Goddess Lakshmi

শ্ৰী লক্ষ্মী নাৰাযণ হৃদয স্তোত্ৰম্

(Shri Lakshmi Narayana Hridaya Stotram in Assamese)

From Atharva Rahasya

Also known as atha narayana hrdaya stotram

Language:Sanskrit
Translation:English

This powerful stotram is a divine dialogue rooted in the Atharva Rahasya, focusing on the inseparable union of Lord Narayana and Goddess Lakshmi. The text is divided into two parts: the Narayana Hridaya and the Lakshmi Hridaya, which are believed to be the heart and soul of the Divine Couple. Chanting this hymn is considered highly auspicious for attaining material prosperity, spiritual wisdom, and divine protection. Devotees recite these verses to invoke the grace of the Supreme Lord and the Goddess of Wealth, fostering peace, harmony, and eternal bliss in their lives.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 150
অথ নাৰাযন হৃদয স্তোত্ৰম্
অস্য শ্ৰীনাৰাযণহৃদযস্তোত্ৰমন্ত্ৰস্য ভাৰ্গৱ ঋষিঃ, অনুষ্টুপ্ছন্দঃ, শ্ৰীলক্ষ্মীনাৰাযণো দেৱতা, ওঁ বীজং, নমশ্শক্তিঃ, নাৰাযণাযেতি কীলকং, শ্ৰীলক্ষ্মীনাৰাযণ প্ৰীত্যৰ্থে জপে ৱিনিযোগঃ ।
কৰন্যাসঃ ।
ওঁ নাৰাযণঃ পৰং জ্যোতিৰিতি অঙ্গুষ্ঠাভ্যাং নমঃ ।
নাৰাযণঃ পৰং ব্ৰহ্মেতি তৰ্জনীভ্যাং নমঃ ।
নাৰাযণঃ পৰো দেৱ ইতি মধ্যমাভ্যাং নমঃ ।
নাৰাযণঃ পৰং ধামেতি অনামিকাভ্যাং নমঃ ।
নাৰাযণঃ পৰো ধৰ্ম ইতি কনিষ্ঠিকাভ্যাং নমঃ ।
ৱিশ্ৱং নাৰাযণ ইতি কৰতলকৰপৃষ্ঠাভ্যাং নমঃ ।
অঙ্গন্যাসঃ ।
নাৰাযণঃ পৰং জ্যোতিৰিতি হৃদযায নমঃ ।
নাৰাযণঃ পৰং ব্ৰহ্মেতি শিৰসে স্ৱাহা ।
নাৰাযণঃ পৰো দেৱ ইতি শিখাযৈ ৱৌষট্ ।
নাৰাযণঃ পৰং ধামেতি কৱচায হুম্ ।
নাৰাযণঃ পৰো ধৰ্ম ইতি নেত্ৰাভ্যাং ৱৌষট্ ।
ৱিশ্ৱং নাৰাযণ ইতি অস্ত্ৰায ফট্ ।
দিগ্বন্ধঃ ।
ওঁ ঐন্দ্ৰ্যাদিদশদিশং ওঁ নমঃ সুদৰ্শনায সহস্ৰাৰায হুং ফট্ বধ্নামি নমশ্চক্ৰায স্ৱাহা । ইতি প্ৰতিদিশং যোজ্যম্ ।
অথ ধ্যানম্ ।
উদ্যাদাদিত্যসঙ্কাশং পীতৱাসং চতুৰ্ভুজম্ ।
শঙ্খচক্ৰগদাপাণিং ধ্যাযেল্লক্ষ্মীপতিং হৰিম্ ॥ 1 ॥
ত্ৰৈলোক্যাধাৰচক্ৰং তদুপৰি কমঠং তত্ৰ চানন্তভোগী
তন্মধ্যে ভূমিপদ্মাঙ্কুশশিখৰদলং কৰ্ণিকাভূতমেৰুম্ ।
তত্ৰস্থং শান্তমূৰ্তিং মণিমযমকুটং কুণ্ডলোদ্ভাসিতাঙ্গং
লক্ষ্মীনাৰাযণাখ্যং সৰসিজনযনং সন্ততং চিন্তযামি ॥ 2 ॥
অথ মূলাষ্টকম্ ।
ওম্ ॥ নাৰাযণঃ পৰং জ্যোতিৰাত্মা নাৰাযণঃ পৰঃ ।
নাৰাযণঃ পৰং ব্ৰহ্ম নাৰাযণ নমোঽস্তু তে ॥ 1 ॥
নাৰাযণঃ পৰো দেৱো ধাতা নাৰাযণঃ পৰঃ ।
নাৰাযণঃ পৰো ধাতা নাৰাযণ নমোঽস্তু তে ॥ 2 ॥
নাৰাযণঃ পৰং ধাম ধ্যানং নাৰাযণঃ পৰঃ ।
নাৰাযণ পৰো ধৰ্মো নাৰাযণ নমোঽস্তু তে ॥ 3 ॥
নাৰাযণঃ পৰোৱেদ্যঃ ৱিদ্যা নাৰাযণঃ পৰঃ ।
ৱিশ্ৱং নাৰাযণঃ সাক্ষান্নাৰাযণ নমোঽস্তু তে ॥ 4 ॥
নাৰাযণাদ্ৱিধিৰ্জাতো জাতো নাৰাযণাদ্ভৱঃ ।
