Lord Ganesha

গণেশ মানস পূজা

(Ganesha Manasa Puja in Assamese)

Traditional

Also known as vighnesaviryani vicitrakani

Language:Sanskrit
Translation:English

Ganesha Manasa Puja is a profound devotional composition that invites the practitioner to perform an elaborate ritual of worship entirely within the mind. By visualizing the awakening, bathing, decorating, and offering of food to Lord Ganesha, the devotee transcends physical limitations to connect with the divine. This internal meditation serves to purify the practitioner's consciousness, remove psychological obstacles, and cultivate deep focus. Chanting these verses helps harmonize the mind, instilling inner peace and divine grace, ultimately leading to spiritual clarity and the removal of worldly impediments through the blessings of the Lord of Beginnings.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 88

গৃত্সমদ উৱাচ ।

ৱিঘ্নেশৱীৰ্যাণি ৱিচিত্ৰকাণি
বন্দীজনৈৰ্মাগধকৈঃ স্মৃতানি ।
শ্ৰুত্ৱা সমুত্তিষ্ঠ গজানন ত্ৱং
ব্ৰাহ্মে জগন্মঙ্গলকং কুৰুষ্ৱ ॥ 1 ॥
এৱং মযা প্ৰাৰ্থিত ৱিঘ্নৰাজ-
-শ্চিত্তেন চোত্থায বহিৰ্গণেশঃ ।
তং নিৰ্গতং ৱীক্ষ্য নমন্তি দেৱাঃ
শম্ভ্ৱাদযো যোগিমুখাস্তথাহম্ ॥ 2 ॥
শৌচাদিকং তে পৰিকল্পযামি
হেৰম্ব ৱৈ দন্তৱিশুদ্ধিমেৱম্ ।
ৱস্ত্ৰেণ সম্প্ৰোক্ষ্য মুখাৰৱিন্দং
দেৱং সভাযাং ৱিনিৱেশযামি ॥ 3 ॥
দ্ৱিজাদিসৰ্ৱৈৰভিৱন্দিতং চ
শুকাদিভিৰ্মোদসুমোদকাদ্যৈঃ ।
সম্ভাষ্য চালোক্য সমুত্থিতং তং
সুমণ্ডপং কল্প্য নিৱেশযামি ॥ 4 ॥
ৰত্নৈঃ সুদীপ্তৈঃ প্ৰতিবিম্বিতং তং
পশ্যামি চিত্তেন ৱিনাযকং চ ।
