What is Ekaksara Ganapati Kavacam?

Read Ekaksara Ganapati Kavacam in Kannada script — full lyrics with English meaning and transliteration. An armour for the single-syllable mantra, from the Rudrayamala, and the exchange that frames it is unusually personal. Parvati asks Shiva for it and adds a lever — tell it duly, god, if I am dear to you — and he begins by saying that what he is about to give is not to be told even to her. The armour that follows sets the one syllable over the body part by part, and at the end it is called by a second name, the heart of Ganesha, with the claim that whoever reads it or has it read holds accomplishment in his own hand. Its last verse is the condition the whole form is held under: it is not to be shown anywhere at all, and is to be given only to somebody who has devotion and is devoted to his teacher.

Which deity is Ekaksara Ganapati Kavacam dedicated to?

Ekaksara Ganapati Kavacam is a Sanskrit hymn dedicated to Lord Ganesha.

Ekaksara Ganapati Kavacam in Kannada – Meaning

॥ ಏಕಾಕ್ಷರ ಗಣಪತಿ ಕವಚಮ್ ॥

ನಮಸ್ತಸ್ಮೈ ಗಣೇಶಾಯ ಸರ್ವವಿಘ್ನವಿನಾಶಿನೇ ।
ಕಾರ್ಯಾರಮ್ಭೇಷು ಸರ್ವೇಷು ಪೂಜಿತೋ ಯಃ ಸುರೈರಪಿ ॥ ೧ ॥

ಪಾರ್ವತ್ಯುವಾಚ।

ಭಗವನ್ ದೇವದೇವೇಶ ಲೋಕಾನುಗ್ರಹಕಾರಕಃ ।
ಇದಾನೀಂ ಶ್ರೋತೃಮಿಚ್ಛಾಮಿ ಕವಚಂ ಯತ್ಪ್ರಕಾಶಿತಮ್ ॥ ೨ ॥

ಏಕಾಕ್ಷರಸ್ಯ ಮನ್ತ್ರಸ್ಯ ತ್ವಯಾ ಪ್ರೀತೇನ ಚೇತಸಾ ।
ವದೈತದ್ವಿಧಿವದ್ದೇವ ಯದಿ ತೇ ವಲ್ಲಭಾಸ್ಮ್ಯಹಮ್ ॥ ೩ ॥

ಈಶ್ವರ ಉವಾಚ।

ಶೃಣು ದೇವಿ ಪ್ರವಕ್ಷ್ಯಾಮಿ ನಾಖ್ಯೇಯಮಪಿ ತೇ ಧ್ರುವಮ್ ।
ಏಕಾಕ್ಷರಸ್ಯ ಮನ್ತ್ರಸ್ಯ ಕವಚಂ ಸರ್ವಕಾಮದಮ್ ॥ ೪ ॥

ಯಸ್ಯ ಸ್ಮರಣಮಾತ್ರೇಣ ನ ವಿಘ್ನಾಃ ಪ್ರಭವನ್ತಿ ಹಿ ।
ತ್ರಿಕಾಲಮೇಕಕಾಲಂ ವಾ ಯೇ ಪಠನ್ತಿ ಸದಾ ನರಾಃ ॥ ೫ ॥

ತೇಷಾಂ ಕ್ವಾಪಿ ಭಯಂ ನಾಸ್ತಿ ಸಙ್ಗ್ರಾಮೇ ಸಙ್ಕಟೇ ಗಿರೌ ।
ಭೂತವೇತಾಲರಕ್ಷೋಭಿರ್ಗ್ರಹೈಶ್ಚಾಪಿ ನ ಬಾಧ್ಯತೇ ॥ ೬ ॥

ಇದಂ ಕವಚಮಜ್ಞಾತ್ವಾ ಯೋ ಜಪೇದ್ಗಣನಾಯಕಮ್ ।
ನ ಚ ಸಿದ್ಧಿಮಾಪ್ನೋತಿ ಮೂಢೋ ವರ್ಷಶತೈರಪಿ ॥ ೭ ॥

ಅಘೋರೋ ಮೇ ಯಥಾ ಮನ್ತ್ರೋ ಮನ್ತ್ರಾಣಾಮುತ್ತಮೋತ್ತಮಃ ।
ತಥೇದಂ ಕವಚಂ ದೇವಿ ದುರ್ಲಭಂ ಭುವಿ ಮಾನವೈಃ ॥ ೮ ॥

