What is Bhagavad Gita Chapter 9 — Rāja-Vidya Rāja-Guhya Yoga?

Read Bhagavad Gita Chapter 9 — Rāja-Vidya Rāja-Guhya Yoga in Assamese script — full lyrics with English meaning and transliteration. Krishna begins by calling this teaching the king of sciences and the highest secret because it leads directly to liberation. Those without faith fail to perceive the truth of God’s presence and return again to worldly delusion. He explains that he sustains the universe, though it appears to function on its own. Beings emerge and dissolve in him like waves upon the ocean, yet he remains unaffected. This paradox expresses the mystery of immanence and transcendence. Krishna assures Arjuna that devotion, not ritual status, is the key to communion. Even if a devotee were to sin, single-minded faith purifies and redeems.

Which deity is Bhagavad Gita Chapter 9 — Rāja-Vidya Rāja-Guhya Yoga dedicated to?

Bhagavad Gita Chapter 9 — Rāja-Vidya Rāja-Guhya Yoga is a Sanskrit hymn dedicated to Lord Krishna.

Who composed Bhagavad Gita Chapter 9 — Rāja-Vidya Rāja-Guhya Yoga?

Bhagavad Gita Chapter 9 — Rāja-Vidya Rāja-Guhya Yoga is traditionally attributed to Vyasa.

Bhagavad Gita Chapter 9 — Rāja-Vidya… in Assamese

ওঁ শ্ৰীপৰমাত্মনে নমঃ

অথ নৱমোঽধ্যাযঃ ।
ৰাজৱিদ্যাৰাজগুহ্যযোগঃ
শ্ৰীভগৱানুৱাচ

ইদং তু তে গুহ্যতমং প্ৰৱক্ষ্যাম্যনসূযৱে ।
জ্ঞানং ৱিজ্ঞানসহিতং যজ্জ্ঞাত্ৱা মোক্ষ্যসেঽশুভাত্ ॥ 1 ॥

ৰাজৱিদ্যা ৰাজগুহ্যং পৱিত্ৰমিদমুত্তমম্ ।
প্ৰত্যক্ষাৱগমং ধৰ্ম্যং সুসুখং কৰ্তুমৱ্যযম্ ॥ 2 ॥

অশ্ৰদ্দধানাঃ পুৰুষা ধৰ্মস্যাস্য পৰন্তপ ।
অপ্ৰাপ্য মাং নিৱৰ্তন্তে মৃত্যুসংসাৰৱৰ্ত্মনি ॥ 3 ॥

মযা ততমিদং সৰ্ৱং জগদৱ্যক্তমূৰ্তিনা ।
মত্স্থানি সৰ্ৱভূতানি ন চাহং তেষ্ৱৱস্থিতঃ ॥ 4 ॥

ন চ মত্স্থানি ভূতানি পশ্য মে যোগমৈশ্ৱৰম্ ।
ভূতভৃন্ন চ ভূতস্থো মমাত্মা ভূতভাৱনঃ ॥ 5 ॥

যথাকাশস্থিতো নিত্যং ৱাযুঃ সৰ্ৱত্ৰগো মহান্ ।
তথা সৰ্ৱাণি ভূতানি মত্স্থানীত্যুপধাৰয ॥ 6 ॥

সৰ্ৱভূতানি কৌন্তেয প্ৰকৃতিং যান্তি মামিকাম্ ।
কল্পক্ষযে পুনস্তানি কল্পাদৌ ৱিসৃজাম্যহম্ ॥ 7 ॥

প্ৰকৃতিং স্ৱামৱষ্টভ্য ৱিসৃজামি পুনঃ পুনঃ ।
ভূতগ্ৰামমিমং কৃত্স্নমৱশং প্ৰকৃতেৰ্ৱশাত্ ॥ 8 ॥

ন চ মাং তানি কৰ্মাণি নিবধ্নন্তি ধনঞ্জয ।
উদাসীনৱদাসীনমসক্তং তেষু কৰ্মসু ॥ 9 ॥

মযাধ্যক্ষেণ প্ৰকৃতিঃ সূযতে সচৰাচৰম্ ।
হেতুনানেন কৌন্তেয জগদ্ৱিপৰিৱৰ্ততে ॥ 10 ॥

অৱজানন্তি মাং মূঢা মানুষীং তনুমাশ্ৰিতম্ ।
পৰং ভাৱমজানন্তো মম ভূতমহেশ্ৱৰম্ ॥ 11 ॥

মোঘাশা মোঘকৰ্মাণো মোঘজ্ঞানা ৱিচেতসঃ ।
ৰাক্ষসীমাসুৰীং চৈৱ প্ৰকৃতিং মোহিনীং শ্ৰিতাঃ ॥ 12 ॥

মহাত্মানস্তু মাং পাৰ্থ দৈৱীং প্ৰকৃতিমাশ্ৰিতাঃ ।
ভজন্ত্যনন্যমনসো জ্ঞাত্ৱা ভূতাদিমৱ্যযম্ ॥ 13 ॥

সততং কীৰ্তযন্তো মাং যতন্তশ্চ দৃঢৱ্ৰতাঃ ।
নমস্যন্তশ্চ মাং ভক্ত্যা নিত্যযুক্তা উপাসতে ॥ 14 ॥

জ্ঞানযজ্ঞেন চাপ্যন্যে যজন্তো মামুপাসতে ।
একত্ৱেন পৃথক্ত্ৱেন বহুধা ৱিশ্ৱতোমুখম্ ॥ 15 ॥