তত্ৰাসনং ৰত্নসুৱৰ্ণযুক্তং
সঙ্কল্প্য দেৱং ৱিনিৱেশযামি ॥ 5 ॥
সিদ্ধ্যা চ বুদ্ধ্যা সহ ৱিঘ্নৰাজ
পাদ্যং কুৰু প্ৰেমভৰেণ সৰ্ৱৈঃ ।
সুৱাসিতং নীৰমথো গৃহাণ
চিত্তেন দত্তং চ সুখোষ্ণভাৱম্ ॥ 6 ॥
ততঃ সুৱস্ত্ৰেণ গণেশমাদৌ
সম্প্ৰোক্ষ্য দূৰ্ৱাদিভিৰৰ্চযামি ।
চিত্তেন ভাৱপ্ৰিয দীনবন্ধো
মনো ৱিলীনং কুৰু তে পদাব্জে ॥ 7 ॥
কৰ্পূৰকৈলাদিসুৱাসিতং তু
সুকল্পিতং তোযমথো গৃহাণ ।
আচম্য তেনৈৱ গজানন ত্ৱং
কৃপাকটাক্ষেণ ৱিলোকযাশু ॥ 8 ॥
প্ৰৱালমুক্তাফলহাটকাদ্যৈঃ
সুসংস্কৃতং হ্যন্তৰভাৱকেন ।
অনৰ্ঘ্যমৰ্ঘ্যং সফলং কুৰুষ্ৱ
মযা প্ৰদত্তং গণৰাজ ঢুণ্ঢে ॥ 9 ॥
সৌগন্ধ্যযুক্তং মধুপৰ্কমাদ্যং
সঙ্কল্পিতং ভাৱযুতং গৃহাণ ।
পুনস্তথাচম্য ৱিনাযক ত্ৱং
ভক্তাংশ্চ ভক্তেশ সুৰক্ষযাশু ॥ 10 ॥
সুৱাসিতং চম্পকজাতিকাদ্যৈ-
-স্তৈলং মযা কল্পিতমেৱ ঢুণ্ঢে ।
গৃহাণ তেন প্ৰৱিমৰ্দযামি
সৰ্ৱাঙ্গমেৱং তৱ সেৱনায ॥ 11 ॥
ততঃ সুখোষ্ণেন জলেন চাহ-
-মনেকতীৰ্থাহৃতকেন ঢুণ্ঢে ।
চিত্তেন শুদ্ধেন চ স্নাপযামি
স্নানং মযা দত্তমথো গৃহাণ ॥ 12 ॥
ততঃ পযঃস্নানমচিন্ত্যভাৱ
গৃহাণ তোযস্য তথা গণেশ ।
পুনৰ্দধিস্নানমনাময ত্ৱং
চিত্তেন দত্তং চ জলস্য চৈৱ ॥ 13 ॥
ততো ঘৃতস্নানমপাৰৱন্দ্য
সুতীৰ্থজং ৱিঘ্নহৰ প্ৰসীদ ।
গৃহাণ চিত্তেন সুকল্পিতং তু
ততো মধুস্নানমথো জলস্য ॥ 14 ॥
সুশৰ্কৰাযুক্তমথো গৃহাণ
স্নানং মযা কল্পিতমেৱ ঢুণ্ঢে ।
ততো জলস্নানমঘাপহন্তৃ
ৱিঘ্নেশ মাযাভ্ৰমং ৱাৰযাশু ॥ 15 ॥
সুযক্ষপঙ্কস্থমথো গৃহাণ
স্নানং পৰেশাধিপতে ততশ্চ ।
কৌমণ্ডলীসম্ভৱজং কুৰুষ্ৱ
ৱিশুদ্ধমেৱং পৰিকল্পিতং তু ॥ 16 ॥
ততস্তু সূক্তৈৰ্মনসা গণেশং
সম্পূজ্য দূৰ্ৱাদিভিৰল্পভাৱৈঃ ।
অপাৰকৈৰ্মণ্ডলভূতব্ৰহ্ম-
-ণস্পত্যকৈস্তং হ্যভিষেচযামি ॥ 17 ॥
ততঃ সুৱস্ত্ৰেণ তু প্ৰোঞ্ছনং ত্ৱং
