Lord Ganesha

উচ্ছিষ্ট গণপতি সহস্রনাম স্তোত্রম্

(Ucchishta Ganapati Sahasranama Stotram in Bengali)

Traditional (Tantric tradition)

Also known as sriucchistaganapatisahasranamastotram

Language:Sanskrit
Translation:English

Ucchishta Ganapati Sahasranama Stotram is a Tantric Sanskrit text containing a thousand names of Lord Ucchishta Ganapati, a particularly powerful and esoteric form of Ganesha worshipped in Tantric traditions. This form of Ganesha is associated with fulfillment of all desires and swift removal of obstacles. The sahasranama is part of the left-hand Tantric path and is particularly powerful for gaining worldly success, fulfillment of desires, and spiritual attainment.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 151
শ্রীউচ্ছিষ্টগণপতিসহস্রনামস্তোত্রম্
শ্রীগণেশায নমঃ ।

শ্রীভৈরব উবাচ।
শৃণু দেবি রহস্যং মে যত্পুরা সূচিতং মযা ।
তব ভক্ত্যা গণেশস্য বক্ষ্যে নামসহস্রকম্ ॥ ১॥
শ্রীদেব্যুবাচ।
ওঁ ভগবন্গণনাথস্য উচ্ছিষ্টস্য মহাত্মনঃ ।
শ্রোতুং নাম সহস্রং মে হৃদযং প্রোত্সুকাযতে ॥ ২॥
শ্রীভৈরব উবাচ।
প্রাঙ্মুখে ত্রিপুরানাথে জাতা বিঘ্নকুলাঃ শিবে ।
মোহনে মুচ্যতে চেতস্তৈঃ সর্বৈর্বলদর্পিতৈঃ ॥ ৩॥
তদা প্রভুং গণাধ্যক্ষং স্তুত্বা নামসহস্রকৈঃ ।
বিঘ্না দূরাত্পলাযন্তে কালরুদ্রাদিব প্রজাঃ ॥ ৪॥
তস্যানুগ্রহতো দেবি জাতোঽহং ত্রিপুরান্তকঃ ।
তমদ্যাপি গণেশানং স্তৌমি নামসহস্রকৈঃ ॥ ৫॥
তদদ্য তব ভক্ত্যাহং সাধকানাং হিতায চ ।
মহাগণপতের্বক্ষ্যে দিব্যং নামসহস্রকম্ ॥ ৬॥
ওঁ অস্য শ্রীউচ্ছিষ্টগণেশসহস্রনামস্তোত্রমন্ত্রস্য শ্রীভৈরব ঋষিঃ ।
গাযত্রী ছন্দঃ । শ্রীমহাগণপতির্দেবতা ।
গং বীজম্ । হ্রীং শক্তিঃ । কুরুকুরু কীলকম্ ।
মম ধর্মার্থকামমোক্ষার্থে জপে বিনিযোগঃ ॥
ওঁ হ্রীং শ্রীং ক্লীং গণাধ্যক্ষো গ্লৌং গঁ গণপতির্গুণী ।
গুণাঢ্যো নির্গুণো গোপ্তা গজবক্ত্রো বিভাবসুঃ ॥ ৭॥
বিশ্বেশ্বরো বিভাদীপ্তো দীপনো ধীবরো ধনী ।
সদাশান্তো জগত্ত্রাতা বিশ্বাবর্তো বিভাকরঃ ॥ ৮॥
