What is Ganesha Manasa Puja?

Read Ganesha Manasa Puja in Odia script — full lyrics with English meaning and transliteration. Ganesha Manasa Puja is a profound devotional composition that invites the practitioner to perform an elaborate ritual of worship entirely within the mind. By visualizing the awakening, bathing, decorating, and offering of food to Lord Ganesha, the devotee transcends physical limitations to connect with the divine. This internal meditation serves to purify the practitioner's consciousness, remove psychological obstacles, and cultivate deep focus. Chanting these verses helps harmonize the mind, instilling inner peace and divine grace, ultimately leading to spiritual clarity and the removal of worldly impediments through the blessings of the Lord of Beginnings.

Which deity is Ganesha Manasa Puja dedicated to?

Ganesha Manasa Puja is a Sanskrit hymn dedicated to Lord Ganesha.

Ganesha Manasa Puja in Odia – Lyrics, Meaning & Commentary

ଵିଘ୍ନେଶଵୀର୍ଯାଣି ଵିଚିତ୍ରକାଣି
ବନ୍ଦୀଜନୈର୍ମାଗଧକୈଃ ସ୍ମୃତାନି ।
ଶ୍ରୁତ୍ଵା ସମୁତ୍ତିଷ୍ଠ ଗଜାନନ ତ୍ଵଂ
ବ୍ରାହ୍ମେ ଜଗନ୍ମଙ୍ଗଲକଂ କୁରୁଷ୍ଵ ॥ 1 ॥

ଏଵଂ ମଯା ପ୍ରାର୍ଥିତ ଵିଘ୍ନରାଜ-
-ଶ୍ଚିତ୍ତେନ ଚୋତ୍ଥାଯ ବହିର୍ଗଣେଶଃ ।
ତଂ ନିର୍ଗତଂ ଵୀକ୍ଷ୍ଯ ନମନ୍ତି ଦେଵାଃ
ଶମ୍ଭ୍ଵାଦଯୋ ଯୋଗିମୁଖାସ୍ତଥାହମ୍ ॥ 2 ॥

ଶୌଚାଦିକଂ ତେ ପରିକଲ୍ପଯାମି
ହେରମ୍ବ ଵୈ ଦନ୍ତଵିଶୁଦ୍ଧିମେଵମ୍ ।
ଵସ୍ତ୍ରେଣ ସମ୍ପ୍ରୋକ୍ଷ୍ଯ ମୁଖାରଵିନ୍ଦଂ
ଦେଵଂ ସଭାଯାଂ ଵିନିଵେଶଯାମି ॥ 3 ॥

ଦ୍ଵିଜାଦିସର୍ଵୈରଭିଵନ୍ଦିତଂ ଚ
ଶୁକାଦିଭିର୍ମୋଦସୁମୋଦକାଦ୍ଯୈଃ ।
ସମ୍ଭାଷ୍ଯ ଚାଲୋକ୍ଯ ସମୁତ୍ଥିତଂ ତଂ
ସୁମଣ୍ଡପଂ କଲ୍ପ୍ଯ ନିଵେଶଯାମି ॥ 4 ॥

ରତ୍ନୈଃ ସୁଦୀପ୍ତୈଃ ପ୍ରତିବିମ୍ବିତଂ ତଂ
ପଶ୍ଯାମି ଚିତ୍ତେନ ଵିନାଯକଂ ଚ ।
ତତ୍ରାସନଂ ରତ୍ନସୁଵର୍ଣଯୁକ୍ତଂ
ସଙ୍କଲ୍ପ୍ଯ ଦେଵଂ ଵିନିଵେଶଯାମି ॥ 5 ॥

ସିଦ୍ଧ୍ଯା ଚ ବୁଦ୍ଧ୍ଯା ସହ ଵିଘ୍ନରାଜ
ପାଦ୍ଯଂ କୁରୁ ପ୍ରେମଭରେଣ ସର୍ଵୈଃ ।
ସୁଵାସିତଂ ନୀରମଥୋ ଗୃହାଣ
ଚିତ୍ତେନ ଦତ୍ତଂ ଚ ସୁଖୋଷ୍ଣଭାଵମ୍ ॥ 6 ॥

ତତଃ ସୁଵସ୍ତ୍ରେଣ ଗଣେଶମାଦୌ
ସମ୍ପ୍ରୋକ୍ଷ୍ଯ ଦୂର୍ଵାଦିଭିରର୍ଚଯାମି ।
ଚିତ୍ତେନ ଭାଵପ୍ରିଯ ଦୀନବନ୍ଧୋ
ମନୋ ଵିଲୀନଂ କୁରୁ ତେ ପଦାବ୍ଜେ ॥ 7 ॥

