What is Ganesha Manasa Puja in Gujarati?

Read Ganesha Manasa Puja in Gujarati script — full lyrics with English meaning and transliteration. Ganesha Manasa Puja is a profound devotional composition that invites the practitioner to perform an elaborate ritual of worship entirely within the mind. By visualizing the awakening, bathing, decorating, and offering of food to Lord Ganesha, the devotee transcends physical limitations to connect with the divine. This internal meditation serves to purify the practitioner's consciousness, remove psychological obstacles, and cultivate deep focus. Chanting these verses helps harmonize the mind, instilling inner peace and divine grace, ultimately leading to spiritual clarity and the removal of worldly impediments through the blessings of the Lord of Beginnings.

Which deity is Ganesha Manasa Puja in Gujarati dedicated to?

Ganesha Manasa Puja in Gujarati is a Sanskrit hymn dedicated to Lord Ganesha.

Ganesha Manasa Puja in Gujarati - Sanskrit Text & Meaning

વિઘ્નેશવીર્યાણિ વિચિત્રકાણિ
બન્દીજનૈર્માગધકૈઃ સ્મૃતાનિ ।
શ્રુત્વા સમુત્તિષ્ઠ ગજાનન ત્વં
બ્રાહ્મે જગન્મઙ્ગલકં કુરુષ્વ ॥ 1 ॥

એવં મયા પ્રાર્થિત વિઘ્નરાજ-
-શ્ચિત્તેન ચોત્થાય બહિર્ગણેશઃ ।
તં નિર્ગતં વીક્ષ્ય નમન્તિ દેવાઃ
શમ્ભ્વાદયો યોગિમુખાસ્તથાહમ્ ॥ 2 ॥

શૌચાદિકં તે પરિકલ્પયામિ
હેરમ્બ વૈ દન્તવિશુદ્ધિમેવમ્ ।
વસ્ત્રેણ સમ્પ્રોક્ષ્ય મુખારવિન્દં
દેવં સભાયાં વિનિવેશયામિ ॥ 3 ॥

દ્વિજાદિસર્વૈરભિવન્દિતં ચ
શુકાદિભિર્મોદસુમોદકાદ્યૈઃ ।
સમ્ભાષ્ય ચાલોક્ય સમુત્થિતં તં
સુમણ્ડપં કલ્પ્ય નિવેશયામિ ॥ 4 ॥

રત્નૈઃ સુદીપ્તૈઃ પ્રતિબિમ્બિતં તં
પશ્યામિ ચિત્તેન વિનાયકં ચ ।
તત્રાસનં રત્નસુવર્ણયુક્તં
સઙ્કલ્પ્ય દેવં વિનિવેશયામિ ॥ 5 ॥

સિદ્ધ્યા ચ બુદ્ધ્યા સહ વિઘ્નરાજ
પાદ્યં કુરુ પ્રેમભરેણ સર્વૈઃ ।
સુવાસિતં નીરમથો ગૃહાણ
ચિત્તેન દત્તં ચ સુખોષ્ણભાવમ્ ॥ 6 ॥

તતઃ સુવસ્ત્રેણ ગણેશમાદૌ
સમ્પ્રોક્ષ્ય દૂર્વાદિભિરર્ચયામિ ।
ચિત્તેન ભાવપ્રિય દીનબન્ધો
મનો વિલીનં કુરુ તે પદાબ્જે ॥ 7 ॥

કર્પૂરકૈલાદિસુવાસિતં તુ
સુકલ્પિતં તોયમથો ગૃહાણ ।
આચમ્ય તેનૈવ ગજાનન ત્વં
કૃપાકટાક્ષેણ વિલોકયાશુ ॥ 8 ॥

પ્રવાલમુક્તાફલહાટકાદ્યૈઃ
સુસંસ્કૃતં હ્યન્તરભાવકેન ।
અનર્ઘ્યમર્ઘ્યં સફલં કુરુષ્વ
મયા પ્રદત્તં ગણરાજ ઢુણ્ઢે ॥ 9 ॥

સૌગન્ધ્યયુક્તં મધુપર્કમાદ્યં
સઙ્કલ્પિતં ભાવયુતં ગૃહાણ ।
પુનસ્તથાચમ્ય વિનાયક ત્વં
ભક્તાંશ્ચ ભક્તેશ સુરક્ષયાશુ ॥ 10 ॥