গৃহাণ চিত্তেন মযা সুকল্পিতম্ ।
ততো ৱিশুদ্ধেন জলেন ঢুণ্ঢে
হ্যাচান্তমেৱং কুৰু ৱিঘ্নৰাজ ॥ 18 ॥
অগ্নৌ ৱিশুদ্ধে তু গৃহাণ ৱস্ত্ৰে
হ্যনৰ্ঘ্যমৌল্যে মনসা মযা তে ।
দত্তে পৰিচ্ছাদ্য নিজাত্মদেহং
তাভ্যাং মযূৰেশ জনাংশ্চ পালয ॥ 19 ॥
আচম্য ৱিঘ্নেশ পুনস্তথৈৱ
চিত্তেন দত্তং মুখমুত্তৰীযম্ ।
গৃহাণ ভক্তপ্ৰতিপালক ত্ৱং
নমো যথা তাৰকসংযুতং তু ॥ 20 ॥
যজ্ঞোপৱীতং ত্ৰিগুণস্ৱৰূপং
সৌৱৰ্ণমেৱং হ্যহিনাথভূতম্ ।
ভাৱেন দত্তং গণনাথ তত্ত্ৱং
গৃহাণ ভক্তোদ্ধৃতিকাৰণায ॥ 21 ॥
আচান্তমেৱং মনসা প্ৰদত্তং
কুৰুষ্ৱ শুদ্ধেন জলেন ঢুণ্ঢে ।
পুনশ্চ কৌমণ্ডলকেন পাহি ৱিশ্ৱং
প্ৰভো খেলকৰং সদা তে ॥ 22 ॥
উদ্যদ্দিনেশাভমথো গৃহাণ
সিন্দূৰকং তে মনসা প্ৰদত্তম্ ।
সৰ্ৱাঙ্গসংলেপনমাদৰাদ্ৱৈ
কুৰুষ্ৱ হেৰম্ব চ তেন পূৰ্ণম্ ॥ 23 ॥
সহস্ৰশীৰ্ষং মনসা মযা ত্ৱং
দত্তং কিৰীটং তু সুৱৰ্ণজং ৱৈ ।
অনেকৰত্নৈঃ খচিতং গৃহাণ
ব্ৰহ্মেশ তে মস্তকশোভনায ॥ 24 ॥
ৱিচিত্ৰৰত্নৈঃ কনকেন ঢুণ্ঢে
যুতানি চিত্তেন মযা পৰেশ ।
দত্তানি নানাপদকুণ্ডলানি
গৃহাণ শূৰ্পশ্ৰুতিভূষণায ॥ 25 ॥
শুণ্ডাৱিভূষাৰ্থমনন্তখেলিন্
সুৱৰ্ণজং কঞ্চুকমাগৃহাণ ।
ৰত্নৈশ্চ যুক্তং মনসা মযা য-
-দ্দত্তং প্ৰভো তত্সফলং কুৰুষ্ৱ ॥ 26 ॥
সুৱৰ্ণৰত্নৈশ্চ যুতানি ঢুণ্ঢে
সদৈকদন্তাভৰণানি কল্প্য ।
গৃহাণ চূডাকৃতযে পৰেশ
দত্তানি দন্তস্য চ শোভনাৰ্থম্ ॥ 27 ॥
ৰত্নৈঃ সুৱৰ্ণেন কৃতানি তানি
গৃহাণ চত্ৱাৰি মযা প্ৰকল্প্য ।
সম্ভূষয ত্ৱং কটকানি নাথ
চতুৰ্ভুজেষু হ্যজ ৱিঘ্নহাৰিন্ ॥ 28 ॥
ৱিচিত্ৰৰত্নৈঃ খচিতং সুৱৰ্ণ-
-সম্ভূতকং গৃহ্য মযা প্ৰদত্তম্ ।
তথাঙ্গুলীষ্ৱঙ্গুলিকং গণেশ
চিত্তেন সংশোভয তত্পৰেশ ॥ 29 ॥
ৱিচিত্ৰৰত্নৈঃ খচিতানি ঢুণ্ঢে
কেযূৰকাণি হ্যথ কল্পিতানি ।
সুৱৰ্ণজানি প্ৰমথাধিনাথ
