Lord Ganesha

উচ্ছিষ্ট গণপতি সহস্ৰনাম স্তোত্ৰম্

(Ucchishta Ganapati Sahasranama Stotram in Assamese)

Traditional (Tantric tradition)

Also known as sriucchistaganapatisahasranamastotram

Language:Sanskrit
Translation:English

Ucchishta Ganapati Sahasranama Stotram is a Tantric Sanskrit text containing a thousand names of Lord Ucchishta Ganapati, a particularly powerful and esoteric form of Ganesha worshipped in Tantric traditions. This form of Ganesha is associated with fulfillment of all desires and swift removal of obstacles. The sahasranama is part of the left-hand Tantric path and is particularly powerful for gaining worldly success, fulfillment of desires, and spiritual attainment.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 151
শ্ৰীউচ্ছিষ্টগণপতিসহস্ৰনামস্তোত্ৰম্
শ্ৰীগণেশায নমঃ ।

শ্ৰীভৈৰৱ উৱাচ।
শৃণু দেৱি ৰহস্যং মে যত্পুৰা সূচিতং মযা ।
তৱ ভক্ত্যা গণেশস্য ৱক্ষ্যে নামসহস্ৰকম্ ॥ ১॥
শ্ৰীদেৱ্যুৱাচ।
ওঁ ভগৱন্গণনাথস্য উচ্ছিষ্টস্য মহাত্মনঃ ।
শ্ৰোতুং নাম সহস্ৰং মে হৃদযং প্ৰোত্সুকাযতে ॥ ২॥
শ্ৰীভৈৰৱ উৱাচ।
প্ৰাঙ্মুখে ত্ৰিপুৰানাথে জাতা ৱিঘ্নকুলাঃ শিৱে ।
মোহনে মুচ্যতে চেতস্তৈঃ সৰ্ৱৈৰ্বলদৰ্পিতৈঃ ॥ ৩॥
তদা প্ৰভুং গণাধ্যক্ষং স্তুত্ৱা নামসহস্ৰকৈঃ ।
ৱিঘ্না দূৰাত্পলাযন্তে কালৰুদ্ৰাদিৱ প্ৰজাঃ ॥ ৪॥
তস্যানুগ্ৰহতো দেৱি জাতোঽহং ত্ৰিপুৰান্তকঃ ।
তমদ্যাপি গণেশানং স্তৌমি নামসহস্ৰকৈঃ ॥ ৫॥
তদদ্য তৱ ভক্ত্যাহং সাধকানাং হিতায চ ।
মহাগণপতেৰ্ৱক্ষ্যে দিৱ্যং নামসহস্ৰকম্ ॥ ৬॥
ওঁ অস্য শ্ৰীউচ্ছিষ্টগণেশসহস্ৰনামস্তোত্ৰমন্ত্ৰস্য শ্ৰীভৈৰৱ ঋষিঃ ।
গাযত্ৰী ছন্দঃ । শ্ৰীমহাগণপতিৰ্দেৱতা ।
গং বীজম্ । হ্ৰীং শক্তিঃ । কুৰুকুৰু কীলকম্ ।
মম ধৰ্মাৰ্থকামমোক্ষাৰ্থে জপে ৱিনিযোগঃ ॥
ওঁ হ্ৰীং শ্ৰীং ক্লীং গণাধ্যক্ষো গ্লৌং গঁ গণপতিৰ্গুণী ।
গুণাঢ্যো নিৰ্গুণো গোপ্তা গজৱক্ত্ৰো ৱিভাৱসুঃ ॥ ৭॥
ৱিশ্ৱেশ্ৱৰো ৱিভাদীপ্তো দীপনো ধীৱৰো ধনী ।
সদাশান্তো জগত্ত্ৰাতা ৱিশ্ৱাৱৰ্তো ৱিভাকৰঃ ॥ ৮॥