বিশ্রম্ভী বিজযো বৈদ্যো বারান্নিধিরনুত্তমঃ ।
অণিমাবিভবঃ শ্রেষ্ঠো জ্যেষ্ঠো গাথাপ্রিযো গুরুঃ ॥ ৯॥
সৃষ্টিকর্তা জগদ্ধর্তা বিশ্বভর্তা জগন্নিধিঃ ।
পতিঃ পীতবিভূষাঙ্কো রক্তাক্ষো লোহিতাম্বরঃ ॥ ১০॥
বিরূপাক্ষো বিমানস্থো বিনীতঃ সদস্যঃ সুখী । (বিনযঃ সাত্বতঃ)
সুরূপঃ সাত্ত্বিকঃ সত্যঃ শুদ্ধঃ শঙ্করনন্দনঃ ॥ ১১॥
নন্দীশ্বরো জযানন্দী বন্দ্যঃ স্তুত্যো বিচক্ষণঃ ।
দৈত্যমর্দ্দী সদাক্ষীবো মদিরারুণলোচনঃ ॥ ১২॥
সারাত্মা বিশ্বসারশ্চ বিশ্বসারো বিলেপনঃ ।
পরং ব্রহ্ম পরং জ্যোতিঃ সাক্ষী ত্র্যক্ষো বিকত্থনঃ ॥ ১৩॥
বিশ্বেশ্বরো বীরহর্তা সৌভাগ্যো ভাগ্যবর্দ্ধনঃ ।
ভৃঙ্গিরিটী ভৃঙ্গমালী ভৃঙ্গকূজিতনাদিতঃ ॥ ১৪॥
বিনর্তকো বিনীতোঽপি বিনতানন্দনার্চিতঃ ।
বৈনতেযো বিনম্রাঙ্গো বিশ্বনাযকনাযকঃ ॥ ১৫॥
বিরাটকো বিরাটশ্চ বিদগ্ধো বিধুরাত্মভূঃ ।
পুষ্পদন্তঃ পুষ্পহারী পুষ্পমালাবিভূষণঃ ॥ ১৬॥
পুষ্পেষুমথনঃ পুষ্টো বিবর্তঃ কর্তরীকরঃ ।
অন্ত্যোঽন্তকশ্চিত্তগণাশ্চিত্তচিন্তাপহারকঃ ॥ ১৭॥
অচিন্ত্যোঽচিন্ত্যরূপশ্চ চন্দনাকুলমুণ্ডকঃ ।
লোহিতো লিপিতো লুপ্তো লোহিতাক্ষো বিলোভকঃ ॥ ১৮॥
লব্ধাশযো লোভরতো লোভদোঽলঙ্ঘ্যগর্ধকঃ ।
সুন্দরঃ সুন্দরীপুত্রঃ সমস্তাসুরঘাতকঃ ॥ ১৯॥
নূপুরাঢ্যো বিভবেন্দ্রো নরনারাযণো রবিঃ ।
বিচারো বান্তদো বাগ্মী বিতর্কী বিজযীশ্বরঃ ॥ ২০॥
সুপ্তো বুদ্ধঃ সদারূপঃ সুখদঃ সুখসেবিতঃ ।
বিকর্তনো বিযচ্চারী বিনটো নটনর্তকঃ ॥ ২১॥
নটো নাট্যপ্রিযো নাদোঽনন্তোঽনন্তগুণাত্মকঃ ।
গঙ্গাজলপানপ্রিযো গঙ্গাতীরবিহারকৃত্ ॥ ২২॥
গঙ্গাপ্রিযো গঙ্গজশ্চ বাহনাদিপুরঃসরঃ ।
গন্ধমাদনসংবাসো গন্ধমাদনকেলিকৃত্ ॥ ২৩॥
গন্ধানুলিপ্তপূর্বাঙ্গঃ সর্বদেবস্মরঃ সদা ।
গণগন্ধর্বরাজেশো গণগন্ধর্বসেবিতঃ ॥ ২৪॥
গন্ধর্বপূজিতো নিত্যং সর্বরোগবিনাশকঃ ।
গন্ধর্বগণসংসেব্যো গন্ধর্ববরদাযকঃ ॥ ২৫॥
গন্ধর্বো গন্ধমাতঙ্গো গন্ধর্বকুলদৈবতঃ ।
গন্ধর্বগর্বসংবেগো গন্ধর্ববরদাযকঃ ॥ ২৬॥
গন্ধর্বপ্রবলার্তিঘ্নো গন্ধর্বগণসংযুতঃ ।
গন্ধর্বাদিগুণানন্দো নন্দোঽনন্তগুণাত্মকঃ ॥ ২৭॥
বিশ্বমূর্তির্বিশ্বধাতা বিনতাস্যো বিনর্তকঃ ।
করালঃ কামদঃ কান্তঃ কমনীযঃ কলানিধিঃ ॥ ২৮॥
কারুণ্যরূপঃ কুটিলঃ কুলাচারী কুলেশ্বরঃ ।
বিকরালো রণশ্রেষ্ঠঃ সংহারো হারভূষণঃ ॥ ২৯॥