জাতো নাৰাযণাদিন্দ্ৰো নাৰাযণ নমোঽস্তু তে ॥ 5 ॥
ৰৱিৰ্নাৰাযণস্তেজঃ চন্দ্ৰো নাৰাযণো মহঃ ।
ৱহ্নিৰ্নাৰাযণঃ সাক্ষান্নাৰাযণ নমোঽস্তু তে ॥ 6 ॥
নাৰাযণ উপাস্যঃ স্যাদ্গুৰুৰ্নাৰাযণঃ পৰঃ ।
নাৰাযণঃ পৰো বোধো নাৰাযণ নমোঽস্তু তে ॥ 7 ॥
নাৰাযণঃ ফলং মুখ্যং সিদ্ধিৰ্নাৰাযণঃ সুখম্ ।
সেৱ্যোনাৰাযণঃ শুদ্ধো নাৰাযণ নমোঽস্তু তে ॥ 8 ॥
[হৰি]
অথ প্ৰাৰ্থনাদশকম্ ।
নাৰাযণ ত্ৱমেৱাসি দহৰাখ্যে হৃদি স্থিতঃ ।
প্ৰেৰকঃ প্ৰেৰ্যমাণানাং ত্ৱযা প্ৰেৰিতমানসঃ ॥ 9 ॥
ত্ৱদাজ্ঞাং শিৰসা ধৃত্ৱা জপামি জনপাৱনম্ ।
নানোপাসনমাৰ্গাণাং ভৱকৃদ্ভাৱবোধকঃ ॥ 10 ॥
ভাৱাৰ্থকৃদ্ভৱাতীতো ভৱ সৌখ্যপ্ৰদো মম ।
ত্ৱন্মাযামোহিতং ৱিশ্ৱং ত্ৱযৈৱ পৰিকল্পিতম্ ॥ 11 ॥
ত্ৱদধিষ্ঠানমাত্ৰেণ সা ৱৈ সৰ্ৱাৰ্থকাৰিণী ।
ত্ৱমেতাং চ পুৰস্কৃত্য সৰ্ৱকামান্প্ৰদৰ্শয ॥ 12 ॥
ন মে ত্ৱদন্যস্ত্ৰাতাস্তি ত্ৱদন্যন্ন হি দৈৱতম্ ।
ত্ৱদন্যং ন হি জানামি পালকং পুণ্যৱৰ্ধনম্ ॥ 13 ॥
যাৱত্সাংসাৰিকো ভাৱো মনস্স্থো ভাৱনাত্মকঃ ।
তাৱত্সিদ্ধিৰ্ভৱেত্সাধ্যা সৰ্ৱথা সৰ্ৱদা ৱিভো ॥ 14 ॥
পাপিনামহমেৱাগ্ৰ্যো দযালূনাং ত্ৱমগ্ৰণীঃ ।
দযনীযো মদন্যোঽস্তি তৱ কোঽত্ৰ জগত্ত্ৰযে ॥ 15 ॥
ত্ৱযাহং নৈৱ সৃষ্টশ্চেন্ন স্যাত্তৱ দযালুতা ।
আমযো ৱা ন সৃষ্টশ্চেদৌষধস্য ৱৃথোদযঃ ॥ 16 ॥
পাপসঙ্ঘপৰিশ্ৰান্তঃ পাপাত্মা পাপৰূপধৃত্ ।
ত্ৱদন্যঃ কোঽত্ৰ পাপেভ্যস্ত্ৰাতাস্তি জগতীতলে ॥ 17 ॥
ত্ৱমেৱ মাতা চ পিতা ত্ৱমেৱ
ত্ৱমেৱ বন্ধুশ্চ সখা ত্ৱমেৱ ।
ত্ৱমেৱ সেৱ্যশ্চ গুৰুস্ত্ৱমেৱ
ত্ৱমেৱ সৰ্ৱং মম দেৱ দেৱ ॥ 18 ॥
প্ৰাৰ্থনাদশকং চৈৱ মূলাষ্টকমতঃ পৰম্ ।
যঃ পঠেচ্ছৃণুযান্নিত্যং তস্য লক্ষ্মীঃ স্থিৰা ভৱেত্ ॥ 19 ॥
নাৰাযণস্য হৃদযং সৰ্ৱাভীষ্টফলপ্ৰদম্ ।
লক্ষ্মীহৃদযকং স্তোত্ৰং যদি চেত্তদ্ৱিনাকৃতম্ ॥ 20 ॥
তত্সৰ্ৱং নিষ্ফলং প্ৰোক্তং লক্ষ্মীঃ ক্ৰুদ্ধ্যতি সৰ্ৱদা ।
এতত্সঙ্কলিতং স্তোত্ৰং সৰ্ৱকামফলপ্ৰদম্ ॥ 21 ॥
লক্ষ্মীহৃদযকং চৈৱ তথা নাৰাযণাত্মকম্ ।
জপেদ্যঃ সঙ্কলীকৃত্য সৰ্ৱাভীষ্টমৱাপ্নুযাত্ ॥ 22 ॥
নাৰাযণস্য হৃদযমাদৌ জপ্ত্ৱা ততঃ পৰম্ ।
লক্ষ্মীহৃদযকং স্তোত্ৰং জপেন্নাৰাযণং পুনঃ ॥ 23 ॥
পুনৰ্নাৰাযণং জপ্ত্ৱা পুনৰ্লক্ষ্মীনুতিং জপেত্ ।
পুনৰ্নাৰাযণং জাপ্যং সঙ্কলীকৰণং ভৱেত্ ॥ 24 ॥
এৱং মধ্যে দ্ৱিৱাৰেণ জপেত্সঙ্কলিতং তু তত্ ।
লক্ষ্মীহৃদযকং স্তোত্ৰং সৰ্ৱকামপ্ৰকাশিতম্ ॥ 25 ॥
তদ্ৱজ্জপাদিকং কুৰ্যাদেতত্সঙ্কলিতং শুভম্ ।
সৰ্ৱান্কামানৱাপ্নোতি আধিৱ্যাধিভযং হৰেত্ ॥ 26 ॥
গোপ্যমেতত্সদা কুৰ্যান্ন সৰ্ৱত্ৰ প্ৰকাশযেত্ ।
ইতি গুহ্যতমং শাস্ত্ৰং প্ৰাপ্তং ব্ৰহ্মাদিকৈঃ পুৰা ॥ 27 ॥
তস্মাত্সৰ্ৱপ্ৰযত্নেন গোপযেত্সাধযেসুধীঃ ।
যত্ৰৈতত্পুস্তকং তিষ্ঠেল্লক্ষ্মীনাৰাযণাত্মকম্ ॥ 28 ॥
ভূতপৈশাচৱেতাল ভযং নৈৱ তু সৰ্ৱদা ।
লক্ষ্মীহৃদযকং প্ৰোক্তং ৱিধিনা সাধযেত্সুধীঃ ॥ 29 ॥
ভৃগুৱাৰে চ ৰাত্ৰৌ চ পূজযেত্পুস্তকদ্ৱযম্ ।
সৰ্ৱথা সৰ্ৱদা সত্যং গোপযেত্সাধযেত্সুধীঃ ।