ৱিশ্ৰম্ভী ৱিজযো ৱৈদ্যো ৱাৰান্নিধিৰনুত্তমঃ ।
অণিমাৱিভৱঃ শ্ৰেষ্ঠো জ্যেষ্ঠো গাথাপ্ৰিযো গুৰুঃ ॥ ৯॥
সৃষ্টিকৰ্তা জগদ্ধৰ্তা ৱিশ্ৱভৰ্তা জগন্নিধিঃ ।
পতিঃ পীতৱিভূষাঙ্কো ৰক্তাক্ষো লোহিতাম্বৰঃ ॥ ১০॥
ৱিৰূপাক্ষো ৱিমানস্থো ৱিনীতঃ সদস্যঃ সুখী । (ৱিনযঃ সাত্ৱতঃ)
সুৰূপঃ সাত্ত্ৱিকঃ সত্যঃ শুদ্ধঃ শঙ্কৰনন্দনঃ ॥ ১১॥
নন্দীশ্ৱৰো জযানন্দী ৱন্দ্যঃ স্তুত্যো ৱিচক্ষণঃ ।
দৈত্যমৰ্দ্দী সদাক্ষীবো মদিৰাৰুণলোচনঃ ॥ ১২॥
সাৰাত্মা ৱিশ্ৱসাৰশ্চ ৱিশ্ৱসাৰো ৱিলেপনঃ ।
পৰং ব্ৰহ্ম পৰং জ্যোতিঃ সাক্ষী ত্ৰ্যক্ষো ৱিকত্থনঃ ॥ ১৩॥
ৱিশ্ৱেশ্ৱৰো ৱীৰহৰ্তা সৌভাগ্যো ভাগ্যৱৰ্দ্ধনঃ ।
ভৃঙ্গিৰিটী ভৃঙ্গমালী ভৃঙ্গকূজিতনাদিতঃ ॥ ১৪॥
ৱিনৰ্তকো ৱিনীতোঽপি ৱিনতানন্দনাৰ্চিতঃ ।
ৱৈনতেযো ৱিনম্ৰাঙ্গো ৱিশ্ৱনাযকনাযকঃ ॥ ১৫॥
ৱিৰাটকো ৱিৰাটশ্চ ৱিদগ্ধো ৱিধুৰাত্মভূঃ ।
পুষ্পদন্তঃ পুষ্পহাৰী পুষ্পমালাৱিভূষণঃ ॥ ১৬॥
পুষ্পেষুমথনঃ পুষ্টো ৱিৱৰ্তঃ কৰ্তৰীকৰঃ ।
অন্ত্যোঽন্তকশ্চিত্তগণাশ্চিত্তচিন্তাপহাৰকঃ ॥ ১৭॥
অচিন্ত্যোঽচিন্ত্যৰূপশ্চ চন্দনাকুলমুণ্ডকঃ ।
লোহিতো লিপিতো লুপ্তো লোহিতাক্ষো ৱিলোভকঃ ॥ ১৮॥
লব্ধাশযো লোভৰতো লোভদোঽলঙ্ঘ্যগৰ্ধকঃ ।
সুন্দৰঃ সুন্দৰীপুত্ৰঃ সমস্তাসুৰঘাতকঃ ॥ ১৯॥
নূপুৰাঢ্যো ৱিভৱেন্দ্ৰো নৰনাৰাযণো ৰৱিঃ ।
ৱিচাৰো ৱান্তদো ৱাগ্মী ৱিতৰ্কী ৱিজযীশ্ৱৰঃ ॥ ২০॥
সুপ্তো বুদ্ধঃ সদাৰূপঃ সুখদঃ সুখসেৱিতঃ ।
ৱিকৰ্তনো ৱিযচ্চাৰী ৱিনটো নটনৰ্তকঃ ॥ ২১॥
নটো নাট্যপ্ৰিযো নাদোঽনন্তোঽনন্তগুণাত্মকঃ ।
গঙ্গাজলপানপ্ৰিযো গঙ্গাতীৰৱিহাৰকৃত্ ॥ ২২॥
গঙ্গাপ্ৰিযো গঙ্গজশ্চ ৱাহনাদিপুৰঃসৰঃ ।
গন্ধমাদনসংৱাসো গন্ধমাদনকেলিকৃত্ ॥ ২৩॥
গন্ধানুলিপ্তপূৰ্ৱাঙ্গঃ সৰ্ৱদেৱস্মৰঃ সদা ।
গণগন্ধৰ্ৱৰাজেশো গণগন্ধৰ্ৱসেৱিতঃ ॥ ২৪॥
গন্ধৰ্ৱপূজিতো নিত্যং সৰ্ৱৰোগৱিনাশকঃ ।
গন্ধৰ্ৱগণসংসেৱ্যো গন্ধৰ্ৱৱৰদাযকঃ ॥ ২৫॥
গন্ধৰ্ৱো গন্ধমাতঙ্গো গন্ধৰ্ৱকুলদৈৱতঃ ।
গন্ধৰ্ৱগৰ্ৱসংৱেগো গন্ধৰ্ৱৱৰদাযকঃ ॥ ২৬॥
গন্ধৰ্ৱপ্ৰবলাৰ্তিঘ্নো গন্ধৰ্ৱগণসংযুতঃ ।
গন্ধৰ্ৱাদিগুণানন্দো নন্দোঽনন্তগুণাত্মকঃ ॥ ২৭॥
ৱিশ্ৱমূৰ্তিৰ্ৱিশ্ৱধাতা ৱিনতাস্যো ৱিনৰ্তকঃ ।
কৰালঃ কামদঃ কান্তঃ কমনীযঃ কলানিধিঃ ॥ ২৮॥
কাৰুণ্যৰূপঃ কুটিলঃ কুলাচাৰী কুলেশ্ৱৰঃ ।
ৱিকৰালো ৰণশ্ৰেষ্ঠঃ সংহাৰো হাৰভূষণঃ ॥ ২৯॥
