Lord Ganesha

ಉಚ್ಛಿಷ್ಟ ಗಣಪತಿ ಸಹಸ್ರನಾಮ ಸ್ತೋತ್ರಮ್

(Ucchishta Ganapati Sahasranama Stotram in Kannada)

Traditional (Tantric tradition)

Also known as sriucchistaganapatisahasranamastotram

Language:Sanskrit
Translation:English

Ucchishta Ganapati Sahasranama Stotram is a Tantric Sanskrit text containing a thousand names of Lord Ucchishta Ganapati, a particularly powerful and esoteric form of Ganesha worshipped in Tantric traditions. This form of Ganesha is associated with fulfillment of all desires and swift removal of obstacles. The sahasranama is part of the left-hand Tantric path and is particularly powerful for gaining worldly success, fulfillment of desires, and spiritual attainment.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 151
ಶ್ರೀಉಚ್ಛಿಷ್ಟಗಣಪತಿಸಹಸ್ರನಾಮಸ್ತೋತ್ರಮ್
ಶ್ರೀಗಣೇಶಾಯ ನಮಃ ।

ಶ್ರೀಭೈರವ ಉವಾಚ।
ಶೃಣು ದೇವಿ ರಹಸ್ಯಂ ಮೇ ಯತ್ಪುರಾ ಸೂಚಿತಂ ಮಯಾ ।
ತವ ಭಕ್ತ್ಯಾ ಗಣೇಶಸ್ಯ ವಕ್ಷ್ಯೇ ನಾಮಸಹಸ್ರಕಮ್ ॥ ೧॥
ಶ್ರೀದೇವ್ಯುವಾಚ।
ಓಂ ಭಗವನ್ಗಣನಾಥಸ್ಯ ಉಚ್ಛಿಷ್ಟಸ್ಯ ಮಹಾತ್ಮನಃ ।
ಶ್ರೋತುಂ ನಾಮ ಸಹಸ್ರಂ ಮೇ ಹೃದಯಂ ಪ್ರೋತ್ಸುಕಾಯತೇ ॥ ೨॥
ಶ್ರೀಭೈರವ ಉವಾಚ।
ಪ್ರಾಙ್ಮುಖೇ ತ್ರಿಪುರಾನಾಥೇ ಜಾತಾ ವಿಘ್ನಕುಲಾಃ ಶಿವೇ ।
ಮೋಹನೇ ಮುಚ್ಯತೇ ಚೇತಸ್ತೈಃ ಸರ್ವೈರ್ಬಲದರ್ಪಿತೈಃ ॥ ೩॥
ತದಾ ಪ್ರಭುಂ ಗಣಾಧ್ಯಕ್ಷಂ ಸ್ತುತ್ವಾ ನಾಮಸಹಸ್ರಕೈಃ ।
ವಿಘ್ನಾ ದೂರಾತ್ಪಲಾಯನ್ತೇ ಕಾಲರುದ್ರಾದಿವ ಪ್ರಜಾಃ ॥ ೪॥
ತಸ್ಯಾನುಗ್ರಹತೋ ದೇವಿ ಜಾತೋಽಹಂ ತ್ರಿಪುರಾನ್ತಕಃ ।
ತಮದ್ಯಾಪಿ ಗಣೇಶಾನಂ ಸ್ತೌಮಿ ನಾಮಸಹಸ್ರಕೈಃ ॥ ೫॥
ತದದ್ಯ ತವ ಭಕ್ತ್ಯಾಹಂ ಸಾಧಕಾನಾಂ ಹಿತಾಯ ಚ ।
ಮಹಾಗಣಪತೇರ್ವಕ್ಷ್ಯೇ ದಿವ್ಯಂ ನಾಮಸಹಸ್ರಕಮ್ ॥ ೬॥
ಓಂ ಅಸ್ಯ ಶ್ರೀಉಚ್ಛಿಷ್ಟಗಣೇಶಸಹಸ್ರನಾಮಸ್ತೋತ್ರಮನ್ತ್ರಸ್ಯ ಶ್ರೀಭೈರವ ಋಷಿಃ ।
ಗಾಯತ್ರೀ ಛನ್ದಃ । ಶ್ರೀಮಹಾಗಣಪತಿರ್ದೇವತಾ ।
ಗಂ ಬೀಜಮ್ । ಹ್ರೀಂ ಶಕ್ತಿಃ । ಕುರುಕುರು ಕೀಲಕಮ್ ।
ಮಮ ಧರ್ಮಾರ್ಥಕಾಮಮೋಕ್ಷಾರ್ಥೇ ಜಪೇ ವಿನಿಯೋಗಃ ॥
ಓಂ ಹ್ರೀಂ ಶ್ರೀಂ ಕ್ಲೀಂ ಗಣಾಧ್ಯಕ್ಷೋ ಗ್ಲೌಂ ಗಁ ಗಣಪತಿರ್ಗುಣೀ ।
ಗುಣಾಢ್ಯೋ ನಿರ್ಗುಣೋ ಗೋಪ್ತಾ ಗಜವಕ್ತ್ರೋ ವಿಭಾವಸುಃ ॥ ೭॥
ವಿಶ್ವೇಶ್ವರೋ ವಿಭಾದೀಪ್ತೋ ದೀಪನೋ ಧೀವರೋ ಧನೀ ।
ಸದಾಶಾನ್ತೋ ಜಗತ್ತ್ರಾತಾ ವಿಶ್ವಾವರ್ತೋ ವಿಭಾಕರಃ ॥ ೮॥
ವಿಶ್ರಮ್ಭೀ ವಿಜಯೋ ವೈದ್ಯೋ ವಾರಾನ್ನಿಧಿರನುತ್ತಮಃ ।