સુવાસિતં ચમ્પકજાતિકાદ્યૈ-
-સ્તૈલં મયા કલ્પિતમેવ ઢુણ્ઢે ।
ગૃહાણ તેન પ્રવિમર્દયામિ
સર્વાઙ્ગમેવં તવ સેવનાય ॥ 11 ॥

તતઃ સુખોષ્ણેન જલેન ચાહ-
-મનેકતીર્થાહૃતકેન ઢુણ્ઢે ।
ચિત્તેન શુદ્ધેન ચ સ્નાપયામિ
સ્નાનં મયા દત્તમથો ગૃહાણ ॥ 12 ॥

તતઃ પયઃસ્નાનમચિન્ત્યભાવ
ગૃહાણ તોયસ્ય તથા ગણેશ ।
પુનર્દધિસ્નાનમનામય ત્વં
ચિત્તેન દત્તં ચ જલસ્ય ચૈવ ॥ 13 ॥

તતો ઘૃતસ્નાનમપારવન્દ્ય
સુતીર્થજં વિઘ્નહર પ્રસીદ ।
ગૃહાણ ચિત્તેન સુકલ્પિતં તુ
તતો મધુસ્નાનમથો જલસ્ય ॥ 14 ॥

સુશર્કરાયુક્તમથો ગૃહાણ
સ્નાનં મયા કલ્પિતમેવ ઢુણ્ઢે ।
તતો જલસ્નાનમઘાપહન્તૃ
વિઘ્નેશ માયાભ્રમં વારયાશુ ॥ 15 ॥

સુયક્ષપઙ્કસ્થમથો ગૃહાણ
સ્નાનં પરેશાધિપતે તતશ્ચ ।
કૌમણ્ડલીસમ્ભવજં કુરુષ્વ
વિશુદ્ધમેવં પરિકલ્પિતં તુ ॥ 16 ॥

તતસ્તુ સૂક્તૈર્મનસા ગણેશં
સમ્પૂજ્ય દૂર્વાદિભિરલ્પભાવૈઃ ।
અપારકૈર્મણ્ડલભૂતબ્રહ્મ-
-ણસ્પત્યકૈસ્તં હ્યભિષેચયામિ ॥ 17 ॥

તતઃ સુવસ્ત્રેણ તુ પ્રોઞ્છનં ત્વં
ગૃહાણ ચિત્તેન મયા સુકલ્પિતમ્ ।
તતો વિશુદ્ધેન જલેન ઢુણ્ઢે
હ્યાચાન્તમેવં કુરુ વિઘ્નરાજ ॥ 18 ॥

અગ્નૌ વિશુદ્ધે તુ ગૃહાણ વસ્ત્રે
હ્યનર્ઘ્યમૌલ્યે મનસા મયા તે ।
દત્તે પરિચ્છાદ્ય નિજાત્મદેહં
તાભ્યાં મયૂરેશ જનાંશ્ચ પાલય ॥ 19 ॥

આચમ્ય વિઘ્નેશ પુનસ્તથૈવ
ચિત્તેન દત્તં મુખમુત્તરીયમ્ ।
ગૃહાણ ભક્તપ્રતિપાલક ત્વં
નમો યથા તારકસંયુતં તુ ॥ 20 ॥

યજ્ઞોપવીતં ત્રિગુણસ્વરૂપં
સૌવર્ણમેવં હ્યહિનાથભૂતમ્ ।
ભાવેન દત્તં ગણનાથ તત્ત્વં
ગૃહાણ ભક્તોદ્ધૃતિકારણાય ॥ 21 ॥

આચાન્તમેવં મનસા પ્રદત્તં
કુરુષ્વ શુદ્ધેન જલેન ઢુણ્ઢે ।
પુનશ્ચ કૌમણ્ડલકેન પાહિ વિશ્વં
પ્રભો ખેલકરં સદા તે ॥ 22 ॥

ઉદ્યદ્દિનેશાભમથો ગૃહાણ
સિન્દૂરકં તે મનસા પ્રદત્તમ્ ।
સર્વાઙ્ગસંલેપનમાદરાદ્વૈ
કુરુષ્વ હેરમ્બ ચ તેન પૂર્ણમ્ ॥ 23 ॥