উৰুৰম্যমুখো ৰক্তো দেৱতাদযিতৌৰসঃ ।
মহাকালো মহাদংষ্ট্ৰো মহোৰগভযানকঃ ॥ ৩০॥
উন্মত্তৰূপঃ কালাগ্নিৰগ্নিসূৰ্যেন্দুলোচনঃ ।
সিতাস্যঃ সিতমাল্যশ্চ সিতদন্তঃ সিতাংশুমান্ ॥ ৩১॥
অসিতাত্মা ভৈৰৱেশো ভাগ্যৱান্ভগৱান্ভৱঃ ।
গৰ্ভাত্মজো ভগাৱাসো ভগদো ভগৱৰ্দ্ধনঃ ॥ ৩২॥
শুভঙ্কৰঃ শুচিঃ শান্তঃ শ্ৰেষ্ঠঃ শ্ৰৱ্যঃ শচীপতিঃ ।
ৱেদাদ্যো ৱেদকৰ্তা চ ৱেদৱেদ্যঃ সনাতনঃ ॥ ৩৩॥
ৱিদ্যাপ্ৰদো ৱেদৰসো ৱৈদিকো ৱেদপাৰগঃ ।
ৱেদধ্ৱনিৰতো ৱীৰো ৱেদৱিদ্যাগমোঽৰ্থৱিত্ ॥ ৩৪॥
তত্ত্ৱজ্ঞঃ সৰ্ৱগঃ সাধুঃ সদযঃ সদসন্মযঃ ।
শিৱঙ্কৰঃ শিৱসুতঃ শিৱানন্দৱিৱৰ্দ্ধনঃ ॥ ৩৫॥
শৈত্যঃ শ্ৱেতঃ শতমুখী মুগ্ধো মোদকভূষণঃ ।
দেৱো দিনকৰো ধীৰো ধৃতিমান্দ্যুতিমান্ধৱঃ ॥ ৩৬॥
শুদ্ধাত্মা শুদ্ধমতিমাঞ্ছুদ্ধদীপ্তিঃ শুচিৱ্ৰতঃ ।
শৰণ্যঃ শৌনকঃ শূৰঃ শৰদম্ভোজধাৰকঃ ॥ ৩৭॥
দাৰকঃ শিখিৱাহেষ্টঃ সিতঃ শঙ্কৰৱল্লভঃ ।
শঙ্কৰো নিৰ্ভযো নিত্যো লযকৃল্লাস্যতত্পৰঃ ॥ ৩৮॥
লূতো লীলাৰসোল্লাসী ৱিলাসী ৱিভ্ৰমো ভ্ৰমঃ ।
ভ্ৰমণঃ শশিভৃত্সূৰ্যঃ শনিৰ্ধৰণিনন্দনঃ ॥ ৩৯॥
বুধো ৱিবুধসেৱ্যশ্চ বুধৰাজো বলংধৰঃ ।
জীৱো জীৱপ্ৰদো জেতা স্তুত্যো নিত্যো ৰতিপ্ৰিযঃ ॥ ৪০॥
জনকো জনমাৰ্গজ্ঞো জনৰক্ষণতত্পৰঃ ।
জনানাং প্ৰদাতা চ জনকাহ্লাদকাৰকঃ ॥ ৪১॥
ৱিবুধো বুধমান্যশ্চ জৈনমাৰ্গনিৱৰ্তকঃ ।
গচ্ছো গণপতিৰ্গচ্ছনাযকো গচ্ছগৰ্ৱহা ॥ ৪২॥
গচ্ছৰাজোথ গচ্ছেশো গচ্ছৰাজনমস্কৃতঃ ।
গচ্ছপ্ৰিযো গচ্ছগুৰুৰ্গচ্ছত্ৰাকৃদ্যমাতুৰঃ ॥ ৪৩॥
গচ্ছপ্ৰভুৰ্গচ্ছচৰো গচ্ছপ্ৰিযকৃতোদ্যমঃ ।
গচ্ছগীতগুণো গৰ্তো মৰ্যাদাপ্ৰতিপালকঃ ॥ ৪৪॥
গীৰ্ৱাণাগমসাৰস্য গৰ্ভো গীৰ্ৱাণদেৱতা ।
গৌৰীসুতো গুৰুৱৰো গৌৰাঙ্গো গণপূজিতঃ ॥ ৪৫॥
পৰম্পদং পৰন্ধাম পৰমাত্মা কৱিঃ কুজঃ ।
ৰাহুৰ্দৈত্যশিৰশ্ছেদী কেতুঃ কনককুণ্ডলঃ ॥ ৪৬॥
গ্ৰহেন্দ্ৰো গ্ৰহিতো গ্ৰাহ্যোঽগ্ৰণীৰ্ঘুৰ্ঘুৰনাদিতঃ ।
পৰ্জন্যঃ পীৱৰঃ পত্ৰী পীনৱক্ষাঃ পৰাক্ৰমী ॥ ৪৭॥
ৱনেচৰো ৱনস্পতিৰ্ৱনৱাসী স্মৰোপমঃ ।
পুণ্যঃ পূতঃ পৱিত্ৰশ্চ পৰাত্মা পূৰ্ণাৱিগ্ৰহঃ ॥ ৪৮॥
পূৰ্ণেন্দুসুকলাকাৰো মন্ত্ৰপূৰ্ণমনোৰথঃ ।
যুগাত্মা যুগকৃদ্যজ্ৱা যাজ্ঞিকো যজ্ঞৱত্সলঃ ॥ ৪৯॥
যশস্যো যজমানেষ্টো ৱজ্ৰভৃদ্ৱজ্ৰপঞ্জৰঃ ।
মণিভদ্ৰো মণিমযো মান্যো মীনধ্ৱজাশ্ৰিতঃ ॥ ৫০॥
