What is Ekaksara Ganapati Kavacam?

Read Ekaksara Ganapati Kavacam in Bengali script — full lyrics with English meaning and transliteration. An armour for the single-syllable mantra, from the Rudrayamala, and the exchange that frames it is unusually personal. Parvati asks Shiva for it and adds a lever — tell it duly, god, if I am dear to you — and he begins by saying that what he is about to give is not to be told even to her. The armour that follows sets the one syllable over the body part by part, and at the end it is called by a second name, the heart of Ganesha, with the claim that whoever reads it or has it read holds accomplishment in his own hand. Its last verse is the condition the whole form is held under: it is not to be shown anywhere at all, and is to be given only to somebody who has devotion and is devoted to his teacher.

Which deity is Ekaksara Ganapati Kavacam dedicated to?

Ekaksara Ganapati Kavacam is a Sanskrit hymn dedicated to Lord Ganesha.

Ekaksara Ganapati Kavacam in Bengali – Meaning

॥ একাক্ষর গণপতি কবচম্ ॥

নমস্তস্মৈ গণেশায সর্ববিঘ্নবিনাশিনে ।
কার্যারম্ভেষু সর্বেষু পূজিতো যঃ সুরৈরপি ॥ ১ ॥

পার্বত্যুবাচ।

ভগবন্ দেবদেবেশ লোকানুগ্রহকারকঃ ।
ইদানীং শ্রোতৃমিচ্ছামি কবচং যত্প্রকাশিতম্ ॥ ২ ॥

একাক্ষরস্য মন্ত্রস্য ত্বযা প্রীতেন চেতসা ।
বদৈতদ্বিধিবদ্দেব যদি তে বল্লভাস্ম্যহম্ ॥ ৩ ॥

ঈশ্বর উবাচ।

শৃণু দেবি প্রবক্ষ্যামি নাখ্যেযমপি তে ধ্রুবম্ ।
একাক্ষরস্য মন্ত্রস্য কবচং সর্বকামদম্ ॥ ৪ ॥

যস্য স্মরণমাত্রেণ ন বিঘ্নাঃ প্রভবন্তি হি ।
ত্রিকালমেককালং বা যে পঠন্তি সদা নরাঃ ॥ ৫ ॥

তেষাং ক্বাপি ভযং নাস্তি সঙ্গ্রামে সঙ্কটে গিরৌ ।
ভূতবেতালরক্ষোভির্গ্রহৈশ্চাপি ন বাধ্যতে ॥ ৬ ॥

ইদং কবচমজ্ঞাত্বা যো জপেদ্গণনাযকম্ ।
ন চ সিদ্ধিমাপ্নোতি মূঢো বর্ষশতৈরপি ॥ ৭ ॥

অঘোরো মে যথা মন্ত্রো মন্ত্রাণামুত্তমোত্তমঃ ।
তথেদং কবচং দেবি দুর্লভং ভুবি মানবৈঃ ॥ ৮ ॥

গোপনীযং প্রযত্নেন নাজ্যেযং যস্য কস্যচিত্ ।
তব প্রীত্যা মহেশানি কবচং কথ্যতেঽদ্ভুতম্ ॥ ৯ ॥

একাক্ষরস্য মন্ত্রস্য গণকশ্চর্ষিরীরিতঃ ।
ত্রিষ্টুপ্ ছন্দস্তু বিঘ্নেশো দেবতা পরিকীর্তিতা ॥ ১০ ॥

গং বীজং শক্তিরোঙ্কারঃ সর্বকামার্থসিদ্ধযে ।
সর্ববিঘ্নবিনাশায বিনিযোগস্তু কীর্তিতঃ ॥ ১১ ॥

ধ্যানম্ ।
রক্তাম্ভোজস্বরূপং লসদরুণসরোজাধিরূঢং ত্রিনেত্রং
পাশং চৈবাঙ্কুশং বা বরদমভযদং বাহুভির্ধারযন্তম্ ।
শক্ত্যা যুক্তং গজাস্যং পৃথুতরজঠরং নাগযজ্ঞোপবীতং
দেবং চন্দ্রার্ধচূডং সকলভযহরং বিঘ্নরাজং নমামি ॥ ১২ ॥

কবচম্ ।

গণেশো মে শিরঃ পাতু ফালং পাতু গজাননঃ ।
নেত্রে গণপতিঃ পাতু গজকর্ণঃ শ্রুতী মম ॥ ১৩ ॥

কপোলৌ গণনাথস্তু ঘ্রাণং গন্ধর্বপূজিতঃ ।
মুখং মে সুমুখঃ পাতু চিবুকং গিরিজাসুতঃ ॥ ১৪ ॥

জিহ্বাং পাতু গণক্রীডো দন্তান্ রক্ষতু দুর্মুখঃ ।
বাচং বিনাযকঃ পাতু কণ্ঠং পাতু মদোত্কটঃ ॥ ১৫ ॥

স্কন্ধৌ পাতু গজস্কন্ধো বাহূ মে বিঘ্ননাশনঃ ।
হস্তৌ রক্ষতু হেরম্বো বক্ষঃ পাতু মহাবলঃ ॥ ১৬ ॥

হৃদযং মে গণপতিরুদরং মে মহোদরঃ ।
নাভিং গম্ভীরহৃদযো পৃষ্ঠং পাতু সুরপ্রিযঃ ॥ ১৭ ॥

কটিং মে বিকটঃ পাতু গুহ্যং মে গুহপূজিতঃ ।
ঊরু মে পাতু কৌমারং জানুনী চ গণাধিপঃ ॥ ১৮ ॥

জঙ্ঘে জযপ্রদঃ পাতু গুল্ফৌ মে ধূর্জটিপ্রিযঃ ।
চরণৌ দুর্জযঃ পাতুর্সাঙ্গং গণনাযকঃ ॥ ১৯ ॥

আমোদো মেঽগ্রতঃ পাতু প্রমোদঃ পাতু পৃষ্ঠতঃ ।
দক্ষিণে পাতু সিদ্ধীশো বামে বিদ্যাধরার্চিতঃ ॥ ২০ ॥

প্রাচ্যাং রক্ষতু মাং নিত্যং চিন্তামণিবিনাযকঃ ।
আগ্নেয্যাং বক্রতুণ্ডো মে দক্ষিণস্যামুমাসুতঃ ॥ ২১ ॥

নৈরৃত্যাং সর্ববিঘ্নেশো পাতু নিত্যং গণেশ্বরঃ ।
প্রতীচ্যাং সিদ্ধিদঃ পাতু বাযব্যাং গজকর্ণকঃ ॥ ২২ ॥

কৌবের্যাং সর্বসিদ্ধীশো ঈশান্যামীশনন্দনঃ ।
ঊর্ধ্বং বিনাযকঃ পাতু অধো মূষকবাহনঃ ॥ ২৩ ॥

দিবা গোক্ষীরধবলঃ পাতু নিত্যং গজাননঃ ।
রাত্রৌ পাতু গণক্রীডো সন্ধ্যযো সুরবন্দিতঃ ॥ ২৪ ॥

পাশাঙ্কুশাভযকরঃ সর্বতঃ পাতু মাং সদা ।
গ্রহভূতপিশাচেভ্যো পাতু নিত্যং গণেশ্বরঃ ॥ ২৫ ॥

সত্ত্বং রজস্তমো বাচং বুদ্ধিং জ্ঞানং স্মৃতিং দযাম্ ।
ধর্মং চতুর্বিধং লক্ষ্মীং লজ্জাং কীর্তিং কুলং বপুঃ ॥ ২৬ ॥

ধনধান্যগৃহান্দারান্ পুত্রান্পৌত্রান্ সখীংস্তথা ।
একদন্তোঽবতু শ্রীমান্ সর্বতঃ শঙ্করাত্মজঃ ॥ ২৭ ॥

ফলশ্রুতি

সিদ্ধিদং কীর্তিদং দেবি প্রপঠেন্নিযতঃ শুচিঃ ।
এককালং দ্বিকালং বা ত্রিকালং বাপি ভক্তিতঃ ॥ ২৮ ॥

ন তস্য দুর্লভং কিঞ্চিত্ ত্রিষু লোকেষু বিদ্যতে ।
সর্বপাপবিনির্মুক্তো জাযতে ভুবি মানবঃ ॥ ২৯ ॥

যং যং কামযতে মর্ত্যঃ সুদুর্লভমনোরথম্ ।
তং তং প্রাপ্নোতি সকলং ষণ্মাসান্নাত্র সংশযঃ ॥ ৩০ ॥

মোহনস্তম্ভনাকর্ষমারণোচ্চাটনং বশম্ ।
স্মরণাদেব জাযন্তে নাত্র কার্যা বিচারণা ॥ ৩১ ॥

সর্ববিঘ্নহরেদ্দেবীং গ্রহপীডানিবারণম্ ।
সর্বশত্রুক্ষযকরং সর্বাপত্তিনিবারণম্ ॥ ৩২ ॥

ধৃত্বেদং কবচং দেবি যো জপেন্মন্ত্রমুত্তমম্ ।
ন বাচ্যতে স বিঘ্নৌঘৈঃ কদাচিদপি কুত্রচিত্ ॥ ৩৩ ॥

ভূর্জে লিখিত্বা বিধিবদ্ধারযেদ্যো নরঃ শুচিঃ ।
একবাহো শিরঃ কণ্ঠে পূজযিত্বা গণাধিপম্ ॥ ৩৪ ॥

একাক্ষরস্য মন্ত্রস্য কবচং দেবি দুর্লভম্ ।
যো ধারযেন্মহেশানি ন বিঘ্নৈরভিভূযতে ॥ ৩৫ ॥

গণেশহৃদযং নাম কবচং সর্বসিদ্ধিদম্ ।
পঠেদ্বা পাঠযেদ্বাপি তস্য সিদ্ধিঃ করে স্থিতা ॥ ৩৬ ॥

ন প্রকাশ্যং মহেশানি কবচং যত্র কুত্রচিত্ ।
দাতব্যং ভক্তিযুক্তায গুরুদেবপরায চ ॥ ৩৭ ॥

More Ganesha Stotras

Explore More