સહસ્રશીર્ષં મનસા મયા ત્વં
દત્તં કિરીટં તુ સુવર્ણજં વૈ ।
અનેકરત્નૈઃ ખચિતં ગૃહાણ
બ્રહ્મેશ તે મસ્તકશોભનાય ॥ 24 ॥

વિચિત્રરત્નૈઃ કનકેન ઢુણ્ઢે
યુતાનિ ચિત્તેન મયા પરેશ ।
દત્તાનિ નાનાપદકુણ્ડલાનિ
ગૃહાણ શૂર્પશ્રુતિભૂષણાય ॥ 25 ॥

શુણ્ડાવિભૂષાર્થમનન્તખેલિન્
સુવર્ણજં કઞ્ચુકમાગૃહાણ ।
રત્નૈશ્ચ યુક્તં મનસા મયા ય-
-દ્દત્તં પ્રભો તત્સફલં કુરુષ્વ ॥ 26 ॥

સુવર્ણરત્નૈશ્ચ યુતાનિ ઢુણ્ઢે
સદૈકદન્તાભરણાનિ કલ્પ્ય ।
ગૃહાણ ચૂડાકૃતયે પરેશ
દત્તાનિ દન્તસ્ય ચ શોભનાર્થમ્ ॥ 27 ॥

રત્નૈઃ સુવર્ણેન કૃતાનિ તાનિ
ગૃહાણ ચત્વારિ મયા પ્રકલ્પ્ય ।
સમ્ભૂષય ત્વં કટકાનિ નાથ
ચતુર્ભુજેષુ હ્યજ વિઘ્નહારિન્ ॥ 28 ॥

વિચિત્રરત્નૈઃ ખચિતં સુવર્ણ-
-સમ્ભૂતકં ગૃહ્ય મયા પ્રદત્તમ્ ।
તથાઙ્ગુલીષ્વઙ્ગુલિકં ગણેશ
ચિત્તેન સંશોભય તત્પરેશ ॥ 29 ॥

વિચિત્રરત્નૈઃ ખચિતાનિ ઢુણ્ઢે
કેયૂરકાણિ હ્યથ કલ્પિતાનિ ।
સુવર્ણજાનિ પ્રમથાધિનાથ
ગૃહાણ દત્તાનિ તુ બાહુષુ ત્વમ્ ॥ 30 ॥

પ્રવાલમુક્તાફલરત્નજૈસ્ત્વં
સુવર્ણસૂત્રૈશ્ચ ગૃહાણ કણ્ઠે ।
ચિત્તેન દત્તા વિવિધાશ્ચ માલા
ઉરોદરે શોભય વિઘ્નરાજ ॥ 31 ॥

ચન્દ્રં લલાટે ગણનાથ પૂર્ણં
વૃદ્ધિક્ષયાભ્યાં તુ વિહીનમાદ્યમ્ ।
સંશોભય ત્વં વરસંયુતં તે
ભક્તિપ્રિયત્વં પ્રકટીકુરુષ્વ ॥ 32 ॥

ચિન્તામણિં ચિન્તિતદં પરેશ
હૃદ્દેશગં જ્યોતિર્મયં કુરુષ્વ ।
મણિં સદાનન્દસુખપ્રદં ચ
વિઘ્નેશ દીનાર્થદ પાલયસ્વ ॥ 33 ॥

નાભૌ ફણીશં ચ સહસ્રશીર્ષં
સંવેષ્ટનેનૈવ ગણાધિનાથ ।
ભક્તં સુભૂષં કુરુ ભૂષણેન
વરપ્રદાનં સફલં પરેશ ॥ 34 ॥

કટીતટે રત્નસુવર્ણયુક્તાં
કાઞ્ચીં સુચિત્તેન ચ ધારયામિ ।
વિઘ્નેશ જ્યોતિર્ગણદીપનીં તે
પ્રસીદ ભક્તં કુરુ માં દયાબ્ધે ॥ 35 ॥

હેરમ્બ તે રત્નસુવર્ણયુક્તે
સુનૂપુરે મઞ્જિરકે તથૈવ ।
સુકિઙ્કિણીનાદયુતે સુબુદ્ધ્યા
સુપાદયોઃ શોભય મે પ્રદત્તે ॥ 36 ॥

