രുദ്രാഷ്ടാധ്യായീ (ശുക്ല യജുര്വേദ)

ഇതി രുദ്രേ പ്രഥമോ-ഽധ്യായഃ ॥ 1॥ 3. ദ്വിതീയോഽധ്യായഃ - പുരുഷ സൂക്തമ് ഹരിഃ॑ ഓം സ॒ഹസ്ര॑ശീര്​ഷാ॒ പുരു॑ഷ-സ്സഹസ്രാ॒ക്ഷ-സ്സ॒ഹസ്ര॑പാത് । സ ഭൂമി॑ഗ്ം സ॒ര്വതഃ॑ സ്പൃ॒ത്വാത്യ॑തിഷ്ഠദ്ദശാങ്ഗു॒ലമ് ॥ 1॥ പുരു॑ഷ ഏ॒വേദഗ്ം സര്വം॒ യദ്ഭൂ॒തം-യഁച്ച॑ ഭാ॒വ്യ॒മ് । ഉ॒താമൃ॑ത॒ത്വസ്യേശാ॑നോ॒ യദന്നേ॑നാതി॒രോഹ॑തി ॥ 2॥ ഏ॒താവാ॑നസ്യ മഹി॒മാതോ॒ ജ്യായാ.ണ്॑ശ്ച॒ പൂരു॑ഷഃ । പാദോ॑-ഽസ്യ॒ വിശ്വാ॑ ഭൂ॒താനി॑ ത്രി॒പാദ॑സ്യാ॒മൃതം॑ ദി॒വി ॥ 3॥ ത്രി॒പാദൂ॒ര്ധ്വ ഉദൈ॒ത്പുരു॑ഷഃ॒ പാദോ॑-ഽസ്യേ॒ഹാഭ॑വ॒ത്പുനഃ॑ । തതോ॒ വിഷ്വ॒ങ് വ്യ॒ക്രാമത്സാശനാനശ॒നേ അ॒ഭി ॥ 4॥ തതോ॑ വി॒രാഡ॑ജായത വി॒രാജോ॒ അധി॒ പൂരു॑ഷഃ । സ ജാ॒തോ അത്യ॑രിച്യത പ॒ശ്ചാദ്ഭൂമി॒മഥോ॑ പു॒രഃ ॥ 5॥ തസ്മാ॑ദ്യ॒ജ്ഞാത്സ॑ര്വ॒ഹുത॒-സ്സമ്ഭൃ॑ത-മ്പൃഷദാ॒ജ്യമ് । പ॒ശൂ.ണ്സ്താ.ണ്ശ്ച॑ക്രേ വായ॒വ്യാ॒നാര॒ണ്യാ ഗ്രാ॒മ്യാശ്ച॒ യേ ॥ 6॥ തസ്മാ॑ദ്യ॒ജ്ഞാത്സ॑ര്വ॒ഹുത॒ ഋച॒-സ്സാമാ॑നി ജജ്ഞിരേ । ഛന്ദാ॑ഗ്ംസി ജജ്ഞിരേ॒ തസ്മാ॒ദ്യജു॒സ്തസ്മാ॑ദജായത ॥ 7॥ തസ്മാ॒ദശ്വാ॑ അജായന്ത॒ യേ കേ ചോ॑ഭ॒യാദ॑തഃ । ഗാവോ॑ ഹ ജജ്ഞിരേ॒ തസ്മാ॒ത്തസ്മാ॑ജ്ജാ॒താ അ॑ജാ॒വയഃ॑ ॥ 8॥ തം-യഁ॒ജ്ഞ-മ്ബ॒ര്​ഹിഷി॒ പ്രൌക്ഷ॒ന്പുരു॑ഷ-ഞ്ജാ॒തമ॑ഗ്ര॒തഃ । തേന॑ ദേ॒വാ അ॑യജന്ത സാ॒ധ്യാ ഋഷ॑യശ്ച॒ യേ ॥ 9॥ യത്പുരു॑ഷം॒ വ്യദ॑ധുഃ കതി॒ധാ വ്യ॑കല്പയന്ന് । മുഖം॒ കിമ॑സ്യാസീ॒-ത്കി-മ്ബാ॒ഹൂ കിമൂ॒രൂ പാദാ॑ ഉച്യേതേ ॥ 10॥ ബ്രാ॒ഹ്മ॒ണോ॒-ഽസ്യ॒ മുഖ॑മാസീദ്ബാ॒ഹൂ രാ॑ജ॒ന്യഃ॒ കൃ॒തഃ । ഊ॒രൂ തദ॑സ്യ॒ യദ്വൈ॑ശ്യഃ പ॒ദ്ഭ്യാഗ്ം ശൂ॒ദ്രോ അ॑ജായത ॥ 11॥ ച॒ന്ദ്രമാ॒ മന॑സോ ജാ॒തശ്ചക്ഷോഃ॒ സൂര്യോ॑ അജായത । ശ്രോത്രാ॑ദ്വാ॒യുശ്ച॑ പ്രാ॒ണശ്ച॒ മുഖാ॑ദ॒ഗ്നിര॑ജായത ॥ 12॥ നാഭ്യാ॑ ആസീദ॒ന്തരി॑ക്ഷഗ്ം ശീ॒ര്​ഷ്ണോ ദ്യൌ॒-സ്സമ॑വര്തത । പ॒ദ്ഭ്യാ-മ്ഭൂമി॒ര്ദിശ॒-ശ്ശ്രോത്രാ॒ത്തഥാ॑ ലോ॒കാ.ണ2 ॥ അ॑കല്പയന്ന് ॥ 13॥ യത്പുരു॑ഷേണ ഹ॒വിഷാ॑ ദേ॒വാ യ॒ജ്ഞമത॑ന്വത । വ॒സ॒ന്തോ॒-ഽസ്യാസീ॒ദാജ്യം॑ ഗ്രീ॒ഷ്മ ഇ॒ധ്മ-ശ്ശ॒രദ്ധ॒വിഃ ॥ 14॥ സ॒പ്താസ്യാ॑സന്പരി॒ധയ॒സ്ത്രിസ്സ॒പ്ത സ॒മിധഃ॑ കൃ॒താഃ । ദേ॒വാ യദ്യ॒ജ്ഞ-ന്ത॑ന്വാ॒നാ അബ॑ധ്ന॒-ന്പുരു॑ഷ-മ്പ॒ശുമ് ॥ 15॥ യ॒ജ്ഞേന॑ യ॒ജ്ഞമ॑യജന്ത ദേ॒വാസ്താനി॒ ധര്മാ॑ണി പ്രഥ॒മാന്യാ॑സന്ന് । തേ ഹ॒ നാകം॑ മഹി॒മാനഃ॑ സചന്ത॒ യത്ര॒ പൂര്വേ॑ സാ॒ധ്യാ-സ്സന്തി॑ ദേ॒വാഃ ॥ 16॥ അ॒ദ്ഭ്യ-സ്സമ്ഭൃ॑തഃ പൃഥിവ്യൈ॒ രസാ॑ച്ച വി॒ശ്വക॑ര്മണ॒-സ്സമ॑വര്ത॒താഗ്രേ॑ । തസ്യ॒ ത്വഷ്ടാ॑ വി॒ദധ॑ദ്രൂ॒പമേ॑തി॒ തന്മര്ത്യ॑സ്യ ദേവ॒ത്വമാ॒ജാന॒മഗ്രേ॑ ॥ 17॥ വേദാ॒ഹമേ॒ത-മ്പുരു॑ഷ-മ്മ॒ഹാന്ത॑മാദി॒ത്യവ॑ര്ണം॒ തമ॑സഃ പ॒രസ്താ॑ത് । തമേ॒വ വി॑ദി॒ത്വാ-ഽതി॑ മൃ॒ത്യുമേ॑തി॒ നാന്യഃ പന്ഥാ॑ വിദ്യ॒തേ-ഽയ॑നായ ॥ 18॥ പ്ര॒ജാപ॑തിശ്ച॒രതി॒ ഗര്ഭേ॑ അ॒ന്തരജാ॑യമാനോ ബഹു॒ധാ വി ജാ॑യതേ । തസ്യ॒ യോനിം॒ പരി॑പശ്യന്തി॒ ധീരാ॒സ്തസ്മി॑ന്ഹ തസ്ഥു॒ര്ഭുവ॑നാനി॒ വിശ്വാ॑ ॥ 19॥ യോ ദേ॒വേഭ്യ॑ ആ॒തപ॑തി॒ യോ ദേ॒വാനാം॑ പു॒രോഹി॑തഃ । പൂര്വോ॒ യോ ദേ॒വേഭ്യോ॑ ജാ॒തോ നമോ॑ രു॒ചായ॒ ബ്രാഹ്മ॑യേ ॥ 20॥ രു॒ച-മ്ബ്രാ॒ഹ്മ്യ-ഞ്ജ॒നയ॑ന്തോ ദേ॒വാ അഗ്രേ॒ തദ॑ബ്രുവന്ന് । യസ്ത്വൈ॒വ-മ്ബ്രാ॑ഹ്മ॒ണോ വി॒ദ്യാത്തസ്യ॑ ദേ॒വാ അ॑സ॒ന്വശേ॑ ॥ 21॥ ശ്രീശ്ച॑ തേ ല॒ക്ഷ്മീശ്ച॒ പത്ന്യാ॑വഹോരാ॒ത്രേ പാ॒ര്​ശ്വേ നക്ഷ॑ത്രാണി രൂ॒പമ॒ശ്വിനൌ॒ വ്യാത്ത॑മ് । ഇ॒ഷ്ണന്നി॑ഷാണാ॒മു-മ്മ॑ ഇഷാണ സര്വലോ॒ക-മ്മ॑ ഇഷാണ ॥ 22॥ ഇതി രുദ്രേ ദ്വിതീയോ-ഽധ്യായഃ ॥ 2॥ 4. തൃതീയോഽധ്യായഃ - അപ്രതിരഥ സൂക്തമ് ഹരി॑ ഓം ആ॒ശു-ശ്ശിശാ॑നോ വൃഷ॒ഭോ ന ഭീ॒മോ ഘ॑നാഘ॒നഃ, ക്ഷോഭ॑ണശ്ചര്​ഷണീ॒നാമ് । സ॒ങ്ക്രന്ദ॑നോ-ഽനിമി॒ഷ ഏ॑കവീ॒ര-ശ്ശ॒തഗ്ം സേനാ॑ അജയത്സാ॒കമിന്ദ്രഃ॑ ॥ 1॥ സ॒ങ്ക്രന്ദ॑നേനാ-ഽനിമി॒ഷേണ॑ ജി॒ഷ്ണുനാ॑ യുത്കാ॒രേണ॑ ദുശ്ച്യവ॒നേന॑ ധൃ॒ഷ്ണുനാ॑ । തദിന്ദ്രേ॑ണ ജയത॒ തത്സ॑ഹധ്വം॒ യുധോ॑ നര॒ ഇഷു॑ഹസ്തേന॒ വൃഷ്ണാ॑ ॥ 2॥ സ ഇഷു॑ഹസ്തൈഃ॒ സ നി॑ഷ॒ങ്ഗിഭി॑ര്വ॒ശീ സഗ്ംസ്ര॑ഷ്ടാ॒ സ യുധ॒ ഇന്ദ്രോ॑ ഗ॒ണേന॑ । സ॒ഗ്ംസൃഷ്ട॒ജിത്സോ॑മ॒പാ ബാ॑ഹുശ॒ര്ധ്യുഗ്രധ॑ന്വാ॒ പ്രതി॑ഹിതാഭി॒രസ്താ॑ ॥ 3॥ ബൃഹ॑സ്പതേ॒ പരി॑ദീയാ॒ രഥേ॑ന രക്ഷോ॒ഹാമിത്രാ॑.ണ2 അപ॒ബാധ॑മാനഃ । പ്ര॒ഭ॒ഞ്ജന്ത്സേനാഃ॑ പ്രമൃ॒ണോ യു॒ധാ ജയ॑ന്ന॒സ്മാക॑മേധ്യവി॒താ രഥാ॑നാമ് ॥ 4॥ ബ॒ല॒വി॒ജ്ഞാ॒യ-സ്സ്ഥവി॑രഃ॒ പ്രവീ॑ര॒-സ്സഹ॑സ്വാന്വാ॒ജീ സഹ॑മാന ഉ॒ഗ്രഃ । അ॒ഭിവീ॑രോ അ॒ഭിസ॑ത്വാ സഹോ॒ജാ ജൈ॑ത്രമിന്ദ്ര॒ രഥ॒മാതി॑ഷ്ഠ ഗോ॒വിത് ॥ 5॥ ഗോ॒ത്ര॒ഭിദം॑ ഗോ॒വിദം॒ വജ്ര॑ബാഹും॒ ജയ॑ന്ത॒മജ്മ॑ പ്രമൃ॒ണന്ത॒മോജ॑സാ । ഇ॒മഗ്ം സ॑ജാതാ॒ അനു॑ വീരയധ്വ॒മിന്ദ്ര॑ഗ്ം സഖായോ॒ അനു॒ സഗ്ംര॑ഭധ്വമ് ॥ 6॥ അ॒ഭി ഗോ॒ത്രാണി॒ സഹ॑സാ॒ ഗാഹ॑മാനോ-ഽദ॒യോ വീ॒ര-ശ്ശ॒തമ॑ന്യു॒രിന്ദ്രഃ॑ । ദു॒ശ്ച്യ॒വ॒നഃ പൃ॑തനാ॒ഷാഡ॑യു॒ധ്യോ-ഽസ്മാക॒ഗ്ം സേനാ॑ അവതു॒ പ്ര യു॒ത്സു ॥ 7॥ ഇന്ദ്ര॑ ആസാ-ന്നേ॒താ ബൃഹ॒സ്പതി॒ര്ദക്ഷി॑ണാ യ॒ജ്ഞഃ പു॒ര ഏ॑തു॒ സോമഃ॑ । ദേ॒വ॒സേ॒നാനാ॑മഭിഭഞ്ജതീ॒നാ-ഞ്ജയ॑ന്തീനാ-മ്മ॒രുതോ॑ യ॒ന്ത്വഗ്ര॑മ് ॥ 