ಗೋಪನೀಯಂ ಪ್ರಯತ್ನೇನ ನಾಜ್ಯೇಯಂ ಯಸ್ಯ ಕಸ್ಯಚಿತ್ ।
ತವ ಪ್ರೀತ್ಯಾ ಮಹೇಶಾನಿ ಕವಚಂ ಕಥ್ಯತೇಽದ್ಭುತಮ್ ॥ ೯ ॥

ಏಕಾಕ್ಷರಸ್ಯ ಮನ್ತ್ರಸ್ಯ ಗಣಕಶ್ಚರ್ಷಿರೀರಿತಃ ।
ತ್ರಿಷ್ಟುಪ್ ಛನ್ದಸ್ತು ವಿಘ್ನೇಶೋ ದೇವತಾ ಪರಿಕೀರ್ತಿತಾ ॥ ೧೦ ॥

ಗಂ ಬೀಜಂ ಶಕ್ತಿರೋಙ್ಕಾರಃ ಸರ್ವಕಾಮಾರ್ಥಸಿದ್ಧಯೇ ।
ಸರ್ವವಿಘ್ನವಿನಾಶಾಯ ವಿನಿಯೋಗಸ್ತು ಕೀರ್ತಿತಃ ॥ ೧೧ ॥

ಧ್ಯಾನಮ್ ।
ರಕ್ತಾಮ್ಭೋಜಸ್ವರೂಪಂ ಲಸದರುಣಸರೋಜಾಧಿರೂಢಂ ತ್ರಿನೇತ್ರಂ
ಪಾಶಂ ಚೈವಾಙ್ಕುಶಂ ವಾ ವರದಮಭಯದಂ ಬಾಹುಭಿರ್ಧಾರಯನ್ತಮ್ ।
ಶಕ್ತ್ಯಾ ಯುಕ್ತಂ ಗಜಾಸ್ಯಂ ಪೃಥುತರಜಠರಂ ನಾಗಯಜ್ಞೋಪವೀತಂ
ದೇವಂ ಚನ್ದ್ರಾರ್ಧಚೂಡಂ ಸಕಲಭಯಹರಂ ವಿಘ್ನರಾಜಂ ನಮಾಮಿ ॥ ೧೨ ॥

ಕವಚಮ್ ।

ಗಣೇಶೋ ಮೇ ಶಿರಃ ಪಾತು ಫಾಲಂ ಪಾತು ಗಜಾನನಃ ।
ನೇತ್ರೇ ಗಣಪತಿಃ ಪಾತು ಗಜಕರ್ಣಃ ಶ್ರುತೀ ಮಮ ॥ ೧೩ ॥

ಕಪೋಲೌ ಗಣನಾಥಸ್ತು ಘ್ರಾಣಂ ಗನ್ಧರ್ವಪೂಜಿತಃ ।
ಮುಖಂ ಮೇ ಸುಮುಖಃ ಪಾತು ಚಿಬುಕಂ ಗಿರಿಜಾಸುತಃ ॥ ೧೪ ॥

ಜಿಹ್ವಾಂ ಪಾತು ಗಣಕ್ರೀಡೋ ದನ್ತಾನ್ ರಕ್ಷತು ದುರ್ಮುಖಃ ।
ವಾಚಂ ವಿನಾಯಕಃ ಪಾತು ಕಣ್ಠಂ ಪಾತು ಮದೋತ್ಕಟಃ ॥ ೧೫ ॥

ಸ್ಕನ್ಧೌ ಪಾತು ಗಜಸ್ಕನ್ಧೋ ಬಾಹೂ ಮೇ ವಿಘ್ನನಾಶನಃ ।
ಹಸ್ತೌ ರಕ್ಷತು ಹೇರಮ್ಬೋ ವಕ್ಷಃ ಪಾತು ಮಹಾಬಲಃ ॥ ೧೬ ॥