ઇત્યાદિ નાનાવિધભૂષણાનિ
તવેચ્છયા માનસકલ્પિતાનિ ।
સમ્ભૂષયામ્યેવ ત્વદઙ્ગકેષુ
વિચિત્રધાતુપ્રભવાનિ ઢુણ્ઢે ॥ 37 ॥

સુચન્દનં રક્તમમોઘવીર્યં
સુઘર્ષિતં હ્યષ્ટકગન્ધમુખ્યૈઃ ।
યુક્તં મયા કલ્પિતમેકદન્ત
ગૃહાણ તે ત્વઙ્ગવિલેપનાર્થમ્ ॥ 38 ॥

લિપ્તેષુ વૈચિત્ર્યમથાષ્ટગન્ધૈ-
-રઙ્ગેષુ તેઽહં પ્રકરોમિ ચિત્રમ્ ।
પ્રસીદ ચિત્તેન વિનાયક ત્વં
તતઃ સુરક્તં રવિમેવ ફાલે ॥ 39 ॥

ઘૃતેન વૈ કુઙ્કુમકેન રક્તાન્
સુતણ્ડુલાંસ્તે પરિકલ્પયામિ ।
ફાલે ગણાધ્યક્ષ ગૃહાણ પાહિ
ભક્તાન્ સુભક્તિપ્રિય દીનબન્ધો ॥ 40 ॥

ગૃહાણ ભો ચમ્પકમાલતીનિ
જલપઙ્કજાનિ સ્થલપઙ્કજાનિ ।
ચિત્તેન દત્તાનિ ચ મલ્લિકાનિ
પુષ્પાણિ નાનાવિધવૃક્ષજાનિ ॥ 41 ॥

પુષ્પોપરિ ત્વં મનસા ગૃહાણ
હેરમ્બ મન્દારશમીદલાનિ ।
મયા સુચિત્તેન પ્રકલ્પિતાનિ
હ્યપારકાણિ પ્રણવાકૃતે તુ ॥ 42 ॥

દૂર્વાઙ્કુરાન્વૈ મનસા પ્રદત્તાં-
-સ્ત્રિપઞ્ચપત્રૈર્યુતકાંશ્ચ સ્નિગ્ધાન્ ।
ગૃહાણ વિઘ્નેશ્વર સઙ્ખ્યયા ત્વં
હીનાંશ્ચ સર્વોપરિ વક્રતુણ્ડ ॥ 43 ॥

દશાઙ્ગભૂતં મનસા મયા તે
ધૂપં પ્રદત્તં ગણરાજ ઢુણ્ઢે ।
ગૃહાણ સૌરભ્યકરં પરેશ
સિદ્ધ્યા ચ બુદ્ધ્યા સહ ભક્તપાલ ॥ 44 ॥

દીપં સુવર્ત્યા યુતમાદરાત્તે
દત્તં મયા માનસકં ગણેશ ।
ગૃહાણ નાનાવિધજં ઘૃતાદિ-
-તૈલાદિસમ્ભૂતમમોઘદૃષ્ટે ॥ 45 ॥

ભોજ્યં ચ લેહ્યં ગણરાજ પેયં
ચોષ્યં ચ નાનાવિધષડ્રસાઢ્યમ્ ।
ગૃહાણ નૈવેદ્યમથો મયા તે
સુકલ્પિતં પુષ્ટિપતે મહાત્મન્ ॥ 46 ॥

સુવાસિતં ભોજનમધ્યભાગે
જલં મયા દત્તમથો ગૃહાણ ।
કમણ્ડલુસ્થં મનસા ગણેશ
પિબસ્વ વિશ્વાદિકતૃપ્તિકારિન્ ॥ 47 ॥

તતઃ કરોદ્વર્તનકં ગૃહાણ
સૌગન્ધ્યયુક્તં મુખમાર્જનાય ।
સુવાસિતેનૈવ સુતીર્થજેન
સુકલ્પિતં નાથ ગૃહાણ ઢુણ્ઢે ॥ 48 ॥

પુનસ્તથાચમ્ય સુવાસિતં ચ
દત્તં મયા તીર્થજલં પિબસ્વ ।
પ્રકલ્પ્ય વિઘ્નેશ તતઃ પરં તે
સમ્પ્રોઞ્છનં હસ્તમુખે કરોમિ ॥ 49 ॥