ಅಣಿಮಾವಿಭವಃ ಶ್ರೇಷ್ಠೋ ಜ್ಯೇಷ್ಠೋ ಗಾಥಾಪ್ರಿಯೋ ಗುರುಃ ॥ ೯॥
ಸೃಷ್ಟಿಕರ್ತಾ ಜಗದ್ಧರ್ತಾ ವಿಶ್ವಭರ್ತಾ ಜಗನ್ನಿಧಿಃ ।
ಪತಿಃ ಪೀತವಿಭೂಷಾಙ್ಕೋ ರಕ್ತಾಕ್ಷೋ ಲೋಹಿತಾಮ್ಬರಃ ॥ ೧೦॥
ವಿರೂಪಾಕ್ಷೋ ವಿಮಾನಸ್ಥೋ ವಿನೀತಃ ಸದಸ್ಯಃ ಸುಖೀ । (ವಿನಯಃ ಸಾತ್ವತಃ)
ಸುರೂಪಃ ಸಾತ್ತ್ವಿಕಃ ಸತ್ಯಃ ಶುದ್ಧಃ ಶಙ್ಕರನನ್ದನಃ ॥ ೧೧॥
ನನ್ದೀಶ್ವರೋ ಜಯಾನನ್ದೀ ವನ್ದ್ಯಃ ಸ್ತುತ್ಯೋ ವಿಚಕ್ಷಣಃ ।
ದೈತ್ಯಮರ್ದ್ದೀ ಸದಾಕ್ಷೀಬೋ ಮದಿರಾರುಣಲೋಚನಃ ॥ ೧೨॥
ಸಾರಾತ್ಮಾ ವಿಶ್ವಸಾರಶ್ಚ ವಿಶ್ವಸಾರೋ ವಿಲೇಪನಃ ।
ಪರಂ ಬ್ರಹ್ಮ ಪರಂ ಜ್ಯೋತಿಃ ಸಾಕ್ಷೀ ತ್ರ್ಯಕ್ಷೋ ವಿಕತ್ಥನಃ ॥ ೧೩॥
ವಿಶ್ವೇಶ್ವರೋ ವೀರಹರ್ತಾ ಸೌಭಾಗ್ಯೋ ಭಾಗ್ಯವರ್ದ್ಧನಃ ।
ಭೃಙ್ಗಿರಿಟೀ ಭೃಙ್ಗಮಾಲೀ ಭೃಙ್ಗಕೂಜಿತನಾದಿತಃ ॥ ೧೪॥
ವಿನರ್ತಕೋ ವಿನೀತೋಽಪಿ ವಿನತಾನನ್ದನಾರ್ಚಿತಃ ।
ವೈನತೇಯೋ ವಿನಮ್ರಾಙ್ಗೋ ವಿಶ್ವನಾಯಕನಾಯಕಃ ॥ ೧೫॥
ವಿರಾಟಕೋ ವಿರಾಟಶ್ಚ ವಿದಗ್ಧೋ ವಿಧುರಾತ್ಮಭೂಃ ।
ಪುಷ್ಪದನ್ತಃ ಪುಷ್ಪಹಾರೀ ಪುಷ್ಪಮಾಲಾವಿಭೂಷಣಃ ॥ ೧೬॥
ಪುಷ್ಪೇಷುಮಥನಃ ಪುಷ್ಟೋ ವಿವರ್ತಃ ಕರ್ತರೀಕರಃ ।
ಅನ್ತ್ಯೋಽನ್ತಕಶ್ಚಿತ್ತಗಣಾಶ್ಚಿತ್ತಚಿನ್ತಾಪಹಾರಕಃ ॥ ೧೭॥
ಅಚಿನ್ತ್ಯೋಽಚಿನ್ತ್ಯರೂಪಶ್ಚ ಚನ್ದನಾಕುಲಮುಣ್ಡಕಃ ।
ಲೋಹಿತೋ ಲಿಪಿತೋ ಲುಪ್ತೋ ಲೋಹಿತಾಕ್ಷೋ ವಿಲೋಭಕಃ ॥ ೧೮॥
ಲಬ್ಧಾಶಯೋ ಲೋಭರತೋ ಲೋಭದೋಽಲಙ್ಘ್ಯಗರ್ಧಕಃ ।
ಸುನ್ದರಃ ಸುನ್ದರೀಪುತ್ರಃ ಸಮಸ್ತಾಸುರಘಾತಕಃ ॥ ೧೯॥
ನೂಪುರಾಢ್ಯೋ ವಿಭವೇನ್ದ್ರೋ ನರನಾರಾಯಣೋ ರವಿಃ ।
ವಿಚಾರೋ ವಾನ್ತದೋ ವಾಗ್ಮೀ ವಿತರ್ಕೀ ವಿಜಯೀಶ್ವರಃ ॥ ೨೦॥
ಸುಪ್ತೋ ಬುದ್ಧಃ ಸದಾರೂಪಃ ಸುಖದಃ ಸುಖಸೇವಿತಃ ।
ವಿಕರ್ತನೋ ವಿಯಚ್ಚಾರೀ ವಿನಟೋ ನಟನರ್ತಕಃ ॥ ೨೧॥
ನಟೋ ನಾಟ್ಯಪ್ರಿಯೋ ನಾದೋಽನನ್ತೋಽನನ್ತಗುಣಾತ್ಮಕಃ ।
ಗಙ್ಗಾಜಲಪಾನಪ್ರಿಯೋ ಗಙ್ಗಾತೀರವಿಹಾರಕೃತ್ ॥ ೨೨॥
ಗಙ್ಗಾಪ್ರಿಯೋ ಗಙ್ಗಜಶ್ಚ ವಾಹನಾದಿಪುರಃಸರಃ ।
ಗನ್ಧಮಾದನಸಂವಾಸೋ ಗನ್ಧಮಾದನಕೇಲಿಕೃತ್ ॥ ೨೩॥
ಗನ್ಧಾನುಲಿಪ್ತಪೂರ್ವಾಙ್ಗಃ ಸರ್ವದೇವಸ್ಮರಃ ಸದಾ ।
ಗಣಗನ್ಧರ್ವರಾಜೇಶೋ ಗಣಗನ್ಧರ್ವಸೇವಿತಃ ॥ ೨೪॥
ಗನ್ಧರ್ವಪೂಜಿತೋ ನಿತ್ಯಂ ಸರ್ವರೋಗವಿನಾಶಕಃ ।
ಗನ್ಧರ್ವಗಣಸಂಸೇವ್ಯೋ ಗನ್ಧರ್ವವರದಾಯಕಃ ॥ ೨೫॥
ಗನ್ಧರ್ವೋ ಗನ್ಧಮಾತಙ್ಗೋ ಗನ್ಧರ್ವಕುಲದೈವತಃ ।
ಗನ್ಧರ್ವಗರ್ವಸಂವೇಗೋ ಗನ್ಧರ್ವವರದಾಯಕಃ ॥ ೨೬॥
ಗನ್ಧರ್ವಪ್ರಬಲಾರ್ತಿಘ್ನೋ ಗನ್ಧರ್ವಗಣಸಂಯುತಃ ।
ಗನ್ಧರ್ವಾದಿಗುಣಾನನ್ದೋ ನನ್ದೋಽನನ್ತಗುಣಾತ್ಮಕಃ ॥ ೨೭॥
ವಿಶ್ವಮೂರ್ತಿರ್ವಿಶ್ವಧಾತಾ ವಿನತಾಸ್ಯೋ ವಿನರ್ತಕಃ ।
ಕರಾಲಃ ಕಾಮದಃ ಕಾನ್ತಃ ಕಮನೀಯಃ ಕಲಾನಿಧಿಃ ॥ ೨೮॥
ಕಾರುಣ್ಯರೂಪಃ ಕುಟಿಲಃ ಕುಲಾಚಾರೀ ಕುಲೇಶ್ವರಃ ।
ವಿಕರಾಲೋ ರಣಶ್ರೇಷ್ಠಃ ಸಂಹಾರೋ ಹಾರಭೂಷಣಃ ॥ ೨೯॥