କର୍ପୂରକୈଲାଦିସୁଵାସିତଂ ତୁ
ସୁକଲ୍ପିତଂ ତୋଯମଥୋ ଗୃହାଣ ।
ଆଚମ୍ଯ ତେନୈଵ ଗଜାନନ ତ୍ଵଂ
କୃପାକଟାକ୍ଷେଣ ଵିଲୋକଯାଶୁ ॥ 8 ॥

ପ୍ରଵାଲମୁକ୍ତାଫଲହାଟକାଦ୍ଯୈଃ
ସୁସଂସ୍କୃତଂ ହ୍ଯନ୍ତରଭାଵକେନ ।
ଅନର୍ଘ୍ଯମର୍ଘ୍ଯଂ ସଫଲଂ କୁରୁଷ୍ଵ
ମଯା ପ୍ରଦତ୍ତଂ ଗଣରାଜ ଢୁଣ୍ଢେ ॥ 9 ॥

ସୌଗନ୍ଧ୍ଯଯୁକ୍ତଂ ମଧୁପର୍କମାଦ୍ଯଂ
ସଙ୍କଲ୍ପିତଂ ଭାଵଯୁତଂ ଗୃହାଣ ।
ପୁନସ୍ତଥାଚମ୍ଯ ଵିନାଯକ ତ୍ଵଂ
ଭକ୍ତାଂଶ୍ଚ ଭକ୍ତେଶ ସୁରକ୍ଷଯାଶୁ ॥ 10 ॥

ସୁଵାସିତଂ ଚମ୍ପକଜାତିକାଦ୍ଯୈ-
-ସ୍ତୈଲଂ ମଯା କଲ୍ପିତମେଵ ଢୁଣ୍ଢେ ।
ଗୃହାଣ ତେନ ପ୍ରଵିମର୍ଦଯାମି
ସର୍ଵାଙ୍ଗମେଵଂ ତଵ ସେଵନାଯ ॥ 11 ॥

ତତଃ ସୁଖୋଷ୍ଣେନ ଜଲେନ ଚାହ-
-ମନେକତୀର୍ଥାହୃତକେନ ଢୁଣ୍ଢେ ।
ଚିତ୍ତେନ ଶୁଦ୍ଧେନ ଚ ସ୍ନାପଯାମି
ସ୍ନାନଂ ମଯା ଦତ୍ତମଥୋ ଗୃହାଣ ॥ 12 ॥

ତତଃ ପଯଃସ୍ନାନମଚିନ୍ତ୍ଯଭାଵ
ଗୃହାଣ ତୋଯସ୍ଯ ତଥା ଗଣେଶ ।
ପୁନର୍ଦଧିସ୍ନାନମନାମଯ ତ୍ଵଂ
ଚିତ୍ତେନ ଦତ୍ତଂ ଚ ଜଲସ୍ଯ ଚୈଵ ॥ 13 ॥

ତତୋ ଘୃତସ୍ନାନମପାରଵନ୍ଦ୍ଯ
ସୁତୀର୍ଥଜଂ ଵିଘ୍ନହର ପ୍ରସୀଦ ।
ଗୃହାଣ ଚିତ୍ତେନ ସୁକଲ୍ପିତଂ ତୁ
ତତୋ ମଧୁସ୍ନାନମଥୋ ଜଲସ୍ଯ ॥ 14 ॥

ସୁଶର୍କରାଯୁକ୍ତମଥୋ ଗୃହାଣ
ସ୍ନାନଂ ମଯା କଲ୍ପିତମେଵ ଢୁଣ୍ଢେ ।
ତତୋ ଜଲସ୍ନାନମଘାପହନ୍ତୃ
ଵିଘ୍ନେଶ ମାଯାଭ୍ରମଂ ଵାରଯାଶୁ ॥ 15 ॥

ସୁଯକ୍ଷପଙ୍କସ୍ଥମଥୋ ଗୃହାଣ
ସ୍ନାନଂ ପରେଶାଧିପତେ ତତଶ୍ଚ ।
କୌମଣ୍ଡଲୀସମ୍ଭଵଜଂ କୁରୁଷ୍ଵ
ଵିଶୁଦ୍ଧମେଵଂ ପରିକଲ୍ପିତଂ ତୁ ॥ 16 ॥