গোপনাত্সাধনাল্লোকে ধন্যো ভৱতি তত্ত্ৱতঃ ॥ 30 ॥
ইত্যথৰ্ৱৰহস্যে উত্তৰভাগে নাৰাযণহৃদযং সম্পূৰ্ণম্ ।
অথ লক্ষ্মী হৃদয স্তোত্ৰম্
অস্য শ্ৰী মহালক্ষ্মীহৃদযস্তোত্ৰ মহামন্ত্ৰস্য ভাৰ্গৱ ঋষিঃ, অনুষ্টুপাদীনি নানাছন্দাংসি, আদ্যাদি শ্ৰীমহালক্ষ্মীৰ্দেৱতা, শ্ৰীং বীজং, হ্ৰীং শক্তিঃ, ঐং কীলকং, আদ্যাদিমহালক্ষ্মী প্ৰসাদসিদ্ধ্যৰ্থং জপে ৱিনিযোগঃ ॥
ঋষ্যাদিন্যাসঃ –
ওঁ ভাৰ্গৱৃষযে নমঃ শিৰসি ।
ওঁ অনুষ্টুপাদিনানাছন্দোভ্যো নমো মুখে ।
ওঁ আদ্যাদিশ্ৰীমহালক্ষ্মী দেৱতাযৈ নমো হৃদযে ।
ওঁ শ্ৰীং বীজায নমো গুহ্যে ।
ওঁ হ্ৰীং শক্তযে নমঃ পাদযোঃ ।
ওঁ ঐং কীলকায নমো নাভৌ ।
ওঁ ৱিনিযোগায নমঃ সৰ্ৱাঙ্গে ।
কৰন্যাসঃ –
ওঁ শ্ৰীং অঙ্গুষ্ঠাভ্যাং নমঃ ।
ওঁ হ্ৰীং তৰ্জনীভ্যাং নমঃ ।
ওঁ ঐং মধ্যমাভ্যাং নমঃ ।
ওঁ শ্ৰীং অনামিকাভ্যাং নমঃ ।
ওঁ হ্ৰীং কনিষ্ঠিকাভ্যাং নমঃ ।
ওঁ ঐং কৰতল কৰপৃষ্ঠাভ্যাং নমঃ ।
অঙ্গন্যাসঃ –
ওঁ শ্ৰীং হৃদযায নমঃ ।
ওঁ হ্ৰীং শিৰসে স্ৱাহা ।
ওঁ ঐং শিখাযৈ ৱষট্ ।
ওঁ শ্ৰীং কৱচায হুম্ ।
ওঁ হ্ৰীং নেত্ৰত্ৰযায ৱৌষট্ ।
ওঁ ঐং অস্ত্ৰায ফট্ ।
ওঁ শ্ৰীং হ্ৰীং ঐং ইতি দিগ্বন্ধঃ ।
অথ ধ্যানম্ ।
হস্তদ্ৱযেন কমলে ধাৰযন্তীং স্ৱলীলযা ।
হাৰনূপুৰসংযুক্তাং লক্ষ্মীং দেৱীং ৱিচিন্তযে ॥
কৌশেযপীতৱসনামৰৱিন্দনেত্ৰাং
পদ্মদ্ৱযাভযৱৰোদ্যতপদ্মহস্তাম্ ।
উদ্যচ্ছতাৰ্কসদৃশীং পৰমাঙ্কসংস্থাং
ধ্যাযেদ্ৱিধীশনতপাদযুগাং জনিত্ৰীম্ ॥
পীতৱস্ত্ৰাং সুৱৰ্ণাঙ্গীং পদ্মহস্তদ্ৱাযান্ৱিতাম্ ।
লক্ষ্মীং ধ্যাত্ৱেতি মন্ত্ৰেণ স ভৱেত্পৃথিৱীপতিঃ ॥
মাতুলুঙ্গং গদাং খেটং পাণৌ পাত্ৰং চ বিভ্ৰতী ।
নাগং লিঙ্গং চ যোনিং চ বিভ্ৰতীং চৈৱ মূৰ্ধনি ॥
[ ইতি ধ্যাত্ৱা মানসোপচাৰৈঃ সম্পূজ্য ।
শঙ্খচক্ৰগদাহস্তে শুভ্ৰৱৰ্ণে সুৱাসিনী ।
মম দেহি ৱৰং লক্ষ্মীঃ সৰ্ৱসিদ্ধিপ্ৰদাযিনী ।
ইতি সম্প্ৰাৰ্থ্য ওঁ শ্ৰীং হ্ৰীং ঐং মহালক্ষ্ম্যৈ কমলধাৰিণ্যৈ সিংহৱাহিন্যৈ স্ৱাহা ইতি মন্ত্ৰং জপ্ত্ৱা পুনঃ পূৰ্ৱৱদ্ধৃদযাদি ষডঙ্গন্যাসং কৃত্ৱা স্তোত্ৰং পঠেত্ । ]
স্তোত্ৰম্ ।
ৱন্দে লক্ষ্মীং পৰমশিৱমযীং শুদ্ধজাম্বূনদাভাং
তেজোৰূপাং কনকৱসনাং সৰ্ৱভূষোজ্জ্ৱলাঙ্গীম্ ।
বীজাপূৰং কনককলশং হেমপদ্মং দধানা-
-মাদ্যাং শক্তিং সকলজননীং ৱিষ্ণুৱামাঙ্কসংস্থাম্ ॥ 1 ॥
শ্ৰীমত্সৌভাগ্যজননীং স্তৌমি লক্ষ্মীং সনাতনীম্ ।
সৰ্ৱকামফলাৱাপ্তিসাধনৈকসুখাৱহাম্ ॥ 2 ॥
স্মৰামি নিত্যং দেৱেশি ত্ৱযা প্ৰেৰিতমানসঃ ।
ত্ৱদাজ্ঞাং শিৰসা ধৃত্ৱা ভজামি পৰমেশ্ৱৰীম্ ॥ 3 ॥
সমস্তসম্পত্সুখদাং মহাশ্ৰিযং
সমস্তসৌভাগ্যকৰীং মহাশ্ৰিযম্ ।
সমস্তকল্যাণকৰীং মহাশ্ৰিযং
ভজাম্যহং জ্ঞানকৰীং মহাশ্ৰিযম্ ॥ 4 ॥
ৱিজ্ঞানসম্পত্সুখদাং সনাতনীং
ৱিচিত্ৰৱাগ্ভূতিকৰীং মনোহৰাম্ ।
অনন্তসম্মোদসুখপ্ৰদাযিনীং
নমাম্যহং ভূতিকৰীং হৰিপ্ৰিযাম্ ॥ 5 ॥
সমস্তভূতান্তৰসংস্থিতা ত্ৱং
সমস্তভোক্ত্ৰীশ্ৱৰি ৱিশ্ৱৰূপে ।
তন্নাস্তি যত্ত্ৱদ্ৱ্যতিৰিক্তৱস্তু
ত্ৱত্পাদপদ্মং প্ৰণমাম্যহং শ্ৰীঃ ॥ 6 ॥