ಉರುರಮ್ಯಮುಖೋ ರಕ್ತೋ ದೇವತಾದಯಿತೌರಸಃ ।
ಮಹಾಕಾಲೋ ಮಹಾದಂಷ್ಟ್ರೋ ಮಹೋರಗಭಯಾನಕಃ ॥ ೩೦॥
ಉನ್ಮತ್ತರೂಪಃ ಕಾಲಾಗ್ನಿರಗ್ನಿಸೂರ್ಯೇನ್ದುಲೋಚನಃ ।
ಸಿತಾಸ್ಯಃ ಸಿತಮಾಲ್ಯಶ್ಚ ಸಿತದನ್ತಃ ಸಿತಾಂಶುಮಾನ್ ॥ ೩೧॥
ಅಸಿತಾತ್ಮಾ ಭೈರವೇಶೋ ಭಾಗ್ಯವಾನ್ಭಗವಾನ್ಭವಃ ।
ಗರ್ಭಾತ್ಮಜೋ ಭಗಾವಾಸೋ ಭಗದೋ ಭಗವರ್ದ್ಧನಃ ॥ ೩೨॥
ಶುಭಙ್ಕರಃ ಶುಚಿಃ ಶಾನ್ತಃ ಶ್ರೇಷ್ಠಃ ಶ್ರವ್ಯಃ ಶಚೀಪತಿಃ ।
ವೇದಾದ್ಯೋ ವೇದಕರ್ತಾ ಚ ವೇದವೇದ್ಯಃ ಸನಾತನಃ ॥ ೩೩॥
ವಿದ್ಯಾಪ್ರದೋ ವೇದರಸೋ ವೈದಿಕೋ ವೇದಪಾರಗಃ ।
ವೇದಧ್ವನಿರತೋ ವೀರೋ ವೇದವಿದ್ಯಾಗಮೋಽರ್ಥವಿತ್ ॥ ೩೪॥
ತತ್ತ್ವಜ್ಞಃ ಸರ್ವಗಃ ಸಾಧುಃ ಸದಯಃ ಸದಸನ್ಮಯಃ ।
ಶಿವಙ್ಕರಃ ಶಿವಸುತಃ ಶಿವಾನನ್ದವಿವರ್ದ್ಧನಃ ॥ ೩೫॥
ಶೈತ್ಯಃ ಶ್ವೇತಃ ಶತಮುಖೀ ಮುಗ್ಧೋ ಮೋದಕಭೂಷಣಃ ।
ದೇವೋ ದಿನಕರೋ ಧೀರೋ ಧೃತಿಮಾನ್ದ್ಯುತಿಮಾನ್ಧವಃ ॥ ೩೬॥
ಶುದ್ಧಾತ್ಮಾ ಶುದ್ಧಮತಿಮಾಞ್ಛುದ್ಧದೀಪ್ತಿಃ ಶುಚಿವ್ರತಃ ।
ಶರಣ್ಯಃ ಶೌನಕಃ ಶೂರಃ ಶರದಮ್ಭೋಜಧಾರಕಃ ॥ ೩೭॥
ದಾರಕಃ ಶಿಖಿವಾಹೇಷ್ಟಃ ಸಿತಃ ಶಙ್ಕರವಲ್ಲಭಃ ।
ಶಙ್ಕರೋ ನಿರ್ಭಯೋ ನಿತ್ಯೋ ಲಯಕೃಲ್ಲಾಸ್ಯತತ್ಪರಃ ॥ ೩೮॥
ಲೂತೋ ಲೀಲಾರಸೋಲ್ಲಾಸೀ ವಿಲಾಸೀ ವಿಭ್ರಮೋ ಭ್ರಮಃ ।
ಭ್ರಮಣಃ ಶಶಿಭೃತ್ಸೂರ್ಯಃ ಶನಿರ್ಧರಣಿನನ್ದನಃ ॥ ೩೯॥
ಬುಧೋ ವಿಬುಧಸೇವ್ಯಶ್ಚ ಬುಧರಾಜೋ ಬಲಂಧರಃ ।
ಜೀವೋ ಜೀವಪ್ರದೋ ಜೇತಾ ಸ್ತುತ್ಯೋ ನಿತ್ಯೋ ರತಿಪ್ರಿಯಃ ॥ ೪೦॥
ಜನಕೋ ಜನಮಾರ್ಗಜ್ಞೋ ಜನರಕ್ಷಣತತ್ಪರಃ ।
ಜನಾನಾಂ ಪ್ರದಾತಾ ಚ ಜನಕಾಹ್ಲಾದಕಾರಕಃ ॥ ೪೧॥
ವಿಬುಧೋ ಬುಧಮಾನ್ಯಶ್ಚ ಜೈನಮಾರ್ಗನಿವರ್ತಕಃ ।
ಗಚ್ಛೋ ಗಣಪತಿರ್ಗಚ್ಛನಾಯಕೋ ಗಚ್ಛಗರ್ವಹಾ ॥ ೪೨॥
ಗಚ್ಛರಾಜೋಥ ಗಚ್ಛೇಶೋ ಗಚ್ಛರಾಜನಮಸ್ಕೃತಃ ।
ಗಚ್ಛಪ್ರಿಯೋ ಗಚ್ಛಗುರುರ್ಗಚ್ಛತ್ರಾಕೃದ್ಯಮಾತುರಃ ॥ ೪೩॥
ಗಚ್ಛಪ್ರಭುರ್ಗಚ್ಛಚರೋ ಗಚ್ಛಪ್ರಿಯಕೃತೋದ್ಯಮಃ ।
ಗಚ್ಛಗೀತಗುಣೋ ಗರ್ತೋ ಮರ್ಯಾದಾಪ್ರತಿಪಾಲಕಃ ॥ ೪೪॥
ಗೀರ್ವಾಣಾಗಮಸಾರಸ್ಯ ಗರ್ಭೋ ಗೀರ್ವಾಣದೇವತಾ ।
ಗೌರೀಸುತೋ ಗುರುವರೋ ಗೌರಾಙ್ಗೋ ಗಣಪೂಜಿತಃ ॥ ೪೫॥
ಪರಮ್ಪದಂ ಪರನ್ಧಾಮ ಪರಮಾತ್ಮಾ ಕವಿಃ ಕುಜಃ ।
ರಾಹುರ್ದೈತ್ಯಶಿರಶ್ಛೇದೀ ಕೇತುಃ ಕನಕಕುಣ್ಡಲಃ ॥ ೪೬॥
ಗ್ರಹೇನ್ದ್ರೋ ಗ್ರಹಿತೋ ಗ್ರಾಹ್ಯೋಽಗ್ರಣೀರ್ಘುರ್ಘುರನಾದಿತಃ ।
ಪರ್ಜನ್ಯಃ ಪೀವರಃ ಪತ್ರೀ ಪೀನವಕ್ಷಾಃ ಪರಾಕ್ರಮೀ ॥ ೪೭॥
ವನೇಚರೋ ವನಸ್ಪತಿರ್ವನವಾಸೀ ಸ್ಮರೋಪಮಃ ।
ಪುಣ್ಯಃ ಪೂತಃ ಪವಿತ್ರಶ್ಚ ಪರಾತ್ಮಾ ಪೂರ್ಣಾವಿಗ್ರಹಃ ॥ ೪೮॥
ಪೂರ್ಣೇನ್ದುಸುಕಲಾಕಾರೋ ಮನ್ತ್ರಪೂರ್ಣಮನೋರಥಃ ।
ಯುಗಾತ್ಮಾ ಯುಗಕೃದ್ಯಜ್ವಾ ಯಾಜ್ಞಿಕೋ ಯಜ್ಞವತ್ಸಲಃ ॥ ೪೯॥
ಯಶಸ್ಯೋ ಯಜಮಾನೇಷ್ಟೋ ವಜ್ರಭೃದ್ವಜ್ರಪಞ್ಜರಃ ।
ಮಣಿಭದ್ರೋ ಮಣಿಮಯೋ ಮಾನ್ಯೋ ಮೀನಧ್ವಜಾಶ್ರಿತಃ ॥ ೫೦॥
