What is Ekaksara Ganapati Kavacam?

Read Ekaksara Ganapati Kavacam in Malayalam script — full lyrics with English meaning and transliteration. An armour for the single-syllable mantra, from the Rudrayamala, and the exchange that frames it is unusually personal. Parvati asks Shiva for it and adds a lever — tell it duly, god, if I am dear to you — and he begins by saying that what he is about to give is not to be told even to her. The armour that follows sets the one syllable over the body part by part, and at the end it is called by a second name, the heart of Ganesha, with the claim that whoever reads it or has it read holds accomplishment in his own hand. Its last verse is the condition the whole form is held under: it is not to be shown anywhere at all, and is to be given only to somebody who has devotion and is devoted to his teacher.

Which deity is Ekaksara Ganapati Kavacam dedicated to?

Ekaksara Ganapati Kavacam is a Sanskrit hymn dedicated to Lord Ganesha.

Ekaksara Ganapati Kavacam in Malayalam – Meaning

॥ ഏകാക്ഷര ഗണപതി കവചമ് ॥

നമസ്തസ്മൈ ഗണേശായ സര്വവിഘ്നവിനാശിനേ ।
കാര്യാരമ്ഭേഷു സര്വേഷു പൂജിതോ യഃ സുരൈരപി ॥ ൧ ॥

പാര്വത്യുവാച।

ഭഗവന് ദേവദേവേശ ലോകാനുഗ്രഹകാരകഃ ।
ഇദാനീം ശ്രോതൃമിച്ഛാമി കവചം യത്പ്രകാശിതമ് ॥ ൨ ॥

ഏകാക്ഷരസ്യ മന്ത്രസ്യ ത്വയാ പ്രീതേന ചേതസാ ।
വദൈതദ്വിധിവദ്ദേവ യദി തേ വല്ലഭാസ്മ്യഹമ് ॥ ൩ ॥

ഈശ്വര ഉവാച।

ശൃണു ദേവി പ്രവക്ഷ്യാമി നാഖ്യേയമപി തേ ധ്രുവമ് ।
ഏകാക്ഷരസ്യ മന്ത്രസ്യ കവചം സര്വകാമദമ് ॥ ൪ ॥

യസ്യ സ്മരണമാത്രേണ ന വിഘ്നാഃ പ്രഭവന്തി ഹി ।
ത്രികാലമേകകാലം വാ യേ പഠന്തി സദാ നരാഃ ॥ ൫ ॥

തേഷാം ക്വാപി ഭയം നാസ്തി സങ്ഗ്രാമേ സങ്കടേ ഗിരൌ ।
ഭൂതവേതാലരക്ഷോഭിര്ഗ്രഹൈശ്ചാപി ന ബാധ്യതേ ॥ ൬ ॥

ഇദം കവചമജ്ഞാത്വാ യോ ജപേദ്ഗണനായകമ് ।
ന ച സിദ്ധിമാപ്നോതി മൂഢോ വര്ഷശതൈരപി ॥ ൭ ॥

അഘോരോ മേ യഥാ മന്ത്രോ മന്ത്രാണാമുത്തമോത്തമഃ ।
തഥേദം കവചം ദേവി ദുര്ലഭം ഭുവി മാനവൈഃ ॥ ൮ ॥

ഗോപനീയം പ്രയത്നേന നാജ്യേയം യസ്യ കസ്യചിത് ।
തവ പ്രീത്യാ മഹേശാനി കവചം കഥ്യതേഽദ്ഭുതമ് ॥ ൯ ॥

ഏകാക്ഷരസ്യ മന്ത്രസ്യ ഗണകശ്ചര്ഷിരീരിതഃ ।
ത്രിഷ്ടുപ് ഛന്ദസ്തു വിഘ്നേശോ ദേവതാ പരികീര്തിതാ ॥ ൧൦ ॥