ତତସ୍ତୁ ସୂକ୍ତୈର୍ମନସା ଗଣେଶଂ
ସମ୍ପୂଜ୍ଯ ଦୂର୍ଵାଦିଭିରଲ୍ପଭାଵୈଃ ।
ଅପାରକୈର୍ମଣ୍ଡଲଭୂତବ୍ରହ୍ମ-
-ଣସ୍ପତ୍ଯକୈସ୍ତଂ ହ୍ଯଭିଷେଚଯାମି ॥ 17 ॥

ତତଃ ସୁଵସ୍ତ୍ରେଣ ତୁ ପ୍ରୋଞ୍ଛନଂ ତ୍ଵଂ
ଗୃହାଣ ଚିତ୍ତେନ ମଯା ସୁକଲ୍ପିତମ୍ ।
ତତୋ ଵିଶୁଦ୍ଧେନ ଜଲେନ ଢୁଣ୍ଢେ
ହ୍ଯାଚାନ୍ତମେଵଂ କୁରୁ ଵିଘ୍ନରାଜ ॥ 18 ॥

ଅଗ୍ନୌ ଵିଶୁଦ୍ଧେ ତୁ ଗୃହାଣ ଵସ୍ତ୍ରେ
ହ୍ଯନର୍ଘ୍ଯମୌଲ୍ଯେ ମନସା ମଯା ତେ ।
ଦତ୍ତେ ପରିଚ୍ଛାଦ୍ଯ ନିଜାତ୍ମଦେହଂ
ତାଭ୍ଯାଂ ମଯୂରେଶ ଜନାଂଶ୍ଚ ପାଲଯ ॥ 19 ॥

ଆଚମ୍ଯ ଵିଘ୍ନେଶ ପୁନସ୍ତଥୈଵ
ଚିତ୍ତେନ ଦତ୍ତଂ ମୁଖମୁତ୍ତରୀଯମ୍ ।
ଗୃହାଣ ଭକ୍ତପ୍ରତିପାଲକ ତ୍ଵଂ
ନମୋ ଯଥା ତାରକସଂଯୁତଂ ତୁ ॥ 20 ॥

ଯଜ୍ଞୋପଵୀତଂ ତ୍ରିଗୁଣସ୍ଵରୂପଂ
ସୌଵର୍ଣମେଵଂ ହ୍ଯହିନାଥଭୂତମ୍ ।
ଭାଵେନ ଦତ୍ତଂ ଗଣନାଥ ତତ୍ତ୍ଵଂ
ଗୃହାଣ ଭକ୍ତୋଦ୍ଧୃତିକାରଣାଯ ॥ 21 ॥

ଆଚାନ୍ତମେଵଂ ମନସା ପ୍ରଦତ୍ତଂ
କୁରୁଷ୍ଵ ଶୁଦ୍ଧେନ ଜଲେନ ଢୁଣ୍ଢେ ।
ପୁନଶ୍ଚ କୌମଣ୍ଡଲକେନ ପାହି ଵିଶ୍ଵଂ
ପ୍ରଭୋ ଖେଲକରଂ ସଦା ତେ ॥ 22 ॥

ଉଦ୍ଯଦ୍ଦିନେଶାଭମଥୋ ଗୃହାଣ
ସିନ୍ଦୂରକଂ ତେ ମନସା ପ୍ରଦତ୍ତମ୍ ।
ସର୍ଵାଙ୍ଗସଂଲେପନମାଦରାଦ୍ଵୈ
କୁରୁଷ୍ଵ ହେରମ୍ବ ଚ ତେନ ପୂର୍ଣମ୍ ॥ 23 ॥

ସହସ୍ରଶୀର୍ଷଂ ମନସା ମଯା ତ୍ଵଂ
ଦତ୍ତଂ କିରୀଟଂ ତୁ ସୁଵର୍ଣଜଂ ଵୈ ।
ଅନେକରତ୍ନୈଃ ଖଚିତଂ ଗୃହାଣ
ବ୍ରହ୍ମେଶ ତେ ମସ୍ତକଶୋଭନାଯ ॥ 24 ॥

ଵିଚିତ୍ରରତ୍ନୈଃ କନକେନ ଢୁଣ୍ଢେ
ଯୁତାନି ଚିତ୍ତେନ ମଯା ପରେଶ ।
ଦତ୍ତାନି ନାନାପଦକୁଣ୍ଡଲାନି
ଗୃହାଣ ଶୂର୍ପଶ୍ରୁତିଭୂଷଣାଯ ॥ 25 ॥

