mīḍhva̭sto॒kāya॒ tana̭yāya mṛḍa || 50|| mīḍhṷṣṭama॒ śiva̭tama śi॒vo naḥ̭ su॒manā̭ bhava | pa॒ra॒me vṛ॒kṣa āyṷdha-nni॒dhāya॒ kṛttiṃ॒ vasā̭na॒ āca̭ra॒ pinā̭kaṃ॒ bibhra॒dāga̭hi || 51|| viki̭ridra॒ vilo̭hita॒ nama̭ste astu bhagavaḥ | yāstḙ sa॒hasra̭gṃ he॒tayo॒-'nyama॒smanniva̭pantu॒ tāḥ || 52|| sa॒hasrā̭ṇi sahasra॒śo bā॒hvostava̭ he॒tayaḥ̭ | tāsā॒mīśā̭no bhagavaḥ parā॒cīnā॒ mukhā̭ kṛdhi || 53|| asaṃ̭khyātā sa॒hasrā̭ṇi॒ ye ru॒drā adhi॒ bhūmyā̭m | teṣā̭gṃ sahasrayoja॒ne-'va॒ dhanvā̭ni tanmasi || 54|| a॒sminma̭ha॒tya॒rṇa॒ve-'ntari̭kṣe bha॒vā adhi̭ | teṣā̭gṃ sahasrayoja॒ne-'va॒ dhanvā̭ni tanmasi || 55|| nīla̭grīvā-śśiti॒kaṇṭhā॒ diva̭gṃ ru॒drā upa̭śritāḥ | teṣā̭gṃ sahasrayoja॒ne-'va॒ dhanvā̭ni tanmasi || 56|| nīla̭grīvā-śśiti॒kaṇṭhāḥ̭ śa॒rvā a॒dhaḥ, kṣa̭māca॒rāḥ | teṣā̭gṃ sahasrayoja॒ne-'va॒ dhanvā̭ni tanmasi || 57|| ye vṛ॒kṣeṣṷ śa॒ṣpiñja̭rā॒ nīla̭grīvā॒ vilo̭hitāḥ | teṣā̭gṃ sahasrayoja॒ne-'va॒ dhanvā̭ni tanmasi || 58|| ye bhū॒tānā॒madhi̭patayo viśi॒khāsaḥ̭ kapa॒rdinaḥ̭ | teṣā̭gṃ sahasrayoja॒ne-'va॒ dhanvā̭ni tanmasi || 59|| ye pa॒thā-mpa̭thi॒rakṣa̭ya ailabṛ॒dā ā̭yu॒ryudhaḥ̭ | teṣā̭gṃ sahasrayoja॒ne-'va॒ dhanvā̭ni tanmasi || 60|| ye tī॒rthāni̭ pra॒cara̭nti sṛ॒kāha̭stā niṣa॒ṅgiṇaḥ̭ | teṣā̭gṃ sahasrayoja॒ne-'va॒ dhanvā̭ni tanmasi || 61|| ye-'nnḙṣu vi॒vidhya̭nti॒ pātrḙṣu॒ piba̭to॒ janā̭n | teṣā̭gṃ sahasrayoja॒ne-'va॒ dhanvā̭ni tanmasi || 62|| ya e॒tāva̭ntaśca॒ bhūyā̭gṃsaśca॒ diśo̭ ru॒drā vi̭tasthi॒re | teṣā̭gṃ sahasrayoja॒ne-'va॒ dhanvā̭ni tanmasi || 63|| namo̭-'stu ru॒drebhyo॒ ye di॒vi yeṣāṃ̭ va॒r​ṣamiṣa̭vastebhyo॒ daśa॒ prācī॒rdaśa̭ dakṣi॒ṇā daśa̭ pra॒tīcī॒rdaśodī̭cī॒rdaśo॒rdhvāstebhyo॒ namo̭ astu॒ te no̭-'vantu॒ te no̭ mṛḍayantu॒ te yaṃ dvi॒ṣmo yaśca̭ no॒ dveṣṭi॒ tamḙṣāṃ॒ jambhḙ dadhmaḥ || 64|| namo̭-'stu ru॒drebhyo॒ ye-'ntari̭kṣe॒ yeṣāṃ॒ vāta॒ iṣa̭vastebhyo॒ daśa॒ prācī॒rdaśa̭ dakṣi॒ṇā daśa̭ pra॒tīcī॒rdaśodī̭cī॒rdaśo॒rdhvāstebhyo॒ namo̭ astu॒ te no̭-'vantu॒ te no̭ mṛḍayantu॒ te yaṃ dvi॒ṣmo yaśca̭ no॒ dveṣṭi॒ tamḙṣāṃ॒ jambhḙ dadhmaḥ || 65|| namo̭-'stu ru॒drebhyo॒ ye pṛ̭thi॒vyāṃ-ye~ṣā॒manna॒miṣa̭vastebhyo॒ daśa॒ prācī॒rdaśa̭ dakṣi॒ṇā daśa̭ pra॒tīcī॒rdaśodī̭cī॒rdaśo॒rdhvāstebhyo॒ namo̭ astu॒ te no̭-'vantu॒ te no̭ mṛḍayantu॒ te yaṃ dvi॒ṣmo yaśca̭ no॒ dveṣṭi॒ tamḙṣāṃ॒ jambhḙ dadhmaḥ || 66|| iti rudre pañcamo-'dhyāyaḥ || 5|| 7. ṣaṣṭho'dhyāyaḥ - mahacchira, soma stavana, tryambaka yajanam hariḥ̭ oṃ va॒yagṃso̭ma vra॒te tava॒ mana̭sta॒nūṣu॒ bibhra̭taḥ | pra॒jāva̭nta-ssacemahi || 1|| e॒ṣa tḙ rudra bhā॒ga-ssa॒ha svasrā-'mbi̭kayā॒ ta-ñjṷṣasva॒ svāhai॒ṣa tḙ rudra bhā॒ga ā॒khustḙ pa॒śuḥ || 2|| ava̭ ru॒drama̭dīma॒hyava̭ de॒va-ntrya̭mbakam | yathā̭ no॒ vasya̭sa॒skara॒dyathā̭ na॒-śśreya̭sa॒skara॒dyathā̭ no vyavasā॒yayā̭t || 3|| bhe॒ṣa॒jama̭si bheṣa॒ja-ṅgave-'śvā̭ya॒ purṷṣāya bheṣa॒jam | su॒kha-mme॒ṣāya̭ meṣyai || 4|| trya̭mbakaṃ-ya~jāmahe suga॒ndhi-mpṷṣṭi॒vardha̭nam | u॒rvā॒ru॒kami̭va॒ bandha̭nānmṛ॒tyormṷkṣīya॒ mā-'mṛtā̭t | trya̭mbakaṃ-ya~jāmahe suga॒ndhi-mpa̭ti॒veda̭nam | u॒rvā॒ru॒kami̭va॒ bandha̭nādi॒to mṷkṣīya॒ māmutaḥ̭ || 5|| e॒tattḙ rudrāva॒sa-ntena̭ pa॒ro mūja̭va॒to-'tī̭hi | ava̭tatadhanvā॒ pinā̭kāvasaḥ॒ kṛtti̭vāsā॒ ahi̭gṃsanna-śśi॒vo-'tī̭hi || 6|| tryā̭yu॒ṣa-ñja॒mada̭gneḥ ka॒śyapa̭sya tryāyu॒ṣam | yadde॒veṣṷ tryāyu॒ṣa-ntanno̭ astu tryāyu॒ṣam || 7|| śi॒vo nāmā̭si॒ svadhi̭tiste pi॒tā nama̭ste astu॒ mā mā̭ higṃsīḥ | niva̭rtayāmyāyṷṣe॒-'nnādyā̭ya॒ prajana̭nāya rā॒yaspoṣā̭ya suprajā॒stvāya̭ su॒vīryā̭ya || 8|| iti rudre ṣaṣṭho-'dhyāyaḥ || 6|| 8. saptamo'dhyāyaḥ - jaṭā'dhyāyaḥ hariḥ̭ oṃ u॒graśca̭ bhī॒maśca॒ dhvā॒ntaśca॒ dhuni̭śca | sā॒sa॒hvāṃścā̭bhiyu॒gvā ca̭ vi॒kṣipa॒-ssvāhā̭ || 1|| a॒gnigṃ hṛda̭yenā॒śani̭gṃ hṛdayā॒greṇa̭ paśu॒patiṃ̭ kṛtsna॒hṛda̭yena bha॒vaṃ-ya~॒knā | śa॒rva-mmata̭snābhyā॒mīśā̭na-mma॒nyunā̭ mahāde॒vama̭ntaḥ par​śa॒vyeno॒graṃ de॒vaṃ-va~̭ni॒ṣṭhunā̭ vasiṣṭha॒hanuḥ॒ śiṅgī̭ni ko॒śyābhyā̭m || 2|| u॒graṃ-llo~hi̭tena mi॒tragṃ saṷvratyena ru॒dra-ndaurvra̭tye॒nendraṃ̭ prakrī॒ḍena̭ ma॒ruto॒ balḙna sā॒dhyānpra॒mudā̭ | bha॒vasya॒ kaṇṭhya̭gṃ ru॒drasyā̭ntaḥ pā॒r​śvya-mma̭hāde॒vasya॒ yakṛ̭ccha॒rvasya̭ vani॒ṣṭhuḥ pa̭śu॒pateḥ̭ purī॒tat || 3|| loma̭bhya॒-ssvāhā॒ loma̭bhya॒-ssvāhā̭ tva॒ce svāhā̭ tva॒ce svāhā॒ lohi̭tāya॒ svāhā॒ lohi̭tāya॒ svāhā॒ medo̭bhya॒-ssvāhā॒ medo̭bhya॒-ssvāhā̭ | mā॒gṃsebhya॒-ssvāhā̭ mā॒gṃsebhya॒-ssvāhā॒ snāva̭bhya॒-ssvāhā॒ snāva̭bhya॒-ssvāhā॒ asthabhya॒-ssvāhā॒ asthabhya॒-ssvāhā̭ ma॒jjabhya॒-ssvāhā̭ ma॒jjabhya॒-ssvāhā̭ | reta̭se॒ svāhā̭ pā॒yave॒ svāhā̭ || 4|| ā॒yā॒sāya॒ svāhā̭ prāyā॒sāya॒ svāhā̭ saṃ​yā~॒sāya॒ svāhā̭ viyā॒sāya॒ svāho̭dyā॒sāya॒ svāhā̭ | śu॒ce svāhā॒ śoca̭te॒ svāhā॒ śoca̭mānāya॒ svāhā॒ śokā̭ya॒ svāhā̭ || 5|| tapa̭se॒ svāhā॒ tapya̭te॒ svāhā॒ tapya̭mānāya॒ svāhā̭ ta॒ptāya॒ svāhā̭ gha॒rmāya॒ svāhā̭ | niṣkṛ̭tyai॒ svāhā॒ prāya̭ścittyai॒ svāhā̭ bheṣa॒jāya॒ svāhā̭ || 6|| ya॒māya॒ svāhānta̭kāya॒ svāhā̭ mṛ॒tyave॒ svāhā॒ brahma̭ṇe॒ svāhā̭ brahmaha॒tyāyai॒ svāhā॒ | viśvḙbhyo de॒vebhya॒-ssvāhā॒ dyāvā̭pṛthi॒vībhyā॒gṃ svāhā̭ || 7|| iti rudre saptamo-'dhyāyaḥ || 7|| 9. aṣṭamo'dhyāyaḥ - camaka praśnaḥ (camakapraśnaḥ |) hariḥ̭ oṃ vāja̭śca me prasa॒vaśca̭ me॒ praya̭tiśca me॒ prasi̭tiśca me dhī॒tiśca̭ me॒ kratṷśca me॒ svara̭śca me॒ śloka̭śca me śra॒vaśca̭ me॒ śruti̭śca me॒ jyoti̭śca me॒ sva॒śca me ya॒jñena̭ kalpantām || 1|| prā॒ṇaśca̭ me-'pā॒naśca̭ me vyā॒naśca॒ me-'sṷśca me ci॒tta-ñca̭ ma॒ ādhī̭ta-ñca me॒ vākca̭ me॒ mana̭śca me॒ cakṣṷśca me॒ śrotraṃ̭ ca me॒ dakṣa̭śca me॒ balaṃ̭ ca me ya॒jñena̭ kalpantām || 2|| oja̭śca me॒ saha̭śca ma ā॒tmā ca̭ me ta॒nūśca̭ me॒ śarma̭ ca me॒ varma̭ ca॒ me-'ṅgā̭ni ca॒ me-'sthī̭ni ca me॒ parṷ̄gṃṣi ca me॒ śarī̭rāṇi ca ma॒ āyṷśca me ja॒rā ca̭ me ya॒jñena̭ kalpantām || 3|| jyai̭ṣṭhya-ñca ma ādhi̭patya-ñca me ma॒nyuśca̭ me॒ bhāma̭śca॒ me-'ma̭śca॒ me-'mbha̭śca me je॒mā ca̭ me mahi॒mā ca̭ me vari॒mā ca̭ me prathi॒mā ca̭ me var​ṣi॒mā ca̭ me drāghi॒mā ca̭ me vṛ॒ddha-ñca̭ me॒ vṛddhi̭śca me ya॒jñena̭ kalpantām || 4|| sa॒tya-ñca̭ me śra॒ddhā ca̭ me॒ jaga̭cca me॒ dhanaṃ̭ ca me॒ viśvaṃ̭ ca me॒ maha̭śca me krī॒ḍā ca̭ me॒ moda̭śca me jā॒ta-ñca̭ me jani॒ṣyamā̭ṇa-ñca me sū॒kta-ñca̭ me sukṛ॒ta-ñca̭ me ya॒jñena̭ kalpantām || 5|| ṛ॒ta-ñca̭ me-'mṛtaṃ̭ ca me-'ya॒kṣma-ñca॒ me-'nā̭mayacca me jī॒vātṷśca me dīrghāyu॒tva-ñca̭ me-'nami॒tra-ñca॒ me-'bha̭ya-ñca me su॒kha-ñca̭ me॒ śaya̭na-ñca me sū॒ṣāśca̭ me su॒dinaṃ̭ ca me ya॒jñena̭ kalpantām || 6|| ya॒ntā ca̭ me dha॒rtā ca̭ me॒ kṣema̭śca me॒ dhṛti̭śca me॒ viśvaṃ̭ ca me॒ maha̭śca me saṃ॒vicca̭ me॒ jñātraṃ̭ ca me॒ sūśca̭ me pra॒sūśaca॒̭ me॒ sīraṃ̭ ca me॒ laya̭śca me ya॒jñena̭ kalpantām || 7|| śa-ñca̭ me॒ maya̭śca me pri॒ya-ñca̭ me-'nukā॒maśca̭ me॒ kāma̭śca me saumana॒saśca̭ me॒ bhaga̭śca me॒ dravi̭ṇa-ñca me bha॒dra-ñca̭ me॒ śreya̭śca me॒ vasī̭yaśca me॒ yaśa̭śca me ya॒jñena̭ kalpantām || 8|| ūrkca̭ me sū॒nṛtā̭ ca me॒ paya̭śca me॒ rasa̭śca me ghṛ॒ta-ñca̭ me॒ madhṷ ca me॒ sagdhi̭śca me॒ sapī̭tiśca me kṛ॒ṣiśca̭ me॒ vṛṣṭi̭śca me॒ jaitraṃ̭ ca ma॒ audbhi̭dya-ñca me ya॒jñena̭ kalpantām || 9|| ra॒yiśca̭ me॒ rāya̭śca me pu॒ṣṭa-ñca̭ me॒ puṣṭi̭śca me vi॒bhu ca̭ me pra॒bhu ca̭ me pū॒rṇa-ñca̭ me pū॒rṇata̭ra-ñca me॒ kuya̭va-ñca॒ me-'kṣi̭ta-ñca॒ me-'nnaṃ̭ ca॒ me-'kṣṷcca me ya॒jñena̭ kalpantām || 10|| vi॒tta-ñca̭ me॒ vedyaṃ̭ ca me bhū॒ta-ñca̭ me bhavi॒ṣyacca̭ me su॒ga-ñca̭ me supa॒thyaṃ॒ ca ma ṛ॒ddha-ñca̭ ma॒ ṛddhi̭śca me klṛ॒pta-ñca̭ me॒ klṛpti̭śca me ma॒tiśca̭ me suma॒tiśca̭ me ya॒jñena̭ kalpantām || 11|| vrī॒haya̭śca me॒ yavā̭śca me॒ māṣā̭śca me॒ tilā̭śca me mu॒drāśca̭ me॒ khalvā̭śca me pri॒yaṅga̭vaśca॒ me-'ṇa̭vaśca me śyā॒mākā̭śca me nī॒vārā̭śca me go॒dhūmā̭śca me ma॒sūrā̭śca me ya॒jñena̭ kalpantām || 12|| aśmā̭ ca me॒ mṛtti̭kā ca me gi॒raya̭śca me॒ parva̭tāśca me॒ sika̭tāśca me॒ vana॒spata̭yaśca me॒ hira̭ṇya-ñca॒ me-'ya̭śca me śyā॒ma-ñca̭ me lo॒ha-ñca̭ me॒ sīsaṃ̭ ca me॒ trapṷ ca me ya॒jñena̭ kalpantām || 13|| a॒gniśca̭ ma॒ āpa̭śca me vī॒rudha̭śca ma॒ oṣa̭dhayaśca me kṛṣṭapa॒cyāśca̭ me-'kṛṣṭapa॒cyāśca̭ me grā॒myāśca̭ me pa॒śava̭ āra॒ṇyāśca̭ me vi॒tta-ñca̭ me॒ vitti̭śca me bhū॒ta-ñca̭ me॒ bhūti̭śca me ya॒jñena̭ kalpantām || 14|| vasṷ ca me vasa॒tiśca̭ me॒ karma̭ ca me॒ śakti̭śca॒ me-'rtha̭śca ma॒ ema̭śca ma i॒tyā ca̭ me॒ gati̭śca me ya॒jñena̭ kalpantām || 15|| a॒gniśca̭ ma॒ indra̭śca me॒ soma̭śca ma॒ indra̭śca me savi॒tā ca̭ ma॒ indra̭śca me॒ sara̭svatī ca ma॒ indra̭śca me pū॒ṣā ca̭ ma॒ indra̭śca me॒ bṛha॒spati̭śca ma॒ indra̭śca me ya॒jñena̭ kalpantām || 16|| mi॒traśca̭ ma॒ indra̭śca me॒ varṷṇaśca ma॒ indra̭śca me dhā॒tā ca̭ ma॒ indra̭śca me॒ tvaṣṭā̭ ca ma॒ indra̭śca me ma॒ruta̭śca ma॒ indra̭śca me॒ viśvḙ ca me de॒vā indra̭śca me ya॒jñena̭ kalpantām || 17|| pṛ॒thi॒vī ca̭ ma॒ indra̭śca॒ me-'ntari̭kṣa-ñca ma॒ indra̭śca me॒ dyauśca̭ ma॒ indra̭śca me॒ samā̭śca ma॒ indra̭śca me॒ nakṣa̭trāṇi ca ma॒ indra̭śca me॒ diśa̭śca ma॒ indra̭śca me ya॒jñena̭ kalpantām || 18|| a॒gṃśuśca̭ me ra॒śmiśca॒ me-'dā̭bhyaśca॒ me-'dhi̭patiśca ma upā॒gṃśuśca̭ me-'ntaryā॒maśca̭ ma aindravāya॒vaśca̭ me maitrāvaru॒ṇaśca̭ ma āśvi॒naśca̭ me pratipra॒sthāna̭śca me śu॒kraśca̭ me ma॒nthī ca̭ me ya॒jñena̭ kalpantām || 19|| ā॒gra॒yā॒ṇaśca̭ me vaiśvade॒vaśca̭ me dhru॒vaśca̭ me vaiśvāna॒raśca̭ ma aindrā॒gnaśca̭ me ma॒hāvai̭śvadeśca me marutva॒tīyā̭śca me॒ niṣkḙvalyaśca me sāvi॒traśca̭ me sārasva॒taśca̭ me pātnīva॒taśca̭ me hāriyoja॒naśca̭ me ya॒jñena̭ kalpantām || 20|| sruca̭śca me cama॒sāśca̭ me vāya॒vyā॒ni ca me droṇakala॒śaśca̭ me॒ grāvā̭ṇaśca me-'dhi॒ṣava̭ṇe ca me pūta॒bhṛcca̭ ma ādhava॒nīya̭śca me॒ vedi̭śca me ba॒r​hiśca̭ me-'vabhṛ॒taśca̭ me svagākā॒raśca̭ me ya॒jñena̭ kalpantām || 21|| a॒gniśca̭ me gha॒rmaśca̭ me॒-'rkaśca̭ me॒ sūrya̭śca me prā॒ṇaśca̭ me-'śvame॒dhaśca̭ me pṛthi॒vī ca॒ me-'di̭tiśca me॒ diti̭śca me॒ dyauśca̭ me॒-'ṅgula̭ya॒: śakva̭rayo॒ diśa̭śca me ya॒jñena̭ kalpantām || 22|| vra॒ta-ñca̭ ma ṛ॒tava̭śca me॒ tapa̭śca me saṃ​va~tsa॒raśca̭ me ahorā॒tre ṷ̄rvaṣṭhī॒ve bṛ̭hadrathanta॒re ca̭ me ya॒jñena̭ kalpantām || 23|| ekā̭ ca me ti॒sraśca̭ me ti॒sraśca̭ me॒ pañca̭ ca me॒ pañca̭ ca me sa॒pta ca̭ me sa॒pta ca̭ me॒ nava̭ ca me॒ nava̭ ca ma॒ ekā̭daśa ca ma॒ ekā̭daśa ca me॒ trayo̭daśa ca me॒ trayo̭daśa ca me॒ pañca̭daśa ca me॒ pañca̭daśa ca me sa॒ptada̭śa ca me sa॒ptada̭śa ca me॒ nava̭daśa ca me॒ nava̭daśa ca ma॒ eka̭vigṃśatiśca ma॒ eka̭vigṃśatiśca me॒ trayo̭vigṃśatiśca me॒ trayo̭vigṃśatiśca me॒ pañca̭vigṃśatiśca me॒ pañca̭vigṃśatiśca me sa॒ptavi̭gṃśatiśca me ptavi̭gṃśatiśca me॒ nava̭vigṃśatiśca me॒ nava̭vigṃśatiśca ma॒ eka̭trigṃśacca ma॒ eka̭trigṃśacca me॒ traya̭strigṃśacca me ya॒jñena̭ kalpantām || 24|| cata̭sraśca me॒-'ṣṭau ca̭ me॒-'ṣṭau ca̭ me॒ dvāda̭śa ca me॒ dvāda̭śa ca me॒ ṣoḍa̭śa ca me॒ ṣoḍa̭śa ca me vigṃśa॒tiśca̭ me vigṃśatiśca̭ me॒ catṷrvigṃśatiśca me॒ catṷrvigṃśa॒tiśca̭ me॒-'ṣṭāvi̭gṃśatiśca me॒-'ṣṭāvi̭gṃśatiśca me॒ dvātri̭gṃśacca me॒ dvātri̭gṃśacca me॒ ṣaṭtri̭gṃśacca me॒ ṣaṭtri̭gṃśacca me catvāri॒gṃśacca̭ me catvāri॒gṃśacca̭ me॒ catṷścatvārigṃśacca me॒ catṷścatvārigṃśacca me॒-'ṣṭāca̭tvārigṃśacca me ya॒jñena̭ kalpantām || 25|| tryavi̭śca me trya॒vī ca̭ me ditya॒vāṭ ca̭ me dityau॒hī ca̭ me pañcā॒viśca̭ me pañcā॒vī ca̭ me triva॒tsaśca̭ me triva॒tsā ca̭ me turya॒vāṭ ca̭ me turyau॒hī ca̭ me ya॒jñena̭ kalpantām || 26|| pa॒ṣṭha॒vāṭ ca̭ me paṣṭhau॒hī ca̭ ma u॒kṣā ca̭ me va॒śā ca̭ ma ṛṣa॒bhaśca̭ me ve॒hacca̭ me-'na॒ḍvāṃśca̭ me dhe॒nuśca̭ me ya॒jñena̭ kalpantām || 27|| vājā̭ya॒ svāhā̭ prasa॒vāya॒ svāhā̭-'pi॒jāya॒ svāhā॒ krata̭ve॒ svāhā॒ vasa̭ve॒ svāhā̭-'ha॒rpata̭ye॒ svāhāhnḙ mu॒gdhāya॒ svāhā̭ mu॒gdhāya̭ vainagṃśi॒nāya॒ svāhā̭ vina॒śina̭ āntyāya॒nāya॒ svāhāntyā̭ya bhauva॒nāya॒ svāhā॒ bhuva̭nasya॒ pata̭ye॒ svāhādhi̭pataye॒ svāhā̭ pra॒jāpa̭taye॒ svāhā̭ | i॒ya-nte॒ rāṇmi॒trāya̭ ya॒ntā-'si॒ yama̭na ū॒rje tvā॒ vṛṣṭyai̭ tvā pra॒jānāṃ॒ tvādhi̭patyāya || 28|| āyṷrya॒jñena̭ kalpatā-mprā॒ṇo ya॒jñena̭ kalpatāṃ॒ cakṣṷrya॒jñena̭ kalpatā॒gṃśrotraṃ̭ ya॒jñena̭ kalpatāṃ॒ vāgya॒jñena̭ kalpatāṃ॒ mano̭ ya॒jñena̭ kalpatāmā॒tmā ya॒jñena̭ kalpatā-mbra॒hmā ya॒jñena̭ kalpatāṃ॒ jyoti̭rya॒jñena̭ kalpatāṃ॒ sva॒rya॒jñena̭ kalpatā-mpṛ॒ṣṭhaṃ-ya~॒jñena̭ kalpatāṃ-ya~॒jño ya॒jñena̭ kalpatām | stoma̭śca yajṷśca॒ ṛkca॒ sāma̭ ca bṛ॒hacca̭ rathanta॒ra-ñca̭ | sva̭rdevā aganmā॒mṛtā̭ abhūma pra॒jāpa̭teḥ pra॒jā a̭bhūma॒ veṭ svāhā̭ || 29|| iti rudre-'ṣṭamo-'dhyāyaḥ || 8|| 10. śāntyadhyāyaḥ hariḥ̭ oṃ ṛcaṃ॒ vācaṃ॒ prapa̭dye॒ mano॒ yajuḥ॒ prapa̭dye॒ sāma̭ prā॒ṇa-mprapa̭dye॒ cakṣu॒-śśrotraṃ॒ prapa̭dye | vāgojaḥ̭ sa॒haujo॒ mayi̭ prāṇāpā॒nau || 1|| yanmḙ chi॒dra-ñcakṣṷṣo॒ hṛda̭yasya॒ mana̭so॒ vāti̭tṛṇṇaṃ॒ bṛha॒spati̭rme॒ tadda̭dhātu | śa-nno̭ bhavatu॒ bhuva̭nasya॒ yaspatiḥ̭ || 2|| bhūrbhuva॒-ssvaḥ॒ tatsa̭vi॒turvarḙṇyaṃ॒ bhargo̭ de॒vasya̭ dhīmahi | dhiyo॒ yo naḥ̭ praco॒dayā̭t || 3|| kayā̭ naści॒tra ābhṷvadū॒tī sa॒dāvṛ̭dha॒-ssakhā̭ | kayā॒ śaci̭ṣṭhayā vṛ॒tā || 4|| kastvā̭ sa॒tyo madā̭nāṃ॒ magṃhi̭ṣṭho matsa॒dandha̭saḥ | dṛ॒ḍhā ci̭dā॒ruje॒ vasṷ || 5|| a॒bhī ṣu ṇa॒-ssakhī̭nāmavi॒tā ja̭ritṝ॒ṇām | śa॒ta-mbha̭vāsyū॒tibhiḥ̭ || 6|| kayā॒ tva-nna ū॒tyābhi prama̭ndase vṛṣann | kayā̭ sto॒tṛbhya॒ ābha̭ra || 7|| indro॒ viśva̭sya rājati | śa-nno̭ astu dvi॒pade॒ śa-ñcatṷṣpade || 8|| śa-nno̭ mi॒tra: śaṃ-va~rṷṇa॒-śśa-nno̭ bhavatvarya॒mā | śa-nna॒ indro॒ bṛha॒spati॒-śśa-nno॒ viṣṇṷrurukra॒maḥ || 9|| śa-nno॒ vātaḥ̭ pavatā॒gṃ śa-nna̭stapatu॒ sūryaḥ̭ | śa-nnaḥ॒ kani̭kradadde॒vaḥ pa॒rjanyo̭ a॒bhiva̭r​ṣatu || 10|| ahā̭ni॒ śa-mbhava̭ntu na॒-śśagṃ rātrīḥ॒ prati̭dhīyatām | śa-nna̭ indrā॒gnī bha̭vatā॒mavo̭bhi॒-śśa-nna॒ indrā॒varṷṇā rā॒taha̭vyā | śa-nna̭ indrāpū॒ṣaṇā॒ vāja̭sātau॒ śamindrā॒somā̭ suvi॒tāya॒ śaṃ-yoḥ ~|| 11|| śa-nno̭ de॒vīra॒bhiṣṭa̭ya॒ āpo̭ bhavantu pī॒tayḙ | śaṃ-yo~ra॒bhisra̭vantu naḥ || 12|| syo॒nā pṛ̭thivi no bhavānṛkṣa॒rā ni॒veśa̭nī | yacchā̭ na॒-śśarma̭ sa॒prathāḥ̭ || 13|| āpo॒ hi ṣṭhā ma̭yo॒bhuva॒stā na̭ ū॒rje da̭dhātana | ma॒he raṇā̭ya॒ cakṣa̭se || 14|| yo vaḥ̭ śi॒vata̭mo॒ rasa॒stasya̭ bhājayate॒ha naḥ̭ | u॒śa॒tīri̭va mā॒taraḥ̭ || 15|| tasmā॒ araṃ̭ gamāma vo॒ yasya॒ kṣayā̭ya॒ jinva̭tha | āpo̭ ja॒naya̭thā ca naḥ || 16|| dyau: śānti̭ra॒ntari̭kṣa॒gṃ śāntiḥ̭ pṛthi॒vī śānti॒rāpa॒-śśānti॒roṣa̭dhaya॒-śśāntiḥ̭ | vana॒spata̭ya॒-śśānti॒rviśvḙ de॒vā-śśānti॒rbrahma॒ śānti॒-ssarva॒gṃ śāntiḥ॒ śānti̭re॒va śānti॒-ssā mā॒ śānti̭redhi || 17|| dṛte॒ dṛgṃha̭ mā mi॒trasya̭ mā॒ cakṣṷṣā॒ sarvā̭ṇi bhū॒tāni॒ samī̭kṣantām | mi॒trasyā॒ha-ñcakṣṷṣā॒ sarvā̭ṇi bhū॒tāni॒ samī̭kṣe | mi॒trasya॒ cakṣṷṣā॒ samī̭kṣāmahe || 18|| dṛte॒ dṛgṃha̭ mā mi॒trasya̭ mā॒ cakṣṷṣā॒ sarvā̭ṇi bhū॒tāni॒ samī̭kṣantām | jyoktḙ sa॒ndṛśi̭ jīvyāsaṃ॒ jyoktḙ sa॒ndṛśi̭ jīvyāsam || 19|| nama̭ste॒ hara̭se śo॒ciṣe॒ nama̭ste astva॒rciṣḙ | a॒nyā.ṇstḙ a॒smatta̭pantu he॒tayaḥ̭ pāva॒ko a॒smabhya̭gṃ śi॒vo bha̭va || 20|| nama̭ste astu vi॒dyute॒ nama̭ste stanayi॒tnavḙ | nama̭ste bhagavannastu॒ yata॒-ssvaḥ॒ sa॒mīha̭se || 21|| yato̭ yata-ssa॒mīha̭se॒ tato̭ no॒ abha̭ya-ṅkuru | śa-nnaḥ̭ kuru pra॒jābhyo-'bha̭ya-nnaḥ pa॒śubhyaḥ̭ || 22|| su॒mi॒tri॒yā na॒ āpa॒ oṣa̭dhaya-ssantu durmitri॒yāstasmai̭ santu॒yo॒-'smā-ndveṣṭi॒ ya-ñca̭ va॒ya-ndvi॒ṣmaḥ || 23|| taccakṣṷrde॒vahi̭ta-mpu॒rastā̭cchu॒kramucca̭rat | paśyḙma śa॒radaḥ̭ śa॒ta-ñjīvḙma śa॒radaḥ̭ śa॒tagṃ śṛṇṷyāma śa॒radaḥ̭ śa॒taṃ prabra̭vāma śa॒radaḥ̭ śa॒tamadī̭nā-ssyāma śa॒radaḥ̭ śa॒ta-mbhūya̭śca śa॒radaḥ̭ śa॒tāt || 24|| iti rudre śāntyadhyāyaḥ || 9|| 