অহং ক্ৰতুৰহং যজ্ঞঃ স্ৱধাহমহমৌষধম্ ।
মন্ত্ৰোঽহমহমেৱাজ্যমহমগ্নিৰহং হুতম্ ॥ 16 ॥

পিতাহমস্য জগতো মাতা ধাতা পিতামহঃ ।
ৱেদ্যং পৱিত্ৰমোঙ্কাৰ ঋক্সাম যজুৰেৱ চ ॥ 17 ॥

গতিৰ্ভৰ্তা প্ৰভুঃ সাক্ষী নিৱাসঃ শৰণং সুহৃত্ ।
প্ৰভৱঃ প্ৰলযঃ স্থানং নিধানং বীজমৱ্যযম্ ॥ 18 ॥

তপাম্যহমহং ৱৰ্ষং নিগৃহ্ণাম্যুত্সৃজামি চ ।
অমৃতং চৈৱ মৃত্যুশ্চ সদসচ্চাহমৰ্জুন ॥ 19 ॥

ত্ৰৈৱিদ্যা মাং সোমপাঃ পূতপাপা যজ্ঞৈৰিষ্ট্ৱা স্ৱৰ্গতিং প্ৰাৰ্থযন্তে।
তে পুণ্যমাসাদ্য সুৰেন্দ্ৰলোকমশ্নন্তি দিৱ্যান্দিৱি দেৱভোগান্ ॥ 20 ॥

তে তং ভুক্ত্ৱা স্ৱৰ্গলোকং ৱিশালং ক্ষীণে পুণ্যে মৰ্ত্যলোকং ৱিশন্তি।
এৱং ত্ৰযীধৰ্মমনুপ্ৰপন্না গতাগতং কামকামা লভন্তে ॥ 21 ॥

অনন্যাশ্চিন্তযন্তো মাং যে জনাঃ পৰ্যুপাসতে ।
তেষাং নিত্যাভিযুক্তানাং যোগক্ষেমং ৱহাম্যহম্ ॥ 22॥

যেঽপ্যন্যদেৱতা ভক্তা যজন্তে শ্ৰদ্ধযান্ৱিতাঃ ।
তেঽপি মামেৱ কৌন্তেয যজন্ত্যৱিধি পূৰ্ৱকম্ ॥ 23 ॥

অহং হি সৰ্ৱযজ্ঞানাং ভোক্তা চ প্ৰভুৰেৱ চ ।
ন তু মামভিজানন্তি তত্ত্ৱেনাতশ্চ্যৱন্তি তে ॥ 24 ॥

যান্তি দেৱৱ্ৰতা দেৱান্পিতৄন্যান্তি পিতৃৱ্ৰতাঃ ।
ভূতানি যান্তি ভূতেজ্যা যান্তি মদ্যাজিনোঽপি মাম্ ॥ 25 ॥

পত্ৰং পুষ্পং ফলং তোযং যো মে ভক্ত্যা প্ৰযচ্ছতি ।
তদহং ভক্ত্যুপহৃতমশ্নামি প্ৰযতাত্মনঃ ॥ 26 ॥

যত্কৰোষি যদশ্নাসি যজ্জুহোষি দদাসি যত্ ।
যত্তপস্যসি কৌন্তেয তত্কুৰুষ্ৱ মদৰ্পণম্ ॥ 27 ॥

শুভাশুভফলৈৰেৱং মোক্ষ্যসে কৰ্মবন্ধনৈঃ ।
সন্ন্যাসযোগযুক্তাত্মা ৱিমুক্তো মামুপৈষ্যসি ॥ 28 ॥

সমোঽহং সৰ্ৱভূতেষু ন মে দ্ৱেষ্যোঽস্তি ন প্ৰিযঃ ।
যে ভজন্তি তু মাং ভক্ত্যা মযি তে তেষু চাপ্যহম্ ॥ 29 ॥

অপি চেত্সুদুৰাচাৰো ভজতে মামনন্যভাক্ ।
সাধুৰেৱ স মন্তৱ্যঃ সম্যগ্ৱ্যৱসিতো হি সঃ ॥ 30 ॥

ক্ষিপ্ৰং ভৱতি ধৰ্মাত্মা শশ্ৱচ্ছান্তিং নিগচ্ছতি ।
কৌন্তেয প্ৰতিজানীহি ন মে ভক্তঃ প্ৰণশ্যতি ॥ 31 ॥

মাং হি পাৰ্থ ৱ্যপাশ্ৰিত্য যেঽপি স্যুঃ পাপযোনযঃ ।
স্ত্ৰিযো ৱৈশ্যাস্তথা শূদ্ৰাস্তেঽপি যান্তি পৰাং গতিম্ ॥ 32 ॥

কিং পুনৰ্ব্ৰাহ্মণাঃ পুণ্যা ভক্তা ৰাজৰ্ষযস্তথা ।
অনিত্যমসুখং লোকমিমং প্ৰাপ্য ভজস্ৱ মাম্ ॥ 33 ॥

মন্মনা ভৱ মদ্ভক্তো মদ্যাজী মাং নমস্কুৰু ।
মামেৱৈষ্যসি যুক্ত্ৱৈৱমাত্মানং মত্পৰাযণঃ ॥ 34 ॥

ওঁ তত্সদিতি শ্ৰীমদ্ভগৱদ্গীতাসূপনিষত্সু ব্ৰহ্মৱিদ্যাযাং যোগশাস্ত্ৰে
শ্ৰীকৃষ্ণাৰ্জুনসংৱাদে ৰাজৱিদ্যাৰাজগুহ্যযোগো নাম নৱমোঽধ্যাযঃ ॥9 ॥

শ্ৰীমদ্ভগৱদ্গীতা মূলম্ - নৱমোঽধ্যাযঃ

Explore More

More Krishna Stotras

Explore More