গৃহাণ দত্তানি তু বাহুষু ত্ৱম্ ॥ 30 ॥
প্ৰৱালমুক্তাফলৰত্নজৈস্ত্ৱং
সুৱৰ্ণসূত্ৰৈশ্চ গৃহাণ কণ্ঠে ।
চিত্তেন দত্তা ৱিৱিধাশ্চ মালা
উৰোদৰে শোভয ৱিঘ্নৰাজ ॥ 31 ॥
চন্দ্ৰং ললাটে গণনাথ পূৰ্ণং
ৱৃদ্ধিক্ষযাভ্যাং তু ৱিহীনমাদ্যম্ ।
সংশোভয ত্ৱং ৱৰসংযুতং তে
ভক্তিপ্ৰিযত্ৱং প্ৰকটীকুৰুষ্ৱ ॥ 32 ॥
চিন্তামণিং চিন্তিতদং পৰেশ
হৃদ্দেশগং জ্যোতিৰ্মযং কুৰুষ্ৱ ।
মণিং সদানন্দসুখপ্ৰদং চ
ৱিঘ্নেশ দীনাৰ্থদ পালযস্ৱ ॥ 33 ॥
নাভৌ ফণীশং চ সহস্ৰশীৰ্ষং
সংৱেষ্টনেনৈৱ গণাধিনাথ ।
ভক্তং সুভূষং কুৰু ভূষণেন
ৱৰপ্ৰদানং সফলং পৰেশ ॥ 34 ॥
কটীতটে ৰত্নসুৱৰ্ণযুক্তাং
কাঞ্চীং সুচিত্তেন চ ধাৰযামি ।
ৱিঘ্নেশ জ্যোতিৰ্গণদীপনীং তে
প্ৰসীদ ভক্তং কুৰু মাং দযাব্ধে ॥ 35 ॥
হেৰম্ব তে ৰত্নসুৱৰ্ণযুক্তে
সুনূপুৰে মঞ্জিৰকে তথৈৱ ।
সুকিঙ্কিণীনাদযুতে সুবুদ্ধ্যা
সুপাদযোঃ শোভয মে প্ৰদত্তে ॥ 36 ॥
ইত্যাদি নানাৱিধভূষণানি
তৱেচ্ছযা মানসকল্পিতানি ।
সম্ভূষযাম্যেৱ ত্ৱদঙ্গকেষু
ৱিচিত্ৰধাতুপ্ৰভৱানি ঢুণ্ঢে ॥ 37 ॥
সুচন্দনং ৰক্তমমোঘৱীৰ্যং
সুঘৰ্ষিতং হ্যষ্টকগন্ধমুখ্যৈঃ ।
যুক্তং মযা কল্পিতমেকদন্ত
গৃহাণ তে ত্ৱঙ্গৱিলেপনাৰ্থম্ ॥ 38 ॥
লিপ্তেষু ৱৈচিত্ৰ্যমথাষ্টগন্ধৈ-
-ৰঙ্গেষু তেঽহং প্ৰকৰোমি চিত্ৰম্ ।
প্ৰসীদ চিত্তেন ৱিনাযক ত্ৱং
ততঃ সুৰক্তং ৰৱিমেৱ ফালে ॥ 39 ॥
ঘৃতেন ৱৈ কুঙ্কুমকেন ৰক্তান্
সুতণ্ডুলাংস্তে পৰিকল্পযামি ।
ফালে গণাধ্যক্ষ গৃহাণ পাহি
ভক্তান্ সুভক্তিপ্ৰিয দীনবন্ধো ॥ 40 ॥
গৃহাণ ভো চম্পকমালতীনি
জলপঙ্কজানি স্থলপঙ্কজানি ।
চিত্তেন দত্তানি চ মল্লিকানি
পুষ্পাণি নানাৱিধৱৃক্ষজানি ॥ 41 ॥
পুষ্পোপৰি ত্ৱং মনসা গৃহাণ
হেৰম্ব মন্দাৰশমীদলানি ।
মযা সুচিত্তেন প্ৰকল্পিতানি
হ্যপাৰকাণি প্ৰণৱাকৃতে তু ॥ 42 ॥
দূৰ্ৱাঙ্কুৰান্ৱৈ মনসা প্ৰদত্তাং-