ಮೀನಧ್ವಜೋ ಮನೋಹಾರೀ ಯೋಗಿನಾಂ ಯೋಗವರ್ಧನಃ ।
ದ್ರಷ್ಟಾ ಸ್ರಷ್ಟಾ ತಪಸ್ವೀ ಚ ವಿಗ್ರಹೀ ತಾಪಸಪ್ರಿಯಃ ॥ ೫೧॥
ತಪೋಮಯಸ್ತಪೋಮೂರ್ತಿಸ್ತಪನಶ್ಚ ತಪೋಧನಃ ।
ಸಮ್ಪತ್ತಿಸದನಾಕಾರಃ ಸಮ್ಪತ್ತಿಸುಖದಾಯಕಃ ॥ ೫೨॥
ಸಮ್ಪತ್ತಿಸುಖಕರ್ತಾ ಚ ಸಮ್ಪತ್ತಿಸುಭಗಾನನಃ ।
ಸಮ್ಪತ್ತಿಶುಭದೋ ನಿತ್ಯಸಮ್ಪತ್ತಿಶ್ಚ ಯಶೋಧನಃ ॥ ೫೩॥
ರುಚಕೋ ಮೇಚಕಸ್ತುಷ್ಟಃ ಪ್ರಭುಸ್ತೋಮರಘಾತಕಃ ।
ದಣ್ಡೀ ಚಣ್ಡಾಂಶುರವ್ಯಕ್ತಃ ಕಮಣ್ಡಲುಧರೋಽನಘಃ ॥ ೫೪॥
ಕಾಮೀ ಕರ್ಮರತಃ ಕಾಲಃ ಕೋಲಃ ಕ್ರನ್ದಿತದಿಕ್ತಟಃ ।
ಭ್ರಾಮಕೋ ಜಾತಿಪೂಜ್ಯಶ್ಚ ಜಾಡ್ಯಹಾ ಜಡಸೂದನಃ ॥ ೫೫॥
ಜಾಲನ್ಧರೋ ಜಗದ್ವಾಸೀ ಹಾಸ್ಯಕೃದ್ಗಹನೋ ಗುಹಃ ।
ಹವಿಷ್ಮಾನ್ಹವ್ಯವಾಹಾಕ್ಷೋ ಹಾಟಕೋ ಹಾಟಕಾಙ್ಗದಃ ॥ ೫೬॥
ಸುಮೇರುರ್ಹಿಮವಾನ್ಹೋತಾ ಹರಪುತ್ರೋ ಹಲಙ್ಕಷಃ ।
ಹಾಲಾಪ್ರಿಯೋ ಹೃದಾಶಾನ್ತಃ ಕಾನ್ತಾಹೃದಯಪೋಷಣಃ ॥ ೫೭॥
ಶೋಷಣಃ ಕ್ಲೇಶಹಾ ಕ್ರೂರಃ ಕಠೋರಃ ಕಠಿನಾಕೃತಿಃ ।
ಕುಬೇರೋ ಧೀಮಯೋ ಧ್ಯಾತಾ ಧ್ಯೇಯೋ ಧೀಮಾನ್ದಯಾನಿಧಿಃ ॥ ೫೮॥
ದವಿಷ್ಠೋ ದಮನೋ ಹೃಷ್ಟೋ ದಾತಾ ತ್ರಾತಾ ಪಿತಾಸಮಃ ।
ನಿರ್ಗತೋ ನೈಗಮೋಽಗಮ್ಯೋ ನಿರ್ಜಯೋ ಜಟಿಲೋಽಜರಃ ॥ ೫೯॥
ಜನಜೀವೋ ಜಿತಾರಾತಿರ್ಜಗದ್ವ್ಯಾಪೀ ಜಗನ್ಮಯಃ ।
ಚಾಮೀಕರನಿಭೋ ನಾಭ್ಯೋ ನಲಿನಾಯತಲೋಚನಃ ॥ ೬೦॥
ರೋಚನೋ ಮೋಚಕೋ ಮನ್ತ್ರೀ ಮನ್ತ್ರಕೋಟಿಸಮಾಶ್ರಿತಃ ।
ಪಞ್ಚಭೂತಾತ್ಮಕಃ ಪಞ್ಚಸಾಯಕಃ ಪಞ್ಚವಕ್ತ್ರಕಃ ॥ ೬೧॥
ಪಞ್ಚಮಃ ಪಶ್ಚಿಮಃ ಪೂರ್ವಃ ಪೂರ್ಣಃ ಕೀರ್ಣಾಲಕಃ ಕುಣಿಃ ।
ಕಠೋರಹೃದಯೋ ಗ್ರೀವಾಲಙ್ಕೃತೋ ಲಲಿತಾಶಯಃ ॥ ೬೨॥
ಲೋಲಚಿತ್ತೋ ಬೃಹನ್ನಾಸೋ ಮಾಸಪಕ್ಷರ್ತುರೂಪವಾನ್ ।
ಧ್ರುವೋ ದ್ರುತಗತಿರ್ಬನ್ಧೋ ಧರ್ಮೀ ನಾಕಿಪ್ರಿಯೋಽನಲಃ ॥ ೬೩॥
ಅಙ್ಗುಲ್ಯಗ್ರಸ್ಥಭುವನೋ ಭುವನೈಕಮಲಾಪಹಃ ।
ಸಾಗರಃ ಸ್ವರ್ಗತಿಃ ಸ್ವಕ್ಷಃ ಸಾನನ್ದಃ ಸಾಧುಪೂಜಿತಃ ॥ ೬೪॥
ಸತೀಪತಿಃ ಸಮರಸಃ ಸನಕಃ ಸರಲಃ ಸರಃ ।
ಸುರಪ್ರಿಯೋ ವಸುಮತಿರ್ವಾಸವೋ ವಸುಪೂಜಿತಃ ॥ ೬೫॥
ವಿತ್ತದೋ ವಿತ್ತನಾಥಶ್ಚ ಧನಿನಾಂ ಧನದಾಯಕಃ ।
ರಾಜೀವನಯನಃ ಸ್ಮಾರ್ತಃ ಸ್ಮೃತಿದಃ ಕೃತ್ತಿಕಾಮ್ಬರಃ ॥ ೬೬॥
ಅಶ್ವಿನೋಽಶ್ವಮುಖಃ ಶುಭ್ರೋ ಭರಣೋ ಭರಣೀಪ್ರಿಯಃ ।
ಕೃತ್ತಿಕಾಸನಕಃ ಕೋಲೋ ರೋಹಿಣೀರಮಣೋಪಮಃ ॥ ೬೭॥
ರೌಹಿಣೇಯಪ್ರೇಮಕರೀ ರೋಹಿಣೀಮೋಹನೋ ಮೃಗಃ ।
ಮೃಗರಾಜೋ ಮೃಗಶಿರಾ ಮಾಧವೋ ಮಧುರಧ್ವನಿಃ ॥ ೬೮॥
ಆರ್ದ್ರಾನನೋ ಮಹಾಬುದ್ಧಿರ್ಮಹೋರಗವಿಭೂಷಣಃ ।
ಭ್ರೂಕ್ಷೇಪದತ್ತವಿಭವೋ ಭ್ರೂಕರಾಲಃ ಪುನರ್ಮಯಃ ॥ ೬೯॥
ಪುನರ್ದೇವ: ಪುನರ್ಜೇತಾ ಪುನರ್ಜೀವಃ ಪುನರ್ವಸುಃ ।
ತಿಮಿರಾಸ್ತಿಮಿಕೇತುಶ್ಚ ತಿತಿಷಾಸುರಘಾತನಃ ॥ ೭೦॥
ತಿಷ್ಯಸ್ತುಲಾಧರೋ ಜೃಮ್ಭೋ ವಿಶ್ಲೇಷಾಶ್ಲೇಷದಾನರಾಟ್ ।
ಮಾನದೋ ಮಾಧವೋ ಮಾಧೋ ವಾಚಾಲೋ ಮಘವೋಪಮಃ ॥ ೭೧॥
ಮಧ್ಯೋ ಮಘಾಪ್ರಿಯೋ ಮೇಘೋ ಮಹಾಶುಣ್ಡೋ ಮಹಾಭುಜಃ ।