উরুরম্যমুখো রক্তো দেবতাদযিতৌরসঃ ।
মহাকালো মহাদংষ্ট্রো মহোরগভযানকঃ ॥ ৩০॥
উন্মত্তরূপঃ কালাগ্নিরগ্নিসূর্যেন্দুলোচনঃ ।
সিতাস্যঃ সিতমাল্যশ্চ সিতদন্তঃ সিতাংশুমান্ ॥ ৩১॥
অসিতাত্মা ভৈরবেশো ভাগ্যবান্ভগবান্ভবঃ ।
গর্ভাত্মজো ভগাবাসো ভগদো ভগবর্দ্ধনঃ ॥ ৩২॥
শুভঙ্করঃ শুচিঃ শান্তঃ শ্রেষ্ঠঃ শ্রব্যঃ শচীপতিঃ ।
বেদাদ্যো বেদকর্তা চ বেদবেদ্যঃ সনাতনঃ ॥ ৩৩॥
বিদ্যাপ্রদো বেদরসো বৈদিকো বেদপারগঃ ।
বেদধ্বনিরতো বীরো বেদবিদ্যাগমোঽর্থবিত্ ॥ ৩৪॥
তত্ত্বজ্ঞঃ সর্বগঃ সাধুঃ সদযঃ সদসন্মযঃ ।
শিবঙ্করঃ শিবসুতঃ শিবানন্দবিবর্দ্ধনঃ ॥ ৩৫॥
শৈত্যঃ শ্বেতঃ শতমুখী মুগ্ধো মোদকভূষণঃ ।
দেবো দিনকরো ধীরো ধৃতিমান্দ্যুতিমান্ধবঃ ॥ ৩৬॥
শুদ্ধাত্মা শুদ্ধমতিমাঞ্ছুদ্ধদীপ্তিঃ শুচিব্রতঃ ।
শরণ্যঃ শৌনকঃ শূরঃ শরদম্ভোজধারকঃ ॥ ৩৭॥
দারকঃ শিখিবাহেষ্টঃ সিতঃ শঙ্করবল্লভঃ ।
শঙ্করো নির্ভযো নিত্যো লযকৃল্লাস্যতত্পরঃ ॥ ৩৮॥
লূতো লীলারসোল্লাসী বিলাসী বিভ্রমো ভ্রমঃ ।
ভ্রমণঃ শশিভৃত্সূর্যঃ শনির্ধরণিনন্দনঃ ॥ ৩৯॥
বুধো বিবুধসেব্যশ্চ বুধরাজো বলংধরঃ ।
জীবো জীবপ্রদো জেতা স্তুত্যো নিত্যো রতিপ্রিযঃ ॥ ৪০॥
জনকো জনমার্গজ্ঞো জনরক্ষণতত্পরঃ ।
জনানাং প্রদাতা চ জনকাহ্লাদকারকঃ ॥ ৪১॥
বিবুধো বুধমান্যশ্চ জৈনমার্গনিবর্তকঃ ।
গচ্ছো গণপতির্গচ্ছনাযকো গচ্ছগর্বহা ॥ ৪২॥
গচ্ছরাজোথ গচ্ছেশো গচ্ছরাজনমস্কৃতঃ ।
গচ্ছপ্রিযো গচ্ছগুরুর্গচ্ছত্রাকৃদ্যমাতুরঃ ॥ ৪৩॥
গচ্ছপ্রভুর্গচ্ছচরো গচ্ছপ্রিযকৃতোদ্যমঃ ।
গচ্ছগীতগুণো গর্তো মর্যাদাপ্রতিপালকঃ ॥ ৪৪॥
গীর্বাণাগমসারস্য গর্ভো গীর্বাণদেবতা ।
গৌরীসুতো গুরুবরো গৌরাঙ্গো গণপূজিতঃ ॥ ৪৫॥
পরম্পদং পরন্ধাম পরমাত্মা কবিঃ কুজঃ ।
রাহুর্দৈত্যশিরশ্ছেদী কেতুঃ কনককুণ্ডলঃ ॥ ৪৬॥
গ্রহেন্দ্রো গ্রহিতো গ্রাহ্যোঽগ্রণীর্ঘুর্ঘুরনাদিতঃ ।
পর্জন্যঃ পীবরঃ পত্রী পীনবক্ষাঃ পরাক্রমী ॥ ৪৭॥
বনেচরো বনস্পতির্বনবাসী স্মরোপমঃ ।
পুণ্যঃ পূতঃ পবিত্রশ্চ পরাত্মা পূর্ণাবিগ্রহঃ ॥ ৪৮॥
পূর্ণেন্দুসুকলাকারো মন্ত্রপূর্ণমনোরথঃ ।
যুগাত্মা যুগকৃদ্যজ্বা যাজ্ঞিকো যজ্ঞবত্সলঃ ॥ ৪৯॥
যশস্যো যজমানেষ্টো বজ্রভৃদ্বজ্রপঞ্জরঃ ।
মণিভদ্রো মণিমযো মান্যো মীনধ্বজাশ্রিতঃ ॥ ৫০॥
মীনধ্বজো মনোহারী যোগিনাং যোগবর্ধনঃ ।
দ্রষ্টা স্রষ্টা তপস্বী চ বিগ্রহী তাপসপ্রিযঃ ॥ ৫১॥
তপোমযস্তপোমূর্তিস্তপনশ্চ তপোধনঃ ।
সম্পত্তিসদনাকারঃ সম্পত্তিসুখদাযকঃ ॥ ৫২॥
সম্পত্তিসুখকর্তা চ সম্পত্তিসুভগাননঃ ।
সম্পত্তিশুভদো নিত্যসম্পত্তিশ্চ যশোধনঃ ॥ ৫৩॥
রুচকো মেচকস্তুষ্টঃ প্রভুস্তোমরঘাতকঃ ।
দণ্ডী চণ্ডাংশুরব্যক্তঃ কমণ্ডলুধরোঽনঘঃ ॥ ৫৪॥
কামী কর্মরতঃ কালঃ কোলঃ ক্রন্দিতদিক্তটঃ ।
ভ্রামকো জাতিপূজ্যশ্চ জাড্যহা জডসূদনঃ ॥ ৫৫॥
জালন্ধরো জগদ্বাসী হাস্যকৃদ্গহনো গুহঃ ।
হবিষ্মান্হব্যবাহাক্ষো হাটকো হাটকাঙ্গদঃ ॥ ৫৬॥
সুমেরুর্হিমবান্হোতা হরপুত্রো হলঙ্কষঃ ।
হালাপ্রিযো হৃদাশান্তঃ কান্তাহৃদযপোষণঃ ॥ ৫৭॥
শোষণঃ ক্লেশহা ক্রূরঃ কঠোরঃ কঠিনাকৃতিঃ ।
কুবেরো ধীমযো ধ্যাতা ধ্যেযো ধীমান্দযানিধিঃ ॥ ৫৮॥
দবিষ্ঠো দমনো হৃষ্টো দাতা ত্রাতা পিতাসমঃ ।
নির্গতো নৈগমোঽগম্যো নির্জযো জটিলোঽজরঃ ॥ ৫৯॥
জনজীবো জিতারাতির্জগদ্ব্যাপী জগন্মযঃ ।
চামীকরনিভো নাভ্যো নলিনাযতলোচনঃ ॥ ৬০॥
রোচনো মোচকো মন্ত্রী মন্ত্রকোটিসমাশ্রিতঃ ।
পঞ্চভূতাত্মকঃ পঞ্চসাযকঃ পঞ্চবক্ত্রকঃ ॥ ৬১॥
পঞ্চমঃ পশ্চিমঃ পূর্বঃ পূর্ণঃ কীর্ণালকঃ কুণিঃ ।
কঠোরহৃদযো গ্রীবালঙ্কৃতো ললিতাশযঃ ॥ ৬২॥
লোলচিত্তো বৃহন্নাসো মাসপক্ষর্তুরূপবান্ ।
ধ্রুবো দ্রুতগতির্বন্ধো ধর্মী নাকিপ্রিযোঽনলঃ ॥ ৬৩॥
অঙ্গুল্যগ্রস্থভুবনো ভুবনৈকমলাপহঃ ।
সাগরঃ স্বর্গতিঃ স্বক্ষঃ সানন্দঃ সাধুপূজিতঃ ॥ ৬৪॥
সতীপতিঃ সমরসঃ সনকঃ সরলঃ সরঃ ।
সুরপ্রিযো বসুমতির্বাসবো বসুপূজিতঃ ॥ ৬৫॥
বিত্তদো বিত্তনাথশ্চ ধনিনাং ধনদাযকঃ ।
রাজীবনযনঃ স্মার্তঃ স্মৃতিদঃ কৃত্তিকাম্বরঃ ॥ ৬৬॥
অশ্বিনোঽশ্বমুখঃ শুভ্রো ভরণো ভরণীপ্রিযঃ ।
কৃত্তিকাসনকঃ কোলো রোহিণীরমণোপমঃ ॥ ৬৭॥
রৌহিণেযপ্রেমকরী রোহিণীমোহনো মৃগঃ ।
মৃগরাজো মৃগশিরা মাধবো মধুরধ্বনিঃ ॥ ৬৮॥
আর্দ্রাননো মহাবুদ্ধির্মহোরগবিভূষণঃ ।
ভ্রূক্ষেপদত্তবিভবো ভ্রূকরালঃ পুনর্মযঃ ॥ ৬৯॥
পুনর্দেব: পুনর্জেতা পুনর্জীবঃ পুনর্বসুঃ ।
তিমিরাস্তিমিকেতুশ্চ তিতিষাসুরঘাতনঃ ॥ ৭০॥
তিষ্যস্তুলাধরো জৃম্ভো বিশ্লেষাশ্লেষদানরাট্ ।
মানদো মাধবো মাধো বাচালো মঘবোপমঃ ॥ ৭১॥
মধ্যো মঘাপ্রিযো মেঘো মহাশুণ্ডো মহাভুজঃ ।