દ્રાક્ષાદિરમ્ભાફલચૂતકાનિ
ખાર્જૂરકાર્કન્ધુકદાડિમાનિ ।
સુસ્વાદયુક્તાનિ મયા પ્રકલ્પ્ય
ગૃહાણ દત્તાનિ ફલાનિ ઢુણ્ઢે ॥ 50 ॥

પુનર્જલેનૈવ કરાદિકં તે
સઙ્ક્ષાલયામિ મનસા ગણેશ ।
સુવાસિતં તોયમથો પિબસ્વ
મયા પ્રદત્તં મનસા પરેશ ॥ 51 ॥

અષ્ટાઙ્ગયુક્તં ગણનાથ દત્તં
તામ્બૂલકં તે મનસા મયા વૈ ।
ગૃહાણ વિઘ્નેશ્વર ભાવયુક્તં
સદા સકૃત્તુણ્ડવિશોધનાર્થમ્ ॥ 52 ॥

તતો મયા કલ્પિતકે ગણેશ
મહાસને રત્નસુવર્ણયુક્તે ।
મન્દારકાર્પાસકયુક્તવસ્ત્રૈ-
-રનર્ઘ્યસઞ્છાદિતકે પ્રસીદ ॥ 53 ॥

તતસ્ત્વદીયાવરણં પરેશ
સમ્પૂજયામિ મનસા યથાવત્ ।
નાનોપચારૈઃ પરમપ્રિયૈસ્તુ
ત્વત્પ્રીતિકામાર્થમનાથબન્ધો ॥ 54 ॥

ગૃહાણ લમ્બોદર દક્ષિણાં તે
હ્યસઙ્ખ્યભૂતાં મનસા પ્રદત્તામ્ ।
સૌવર્ણમુદ્રાદિકમુખ્યભાવાં
પાહિ પ્રભો વિશ્વમિદં ગણેશ ॥ 55 ॥

રાજોપચારાન્વિવિધાન્ગૃહાણ
હસ્ત્યશ્વછત્રાદિકમાદરાદ્વૈ ।
ચિત્તેન દત્તાન્ ગણનાથ ઢુણ્ઢે
હ્યપારસઙ્ખ્યાન્ સ્થિરજઙ્ગમાંસ્તે ॥ 56 ॥

દાનાય નાનાવિધરૂપકાંસ્તે
ગૃહાણ દત્તાન્મનસા મયા વૈ ।
પદાર્થભૂતાન્ સ્થિરજઙ્ગમાંશ્ચ
હેરમ્બ માં તારય મોહભાવાત્ ॥ 57 ॥

મન્દારપુષ્પાણિ શમીદલાનિ
દૂર્વાઙ્કુરાંસ્તે મનસા દદામિ ।
હેરમ્બ લમ્બોદર દીનપાલ
ગૃહાણ ભક્તં કુરુ માં પદે તે ॥ 58 ॥

તતો હરિદ્રામબિરં ગુલાલં
સિન્દૂરકં તે પરિકલ્પયામિ ।
સુવાસિતં વસ્તુ સુવાસભૂતૈ-
-ર્ગૃહાણ બ્રહ્મેશ્વર શોભનાર્થમ્ ॥ 59 ॥

તતઃ શુકાદ્યાઃ શિવવિષ્ણુમુખ્યા
ઇન્દ્રાદયઃ શેષમુખાસ્તથાન્યે ।
મુનીન્દ્રકાઃ સેવકભાવયુક્તાઃ
સભાસનસ્થં પ્રણમન્તિ ઢુણ્ઢિમ્ ॥ 60 ॥

વામાઙ્ગકે શક્તિયુતા ગણેશં
સિદ્ધિસ્તુ નાનાવિધસિદ્ધિભિસ્તમ્ ।
અત્યન્તભાવેન સુસેવતે તુ
માયાસ્વરૂપા પરમાર્થભૂતા ॥ 61 ॥

ગણેશ્વરં દક્ષિણભાગસંસ્થા
બુદ્ધિઃ કલાભિશ્ચ સુબોધિકાભિઃ ।
વિદ્યાભિરેવં ભજતે પરેશ
માયાસુ સાઙ્ખ્યપ્રદચિત્તરૂપાઃ ॥ 62 ॥