দাৰিদ্ৰ্য দুঃখৌঘতমোপহন্ত্ৰী
ত্ৱত্পাদপদ্মং মযি সন্নিধত্স্ৱ ।
দীনাৰ্তিৱিচ্ছেদনহেতুভূতৈঃ
কৃপাকটাক্ষৈৰভিষিঞ্চ মাং শ্ৰীঃ ॥ 7 ॥
অম্ব প্ৰসীদ কৰুণাসুধযাৰ্দ্ৰদৃষ্ট্যা
মাং ত্ৱত্কৃপাদ্ৰৱিণগেহমিমং কুৰুষ্ৱ ।
আলোকয প্ৰণতহৃদ্গতশোকহন্ত্ৰী
ত্ৱত্পাদপদ্মযুগলং প্ৰণমাম্যহং শ্ৰীঃ ॥ 8 ॥
শান্ত্যৈ নমোঽস্তু শৰণাগতৰক্ষণাযৈ
কান্ত্যৈ নমোঽস্তু কমনীযগুণাশ্ৰযাযৈ ।
ক্ষান্ত্যৈ নমোঽস্তু দুৰিতক্ষযকাৰণাযৈ
দাত্ৰ্যৈ নমোঽস্তু ধনধান্যসমৃদ্ধিদাযৈ ॥ 9 ॥
শক্ত্যৈ নমোঽস্তু শশিশেখৰসংস্তুতাযৈ
ৰত্যৈ নমোঽস্তু ৰজনীকৰসোদৰাযৈ ।
ভক্ত্যৈ নমোঽস্তু ভৱসাগৰতাৰকাযৈ
মত্যৈ নমোঽস্তু মধুসূদনৱল্লভাযৈ ॥ 10 ॥
লক্ষ্ম্যৈ নমোঽস্তু শুভলক্ষণলক্ষিতাযৈ
সিদ্ধ্যৈ নমোঽস্তু শিৱসিদ্ধসুপূজিতাযৈ ।
ধৃত্যৈ নমোঽস্ত্ৱমিতদুৰ্গতিভঞ্জনাযৈ
গত্যৈ নমোঽস্তু ৱৰসদ্গতিদাযিকাযৈ ॥ 11 ॥
দেৱ্যৈ নমোঽস্তু দিৱি দেৱগণাৰ্চিতাযৈ
ভূত্যৈ নমোঽস্তু ভুৱনাৰ্তিৱিনাশনাযৈ ।
ধাত্ৰ্যৈ নমোঽস্তু ধৰণীধৰৱল্লভাযৈ
পুষ্ট্যৈ নমোঽস্তু পুৰুষোত্তমৱল্লভাযৈ ॥ 12 ॥
সুতীৱ্ৰদাৰিদ্ৰ্যৱিদুঃখহন্ত্ৰ্যৈ
নমোঽস্তু তে সৰ্ৱভযাপহন্ত্ৰ্যৈ ।
শ্ৰীৱিষ্ণুৱক্ষঃস্থলসংস্থিতাযৈ
নমো নমঃ সৰ্ৱৱিভূতিদাযৈ ॥ 13 ॥
জযতু জযতু লক্ষ্মীৰ্লক্ষণালঙ্কৃতাঙ্গী
জযতু জযতু পদ্মা পদ্মসদ্মাভিৱন্দ্যা ।
জযতু জযতু ৱিদ্যা ৱিষ্ণুৱামাঙ্কসংস্থা
জযতু জযতু সম্যক্সৰ্ৱসম্পত্কৰী শ্ৰীঃ ॥ 14 ॥
জযতু জযতু দেৱী দেৱসঙ্ঘাভিপূজ্যা
জযতু জযতু ভদ্ৰা ভাৰ্গৱী ভাগ্যৰূপা ।
জযতু জযতু নিত্যা নিৰ্মলজ্ঞানৱেদ্যা
জযতু জযতু সত্যা সৰ্ৱভূতান্তৰস্থা ॥ 15 ॥
জযতু জযতু ৰম্যা ৰত্নগৰ্ভান্তৰস্থা
জযতু জযতু শুদ্ধা শুদ্ধজাম্বূনদাভা ।
জযতু জযতু কান্তা কান্তিমদ্ভাসিতাঙ্গী
জযতু জযতু শান্তা শীঘ্ৰমাগচ্ছ সৌম্যে ॥ 16 ॥
যস্যাঃ কলাযাঃ কমলোদ্ভৱাদ্যা
ৰুদ্ৰাশ্চ শক্ৰ প্ৰমুখাশ্চ দেৱাঃ ।
জীৱন্তি সৰ্ৱেঽপি সশক্তযস্তে
প্ৰভুত্ৱমাপ্তাঃ পৰমাযুষস্তে ॥ 17 ॥
লিলেখ নিটিলে ৱিধিৰ্মম লিপিং ৱিসৃজ্যান্তৰং
ত্ৱযা ৱিলিখিতৱ্যমেতদিতি তত্ফলপ্ৰাপ্তযে ।
তদন্তৰফলেস্ফুটং কমলৱাসিনী শ্ৰীৰিমাং
সমৰ্পয সমুদ্ৰিকাং সকলভাগ্যসংসূচিকাম্ ॥ 18 ॥
কলযা তে যথা দেৱি জীৱন্তি সচৰাচৰাঃ ।
তথা সম্পত্কৰে লক্ষ্মি সৰ্ৱদা সম্প্ৰসীদ মে ॥ 19 ॥
যথা ৱিষ্ণুৰ্ধ্ৰুৱে নিত্যং স্ৱকলাং সন্ন্যৱেশযত্ ।
তথৈৱ স্ৱকলাং লক্ষ্মি মযি সম্যক্ সমৰ্পয ॥ 20 ॥
সৰ্ৱসৌখ্যপ্ৰদে দেৱি ভক্তানামভযপ্ৰদে ।
অচলাং কুৰু যত্নেন কলাং মযি নিৱেশিতাম্ ॥ 21 ॥
মুদাস্তাং মত্ফালে পৰমপদলক্ষ্মীঃ স্ফুটকলা
সদা ৱৈকুণ্ঠশ্ৰীৰ্নিৱসতু কলা মে নযনযোঃ ।
ৱসেত্সত্যে লোকে মম ৱচসি লক্ষ্মীৰ্ৱৰকলা
শ্ৰিযঃ শ্ৱেতদ্ৱীপে নিৱসতু কলা মে স্ৱকৰযোঃ ॥ 22 ॥
তাৱন্নিত্যং মমাঙ্গেষু ক্ষীৰাব্ধৌ শ্ৰীকলা ৱসেত্ ।
সূৰ্যাচন্দ্ৰমসৌ যাৱদ্যাৱল্লক্ষ্মীপতিঃ শ্ৰিযাঃ ॥ 23 ॥
সৰ্ৱমঙ্গলসম্পূৰ্ণা সৰ্ৱৈশ্ৱৰ্যসমন্ৱিতা ।
আদ্যাদি শ্ৰীৰ্মহালক্ষ্মী ত্ৱত্কলা মযি তিষ্ঠতু ॥ 24 ॥