ಪೂರ್ವಫಾಲ್ಗುನಿಕಃ ಸ್ಫೀತ ಫಲ್ಗುರುತ್ತರಫಾಲ್ಗುನಃ ॥ ೭೨॥
ಫೇನಿಲೋ ಬ್ರಹ್ಮದೋ ಬ್ರಹ್ಮಾ ಸಪ್ತತನ್ತುಸಮಾಶ್ರಯಃ ।
ಘೋಣಾಹಸ್ತಶ್ಚತುರ್ಹಸ್ತೋ ಹಸ್ತಿವಕ್ತ್ರೋ ಹಲಾಯುಧಃ ॥ ೭೩॥
ಚಿತ್ರಾಮ್ಬರೋಽರ್ಚಿತಪದಃ ಸ್ವಸ್ತಿದಃ ಸ್ವಸ್ತಿವಿಗ್ರಹಃ ।
ವಿಶಾಖಃ ಶಿಖಿಸೇವ್ಯಶ್ಚ ಶಿಖಿಧ್ವಜಸಹೋದರಃ ॥ ೭೪॥
ಅಣುರೇಣೂತ್ಕರಃ ಸ್ಫಾರೋ ರುರುರೇಣುಸುತೋ ನರಃ ।
ಅನುರಾಧಾಪ್ರಿಯೋ ರಾಧಃ ಶ್ರೀಮಾಞ್ಛುಕ್ಲಃ ಶುಚಿಸ್ಮಿತಃ ॥ ೭೫॥
ಜ್ಯೇಷ್ಠಃ ಶ್ರೇಷ್ಠಾರ್ಚಿತಪದೋ ಮೂಲಂ ಚ ತ್ರಿಜಗದ್ಗುರುಃ ।
ಶುಚಿಶ್ಚೈವ ಪೂರ್ವಾಷಾಢಶ್ಚೋತ್ತರಾಷಾಢ ಈಶ್ವರಃ ॥ ೭೬॥
ಶ್ರವ್ಯೋಽಭಿಜಿದನನ್ತಾತ್ಮಾ ಶ್ರವೋ ವೇಪಿತದಾನವಃ ।
ಶ್ರಾವಣಃ ಶ್ರವಣಃ ಶ್ರೋತಾ ಧನೀ ಧನ್ಯೋ ಧನಿಷ್ಠಕಃ ॥ ೭೭॥
ಶಾತಾತಪಃ ಶಾತಕುಮ್ಭಃ ಶರಜ್ಜ್ಯೋತಿಃ ಶತಾಭಿಷಕ್ ।
ಪೂರ್ವಾಭಾದ್ರಪದೋ ಭದ್ರಶ್ಚೋತ್ತರಾಭಾದ್ರಪಾದಿತಃ ॥ ೭೮॥
ರೇಣುಕಾತನಯೋ ರಾಮೋ ರೇವತೀರಮಣೋ ರಮೀ ।
ಆಶ್ವಯುಕ್ಕಾರ್ತಿಕೇಯೇಷ್ಟೋ ಮಾರ್ಗಶೀರ್ಷೋ ಮೃಗೋತ್ತಮಃ ॥ ೭೯॥
ಪೌಷೇಶ್ವರಃ ಫಾಲ್ಗುನಾತ್ಮಾ ವಸನ್ತಶ್ಚೈತ್ರಕೋ ಮಧುಃ ।
ರಾಜ್ಯದೋಽಭಿಜಿದಾತ್ಮೀಯಸ್ತಾರೇಶಸ್ತಾರಕದ್ಯುತಿಃ ॥ ೮೦॥
ಪ್ರತೀತಃ ಪ್ರೋರ್ಜಿತಃ ಪ್ರೀತಃ ಪರಮಃ ಪರಮೋ ಹಿತಃ ।
ಪರಹಾ ಪಞ್ಚಭೂಃ ಪಞ್ಚವಾಯುಪೂಜ್ಯಃ ಪರಿಗ್ರಹಃ ॥ ೮೧॥
ಪುರಾಣಾಗಮವಿದ್ಯೋಗೀ ಮಹಿಷೋ ರಾಸಭೋಽಗ್ರಜಃ ।
ಗ್ರಹೋ ಮೇಷೋ ವೃಷೋ ಮನ್ದೋ ಮನ್ಮಥೋ ಮಿಥುನಾಕೃತಿಃ ॥ ೮೨॥
ಕಲ್ಪಭೃತ್ಕಟಕೋ ದೀಪೋ ಮರ್ಕಟಃ ಕರ್ಕಟೋ ಘೃಣಿಃ ।
ಕುಕ್ಕುಟೋ ವನಜೋ ಹಂಸಃ ಪರಮಹಂಸಃ ಸೃಗಾಲಕಃ ॥ ೮೩॥
ಸಿಂಹಃ ಸಿಂಹಾಸನಾಭೂಷ್ಯೋ ಮದ್ಗುರ್ಮೂಷಕವಾಹನಃ ।
ಪುತ್ರದೋ ನರಕತ್ರಾತಾ ಕನ್ಯಾಪ್ರೀತಃ ಕುಲೋದ್ವಹಃ ॥ ೮೪॥
ಅತುಲ್ಯರೂಪೋ ಬಲದಸ್ತುಲ್ಯಭೃತ್ತುಲ್ಯಸಾಕ್ಷಿಕಃ ।
ಅಲಿಶ್ಚಾಪಧರೋ ಧನ್ವೀ ಕಚ್ಛಪೋ ಮಕರೋ ಮಣಿಃ ॥ ೮೫॥
ಕುಮ್ಭಭೃತ್ಕಲಶಃ ಕುಬ್ಜೋ ಮೀನಮಾಂಸಸುತರ್ಪಿತಃ ।
ರಾಶಿತಾರಾಗ್ರಹಮಯಸ್ತಿಥಿರೂಪೋ ಜಗದ್ವಿಭುಃ ॥ ೮೬॥
ಪ್ರತಾಪೀ ಪ್ರತಿಪತ್ಪ್ರೇಯೋಽದ್ವಿತೀಯೋಽದ್ವೈತನಿಶ್ಚಿತಃ ।
ತ್ರಿರೂಪಶ್ಚ ತೃತೀಯಾಗ್ನಿಸ್ತ್ರಯೀರೂಪಸ್ತ್ರಯೀತನುಃ ॥ ೮೭॥
ಚತುರ್ಥೀವಲ್ಲಭೋ ದೇವೋ ಪರಾಗಃ ಪಞ್ಚಮೀಶ್ವರಃ ।
ಷಡ್ರಸಾಸ್ವಾದವಿಜ್ಞಾನಃ ಷಷ್ಠೀ ಷಷ್ಟಿಕವತ್ಸಲಃ ॥ ೮೮॥
ಸಪ್ತಾರ್ಣವಗತಿಃ ಸಾರಃ ಸಪ್ತಮೀಶ್ವರ ರೋಹಿತಃ ।
ಅಷ್ಟಮೀನನ್ದನೋತ್ತಂಸೋ ನವಮೀಭಕ್ತಿಭಾವಿತಃ ॥ ೮೯॥
ದಶದಿಕ್ಪತಿಪೂಜ್ಯಶ್ಚ ದಶಮೀದ್ರುಹಿಣೋ ದ್ರುತಃ ।
ಏಕಾದಶಾತ್ಮಗಣಪೋ ದ್ವಾದಶೀಯುಗಚರ್ಚಿತಃ ॥ ೯೦॥
ತ್ರಯೋದಶಮಣಿಸ್ತುತ್ಯಶ್ಚತುರ್ದಶಸ್ವರಪ್ರಿಯಃ ।
ಚತುರ್ದಶೇನ್ದ್ರಸಂಸ್ತುತ್ಯಃ ಪೂರ್ಣಿಮಾನನ್ದವಿಗ್ರಹಃ ॥ ೯೧॥
ದರ್ಶದರ್ಶೋ ದರ್ಶನಶ್ಚ ವಾನಪ್ರಸ್ಥೋ ಮಹೇಶ್ವರಃ ।
ಮೌರ್ವೀ ಮಧುರವಾಙ್ಮೂಲಮೂರ್ತಿಮಾನ್ಮೇಘವಾಹನಃ ॥ ೯೨॥
ಮಹಾಗಜೋ ಜಿತಕ್ರೋಧೋ ಜಿತಶತ್ರುರ್ಜಯಾಶ್ರಯಃ ।