মীনধ্ৱজো মনোহাৰী যোগিনাং যোগৱৰ্ধনঃ ।
দ্ৰষ্টা স্ৰষ্টা তপস্ৱী চ ৱিগ্ৰহী তাপসপ্ৰিযঃ ॥ ৫১॥
তপোমযস্তপোমূৰ্তিস্তপনশ্চ তপোধনঃ ।
সম্পত্তিসদনাকাৰঃ সম্পত্তিসুখদাযকঃ ॥ ৫২॥
সম্পত্তিসুখকৰ্তা চ সম্পত্তিসুভগাননঃ ।
সম্পত্তিশুভদো নিত্যসম্পত্তিশ্চ যশোধনঃ ॥ ৫৩॥
ৰুচকো মেচকস্তুষ্টঃ প্ৰভুস্তোমৰঘাতকঃ ।
দণ্ডী চণ্ডাংশুৰৱ্যক্তঃ কমণ্ডলুধৰোঽনঘঃ ॥ ৫৪॥
কামী কৰ্মৰতঃ কালঃ কোলঃ ক্ৰন্দিতদিক্তটঃ ।
ভ্ৰামকো জাতিপূজ্যশ্চ জাড্যহা জডসূদনঃ ॥ ৫৫॥
জালন্ধৰো জগদ্ৱাসী হাস্যকৃদ্গহনো গুহঃ ।
হৱিষ্মান্হৱ্যৱাহাক্ষো হাটকো হাটকাঙ্গদঃ ॥ ৫৬॥
সুমেৰুৰ্হিমৱান্হোতা হৰপুত্ৰো হলঙ্কষঃ ।
হালাপ্ৰিযো হৃদাশান্তঃ কান্তাহৃদযপোষণঃ ॥ ৫৭॥
শোষণঃ ক্লেশহা ক্ৰূৰঃ কঠোৰঃ কঠিনাকৃতিঃ ।
কুবেৰো ধীমযো ধ্যাতা ধ্যেযো ধীমান্দযানিধিঃ ॥ ৫৮॥
দৱিষ্ঠো দমনো হৃষ্টো দাতা ত্ৰাতা পিতাসমঃ ।
নিৰ্গতো নৈগমোঽগম্যো নিৰ্জযো জটিলোঽজৰঃ ॥ ৫৯॥
জনজীৱো জিতাৰাতিৰ্জগদ্ৱ্যাপী জগন্মযঃ ।
চামীকৰনিভো নাভ্যো নলিনাযতলোচনঃ ॥ ৬০॥
ৰোচনো মোচকো মন্ত্ৰী মন্ত্ৰকোটিসমাশ্ৰিতঃ ।
পঞ্চভূতাত্মকঃ পঞ্চসাযকঃ পঞ্চৱক্ত্ৰকঃ ॥ ৬১॥
পঞ্চমঃ পশ্চিমঃ পূৰ্ৱঃ পূৰ্ণঃ কীৰ্ণালকঃ কুণিঃ ।
কঠোৰহৃদযো গ্ৰীৱালঙ্কৃতো ললিতাশযঃ ॥ ৬২॥
লোলচিত্তো বৃহন্নাসো মাসপক্ষৰ্তুৰূপৱান্ ।
ধ্ৰুৱো দ্ৰুতগতিৰ্বন্ধো ধৰ্মী নাকিপ্ৰিযোঽনলঃ ॥ ৬৩॥
অঙ্গুল্যগ্ৰস্থভুৱনো ভুৱনৈকমলাপহঃ ।
সাগৰঃ স্ৱৰ্গতিঃ স্ৱক্ষঃ সানন্দঃ সাধুপূজিতঃ ॥ ৬৪॥
সতীপতিঃ সমৰসঃ সনকঃ সৰলঃ সৰঃ ।
সুৰপ্ৰিযো ৱসুমতিৰ্ৱাসৱো ৱসুপূজিতঃ ॥ ৬৫॥
ৱিত্তদো ৱিত্তনাথশ্চ ধনিনাং ধনদাযকঃ ।
ৰাজীৱনযনঃ স্মাৰ্তঃ স্মৃতিদঃ কৃত্তিকাম্বৰঃ ॥ ৬৬॥
অশ্ৱিনোঽশ্ৱমুখঃ শুভ্ৰো ভৰণো ভৰণীপ্ৰিযঃ ।
কৃত্তিকাসনকঃ কোলো ৰোহিণীৰমণোপমঃ ॥ ৬৭॥
ৰৌহিণেযপ্ৰেমকৰী ৰোহিণীমোহনো মৃগঃ ।
মৃগৰাজো মৃগশিৰা মাধৱো মধুৰধ্ৱনিঃ ॥ ৬৮॥
আৰ্দ্ৰাননো মহাবুদ্ধিৰ্মহোৰগৱিভূষণঃ ।
ভ্ৰূক্ষেপদত্তৱিভৱো ভ্ৰূকৰালঃ পুনৰ্মযঃ ॥ ৬৯॥
পুনৰ্দেৱ: পুনৰ্জেতা পুনৰ্জীৱঃ পুনৰ্ৱসুঃ ।
তিমিৰাস্তিমিকেতুশ্চ তিতিষাসুৰঘাতনঃ ॥ ৭০॥
তিষ্যস্তুলাধৰো জৃম্ভো ৱিশ্লেষাশ্লেষদানৰাট্ ।
মানদো মাধৱো মাধো ৱাচালো মঘৱোপমঃ ॥ ৭১॥
মধ্যো মঘাপ্ৰিযো মেঘো মহাশুণ্ডো মহাভুজঃ ।
