What is Ekaksara Ganapati Kavacam?

Read Ekaksara Ganapati Kavacam in Gujarati script — full lyrics with English meaning and transliteration. An armour for the single-syllable mantra, from the Rudrayamala, and the exchange that frames it is unusually personal. Parvati asks Shiva for it and adds a lever — tell it duly, god, if I am dear to you — and he begins by saying that what he is about to give is not to be told even to her. The armour that follows sets the one syllable over the body part by part, and at the end it is called by a second name, the heart of Ganesha, with the claim that whoever reads it or has it read holds accomplishment in his own hand. Its last verse is the condition the whole form is held under: it is not to be shown anywhere at all, and is to be given only to somebody who has devotion and is devoted to his teacher.

Which deity is Ekaksara Ganapati Kavacam dedicated to?

Ekaksara Ganapati Kavacam is a Sanskrit hymn dedicated to Lord Ganesha.

Ekaksara Ganapati Kavacam in Gujarati – Meaning

॥ એકાક્ષર ગણપતિ કવચમ્ ॥

નમસ્તસ્મૈ ગણેશાય સર્વવિઘ્નવિનાશિને ।
કાર્યારમ્ભેષુ સર્વેષુ પૂજિતો યઃ સુરૈરપિ ॥ ૧ ॥

પાર્વત્યુવાચ।

ભગવન્ દેવદેવેશ લોકાનુગ્રહકારકઃ ।
ઇદાનીં શ્રોતૃમિચ્છામિ કવચં યત્પ્રકાશિતમ્ ॥ ૨ ॥

એકાક્ષરસ્ય મન્ત્રસ્ય ત્વયા પ્રીતેન ચેતસા ।
વદૈતદ્વિધિવદ્દેવ યદિ તે વલ્લભાસ્મ્યહમ્ ॥ ૩ ॥

ઈશ્વર ઉવાચ।

શૃણુ દેવિ પ્રવક્ષ્યામિ નાખ્યેયમપિ તે ધ્રુવમ્ ।
એકાક્ષરસ્ય મન્ત્રસ્ય કવચં સર્વકામદમ્ ॥ ૪ ॥

યસ્ય સ્મરણમાત્રેણ ન વિઘ્નાઃ પ્રભવન્તિ હિ ।
ત્રિકાલમેકકાલં વા યે પઠન્તિ સદા નરાઃ ॥ ૫ ॥

તેષાં ક્વાપિ ભયં નાસ્તિ સઙ્ગ્રામે સઙ્કટે ગિરૌ ।
ભૂતવેતાલરક્ષોભિર્ગ્રહૈશ્ચાપિ ન બાધ્યતે ॥ ૬ ॥

ઇદં કવચમજ્ઞાત્વા યો જપેદ્ગણનાયકમ્ ।
ન ચ સિદ્ધિમાપ્નોતિ મૂઢો વર્ષશતૈરપિ ॥ ૭ ॥

અઘોરો મે યથા મન્ત્રો મન્ત્રાણામુત્તમોત્તમઃ ।
તથેદં કવચં દેવિ દુર્લભં ભુવિ માનવૈઃ ॥ ૮ ॥

ગોપનીયં પ્રયત્નેન નાજ્યેયં યસ્ય કસ્યચિત્ ।
તવ પ્રીત્યા મહેશાનિ કવચં કથ્યતેઽદ્ભુતમ્ ॥ ૯ ॥

એકાક્ષરસ્ય મન્ત્રસ્ય ગણકશ્ચર્ષિરીરિતઃ ।
ત્રિષ્ટુપ્ છન્દસ્તુ વિઘ્નેશો દેવતા પરિકીર્તિતા ॥ ૧૦ ॥

ગં બીજં શક્તિરોઙ્કારઃ સર્વકામાર્થસિદ્ધયે ।
સર્વવિઘ્નવિનાશાય વિનિયોગસ્તુ કીર્તિતઃ ॥ ૧૧ ॥

ધ્યાનમ્ ।
રક્તામ્ભોજસ્વરૂપં લસદરુણસરોજાધિરૂઢં ત્રિનેત્રં
પાશં ચૈવાઙ્કુશં વા વરદમભયદં બાહુભિર્ધારયન્તમ્ ।
શક્ત્યા યુક્તં ગજાસ્યં પૃથુતરજઠરં નાગયજ્ઞોપવીતં
દેવં ચન્દ્રાર્ધચૂડં સકલભયહરં વિઘ્નરાજં નમામિ ॥ ૧૨ ॥

કવચમ્ ।

ગણેશો મે શિરઃ પાતુ ફાલં પાતુ ગજાનનઃ ।
નેત્રે ગણપતિઃ પાતુ ગજકર્ણઃ શ્રુતી મમ ॥ ૧૩ ॥

કપોલૌ ગણનાથસ્તુ ઘ્રાણં ગન્ધર્વપૂજિતઃ ।
મુખં મે સુમુખઃ પાતુ ચિબુકં ગિરિજાસુતઃ ॥ ૧૪ ॥

જિહ્વાં પાતુ ગણક્રીડો દન્તાન્ રક્ષતુ દુર્મુખઃ ।
વાચં વિનાયકઃ પાતુ કણ્ઠં પાતુ મદોત્કટઃ ॥ ૧૫ ॥

સ્કન્ધૌ પાતુ ગજસ્કન્ધો બાહૂ મે વિઘ્નનાશનઃ ।
હસ્તૌ રક્ષતુ હેરમ્બો વક્ષઃ પાતુ મહાબલઃ ॥ ૧૬ ॥