পূর্বফাল্গুনিকঃ স্ফীত ফল্গুরুত্তরফাল্গুনঃ ॥ ৭২॥
ফেনিলো ব্রহ্মদো ব্রহ্মা সপ্ততন্তুসমাশ্রযঃ ।
ঘোণাহস্তশ্চতুর্হস্তো হস্তিবক্ত্রো হলাযুধঃ ॥ ৭৩॥
চিত্রাম্বরোঽর্চিতপদঃ স্বস্তিদঃ স্বস্তিবিগ্রহঃ ।
বিশাখঃ শিখিসেব্যশ্চ শিখিধ্বজসহোদরঃ ॥ ৭৪॥
অণুরেণূত্করঃ স্ফারো রুরুরেণুসুতো নরঃ ।
অনুরাধাপ্রিযো রাধঃ শ্রীমাঞ্ছুক্লঃ শুচিস্মিতঃ ॥ ৭৫॥
জ্যেষ্ঠঃ শ্রেষ্ঠার্চিতপদো মূলং চ ত্রিজগদ্গুরুঃ ।
শুচিশ্চৈব পূর্বাষাঢশ্চোত্তরাষাঢ ঈশ্বরঃ ॥ ৭৬॥
শ্রব্যোঽভিজিদনন্তাত্মা শ্রবো বেপিতদানবঃ ।
শ্রাবণঃ শ্রবণঃ শ্রোতা ধনী ধন্যো ধনিষ্ঠকঃ ॥ ৭৭॥
শাতাতপঃ শাতকুম্ভঃ শরজ্জ্যোতিঃ শতাভিষক্ ।
পূর্বাভাদ্রপদো ভদ্রশ্চোত্তরাভাদ্রপাদিতঃ ॥ ৭৮॥
রেণুকাতনযো রামো রেবতীরমণো রমী ।
আশ্বযুক্কার্তিকেযেষ্টো মার্গশীর্ষো মৃগোত্তমঃ ॥ ৭৯॥
পৌষেশ্বরঃ ফাল্গুনাত্মা বসন্তশ্চৈত্রকো মধুঃ ।
রাজ্যদোঽভিজিদাত্মীযস্তারেশস্তারকদ্যুতিঃ ॥ ৮০॥
প্রতীতঃ প্রোর্জিতঃ প্রীতঃ পরমঃ পরমো হিতঃ ।
পরহা পঞ্চভূঃ পঞ্চবাযুপূজ্যঃ পরিগ্রহঃ ॥ ৮১॥
পুরাণাগমবিদ্যোগী মহিষো রাসভোঽগ্রজঃ ।
গ্রহো মেষো বৃষো মন্দো মন্মথো মিথুনাকৃতিঃ ॥ ৮২॥
কল্পভৃত্কটকো দীপো মর্কটঃ কর্কটো ঘৃণিঃ ।
কুক্কুটো বনজো হংসঃ পরমহংসঃ সৃগালকঃ ॥ ৮৩॥
সিংহঃ সিংহাসনাভূষ্যো মদ্গুর্মূষকবাহনঃ ।
পুত্রদো নরকত্রাতা কন্যাপ্রীতঃ কুলোদ্বহঃ ॥ ৮৪॥
অতুল্যরূপো বলদস্তুল্যভৃত্তুল্যসাক্ষিকঃ ।
অলিশ্চাপধরো ধন্বী কচ্ছপো মকরো মণিঃ ॥ ৮৫॥
কুম্ভভৃত্কলশঃ কুব্জো মীনমাংসসুতর্পিতঃ ।
রাশিতারাগ্রহমযস্তিথিরূপো জগদ্বিভুঃ ॥ ৮৬॥
প্রতাপী প্রতিপত্প্রেযোঽদ্বিতীযোঽদ্বৈতনিশ্চিতঃ ।
ত্রিরূপশ্চ তৃতীযাগ্নিস্ত্রযীরূপস্ত্রযীতনুঃ ॥ ৮৭॥
চতুর্থীবল্লভো দেবো পরাগঃ পঞ্চমীশ্বরঃ ।
ষড্রসাস্বাদবিজ্ঞানঃ ষষ্ঠী ষষ্টিকবত্সলঃ ॥ ৮৮॥
সপ্তার্ণবগতিঃ সারঃ সপ্তমীশ্বর রোহিতঃ ।
অষ্টমীনন্দনোত্তংসো নবমীভক্তিভাবিতঃ ॥ ৮৯॥
দশদিক্পতিপূজ্যশ্চ দশমীদ্রুহিণো দ্রুতঃ ।
একাদশাত্মগণপো দ্বাদশীযুগচর্চিতঃ ॥ ৯০॥
ত্রযোদশমণিস্তুত্যশ্চতুর্দশস্বরপ্রিযঃ ।
চতুর্দশেন্দ্রসংস্তুত্যঃ পূর্ণিমানন্দবিগ্রহঃ ॥ ৯১॥
দর্শদর্শো দর্শনশ্চ বানপ্রস্থো মহেশ্বরঃ ।
মৌর্বী মধুরবাঙ্মূলমূর্তিমান্মেঘবাহনঃ ॥ ৯২॥