ರೌದ್ರೋ ರುದ್ರಪ್ರಿಯೋ ರುದ್ರೋ ರುದ್ರಪುತ್ರೋಽಘನಾಶನಃ ॥ ೯೩॥
ಭವಪ್ರಿಯೋ ಭವಾನೀಷ್ಟೋ ಭಾರಭೃದ್ಭೂತಭಾವನಃ ।
ಗಾನ್ಧರ್ವಕುಶಲೋಽಕುಣ್ಠೋ ವೈಕುಣ್ಠೋ ವಿಷ್ಟರಶ್ರವಾಃ ॥ ೯೪॥
ವೃತ್ರಹಾ ವಿಘ್ನಹಾ ಸೀರಃ ಸಮಸ್ತದುಃಖತಾಪಹಾ ।
ಮಞ್ಜುರೋ ಮಾರ್ಜರೋ ಮತ್ತೋ ದುರ್ಗಾಪುತ್ರೋ ದುರಾಲಸಃ ॥ ೯೫॥
ಅನನ್ತಚಿತ್ಸುಧಾಧಾರೋ ವೀರೋ ವೀರ್ಯೈಕಸಾಧಕಃ ।
ಭಾಸ್ವನ್ಮುಕುಟಮಾಣಿಕ್ಯಃ ಕೂಜತ್ಕಿಙ್ಕಿಂಣಿಜಾಲಕಃ ॥ ೯೬॥
ಶುಣ್ಡಾಧಾರೀ ತುಣ್ಡಚಲಃ ಕುಣ್ಡಲೀ ಮುಣ್ಡಮಾಲಕಃ ।
ಪದ್ಮಾಕ್ಷಃ ಪದ್ಮಹಸ್ತಶ್ಚ ಪದ್ಮನಾಭಸಮರ್ಚಿತಃ ॥ ೯೭॥
ಉದ್ಧೃತಾಧರದನ್ತಾಢ್ಯೋ ಮಾಲಾಭೂಷಣಭೂಷಿತಃ ।
ಮಾರದೋ ವಾರಣೋ ಲೋಲಶ್ರವಣಃ ಶೂರ್ಪಕರ್ಣಕಃ ॥ ೯೮॥
ಬೃಹದುಲ್ಲಾಸನಾಸಾಢ್ಯೋ ವ್ಯಾಪ್ತತ್ರೈಲೋಕ್ಯಮಣ್ಡಲಃ ।
ರತ್ನಮಣ್ಡಲಮಧ್ಯಸ್ಥಃ ಕೃಶಾನುರೂಪಶೀಲಕಃ ॥ ೯೯॥
ಬೃಹತ್ಕರ್ಣಾಞ್ಚಲೋದ್ಭೂತವಾಯುವೀಜಿತದಿಕ್ತಟಃ ।
ಬೃಹದಾಸ್ಯರವಾಕ್ರಾನ್ತಭೀತಬ್ರಹ್ಮಾಣ್ಡಭಾಣ್ಡಕಃ ॥ ೧೦೦॥
ಬೃಹತ್ಪಾದಸಮಾಕ್ರಾನ್ತಸಪ್ತಪಾತಾಲದೀಪಿತಃ ।
ಬೃಹದ್ದನ್ತಕೃತಾತ್ಯುಗ್ರರಣಾನನ್ದರಸಾಲಸಃ ॥ ೧೦೧॥
ಬೃಹದ್ಧಸ್ತಧೃತಾಶೇಷಾಯುಧನಿರ್ಜಿತದಾನವಃ ।
ಸ್ಫೂರತ್ಸಿನ್ದೂರವದನಃ ಸ್ಫುರತ್ತೇಜೋಽಗ್ನಿಲೋಚನಃ ॥ ೧೦೨॥
ಉದ್ದೀಪಿತಮಣಿಸ್ಫೂರ್ಜನ್ನೂಪುರಧ್ವನಿನಾದಿತಃ ।
ಚಲತ್ತೋಯಪ್ರವಾಹಾಢ್ಯೋ ನದೀಜಲಕಣಾಕರಃ ॥ ೧೦೩॥
ಭ್ರಮತ್ಕುಞ್ಜರಸಙ್ಘಾತವನ್ದಿತಾಙ್ಘ್ರಿಸರೋರುಹಃ ।
ಬ್ರಹ್ಮಾಚ್ಯುತಮಹಾರುದ್ರಪುರಸ್ಸರಸುರಾರ್ಚಿತಃ ॥ ೧೦೪॥
ಅಶೇಷಶೇಷಪ್ರಭೃತಿವ್ಯಾಲಜಾಲೋಪಸೇವಿತಃ ।
ಗರ್ಜತ್ಪಞ್ಚಾನನಾರಾವವ್ಯಾಪ್ತಾಕಾಶಧರಾತಲಃ ॥ ೧೦೫॥
ಹಾಹಾಹೂಹೂಗತಾತ್ಯುಗ್ರಸ್ವರವಿಭ್ರಾನ್ತಮಾನಸಃ ।
ಪಞ್ಚಾಶದ್ವರ್ಣಬೀಜಾಖ್ಯಮನ್ತ್ರಮನ್ತ್ರಿತವಿಗ್ರಹಃ ॥ ೧೦೬॥
ವೇದಾನ್ತಶಾಸ್ತ್ರಪೀಯೂಷಧಾರಾಽಽಪ್ಲಾವಿತಭೂತಲಃ ।
ಶಙ್ಖಧ್ವನಿಸಮಾಕ್ರಾನ್ತಪಾತಾಲಾದಿನಭಸ್ತಲಃ ॥ ೧೦೭॥
ಚಿನ್ತಾಮಣಿರ್ಮಹಾಮಲ್ಲೋ ಬಲ್ಲಹಸ್ತೋ ಬಲಿಃ ಕವಿಃ ।
ಕೃತತ್ರೇತಾಯುಗೋಲ್ಲಾಸಭಾಸಮಾನಜಗತ್ತ್ರಯಃ ॥ ೧೦೮॥
ದ್ವಾಪರಃ ಪರಲೋಕೈಕಃ ಕರ್ಮಧ್ವಾನ್ತಸುಧಾಕರಃ ।
ಸುಧಾಽಽಸಿಕ್ತವಪುರ್ವ್ಯಾಸೋ ಬ್ರಹ್ಮಾಣ್ಡಾದಿಕಬಾಹುಕಃ ॥ ೧೦೯॥
ಅಕಾರಾದಿಕ್ಷಕಾರಾನ್ತವರ್ಣಪಙ್ಕ್ತಿಸಮುಜ್ಜ್ವಲಃ ।
ಅಕಾರಾಕಾರಪ್ರೋದ್ಗೀತತಾನನಾದನಿನಾದಿತಃ ॥ ೧೧೦॥
ಇಕಾರೇಕಾರಮತ್ರಾಢ್ಯಮಾಲಾಭ್ರಮಣಲಾಲಸಃ ।
ಉಕಾರೋಕಾರಪ್ರೋದ್ಗಾರಿಘೋರನಾಗೋಪವೀತಕಃ ॥ ೧೧೧॥
ಋವರ್ಣಾಙ್ಕಿತೠಕಾರಿಪದ್ಮದ್ವಯಸಮುಜ್ಜ್ವಲಃ ।
ಲೃಕಾರಯುತಲೄಕಾರಶಙ್ಖಪೂರ್ಣದಿಗನ್ತರಃ ॥ ೧೧೨॥
ಏಕಾರೈಕಕಾರಗಿರಿಜಾಸ್ತನಪಾನವಿಚಕ್ಷಣಃ ।
ಓಕಾರೌಕಾರವಿಶ್ವಾದಿಕೃತಸೃಷ್ಟಿಕ್ರಮಾಲಸಃ ॥ ೧೧೩॥
ಅಂಅಃವರ್ಣಾವಲೀವ್ಯಾಪ್ತಪಾದಾದಿಶೀರ್ಷಮಣ್ಡಲಃ ।
ಕರ್ಣತಾಲಕೃತಾತ್ಯುಚ್ಚೈರ್ವಾಯುವೀಜಿತನಿರ್ಜರಃ ॥ ೧೧೪॥