অজ্ঞানতিমিৰং হন্তুং শুদ্ধজ্ঞানপ্ৰকাশিকা ।
সৰ্ৱৈশ্ৱৰ্যপ্ৰদা মেঽস্তু ত্ৱত্কলা মযি সংস্থিতা ॥ 25 ॥
অলক্ষ্মীং হৰতু ক্ষিপ্ৰং তমঃ সূৰ্যপ্ৰভা যথা ।
ৱিতনোতু মম শ্ৰেযস্ত্ৱত্কলা মযি সংস্থিতা ॥ 26 ॥
ঐশ্ৱৰ্যমঙ্গলোত্পত্তিস্ত্ৱত্কলাযাং নিধীযতে ।
মযি তস্মাত্কৃতাৰ্থোঽস্মি পাত্ৰমস্মি স্থিতেস্তৱ ॥ 27 ॥
ভৱদাৱেশভাগ্যাৰ্হো ভাগ্যৱানস্মি ভাৰ্গৱি ।
ত্ৱত্প্ৰসাদাত্পৱিত্ৰোঽহং লোকমাতৰ্নমোঽস্তু তে ॥ 28 ॥
পুনাসি মাং ত্ৱত্কলযৈৱ যস্মা-
-দতঃ সমাগচ্ছ মমাগ্ৰতস্ত্ৱম্ ।
পৰং পদং শ্ৰীৰ্ভৱ সুপ্ৰসন্না
ময্যচ্যুতেন প্ৰৱিশাদিলক্ষ্মীঃ ॥ 29 ॥
শ্ৰীৱৈকুণ্ঠস্থিতে লক্ষ্মি সমাগচ্ছ মমাগ্ৰতঃ ।
নাৰাযণেন সহ মাং কৃপাদৃষ্ট্যাঽৱলোকয ॥ 30 ॥
সত্যলোকস্থিতে লক্ষ্মি ত্ৱং মমাগচ্ছ সন্নিধিম্ ।
ৱাসুদেৱেন সহিতা প্ৰসীদ ৱৰদা ভৱ ॥ 31 ॥
শ্ৱেতদ্ৱীপস্থিতে লক্ষ্মি শীঘ্ৰমাগচ্ছ সুৱ্ৰতে ।
ৱিষ্ণুনা সহিতে দেৱি জগন্মাতঃ প্ৰসীদ মে ॥ 32 ॥
ক্ষীৰাম্বুধিস্থিতে লক্ষ্মি সমাগচ্ছ সমাধৱা ।
ত্ৱত্কৃপাদৃষ্টিসুধযা সততং মাং ৱিলোকয ॥ 33 ॥
ৰত্নগৰ্ভস্থিতে লক্ষ্মি পৰিপূৰ্ণে হিৰণ্মযে ।
সমাগচ্ছ সমাগচ্ছ স্থিত্ৱাঽঽশু পুৰতো মম ॥ 34 ॥
স্থিৰা ভৱ মহালক্ষ্মি নিশ্চলা ভৱ নিৰ্মলে ।
প্ৰসন্নে কমলে দেৱি প্ৰসন্নহৃদযা ভৱ ॥ 35 ॥
শ্ৰীধৰে শ্ৰীমহাভূতে ত্ৱদন্তঃস্থং মহানিধিম্ ।
শীঘ্ৰমুদ্ধৃত্য পুৰতঃ প্ৰদৰ্শয সমৰ্পয ॥ 36 ॥
ৱসুন্ধৰে শ্ৰীৱসুধে ৱসুদোগ্ধ্ৰি কৃপামযে ।
ত্ৱত্কুক্ষিগতসৰ্ৱস্ৱং শীঘ্ৰং মে সম্প্ৰদৰ্শয ॥ 37 ॥
ৱিষ্ণুপ্ৰিযে ৰত্নগৰ্ভে সমস্তফলদে শিৱে ।
ত্ৱদ্গৰ্ভগতহেমাদীন্ সম্প্ৰদৰ্শয দৰ্শয ॥ 38 ॥
ৰসাতলগতে লক্ষ্মি শীঘ্ৰমাগচ্ছ মে পুৰঃ ।
ন জানে পৰমং ৰূপং মাতৰ্মে সম্প্ৰদৰ্শয ॥ 39 ॥
আৱিৰ্ভৱ মনোৱেগাচ্ছীঘ্ৰমাগচ্ছ মে পুৰঃ ।
মা ৱত্স ভৈৰিহেত্যুক্ত্ৱা কামং গৌৰিৱ ৰক্ষ মাম্ ॥ 40 ॥
দেৱি শীঘ্ৰং সমাগচ্ছ ধৰণীগৰ্ভসংস্থিতে ।
মাতস্ত্ৱদ্ভৃত্যভৃত্যোঽহং মৃগযে ত্ৱাং কুতূহলাত্ ॥ 41 ॥
উত্তিষ্ঠ জাগৃহি ত্ৱং মে সমুত্তিষ্ঠ সুজাগৃহি ।
অক্ষযান্ হেমকলশান্ সুৱৰ্ণেন সুপূৰিতান্ ॥ 42 ॥
নিক্ষেপান্মে সমাকৃষ্য সমুদ্ধৃত্য মমাগ্ৰতঃ ।
সমুন্নতাননা ভূত্ৱা সমাধেহি ধৰান্তৰাত্ ॥ 43 ॥
মত্সন্নিধিং সমাগচ্ছ মদাহিতকৃপাৰসাত্ ।
প্ৰসীদ শ্ৰেযসাং দোগ্ধ্ৰী লক্ষ্মীৰ্মে নযনাগ্ৰতঃ ॥ 44 ॥
অত্ৰোপৱিশ লক্ষ্মি ত্ৱং স্থিৰা ভৱ হিৰণ্মযে ।
সুস্থিৰা ভৱ সম্প্ৰীত্যা প্ৰসীদ ৱৰদা ভৱ ॥ 45 ॥
আনীতাংস্তু তথা দেৱি নিধীন্মে সম্প্ৰদৰ্শয ।
অদ্য ক্ষণেন সহসা দত্ত্ৱা সংৰক্ষ মাং সদা ॥ 46 ॥
মযি তিষ্ঠ তথা নিত্যং যথেন্দ্ৰাদিষু তিষ্ঠসি ।
অভযং কুৰু মে দেৱি মহালক্ষ্মীৰ্নমোঽস্তু তে ॥ 47 ॥
সমাগচ্ছ মহালক্ষ্মি শুদ্ধজাম্বূনদপ্ৰভে ।
প্ৰসীদ পুৰতঃ স্থিত্ৱা প্ৰণতং মাং ৱিলোকয ॥ 48 ॥
লক্ষ্মীৰ্ভুৱং গতা ভাসি যত্ৰ যত্ৰ হিৰণ্মযী ।
তত্ৰ তত্ৰ স্থিতা ত্ৱং মে তৱ ৰূপং প্ৰদৰ্শয ॥ 49 ॥
ক্ৰীডন্তী বহুধা ভূমৌ পৰিপূৰ্ণকৃপামযি ।