পূৰ্ৱফাল্গুনিকঃ স্ফীত ফল্গুৰুত্তৰফাল্গুনঃ ॥ ৭২॥
ফেনিলো ব্ৰহ্মদো ব্ৰহ্মা সপ্ততন্তুসমাশ্ৰযঃ ।
ঘোণাহস্তশ্চতুৰ্হস্তো হস্তিৱক্ত্ৰো হলাযুধঃ ॥ ৭৩॥
চিত্ৰাম্বৰোঽৰ্চিতপদঃ স্ৱস্তিদঃ স্ৱস্তিৱিগ্ৰহঃ ।
ৱিশাখঃ শিখিসেৱ্যশ্চ শিখিধ্ৱজসহোদৰঃ ॥ ৭৪॥
অণুৰেণূত্কৰঃ স্ফাৰো ৰুৰুৰেণুসুতো নৰঃ ।
অনুৰাধাপ্ৰিযো ৰাধঃ শ্ৰীমাঞ্ছুক্লঃ শুচিস্মিতঃ ॥ ৭৫॥
জ্যেষ্ঠঃ শ্ৰেষ্ঠাৰ্চিতপদো মূলং চ ত্ৰিজগদ্গুৰুঃ ।
শুচিশ্চৈৱ পূৰ্ৱাষাঢশ্চোত্তৰাষাঢ ঈশ্ৱৰঃ ॥ ৭৬॥
শ্ৰৱ্যোঽভিজিদনন্তাত্মা শ্ৰৱো ৱেপিতদানৱঃ ।
শ্ৰাৱণঃ শ্ৰৱণঃ শ্ৰোতা ধনী ধন্যো ধনিষ্ঠকঃ ॥ ৭৭॥
শাতাতপঃ শাতকুম্ভঃ শৰজ্জ্যোতিঃ শতাভিষক্ ।
পূৰ্ৱাভাদ্ৰপদো ভদ্ৰশ্চোত্তৰাভাদ্ৰপাদিতঃ ॥ ৭৮॥
ৰেণুকাতনযো ৰামো ৰেৱতীৰমণো ৰমী ।
আশ্ৱযুক্কাৰ্তিকেযেষ্টো মাৰ্গশীৰ্ষো মৃগোত্তমঃ ॥ ৭৯॥
পৌষেশ্ৱৰঃ ফাল্গুনাত্মা ৱসন্তশ্চৈত্ৰকো মধুঃ ।
ৰাজ্যদোঽভিজিদাত্মীযস্তাৰেশস্তাৰকদ্যুতিঃ ॥ ৮০॥
প্ৰতীতঃ প্ৰোৰ্জিতঃ প্ৰীতঃ পৰমঃ পৰমো হিতঃ ।
পৰহা পঞ্চভূঃ পঞ্চৱাযুপূজ্যঃ পৰিগ্ৰহঃ ॥ ৮১॥
পুৰাণাগমৱিদ্যোগী মহিষো ৰাসভোঽগ্ৰজঃ ।
গ্ৰহো মেষো ৱৃষো মন্দো মন্মথো মিথুনাকৃতিঃ ॥ ৮২॥
কল্পভৃত্কটকো দীপো মৰ্কটঃ কৰ্কটো ঘৃণিঃ ।
কুক্কুটো ৱনজো হংসঃ পৰমহংসঃ সৃগালকঃ ॥ ৮৩॥
সিংহঃ সিংহাসনাভূষ্যো মদ্গুৰ্মূষকৱাহনঃ ।
পুত্ৰদো নৰকত্ৰাতা কন্যাপ্ৰীতঃ কুলোদ্ৱহঃ ॥ ৮৪॥
অতুল্যৰূপো বলদস্তুল্যভৃত্তুল্যসাক্ষিকঃ ।
অলিশ্চাপধৰো ধন্ৱী কচ্ছপো মকৰো মণিঃ ॥ ৮৫॥
কুম্ভভৃত্কলশঃ কুব্জো মীনমাংসসুতৰ্পিতঃ ।
ৰাশিতাৰাগ্ৰহমযস্তিথিৰূপো জগদ্ৱিভুঃ ॥ ৮৬॥
প্ৰতাপী প্ৰতিপত্প্ৰেযোঽদ্ৱিতীযোঽদ্ৱৈতনিশ্চিতঃ ।
ত্ৰিৰূপশ্চ তৃতীযাগ্নিস্ত্ৰযীৰূপস্ত্ৰযীতনুঃ ॥ ৮৭॥
চতুৰ্থীৱল্লভো দেৱো পৰাগঃ পঞ্চমীশ্ৱৰঃ ।
ষড্ৰসাস্ৱাদৱিজ্ঞানঃ ষষ্ঠী ষষ্টিকৱত্সলঃ ॥ ৮৮॥
সপ্তাৰ্ণৱগতিঃ সাৰঃ সপ্তমীশ্ৱৰ ৰোহিতঃ ।
অষ্টমীনন্দনোত্তংসো নৱমীভক্তিভাৱিতঃ ॥ ৮৯॥
দশদিক্পতিপূজ্যশ্চ দশমীদ্ৰুহিণো দ্ৰুতঃ ।
একাদশাত্মগণপো দ্ৱাদশীযুগচৰ্চিতঃ ॥ ৯০॥
ত্ৰযোদশমণিস্তুত্যশ্চতুৰ্দশস্ৱৰপ্ৰিযঃ ।
চতুৰ্দশেন্দ্ৰসংস্তুত্যঃ পূৰ্ণিমানন্দৱিগ্ৰহঃ ॥ ৯১॥
দৰ্শদৰ্শো দৰ্শনশ্চ ৱানপ্ৰস্থো মহেশ্ৱৰঃ ।
মৌৰ্ৱী মধুৰৱাঙ্মূলমূৰ্তিমান্মেঘৱাহনঃ ॥ ৯২॥