8॥ ഇന്ദ്ര॑സ്യ॒ വൃഷ്ണോ॒ വരു॑ണസ്യ॒ രാജ്ഞ॑ ആദി॒ത്യാനാം॑ മ॒രുതാ॒ഗ്ം ശര്ധ॑ ഉ॒ഗ്രമ് । മ॒ഹാമ॑നസാ-മ്ഭുവനച്യ॒വാനാം॒ ഘോഷോ॑ ദേ॒വാനാം॒ ജയ॑താ॒മുദ॑സ്ഥാത് ॥ 9॥ ഉദ്ധ॑ര്​ഷയ മഘവ॒ന്നായു॑ധാ॒ന്യുത്സത്വ॑നാ-മ്മാമ॒കാനാം॒ മനാ॑ഗ്ംസി । ഉദ്വൃ॑ത്രഹന്വാ॒ജിനാം॒ വാജി॑നാ॒ന്യുദ്രഥാ॑നാം॒ ജയ॑താം-യഁന്തു॒ ഘോഷാഃ॑ ॥ 10॥ അ॒സ്മാക॒മിന്ദ്ര॒-സ്സമൃ॑തേഷു ധ്വ॒ജേഷ്വ॒സ്മാകം॒ യാ ഇഷ॑വ॒സ്താ ജ॑യന്തു । അ॒സ്മാകം॑ വീ॒രാ ഉത്ത॑രേ ഭവന്ത്വ॒സ്മാ.ണ2 ഉ॑ ദേവാ അവതാ॒ ഹവേ॑ഷു ॥ 11॥ അ॒മീഷാം॑ ചി॒ത്ത-മ്പ്ര॑തിലോ॒ഭയ॑ന്തീ ഗൃഹാ॒ണാങ്ഗാ॑ന്യപ്വേ॒ പരേ॑ഹി । അ॒ഭി പ്രേഹി॒ നിര്ദ॑ഹ ഹൃ॒ത്സു ശോകൈ॑ര॒ന്ധേനാ॒മിത്രാ॒സ്തമ॑സാ സചന്താമ് ॥ 12॥ അവ॑സൃഷ്ടാ॒ പരാ॑പത॒ ശര॑വ്യേ॒ ബ്രഹ്മ॑സഗ്ംശിതേ । ഗച്ഛാ॒മിത്രാ॒ന്പ്രപ॑ദ്യസ്വ॒ മാമീഷാങ്കഞ്ചനോച്ഛി॑ഷഃ ॥ 13॥ പ്രേതാ॒ ജയ॑താ നര॒ ഇന്ദ്രോ॑ വ॒-ശ്ശര്മ॑ യച്ഛതു । ഉ॒ഗ്രാ വഃ॑ സന്തു ബാ॒ഹവോ॑-ഽനാധൃ॒ഷ്യാ യഥാസ॑ഥ ॥ 14॥ അസൌ॒ യാ സേനാ॑ മരുതഃ॒ പരേ॑ഷാമ॒ഭ്യൈതി॑ ന॒ ഓജ॑സാ॒ സ്പര്ധ॑മാനാ । താ-ങ്ഗൂ॑ഹത॒ തമ॒സാ-ഽപ॑വ്രതേന॒ യഥാ॒മീ അ॒ന്യോ അ॒ന്യ-ന്ന ജാ॒നന്ന് ॥ 15॥ യത്ര॑ ബാ॒ണാ-സ്സ॒മ്പത॑ന്തി കുമാ॒രാ വി॑ശി॒ഖാ ഇ॑വ । തന്ന॒ ഇന്ദ്രോ॒ ബൃഹ॒സ്പതി॒രദി॑തി॒-ശ്ശര്മ॑ യച്ഛതു വി॒ശ്വാഹാ॒ ശര്മ॑ യച്ഛതു ॥ 16॥ മര്മാ॑ണി തേ॒ വര്മ॑ണാ ഛാദയാമി॒ സോമ॑സ്ത്വാ॒ രാജാ॒-ഽമൃതേ॒നാനു॑വസ്താമ് । ഉ॒രോര്വരീ॑യോ॒ വരു॑ണസ്തേ കൃണോതു॒ ജയ॑ന്തം॒ ത്വാനു॑ ദേ॒വാ മ॑ദന്തു ॥ 17॥ ഇതി രുദ്രേ തൃതീയോ-ഽധ്യായഃ ॥ 3॥ 5. ചതുര്ഥോഽധ്യായഃ - സൌര സൂക്തമ്, മൈത്ര സൂക്തമ് ഹരിഃ॑ ഓം വി॒ഭ്രാഡ്ബൃ॒ഹത്പി॑ബതു സോ॒മ്യ-മ്മധ്വായു॒ര്ദധ॑ദ്യ॒ജ്ഞപ॑താ॒വവി॑ഹ്രുതമ് । വാത॑ജൂതോ॒ യോ അ॑ഭി॒രക്ഷ॑തി॒ ത്മനാ॑ പ്ര॒ജാഃ പു॑പോഷ പുരു॒ധാ വി രാ॑ജതി ॥ 1॥ ഉദു॒ ത്യ-ഞ്ജാ॒തവേ॑ദസ-ന്ദേ॒വം-വഁ॑ഹന്തി കേ॒തവഃ॑ । ദൃ॒ശേ വിശ്വാ॑യ॒ സൂര്യ॑മ് ॥ 2॥ യേനാ॑ പാവക॒ ചക്ഷ॑സാ ഭുര॒ണ്യന്തം॒ ജനാ.ങ്​2 ॥ അനു॑ । ത്വം-വഁ॑രുണ॒ പശ്യ॑സി ॥ 3॥ ദൈവ്യാ॑വധ്വര്യൂ॒ ആഗ॑ത॒ഗ്ം രഥേ॑ന॒ സൂര്യ॑ത്വചാ . മധ്വാ॑ യ॒ജ്ഞഗ്ം സമ॑ഞ്ജാഥേ । ത-മ്പ്ര॒ത്നഥാ॒-ഽയം-വേഁ॒നശ്ചി॒ത്ര-ന്ദേ॒വാനാ॑മ് ॥ 4॥ ത-മ്പ്ര॒ത്നഥാ॑ പൂ॒ര്വഥാ॑ വി॒ശ്വഥേ॒മഥാ॑ ജ്യേ॒ഷ്ഠതാ॑തി-മ്ബര്​ഹി॒ഷദ॑ഗ്ംസ്വ॒ര്വിദ॑മ് । പ്ര॒തീ॒ചീ॒നം-വൃഁ॒ജനം॑ ദോഹസേ॒ ധുനി॑മാ॒ശു-ഞ്ജയ॑ന്ത॒മനു॒ യാസു॒ വര്ധ॑സേ ॥ 5॥ അ॒യം-വേഁ॒നശ്ചോ॑ദയ॒ത്പൃശ്നി॑ഗര്ഭാ॒ ജ്യോതി॑ര്ജരായൂ॒ രജ॑സോ വി॒മാനേ॑ । ഇ॒മമ॒പാഗ്ംസ॑ങ്ഗ॒മേ സൂര്യ॑സ്യ॒ ശിശു॒ന്ന വിപ്രാ॑ മ॒തിഭീ॑ രിഹന്തി ॥ 6॥ ചി॒ത്ര-ന്ദേ॒വാനാ॒മുദ॑ഗാ॒ദനീ॑കം॒ ചക്ഷു॑ര്മി॒ത്രസ്യ॒ വരു॑ണസ്യാ॒ഗ്നേഃ । ആപ്രാ॒ ദ്യാവാ॑പൃഥി॒വീ അ॒ന്തരി॑ക്ഷഗ്ം സൂര്യ॑ ആ॒ത്മാ ജഗ॑തസ്ത॒സ്ഥുഷ॑ശ്ച ॥ 7॥ ആ ന॒ ഇഡാ॑ഭിര്വി॒ദഥേ॑ സുശ॒സ്തി വി॒ശ്വാന॑ര-സ്സവി॒താ ദേ॒വ ഏ॑തു । അപി॒ യഥാ॑ യുവാനോ॒ മത്സ॑ഥാ നോ॒ വിശ്വം॒ ജഗ॑ദഭിപി॒ത്വേ മ॑നീ॒ഷാ ॥ 8॥ യദ॒ദ്യ കച്ച॑ വൃത്രഹന്നു॒ദഗാ॑ അ॒ഭി സൂ॑ര്യ । സര്വം॒ തദി॑ന്ദ്ര തേ॒ വശേ॑ ॥ 9॥ ത॒രണി॑ര്വി॒ശ്വദ॑ര്​ശതോ ജ്യോതി॒ഷ്കൃദ॑സി സൂര്യ । വിശ്വ॒മാ ഭാ॑സി രോച॒നമ് ॥ 10॥ തത്സൂര്യ॑സ്യ ദേവ॒ത്വ-ന്തന്മ॑ഹി॒ത്വ-മ്മ॒ധ്യാ കര്തോ॒ര്വിത॑ത॒ഗ്ം സ-ഞ്ജ॑ഭാര । യ॒ദേദയു॑ക്ത ഹ॒രിതഃ॑ സ॒ധസ്ഥാ॒ദാദ്രാത്രീ॒ വാസ॑സ്തനുതേ സി॒മസ്മൈ॑ ॥ 11॥ തന്മി॒ത്രസ്യ॒ വരു॑ണസ്യാഭി॒ചക്ഷേ॒ സൂര്യോ॑ രൂ॒പ-ങ്കൃ॑ണുതേ॒ ദ്യോരു॒പസ്ഥേ॑ । അ॒ന॒ന്തമ॒ന്യദ്രുശ॑ദസ്യ॒ പാജഃ॑ കൃ॒ഷ്ണമ॒ന്യദ്ധ॒രിത॒-സ്സ-മ്ഭ॑രന്തി ॥ 12॥ ബണ്മ॒ഹാ.ണ2 ॥ അ॑സി സൂര്യ॒ ബഡാ॑ദിത്യ മ॒ഹാ.ണ2 ॥ അ॑സി । മ॒ഹസ്തേ॑ സ॒തോ മ॑ഹി॒മാ പ॑നസ്യതേ॒-ഽദ്ധാ ദേ॑വ മ॒ഹാ.ണ2 ॥ അ॑സി ॥ 13॥ ബട് സൂ॑ര്യ॒ ശ്രവ॑സാ മ॒ഹാ.ണ2 ॥ അ॑സി . സ॒ത്രാ ദേ॑വ മ॒ഹാ.ണ2 ॥ അ॑സി । മ॒ഹ്നാ ദേ॒വാനാ॑മസു॒ര്യഃ॒ പു॒രോഹി॑തോ വി॒ഭു ജ്യോതി॒രദാ॑ഭ്യമ് ॥ 14॥ ശ്രായ॑ന്ത ഇവ॒ സൂര്യം॒ വിശ്വേദിന്ദ്ര॑സ്യ ഭക്ഷത । വസൂ॑നി ജാ॒തേ ജന॑മാന॒ ഓജ॑സാ॒ പ്രതി॑ ഭാ॒ഗ-ന്ന ദീ॑ധിമ ॥ 15॥ അ॒ദ്യാ ദേ॑വാ॒ ഉദി॑താ॒ സൂര്യ॑സ്യ॒ നിരഗ്ംഹ॑സഃ പിപൃ॒താ നിര॑വ॒ദ്യാത് । തന്നോ॑ മി॒ത്രോ വരു॑ണോ മാമഹന്താ॒മദി॑തി॒-സ്സിന്ധുഃ॑ പൃഥി॒വീ ഉ॒ത ദ്യൌഃ ॥ 16॥ ആ കൃ॒ഷ്ണേന॒ രജ॑സാ॒ വര്ത॑മാനോ നിവേ॒ശയ॑ന്ന॒മൃതം॒ മര്ത്യം॑ ച । ഹി॒ര॒ണ്യയേ॑ന സവി॒താ രഥേ॒നാ ദേ॒വോ യാ॑തി॒ ഭുവ॑നാനി॒ പശ്യ॑ന് ॥ 17॥ ഇതി രുദ്രേ ചതുര്ഥോ-ഽധ്യായഃ ॥ 4॥ 6. പഞ്ചമോഽധ്യായഃ - രുദ്ര സൂക്തമ് (നീല സൂക്തമ്) ഹരിഃ॑ ഓം നമ॑സ്തേ രുദ്ര മ॒ന്യവ॑ ഉ॒തോ ത॒ ഇഷ॑വേ॒ നമഃ॑ । ബാ॒ഹുഭ്യാ॑മു॒ത തേ॒ നമഃ॑ ॥ 1॥ യാ തേ॑ രുദ്ര ശി॒വാ ത॒നൂരഘോ॒രാ-ഽപാ॑പകാശിനീ । തയാ॑ നസ്ത॒ന്വാ ശന്ത॑മയാ॒ ഗിരി॑ശന്താ॒ഭി ചാ॑കശീഹി ॥ 2॥ യാമിഷും॑ ഗിരിശന്ത॒ ഹസ്തേ॑ ബി॒ഭര്​ഷ്യസ്ത॑വേ । ശി॒വാ-ങ്ഗി॑രിത്ര॒ താ-ങ്കു॑രു॒ മാ ഹി॑ഗ്ംസീഃ॒ പുരു॑ഷം॒ ജഗ॑ത് ॥ 3॥ ശി॒വേന॒ വച॑സാ ത്വാ ഗിരി॒ശാ-ഽച്ഛാ॑വദാമസി । യഥാ॑ ന॒-സ്സര്വ॒മിജ്ജഗ॑ദയ॒ക്ഷ്മഗ്ം സു॒മനാ॒ അസ॑ത് ॥ 4॥ അധ്യ॑വോചദധിവ॒ക്താ പ്ര॑ഥ॒മോ ദൈവ്യോ॑ ഭി॒ഷക് । അഹീ॑ഗ്ംശ്ച॒ സര്വാ॑ഞ്ജ॒മ്ഭയ॒ന്ത്സര്വാ॑ശ്ച യാതുധാ॒ന്യോ॒-ഽധ॒രാചീഃ॒ പരാ॑സുവ ॥ 5॥ അസൌ॒ യസ്താ॒മ്രോ അ॑രു॒ണ ഉ॒ത ബ॒ഭ്രു-സ്സു॑മ॒ങ്ഗലഃ॑ । യേ ചൈ॑നഗ്ം രു॒ദ്രാ അ॒ഭിതോ॑ ദി॒ക്ഷു ശ്രി॒താ-സ്സ॑ഹസ്ര॒ശോ-ഽവൈ॑ഷാ॒ഗ്ം ഹേഡ॑ ഈമഹേ ॥ 6॥ അസൌ॒ യോ॑-ഽവ॒സര്പ॑തി॒ നീല॑ഗ്രീവോ॒ വിലോ॑ഹിതഃ । ഉ॒തൈനം॑ ഗോ॒പാ അ॑ദൃശ്ര॒ന്നദൃ॑ശ്രന്നുദഹാ॒ര്യ-സ്സ ദൃ॒ഷ്ടോ മൃ॑ഡയാതി നഃ ॥ 7॥ നമോ॑-ഽസ്തു॒ നീല॑ഗ്രീവായ സഹസ്രാ॒ക്ഷായ॑ മീ॒ഢുഷേ॑ । അഥോ॒ യേ അ॑സ്യ॒ സത്വാ॑നോ॒-ഽഹ-ന്തേഭ്യോ॑-ഽകരം॒ നമഃ॑ ॥ 8॥ പ്രമു॑ഞ്ച॒ ധന്വ॑ന॒സ്ത്വമു॒ഭയോ॒രാര്ത്ന്യോ॒ര്ജ്യാമ് । യാശ്ച॑ തേ॒ ഹസ്ത॒ ഇഷ॑വഃ॒ പരാ॒ താ ഭ॑ഗവോ വപ ॥ 9॥ വിജ്യം॒ ധനുഃ॑ കപ॒ര്ദിനോ॒ വിശ॑ല്യോ॒ ബാണ॑വാ.ണ2 ॥ ഉ॒ത । അനേ॑ശന്നസ്യ॒ യാ ഇഷ॑വ ആ॒ഭുര॑സ്യ നിഷങ്ഗ॒ധിഃ ॥ 10॥ യാ തേ॑ ഹേ॒തിര്മീ॑ഢുഷ്ടമ॒ ഹസ്തേ॑ ബ॒ഭൂവ॑ തേ॒ ധനുഃ॑ । തയാ॒സ്മാന്വി॒ശ്വത॒സ്ത്വമ॑യ॒ക്ഷ്മയാ॒ പരി॑ഭുജ ॥ 11॥ പരി॑ തേ॒ ധന്വ॑നോ ഹേ॒തിര॒സ്മാന്വൃ॑ണക്തു വി॒ശ്വതഃ॑ । അഥോ॒ യ ഇ॑ഷു॒ധിസ്തവാ॒രേ അ॒സ്മന്നിധേ॑ഹി॒ തമ് ॥ 12॥ അ॒വ॒തത്യ॒ ധനു॒ഷ്ട്വഗ്ം സഹ॑സ്രാക്ഷ॒ ശതേ॑ഷുധേ । നി॒ശീര്യ॑ ശ॒ല്യാനാം॒ മുഖാ॑ ശി॒വോ നഃ॑ സു॒മനാ॑ ഭവ ॥ 13॥ നമ॑സ്ത॒ ആയു॑ധാ॒യാനാ॑തതായ ധൃ॒ഷ്ണവേ॑ । ഉ॒ഭാഭ്യാ॑മു॒ത തേ॒ നമോ॑ ബാ॒ഹുഭ്യാം॒ തവ॒ ധന്വ॑നേ ॥ 14॥ മാ നോ॑ മ॒ഹാന്ത॑മു॒ത മാ നോ॑ അര്ഭ॒ക-മ്മാ ന॒ ഉക്ഷ॑ന്തമു॒ത മാ ന॑ ഉക്ഷി॒തമ് । മാ നോ॑ വധീഃ പി॒തരം॒ മോത॑ മാ॒തരം॒ മാ നഃ॑ പ്രി॒യാസ്ത॒ന്വോ॒ രുദ്ര രീരിഷഃ ॥ 15॥ മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । മാ നോ॑ വീ॒രാ-ന്രു॑ദ്ര ഭാ॒മിനോ॑ വധീര്​ഹ॒വിഷ്മ॑ന്ത॒-സ്സദ॒മിത്ത്വാ॑ ഹവാമഹേ ॥ 16॥ നമോ॒ ഹിര॑ണ്യബാഹവേ സേനാ॒ന്യേ॒ ദി॒ശാ-ഞ്ച॒ പത॑യേ॒ നമോ॒ നമോ॑ വൃ॒ക്ഷേഭ്യോ॒ ഹരി॑കേശേഭ്യഃ പശൂ॒നാ-മ്പത॑യേ॒ നമോ॒ നമഃ॑ ശ॒ഷ്പിഞ്ജ॑രായ॒ ത്വിഷീ॑മതേ പഥീ॒നാ-മ്പത॑യേ॒ നമോ॒ നമോ॒ ഹരി॑കേശായോപവീ॒തിനേ॑ പു॒ഷ്ടാനാം॒ പത॑യേ॒ നമഃ॑ ॥ 17॥ നമോ॑ ബഭ്ലു॒ശായ॑ വ്യാ॒ധിനേ-ഽന്നാ॑നാം॒ പത॑യേ॒ നമോ॒ നമോ॑ ഭ॒വസ്യ॑ ഹേത്യൈ॒ ജഗ॑താം॒ പത॑യേ॒ നമോ॒ നമോ॑ രു॒ദ്രായാ॑തതാ॒യിനേ॒ ക്ഷേത്രാ॑ണാം॒ പത॑യേ॒ നമോ॒ നമഃ॑ സൂ॒തായാഹ॑ന്ത്യൈ॒ വനാ॑നാം॒ പത॑യേ॒ നമഃ॑ ॥ 18॥ നമോ॒ രോഹി॑തായ സ്ഥ॒പത॑യേ വൃ॒ക്ഷാണാം॒ പത॑യേ॒ നമോ॒ നമോ॑ ഭുവ॒ന്തയേ॑ വാരിവസ്കൃ॒തായൌഷ॑ധീനാം॒ പത॑യേ॒ നമോ॒ നമോ॑ മ॒ന്ത്രിണേ॑ വാണി॒ജായ॒ കക്ഷാ॑ണാം॒ പത॑യേ॒ നമോ॒ നമ॑ ഉ॒ച്ചൈര്ഘോ॑ഷായാക്ര॒ന്ദയ॑തേ പത്തീ॒നാ-മ്പത॑യേ॒ നമഃ॑ ॥ 19॥ നമഃ॑ കൃത്സ്നായ॒തയാ॒ ധാവ॑തേ॒ സത്വ॑നാം॒ പത॑യേ॒ നമോ॒ നമ॒-സ്സഹ॑മാനായ നിവ്യാ॒ധിന॑ ആവ്യാ॒ധിനീ॑നാം॒ പത॑യേ॒ നമോ॒ നമോ॑ നിഷ॒ങ്ഗിണേ॑ കകു॒ഭായ॑ സ്തേ॒നാനാം॒ പത॑യേ॒ നമോ॒ നമോ॑ നിചേ॒രവേ॑ പരിച॒രായാര॑ണ്യാനാം॒ പത॑യേ॒ നമഃ॑ ॥ 20॥ നമോ॒ വഞ്ച॑തേ പരി॒വഞ്ച॑തേ സ്തായൂ॒നാ-മ്പത॑യേ॒ നമോ॒ നമോ॑ നിഷ॒ങ്ഗിണ॑ ഇഷുധി॒മതേ॒ തസ്ക॑രാണാം॒ പത॑യേ॒ നമോ॒ നമഃ॑ സൃകാ॒യിഭ്യോ॒ ജിഘാ॑ഗ്ംസദ്ഭ്യോ മുഷ്ണ॒താ-മ്പത॑യേ॒ നമോ॒ നമോ॑-ഽസി॒മദ്ഭ്യോ॒ നക്ത॒ഞ്ചര॑ദ്ഭ്യോ വികൃ॒ന്താനാം॒ പത॑യേ॒ നമഃ॑ ॥ 21॥ നമ॑ ഉഷ്ണീ॒ഷിണേ॑ ഗിരിച॒രായ॑ കുലു॒ഞ്ചാനാം॒ പത॑യേ॒ നമോ॒ നമ॑ ഇഷു॒മദ്ഭ്യോ॑ ധന്വാ॒യിഭ്യ॑ശ്ച വോ॒ നമോ॒ നമ॑ ആതന്വാ॒നേഭ്യഃ॑ പ്രതി॒ദധാ॑നേഭ്യശ്ച വോ॒ നമോ॒ നമ॑ ആ॒യച്ഛ॒ദ്ഭ്യോ-ഽസ്യ॑ദ്ഭ്യശ്ച വോ॒ നമഃ॑ ॥ 22॥ നമോ॑ വിസൃ॒ജദ്ഭ്യോ॒ വിധ്യ॑ദ്ഭ്യശ്ച വോ॒ നമോ॒ നമഃ॑ സ്വ॒പദ്ഭ്യോ॒ ജാഗ്ര॑ദ്ഭ്യശ്ച വോ॒ നമോ॒ നമ॒-ശ്ശയാ॑നേഭ്യ॒ ആസീ॑നേഭ്യശ്ച വോ॒ നമോ॒ നമ॒സ്തിഷ്ഠ॑ദ്ഭ്യോ॒ ധാവ॑ദ്ഭ്യശ്ച വോ॒ നമഃ॑ ॥ 23॥ നമഃ॑ സ॒ഭാഭ്യഃ॑ സ॒ഭാപ॑തിഭ്യശ്ച വോ॒ നമോ॒ നമോ-ഽശ്വേ॒ഭ്യോ-ഽശ്വ॑പതിഭ്യശ്ച വോ॒ നമോ॒ നമ॑ ആവ്യാ॒ധിനീ॑ഭ്യോ വി॒വിധ്യ॑ന്തീഭ്യശ്ച വോ॒ നമോ॒ നമ॒ ഉഗ॑ണാഭ്യസ്തൃഗ്ംഹ॒തീഭ്യ॑ശ്ച വോ॒ നമഃ॑ ॥ 24॥ നമോ॑ ഗ॒ണേഭ്യോ॑ ഗ॒ണപ॑തിഭ്യശ്ച വോ॒ നമോ॒ നമോ॒ വ്രാതേ॑ഭ്യോ॒ വ്രാത॑പതിഭ്യശ്ച വോ॒ നമോ॒ നമോ॒ ഗൃത്സേ॑ഭ്യോ॒ ഗൃത്സ॑പതിഭ്യശ്ച വോ॒ നമോ॒ നമോ॒ വിരൂ॑പേഭ്യോ വി॒ശ്വരൂ॑പേഭ്യശ്ച വോ॒ നമഃ॑ ॥ 25॥ നമ॒-സ്സേനാ॑ഭ്യ-സ്സേനാ॒നിഭ്യ॑ശ്ച വോ॒ നമോ॒ നമോ॑ ര॒ഥിഭ്യോ॑ അര॒ഥേഭ്യ॑ശ്ച വോ॒ നമോ॒ നമഃ॑ ക്ഷ॒ത്തൃഭ്യഃ॑ സങ്ഗ്രഹീ॒തൃഭ്യ॑ശ്ച വോ॒ നമോ॒ നമോ॑ മ॒ഹദ്ഭ്യോ॑ അര്ഭ॒കേഭ്യ॑ശ്ച വോ॒ നമഃ॑ ॥ 26॥ നമ॒സ്തക്ഷ॑ഭ്യോ രഥകാ॒രേഭ്യ॑ശ്ച വോ॒ നമോ॒ നമഃ॒ കുലാ॑ലേഭ്യഃ ക॒ര്മാരേ॑ഭ്യശ്ച വോ॒ നമോ॒ നമോ॑ നിഷാ॒ദേഭ്യഃ॑ പു॒ഞ്ജിഷ്ടേ॑ഭ്യശ്ച വോ॒ നമോ॒ നമഃ॑ ശ്വ॒നിഭ്യോ॑ മൃഗ॒യുഭ്യ॑ശ്ച വോ॒ നമഃ॑ ॥ 27॥ നമ॒-ശ്ശ്വഭ്യ॒-ശ്ശ്വപ॑തിഭ്യശ്ച വോ॒ നമോ॒ നമോ॑ ഭ॒വായ॑ ച രു॒ദ്രായ॑ ച॒ നമഃ॑ ശ॒ര്വായ॑ ച പശു॒പത॑യേ ച॒ നമോ॒ നീല॑ഗ്രീവായ ച ശിതി॒കണ്ഠാ॑യ ച ॥ 28॥ നമഃ॑ കപ॒ര്ദിനേ॑ ച॒ വ്യു॒പ്തകേശായ ച॒ നമഃ॑ സഹസ്രാ॒ക്ഷായ॑ ച ശ॒തധ॑ന്വനേ ച॒ നമോ॑ ഗിരിശ॒യായ॑ ച ശിപിവി॒ഷ്ടായ॑ ച॒ നമോ॑ മീ॒ഢുഷ്ട॑മായ॒ ചേഷു॑മതേ ച ॥ 