-স্ত্ৰিপঞ্চপত্ৰৈৰ্যুতকাংশ্চ স্নিগ্ধান্ ।
গৃহাণ ৱিঘ্নেশ্ৱৰ সঙ্খ্যযা ত্ৱং
হীনাংশ্চ সৰ্ৱোপৰি ৱক্ৰতুণ্ড ॥ 43 ॥
দশাঙ্গভূতং মনসা মযা তে
ধূপং প্ৰদত্তং গণৰাজ ঢুণ্ঢে ।
গৃহাণ সৌৰভ্যকৰং পৰেশ
সিদ্ধ্যা চ বুদ্ধ্যা সহ ভক্তপাল ॥ 44 ॥
দীপং সুৱৰ্ত্যা যুতমাদৰাত্তে
দত্তং মযা মানসকং গণেশ ।
গৃহাণ নানাৱিধজং ঘৃতাদি-
-তৈলাদিসম্ভূতমমোঘদৃষ্টে ॥ 45 ॥
ভোজ্যং চ লেহ্যং গণৰাজ পেযং
চোষ্যং চ নানাৱিধষড্ৰসাঢ্যম্ ।
গৃহাণ নৈৱেদ্যমথো মযা তে
সুকল্পিতং পুষ্টিপতে মহাত্মন্ ॥ 46 ॥
সুৱাসিতং ভোজনমধ্যভাগে
জলং মযা দত্তমথো গৃহাণ ।
কমণ্ডলুস্থং মনসা গণেশ
পিবস্ৱ ৱিশ্ৱাদিকতৃপ্তিকাৰিন্ ॥ 47 ॥
ততঃ কৰোদ্ৱৰ্তনকং গৃহাণ
সৌগন্ধ্যযুক্তং মুখমাৰ্জনায ।
সুৱাসিতেনৈৱ সুতীৰ্থজেন
সুকল্পিতং নাথ গৃহাণ ঢুণ্ঢে ॥ 48 ॥
পুনস্তথাচম্য সুৱাসিতং চ
দত্তং মযা তীৰ্থজলং পিবস্ৱ ।
প্ৰকল্প্য ৱিঘ্নেশ ততঃ পৰং তে
সম্প্ৰোঞ্ছনং হস্তমুখে কৰোমি ॥ 49 ॥
দ্ৰাক্ষাদিৰম্ভাফলচূতকানি
খাৰ্জূৰকাৰ্কন্ধুকদাডিমানি ।
সুস্ৱাদযুক্তানি মযা প্ৰকল্প্য
গৃহাণ দত্তানি ফলানি ঢুণ্ঢে ॥ 50 ॥
পুনৰ্জলেনৈৱ কৰাদিকং তে
সঙ্ক্ষালযামি মনসা গণেশ ।
সুৱাসিতং তোযমথো পিবস্ৱ
মযা প্ৰদত্তং মনসা পৰেশ ॥ 51 ॥
অষ্টাঙ্গযুক্তং গণনাথ দত্তং
তাম্বূলকং তে মনসা মযা ৱৈ ।
গৃহাণ ৱিঘ্নেশ্ৱৰ ভাৱযুক্তং
সদা সকৃত্তুণ্ডৱিশোধনাৰ্থম্ ॥ 52 ॥
ততো মযা কল্পিতকে গণেশ
মহাসনে ৰত্নসুৱৰ্ণযুক্তে ।
মন্দাৰকাৰ্পাসকযুক্তৱস্ত্ৰৈ-
-ৰনৰ্ঘ্যসঞ্ছাদিতকে প্ৰসীদ ॥ 53 ॥
ততস্ত্ৱদীযাৱৰণং পৰেশ
সম্পূজযামি মনসা যথাৱত্ ।
নানোপচাৰৈঃ পৰমপ্ৰিযৈস্তু
ত্ৱত্প্ৰীতিকামাৰ্থমনাথবন্ধো ॥ 54 ॥
গৃহাণ লম্বোদৰ দক্ষিণাং তে
হ্যসঙ্খ্যভূতাং মনসা প্ৰদত্তাম্ ।
সৌৱৰ্ণমুদ্ৰাদিকমুখ্যভাৱাং
পাহি প্ৰভো ৱিশ্ৱমিদং গণেশ ॥ 55 ॥