মহাগজো জিতক্রোধো জিতশত্রুর্জযাশ্রযঃ ।
রৌদ্রো রুদ্রপ্রিযো রুদ্রো রুদ্রপুত্রোঽঘনাশনঃ ॥ ৯৩॥
ভবপ্রিযো ভবানীষ্টো ভারভৃদ্ভূতভাবনঃ ।
গান্ধর্বকুশলোঽকুণ্ঠো বৈকুণ্ঠো বিষ্টরশ্রবাঃ ॥ ৯৪॥
বৃত্রহা বিঘ্নহা সীরঃ সমস্তদুঃখতাপহা ।
মঞ্জুরো মার্জরো মত্তো দুর্গাপুত্রো দুরালসঃ ॥ ৯৫॥
অনন্তচিত্সুধাধারো বীরো বীর্যৈকসাধকঃ ।
ভাস্বন্মুকুটমাণিক্যঃ কূজত্কিঙ্কিংণিজালকঃ ॥ ৯৬॥
শুণ্ডাধারী তুণ্ডচলঃ কুণ্ডলী মুণ্ডমালকঃ ।
পদ্মাক্ষঃ পদ্মহস্তশ্চ পদ্মনাভসমর্চিতঃ ॥ ৯৭॥
উদ্ধৃতাধরদন্তাঢ্যো মালাভূষণভূষিতঃ ।
মারদো বারণো লোলশ্রবণঃ শূর্পকর্ণকঃ ॥ ৯৮॥
বৃহদুল্লাসনাসাঢ্যো ব্যাপ্তত্রৈলোক্যমণ্ডলঃ ।
রত্নমণ্ডলমধ্যস্থঃ কৃশানুরূপশীলকঃ ॥ ৯৯॥
বৃহত্কর্ণাঞ্চলোদ্ভূতবাযুবীজিতদিক্তটঃ ।
বৃহদাস্যরবাক্রান্তভীতব্রহ্মাণ্ডভাণ্ডকঃ ॥ ১০০॥
বৃহত্পাদসমাক্রান্তসপ্তপাতালদীপিতঃ ।
বৃহদ্দন্তকৃতাত্যুগ্ররণানন্দরসালসঃ ॥ ১০১॥
বৃহদ্ধস্তধৃতাশেষাযুধনির্জিতদানবঃ ।
স্ফূরত্সিন্দূরবদনঃ স্ফুরত্তেজোঽগ্নিলোচনঃ ॥ ১০২॥
উদ্দীপিতমণিস্ফূর্জন্নূপুরধ্বনিনাদিতঃ ।
চলত্তোযপ্রবাহাঢ্যো নদীজলকণাকরঃ ॥ ১০৩॥
ভ্রমত্কুঞ্জরসঙ্ঘাতবন্দিতাঙ্ঘ্রিসরোরুহঃ ।
ব্রহ্মাচ্যুতমহারুদ্রপুরস্সরসুরার্চিতঃ ॥ ১০৪॥
অশেষশেষপ্রভৃতিব্যালজালোপসেবিতঃ ।
গর্জত্পঞ্চাননারাবব্যাপ্তাকাশধরাতলঃ ॥ ১০৫॥
হাহাহূহূগতাত্যুগ্রস্বরবিভ্রান্তমানসঃ ।
পঞ্চাশদ্বর্ণবীজাখ্যমন্ত্রমন্ত্রিতবিগ্রহঃ ॥ ১০৬॥
বেদান্তশাস্ত্রপীযূষধারাঽঽপ্লাবিতভূতলঃ ।
শঙ্খধ্বনিসমাক্রান্তপাতালাদিনভস্তলঃ ॥ ১০৭॥
চিন্তামণির্মহামল্লো বল্লহস্তো বলিঃ কবিঃ ।
কৃতত্রেতাযুগোল্লাসভাসমানজগত্ত্রযঃ ॥ ১০৮॥
দ্বাপরঃ পরলোকৈকঃ কর্মধ্বান্তসুধাকরঃ ।
সুধাঽঽসিক্তবপুর্ব্যাসো ব্রহ্মাণ্ডাদিকবাহুকঃ ॥ ১০৯॥
অকারাদিক্ষকারান্তবর্ণপঙ্ক্তিসমুজ্জ্বলঃ ।
অকারাকারপ্রোদ্গীততাননাদনিনাদিতঃ ॥ ১১০॥
ইকারেকারমত্রাঢ্যমালাভ্রমণলালসঃ ।
উকারোকারপ্রোদ্গারিঘোরনাগোপবীতকঃ ॥ ১১১॥
ঋবর্ণাঙ্কিতৠকারিপদ্মদ্বযসমুজ্জ্বলঃ ।
লৃকারযুতলৄকারশঙ্খপূর্ণদিগন্তরঃ ॥ ১১২॥
একারৈককারগিরিজাস্তনপানবিচক্ষণঃ ।
ওকারৌকারবিশ্বাদিকৃতসৃষ্টিক্রমালসঃ ॥ ১১৩॥
অংঅঃবর্ণাবলীব্যাপ্তপাদাদিশীর্ষমণ্ডলঃ ।