29॥ നമോ॑ ഹ്ര॒സ്വായ॑ ച വാമ॒നായ॑ ച॒ നമോ॑ ബൃഹ॒തേ ച॒ വര്​ഷീ॑യസേ ച॒ നമോ॑ വൃ॒ദ്ധായ॑ ച സ॒വൃധേ॑ ച॒ നമോ-ഽഗ്ര്യാ॑യ ച പ്രഥ॒മായ॑ ച ॥ 30॥ നമ॑ ആ॒ശവേ॑ ചാജി॒രായ॑ ച॒ നമ॒-ശ്ശീഘ്ര്യാ॑യ ച॒ ശീഭ്യാ॑യ ച॒ നമ॒ ഊര്മ്യാ॑യ ചാവസ്വ॒ന്യാ॒യ ച॒ നമോ॑ നാദേ॒യായ॑ ച॒ ദ്വീപ്യാ॑യ ച ॥ 31॥ നമോ॑ ജ്യേ॒ഷ്ഠായ॑ ച കനി॒ഷ്ഠായ॑ ച॒ നമഃ॑ പൂര്വ॒ജായ॑ ചാപര॒ജായ॑ ച॒ നമോ॑ മധ്യ॒മായ॑ ചാപഗ॒ല്ഭായ॑ ച॒ നമോ॑ ജഘ॒ന്യാ॒യ ച ബു॒ധ്ന്യാ॒യ ച ॥ 32॥ നമ॒-സ്സോഭ്യാ॑യ ച പ്രതിസ॒ര്യാ॒യ ച॒ നമോ॒ യാമ്യാ॑യ ച॒ ക്ഷേമ്യാ॑യ ച॒ നമ॒-ശ്ശ്ലോക്യാ॑യ ചാവസാ॒ന്യാ॒യ ച॒ നമ॑ ഉര്വ॒ര്യാ॒യ ച॒ ഖല്യാ॑യ ച ॥ 33॥ നമോ॒ വന്യാ॑യ ച॒ കക്ഷ്യാ॑യ ച॒ നമഃ॑ ശ്ര॒വായ॑ ച പ്രതിശ്ര॒വായ॑ ച॒ നമ॑ ആ॒ശുഷേ॑ണായ ചാ॒ശുര॑ഥായ ച॒ നമ॒-ശ്ശൂരാ॑യ ചാവഭേ॒ദിനേ॑ ച ॥ 34॥ നമോ॑ ബി॒ല്മിനേ॑ ച കവ॒ചിനേ॑ ച॒ നമോ॑ വ॒ര്മിണേ॑ ച വരൂ॒ഥിനേ॑ ച॒ നമഃ॑ ശ്രു॒തായ॑ ച ശ്രുതസേ॒നായ॑ ച॒ നമോ॑ ദുന്ദു॒ഭ്യാ॒യ ചാഹന॒ന്യാ॒യ ച ॥ 35॥ നമോ॑ ധൃ॒ഷ്ണവേ॑ ച പ്രമൃ॒ശായ॑ ച॒ നമോ॑ നിഷ॒ങ്ഗിണേ॑ ചേഷുധി॒മതേ॑ ച॒ നമ॑സ്തീ॒ക്ഷ്ണേഷ॑വേ ചായു॒ധിനേ॑ ച॒ നമഃ॑ സ്വായു॒ധായ॑ ച സു॒ധന്വ॑നേ ച ॥ 36॥ നമ॒-സ്സ്രുത്യാ॑യ ച॒ പഥ്യാ॑യ ച॒ നമഃ॒ കാട്യാ॑യ ച॒ നീപ്യാ॑യ ച॒ നമഃ॒ കുല്യാ॑യ ച സര॒സ്യാ॒യ ച॒ നമോ॑ നാദേ॒യായ॑ ച വൈശ॒ന്തായ॑ ച ॥ 37॥ നമഃ॒ കൂപ്യാ॑യ ചാവ॒ട്യാ॑യ ച॒ നമോ॒ വീധ്ര്യാ॑യ ചാത॒പ്യാ॒യ ച॒ നമോ॒ മേഘ്യാ॑യ ച വിദ്യു॒ത്യാ॒യ ച॒ നമോ॒ വര്​ഷ്യാ॑യ ചാവ॒ര്​ഷ്യായ॑ ച ॥ 38॥ നമോ॒ വാത്യാ॑യ ച॒ രേഷ്മ്യാ॑യ ച॒ നമോ॑ വാസ്ത॒വ്യാ॒യ ച വാസ്തു॒പായ॑ ച॒ നമ॒-സ്സോമാ॑യ ച രു॒ദ്രായ॑ ച॒ നമ॑സ്താ॒മ്രായ॑ ചാരു॒ണായ॑ ച ॥ 39॥ നമഃ॑ ശ॒ങ്ഗവേ॑ ച പശു॒പത॑യേ ച॒ നമ॑ ഉ॒ഗ്രായ॑ ച ഭീ॒മായ॑ ച॒ നമോ॑-ഽഗ്രേവ॒ധായ॑ ച ദൂരേവ॒ധായ॑ ച॒ നമോ॑ ഹ॒ന്ത്രേ ച॒ ഹനീ॑യസേ ച॒ നമോ॑ വൃ॒ക്ഷേഭ്യോ॒ ഹരി॑കേശേഭ്യോ॒ നമ॑സ്താ॒രായ॑ ॥ 40॥ നമഃ॑ ശമ്ഭ॒വായ॑ ച മയോഭ॒വായ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച ॥ 41॥ നമഃ॒ പാര്യാ॑യ ചാവാ॒ര്യാ॒യ ച॒ നമഃ॑ പ്ര॒തര॑ണായ ചോ॒ത്തര॑ണായ ച॒ നമ॒സ്തീര്ഥ്യാ॑യ ച॒ കൂല്യാ॑യ ച॒ നമ॒-ശ്ശഷ്പ്യാ॑യ ച॒ ഫേന്യാ॑യ ച ॥ 42॥ നമഃ॑ സിക॒ത്യാ॒യ ച പ്രവാ॒ഹ്യാ॒യ ച॒ നമഃ॑ കിഗ്ംശി॒ലായ॑ ച ക്ഷയ॒ണായ॑ ച॒ നമഃ॑ കപ॒ര്ദിനേ॑ ച പുല॒സ്തയേ॑ ച॒ നമ॑ ഇരി॒ണ്യാ॒യ ച പ്രപ॒ഥ്യാ॒യ ച ॥ 43॥ നമോ॒ വ്രജ്യാ॑യ ച॒ ഗോഷ്ഠ്യാ॑യ ച॒ നമ॒സ്തല്പ്യാ॑യ ച॒ ഗേഹ്യാ॑യ ച॒ നമോ॑ ഹൃദ॒യ്യാ॒യ ച നിവേ॒ഷ്പ്യാ॒യ ച॒ നമഃ॒ കാട്യാ॑യ ച ഗഹ്വരേ॒ഷ്ഠായ॑ ച ॥ 44॥ നമ॒-ശ്ശുഷ്ക്യാ॑യ ച ഹരി॒ത്യാ॒യ ച॒ നമഃ॑ പാഗ്ംസ॒വ്യാ॒യ ച രജ॒സ്യാ॒യ ച॒ നമോ॒ ലോപ്യാ॑യ ചോല॒പ്യാ॒യ ച॒ നമ॒ ഊര്വ്യാ॑യ ച॒ സൂര്വ്യാ॑യ ച ॥ 45॥ നമഃ॑ പ॒ര്ണായ॑ ച പര്ണശ॒ദായ॑ ച॒ നമ॑ ഉദ്ഗു॒രമാ॑ണായ ചാഭിഘ്ന॒തേ ച॒ നമ॑ ആഖിദ॒തേ ച॑ പ്രഖിദ॒തേ ച॒ നമഃ॑ ഇഷു॒കൃദ്ഭ്യോ॑ ധനു॒ഷ്കൃദ്ഭ്യ॑ശ്ച വോ॒ നമോ॒ നമോ॑ വഃ കിരി॒കേഭ്യോ॑ ദേ॒വാനാ॒ഗ്ം ഹൃദ॑യേഭ്യോ॒ നമോ॑ വിചിന്വ॒ത്കേഭ്യോ॒ നമോ॑ വിക്ഷിണ॒ത്കേഭ്യോ॒ നമ॑ ആനിര്​ഹ॒തേഭ്യഃ॑ ॥ 46॥ ദ്രാപേ॒ അന്ധ॑സസ്പതേ॒ ദരി॑ദ്രം॒ നീല॑ലോഹിത । ആ॒സാ-മ്പ്ര॒ജാനാ॑മേ॒ഷാ-മ്പ॑ശൂ॒നാ-മ്മാ ഭേ॒ര്മാ രോങ്ഭോ ച॑ നഃ॒ കിഞ്ച॒നാമ॑മത് ॥ 47॥ ഇ॒മാ രു॒ദ്രായ॑ ത॒വസേ॑ കപ॒ര്ദിനേ॑ ക്ഷ॒യദ്വീ॑രായ॒ പ്രഭ॑രാമഹേ മ॒തീഃ । യഥാ॒ ശമസ॑ദ്ദ്വി॒പദേ॒ ചതു॑ഷ്പദേ॒ വിശ്വം॑ പു॒ഷ്ട-ങ്ഗ്രാമേ॑ അ॒സ്മിന്ന॑നാതു॒രമ് ॥ 48॥ യാ തേ॑ രുദ്ര ശി॒വാ ത॒നൂ-ശ്ശി॒വാ വി॒ശ്വാഹാ॑ ഭേഷ॒ജീ । ശി॒വാ രു॒തസ്യ॑ ഭേഷ॒ജീ തയാ॑ നോ മൃഡ ജീ॒വസേ॑ ॥ 49॥ പരി॑ നോ രു॒ദ്രസ്യ॑ ഹേ॒തിര്വൃ॑ണക്തു॒ പരി॑ ത്വേ॒ഷസ്യ॑ ദുര്മ॒തിര॑ഘാ॒യോഃ । അവ॑ സ്ഥി॒രാ മ॒ഘവ॑ദ്ഭ്യസ്തനുഷ്വ॒ മീഢ്വ॑സ്തോ॒കായ॒ തന॑യായ മൃഡ ॥ 50॥ മീഢു॑ഷ്ടമ॒ ശിവ॑തമ ശി॒വോ നഃ॑ സു॒മനാ॑ ഭവ । പ॒ര॒മേ വൃ॒ക്ഷ ആയു॑ധ-ന്നി॒ധായ॒ കൃത്തിം॒ വസാ॑ന॒ ആച॑ര॒ പിനാ॑കം॒ ബിഭ്ര॒ദാഗ॑ഹി ॥ 51॥ വികി॑രിദ്ര॒ വിലോ॑ഹിത॒ നമ॑സ്തേ അസ്തു ഭഗവഃ । യാസ്തേ॑ സ॒ഹസ്ര॑ഗ്ം ഹേ॒തയോ॒-ഽന്യമ॒സ്മന്നിവ॑പന്തു॒ താഃ ॥ 52॥ സ॒ഹസ്രാ॑ണി സഹസ്ര॒ശോ ബാ॒ഹ്വോസ്തവ॑ ഹേ॒തയഃ॑ । താസാ॒മീശാ॑നോ ഭഗവഃ പരാ॒ചീനാ॒ മുഖാ॑ കൃധി ॥ 53॥ അസം॑ഖ്യാതാ സ॒ഹസ്രാ॑ണി॒ യേ രു॒ദ്രാ അധി॒ ഭൂമ്യാ॑മ് । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 54॥ അ॒സ്മിന്മ॑ഹ॒ത്യ॒ര്ണ॒വേ-ഽന്തരി॑ക്ഷേ ഭ॒വാ അധി॑ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 55॥ നീല॑ഗ്രീവാ-ശ്ശിതി॒കണ്ഠാ॒ ദിവ॑ഗ്ം രു॒ദ്രാ ഉപ॑ശ്രിതാഃ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 56॥ നീല॑ഗ്രീവാ-ശ്ശിതി॒കണ്ഠാഃ॑ ശ॒ര്വാ അ॒ധഃ, ക്ഷ॑മാച॒രാഃ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 57॥ യേ വൃ॒ക്ഷേഷു॑ ശ॒ഷ്പിഞ്ജ॑രാ॒ നീല॑ഗ്രീവാ॒ വിലോ॑ഹിതാഃ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 58॥ യേ ഭൂ॒താനാ॒മധി॑പതയോ വിശി॒ഖാസഃ॑ കപ॒ര്ദിനഃ॑ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 59॥ യേ പ॒ഥാ-മ്പ॑ഥി॒രക്ഷ॑യ ഐലബൃ॒ദാ ആ॑യു॒ര്യുധഃ॑ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 60॥ യേ തീ॒ര്ഥാനി॑ പ്ര॒ചര॑ന്തി സൃ॒കാഹ॑സ്താ നിഷ॒ങ്ഗിണഃ॑ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 61॥ യേ-ഽന്നേ॑ഷു വി॒വിധ്യ॑ന്തി॒ പാത്രേ॑ഷു॒ പിബ॑തോ॒ ജനാ॑ന് । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 62॥ യ ഏ॒താവ॑ന്തശ്ച॒ ഭൂയാ॑ഗ്ംസശ്ച॒ ദിശോ॑ രു॒ദ്രാ വി॑തസ്ഥി॒രേ । തേഷാ॑ഗ്ം സഹസ്രയോജ॒നേ-ഽവ॒ ധന്വാ॑നി തന്മസി ॥ 63॥ നമോ॑-ഽസ്തു രു॒ദ്രേഭ്യോ॒ യേ ദി॒വി യേഷാം॑ വ॒ര്​ഷമിഷ॑വസ്തേഭ്യോ॒ ദശ॒ പ്രാചീ॒ര്ദശ॑ ദക്ഷി॒ണാ ദശ॑ പ്ര॒തീചീ॒ര്ദശോദീ॑ചീ॒ര്ദശോ॒ര്ധ്വാസ്തേഭ്യോ॒ നമോ॑ അസ്തു॒ തേ നോ॑-ഽവന്തു॒ തേ നോ॑ മൃഡയന്തു॒ തേ യം ദ്വി॒ഷ്മോ യശ്ച॑ നോ॒ ദ്വേഷ്ടി॒ തമേ॑ഷാം॒ ജമ്ഭേ॑ ദധ്മഃ ॥ 64॥ നമോ॑-ഽസ്തു രു॒ദ്രേഭ്യോ॒ യേ-ഽന്തരി॑ക്ഷേ॒ യേഷാം॒ വാത॒ ഇഷ॑വസ്തേഭ്യോ॒ ദശ॒ പ്രാചീ॒ര്ദശ॑ ദക്ഷി॒ണാ ദശ॑ പ്ര॒തീചീ॒ര്ദശോദീ॑ചീ॒ര്ദശോ॒ര്ധ്വാസ്തേഭ്യോ॒ നമോ॑ അസ്തു॒ തേ നോ॑-ഽവന്തു॒ തേ നോ॑ മൃഡയന്തു॒ തേ യം ദ്വി॒ഷ്മോ യശ്ച॑ നോ॒ ദ്വേഷ്ടി॒ തമേ॑ഷാം॒ ജമ്ഭേ॑ ദധ്മഃ ॥ 65॥ നമോ॑-ഽസ്തു രു॒ദ്രേഭ്യോ॒ യേ പൃ॑ഥി॒വ്യാം-യേഁഷാ॒മന്ന॒മിഷ॑വസ്തേഭ്യോ॒ ദശ॒ പ്രാചീ॒ര്ദശ॑ ദക്ഷി॒ണാ ദശ॑ പ്ര॒തീചീ॒ര്ദശോദീ॑ചീ॒ര്ദശോ॒ര്ധ്വാസ്തേഭ്യോ॒ നമോ॑ അസ്തു॒ തേ നോ॑-ഽവന്തു॒ തേ നോ॑ മൃഡയന്തു॒ തേ യം ദ്വി॒ഷ്മോ യശ്ച॑ നോ॒ ദ്വേഷ്ടി॒ തമേ॑ഷാം॒ ജമ്ഭേ॑ ദധ്മഃ ॥ 66॥ ഇതി രുദ്രേ പഞ്ചമോ-ഽധ്യായഃ ॥ 5॥ 7. ഷഷ്ഠോഽധ്യായഃ - മഹച്ഛിര, സോമ സ്തവന, ത്ര്യമ്ബക യജനമ് ഹരിഃ॑ ഓം വ॒യഗ്ംസോ॑മ വ്ര॒തേ തവ॒ മന॑സ്ത॒നൂഷു॒ ബിഭ്ര॑തഃ । പ്ര॒ജാവ॑ന്ത-സ്സചേമഹി ॥ 1॥ ഏ॒ഷ തേ॑ രുദ്ര ഭാ॒ഗ-സ്സ॒ഹ സ്വസ്രാ-ഽമ്ബി॑കയാ॒ ത-ഞ്ജു॑ഷസ്വ॒ സ്വാഹൈ॒ഷ തേ॑ രുദ്ര ഭാ॒ഗ ആ॒ഖുസ്തേ॑ പ॒ശുഃ ॥ 2॥ അവ॑ രു॒ദ്രമ॑ദീമ॒ഹ്യവ॑ ദേ॒വ-ന്ത്ര്യ॑മ്ബകമ് । യഥാ॑ നോ॒ വസ്യ॑സ॒സ്കര॒ദ്യഥാ॑ ന॒-ശ്ശ്രേയ॑സ॒സ്കര॒ദ്യഥാ॑ നോ വ്യവസാ॒യയാ॑ത് ॥ 3॥ ഭേ॒ഷ॒ജമ॑സി ഭേഷ॒ജ-ങ്ഗവേ-ഽശ്വാ॑യ॒ പുരു॑ഷായ ഭേഷ॒ജമ് । സു॒ഖ-മ്മേ॒ഷായ॑ മേഷ്യൈ ॥ 4॥ ത്ര്യ॑മ്ബകം-യഁജാമഹേ സുഗ॒ന്ധി-മ്പു॑ഷ്ടി॒വര്ധ॑നമ് । ഉ॒ര്വാ॒രു॒കമി॑വ॒ ബന്ധ॑നാന്മൃ॒ത്യോര്മു॑ക്ഷീയ॒ മാ-ഽമൃതാ॑ത് । ത്ര്യ॑മ്ബകം-യഁജാമഹേ സുഗ॒ന്ധി-മ്പ॑തി॒വേദ॑നമ് । ഉ॒ര്വാ॒രു॒കമി॑വ॒ ബന്ധ॑നാദി॒തോ മു॑ക്ഷീയ॒ മാമുതഃ॑ ॥ 5॥ ഏ॒തത്തേ॑ രുദ്രാവ॒സ-ന്തേന॑ പ॒രോ മൂജ॑വ॒തോ-ഽതീ॑ഹി । അവ॑തതധന്വാ॒ പിനാ॑കാവസഃ॒ കൃത്തി॑വാസാ॒ അഹി॑ഗ്ംസന്ന-ശ്ശി॒വോ-ഽതീ॑ഹി ॥ 6॥ ത്ര്യാ॑യു॒ഷ-ഞ്ജ॒മദ॑ഗ്നേഃ ക॒ശ്യപ॑സ്യ ത്ര്യായു॒ഷമ് । യദ്ദേ॒വേഷു॑ ത്ര്യായു॒ഷ-ന്തന്നോ॑ അസ്തു ത്ര്യായു॒ഷമ് ॥ 7॥ ശി॒വോ നാമാ॑സി॒ സ്വധി॑തിസ്തേ പി॒താ നമ॑സ്തേ അസ്തു॒ മാ മാ॑ ഹിഗ്ംസീഃ । നിവ॑ര്തയാമ്യായു॑ഷേ॒-ഽന്നാദ്യാ॑യ॒ പ്രജന॑നായ രാ॒യസ്പോഷാ॑യ സുപ്രജാ॒സ്ത്വായ॑ സു॒വീര്യാ॑യ ॥ 8॥ ഇതി രുദ്രേ ഷഷ്ഠോ-ഽധ്യായഃ ॥ 6॥ 8. സപ്തമോഽധ്യായഃ - ജടാഽധ്യായഃ ഹരിഃ॑ ഓം ഉ॒ഗ്രശ്ച॑ ഭീ॒മശ്ച॒ ധ്വാ॒ന്തശ്ച॒ ധുനി॑ശ്ച । സാ॒സ॒ഹ്വാംശ്ചാ॑ഭിയു॒ഗ്വാ ച॑ വി॒ക്ഷിപ॒-സ്സ്വാഹാ॑ ॥ 1॥ അ॒ഗ്നിഗ്ം ഹൃദ॑യേനാ॒ശനി॑ഗ്ം ഹൃദയാ॒ഗ്രേണ॑ പശു॒പതിം॑ കൃത്സ്ന॒ഹൃദ॑യേന ഭ॒വം-യഁ॒ക്നാ । ശ॒ര്വ-മ്മത॑സ്നാഭ്യാ॒മീശാ॑ന-മ്മ॒ന്യുനാ॑ മഹാദേ॒വമ॑ന്തഃ പര്​ശ॒വ്യേനോ॒ഗ്രം ദേ॒വം-വഁ॑നി॒ഷ്ഠുനാ॑ വസിഷ്ഠ॒ഹനുഃ॒ ശിങ്ഗീ॑നി കോ॒ശ്യാഭ്യാ॑മ് ॥ 2॥ ഉ॒ഗ്രം-ല്ലോഁഹി॑തേന മി॒ത്രഗ്ം സൌ॑വ്രത്യേന രു॒ദ്ര-ന്ദൌര്വ്ര॑ത്യേ॒നേന്ദ്രം॑ പ്രക്രീ॒ഡേന॑ മ॒രുതോ॒ ബലേ॑ന സാ॒ധ്യാന്പ്ര॒മുദാ॑ । ഭ॒വസ്യ॒ കണ്ഠ്യ॑ഗ്ം രു॒ദ്രസ്യാ॑ന്തഃ പാ॒ര്​ശ്വ്യ-മ്മ॑ഹാദേ॒വസ്യ॒ യകൃ॑ച്ഛ॒ര്വസ്യ॑ വനി॒ഷ്ഠുഃ പ॑ശു॒പതേഃ॑ പുരീ॒തത് ॥ 3॥ ലോമ॑ഭ്യ॒-സ്സ്വാഹാ॒ ലോമ॑ഭ്യ॒-സ്സ്വാഹാ॑ ത്വ॒ചേ സ്വാഹാ॑ ത്വ॒ചേ സ്വാഹാ॒ ലോഹി॑തായ॒ സ്വാഹാ॒ ലോഹി॑തായ॒ സ്വാഹാ॒ മേദോ॑ഭ്യ॒-സ്സ്വാഹാ॒ മേദോ॑ഭ്യ॒-സ്സ്വാഹാ॑ । മാ॒ഗ്ംസേഭ്യ॒-സ്സ്വാഹാ॑ മാ॒ഗ്ംസേഭ്യ॒-സ്സ്വാഹാ॒ സ്നാവ॑ഭ്യ॒-സ്സ്വാഹാ॒ സ്നാവ॑ഭ്യ॒-സ്സ്വാഹാ॒ അസ്ഥഭ്യ॒-സ്സ്വാഹാ॒ അസ്ഥഭ്യ॒-സ്സ്വാഹാ॑ മ॒ജ്ജഭ്യ॒-സ്സ്വാഹാ॑ മ॒ജ്ജഭ്യ॒-സ്സ്വാഹാ॑ । രേത॑സേ॒ സ്വാഹാ॑ പാ॒യവേ॒ സ്വാഹാ॑ ॥ 4॥ ആ॒യാ॒സായ॒ സ്വാഹാ॑ പ്രായാ॒സായ॒ സ്വാഹാ॑ സം​യാഁ॒സായ॒ സ്വാഹാ॑ വിയാ॒സായ॒ സ്വാഹോ॑ദ്യാ॒സായ॒ സ്വാഹാ॑ । ശു॒ചേ സ്വാഹാ॒ ശോച॑തേ॒ സ്വാഹാ॒ ശോച॑മാനായ॒ സ്വാഹാ॒ ശോകാ॑യ॒ സ്വാഹാ॑ ॥ 5॥ തപ॑സേ॒ സ്വാഹാ॒ തപ്യ॑തേ॒ സ്വാഹാ॒ തപ്യ॑മാനായ॒ സ്വാഹാ॑ ത॒പ്തായ॒ സ്വാഹാ॑ ഘ॒ര്മായ॒ സ്വാഹാ॑ । നിഷ്കൃ॑ത്യൈ॒ സ്വാഹാ॒ പ്രായ॑ശ്ചിത്ത്യൈ॒ സ്വാഹാ॑ ഭേഷ॒ജായ॒ സ്വാഹാ॑ ॥ 6॥ യ॒മായ॒ സ്വാഹാന്ത॑കായ॒ സ്വാഹാ॑ മൃ॒ത്യവേ॒ സ്വാഹാ॒ ബ്രഹ്മ॑ണേ॒ സ്വാഹാ॑ ബ്രഹ്മഹ॒ത്യായൈ॒ സ്വാഹാ॒ । വിശ്വേ॑ഭ്യോ ദേ॒വേഭ്യ॒-സ്സ്വാഹാ॒ ദ്യാവാ॑പൃഥി॒വീഭ്യാ॒ഗ്ം സ്വാഹാ॑ ॥ 