હૃદયં મે ગણપતિરુદરં મે મહોદરઃ ।
નાભિં ગમ્ભીરહૃદયો પૃષ્ઠં પાતુ સુરપ્રિયઃ ॥ ૧૭ ॥

કટિં મે વિકટઃ પાતુ ગુહ્યં મે ગુહપૂજિતઃ ।
ઊરુ મે પાતુ કૌમારં જાનુની ચ ગણાધિપઃ ॥ ૧૮ ॥

જઙ્ઘે જયપ્રદઃ પાતુ ગુલ્ફૌ મે ધૂર્જટિપ્રિયઃ ।
ચરણૌ દુર્જયઃ પાતુર્સાઙ્ગં ગણનાયકઃ ॥ ૧૯ ॥

આમોદો મેઽગ્રતઃ પાતુ પ્રમોદઃ પાતુ પૃષ્ઠતઃ ।
દક્ષિણે પાતુ સિદ્ધીશો વામે વિદ્યાધરાર્ચિતઃ ॥ ૨૦ ॥

પ્રાચ્યાં રક્ષતુ માં નિત્યં ચિન્તામણિવિનાયકઃ ।
આગ્નેય્યાં વક્રતુણ્ડો મે દક્ષિણસ્યામુમાસુતઃ ॥ ૨૧ ॥

નૈરૃત્યાં સર્વવિઘ્નેશો પાતુ નિત્યં ગણેશ્વરઃ ।
પ્રતીચ્યાં સિદ્ધિદઃ પાતુ વાયવ્યાં ગજકર્ણકઃ ॥ ૨૨ ॥

કૌબેર્યાં સર્વસિદ્ધીશો ઈશાન્યામીશનન્દનઃ ।
ઊર્ધ્વં વિનાયકઃ પાતુ અધો મૂષકવાહનઃ ॥ ૨૩ ॥

દિવા ગોક્ષીરધવલઃ પાતુ નિત્યં ગજાનનઃ ।
રાત્રૌ પાતુ ગણક્રીડો સન્ધ્યયો સુરવન્દિતઃ ॥ ૨૪ ॥

પાશાઙ્કુશાભયકરઃ સર્વતઃ પાતુ માં સદા ।
ગ્રહભૂતપિશાચેભ્યો પાતુ નિત્યં ગણેશ્વરઃ ॥ ૨૫ ॥

સત્ત્વં રજસ્તમો વાચં બુદ્ધિં જ્ઞાનં સ્મૃતિં દયામ્ ।
ધર્મં ચતુર્વિધં લક્ષ્મીં લજ્જાં કીર્તિં કુલં વપુઃ ॥ ૨૬ ॥

ધનધાન્યગૃહાન્દારાન્ પુત્રાન્પૌત્રાન્ સખીંસ્તથા ।
એકદન્તોઽવતુ શ્રીમાન્ સર્વતઃ શઙ્કરાત્મજઃ ॥ ૨૭ ॥

ફલશ્રુતિ

સિદ્ધિદં કીર્તિદં દેવિ પ્રપઠેન્નિયતઃ શુચિઃ ।
એકકાલં દ્વિકાલં વા ત્રિકાલં વાપિ ભક્તિતઃ ॥ ૨૮ ॥

ન તસ્ય દુર્લભં કિઞ્ચિત્ ત્રિષુ લોકેષુ વિદ્યતે ।
સર્વપાપવિનિર્મુક્તો જાયતે ભુવિ માનવઃ ॥ ૨૯ ॥

યં યં કામયતે મર્ત્યઃ સુદુર્લભમનોરથમ્ ।
તં તં પ્રાપ્નોતિ સકલં ષણ્માસાન્નાત્ર સંશયઃ ॥ ૩૦ ॥

મોહનસ્તમ્ભનાકર્ષમારણોચ્ચાટનં વશમ્ ।
સ્મરણાદેવ જાયન્તે નાત્ર કાર્યા વિચારણા ॥ ૩૧ ॥

સર્વવિઘ્નહરેદ્દેવીં ગ્રહપીડાનિવારણમ્ ।
સર્વશત્રુક્ષયકરં સર્વાપત્તિનિવારણમ્ ॥ ૩૨ ॥

ધૃત્વેદં કવચં દેવિ યો જપેન્મન્ત્રમુત્તમમ્ ।
ન વાચ્યતે સ વિઘ્નૌઘૈઃ કદાચિદપિ કુત્રચિત્ ॥ ૩૩ ॥

ભૂર્જે લિખિત્વા વિધિવદ્ધારયેદ્યો નરઃ શુચિઃ ।
એકબાહો શિરઃ કણ્ઠે પૂજયિત્વા ગણાધિપમ્ ॥ ૩૪ ॥

એકાક્ષરસ્ય મન્ત્રસ્ય કવચં દેવિ દુર્લભમ્ ।
યો ધારયેન્મહેશાનિ ન વિઘ્નૈરભિભૂયતે ॥ ૩૫ ॥

ગણેશહૃદયં નામ કવચં સર્વસિદ્ધિદમ્ ।
પઠેદ્વા પાઠયેદ્વાપિ તસ્ય સિદ્ધિઃ કરે સ્થિતા ॥ ૩૬ ॥

ન પ્રકાશ્યં મહેશાનિ કવચં યત્ર કુત્રચિત્ ।
દાતવ્યં ભક્તિયુક્તાય ગુરુદેવપરાય ચ ॥ ૩૭ ॥

More Ganesha Stotras

Explore More