ৰাজোপচাৰান্ৱিৱিধান্গৃহাণ
হস্ত্যশ্ৱছত্ৰাদিকমাদৰাদ্ৱৈ ।
চিত্তেন দত্তান্ গণনাথ ঢুণ্ঢে
হ্যপাৰসঙ্খ্যান্ স্থিৰজঙ্গমাংস্তে ॥ 56 ॥
দানায নানাৱিধৰূপকাংস্তে
গৃহাণ দত্তান্মনসা মযা ৱৈ ।
পদাৰ্থভূতান্ স্থিৰজঙ্গমাংশ্চ
হেৰম্ব মাং তাৰয মোহভাৱাত্ ॥ 57 ॥
মন্দাৰপুষ্পাণি শমীদলানি
দূৰ্ৱাঙ্কুৰাংস্তে মনসা দদামি ।
হেৰম্ব লম্বোদৰ দীনপাল
গৃহাণ ভক্তং কুৰু মাং পদে তে ॥ 58 ॥
ততো হৰিদ্ৰামবিৰং গুলালং
সিন্দূৰকং তে পৰিকল্পযামি ।
সুৱাসিতং ৱস্তু সুৱাসভূতৈ-
-ৰ্গৃহাণ ব্ৰহ্মেশ্ৱৰ শোভনাৰ্থম্ ॥ 59 ॥
ততঃ শুকাদ্যাঃ শিৱৱিষ্ণুমুখ্যা
ইন্দ্ৰাদযঃ শেষমুখাস্তথান্যে ।
মুনীন্দ্ৰকাঃ সেৱকভাৱযুক্তাঃ
সভাসনস্থং প্ৰণমন্তি ঢুণ্ঢিম্ ॥ 60 ॥
ৱামাঙ্গকে শক্তিযুতা গণেশং
সিদ্ধিস্তু নানাৱিধসিদ্ধিভিস্তম্ ।
অত্যন্তভাৱেন সুসেৱতে তু
মাযাস্ৱৰূপা পৰমাৰ্থভূতা ॥ 61 ॥
গণেশ্ৱৰং দক্ষিণভাগসংস্থা
বুদ্ধিঃ কলাভিশ্চ সুবোধিকাভিঃ ।
ৱিদ্যাভিৰেৱং ভজতে পৰেশ
মাযাসু সাঙ্খ্যপ্ৰদচিত্তৰূপাঃ ॥ 62 ॥
প্ৰমোদমোদাদযঃ পৃষ্ঠভাগে
গণেশ্ৱৰং ভাৱযুতা ভজন্তে ।
ভক্তেশ্ৱৰা মুদ্গলশম্ভুমুখ্যাঃ
শুকাদযস্তং স্ম পুৰো ভজন্তে ॥ 63 ॥
গন্ধৰ্ৱমুখ্যা মধুৰং জগুশ্চ
গণেশগীতং ৱিৱিধস্ৱৰূপম্ ।
নৃত্যং কলাযুক্তমথো পুৰস্তা-
-চ্চক্ৰুস্তথা হ্যপ্সৰসো ৱিচিত্ৰম্ ॥ 64 ॥
ইত্যাদিনানাৱিধভাৱযুক্তৈঃ
সংসেৱিতং ৱিঘ্নপতিং ভজামি ।
চিত্তেন ধ্যাত্ৱা তু নিৰঞ্জনং ৱৈ
কৰোমি নানাৱিধদীপযুক্তম্ ॥ 65 ॥
চতুৰ্ভুজং পাশধৰং গণেশং
তথাঙ্কুশং দন্তযুতং তমেৱম্ ।
ত্ৰিনেত্ৰযুক্তং ত্ৱভযঙ্কৰং তং
মহোদৰং চৈকৰদং গজাস্যম্ ॥ 66 ॥
সৰ্পোপৱীতং গজকৰ্ণধাৰং
ৱিভূতিভিঃ সেৱিতপাদপদ্মম্ ।
ধ্যাযেদ্গণেশং ৱিৱিধপ্ৰকাৰৈঃ
সুপূজিতং শক্তিযুতং পৰেশম্ ॥ 67 ॥
ততো জপং ৱৈ মনসা কৰোমি
স্ৱমূলমন্ত্ৰস্য ৱিধানযুক্তম্ ।