7॥ ഇതി രുദ്രേ സപ്തമോ-ഽധ്യായഃ ॥ 7॥ 9. അഷ്ടമോഽധ്യായഃ - ചമക പ്രശ്നഃ (ചമകപ്രശ്നഃ ।) ഹരിഃ॑ ഓം വാജ॑ശ്ച മേ പ്രസ॒വശ്ച॑ മേ॒ പ്രയ॑തിശ്ച മേ॒ പ്രസി॑തിശ്ച മേ ധീ॒തിശ്ച॑ മേ॒ ക്രതു॑ശ്ച മേ॒ സ്വര॑ശ്ച മേ॒ ശ്ലോക॑ശ്ച മേ ശ്ര॒വശ്ച॑ മേ॒ ശ്രുതി॑ശ്ച മേ॒ ജ്യോതി॑ശ്ച മേ॒ സ്വ॒ശ്ച മേ യ॒ജ്ഞേന॑ കല്പന്താമ് ॥ 1॥ പ്രാ॒ണശ്ച॑ മേ-ഽപാ॒നശ്ച॑ മേ വ്യാ॒നശ്ച॒ മേ-ഽസു॑ശ്ച മേ ചി॒ത്ത-ഞ്ച॑ മ॒ ആധീ॑ത-ഞ്ച മേ॒ വാക്ച॑ മേ॒ മന॑ശ്ച മേ॒ ചക്ഷു॑ശ്ച മേ॒ ശ്രോത്രം॑ ച മേ॒ ദക്ഷ॑ശ്ച മേ॒ ബലം॑ ച മേ യ॒ജ്ഞേന॑ കല്പന്താമ് ॥ 2॥ ഓജ॑ശ്ച മേ॒ സഹ॑ശ്ച മ ആ॒ത്മാ ച॑ മേ ത॒നൂശ്ച॑ മേ॒ ശര്മ॑ ച മേ॒ വര്മ॑ ച॒ മേ-ഽങ്ഗാ॑നി ച॒ മേ-ഽസ്ഥീ॑നി ച മേ॒ പരൂ॑ഗ്ംഷി ച മേ॒ ശരീ॑രാണി ച മ॒ ആയു॑ശ്ച മേ ജ॒രാ ച॑ മേ യ॒ജ്ഞേന॑ കല്പന്താമ് ॥ 3॥ ജ്യൈ॑ഷ്ഠ്യ-ഞ്ച മ ആധി॑പത്യ-ഞ്ച മേ മ॒ന്യുശ്ച॑ മേ॒ ഭാമ॑ശ്ച॒ മേ-ഽമ॑ശ്ച॒ മേ-ഽമ്ഭ॑ശ്ച മേ ജേ॒മാ ച॑ മേ മഹി॒മാ ച॑ മേ വരി॒മാ ച॑ മേ പ്രഥി॒മാ ച॑ മേ വര്​ഷി॒മാ ച॑ മേ ദ്രാഘി॒മാ ച॑ മേ വൃ॒ദ്ധ-ഞ്ച॑ മേ॒ വൃദ്ധി॑ശ്ച മേ യ॒ജ്ഞേന॑ കല്പന്താമ് ॥ 4॥ സ॒ത്യ-ഞ്ച॑ മേ ശ്ര॒ദ്ധാ ച॑ മേ॒ ജഗ॑ച്ച മേ॒ ധനം॑ ച മേ॒ വിശ്വം॑ ച മേ॒ മഹ॑ശ്ച മേ ക്രീ॒ഡാ ച॑ മേ॒ മോദ॑ശ്ച മേ ജാ॒ത-ഞ്ച॑ മേ ജനി॒ഷ്യമാ॑ണ-ഞ്ച മേ സൂ॒ക്ത-ഞ്ച॑ മേ സുകൃ॒ത-ഞ്ച॑ മേ യ॒ജ്ഞേന॑ കല്പന്താമ് ॥ 5॥ ഋ॒ത-ഞ്ച॑ മേ-ഽമൃതം॑ ച മേ-ഽയ॒ക്ഷ്മ-ഞ്ച॒ മേ-ഽനാ॑മയച്ച മേ ജീ॒വാതു॑ശ്ച മേ ദീര്ഘായു॒ത്വ-ഞ്ച॑ മേ-ഽനമി॒ത്ര-ഞ്ച॒ മേ-ഽഭ॑യ-ഞ്ച മേ സു॒ഖ-ഞ്ച॑ മേ॒ ശയ॑ന-ഞ്ച മേ സൂ॒ഷാശ്ച॑ മേ സു॒ദിനം॑ ച മേ യ॒ജ്ഞേന॑ കല്പന്താമ് ॥ 6॥ യ॒ന്താ ച॑ മേ ധ॒ര്താ ച॑ മേ॒ ക്ഷേമ॑ശ്ച മേ॒ ധൃതി॑ശ്ച മേ॒ വിശ്വം॑ ച മേ॒ മഹ॑ശ്ച മേ സം॒വിച്ച॑ മേ॒ ജ്ഞാത്രം॑ ച മേ॒ സൂശ്ച॑ മേ പ്ര॒സൂശച॒॑ മേ॒ സീരം॑ ച മേ॒ ലയ॑ശ്ച മേ യ॒ജ്ഞേന॑ കല്പന്താമ് ॥ 7॥ ശ-ഞ്ച॑ മേ॒ മയ॑ശ്ച മേ പ്രി॒യ-ഞ്ച॑ മേ-ഽനുകാ॒മശ്ച॑ മേ॒ കാമ॑ശ്ച മേ സൌമന॒സശ്ച॑ മേ॒ ഭഗ॑ശ്ച മേ॒ ദ്രവി॑ണ-ഞ്ച മേ ഭ॒ദ്ര-ഞ്ച॑ മേ॒ ശ്രേയ॑ശ്ച മേ॒ വസീ॑യശ്ച മേ॒ യശ॑ശ്ച മേ യ॒ജ്ഞേന॑ കല്പന്താമ് ॥ 8॥ ഊര്ക്ച॑ മേ സൂ॒നൃതാ॑ ച മേ॒ പയ॑ശ്ച മേ॒ രസ॑ശ്ച മേ ഘൃ॒ത-ഞ്ച॑ മേ॒ മധു॑ ച മേ॒ സഗ്ധി॑ശ്ച മേ॒ സപീ॑തിശ്ച മേ കൃ॒ഷിശ്ച॑ മേ॒ വൃഷ്ടി॑ശ്ച മേ॒ ജൈത്രം॑ ച മ॒ ഔദ്ഭി॑ദ്യ-ഞ്ച മേ യ॒ജ്ഞേന॑ കല്പന്താമ് ॥ 9॥ ര॒യിശ്ച॑ മേ॒ രായ॑ശ്ച മേ പു॒ഷ്ട-ഞ്ച॑ മേ॒ പുഷ്ടി॑ശ്ച മേ വി॒ഭു ച॑ മേ പ്ര॒ഭു ച॑ മേ പൂ॒ര്ണ-ഞ്ച॑ മേ പൂ॒ര്ണത॑ര-ഞ്ച മേ॒ കുയ॑വ-ഞ്ച॒ മേ-ഽക്ഷി॑ത-ഞ്ച॒ മേ-ഽന്നം॑ ച॒ മേ-ഽക്ഷു॑ച്ച മേ യ॒ജ്ഞേന॑ കല്പന്താമ് ॥ 10॥ വി॒ത്ത-ഞ്ച॑ മേ॒ വേദ്യം॑ ച മേ ഭൂ॒ത-ഞ്ച॑ മേ ഭവി॒ഷ്യച്ച॑ മേ സു॒ഗ-ഞ്ച॑ മേ സുപ॒ഥ്യം॒ ച മ ഋ॒ദ്ധ-ഞ്ച॑ മ॒ ഋദ്ധി॑ശ്ച മേ ക്ലൃ॒പ്ത-ഞ്ച॑ മേ॒ ക്ലൃപ്തി॑ശ്ച മേ മ॒തിശ്ച॑ മേ സുമ॒തിശ്ച॑ മേ യ॒ജ്ഞേന॑ കല്പന്താമ് ॥ 11॥ വ്രീ॒ഹയ॑ശ്ച മേ॒ യവാ॑ശ്ച മേ॒ മാഷാ॑ശ്ച മേ॒ തിലാ॑ശ്ച മേ മു॒ദ്രാശ്ച॑ മേ॒ ഖല്വാ॑ശ്ച മേ പ്രി॒യങ്ഗ॑വശ്ച॒ മേ-ഽണ॑വശ്ച മേ ശ്യാ॒മാകാ॑ശ്ച മേ നീ॒വാരാ॑ശ്ച മേ ഗോ॒ധൂമാ॑ശ്ച മേ മ॒സൂരാ॑ശ്ച മേ യ॒ജ്ഞേന॑ കല്പന്താമ് ॥ 12॥ അശ്മാ॑ ച മേ॒ മൃത്തി॑കാ ച മേ ഗി॒രയ॑ശ്ച മേ॒ പര്വ॑താശ്ച മേ॒ സിക॑താശ്ച മേ॒ വന॒സ്പത॑യശ്ച മേ॒ ഹിര॑ണ്യ-ഞ്ച॒ മേ-ഽയ॑ശ്ച മേ ശ്യാ॒മ-ഞ്ച॑ മേ ലോ॒ഹ-ഞ്ച॑ മേ॒ സീസം॑ ച മേ॒ ത്രപു॑ ച മേ യ॒ജ്ഞേന॑ കല്പന്താമ് ॥ 13॥ അ॒ഗ്നിശ്ച॑ മ॒ ആപ॑ശ്ച മേ വീ॒രുധ॑ശ്ച മ॒ ഓഷ॑ധയശ്ച മേ കൃഷ്ടപ॒ച്യാശ്ച॑ മേ-ഽകൃഷ്ടപ॒ച്യാശ്ച॑ മേ ഗ്രാ॒മ്യാശ്ച॑ മേ പ॒ശവ॑ ആര॒ണ്യാശ്ച॑ മേ വി॒ത്ത-ഞ്ച॑ മേ॒ വിത്തി॑ശ്ച മേ ഭൂ॒ത-ഞ്ച॑ മേ॒ ഭൂതി॑ശ്ച മേ യ॒ജ്ഞേന॑ കല്പന്താമ് ॥ 14॥ വസു॑ ച മേ വസ॒തിശ്ച॑ മേ॒ കര്മ॑ ച മേ॒ ശക്തി॑ശ്ച॒ മേ-ഽര്ഥ॑ശ്ച മ॒ ഏമ॑ശ്ച മ ഇ॒ത്യാ ച॑ മേ॒ ഗതി॑ശ്ച മേ യ॒ജ്ഞേന॑ കല്പന്താമ് ॥ 15॥ അ॒ഗ്നിശ്ച॑ മ॒ ഇന്ദ്ര॑ശ്ച മേ॒ സോമ॑ശ്ച മ॒ ഇന്ദ്ര॑ശ്ച മേ സവി॒താ ച॑ മ॒ ഇന്ദ്ര॑ശ്ച മേ॒ സര॑സ്വതീ ച മ॒ ഇന്ദ്ര॑ശ്ച മേ പൂ॒ഷാ ച॑ മ॒ ഇന്ദ്ര॑ശ്ച മേ॒ ബൃഹ॒സ്പതി॑ശ്ച മ॒ ഇന്ദ്ര॑ശ്ച മേ യ॒ജ്ഞേന॑ കല്പന്താമ് ॥ 16॥ മി॒ത്രശ്ച॑ മ॒ ഇന്ദ്ര॑ശ്ച മേ॒ വരു॑ണശ്ച മ॒ ഇന്ദ്ര॑ശ്ച മേ ധാ॒താ ച॑ മ॒ ഇന്ദ്ര॑ശ്ച മേ॒ ത്വഷ്ടാ॑ ച മ॒ ഇന്ദ്ര॑ശ്ച മേ മ॒രുത॑ശ്ച മ॒ ഇന്ദ്ര॑ശ്ച മേ॒ വിശ്വേ॑ ച മേ ദേ॒വാ ഇന്ദ്ര॑ശ്ച മേ യ॒ജ്ഞേന॑ കല്പന്താമ് ॥ 17॥ പൃ॒ഥി॒വീ ച॑ മ॒ ഇന്ദ്ര॑ശ്ച॒ മേ-ഽന്തരി॑ക്ഷ-ഞ്ച മ॒ ഇന്ദ്ര॑ശ്ച മേ॒ ദ്യൌശ്ച॑ മ॒ ഇന്ദ്ര॑ശ്ച മേ॒ സമാ॑ശ്ച മ॒ ഇന്ദ്ര॑ശ്ച മേ॒ നക്ഷ॑ത്രാണി ച മ॒ ഇന്ദ്ര॑ശ്ച മേ॒ ദിശ॑ശ്ച മ॒ ഇന്ദ്ര॑ശ്ച മേ യ॒ജ്ഞേന॑ കല്പന്താമ് ॥ 18॥ അ॒ഗ്ംശുശ്ച॑ മേ ര॒ശ്മിശ്ച॒ മേ-ഽദാ॑ഭ്യശ്ച॒ മേ-ഽധി॑പതിശ്ച മ ഉപാ॒ഗ്ംശുശ്ച॑ മേ-ഽന്തര്യാ॒മശ്ച॑ മ ഐന്ദ്രവായ॒വശ്ച॑ മേ മൈത്രാവരു॒ണശ്ച॑ മ ആശ്വി॒നശ്ച॑ മേ പ്രതിപ്ര॒സ്ഥാന॑ശ്ച മേ ശു॒ക്രശ്ച॑ മേ മ॒ന്ഥീ ച॑ മേ യ॒ജ്ഞേന॑ കല്പന്താമ് ॥ 19॥ ആ॒ഗ്ര॒യാ॒ണശ്ച॑ മേ വൈശ്വദേ॒വശ്ച॑ മേ ധ്രു॒വശ്ച॑ മേ വൈശ്വാന॒രശ്ച॑ മ ഐന്ദ്രാ॒ഗ്നശ്ച॑ മേ മ॒ഹാവൈ॑ശ്വദേശ്ച മേ മരുത്വ॒തീയാ॑ശ്ച മേ॒ നിഷ്കേ॑വല്യശ്ച മേ സാവി॒ത്രശ്ച॑ മേ സാരസ്വ॒തശ്ച॑ മേ പാത്നീവ॒തശ്ച॑ മേ ഹാരിയോജ॒നശ്ച॑ മേ യ॒ജ്ഞേന॑ കല്പന്താമ് ॥ 20॥ സ്രുച॑ശ്ച മേ ചമ॒സാശ്ച॑ മേ വായ॒വ്യാ॒നി ച മേ ദ്രോണകല॒ശശ്ച॑ മേ॒ ഗ്രാവാ॑ണശ്ച മേ-ഽധി॒ഷവ॑ണേ ച മേ പൂത॒ഭൃച്ച॑ മ ആധവ॒നീയ॑ശ്ച മേ॒ വേദി॑ശ്ച മേ ബ॒ര്​ഹിശ്ച॑ മേ-ഽവഭൃ॒തശ്ച॑ മേ സ്വഗാകാ॒രശ്ച॑ മേ യ॒ജ്ഞേന॑ കല്പന്താമ് ॥ 21॥ അ॒ഗ്നിശ്ച॑ മേ ഘ॒ര്മശ്ച॑ മേ॒-ഽര്കശ്ച॑ മേ॒ സൂര്യ॑ശ്ച മേ പ്രാ॒ണശ്ച॑ മേ-ഽശ്വമേ॒ധശ്ച॑ മേ പൃഥി॒വീ ച॒ മേ-ഽദി॑തിശ്ച മേ॒ ദിതി॑ശ്ച മേ॒ ദ്യൌശ്ച॑ മേ॒-ഽങ്ഗുല॑യ॒: ശക്വ॑രയോ॒ ദിശ॑ശ്ച മേ യ॒ജ്ഞേന॑ കല്പന്താമ് ॥ 22॥ വ്ര॒ത-ഞ്ച॑ മ ഋ॒തവ॑ശ്ച മേ॒ തപ॑ശ്ച മേ സം​വഁത്സ॒രശ്ച॑ മേ അഹോരാ॒ത്രേ ഊ॑ര്വഷ്ഠീ॒വേ ബൃ॑ഹദ്രഥന്ത॒രേ ച॑ മേ യ॒ജ്ഞേന॑ കല്പന്താമ് ॥ 23॥ ഏകാ॑ ച മേ തി॒സ്രശ്ച॑ മേ തി॒സ്രശ്ച॑ മേ॒ പഞ്ച॑ ച മേ॒ പഞ്ച॑ ച മേ സ॒പ്ത ച॑ മേ സ॒പ്ത ച॑ മേ॒ നവ॑ ച മേ॒ നവ॑ ച മ॒ ഏകാ॑ദശ ച മ॒ ഏകാ॑ദശ ച മേ॒ ത്രയോ॑ദശ ച മേ॒ ത്രയോ॑ദശ ച മേ॒ പഞ്ച॑ദശ ച മേ॒ പഞ്ച॑ദശ ച മേ സ॒പ്തദ॑ശ ച മേ സ॒പ്തദ॑ശ ച മേ॒ നവ॑ദശ ച മേ॒ നവ॑ദശ ച മ॒ ഏക॑വിഗ്ംശതിശ്ച മ॒ ഏക॑വിഗ്ംശതിശ്ച മേ॒ ത്രയോ॑വിഗ്ംശതിശ്ച മേ॒ ത്രയോ॑വിഗ്ംശതിശ്ച മേ॒ പഞ്ച॑വിഗ്ംശതിശ്ച മേ॒ പഞ്ച॑വിഗ്ംശതിശ്ച മേ സ॒പ്തവി॑ഗ്ംശതിശ്ച മേ പ്തവി॑ഗ്ംശതിശ്ച മേ॒ നവ॑വിഗ്ംശതിശ്ച മേ॒ നവ॑വിഗ്ംശതിശ്ച മ॒ ഏക॑ത്രിഗ്ംശച്ച മ॒ ഏക॑ത്രിഗ്ംശച്ച മേ॒ ത്രയ॑സ്ത്രിഗ്ംശച്ച മേ യ॒ജ്ഞേന॑ കല്പന്താമ് ॥ 24॥ ചത॑സ്രശ്ച മേ॒-ഽഷ്ടൌ ച॑ മേ॒-ഽഷ്ടൌ ച॑ മേ॒ ദ്വാദ॑ശ ച മേ॒ ദ്വാദ॑ശ ച മേ॒ ഷോഡ॑ശ ച മേ॒ ഷോഡ॑ശ ച മേ വിഗ്ംശ॒തിശ്ച॑ മേ വിഗ്ംശതിശ്ച॑ മേ॒ ചതു॑ര്വിഗ്ംശതിശ്ച മേ॒ ചതു॑ര്വിഗ്ംശ॒തിശ്ച॑ മേ॒-ഽഷ്ടാവി॑ഗ്ംശതിശ്ച മേ॒-ഽഷ്ടാവി॑ഗ്ംശതിശ്ച മേ॒ ദ്വാത്രി॑ഗ്ംശച്ച മേ॒ ദ്വാത്രി॑ഗ്ംശച്ച മേ॒ ഷട്ത്രി॑ഗ്ംശച്ച മേ॒ ഷട്ത്രി॑ഗ്ംശച്ച മേ ചത്വാരി॒ഗ്ംശച്ച॑ മേ ചത്വാരി॒ഗ്ംശച്ച॑ മേ॒ ചതു॑ശ്ചത്വാരിഗ്ംശച്ച മേ॒ ചതു॑ശ്ചത്വാരിഗ്ംശച്ച മേ॒-ഽഷ്ടാച॑ത്വാരിഗ്ംശച്ച മേ യ॒ജ്ഞേന॑ കല്പന്താമ് ॥ 25॥ ത്ര്യവി॑ശ്ച മേ ത്ര്യ॒വീ ച॑ മേ ദിത്യ॒വാട് ച॑ മേ ദിത്യൌ॒ഹീ ച॑ മേ പഞ്ചാ॒വിശ്ച॑ മേ പഞ്ചാ॒വീ ച॑ മേ ത്രിവ॒ത്സശ്ച॑ മേ ത്രിവ॒ത്സാ ച॑ മേ തുര്യ॒വാട് ച॑ മേ തുര്യൌ॒ഹീ ച॑ മേ യ॒ജ്ഞേന॑ കല്പന്താമ് ॥ 26॥ പ॒ഷ്ഠ॒വാട് ച॑ മേ പഷ്ഠൌ॒ഹീ ച॑ മ ഉ॒ക്ഷാ ച॑ മേ വ॒ശാ ച॑ മ ഋഷ॒ഭശ്ച॑ മേ വേ॒ഹച്ച॑ മേ-ഽന॒ഡ്വാംശ്ച॑ മേ ധേ॒നുശ്ച॑ മേ യ॒ജ്ഞേന॑ കല്പന്താമ് ॥ 27॥ വാജാ॑യ॒ സ്വാഹാ॑ പ്രസ॒വായ॒ സ്വാഹാ॑-ഽപി॒ജായ॒ സ്വാഹാ॒ ക്രത॑വേ॒ സ്വാഹാ॒ വസ॑വേ॒ സ്വാഹാ॑-ഽഹ॒ര്പത॑യേ॒ സ്വാഹാഹ്നേ॑ മു॒ഗ്ധായ॒ സ്വാഹാ॑ മു॒ഗ്ധായ॑ വൈനഗ്ംശി॒നായ॒ സ്വാഹാ॑ വിന॒ശിന॑ ആന്ത്യായ॒നായ॒ സ്വാഹാന്ത്യാ॑യ ഭൌവ॒നായ॒ സ്വാഹാ॒ ഭുവ॑നസ്യ॒ പത॑യേ॒ സ്വാഹാധി॑പതയേ॒ സ്വാഹാ॑ പ്ര॒ജാപ॑തയേ॒ സ്വാഹാ॑ । ഇ॒യ-ന്തേ॒ രാണ്മി॒ത്രായ॑ യ॒ന്താ-ഽസി॒ യമ॑ന ഊ॒ര്ജേ ത്വാ॒ വൃഷ്ട്യൈ॑ ത്വാ പ്ര॒ജാനാം॒ ത്വാധി॑പത്യായ ॥ 28॥ ആയു॑ര്യ॒ജ്ഞേന॑ കല്പതാ-മ്പ്രാ॒ണോ യ॒ജ്ഞേന॑ കല്പതാം॒ ചക്ഷു॑ര്യ॒ജ്ഞേന॑ കല്പതാ॒ഗ്ംശ്രോത്രം॑ യ॒ജ്ഞേന॑ കല്പതാം॒ വാഗ്യ॒ജ്ഞേന॑ കല്പതാം॒ മനോ॑ യ॒ജ്ഞേന॑ കല്പതാമാ॒ത്മാ യ॒ജ്ഞേന॑ കല്പതാ-മ്ബ്ര॒ഹ്മാ യ॒ജ്ഞേന॑ കല്പതാം॒ ജ്യോതി॑ര്യ॒ജ്ഞേന॑ കല്പതാം॒ സ്വ॒ര്യ॒ജ്ഞേന॑ കല്പതാ-മ്പൃ॒ഷ്ഠം-യഁ॒ജ്ഞേന॑ കല്പതാം-യഁ॒ജ്ഞോ യ॒ജ്ഞേന॑ കല്പതാമ് । സ്തോമ॑ശ്ച യജു॑ശ്ച॒ ഋക്ച॒ സാമ॑ ച ബൃ॒ഹച്ച॑ രഥന്ത॒ര-ഞ്ച॑ । സ്വ॑ര്ദേവാ അഗന്മാ॒മൃതാ॑ അഭൂമ പ്ര॒ജാപ॑തേഃ പ്ര॒ജാ അ॑ഭൂമ॒ വേട് സ്വാഹാ॑ ॥ 29॥ ഇതി രുദ്രേ-ഽഷ്ടമോ-ഽധ്യായഃ ॥ 8॥ 10. ശാന്ത്യധ്യായഃ ഹരിഃ॑ ഓം ഋചം॒ വാചം॒ പ്രപ॑ദ്യേ॒ മനോ॒ യജുഃ॒ പ്രപ॑ദ്യേ॒ സാമ॑ പ്രാ॒ണ-മ്പ്രപ॑ദ്യേ॒ ചക്ഷു॒-ശ്ശ്രോത്രം॒ പ്രപ॑ദ്യേ । വാഗോജഃ॑ സ॒ഹൌജോ॒ മയി॑ പ്രാണാപാ॒നൌ ॥ 1॥ യന്മേ॑ ഛി॒ദ്ര-ഞ്ചക്ഷു॑ഷോ॒ ഹൃദ॑യസ്യ॒ മന॑സോ॒ വാതി॑തൃണ്ണം॒ ബൃഹ॒സ്പതി॑ര്മേ॒ തദ്ദ॑ധാതു । ശ-ന്നോ॑ ഭവതു॒ ഭുവ॑നസ്യ॒ യസ്പതിഃ॑ ॥ 2॥ ഭൂര്ഭുവ॒-സ്സ്വഃ॒ തത്സ॑വി॒തുര്വരേ॑ണ്യം॒ ഭര്ഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ॑ത് ॥ 3॥ കയാ॑ നശ്ചി॒ത്ര ആഭു॑വദൂ॒തീ സ॒ദാവൃ॑ധ॒-സ്സഖാ॑ । കയാ॒ ശചി॑ഷ്ഠയാ വൃ॒താ ॥ 4॥ കസ്ത്വാ॑ സ॒ത്യോ മദാ॑നാം॒ മഗ്ംഹി॑ഷ്ഠോ മത്സ॒ദന്ധ॑സഃ । ദൃ॒ഢാ ചി॑ദാ॒രുജേ॒ വസു॑ ॥ 5॥ അ॒ഭീ ഷു ണ॒-സ്സഖീ॑നാമവി॒താ ജ॑രിതൄ॒ണാമ് । ശ॒ത-മ്ഭ॑വാസ്യൂ॒തിഭിഃ॑ ॥ 6॥ കയാ॒ ത്വ-ന്ന ഊ॒ത്യാഭി പ്രമ॑ന്ദസേ വൃഷന്ന് । കയാ॑ സ്തോ॒തൃഭ്യ॒ ആഭ॑ര ॥ 7॥ ഇന്ദ്രോ॒ വിശ്വ॑സ്യ രാജതി । ശ-ന്നോ॑ അസ്തു ദ്വി॒പദേ॒ ശ-ഞ്ചതു॑ഷ്പദേ ॥ 8॥ ശ-ന്നോ॑ മി॒ത്ര: ശം-വഁരു॑ണ॒-ശ്ശ-ന്നോ॑ ഭവത്വര്യ॒മാ । ശ-ന്ന॒ ഇന്ദ്രോ॒ ബൃഹ॒സ്പതി॒-ശ്ശ-ന്നോ॒ വിഷ്ണു॑രുരുക്ര॒മഃ ॥ 