What is Ekaksara Ganapati Kavacam?

Read Ekaksara Ganapati Kavacam in Telugu script — full lyrics with English meaning and transliteration. An armour for the single-syllable mantra, from the Rudrayamala, and the exchange that frames it is unusually personal. Parvati asks Shiva for it and adds a lever — tell it duly, god, if I am dear to you — and he begins by saying that what he is about to give is not to be told even to her. The armour that follows sets the one syllable over the body part by part, and at the end it is called by a second name, the heart of Ganesha, with the claim that whoever reads it or has it read holds accomplishment in his own hand. Its last verse is the condition the whole form is held under: it is not to be shown anywhere at all, and is to be given only to somebody who has devotion and is devoted to his teacher.

Which deity is Ekaksara Ganapati Kavacam dedicated to?

Ekaksara Ganapati Kavacam is a Sanskrit hymn dedicated to Lord Ganesha.

Ekaksara Ganapati Kavacam in Telugu – Meaning

॥ ఏకాక్షర గణపతి కవచమ్ ॥

నమస్తస్మై గణేశాయ సర్వవిఘ్నవినాశినే ।
కార్యారమ్భేషు సర్వేషు పూజితో యః సురైరపి ॥ ౧ ॥

పార్వత్యువాచ।

భగవన్ దేవదేవేశ లోకానుగ్రహకారకః ।
ఇదానీం శ్రోతృమిచ్ఛామి కవచం యత్ప్రకాశితమ్ ॥ ౨ ॥

ఏకాక్షరస్య మన్త్రస్య త్వయా ప్రీతేన చేతసా ।
వదైతద్విధివద్దేవ యది తే వల్లభాస్మ్యహమ్ ॥ ౩ ॥

ఈశ్వర ఉవాచ।

శృణు దేవి ప్రవక్ష్యామి నాఖ్యేయమపి తే ధ్రువమ్ ।
ఏకాక్షరస్య మన్త్రస్య కవచం సర్వకామదమ్ ॥ ౪ ॥

యస్య స్మరణమాత్రేణ న విఘ్నాః ప్రభవన్తి హి ।
త్రికాలమేకకాలం వా యే పఠన్తి సదా నరాః ॥ ౫ ॥

తేషాం క్వాపి భయం నాస్తి సఙ్గ్రామే సఙ్కటే గిరౌ ।
భూతవేతాలరక్షోభిర్గ్రహైశ్చాపి న బాధ్యతే ॥ ౬ ॥

ఇదం కవచమజ్ఞాత్వా యో జపేద్గణనాయకమ్ ।
న చ సిద్ధిమాప్నోతి మూఢో వర్షశతైరపి ॥ ౭ ॥

అఘోరో మే యథా మన్త్రో మన్త్రాణాముత్తమోత్తమః ।
తథేదం కవచం దేవి దుర్లభం భువి మానవైః ॥ ౮ ॥

గోపనీయం ప్రయత్నేన నాజ్యేయం యస్య కస్యచిత్ ।
తవ ప్రీత్యా మహేశాని కవచం కథ్యతేఽద్భుతమ్ ॥ ౯ ॥

ఏకాక్షరస్య మన్త్రస్య గణకశ్చర్షిరీరితః ।
త్రిష్టుప్ ఛన్దస్తు విఘ్నేశో దేవతా పరికీర్తితా ॥ ౧౦ ॥

గం బీజం శక్తిరోఙ్కారః సర్వకామార్థసిద్ధయే ।
సర్వవిఘ్నవినాశాయ వినియోగస్తు కీర్తితః ॥ ౧౧ ॥

ధ్యానమ్ ।
రక్తామ్భోజస్వరూపం లసదరుణసరోజాధిరూఢం త్రినేత్రం
పాశం చైవాఙ్కుశం వా వరదమభయదం బాహుభిర్ధారయన్తమ్ ।
శక్త్యా యుక్తం గజాస్యం పృథుతరజఠరం నాగయజ్ఞోపవీతం
దేవం చన్ద్రార్ధచూడం సకలభయహరం విఘ్నరాజం నమామి ॥ ౧౨ ॥

కవచమ్ ।

గణేశో మే శిరః పాతు ఫాలం పాతు గజాననః ।
నేత్రే గణపతిః పాతు గజకర్ణః శ్రుతీ మమ ॥ ౧౩ ॥

కపోలౌ గణనాథస్తు ఘ్రాణం గన్ధర్వపూజితః ।
ముఖం మే సుముఖః పాతు చిబుకం గిరిజాసుతః ॥ ౧౪ ॥

జిహ్వాం పాతు గణక్రీడో దన్తాన్ రక్షతు దుర్ముఖః ।
వాచం వినాయకః పాతు కణ్ఠం పాతు మదోత్కటః ॥ ౧౫ ॥

స్కన్ధౌ పాతు గజస్కన్ధో బాహూ మే విఘ్ననాశనః ।
హస్తౌ రక్షతు హేరమ్బో వక్షః పాతు మహాబలః ॥ ౧౬ ॥