ഗം ബീജം ശക്തിരോങ്കാരഃ സര്വകാമാര്ഥസിദ്ധയേ ।
സര്വവിഘ്നവിനാശായ വിനിയോഗസ്തു കീര്തിതഃ ॥ ൧൧ ॥

ധ്യാനമ് ।
രക്താമ്ഭോജസ്വരൂപം ലസദരുണസരോജാധിരൂഢം ത്രിനേത്രം
പാശം ചൈവാങ്കുശം വാ വരദമഭയദം ബാഹുഭിര്ധാരയന്തമ് ।
ശക്ത്യാ യുക്തം ഗജാസ്യം പൃഥുതരജഠരം നാഗയജ്ഞോപവീതം
ദേവം ചന്ദ്രാര്ധചൂഡം സകലഭയഹരം വിഘ്നരാജം നമാമി ॥ ൧൨ ॥

കവചമ് ।

ഗണേശോ മേ ശിരഃ പാതു ഫാലം പാതു ഗജാനനഃ ।
നേത്രേ ഗണപതിഃ പാതു ഗജകര്ണഃ ശ്രുതീ മമ ॥ ൧൩ ॥

കപോലൌ ഗണനാഥസ്തു ഘ്രാണം ഗന്ധര്വപൂജിതഃ ।
മുഖം മേ സുമുഖഃ പാതു ചിബുകം ഗിരിജാസുതഃ ॥ ൧൪ ॥

ജിഹ്വാം പാതു ഗണക്രീഡോ ദന്താന് രക്ഷതു ദുര്മുഖഃ ।
വാചം വിനായകഃ പാതു കണ്ഠം പാതു മദോത്കടഃ ॥ ൧൫ ॥

സ്കന്ധൌ പാതു ഗജസ്കന്ധോ ബാഹൂ മേ വിഘ്നനാശനഃ ।
ഹസ്തൌ രക്ഷതു ഹേരമ്ബോ വക്ഷഃ പാതു മഹാബലഃ ॥ ൧൬ ॥

ഹൃദയം മേ ഗണപതിരുദരം മേ മഹോദരഃ ।
നാഭിം ഗമ്ഭീരഹൃദയോ പൃഷ്ഠം പാതു സുരപ്രിയഃ ॥ ൧൭ ॥

കടിം മേ വികടഃ പാതു ഗുഹ്യം മേ ഗുഹപൂജിതഃ ।
ഊരു മേ പാതു കൌമാരം ജാനുനീ ച ഗണാധിപഃ ॥ ൧൮ ॥

ജങ്ഘേ ജയപ്രദഃ പാതു ഗുല്ഫൌ മേ ധൂര്ജടിപ്രിയഃ ।
ചരണൌ ദുര്ജയഃ പാതുര്സാങ്ഗം ഗണനായകഃ ॥ ൧൯ ॥

ആമോദോ മേഽഗ്രതഃ പാതു പ്രമോദഃ പാതു പൃഷ്ഠതഃ ।
ദക്ഷിണേ പാതു സിദ്ധീശോ വാമേ വിദ്യാധരാര്ചിതഃ ॥ ൨൦ ॥

പ്രാച്യാം രക്ഷതു മാം നിത്യം ചിന്താമണിവിനായകഃ ।
ആഗ്നേയ്യാം വക്രതുണ്ഡോ മേ ദക്ഷിണസ്യാമുമാസുതഃ ॥ ൨൧ ॥

നൈരൃത്യാം സര്വവിഘ്നേശോ പാതു നിത്യം ഗണേശ്വരഃ ।
പ്രതീച്യാം സിദ്ധിദഃ പാതു വായവ്യാം ഗജകര്ണകഃ ॥ ൨൨ ॥

കൌബേര്യാം സര്വസിദ്ധീശോ ഈശാന്യാമീശനന്ദനഃ ।
ഊര്ധ്വം വിനായകഃ പാതു അധോ മൂഷകവാഹനഃ ॥ ൨൩ ॥