ಖಗೇಶಧ್ವಜರತ್ನಾಙ್ಕಕಿರೀಟಾರುಣಪಾದಕಃ ।
ಗರ್ವಿತಾಶೇಷಗನ್ಧರ್ವಗೀತತತ್ಪರಶ್ರೋತ್ರಕಃ ॥ ೧೧೫॥
ಘನವಾಹನವಾಗೀಶಪುರಸ್ಸರಸುರಾರ್ಚಿತಃ ।
ಙವರ್ಣಾಮೃತಧಾರಾಢ್ಯಶೋಭಮಾನೈಕದನ್ತಕಃ ॥ ೧೧೬॥
ಚನ್ದ್ರಕುಙ್ಕುಮಜಮ್ಬಾಲಲಿಪ್ತಸಿನ್ದೂರವಿಗ್ರಹಃ ।
ಛತ್ರಚಾಮರರತ್ನಾಢ್ಯಮುಕುಟಾಲಙ್ಕೃತಾನನಃ ॥ ೧೧೭॥
ಜಟಾಬದ್ಧಮಹಾನರ್ಘಮಣಿಪಙ್ಕ್ತಿವಿರಾಜಿತಃ ।
ಝಙ್ಕಾರಿಮಧುಪವ್ರಾತಗಾನನಾದವಿನಾದಿತಃ ॥ ೧೧೮॥
ಞವರ್ಣಕೃತಸಂಹಾರದೈತ್ಯಾಸೃಕ್ಪರ್ಣಮುದ್ಗರಃ ।
ಟಕಾರಾಖ್ಯಾಫಲಾಸ್ವಾದವೇಪಿತಾಶೇಷಮೂರ್ಧಜಃ ॥ ೧೧೯॥
ಠಕಾರಾದ್ಯಡಕಾರಾಙ್ಕಢಕಾರಾನನ್ದತೋಷಿತಃ ।
ಣವರ್ಣಾಮೃತಪೀಯೂಷಧಾರಾಧಾರಸುಧಾಕರಃ ॥ ೧೨೦॥
ತಾಮ್ರಸಿನ್ದೂರಪೂಜಾಢ್ಯಲಲಾಟಫಲಕಚ್ಛವಿಃ ।
ಥಕಾರಧನಪಙ್ಕ್ತ್ಯಾತಿಸನ್ತೋಷಿತಾದ್ವಿಜವ್ರಜಃ ॥ ೧೨೧॥
ದಯಾಮೃತಹೃದಮ್ಭೋಜಧೃತತ್ರೈಲೋಕ್ಯಮಣ್ಡಲಃ ।
ಧನದಾದಿಮಹಾಯಕ್ಷಸಂಸೇವಿತಪದಾಮ್ಬುಜಃ ॥ ೧೨೨॥
ನಮಿತಾಶೇಷದೇವೌಘಕಿರೀಟಮಣಿರಞ್ಜಿತಃ ।
ಪರವರ್ಗಾಪವರ್ಗಾದಿಭೋಗೇಚ್ಛೇದನದಕ್ಷಕಃ ॥ ೧೨೩॥
ಫಣಿಚಕ್ರಸಮಾಕ್ರಾನ್ತಗಲಮಣ್ಡಲಮಣ್ಡಿತಃ ।
ಬದ್ಧಭ್ರೂಯುಗಭೀಮೋಗ್ರಸನ್ತರ್ಜಿತಸುರಾಸುರಃ ॥ ೧೨೪॥
ಭವಾನೀಹೃದಯಾನನ್ದವರ್ದ್ಧನೈಕನಿಶಾಕರಃ ।
ಮದಿರಾಕಲಶಸ್ಫೀತಕರಾಲೈಕಕರಾಮ್ಬುಜಃ ॥ ೧೨೫॥
ಯಜ್ಞಾನ್ತರಾಯಸಙ್ಘಾತಸಜ್ಜೀಕೃತವರಾಯುಧಃ ।
ರತ್ನಾಕರಸುತಾಕಾನ್ತಿಕ್ರಾನ್ತಿಕೀರ್ತಿವಿವರ್ಧನಃ ॥ ೧೨೬॥
ಲಮ್ಬೋದರಮಹಾಭೀಮವಪುರ್ದೀಪ್ತಕೃತಾಸುರಃ ।
ವರುಣಾದಿದಿಗೀಶಾನಸ್ವರ್ಚಿತಾರ್ಚನಚರ್ಚಿತಃ ॥ ೧೨೭॥
ಶಙ್ಕರೈಕಪ್ರಿಯಪ್ರೇಮನಯನಾನ್ದವರ್ದ್ಧನಃ ।
ಷೋಡಶಸ್ವರಿತಾಲಾಪಗೀತಗಾನವಿಚಕ್ಷಣಃ ॥ ೧೨೮॥
ಸಮಸ್ತದುರ್ಗತಿಸರಿನ್ನಾಥೋತ್ತಾರಣಕೋಡುಪಃ ।
ಹರಾದಿಬ್ರಹ್ಮವೈಕುಣ್ಠಬ್ರಹ್ಮಗೀತಾದಿಪಾಠಕಃ ॥ ೧೨೯॥
ಕ್ಷಮಾಪೂರಿತಹೃತ್ಪದ್ಮಸಂರಕ್ಷಿತಚರಾಚರಃ ।
ತಾರಾಙ್ಕಮನ್ತ್ರವರ್ಣೈಕವಿಗ್ರಹೋಜ್ಜ್ವಲವಿಗ್ರಹಃ ॥ ೧೩೦॥
ಅಕಾರಾದಿಕ್ಷಕಾರಾನ್ತವಿದ್ಯಾಭೂಷಿತವಿಗ್ರಹಃ ।
ಓಂ ಶ್ರೀವಿನಾಯಕೋ ಓಂ ಹ್ರೀಂ ವಿಘ್ನಾಧ್ಯಕ್ಷೋ ಗಣಾಧಿಪಃ ॥ ೧೩೧॥
ಹೇರಮ್ಬೋ ಮೋದಕಾಹಾರೋ ವಕ್ರತುಣ್ಡೋ ವಿಧಿಃ ಸ್ಮೃತಃ ।
ವೇದಾನ್ತಗೀತೋ ವಿದ್ಯಾರ್ಥಿಸಿದ್ಧಮನ್ತ್ರಃ ಷಡಕ್ಷರಃ ॥ ೧೩೨॥
ಗಣೇಶೋ ವರದೋ ದೇವೋ ದ್ವಾದಶಾಕ್ಷರಮನ್ತ್ರಿತಃ ।
ಸಪ್ತಕೋಟಿಮಹಾಮನ್ತ್ರಮನ್ತ್ರಿತಾಶೇಷವಿಗ್ರಹಃ ॥ ೧೩೩॥
ಗಾಙ್ಗೇಯೋ ಗಣಸೇವ್ಯಶ್ಚ ಓಂ ಶ್ರೀದ್ವೈಮಾತುರಃ ಶಿವಃ ।
ಓಂ ಹ್ರೀಂ ಶ್ರೀಂ ಕ್ಲೀಂ ಗ್ಲೌಂ ಗಁ ದೇವೋ ಮಹಾಗಣಪತಿಃ ಪ್ರಭುಃ ॥ ೧೩೪॥
ಇದಂ ನಾಮಸಹಸ್ರಂ ತು ಮಹಾಗಣಪತೇಃ ಸ್ಮೃತಮ್ ।
ಗುಹ್ಯಂ ಗೋಪ್ಯತಮಂ ಸಿದ್ಧಂ ಸರ್ವತನ್ತ್ರೇಷು ಗೋಪಿತಮ್ ॥ ೧೩೫॥
ಸರ್ವಮನ್ತ್ರಮಯಂ ದಿವ್ಯಂ ಸರ್ವವಿಘ್ನವಿನಾಶನಮ್ ।
ಗ್ರಹತಾರಾಮಯಂ ರಾಶಿವರ್ಣಪಙ್ಕ್ತಿಸಮನ್ವಿತಮ್ ॥ ೧೩೬॥