హృదయం మే గణపతిరుదరం మే మహోదరః ।
నాభిం గమ్భీరహృదయో పృష్ఠం పాతు సురప్రియః ॥ ౧౭ ॥

కటిం మే వికటః పాతు గుహ్యం మే గుహపూజితః ।
ఊరు మే పాతు కౌమారం జానునీ చ గణాధిపః ॥ ౧౮ ॥

జఙ్ఘే జయప్రదః పాతు గుల్ఫౌ మే ధూర్జటిప్రియః ।
చరణౌ దుర్జయః పాతుర్సాఙ్గం గణనాయకః ॥ ౧౯ ॥

ఆమోదో మేఽగ్రతః పాతు ప్రమోదః పాతు పృష్ఠతః ।
దక్షిణే పాతు సిద్ధీశో వామే విద్యాధరార్చితః ॥ ౨౦ ॥

ప్రాచ్యాం రక్షతు మాం నిత్యం చిన్తామణివినాయకః ।
ఆగ్నేయ్యాం వక్రతుణ్డో మే దక్షిణస్యాముమాసుతః ॥ ౨౧ ॥

నైరృత్యాం సర్వవిఘ్నేశో పాతు నిత్యం గణేశ్వరః ।
ప్రతీచ్యాం సిద్ధిదః పాతు వాయవ్యాం గజకర్ణకః ॥ ౨౨ ॥

కౌబేర్యాం సర్వసిద్ధీశో ఈశాన్యామీశనన్దనః ।
ఊర్ధ్వం వినాయకః పాతు అధో మూషకవాహనః ॥ ౨౩ ॥

దివా గోక్షీరధవలః పాతు నిత్యం గజాననః ।
రాత్రౌ పాతు గణక్రీడో సన్ధ్యయో సురవన్దితః ॥ ౨౪ ॥

పాశాఙ్కుశాభయకరః సర్వతః పాతు మాం సదా ।
గ్రహభూతపిశాచేభ్యో పాతు నిత్యం గణేశ్వరః ॥ ౨౫ ॥

సత్త్వం రజస్తమో వాచం బుద్ధిం జ్ఞానం స్మృతిం దయామ్ ।
ధర్మం చతుర్విధం లక్ష్మీం లజ్జాం కీర్తిం కులం వపుః ॥ ౨౬ ॥

ధనధాన్యగృహాన్దారాన్ పుత్రాన్పౌత్రాన్ సఖీంస్తథా ।
ఏకదన్తోఽవతు శ్రీమాన్ సర్వతః శఙ్కరాత్మజః ॥ ౨౭ ॥

ఫలశ్రుతి

సిద్ధిదం కీర్తిదం దేవి ప్రపఠేన్నియతః శుచిః ।
ఏకకాలం ద్వికాలం వా త్రికాలం వాపి భక్తితః ॥ ౨౮ ॥

న తస్య దుర్లభం కిఞ్చిత్ త్రిషు లోకేషు విద్యతే ।
సర్వపాపవినిర్ముక్తో జాయతే భువి మానవః ॥ ౨౯ ॥

యం యం కామయతే మర్త్యః సుదుర్లభమనోరథమ్ ।
తం తం ప్రాప్నోతి సకలం షణ్మాసాన్నాత్ర సంశయః ॥ ౩౦ ॥

మోహనస్తమ్భనాకర్షమారణోచ్చాటనం వశమ్ ।
స్మరణాదేవ జాయన్తే నాత్ర కార్యా విచారణా ॥ ౩౧ ॥

సర్వవిఘ్నహరేద్దేవీం గ్రహపీడానివారణమ్ ।
సర్వశత్రుక్షయకరం సర్వాపత్తినివారణమ్ ॥ ౩౨ ॥

ధృత్వేదం కవచం దేవి యో జపేన్మన్త్రముత్తమమ్ ।
న వాచ్యతే స విఘ్నౌఘైః కదాచిదపి కుత్రచిత్ ॥ ౩౩ ॥

భూర్జే లిఖిత్వా విధివద్ధారయేద్యో నరః శుచిః ।
ఏకబాహో శిరః కణ్ఠే పూజయిత్వా గణాధిపమ్ ॥ ౩౪ ॥

ఏకాక్షరస్య మన్త్రస్య కవచం దేవి దుర్లభమ్ ।
యో ధారయేన్మహేశాని న విఘ్నైరభిభూయతే ॥ ౩౫ ॥

గణేశహృదయం నామ కవచం సర్వసిద్ధిదమ్ ।
పఠేద్వా పాఠయేద్వాపి తస్య సిద్ధిః కరే స్థితా ॥ ౩౬ ॥

న ప్రకాశ్యం మహేశాని కవచం యత్ర కుత్రచిత్ ।
దాతవ్యం భక్తియుక్తాయ గురుదేవపరాయ చ ॥ ౩౭ ॥

More Ganesha Stotras

Explore More