પ્રમોદમોદાદયઃ પૃષ્ઠભાગે
ગણેશ્વરં ભાવયુતા ભજન્તે ।
ભક્તેશ્વરા મુદ્ગલશમ્ભુમુખ્યાઃ
શુકાદયસ્તં સ્મ પુરો ભજન્તે ॥ 63 ॥

ગન્ધર્વમુખ્યા મધુરં જગુશ્ચ
ગણેશગીતં વિવિધસ્વરૂપમ્ ।
નૃત્યં કલાયુક્તમથો પુરસ્તા-
-ચ્ચક્રુસ્તથા હ્યપ્સરસો વિચિત્રમ્ ॥ 64 ॥

ઇત્યાદિનાનાવિધભાવયુક્તૈઃ
સંસેવિતં વિઘ્નપતિં ભજામિ ।
ચિત્તેન ધ્યાત્વા તુ નિરઞ્જનં વૈ
કરોમિ નાનાવિધદીપયુક્તમ્ ॥ 65 ॥

ચતુર્ભુજં પાશધરં ગણેશં
તથાઙ્કુશં દન્તયુતં તમેવમ્ ।
ત્રિનેત્રયુક્તં ત્વભયઙ્કરં તં
મહોદરં ચૈકરદં ગજાસ્યમ્ ॥ 66 ॥

સર્પોપવીતં ગજકર્ણધારં
વિભૂતિભિઃ સેવિતપાદપદ્મમ્ ।
ધ્યાયેદ્ગણેશં વિવિધપ્રકારૈઃ
સુપૂજિતં શક્તિયુતં પરેશમ્ ॥ 67 ॥

તતો જપં વૈ મનસા કરોમિ
સ્વમૂલમન્ત્રસ્ય વિધાનયુક્તમ્ ।
અસઙ્ખ્યભૂતં ગણરાજ હસ્તે
સમર્પયામ્યેવ ગૃહાણ ઢુણ્ઢે ॥ 68 ॥

આરાર્તિકાં કર્પૂરકાદિભૂતા-
-મપારદીપાં પ્રકરોમિ પૂર્ણામ્ ।
ચિત્તેન લમ્બોદર તાં ગૃહાણ
હ્યજ્ઞાનધ્વાન્તાઘહરાં નિજાનામ્ ॥ 69 ॥

વેદેષુ વિઘ્નેશ્વરકૈઃ સુમન્ત્રૈઃ
સુમન્ત્રિતં પુષ્પદલં પ્રભૂતમ્ ।
ગૃહાણ ચિત્તેન મયા પ્રદત્ત-
-મપારવૃત્ત્યા ત્વથ મન્ત્રપુષ્પમ્ ॥ 70 ॥

અપારવૃત્યા સ્તુતિમેકદન્તં
ગૃહાણ ચિત્તેન કૃતાં ગણેશ ।
યુક્તાં શ્રુતિસ્માર્તભવૈઃ પુરાણૈઃ
સર્વૈઃ પરેશાધિપતે મયા તે ॥ 71 ॥

પ્રદક્ષિણા માનસકલ્પિતાસ્તા
ગૃહાણ લમ્બોદર ભાવયુક્તાઃ ।
સઙ્ખ્યાવિહીના વિવિધસ્વરૂપા
ભક્તાન્ સદા રક્ષ ભવાર્ણવાદ્વૈ ॥ 72 ॥

નતિં તતો વિઘ્નપતે ગૃહાણ
સાષ્ટાઙ્ગકાદ્યાં વિવિધસ્વરૂપામ્ ।
સઙ્ખ્યાવિહીનાં મનસા કૃતાં તે
સિદ્ધ્યા ચ બુદ્ધ્યા પરિપાલયાશુ ॥ 73 ॥

ન્યૂનાતિરિક્તં તુ મયા કૃતં ચે-
-ત્તદર્થમન્તે મનસા ગૃહાણ ।
દૂર્વાઙ્કુરાન્વિઘ્નપતે પ્રદત્તાન્
સમ્પૂર્ણમેવં કુરુ પૂજનં મે ॥ 74 ॥

ક્ષમસ્વ વિઘ્નાધિપતે મદીયાન્
સદાપરાધાન્ વિવિધસ્વરૂપાન્ ।
ભક્તિં મદીયાં સફલાં કુરુષ્વ
સમ્પ્રાર્થયામિ મનસા ગણેશ ॥ 75 ॥