ಹೃದಯಂ ಮೇ ಗಣಪತಿರುದರಂ ಮೇ ಮಹೋದರಃ ।
ನಾಭಿಂ ಗಮ್ಭೀರಹೃದಯೋ ಪೃಷ್ಠಂ ಪಾತು ಸುರಪ್ರಿಯಃ ॥ ೧೭ ॥

ಕಟಿಂ ಮೇ ವಿಕಟಃ ಪಾತು ಗುಹ್ಯಂ ಮೇ ಗುಹಪೂಜಿತಃ ।
ಊರು ಮೇ ಪಾತು ಕೌಮಾರಂ ಜಾನುನೀ ಚ ಗಣಾಧಿಪಃ ॥ ೧೮ ॥

ಜಙ್ಘೇ ಜಯಪ್ರದಃ ಪಾತು ಗುಲ್ಫೌ ಮೇ ಧೂರ್ಜಟಿಪ್ರಿಯಃ ।
ಚರಣೌ ದುರ್ಜಯಃ ಪಾತುರ್ಸಾಙ್ಗಂ ಗಣನಾಯಕಃ ॥ ೧೯ ॥

ಆಮೋದೋ ಮೇಽಗ್ರತಃ ಪಾತು ಪ್ರಮೋದಃ ಪಾತು ಪೃಷ್ಠತಃ ।
ದಕ್ಷಿಣೇ ಪಾತು ಸಿದ್ಧೀಶೋ ವಾಮೇ ವಿದ್ಯಾಧರಾರ್ಚಿತಃ ॥ ೨೦ ॥

ಪ್ರಾಚ್ಯಾಂ ರಕ್ಷತು ಮಾಂ ನಿತ್ಯಂ ಚಿನ್ತಾಮಣಿವಿನಾಯಕಃ ।
ಆಗ್ನೇಯ್ಯಾಂ ವಕ್ರತುಣ್ಡೋ ಮೇ ದಕ್ಷಿಣಸ್ಯಾಮುಮಾಸುತಃ ॥ ೨೧ ॥

ನೈರೃತ್ಯಾಂ ಸರ್ವವಿಘ್ನೇಶೋ ಪಾತು ನಿತ್ಯಂ ಗಣೇಶ್ವರಃ ।
ಪ್ರತೀಚ್ಯಾಂ ಸಿದ್ಧಿದಃ ಪಾತು ವಾಯವ್ಯಾಂ ಗಜಕರ್ಣಕಃ ॥ ೨೨ ॥

ಕೌಬೇರ್ಯಾಂ ಸರ್ವಸಿದ್ಧೀಶೋ ಈಶಾನ್ಯಾಮೀಶನನ್ದನಃ ।
ಊರ್ಧ್ವಂ ವಿನಾಯಕಃ ಪಾತು ಅಧೋ ಮೂಷಕವಾಹನಃ ॥ ೨೩ ॥

ದಿವಾ ಗೋಕ್ಷೀರಧವಲಃ ಪಾತು ನಿತ್ಯಂ ಗಜಾನನಃ ।
ರಾತ್ರೌ ಪಾತು ಗಣಕ್ರೀಡೋ ಸನ್ಧ್ಯಯೋ ಸುರವನ್ದಿತಃ ॥ ೨೪ ॥

ಪಾಶಾಙ್ಕುಶಾಭಯಕರಃ ಸರ್ವತಃ ಪಾತು ಮಾಂ ಸದಾ ।
ಗ್ರಹಭೂತಪಿಶಾಚೇಭ್ಯೋ ಪಾತು ನಿತ್ಯಂ ಗಣೇಶ್ವರಃ ॥ ೨೫ ॥

ಸತ್ತ್ವಂ ರಜಸ್ತಮೋ ವಾಚಂ ಬುದ್ಧಿಂ ಜ್ಞಾನಂ ಸ್ಮೃತಿಂ ದಯಾಮ್ ।
ಧರ್ಮಂ ಚತುರ್ವಿಧಂ ಲಕ್ಷ್ಮೀಂ ಲಜ್ಜಾಂ ಕೀರ್ತಿಂ ಕುಲಂ ವಪುಃ ॥ ೨೬ ॥

ಧನಧಾನ್ಯಗೃಹಾನ್ದಾರಾನ್ ಪುತ್ರಾನ್ಪೌತ್ರಾನ್ ಸಖೀಂಸ್ತಥಾ ।
ಏಕದನ್ತೋಽವತು ಶ್ರೀಮಾನ್ ಸರ್ವತಃ ಶಙ್ಕರಾತ್ಮಜಃ ॥ ೨೭ ॥

ಫಲಶ್ರುತಿ

ಸಿದ್ಧಿದಂ ಕೀರ್ತಿದಂ ದೇವಿ ಪ್ರಪಠೇನ್ನಿಯತಃ ಶುಚಿಃ ।
ಏಕಕಾಲಂ ದ್ವಿಕಾಲಂ ವಾ ತ್ರಿಕಾಲಂ ವಾಪಿ ಭಕ್ತಿತಃ ॥ ೨೮ ॥

ನ ತಸ್ಯ ದುರ್ಲಭಂ ಕಿಞ್ಚಿತ್ ತ್ರಿಷು ಲೋಕೇಷು ವಿದ್ಯತೇ ।
ಸರ್ವಪಾಪವಿನಿರ್ಮುಕ್ತೋ ಜಾಯತೇ ಭುವಿ ಮಾನವಃ ॥ ೨೯ ॥

ಯಂ ಯಂ ಕಾಮಯತೇ ಮರ್ತ್ಯಃ ಸುದುರ್ಲಭಮನೋರಥಮ್ ।
ತಂ ತಂ ಪ್ರಾಪ್ನೋತಿ ಸಕಲಂ ಷಣ್ಮಾಸಾನ್ನಾತ್ರ ಸಂಶಯಃ ॥ ೩೦ ॥

ಮೋಹನಸ್ತಮ್ಭನಾಕರ್ಷಮಾರಣೋಚ್ಚಾಟನಂ ವಶಮ್ ।
ಸ್ಮರಣಾದೇವ ಜಾಯನ್ತೇ ನಾತ್ರ ಕಾರ್ಯಾ ವಿಚಾರಣಾ ॥ ೩೧ ॥

ಸರ್ವವಿಘ್ನಹರೇದ್ದೇವೀಂ ಗ್ರಹಪೀಡಾನಿವಾರಣಮ್ ।
ಸರ್ವಶತ್ರುಕ್ಷಯಕರಂ ಸರ್ವಾಪತ್ತಿನಿವಾರಣಮ್ ॥ ೩೨ ॥

ಧೃತ್ವೇದಂ ಕವಚಂ ದೇವಿ ಯೋ ಜಪೇನ್ಮನ್ತ್ರಮುತ್ತಮಮ್ ।
ನ ವಾಚ್ಯತೇ ಸ ವಿಘ್ನೌಘೈಃ ಕದಾಚಿದಪಿ ಕುತ್ರಚಿತ್ ॥ ೩೩ ॥

ಭೂರ್ಜೇ ಲಿಖಿತ್ವಾ ವಿಧಿವದ್ಧಾರಯೇದ್ಯೋ ನರಃ ಶುಚಿಃ ।
ಏಕಬಾಹೋ ಶಿರಃ ಕಣ್ಠೇ ಪೂಜಯಿತ್ವಾ ಗಣಾಧಿಪಮ್ ॥ ೩೪ ॥

ಏಕಾಕ್ಷರಸ್ಯ ಮನ್ತ್ರಸ್ಯ ಕವಚಂ ದೇವಿ ದುರ್ಲಭಮ್ ।
ಯೋ ಧಾರಯೇನ್ಮಹೇಶಾನಿ ನ ವಿಘ್ನೈರಭಿಭೂಯತೇ ॥ ೩೫ ॥

ಗಣೇಶಹೃದಯಂ ನಾಮ ಕವಚಂ ಸರ್ವಸಿದ್ಧಿದಮ್ ।
ಪಠೇದ್ವಾ ಪಾಠಯೇದ್ವಾಪಿ ತಸ್ಯ ಸಿದ್ಧಿಃ ಕರೇ ಸ್ಥಿತಾ ॥ ೩೬ ॥

ನ ಪ್ರಕಾಶ್ಯಂ ಮಹೇಶಾನಿ ಕವಚಂ ಯತ್ರ ಕುತ್ರಚಿತ್ ।
ದಾತವ್ಯಂ ಭಕ್ತಿಯುಕ್ತಾಯ ಗುರುದೇವಪರಾಯ ಚ ॥ ೩೭ ॥

More Ganesha Stotras

Explore More