ദിവാ ഗോക്ഷീരധവലഃ പാതു നിത്യം ഗജാനനഃ ।
രാത്രൌ പാതു ഗണക്രീഡോ സന്ധ്യയോ സുരവന്ദിതഃ ॥ ൨൪ ॥

പാശാങ്കുശാഭയകരഃ സര്വതഃ പാതു മാം സദാ ।
ഗ്രഹഭൂതപിശാചേഭ്യോ പാതു നിത്യം ഗണേശ്വരഃ ॥ ൨൫ ॥

സത്ത്വം രജസ്തമോ വാചം ബുദ്ധിം ജ്ഞാനം സ്മൃതിം ദയാമ് ।
ധര്മം ചതുര്വിധം ലക്ഷ്മീം ലജ്ജാം കീര്തിം കുലം വപുഃ ॥ ൨൬ ॥

ധനധാന്യഗൃഹാന്ദാരാന് പുത്രാന്പൌത്രാന് സഖീംസ്തഥാ ।
ഏകദന്തോഽവതു ശ്രീമാന് സര്വതഃ ശങ്കരാത്മജഃ ॥ ൨൭ ॥

ഫലശ്രുതി

സിദ്ധിദം കീര്തിദം ദേവി പ്രപഠേന്നിയതഃ ശുചിഃ ।
ഏകകാലം ദ്വികാലം വാ ത്രികാലം വാപി ഭക്തിതഃ ॥ ൨൮ ॥

ന തസ്യ ദുര്ലഭം കിഞ്ചിത് ത്രിഷു ലോകേഷു വിദ്യതേ ।
സര്വപാപവിനിര്മുക്തോ ജായതേ ഭുവി മാനവഃ ॥ ൨൯ ॥

യം യം കാമയതേ മര്ത്യഃ സുദുര്ലഭമനോരഥമ് ।
തം തം പ്രാപ്നോതി സകലം ഷണ്മാസാന്നാത്ര സംശയഃ ॥ ൩൦ ॥

മോഹനസ്തമ്ഭനാകര്ഷമാരണോച്ചാടനം വശമ് ।
സ്മരണാദേവ ജായന്തേ നാത്ര കാര്യാ വിചാരണാ ॥ ൩൧ ॥

സര്വവിഘ്നഹരേദ്ദേവീം ഗ്രഹപീഡാനിവാരണമ് ।
സര്വശത്രുക്ഷയകരം സര്വാപത്തിനിവാരണമ് ॥ ൩൨ ॥

ധൃത്വേദം കവചം ദേവി യോ ജപേന്മന്ത്രമുത്തമമ് ।
ന വാച്യതേ സ വിഘ്നൌഘൈഃ കദാചിദപി കുത്രചിത് ॥ ൩൩ ॥

ഭൂര്ജേ ലിഖിത്വാ വിധിവദ്ധാരയേദ്യോ നരഃ ശുചിഃ ।
ഏകബാഹോ ശിരഃ കണ്ഠേ പൂജയിത്വാ ഗണാധിപമ് ॥ ൩൪ ॥

ഏകാക്ഷരസ്യ മന്ത്രസ്യ കവചം ദേവി ദുര്ലഭമ് ।
യോ ധാരയേന്മഹേശാനി ന വിഘ്നൈരഭിഭൂയതേ ॥ ൩൫ ॥

ഗണേശഹൃദയം നാമ കവചം സര്വസിദ്ധിദമ് ।
പഠേദ്വാ പാഠയേദ്വാപി തസ്യ സിദ്ധിഃ കരേ സ്ഥിതാ ॥ ൩൬ ॥

ന പ്രകാശ്യം മഹേശാനി കവചം യത്ര കുത്രചിത് ।
ദാതവ്യം ഭക്തിയുക്തായ ഗുരുദേവപരായ ച ॥ ൩൭ ॥

More Ganesha Stotras

Explore More