તતઃ પ્રસન્નેન ગજાનનેન
દત્તં પ્રસાદં શિરસાભિવન્દ્ય ।
સ્વમસ્તકે તં પરિધારયામિ
ચિત્તેન વિઘ્નેશ્વરમાનતોઽસ્મિ ॥ 76 ॥

ઉત્થાય વિઘ્નેશ્વર એવ તસ્મા-
-દ્ગતસ્તતસ્ત્વન્તરધાનશક્ત્યા ।
શિવાદયસ્તં પ્રણિપત્ય સર્વે
ગતાઃ સુચિત્તેન ચ ચિન્તયામિ ॥ 77 ॥

સર્વાન્નમસ્કૃત્ય તતોઽહમેવ
ભજામિ ચિત્તેન ગણાધિપં તમ્ ।
સ્વસ્થાનમાગત્ય મહાનુભાવૈ-
-ર્ભક્તૈર્ગણેશસ્ય ચ ખેલયામિ ॥ 78 ॥

એવં ત્રિકાલેષુ ગણાધિપં તં
ચિત્તેન નિત્યં પરિપૂજયામિ ।
તેનૈવ તુષ્ટઃ પ્રદદાતુ ભાવં
વિશ્વેશ્વરો ભક્તિમયં તુ મહ્યમ્ ॥ 79 ॥

ગણેશપાદોદકપાનકં ચ
હ્યુચ્છિષ્ટગન્ધસ્ય સુલેપનં તુ ।
નિર્માલ્યસન્ધારણકં સુભોજ્યં
લમ્બોદરસ્યાસ્તુ હિ ભુક્તશેષમ્ ॥ 80 ॥

યં યં કરોમ્યેવ તદેવ દીક્ષા
ગણેશ્વરસ્યાસ્તુ સદા ગણેશ ।
પ્રસીદ નિત્યં તવ પાદભક્તં
કુરુષ્વ માં બ્રહ્મપતે દયાલો ॥ 81 ॥

તતસ્તુ શય્યાં પરિકલ્પયામિ
મન્દારકાર્પાસકવસ્ત્રયુક્તામ્ ।
સુવાસપુષ્પાદિભિરર્ચિતાં
તે ગૃહાણ નિદ્રાં કુરુ વિઘ્નરાજ ॥ 82 ॥

સિદ્ધ્યા ચ બુદ્ધ્યા સહિતં ગણેશ
સુનિદ્રિતં વીક્ષ્ય તથાહમેવ ।
ગત્વા સ્વવાસં ચ કરોમિ નિદ્રાં
ધ્યાત્વા હૃદિ બ્રહ્મપતિં તદીયઃ ॥ 83 ॥

એતાદૃશં સૌખ્યમમોઘશક્તે
દેહિ પ્રભો માનસજં ગણેશ ।
મહ્યં ચ તેનૈવ કૃતાર્થરૂપો
ભવામિ ભક્તિરસલાલસોઽહમ્ ॥ 84 ॥

ગાર્ગ્ય ઉવાચ।
એવં નિત્યં મહારાજ ગૃત્સમદો મહાયશાઃ ।
ચકાર માનસીં પૂજાં યોગીન્દ્રાણાં ગુરુઃ સ્વયમ્ ॥ 85 ॥

ય એતાં માનસીં પૂજાં કરિષ્યતિ નરોત્તમઃ ।
પઠિષ્યતિ સદા સોઽપિ ગાણપત્યો ભવિષ્યતિ ॥ 86 ॥

શ્રાવયિષ્યતિ યો મર્ત્યઃ શ્રોષ્યતે ભાવસંયુતઃ ।
સ ક્રમેણ મહીપાલ બ્રહ્મભૂતો ભવિષ્યતિ ॥ 87 ॥

યં યમિચ્છતિ તં તં વૈ સફલં તસ્ય જાયતે ।
અન્તે સ્વાનન્દગઃ સોઽપિ યોગિવન્દ્યો ભવિષ્યતિ ॥ 88 ॥

ગણેશ માનસ પૂજ

ગૃત્સમદ ઉવાચ ।

Explore More

ગૃત્સમદ ઉવાચ ।

More Ganesha Stotras

Explore More