11. svasti prārthanā mantrāḥ hariḥ̭ oṃ oṃ sva॒sti na॒ indro̭ vṛ॒ddhaśra̭vāḥ | sva॒sti naḥ̭ pū॒ṣā vi॒śvavḙdāḥ | sva॒sti na॒stārkṣyo॒ ari̭ṣṭanemiḥ | sva॒sti no॒ bṛha॒spati̭rdadhātu || 1|| oṃ payaḥ̭ pṛthi॒vyā-mpaya॒ oṣa̭dhīṣu॒ payo̭ di॒vyantari̭kṣe॒ payo̭ dhāḥ | paya̭svatīḥ pra॒diśaḥ̭ santu॒ mahya̭m || 2|| oṃ viṣṇo̭ ra॒rāṭa̭masi॒ viṣṇo॒-śśnaptrḙ stho viṣṇo॒-ssyūra̭si॒ viṣṇo̭rdhru॒vo॒-'si | vai॒ṣṇa॒vama̭si॒ viṣṇa̭ve tvā || 3|| oṃ a॒gnirde॒vatā॒ vāto̭ de॒vatā॒ sūryo̭ de॒vatā̭ ca॒ndramā̭ de॒vatā॒ vasa̭vo de॒vatā̭ ru॒drā de॒vatā̭di॒tyā de॒vatā̭ ma॒ruto̭ de॒vatā॒ viśvḙde॒vā devatā॒ bṛha॒spati̭rde॒vatendro̭ de॒vatā॒ varṷṇo de॒vatā̭ || 4|| oṃ sa॒dyojā॒ta-mpra̭padyā॒mi॒ sa॒dyojā॒tāya॒ vai namo॒ namaḥ̭ | bha॒ve bha̭ve॒ nāti̭bhave bhavasva॒ mām | bha॒vodbha̭vāya॒ namaḥ̭ || 5|| vā॒ma॒de॒vāya॒ namo̭ jye॒ṣṭhāya॒ namaḥ̭ śre॒ṣṭhāya॒ namo̭ ru॒drāya॒ namaḥ॒ kālā̭ya namaḥ॒ kala̭vikaraṇāya॒ namo॒ bala̭vikaraṇāya॒ namo॒ balā̭ya॒ namo॒ bala̭pramathanāya॒ namaḥ॒ sarva̭bhūtadamanāya॒ namo̭ ma॒nonma̭nāya॒ namaḥ॒ || 6|| a॒ghorḙbhyo-'tha॒ ghorḙbhyo॒ ghora॒ghora̭tarebhyaḥ | sa॒rvebhya-ssarva॒ śa̭rvebhyo॒ nama̭ste-'stu ru॒drarṷ̄pebhyaḥ || 7|| (sa॒rvataḥ̭ śarva॒ sarvḙbhyo॒) tatpurṷṣāya vi॒dmahḙ mahāde॒vāya̭ dhīmahi | tanno̭ rudraḥ praco॒dayā̭t || 8|| īśānassarva̭vidyā॒nā॒mīśvara-ssarva̭bhūtā॒nāṃ॒ | brahmādhi̭pati॒rbrahma॒ṇo-'dhi̭pati॒rbrahmā̭ śi॒vo mḙ-'stu sadāśi॒vom || 9|| oṃ śi॒vo nāmā̭si॒ svadhi̭tiste pi॒tā nama̭ste astu॒ mā mā̭ higṃsīḥ | niva̭rtayāmyāyṷṣe॒-'nnādyā̭ya॒ prajana̭nāya rā॒yaspoṣā̭ya suprajā॒stvāya̭ su॒vīryā̭ya || 10|| oṃ viśvā̭ni deva savitarduri॒tāni॒ parāsuva | yadbha॒dra-ntanna॒ āsuva || 11|| oṃ dyau-śśānti̭ra॒ntari̭kṣa॒gṃ śāntiḥ̭ pṛthi॒vī śānti॒rāpa॒-śśānti॒roṣa̭dhaya॒-śśāntiḥ̭ | vana॒spata̭ya॒-śśānti॒rviśvḙde॒vā-śśānti॒rbrahma॒ śānti॒-ssarva॒gṃ śānti॒-śśānti̭re॒va śānti॒-ssā mā॒ śānti̭redhi || 12|| oṃ sarveṣāṃ-vā~ eṣa vedānāgṃraso yatsāmaḥ | sarveṣāmevainametad vedānāgṃ rasenābhiṣiñcati || 13|| oṃ śānti॒-śśānti॒-śśāntiḥ̭ || anena śrī rudrābhiṣekakarmaṇā śrī bhavānīśaṅkara mahārudrāḥ prīyatā-nna mama | iti śrīśuklayajurvedīya rudrāṣṭādhyāyī samāptā | || oṃ sāmba sadāśivārpaṇamastu ||