কর্ণতালকৃতাত্যুচ্চৈর্বাযুবীজিতনির্জরঃ ॥ ১১৪॥
খগেশধ্বজরত্নাঙ্ককিরীটারুণপাদকঃ ।
গর্বিতাশেষগন্ধর্বগীততত্পরশ্রোত্রকঃ ॥ ১১৫॥
ঘনবাহনবাগীশপুরস্সরসুরার্চিতঃ ।
ঙবর্ণামৃতধারাঢ্যশোভমানৈকদন্তকঃ ॥ ১১৬॥
চন্দ্রকুঙ্কুমজম্বাললিপ্তসিন্দূরবিগ্রহঃ ।
ছত্রচামররত্নাঢ্যমুকুটালঙ্কৃতাননঃ ॥ ১১৭॥
জটাবদ্ধমহানর্ঘমণিপঙ্ক্তিবিরাজিতঃ ।
ঝঙ্কারিমধুপব্রাতগাননাদবিনাদিতঃ ॥ ১১৮॥
ঞবর্ণকৃতসংহারদৈত্যাসৃক্পর্ণমুদ্গরঃ ।
টকারাখ্যাফলাস্বাদবেপিতাশেষমূর্ধজঃ ॥ ১১৯॥
ঠকারাদ্যডকারাঙ্কঢকারানন্দতোষিতঃ ।
ণবর্ণামৃতপীযূষধারাধারসুধাকরঃ ॥ ১২০॥
তাম্রসিন্দূরপূজাঢ্যললাটফলকচ্ছবিঃ ।
থকারধনপঙ্ক্ত্যাতিসন্তোষিতাদ্বিজব্রজঃ ॥ ১২১॥
দযামৃতহৃদম্ভোজধৃতত্রৈলোক্যমণ্ডলঃ ।
ধনদাদিমহাযক্ষসংসেবিতপদাম্বুজঃ ॥ ১২২॥
নমিতাশেষদেবৌঘকিরীটমণিরঞ্জিতঃ ।
পরবর্গাপবর্গাদিভোগেচ্ছেদনদক্ষকঃ ॥ ১২৩॥
ফণিচক্রসমাক্রান্তগলমণ্ডলমণ্ডিতঃ ।
বদ্ধভ্রূযুগভীমোগ্রসন্তর্জিতসুরাসুরঃ ॥ ১২৪॥
ভবানীহৃদযানন্দবর্দ্ধনৈকনিশাকরঃ ।
মদিরাকলশস্ফীতকরালৈককরাম্বুজঃ ॥ ১২৫॥
যজ্ঞান্তরাযসঙ্ঘাতসজ্জীকৃতবরাযুধঃ ।
রত্নাকরসুতাকান্তিক্রান্তিকীর্তিবিবর্ধনঃ ॥ ১২৬॥
লম্বোদরমহাভীমবপুর্দীপ্তকৃতাসুরঃ ।
বরুণাদিদিগীশানস্বর্চিতার্চনচর্চিতঃ ॥ ১২৭॥
শঙ্করৈকপ্রিযপ্রেমনযনান্দবর্দ্ধনঃ ।
ষোডশস্বরিতালাপগীতগানবিচক্ষণঃ ॥ ১২৮॥
সমস্তদুর্গতিসরিন্নাথোত্তারণকোডুপঃ ।
হরাদিব্রহ্মবৈকুণ্ঠব্রহ্মগীতাদিপাঠকঃ ॥ ১২৯॥
ক্ষমাপূরিতহৃত্পদ্মসংরক্ষিতচরাচরঃ ।
তারাঙ্কমন্ত্রবর্ণৈকবিগ্রহোজ্জ্বলবিগ্রহঃ ॥ ১৩০॥
অকারাদিক্ষকারান্তবিদ্যাভূষিতবিগ্রহঃ ।
ওঁ শ্রীবিনাযকো ওঁ হ্রীং বিঘ্নাধ্যক্ষো গণাধিপঃ ॥ ১৩১॥
হেরম্বো মোদকাহারো বক্রতুণ্ডো বিধিঃ স্মৃতঃ ।
বেদান্তগীতো বিদ্যার্থিসিদ্ধমন্ত্রঃ ষডক্ষরঃ ॥ ১৩২॥
গণেশো বরদো দেবো দ্বাদশাক্ষরমন্ত্রিতঃ ।
সপ্তকোটিমহামন্ত্রমন্ত্রিতাশেষবিগ্রহঃ ॥ ১৩৩॥
গাঙ্গেযো গণসেব্যশ্চ ওঁ শ্রীদ্বৈমাতুরঃ শিবঃ ।
ওঁ হ্রীং শ্রীং ক্লীং গ্লৌং গঁ দেবো মহাগণপতিঃ প্রভুঃ ॥ ১৩৪॥
ইদং নামসহস্রং তু মহাগণপতেঃ স্মৃতম্ ।
গুহ্যং গোপ্যতমং সিদ্ধং সর্বতন্ত্রেষু গোপিতম্ ॥ ১৩৫॥
সর্বমন্ত্রমযং দিব্যং সর্ববিঘ্নবিনাশনম্ ।
গ্রহতারামযং রাশিবর্ণপঙ্ক্তিসমন্বিতম্ ॥ ১৩৬॥
সর্বাবিদ্যামযং ব্রহ্মসাধনং সাধকপ্রিযম্ ।
গণেশস্য চ সর্বস্বং রহস্যং ত্রিদিবৌকসাম্ ॥ ১৩৭॥
যথেষ্টফলদং লোকে মনোরথপ্রপূরণম্ ।
অষ্টসিদ্ধিমযং শ্রেষ্ঠং সাধকানাং জযপ্রদম্ ॥ ১৩৮॥
বিনার্চনং বিনা হোমং বিনান্যাসং বিনা জপম্ ।
অণিমাদ্যষ্টসিদ্ধীনাং সাধনং স্মৃতিমাত্রতঃ ॥ ১৩৯॥
চতুর্থ্যামর্ধরাত্রে তু পঠেন্মন্ত্রী চতুষ্পথে ।
লিখেদ্ভূর্জে মহাদেবি ! পুণ্যং নামসহস্রকম্ ॥ ১৪০॥
ধারযেত্তং চতুর্দশ্যাং মধ্যাহ্নে মূর্ধ্নি বা ভুজে ।
যোষিদ্বামকরে চৈব পুরুষো দক্ষিণে ভুজে ॥ ১৪১॥
স্তম্ভযেদপি ব্রহ্মাণং মোহযেদপি শঙ্করম্ ।
বশযেদপি ত্রৈলোক্যং মারযেদখিলান্ রিপূন্ ॥ ১৪২॥
উচ্চাটযেচ্চ গীর্বাণং শমযেচ্চ ধনঞ্জযম্ ।
বন্ধ্যা পুত্রং লভেচ্ছীঘ্রং নির্ধনো ধনমাপ্নুযাত্ ॥ ১৪৩॥
ত্রিবারং যঃ পঠেদ্রাত্রৌ গণেশস্য পুরঃ শিবে ।
নগ্নঃ শক্তিযুতো দেবি ভুক্ত্বা ভোগান্যথেপ্সিতান্ ॥ ১৪৪॥
প্রত্যক্ষবরদং পশ্যেদ্গণেশং সাধকোত্তমঃ ।
য ইদং পঠতে নাম্নাং সহস্রং ভক্তিপূর্বকম্ ॥ ১৪৫॥
তস্য বিত্তাদিবিভবোদারাযুঃ সম্পদঃ সদা ।
রণে রাজমযে দ্যূতে পঠেন্নামসহস্রকম্ ॥ ১৪৬॥
সর্বত্র জযমাপ্নোতি গণেশস্য প্রসাদতঃ ॥ ১৪৭॥
ইতীদং পুণ্যসর্বস্বং মন্ত্রনামসহস্রকম্ ।
মহাগণপতেঃ পুণ্যং গোপনীযং স্বযোনিবত্ ॥ ১৪৭॥
॥ ইতি শ্রীরুদ্রযামলতন্ত্রে
শ্রীমদুচ্ছিষ্টগণেশসহস্রনামস্তোত্রং সম্পূর্ণম্ ॥

More Ganesha Stotras

श्रीकृष्णसहस्रनामस्तोत्रम्
Krishna Sahasranamam
श्री विष्णु सहस्रनाम स्तोत्रम्
Vishnu Sahasranama Stotram
श्रीललितासहस्रनामस्तोत्रम्
Sri Lalita Sahasranama Stotram
गकारादि श्री गणपति सहस्रनाम
Gakaradi Sri Ganapati Sahasranama
गुह्यकाल्याः सहस्रनामस्तोत्रम्
Guhyakali Sahasranama Stotram
श्री हनुमत् सहस्रनाम स्तोत्रम्
Sri Hanuman Sahasranama Stotram
हनुमत्सहस्रनामस्तोत्रम् (सुदर्शनसंहिता)
Hanumatsahasranamastotram Sudarsanasamhita
श्री महागणपति सहस्रनामावली
Sri Mahaganapati Sahasranamavali
View All Sahasranama Collection →

Also Chanted For

Removing Obstacles

Explore More

Sahasranama CollectionWealthObstaclesHealthProtectionWisdomHome