অসঙ্খ্যভূতং গণৰাজ হস্তে
সমৰ্পযাম্যেৱ গৃহাণ ঢুণ্ঢে ॥ 68 ॥
আৰাৰ্তিকাং কৰ্পূৰকাদিভূতা-
-মপাৰদীপাং প্ৰকৰোমি পূৰ্ণাম্ ।
চিত্তেন লম্বোদৰ তাং গৃহাণ
হ্যজ্ঞানধ্ৱান্তাঘহৰাং নিজানাম্ ॥ 69 ॥
ৱেদেষু ৱিঘ্নেশ্ৱৰকৈঃ সুমন্ত্ৰৈঃ
সুমন্ত্ৰিতং পুষ্পদলং প্ৰভূতম্ ।
গৃহাণ চিত্তেন মযা প্ৰদত্ত-
-মপাৰৱৃত্ত্যা ত্ৱথ মন্ত্ৰপুষ্পম্ ॥ 70 ॥
অপাৰৱৃত্যা স্তুতিমেকদন্তং
গৃহাণ চিত্তেন কৃতাং গণেশ ।
যুক্তাং শ্ৰুতিস্মাৰ্তভৱৈঃ পুৰাণৈঃ
সৰ্ৱৈঃ পৰেশাধিপতে মযা তে ॥ 71 ॥
প্ৰদক্ষিণা মানসকল্পিতাস্তা
গৃহাণ লম্বোদৰ ভাৱযুক্তাঃ ।
সঙ্খ্যাৱিহীনা ৱিৱিধস্ৱৰূপা
ভক্তান্ সদা ৰক্ষ ভৱাৰ্ণৱাদ্ৱৈ ॥ 72 ॥
নতিং ততো ৱিঘ্নপতে গৃহাণ
সাষ্টাঙ্গকাদ্যাং ৱিৱিধস্ৱৰূপাম্ ।
সঙ্খ্যাৱিহীনাং মনসা কৃতাং তে
সিদ্ধ্যা চ বুদ্ধ্যা পৰিপালযাশু ॥ 73 ॥
ন্যূনাতিৰিক্তং তু মযা কৃতং চে-
-ত্তদৰ্থমন্তে মনসা গৃহাণ ।
দূৰ্ৱাঙ্কুৰান্ৱিঘ্নপতে প্ৰদত্তান্
সম্পূৰ্ণমেৱং কুৰু পূজনং মে ॥ 74 ॥
ক্ষমস্ৱ ৱিঘ্নাধিপতে মদীযান্
সদাপৰাধান্ ৱিৱিধস্ৱৰূপান্ ।
ভক্তিং মদীযাং সফলাং কুৰুষ্ৱ
সম্প্ৰাৰ্থযামি মনসা গণেশ ॥ 75 ॥
ততঃ প্ৰসন্নেন গজাননেন
দত্তং প্ৰসাদং শিৰসাভিৱন্দ্য ।
স্ৱমস্তকে তং পৰিধাৰযামি
চিত্তেন ৱিঘ্নেশ্ৱৰমানতোঽস্মি ॥ 76 ॥
উত্থায ৱিঘ্নেশ্ৱৰ এৱ তস্মা-
-দ্গতস্ততস্ত্ৱন্তৰধানশক্ত্যা ।
শিৱাদযস্তং প্ৰণিপত্য সৰ্ৱে
গতাঃ সুচিত্তেন চ চিন্তযামি ॥ 77 ॥
সৰ্ৱান্নমস্কৃত্য ততোঽহমেৱ
ভজামি চিত্তেন গণাধিপং তম্ ।
স্ৱস্থানমাগত্য মহানুভাৱৈ-
-ৰ্ভক্তৈৰ্গণেশস্য চ খেলযামি ॥ 78 ॥
এৱং ত্ৰিকালেষু গণাধিপং তং
চিত্তেন নিত্যং পৰিপূজযামি ।
তেনৈৱ তুষ্টঃ প্ৰদদাতু ভাৱং
ৱিশ্ৱেশ্ৱৰো ভক্তিমযং তু মহ্যম্ ॥ 79 ॥
গণেশপাদোদকপানকং চ
হ্যুচ্ছিষ্টগন্ধস্য সুলেপনং তু ।