মহাগজো জিতক্ৰোধো জিতশত্ৰুৰ্জযাশ্ৰযঃ ।
ৰৌদ্ৰো ৰুদ্ৰপ্ৰিযো ৰুদ্ৰো ৰুদ্ৰপুত্ৰোঽঘনাশনঃ ॥ ৯৩॥
ভৱপ্ৰিযো ভৱানীষ্টো ভাৰভৃদ্ভূতভাৱনঃ ।
গান্ধৰ্ৱকুশলোঽকুণ্ঠো ৱৈকুণ্ঠো ৱিষ্টৰশ্ৰৱাঃ ॥ ৯৪॥
ৱৃত্ৰহা ৱিঘ্নহা সীৰঃ সমস্তদুঃখতাপহা ।
মঞ্জুৰো মাৰ্জৰো মত্তো দুৰ্গাপুত্ৰো দুৰালসঃ ॥ ৯৫॥
অনন্তচিত্সুধাধাৰো ৱীৰো ৱীৰ্যৈকসাধকঃ ।
ভাস্ৱন্মুকুটমাণিক্যঃ কূজত্কিঙ্কিংণিজালকঃ ॥ ৯৬॥
শুণ্ডাধাৰী তুণ্ডচলঃ কুণ্ডলী মুণ্ডমালকঃ ।
পদ্মাক্ষঃ পদ্মহস্তশ্চ পদ্মনাভসমৰ্চিতঃ ॥ ৯৭॥
উদ্ধৃতাধৰদন্তাঢ্যো মালাভূষণভূষিতঃ ।
মাৰদো ৱাৰণো লোলশ্ৰৱণঃ শূৰ্পকৰ্ণকঃ ॥ ৯৮॥
বৃহদুল্লাসনাসাঢ্যো ৱ্যাপ্তত্ৰৈলোক্যমণ্ডলঃ ।
ৰত্নমণ্ডলমধ্যস্থঃ কৃশানুৰূপশীলকঃ ॥ ৯৯॥
বৃহত্কৰ্ণাঞ্চলোদ্ভূতৱাযুৱীজিতদিক্তটঃ ।
বৃহদাস্যৰৱাক্ৰান্তভীতব্ৰহ্মাণ্ডভাণ্ডকঃ ॥ ১০০॥
বৃহত্পাদসমাক্ৰান্তসপ্তপাতালদীপিতঃ ।
বৃহদ্দন্তকৃতাত্যুগ্ৰৰণানন্দৰসালসঃ ॥ ১০১॥
বৃহদ্ধস্তধৃতাশেষাযুধনিৰ্জিতদানৱঃ ।
স্ফূৰত্সিন্দূৰৱদনঃ স্ফুৰত্তেজোঽগ্নিলোচনঃ ॥ ১০২॥
উদ্দীপিতমণিস্ফূৰ্জন্নূপুৰধ্ৱনিনাদিতঃ ।
চলত্তোযপ্ৰৱাহাঢ্যো নদীজলকণাকৰঃ ॥ ১০৩॥
ভ্ৰমত্কুঞ্জৰসঙ্ঘাতৱন্দিতাঙ্ঘ্ৰিসৰোৰুহঃ ।
ব্ৰহ্মাচ্যুতমহাৰুদ্ৰপুৰস্সৰসুৰাৰ্চিতঃ ॥ ১০৪॥
অশেষশেষপ্ৰভৃতিৱ্যালজালোপসেৱিতঃ ।
গৰ্জত্পঞ্চাননাৰাৱৱ্যাপ্তাকাশধৰাতলঃ ॥ ১০৫॥
হাহাহূহূগতাত্যুগ্ৰস্ৱৰৱিভ্ৰান্তমানসঃ ।
পঞ্চাশদ্ৱৰ্ণবীজাখ্যমন্ত্ৰমন্ত্ৰিতৱিগ্ৰহঃ ॥ ১০৬॥
ৱেদান্তশাস্ত্ৰপীযূষধাৰাঽঽপ্লাৱিতভূতলঃ ।
শঙ্খধ্ৱনিসমাক্ৰান্তপাতালাদিনভস্তলঃ ॥ ১০৭॥
চিন্তামণিৰ্মহামল্লো বল্লহস্তো বলিঃ কৱিঃ ।
কৃতত্ৰেতাযুগোল্লাসভাসমানজগত্ত্ৰযঃ ॥ ১০৮॥
দ্ৱাপৰঃ পৰলোকৈকঃ কৰ্মধ্ৱান্তসুধাকৰঃ ।
সুধাঽঽসিক্তৱপুৰ্ৱ্যাসো ব্ৰহ্মাণ্ডাদিকবাহুকঃ ॥ ১০৯॥
অকাৰাদিক্ষকাৰান্তৱৰ্ণপঙ্ক্তিসমুজ্জ্ৱলঃ ।
অকাৰাকাৰপ্ৰোদ্গীততাননাদনিনাদিতঃ ॥ ১১০॥
ইকাৰেকাৰমত্ৰাঢ্যমালাভ্ৰমণলালসঃ ।
উকাৰোকাৰপ্ৰোদ্গাৰিঘোৰনাগোপৱীতকঃ ॥ ১১১॥
ঋৱৰ্ণাঙ্কিতৠকাৰিপদ্মদ্ৱযসমুজ্জ্ৱলঃ ।
লৃকাৰযুতলৄকাৰশঙ্খপূৰ্ণদিগন্তৰঃ ॥ ১১২॥
একাৰৈককাৰগিৰিজাস্তনপানৱিচক্ষণঃ ।
ওকাৰৌকাৰৱিশ্ৱাদিকৃতসৃষ্টিক্ৰমালসঃ ॥ ১১৩॥
অংঅঃৱৰ্ণাৱলীৱ্যাপ্তপাদাদিশীৰ্ষমণ্ডলঃ ।