ಸರ್ವಾವಿದ್ಯಾಮಯಂ ಬ್ರಹ್ಮಸಾಧನಂ ಸಾಧಕಪ್ರಿಯಮ್ ।
ಗಣೇಶಸ್ಯ ಚ ಸರ್ವಸ್ವಂ ರಹಸ್ಯಂ ತ್ರಿದಿವೌಕಸಾಮ್ ॥ ೧೩೭॥
ಯಥೇಷ್ಟಫಲದಂ ಲೋಕೇ ಮನೋರಥಪ್ರಪೂರಣಮ್ ।
ಅಷ್ಟಸಿದ್ಧಿಮಯಂ ಶ್ರೇಷ್ಠಂ ಸಾಧಕಾನಾಂ ಜಯಪ್ರದಮ್ ॥ ೧೩೮॥
ವಿನಾರ್ಚನಂ ವಿನಾ ಹೋಮಂ ವಿನಾನ್ಯಾಸಂ ವಿನಾ ಜಪಮ್ ।
ಅಣಿಮಾದ್ಯಷ್ಟಸಿದ್ಧೀನಾಂ ಸಾಧನಂ ಸ್ಮೃತಿಮಾತ್ರತಃ ॥ ೧೩೯॥
ಚತುರ್ಥ್ಯಾಮರ್ಧರಾತ್ರೇ ತು ಪಠೇನ್ಮನ್ತ್ರೀ ಚತುಷ್ಪಥೇ ।
ಲಿಖೇದ್ಭೂರ್ಜೇ ಮಹಾದೇವಿ ! ಪುಣ್ಯಂ ನಾಮಸಹಸ್ರಕಮ್ ॥ ೧೪೦॥
ಧಾರಯೇತ್ತಂ ಚತುರ್ದಶ್ಯಾಂ ಮಧ್ಯಾಹ್ನೇ ಮೂರ್ಧ್ನಿ ವಾ ಭುಜೇ ।
ಯೋಷಿದ್ವಾಮಕರೇ ಚೈವ ಪುರುಷೋ ದಕ್ಷಿಣೇ ಭುಜೇ ॥ ೧೪೧॥
ಸ್ತಮ್ಭಯೇದಪಿ ಬ್ರಹ್ಮಾಣಂ ಮೋಹಯೇದಪಿ ಶಙ್ಕರಮ್ ।
ವಶಯೇದಪಿ ತ್ರೈಲೋಕ್ಯಂ ಮಾರಯೇದಖಿಲಾನ್ ರಿಪೂನ್ ॥ ೧೪೨॥
ಉಚ್ಚಾಟಯೇಚ್ಚ ಗೀರ್ವಾಣಂ ಶಮಯೇಚ್ಚ ಧನಞ್ಜಯಮ್ ।
ವನ್ಧ್ಯಾ ಪುತ್ರಂ ಲಭೇಚ್ಛೀಘ್ರಂ ನಿರ್ಧನೋ ಧನಮಾಪ್ನುಯಾತ್ ॥ ೧೪೩॥
ತ್ರಿವಾರಂ ಯಃ ಪಠೇದ್ರಾತ್ರೌ ಗಣೇಶಸ್ಯ ಪುರಃ ಶಿವೇ ।
ನಗ್ನಃ ಶಕ್ತಿಯುತೋ ದೇವಿ ಭುಕ್ತ್ವಾ ಭೋಗಾನ್ಯಥೇಪ್ಸಿತಾನ್ ॥ ೧೪೪॥
ಪ್ರತ್ಯಕ್ಷವರದಂ ಪಶ್ಯೇದ್ಗಣೇಶಂ ಸಾಧಕೋತ್ತಮಃ ।
ಯ ಇದಂ ಪಠತೇ ನಾಮ್ನಾಂ ಸಹಸ್ರಂ ಭಕ್ತಿಪೂರ್ವಕಮ್ ॥ ೧೪೫॥
ತಸ್ಯ ವಿತ್ತಾದಿವಿಭವೋದಾರಾಯುಃ ಸಮ್ಪದಃ ಸದಾ ।
ರಣೇ ರಾಜಮಯೇ ದ್ಯೂತೇ ಪಠೇನ್ನಾಮಸಹಸ್ರಕಮ್ ॥ ೧೪೬॥
ಸರ್ವತ್ರ ಜಯಮಾಪ್ನೋತಿ ಗಣೇಶಸ್ಯ ಪ್ರಸಾದತಃ ॥ ೧೪೭॥
ಇತೀದಂ ಪುಣ್ಯಸರ್ವಸ್ವಂ ಮನ್ತ್ರನಾಮಸಹಸ್ರಕಮ್ ।
ಮಹಾಗಣಪತೇಃ ಪುಣ್ಯಂ ಗೋಪನೀಯಂ ಸ್ವಯೋನಿವತ್ ॥ ೧೪೭॥
॥ ಇತಿ ಶ್ರೀರುದ್ರಯಾಮಲತನ್ತ್ರೇ
ಶ್ರೀಮದುಚ್ಛಿಷ್ಟಗಣೇಶಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥

More Ganesha Stotras

श्रीकृष्णसहस्रनामस्तोत्रम्
Krishna Sahasranamam
श्री विष्णु सहस्रनाम स्तोत्रम्
Vishnu Sahasranama Stotram
श्रीललितासहस्रनामस्तोत्रम्
Sri Lalita Sahasranama Stotram
गकारादि श्री गणपति सहस्रनाम
Gakaradi Sri Ganapati Sahasranama
गुह्यकाल्याः सहस्रनामस्तोत्रम्
Guhyakali Sahasranama Stotram
श्री हनुमत् सहस्रनाम स्तोत्रम्
Sri Hanuman Sahasranama Stotram
हनुमत्सहस्रनामस्तोत्रम् (सुदर्शनसंहिता)
Hanumatsahasranamastotram Sudarsanasamhita
श्री महागणपति सहस्रनामावली
Sri Mahaganapati Sahasranamavali
View All Sahasranama Collection →

Also Chanted For

Removing Obstacles

Explore More

Sahasranama CollectionWealthObstaclesHealthProtectionWisdomHome