নিৰ্মাল্যসন্ধাৰণকং সুভোজ্যং
লম্বোদৰস্যাস্তু হি ভুক্তশেষম্ ॥ 80 ॥
যং যং কৰোম্যেৱ তদেৱ দীক্ষা
গণেশ্ৱৰস্যাস্তু সদা গণেশ ।
প্ৰসীদ নিত্যং তৱ পাদভক্তং
কুৰুষ্ৱ মাং ব্ৰহ্মপতে দযালো ॥ 81 ॥
ততস্তু শয্যাং পৰিকল্পযামি
মন্দাৰকাৰ্পাসকৱস্ত্ৰযুক্তাম্ ।
সুৱাসপুষ্পাদিভিৰৰ্চিতাং
তে গৃহাণ নিদ্ৰাং কুৰু ৱিঘ্নৰাজ ॥ 82 ॥
সিদ্ধ্যা চ বুদ্ধ্যা সহিতং গণেশ
সুনিদ্ৰিতং ৱীক্ষ্য তথাহমেৱ ।
গত্ৱা স্ৱৱাসং চ কৰোমি নিদ্ৰাং
ধ্যাত্ৱা হৃদি ব্ৰহ্মপতিং তদীযঃ ॥ 83 ॥
এতাদৃশং সৌখ্যমমোঘশক্তে
দেহি প্ৰভো মানসজং গণেশ ।
মহ্যং চ তেনৈৱ কৃতাৰ্থৰূপো
ভৱামি ভক্তিৰসলালসোঽহম্ ॥ 84 ॥
গাৰ্গ্য উৱাচ।
এৱং নিত্যং মহাৰাজ গৃত্সমদো মহাযশাঃ ।
চকাৰ মানসীং পূজাং যোগীন্দ্ৰাণাং গুৰুঃ স্ৱযম্ ॥ 85 ॥
য এতাং মানসীং পূজাং কৰিষ্যতি নৰোত্তমঃ ।
পঠিষ্যতি সদা সোঽপি গাণপত্যো ভৱিষ্যতি ॥ 86 ॥
শ্ৰাৱযিষ্যতি যো মৰ্ত্যঃ শ্ৰোষ্যতে ভাৱসংযুতঃ ।
স ক্ৰমেণ মহীপাল ব্ৰহ্মভূতো ভৱিষ্যতি ॥ 87 ॥
যং যমিচ্ছতি তং তং ৱৈ সফলং তস্য জাযতে ।
অন্তে স্ৱানন্দগঃ সোঽপি যোগিৱন্দ্যো ভৱিষ্যতি ॥ 88 ॥
ইতি শ্ৰীমদান্ত্যে মৌদ্গল্যে গণেশমানসপূজা সম্পূৰ্ণম্ ।

More Ganesha Stotras

गणेश मङ्गलाष्टकम्
Ganesha Mangalashtakam
गणेश पञ्चरत्नम्
Ganesha Pancharatnam
श्री गणेश प्रातः स्मरणम्
Sri Ganesa Pratah Smaranam
गणेश षोडश नामावलि, षोडशनाम स्तोत्रम्
Ganesha Shodasha Namavali
श्री वाल्मीकि कृत श्रीगणेश स्तोत्र
Ganesha Stavan Hymns to Lord Ganesha
गणेश वज्र पञ्जर स्तोत्रम्
Ganesha Vajra Panjara Stotram
श्रीगनपति भज प्रगट पार्वती
Ganpati Ji Ki Aarti
हेरम्ब स्तोत्रम्
Heramba Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome