What is Ekaksara Ganapati Kavacam?

Read Ekaksara Ganapati Kavacam in Assamese script — full lyrics with English meaning and transliteration. An armour for the single-syllable mantra, from the Rudrayamala, and the exchange that frames it is unusually personal. Parvati asks Shiva for it and adds a lever — tell it duly, god, if I am dear to you — and he begins by saying that what he is about to give is not to be told even to her. The armour that follows sets the one syllable over the body part by part, and at the end it is called by a second name, the heart of Ganesha, with the claim that whoever reads it or has it read holds accomplishment in his own hand. Its last verse is the condition the whole form is held under: it is not to be shown anywhere at all, and is to be given only to somebody who has devotion and is devoted to his teacher.

Which deity is Ekaksara Ganapati Kavacam dedicated to?

Ekaksara Ganapati Kavacam is a Sanskrit hymn dedicated to Lord Ganesha.

Ekaksara Ganapati Kavacam in Assamese – Meaning

॥ একাক্ষৰ গণপতি কৱচম্ ॥

নমস্তস্মৈ গণেশায সৰ্ৱৱিঘ্নৱিনাশিনে ।
কাৰ্যাৰম্ভেষু সৰ্ৱেষু পূজিতো যঃ সুৰৈৰপি ॥ ১ ॥

পাৰ্ৱত্যুৱাচ।

ভগৱন্ দেৱদেৱেশ লোকানুগ্ৰহকাৰকঃ ।
ইদানীং শ্ৰোতৃমিচ্ছামি কৱচং যত্প্ৰকাশিতম্ ॥ ২ ॥

একাক্ষৰস্য মন্ত্ৰস্য ত্ৱযা প্ৰীতেন চেতসা ।
ৱদৈতদ্ৱিধিৱদ্দেৱ যদি তে ৱল্লভাস্ম্যহম্ ॥ ৩ ॥

ঈশ্ৱৰ উৱাচ।

শৃণু দেৱি প্ৰৱক্ষ্যামি নাখ্যেযমপি তে ধ্ৰুৱম্ ।
একাক্ষৰস্য মন্ত্ৰস্য কৱচং সৰ্ৱকামদম্ ॥ ৪ ॥

যস্য স্মৰণমাত্ৰেণ ন ৱিঘ্নাঃ প্ৰভৱন্তি হি ।
ত্ৰিকালমেককালং ৱা যে পঠন্তি সদা নৰাঃ ॥ ৫ ॥

তেষাং ক্ৱাপি ভযং নাস্তি সঙ্গ্ৰামে সঙ্কটে গিৰৌ ।
ভূতৱেতালৰক্ষোভিৰ্গ্ৰহৈশ্চাপি ন বাধ্যতে ॥ ৬ ॥

ইদং কৱচমজ্ঞাত্ৱা যো জপেদ্গণনাযকম্ ।
ন চ সিদ্ধিমাপ্নোতি মূঢো ৱৰ্ষশতৈৰপি ॥ ৭ ॥

অঘোৰো মে যথা মন্ত্ৰো মন্ত্ৰাণামুত্তমোত্তমঃ ।
তথেদং কৱচং দেৱি দুৰ্লভং ভুৱি মানৱৈঃ ॥ ৮ ॥

গোপনীযং প্ৰযত্নেন নাজ্যেযং যস্য কস্যচিত্ ।
তৱ প্ৰীত্যা মহেশানি কৱচং কথ্যতেঽদ্ভুতম্ ॥ ৯ ॥

একাক্ষৰস্য মন্ত্ৰস্য গণকশ্চৰ্ষিৰীৰিতঃ ।
ত্ৰিষ্টুপ্ ছন্দস্তু ৱিঘ্নেশো দেৱতা পৰিকীৰ্তিতা ॥ ১০ ॥

গং বীজং শক্তিৰোঙ্কাৰঃ সৰ্ৱকামাৰ্থসিদ্ধযে ।
সৰ্ৱৱিঘ্নৱিনাশায ৱিনিযোগস্তু কীৰ্তিতঃ ॥ ১১ ॥

ধ্যানম্ ।
ৰক্তাম্ভোজস্ৱৰূপং লসদৰুণসৰোজাধিৰূঢং ত্ৰিনেত্ৰং
পাশং চৈৱাঙ্কুশং ৱা ৱৰদমভযদং বাহুভিৰ্ধাৰযন্তম্ ।
শক্ত্যা যুক্তং গজাস্যং পৃথুতৰজঠৰং নাগযজ্ঞোপৱীতং
দেৱং চন্দ্ৰাৰ্ধচূডং সকলভযহৰং ৱিঘ্নৰাজং নমামি ॥ ১২ ॥

কৱচম্ ।

গণেশো মে শিৰঃ পাতু ফালং পাতু গজাননঃ ।
নেত্ৰে গণপতিঃ পাতু গজকৰ্ণঃ শ্ৰুতী মম ॥ ১৩ ॥

কপোলৌ গণনাথস্তু ঘ্ৰাণং গন্ধৰ্ৱপূজিতঃ ।
মুখং মে সুমুখঃ পাতু চিবুকং গিৰিজাসুতঃ ॥ ১৪ ॥

জিহ্ৱাং পাতু গণক্ৰীডো দন্তান্ ৰক্ষতু দুৰ্মুখঃ ।
ৱাচং ৱিনাযকঃ পাতু কণ্ঠং পাতু মদোত্কটঃ ॥ ১৫ ॥

স্কন্ধৌ পাতু গজস্কন্ধো বাহূ মে ৱিঘ্ননাশনঃ ।
হস্তৌ ৰক্ষতু হেৰম্বো ৱক্ষঃ পাতু মহাবলঃ ॥ ১৬ ॥

হৃদযং মে গণপতিৰুদৰং মে মহোদৰঃ ।
নাভিং গম্ভীৰহৃদযো পৃষ্ঠং পাতু সুৰপ্ৰিযঃ ॥ ১৭ ॥

কটিং মে ৱিকটঃ পাতু গুহ্যং মে গুহপূজিতঃ ।
ঊৰু মে পাতু কৌমাৰং জানুনী চ গণাধিপঃ ॥ ১৮ ॥

জঙ্ঘে জযপ্ৰদঃ পাতু গুল্ফৌ মে ধূৰ্জটিপ্ৰিযঃ ।
চৰণৌ দুৰ্জযঃ পাতুৰ্সাঙ্গং গণনাযকঃ ॥ ১৯ ॥

আমোদো মেঽগ্ৰতঃ পাতু প্ৰমোদঃ পাতু পৃষ্ঠতঃ ।
দক্ষিণে পাতু সিদ্ধীশো ৱামে ৱিদ্যাধৰাৰ্চিতঃ ॥ ২০ ॥

প্ৰাচ্যাং ৰক্ষতু মাং নিত্যং চিন্তামণিৱিনাযকঃ ।
আগ্নেয্যাং ৱক্ৰতুণ্ডো মে দক্ষিণস্যামুমাসুতঃ ॥ ২১ ॥

নৈৰৃত্যাং সৰ্ৱৱিঘ্নেশো পাতু নিত্যং গণেশ্ৱৰঃ ।
প্ৰতীচ্যাং সিদ্ধিদঃ পাতু ৱাযৱ্যাং গজকৰ্ণকঃ ॥ ২২ ॥

কৌবেৰ্যাং সৰ্ৱসিদ্ধীশো ঈশান্যামীশনন্দনঃ ।
ঊৰ্ধ্ৱং ৱিনাযকঃ পাতু অধো মূষকৱাহনঃ ॥ ২৩ ॥

দিৱা গোক্ষীৰধৱলঃ পাতু নিত্যং গজাননঃ ।
ৰাত্ৰৌ পাতু গণক্ৰীডো সন্ধ্যযো সুৰৱন্দিতঃ ॥ ২৪ ॥

পাশাঙ্কুশাভযকৰঃ সৰ্ৱতঃ পাতু মাং সদা ।
গ্ৰহভূতপিশাচেভ্যো পাতু নিত্যং গণেশ্ৱৰঃ ॥ ২৫ ॥

সত্ত্ৱং ৰজস্তমো ৱাচং বুদ্ধিং জ্ঞানং স্মৃতিং দযাম্ ।
ধৰ্মং চতুৰ্ৱিধং লক্ষ্মীং লজ্জাং কীৰ্তিং কুলং ৱপুঃ ॥ ২৬ ॥

ধনধান্যগৃহান্দাৰান্ পুত্ৰান্পৌত্ৰান্ সখীংস্তথা ।
একদন্তোঽৱতু শ্ৰীমান্ সৰ্ৱতঃ শঙ্কৰাত্মজঃ ॥ ২৭ ॥

ফলশ্ৰুতি

সিদ্ধিদং কীৰ্তিদং দেৱি প্ৰপঠেন্নিযতঃ শুচিঃ ।
এককালং দ্ৱিকালং ৱা ত্ৰিকালং ৱাপি ভক্তিতঃ ॥ ২৮ ॥

ন তস্য দুৰ্লভং কিঞ্চিত্ ত্ৰিষু লোকেষু ৱিদ্যতে ।
সৰ্ৱপাপৱিনিৰ্মুক্তো জাযতে ভুৱি মানৱঃ ॥ ২৯ ॥

যং যং কামযতে মৰ্ত্যঃ সুদুৰ্লভমনোৰথম্ ।
তং তং প্ৰাপ্নোতি সকলং ষণ্মাসান্নাত্ৰ সংশযঃ ॥ ৩০ ॥

মোহনস্তম্ভনাকৰ্ষমাৰণোচ্চাটনং ৱশম্ ।
স্মৰণাদেৱ জাযন্তে নাত্ৰ কাৰ্যা ৱিচাৰণা ॥ ৩১ ॥

সৰ্ৱৱিঘ্নহৰেদ্দেৱীং গ্ৰহপীডানিৱাৰণম্ ।
সৰ্ৱশত্ৰুক্ষযকৰং সৰ্ৱাপত্তিনিৱাৰণম্ ॥ ৩২ ॥

ধৃত্ৱেদং কৱচং দেৱি যো জপেন্মন্ত্ৰমুত্তমম্ ।
ন ৱাচ্যতে স ৱিঘ্নৌঘৈঃ কদাচিদপি কুত্ৰচিত্ ॥ ৩৩ ॥

ভূৰ্জে লিখিত্ৱা ৱিধিৱদ্ধাৰযেদ্যো নৰঃ শুচিঃ ।
একবাহো শিৰঃ কণ্ঠে পূজযিত্ৱা গণাধিপম্ ॥ ৩৪ ॥

একাক্ষৰস্য মন্ত্ৰস্য কৱচং দেৱি দুৰ্লভম্ ।
যো ধাৰযেন্মহেশানি ন ৱিঘ্নৈৰভিভূযতে ॥ ৩৫ ॥

গণেশহৃদযং নাম কৱচং সৰ্ৱসিদ্ধিদম্ ।
পঠেদ্ৱা পাঠযেদ্ৱাপি তস্য সিদ্ধিঃ কৰে স্থিতা ॥ ৩৬ ॥

ন প্ৰকাশ্যং মহেশানি কৱচং যত্ৰ কুত্ৰচিত্ ।
দাতৱ্যং ভক্তিযুক্তায গুৰুদেৱপৰায চ ॥ ৩৭ ॥

More Ganesha Stotras

Explore More