মম মূৰ্ধনি তে হস্তমৱিলম্বিতমৰ্পয ॥ 50 ॥
ফলদ্ভাগ্যোদযে লক্ষ্মি সমস্তপুৰৱাসিনী ।
প্ৰসীদ মে মহালক্ষ্মি পৰিপূৰ্ণমনোৰথে ॥ 51 ॥
অযোধ্যাদিষু সৰ্ৱেষু নগৰেষু সমাস্থিতে ।
ৱৈভৱৈৰ্ৱিৱিধৈৰ্যুক্তৈঃ সমাগচ্ছ মুদান্ৱিতে ॥ 52 ॥
সমাগচ্ছ সমাগচ্ছ মমাগ্ৰে ভৱ সুস্থিৰা ।
কৰুণাৰসনিষ্যন্দনেত্ৰদ্ৱয ৱিলাসিনী ॥ 53 ॥
[নিষ্পন্ন]
সন্নিধত্স্ৱ মহালক্ষ্মি ত্ৱত্পাণিং মম মস্তকে ।
কৰুণাসুধযা মাং ত্ৱমভিষিঞ্চ্য স্থিৰং কুৰু ॥ 54 ॥
সৰ্ৱৰাজগৃহে লক্ষ্মি সমাগচ্ছ বলান্ৱিতে । [মুদান্ৱিতে]
স্থিত্ৱাঽঽশু পুৰতো মেঽদ্য প্ৰসাদেনাঽভযং কুৰু ॥ 55 ॥
সাদৰং মস্তকে হস্তং মম ত্ৱং কৃপযাৰ্পয ।
সৰ্ৱৰাজগৃহে লক্ষ্মি ত্ৱত্কলা মযি তিষ্ঠতু ॥ 56 ॥
আদ্যাদি শ্ৰীমহালক্ষ্মি ৱিষ্ণুৱামাঙ্কসংস্থিতে ।
প্ৰত্যক্ষং কুৰু মে ৰূপং ৰক্ষ মাং শৰণাগতম্ ॥ 57 ॥
প্ৰসীদ মে মহালক্ষ্মি সুপ্ৰসীদ মহাশিৱে ।
অচলা ভৱ সম্প্ৰীত্যা সুস্থিৰা ভৱ মদ্গৃহে ॥ 58 ॥
যাৱত্তিষ্ঠন্তি ৱেদাশ্চ যাৱচ্চন্দ্ৰদিৱাকৰৌ ।
যাৱদ্ৱিষ্ণুশ্চ যাৱত্ত্ৱং তাৱত্কুৰু কৃপাং মযি ॥ 59 ॥
চান্দ্ৰীকলা যথা শুক্লে ৱৰ্ধতে সা দিনে দিনে ।
তথা দযা তে ময্যেৱ ৱৰ্ধতামভিৱৰ্ধতাম্ ॥ 60 ॥
যথা ৱৈকুণ্ঠনগৰে যথা ৱৈ ক্ষীৰসাগৰে ।
তথা মদ্ভৱনে তিষ্ঠ স্থিৰং শ্ৰীৱিষ্ণুনা সহ ॥ 61 ॥
যোগিনাং হৃদযে নিত্যং যথা তিষ্ঠসি ৱিষ্ণুনা ।
তথা মদ্ভৱনে তিষ্ঠ স্থিৰং শ্ৰীৱিষ্ণুনা সহ ॥ 62 ॥
নাৰাযণস্য হৃদযে ভৱতী যথাস্তে
নাৰাযণোঽপি তৱ হৃত্কমলে যথাস্তে ।
নাৰাযণস্ত্ৱমপি নিত্যমুভৌ তথৈৱ
তৌ তিষ্ঠতাং হৃদি মমাপি দযান্ৱিতৌ শ্ৰীঃ ॥ 63 ॥
ৱিজ্ঞানৱৃদ্ধিং হৃদযে কুৰু শ্ৰীঃ
সৌভাগ্যৱৃদ্ধিং কুৰু মে গৃহে শ্ৰীঃ ।
দযাসুৱৃদ্ধিং কুৰুতাং মযি শ্ৰীঃ
সুৱৰ্ণৱৃদ্ধিং কুৰু মে গৃহে শ্ৰীঃ ॥ 64 ॥
ন মাং ত্যজেথাঃ শ্ৰিতকল্পৱল্লি
সদ্ভক্তচিন্তামণিকামধেনো ।
ৱিশ্ৱস্য মাতৰ্ভৱ সুপ্ৰসন্না
গৃহে কলত্ৰেষু চ পুত্ৰৱৰ্গে ॥ 65 ॥
আদ্যাদিমাযে ত্ৱমজাণ্ডবীজং
ত্ৱমেৱ সাকাৰনিৰাকৃতিস্ত্ৱম্ ।
ত্ৱযা ধৃতাশ্চাব্জভৱাণ্ডসঙ্ঘা-
-শ্চিত্ৰং চৰিত্ৰং তৱ দেৱি ৱিষ্ণোঃ ॥ 66 ॥
ব্ৰহ্মৰুদ্ৰাদযো দেৱা ৱেদাশ্চাপি ন শক্নুযুঃ ।
মহিমানং তৱ স্তোতুং মন্দোঽহং শক্নুযাং কথম্ ॥ 67 ॥
অম্ব ত্ৱদ্ৱত্সৱাক্যানি সূক্তাসূক্তানি যানি চ ।
তানি স্ৱীকুৰু সৰ্ৱজ্ঞে দযালুত্ৱেন সাদৰম্ ॥ 68 ॥
ভৱতীং শৰণং গত্ৱা কৃতাৰ্থাঃ স্যুঃ পুৰাতনাঃ ।
ইতি সঞ্চিন্ত্য মনসা ত্ৱামহং শৰণং ৱ্ৰজে ॥ 69 ॥
অনন্তা নিত্যসুখিনস্ত্ৱদ্ভক্তাস্ত্ৱত্পৰাযণাঃ ।
ইতি ৱেদপ্ৰমাণাদ্ধি দেৱি ত্ৱাং শৰণং ৱ্ৰজে ॥ 70 ॥
তৱ প্ৰতিজ্ঞা মদ্ভক্তা ন নশ্যন্তীত্যপি ক্ৱচিত্ ।
ইতি সঞ্চিন্ত্য সঞ্চিন্ত্য প্ৰাণান্ সন্ধাৰযাম্যহম্ ॥ 71 ॥
ত্ৱদধীনস্ত্ৱহং মাতস্ত্ৱত্কৃপা মযি ৱিদ্যতে ।
যাৱত্সম্পূৰ্ণকামঃ স্যাত্তাৱদ্দেহি দযানিধে ॥ 72 ॥
ক্ষণমাত্ৰং ন শক্নোমি জীৱিতুং ত্ৱত্কৃপাং ৱিনা ।
ন জীৱন্তীহ জলজা জলং ত্যক্ত্ৱা জলগ্ৰহাঃ ॥ 73 ॥
যথা হি পুত্ৰৱাত্সল্যাজ্জননী প্ৰস্নুতস্তনী ।
ৱত্সং ত্ৱৰিতমাগত্য সম্প্ৰীণযতি ৱত্সলা ॥ 74 ॥
যদি স্যাং তৱ পুত্ৰোঽহং মাতা ত্ৱং যদি মামকী ।
দযাপযোধৰস্তন্যসুধাভিৰভিষিঞ্চ মাম্ ॥ 75 ॥
মৃগ্যো ন গুণলেশোঽপি মযি দোষৈকমন্দিৰে ।
পাংসূনাং ৱৃষ্টিবিন্দূনাং দোষাণাং চ ন মে মতিঃ ॥ 76 ॥
পাপিনামহমেৱাগ্ৰ্যো দযালূনাং ত্ৱমগ্ৰণীঃ ।
দযনীযো মদন্যোঽস্তি তৱ কোঽত্ৰ জগত্ত্ৰযে ॥ 77 ॥
ৱিধিনাহং ন সৃষ্টশ্চেন্ন স্যাত্তৱ দযালুতা ।
আমযো ৱা ন সৃষ্টশ্চেদৌষধস্য ৱৃথোদযঃ ॥ 78 ॥
কৃপা মদগ্ৰজা কিং তে অহং কিং ৱা তদগ্ৰজঃ ।
ৱিচাৰ্য দেহি মে ৱিত্তং তৱ দেৱি দযানিধে ॥ 79 ॥
মাতা পিতা ত্ৱং গুৰুসদ্গতিঃ শ্ৰী-
-স্ত্ৱমেৱ সঞ্জীৱনহেতুভূতা ।
অন্যং ন মন্যে জগদেকনাথে
ত্ৱমেৱ সৰ্ৱং মম দেৱি সত্যে ॥ 80 ॥
আদ্যাদিলক্ষ্মীৰ্ভৱ সুপ্ৰসন্না
ৱিশুদ্ধৱিজ্ঞানসুখৈকদোগ্ধ্ৰী ।
অজ্ঞানহন্ত্ৰী ত্ৰিগুণাতিৰিক্তা
প্ৰজ্ঞাননেত্ৰী ভৱ সুপ্ৰসন্না ॥ 81 ॥
অশেষৱাগ্জাড্যমলাপহন্ত্ৰী
নৱং নৱং স্পষ্টসুৱাক্প্ৰদাযিনী ।
মমেহ জিহ্ৱাগ্ৰ সুৰঙ্গনৰ্তকী [নৰ্তিনী]
ভৱ প্ৰসন্না ৱদনে চ মে শ্ৰীঃ ॥ 82 ॥
সমস্তসম্পত্সুৱিৰাজমানা
সমস্ততেজশ্চযভাসমানা ।
ৱিষ্ণুপ্ৰিযে ত্ৱং ভৱ দীপ্যমানা
ৱাগ্দেৱতা মে নযনে প্ৰসন্না ॥ 83 ॥
সৰ্ৱপ্ৰদৰ্শে সকলাৰ্থদে ত্ৱং
প্ৰভাসুলাৱণ্যদযাপ্ৰদোগ্ধ্ৰী ।
সুৱৰ্ণদে ত্ৱং সুমুখী ভৱ শ্ৰী-
-ৰ্হিৰণ্মযী মে নযনে প্ৰসন্না ॥ 84 ॥
সৰ্ৱাৰ্থদা সৰ্ৱজগত্প্ৰসূতিঃ
সৰ্ৱেশ্ৱৰী সৰ্ৱভযাপহন্ত্ৰী ।
সৰ্ৱোন্নতা ত্ৱং সুমুখী ভৱ শ্ৰী-
-ৰ্হিৰণ্মযী মে নযনে প্ৰসন্না ॥ 85 ॥
সমস্তৱিঘ্নৌঘৱিনাশকাৰিণী
সমস্তভক্তোদ্ধৰণে ৱিচক্ষণা ।
অনন্তসৌভাগ্যসুখপ্ৰদাযিনী
হিৰণ্মযী মে নযনে প্ৰসন্না ॥ 86 ॥
দেৱি প্ৰসীদ দযনীযতমায মহ্যং
দেৱাধিনাথভৱদেৱগণাভিৱন্দ্যে ।
মাতস্তথৈৱ ভৱ সন্নিহিতা দৃশোৰ্মে
পত্যা সমং মম মুখে ভৱ সুপ্ৰসন্না ॥ 87 ॥
মা ৱত্স ভৈৰভযদানকৰোঽৰ্পিতস্তে
মৌলৌ মমেতি মযি দীনদযানুকম্পে ।
মাতঃ সমৰ্পয মুদা কৰুণাকটাক্ষং
মাঙ্গল্যবীজমিহ নঃ সৃজ জন্ম মাতঃ ॥ 88 ॥
কটাক্ষ ইহ কামধুক্তৱ মনস্তু চিন্তামণিঃ
কৰঃ সুৰতৰুঃ সদা নৱনিধিস্ত্ৱমেৱেন্দিৰে ।
ভৱে তৱ দযাৰসো মম ৰসাযনং চান্ৱহং
মুখং তৱ কলানিধিৰ্ৱিৱিধৱাঞ্ছিতাৰ্থপ্ৰদম্ ॥ 89 ॥
যথা ৰসস্পৰ্শনতোঽযসোঽপি
সুৱৰ্ণতা স্যাত্কমলে তথা তে ।
কটাক্ষসংস্পৰ্শনতো জনানা-
-মমঙ্গলানামপি মঙ্গলত্ৱম্ ॥ 90 ॥
দেহীতি নাস্তীতি ৱচঃ প্ৰৱেশা-
-দ্ভীতো ৰমে ত্ৱাং শৰণং প্ৰপদ্যে ।
অতঃ সদাঽস্মিন্নভযপ্ৰদা ত্ৱং
সহৈৱ পত্যা মযি সন্নিধেহি ॥ 91 ॥
কল্পদ্ৰুমেণ মণিনা সহিতা সুৰম্যা
শ্ৰীস্তে কলা মযি ৰসেন ৰসাযনেন ।
আস্তাং যতো মম শিৰঃকৰদৃষ্টিপাদ-
-স্পৃষ্টাঃ সুৱৰ্ণৱপুষঃ স্থিৰজঙ্গমাঃ স্যুঃ ॥ 92 ॥
আদ্যাদিৱিষ্ণোঃ স্থিৰধৰ্মপত্নী
ত্ৱমেৱ পত্যা মযি সন্নিধেহি ।
আদ্যাদিলক্ষ্মি ত্ৱদনুগ্ৰহেণ
পদে পদে মে নিধিদৰ্শনং স্যাত্ ॥ 93 ॥
আদ্যাদিলক্ষ্মীহৃদযং পঠেদ্যঃ
স ৰাজ্যলক্ষ্মীমচলাং তনোতি ।
মহাদৰিদ্ৰোঽপি ভৱেদ্ধনাঢ্য-
-স্তদন্ৱযে শ্ৰীঃ স্থিৰতাং প্ৰযাতি ॥ 94 ॥
যস্য স্মৰণমাত্ৰেণ তুষ্টা স্যাদ্ৱিষ্ণুৱল্লভা ।
তস্যাভীষ্টং দদত্যাশু তং পালযতি পুত্ৰৱত্ ॥ 95 ॥
ইদং ৰহস্যং হৃদযং সৰ্ৱকামফলপ্ৰদম্ ।
জপঃ পঞ্চসহস্ৰং তু পুৰশ্চৰণমুচ্যতে ॥ 96 ॥
ত্ৰিকালমেককালং ৱা নৰো ভক্তিসমন্ৱিতঃ ।
যঃ পঠেচ্ছৃণুযাদ্ৱাপি স যাতি পৰমাং শ্ৰিযম্ ॥ 97 ॥
মহালক্ষ্মীং সমুদ্দিশ্য নিশি ভাৰ্গৱৱাসৰে ।
ইদং শ্ৰীহৃদযং জপ্ত্ৱা পঞ্চৱাৰং ধনী ভৱেত্ ॥ 98 ॥
অনেন হৃদযেনান্নং গৰ্ভিণ্যা অভিমন্ত্ৰিতম্ ।
দদাতি তত্কুলে পুত্ৰো জাযতে শ্ৰীপতিঃ স্ৱযম্ ॥ 99 ॥
নৰেণ ৱাঽথৱা নাৰ্যা লক্ষ্মীহৃদযমন্ত্ৰিতে ।
জলে পীতে চ তদ্ৱংশে মন্দভাগ্যো ন জাযতে ॥ 100 ॥
য আশ্ৱিনে মাসি চ শুক্লপক্ষে
ৰমোত্সৱে সন্নিহিতে সুভক্ত্যা ।
পঠেত্তথৈকোত্তৰৱাৰৱৃদ্ধ্যা
লভেত্স সৌৱৰ্ণমযীং সুৱৃষ্টিম্ ॥ 101 ॥
য একভক্তোঽন্ৱহমেকৱৰ্ষং
ৱিশুদ্ধধীঃ সপ্ততিৱাৰজাপী ।
স মন্দভাগ্যোঽপি ৰমাকটাক্ষা-
-দ্ভৱেত্সহস্ৰাক্ষশতাধিকশ্ৰীঃ ॥ 102 ॥
শ্ৰীশাঙ্ঘ্ৰিভক্তিং হৰিদাসদাস্যং
প্ৰসন্নমন্ত্ৰাৰ্থদৃঢৈকনিষ্ঠাম্ ।
গুৰোঃ স্মৃতিং নিৰ্মলবোধবুদ্ধিং
প্ৰদেহি মাতঃ পৰমং পদং শ্ৰীঃ ॥ 103 ॥
পৃথ্ৱীপতিত্ৱং পুৰুষোত্তমত্ৱং
ৱিভূতিৱাসং ৱিৱিধাৰ্থসিদ্ধিম্ ।
সম্পূৰ্ণকীৰ্তিং বহুৱৰ্ষভোগং
প্ৰদেহি মে লক্ষ্মি পুনঃ পুনস্ত্ৱম্ ॥ 104 ॥
ৱাদাৰ্থসিদ্ধিং বহুলোকৱশ্যং
ৱযঃ স্থিৰত্ৱং ললনাসুভোগম্ ।
পৌত্ৰাদিলব্ধিং সকলাৰ্থসিদ্ধিং
প্ৰদেহি মে ভাৰ্গৱি জন্মজন্মনি ॥ 105 ॥
সুৱৰ্ণৱৃদ্ধিং কুৰু মে গৃহে শ্ৰীঃ
সুধান্যৱৃদ্ধিং কুৰূ মে গৃহে শ্ৰীঃ ।
কল্যাণৱৃদ্ধিং কুৰু মে গৃহে শ্ৰীঃ
ৱিভূতিৱৃদ্ধিং কুৰু মে গৃহে শ্ৰীঃ ॥ 106 ॥
ধ্যাযেল্লক্ষ্মীং প্ৰহসিতমুখীং কোটিবালাৰ্কভাসাং
ৱিদ্যুদ্ৱৰ্ণাম্বৰৱৰধৰাং ভূষণাঢ্যাং সুশোভাম্ ।
বীজাপূৰং সৰসিজযুগং বিভ্ৰতীং স্ৱৰ্ণপাত্ৰং
ভৰ্ত্ৰাযুক্তাং মুহুৰভযদাং মহ্যমপ্যচ্যুতশ্ৰীঃ ॥ 107 ॥
গুহ্যাতিগুহ্যগোপ্ত্ৰী ত্ৱং গৃহাণাস্মত্কৃতং জপম্ ।
সিদ্ধিৰ্ভৱতু মে দেৱি ত্ৱত্প্ৰসাদান্মযি স্থিতা ॥ 108 ॥
ইতি শ্ৰীঅথৰ্ৱণৰহস্যে শ্ৰীলক্ষ্মীহৃদযস্তোত্ৰং সম্পূৰ্ণম্ ॥

More Lakshmi Stotras

श्री लक्ष्मी सहस्रनाम स्तोत्रं
Shri Lakshmi Sahasranama Stotram
श्री लक्ष्मी सहस्रनामावलिः
Shri Lakshmi Sahasranamavali
श्रीमहालक्ष्मी अक्षरमालिका नामावली
Sri Mahalakshmi Aksharamalika Namavali
श्री महालक्ष्मी अष्टोत्तरशतनामावली
Sri Mahalakshmi Ashtottara Shatanamavali
श्री महालक्ष्मी चतुर्विंशतिनामस्तोत्रम्
Sri Mahalakshmi Chaturvimsati Nama Stotram
श्री महालक्ष्मी कवचम्
Sri Mahalakshmi Kavacham 1
श्री महालक्ष्मी कवचम् २ (ब्रह्म-शुक संवाद)
Sri Mahalakshmi Kavacham 2
श्री महालक्ष्मी स्तवः
Sri Mahalakshmi Stava by Lord Narayana
View All Lakshmi Collection →

Explore More

Lakshmi CollectionWealthObstaclesHealthProtectionWisdomHome