কৰ্ণতালকৃতাত্যুচ্চৈৰ্ৱাযুৱীজিতনিৰ্জৰঃ ॥ ১১৪॥
খগেশধ্ৱজৰত্নাঙ্ককিৰীটাৰুণপাদকঃ ।
গৰ্ৱিতাশেষগন্ধৰ্ৱগীততত্পৰশ্ৰোত্ৰকঃ ॥ ১১৫॥
ঘনৱাহনৱাগীশপুৰস্সৰসুৰাৰ্চিতঃ ।
ঙৱৰ্ণামৃতধাৰাঢ্যশোভমানৈকদন্তকঃ ॥ ১১৬॥
চন্দ্ৰকুঙ্কুমজম্বাললিপ্তসিন্দূৰৱিগ্ৰহঃ ।
ছত্ৰচামৰৰত্নাঢ্যমুকুটালঙ্কৃতাননঃ ॥ ১১৭॥
জটাবদ্ধমহানৰ্ঘমণিপঙ্ক্তিৱিৰাজিতঃ ।
ঝঙ্কাৰিমধুপৱ্ৰাতগাননাদৱিনাদিতঃ ॥ ১১৮॥
ঞৱৰ্ণকৃতসংহাৰদৈত্যাসৃক্পৰ্ণমুদ্গৰঃ ।
টকাৰাখ্যাফলাস্ৱাদৱেপিতাশেষমূৰ্ধজঃ ॥ ১১৯॥
ঠকাৰাদ্যডকাৰাঙ্কঢকাৰানন্দতোষিতঃ ।
ণৱৰ্ণামৃতপীযূষধাৰাধাৰসুধাকৰঃ ॥ ১২০॥
তাম্ৰসিন্দূৰপূজাঢ্যললাটফলকচ্ছৱিঃ ।
থকাৰধনপঙ্ক্ত্যাতিসন্তোষিতাদ্ৱিজৱ্ৰজঃ ॥ ১২১॥
দযামৃতহৃদম্ভোজধৃতত্ৰৈলোক্যমণ্ডলঃ ।
ধনদাদিমহাযক্ষসংসেৱিতপদাম্বুজঃ ॥ ১২২॥
নমিতাশেষদেৱৌঘকিৰীটমণিৰঞ্জিতঃ ।
পৰৱৰ্গাপৱৰ্গাদিভোগেচ্ছেদনদক্ষকঃ ॥ ১২৩॥
ফণিচক্ৰসমাক্ৰান্তগলমণ্ডলমণ্ডিতঃ ।
বদ্ধভ্ৰূযুগভীমোগ্ৰসন্তৰ্জিতসুৰাসুৰঃ ॥ ১২৪॥
ভৱানীহৃদযানন্দৱৰ্দ্ধনৈকনিশাকৰঃ ।
মদিৰাকলশস্ফীতকৰালৈককৰাম্বুজঃ ॥ ১২৫॥
যজ্ঞান্তৰাযসঙ্ঘাতসজ্জীকৃতৱৰাযুধঃ ।
ৰত্নাকৰসুতাকান্তিক্ৰান্তিকীৰ্তিৱিৱৰ্ধনঃ ॥ ১২৬॥
লম্বোদৰমহাভীমৱপুৰ্দীপ্তকৃতাসুৰঃ ।
ৱৰুণাদিদিগীশানস্ৱৰ্চিতাৰ্চনচৰ্চিতঃ ॥ ১২৭॥
শঙ্কৰৈকপ্ৰিযপ্ৰেমনযনান্দৱৰ্দ্ধনঃ ।
ষোডশস্ৱৰিতালাপগীতগানৱিচক্ষণঃ ॥ ১২৮॥
সমস্তদুৰ্গতিসৰিন্নাথোত্তাৰণকোডুপঃ ।
হৰাদিব্ৰহ্মৱৈকুণ্ঠব্ৰহ্মগীতাদিপাঠকঃ ॥ ১২৯॥
ক্ষমাপূৰিতহৃত্পদ্মসংৰক্ষিতচৰাচৰঃ ।
তাৰাঙ্কমন্ত্ৰৱৰ্ণৈকৱিগ্ৰহোজ্জ্ৱলৱিগ্ৰহঃ ॥ ১৩০॥
অকাৰাদিক্ষকাৰান্তৱিদ্যাভূষিতৱিগ্ৰহঃ ।
ওঁ শ্ৰীৱিনাযকো ওঁ হ্ৰীং ৱিঘ্নাধ্যক্ষো গণাধিপঃ ॥ ১৩১॥
হেৰম্বো মোদকাহাৰো ৱক্ৰতুণ্ডো ৱিধিঃ স্মৃতঃ ।
ৱেদান্তগীতো ৱিদ্যাৰ্থিসিদ্ধমন্ত্ৰঃ ষডক্ষৰঃ ॥ ১৩২॥
গণেশো ৱৰদো দেৱো দ্ৱাদশাক্ষৰমন্ত্ৰিতঃ ।
সপ্তকোটিমহামন্ত্ৰমন্ত্ৰিতাশেষৱিগ্ৰহঃ ॥ ১৩৩॥
গাঙ্গেযো গণসেৱ্যশ্চ ওঁ শ্ৰীদ্ৱৈমাতুৰঃ শিৱঃ ।
ওঁ হ্ৰীং শ্ৰীং ক্লীং গ্লৌং গঁ দেৱো মহাগণপতিঃ প্ৰভুঃ ॥ ১৩৪॥
ইদং নামসহস্ৰং তু মহাগণপতেঃ স্মৃতম্ ।
গুহ্যং গোপ্যতমং সিদ্ধং সৰ্ৱতন্ত্ৰেষু গোপিতম্ ॥ ১৩৫॥
সৰ্ৱমন্ত্ৰমযং দিৱ্যং সৰ্ৱৱিঘ্নৱিনাশনম্ ।
গ্ৰহতাৰামযং ৰাশিৱৰ্ণপঙ্ক্তিসমন্ৱিতম্ ॥ ১৩৬॥