9॥ ശ-ന്നോ॒ വാതഃ॑ പവതാ॒ഗ്ം ശ-ന്ന॑സ്തപതു॒ സൂര്യഃ॑ । ശ-ന്നഃ॒ കനി॑ക്രദദ്ദേ॒വഃ പ॒ര്ജന്യോ॑ അ॒ഭിവ॑ര്​ഷതു ॥ 10॥ അഹാ॑നി॒ ശ-മ്ഭവ॑ന്തു ന॒-ശ്ശഗ്ം രാത്രീഃ॒ പ്രതി॑ധീയതാമ് । ശ-ന്ന॑ ഇന്ദ്രാ॒ഗ്നീ ഭ॑വതാ॒മവോ॑ഭി॒-ശ്ശ-ന്ന॒ ഇന്ദ്രാ॒വരു॑ണാ രാ॒തഹ॑വ്യാ । ശ-ന്ന॑ ഇന്ദ്രാപൂ॒ഷണാ॒ വാജ॑സാതൌ॒ ശമിന്ദ്രാ॒സോമാ॑ സുവി॒തായ॒ ശം-യോഃ ഁ॥ 11॥ ശ-ന്നോ॑ ദേ॒വീര॒ഭിഷ്ട॑യ॒ ആപോ॑ ഭവന്തു പീ॒തയേ॑ । ശം-യോഁര॒ഭിസ്ര॑വന്തു നഃ ॥ 12॥ സ്യോ॒നാ പൃ॑ഥിവി നോ ഭവാനൃക്ഷ॒രാ നി॒വേശ॑നീ । യച്ഛാ॑ ന॒-ശ്ശര്മ॑ സ॒പ്രഥാഃ॑ ॥ 13॥ ആപോ॒ ഹി ഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേ രണാ॑യ॒ ചക്ഷ॑സേ ॥ 14॥ യോ വഃ॑ ശി॒വത॑മോ॒ രസ॒സ്തസ്യ॑ ഭാജയതേ॒ഹ നഃ॑ । ഉ॒ശ॒തീരി॑വ മാ॒തരഃ॑ ॥ 15॥ തസ്മാ॒ അരം॑ ഗമാമ വോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ ॥ 16॥ ദ്യൌ: ശാന്തി॑ര॒ന്തരി॑ക്ഷ॒ഗ്ം ശാന്തിഃ॑ പൃഥി॒വീ ശാന്തി॒രാപ॒-ശ്ശാന്തി॒രോഷ॑ധയ॒-ശ്ശാന്തിഃ॑ । വന॒സ്പത॑യ॒-ശ്ശാന്തി॒ര്വിശ്വേ॑ ദേ॒വാ-ശ്ശാന്തി॒ര്ബ്രഹ്മ॒ ശാന്തി॒-സ്സര്വ॒ഗ്ം ശാന്തിഃ॒ ശാന്തി॑രേ॒വ ശാന്തി॒-സ്സാ മാ॒ ശാന്തി॑രേധി ॥ 17॥ ദൃതേ॒ ദൃഗ്ംഹ॑ മാ മി॒ത്രസ്യ॑ മാ॒ ചക്ഷു॑ഷാ॒ സര്വാ॑ണി ഭൂ॒താനി॒ സമീ॑ക്ഷന്താമ് । മി॒ത്രസ്യാ॒ഹ-ഞ്ചക്ഷു॑ഷാ॒ സര്വാ॑ണി ഭൂ॒താനി॒ സമീ॑ക്ഷേ । മി॒ത്രസ്യ॒ ചക്ഷു॑ഷാ॒ സമീ॑ക്ഷാമഹേ ॥ 18॥ ദൃതേ॒ ദൃഗ്ംഹ॑ മാ മി॒ത്രസ്യ॑ മാ॒ ചക്ഷു॑ഷാ॒ സര്വാ॑ണി ഭൂ॒താനി॒ സമീ॑ക്ഷന്താമ് । ജ്യോക്തേ॑ സ॒ന്ദൃശി॑ ജീവ്യാസം॒ ജ്യോക്തേ॑ സ॒ന്ദൃശി॑ ജീവ്യാസമ് ॥ 19॥ നമ॑സ്തേ॒ ഹര॑സേ ശോ॒ചിഷേ॒ നമ॑സ്തേ അസ്ത്വ॒ര്ചിഷേ॑ । അ॒ന്യാ.ണ്സ്തേ॑ അ॒സ്മത്ത॑പന്തു ഹേ॒തയഃ॑ പാവ॒കോ അ॒സ്മഭ്യ॑ഗ്ം ശി॒വോ ഭ॑വ ॥ 20॥ നമ॑സ്തേ അസ്തു വി॒ദ്യുതേ॒ നമ॑സ്തേ സ്തനയി॒ത്നവേ॑ । നമ॑സ്തേ ഭഗവന്നസ്തു॒ യത॒-സ്സ്വഃ॒ സ॒മീഹ॑സേ ॥ 21॥ യതോ॑ യത-സ്സ॒മീഹ॑സേ॒ തതോ॑ നോ॒ അഭ॑യ-ങ്കുരു । ശ-ന്നഃ॑ കുരു പ്ര॒ജാഭ്യോ-ഽഭ॑യ-ന്നഃ പ॒ശുഭ്യഃ॑ ॥ 22॥ സു॒മി॒ത്രി॒യാ ന॒ ആപ॒ ഓഷ॑ധയ-സ്സന്തു ദുര്മിത്രി॒യാസ്തസ്മൈ॑ സന്തു॒യോ॒-ഽസ്മാ-ന്ദ്വേഷ്ടി॒ യ-ഞ്ച॑ വ॒യ-ന്ദ്വി॒ഷ്മഃ ॥ 23॥ തച്ചക്ഷു॑ര്ദേ॒വഹി॑ത-മ്പു॒രസ്താ॑ച്ഛു॒ക്രമുച്ച॑രത് । പശ്യേ॑മ ശ॒രദഃ॑ ശ॒ത-ഞ്ജീവേ॑മ ശ॒രദഃ॑ ശ॒തഗ്ം ശൃണു॑യാമ ശ॒രദഃ॑ ശ॒തം പ്രബ്ര॑വാമ ശ॒രദഃ॑ ശ॒തമദീ॑നാ-സ്സ്യാമ ശ॒രദഃ॑ ശ॒ത-മ്ഭൂയ॑ശ്ച ശ॒രദഃ॑ ശ॒താത് ॥ 24॥ ഇതി രുദ്രേ ശാന്ത്യധ്യായഃ ॥ 9॥ 11. സ്വസ്തി പ്രാര്ഥനാ മന്ത്രാഃ ഹരിഃ॑ ഓം ഓം സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑ര്ദധാതു ॥ 1॥ ഓം പയഃ॑ പൃഥി॒വ്യാ-മ്പയ॒ ഓഷ॑ധീഷു॒ പയോ॑ ദി॒വ്യന്തരി॑ക്ഷേ॒ പയോ॑ ധാഃ । പയ॑സ്വതീഃ പ്ര॒ദിശഃ॑ സന്തു॒ മഹ്യ॑മ് ॥ 2॥ ഓം വിഷ്ണോ॑ ര॒രാട॑മസി॒ വിഷ്ണോ॒-ശ്ശ്നപ്ത്രേ॑ സ്ഥോ വിഷ്ണോ॒-സ്സ്യൂര॑സി॒ വിഷ്ണോ॑ര്ധ്രു॒വോ॒-ഽസി । വൈ॒ഷ്ണ॒വമ॑സി॒ വിഷ്ണ॑വേ ത്വാ ॥ 3॥ ഓം അ॒ഗ്നിര്ദേ॒വതാ॒ വാതോ॑ ദേ॒വതാ॒ സൂര്യോ॑ ദേ॒വതാ॑ ച॒ന്ദ്രമാ॑ ദേ॒വതാ॒ വസ॑വോ ദേ॒വതാ॑ രു॒ദ്രാ ദേ॒വതാ॑ദി॒ത്യാ ദേ॒വതാ॑ മ॒രുതോ॑ ദേ॒വതാ॒ വിശ്വേ॑ദേ॒വാ ദേവതാ॒ ബൃഹ॒സ്പതി॑ര്ദേ॒വതേന്ദ്രോ॑ ദേ॒വതാ॒ വരു॑ണോ ദേ॒വതാ॑ ॥ 4॥ ഓം സ॒ദ്യോജാ॒ത-മ്പ്ര॑പദ്യാ॒മി॒ സ॒ദ്യോജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ഭവേ ഭവസ്വ॒ മാമ് । ഭ॒വോദ്ഭ॑വായ॒ നമഃ॑ ॥ 5॥ വാ॒മ॒ദേ॒വായ॒ നമോ॑ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമഃ॒ സര്വ॑ഭൂതദമനായ॒ നമോ॑ മ॒നോന്മ॑നായ॒ നമഃ॒ ॥ 6॥ അ॒ഘോരേ॑ഭ്യോ-ഽഥ॒ ഘോരേ॑ഭ്യോ॒ ഘോര॒ഘോര॑തരേഭ്യഃ । സ॒ര്വേഭ്യ-സ്സര്വ॒ ശ॑ര്വേഭ്യോ॒ നമ॑സ്തേ-ഽസ്തു രു॒ദ്രരൂ॑പേഭ്യഃ ॥ 7॥ (സ॒ര്വതഃ॑ ശര്വ॒ സര്വേ॑ഭ്യോ॒) തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോ॒ദയാ॑ത് ॥ 8॥ ഈശാനസ്സര്വ॑വിദ്യാ॒നാ॒മീശ്വര-സ്സര്വ॑ഭൂതാ॒നാം॒ । ബ്രഹ്മാധി॑പതി॒ര്ബ്രഹ്മ॒ണോ-ഽധി॑പതി॒ര്ബ്രഹ്മാ॑ ശി॒വോ മേ॑-ഽസ്തു സദാശി॒വോമ് ॥ 9॥ ഓം ശി॒വോ നാമാ॑സി॒ സ്വധി॑തിസ്തേ പി॒താ നമ॑സ്തേ അസ്തു॒ മാ മാ॑ ഹിഗ്ംസീഃ । നിവ॑ര്തയാമ്യായു॑ഷേ॒-ഽന്നാദ്യാ॑യ॒ പ്രജന॑നായ രാ॒യസ്പോഷാ॑യ സുപ്രജാ॒സ്ത്വായ॑ സു॒വീര്യാ॑യ ॥ 10॥ ഓം വിശ്വാ॑നി ദേവ സവിതര്ദുരി॒താനി॒ പരാസുവ । യദ്ഭ॒ദ്ര-ന്തന്ന॒ ആസുവ ॥ 11॥ ഓം ദ്യൌ-ശ്ശാന്തി॑ര॒ന്തരി॑ക്ഷ॒ഗ്ം ശാന്തിഃ॑ പൃഥി॒വീ ശാന്തി॒രാപ॒-ശ്ശാന്തി॒രോഷ॑ധയ॒-ശ്ശാന്തിഃ॑ । വന॒സ്പത॑യ॒-ശ്ശാന്തി॒ര്വിശ്വേ॑ദേ॒വാ-ശ്ശാന്തി॒ര്ബ്രഹ്മ॒ ശാന്തി॒-സ്സര്വ॒ഗ്ം ശാന്തി॒-ശ്ശാന്തി॑രേ॒വ ശാന്തി॒-സ്സാ മാ॒ ശാന്തി॑രേധി ॥ 12॥ ഓം സര്വേഷാം-വാഁ ഏഷ വേദാനാഗ്ംരസോ യത്സാമഃ । സര്വേഷാമേവൈനമേതദ് വേദാനാഗ്ം രസേനാഭിഷിഞ്ചതി ॥ 13॥ ഓം ശാന്തി॒-ശ്ശാന്തി॒-ശ്ശാന്തിഃ॑ ॥ അനേന ശ്രീ രുദ്രാഭിഷേകകര്മണാ ശ്രീ ഭവാനീശങ്കര മഹാരുദ്രാഃ പ്രീയതാ-ന്ന മമ । ഇതി ശ്രീശുക്ലയജുര്വേദീയ രുദ്രാഷ്ടാധ്യായീ സമാപ്താ । ॥ ഓം സാമ്ബ സദാശിവാര്പണമസ്തു ॥