সৰ্ৱাৱিদ্যামযং ব্ৰহ্মসাধনং সাধকপ্ৰিযম্ ।
গণেশস্য চ সৰ্ৱস্ৱং ৰহস্যং ত্ৰিদিৱৌকসাম্ ॥ ১৩৭॥
যথেষ্টফলদং লোকে মনোৰথপ্ৰপূৰণম্ ।
অষ্টসিদ্ধিমযং শ্ৰেষ্ঠং সাধকানাং জযপ্ৰদম্ ॥ ১৩৮॥
ৱিনাৰ্চনং ৱিনা হোমং ৱিনান্যাসং ৱিনা জপম্ ।
অণিমাদ্যষ্টসিদ্ধীনাং সাধনং স্মৃতিমাত্ৰতঃ ॥ ১৩৯॥
চতুৰ্থ্যামৰ্ধৰাত্ৰে তু পঠেন্মন্ত্ৰী চতুষ্পথে ।
লিখেদ্ভূৰ্জে মহাদেৱি ! পুণ্যং নামসহস্ৰকম্ ॥ ১৪০॥
ধাৰযেত্তং চতুৰ্দশ্যাং মধ্যাহ্নে মূৰ্ধ্নি ৱা ভুজে ।
যোষিদ্ৱামকৰে চৈৱ পুৰুষো দক্ষিণে ভুজে ॥ ১৪১॥
স্তম্ভযেদপি ব্ৰহ্মাণং মোহযেদপি শঙ্কৰম্ ।
ৱশযেদপি ত্ৰৈলোক্যং মাৰযেদখিলান্ ৰিপূন্ ॥ ১৪২॥
উচ্চাটযেচ্চ গীৰ্ৱাণং শমযেচ্চ ধনঞ্জযম্ ।
ৱন্ধ্যা পুত্ৰং লভেচ্ছীঘ্ৰং নিৰ্ধনো ধনমাপ্নুযাত্ ॥ ১৪৩॥
ত্ৰিৱাৰং যঃ পঠেদ্ৰাত্ৰৌ গণেশস্য পুৰঃ শিৱে ।
নগ্নঃ শক্তিযুতো দেৱি ভুক্ত্ৱা ভোগান্যথেপ্সিতান্ ॥ ১৪৪॥
প্ৰত্যক্ষৱৰদং পশ্যেদ্গণেশং সাধকোত্তমঃ ।
য ইদং পঠতে নাম্নাং সহস্ৰং ভক্তিপূৰ্ৱকম্ ॥ ১৪৫॥
তস্য ৱিত্তাদিৱিভৱোদাৰাযুঃ সম্পদঃ সদা ।
ৰণে ৰাজমযে দ্যূতে পঠেন্নামসহস্ৰকম্ ॥ ১৪৬॥
সৰ্ৱত্ৰ জযমাপ্নোতি গণেশস্য প্ৰসাদতঃ ॥ ১৪৭॥
ইতীদং পুণ্যসৰ্ৱস্ৱং মন্ত্ৰনামসহস্ৰকম্ ।
মহাগণপতেঃ পুণ্যং গোপনীযং স্ৱযোনিৱত্ ॥ ১৪৭॥
॥ ইতি শ্ৰীৰুদ্ৰযামলতন্ত্ৰে
শ্ৰীমদুচ্ছিষ্টগণেশসহস্ৰনামস্তোত্ৰং সম্পূৰ্ণম্ ॥

More Ganesha Stotras

श्रीकृष्णसहस्रनामस्तोत्रम्
Krishna Sahasranamam
श्री विष्णु सहस्रनाम स्तोत्रम्
Vishnu Sahasranama Stotram
श्रीललितासहस्रनामस्तोत्रम्
Sri Lalita Sahasranama Stotram
गकारादि श्री गणपति सहस्रनाम
Gakaradi Sri Ganapati Sahasranama
गुह्यकाल्याः सहस्रनामस्तोत्रम्
Guhyakali Sahasranama Stotram
श्री हनुमत् सहस्रनाम स्तोत्रम्
Sri Hanuman Sahasranama Stotram
हनुमत्सहस्रनामस्तोत्रम् (सुदर्शनसंहिता)
Hanumatsahasranamastotram Sudarsanasamhita
श्री महागणपति सहस्रनामावली
Sri Mahaganapati Sahasranamavali
View All Sahasranama Collection →

Also Chanted For

Removing Obstacles

Explore More

Sahasranama CollectionWealthObstaclesHealthProtectionWisdomHome