ଶୁଣ୍ଡାଵିଭୂଷାର୍ଥମନନ୍ତଖେଲିନ୍
ସୁଵର୍ଣଜଂ କଞ୍ଚୁକମାଗୃହାଣ ।
ରତ୍ନୈଶ୍ଚ ଯୁକ୍ତଂ ମନସା ମଯା ଯ-
-ଦ୍ଦତ୍ତଂ ପ୍ରଭୋ ତତ୍ସଫଲଂ କୁରୁଷ୍ଵ ॥ 26 ॥

ସୁଵର୍ଣରତ୍ନୈଶ୍ଚ ଯୁତାନି ଢୁଣ୍ଢେ
ସଦୈକଦନ୍ତାଭରଣାନି କଲ୍ପ୍ଯ ।
ଗୃହାଣ ଚୂଡାକୃତଯେ ପରେଶ
ଦତ୍ତାନି ଦନ୍ତସ୍ଯ ଚ ଶୋଭନାର୍ଥମ୍ ॥ 27 ॥

ରତ୍ନୈଃ ସୁଵର୍ଣେନ କୃତାନି ତାନି
ଗୃହାଣ ଚତ୍ଵାରି ମଯା ପ୍ରକଲ୍ପ୍ଯ ।
ସମ୍ଭୂଷଯ ତ୍ଵଂ କଟକାନି ନାଥ
ଚତୁର୍ଭୁଜେଷୁ ହ୍ଯଜ ଵିଘ୍ନହାରିନ୍ ॥ 28 ॥

ଵିଚିତ୍ରରତ୍ନୈଃ ଖଚିତଂ ସୁଵର୍ଣ-
-ସମ୍ଭୂତକଂ ଗୃହ୍ଯ ମଯା ପ୍ରଦତ୍ତମ୍ ।
ତଥାଙ୍ଗୁଲୀଷ୍ଵଙ୍ଗୁଲିକଂ ଗଣେଶ
ଚିତ୍ତେନ ସଂଶୋଭଯ ତତ୍ପରେଶ ॥ 29 ॥

ଵିଚିତ୍ରରତ୍ନୈଃ ଖଚିତାନି ଢୁଣ୍ଢେ
କେଯୂରକାଣି ହ୍ଯଥ କଲ୍ପିତାନି ।
ସୁଵର୍ଣଜାନି ପ୍ରମଥାଧିନାଥ
ଗୃହାଣ ଦତ୍ତାନି ତୁ ବାହୁଷୁ ତ୍ଵମ୍ ॥ 30 ॥

ପ୍ରଵାଲମୁକ୍ତାଫଲରତ୍ନଜୈସ୍ତ୍ଵଂ
ସୁଵର୍ଣସୂତ୍ରୈଶ୍ଚ ଗୃହାଣ କଣ୍ଠେ ।
ଚିତ୍ତେନ ଦତ୍ତା ଵିଵିଧାଶ୍ଚ ମାଲା
ଉରୋଦରେ ଶୋଭଯ ଵିଘ୍ନରାଜ ॥ 31 ॥

ଚନ୍ଦ୍ରଂ ଲଲାଟେ ଗଣନାଥ ପୂର୍ଣଂ
ଵୃଦ୍ଧିକ୍ଷଯାଭ୍ଯାଂ ତୁ ଵିହୀନମାଦ୍ଯମ୍ ।
ସଂଶୋଭଯ ତ୍ଵଂ ଵରସଂଯୁତଂ ତେ
ଭକ୍ତିପ୍ରିଯତ୍ଵଂ ପ୍ରକଟୀକୁରୁଷ୍ଵ ॥ 32 ॥

ଚିନ୍ତାମଣିଂ ଚିନ୍ତିତଦଂ ପରେଶ
ହୃଦ୍ଦେଶଗଂ ଜ୍ଯୋତିର୍ମଯଂ କୁରୁଷ୍ଵ ।
ମଣିଂ ସଦାନନ୍ଦସୁଖପ୍ରଦଂ ଚ
ଵିଘ୍ନେଶ ଦୀନାର୍ଥଦ ପାଲଯସ୍ଵ ॥ 33 ॥

ନାଭୌ ଫଣୀଶଂ ଚ ସହସ୍ରଶୀର୍ଷଂ
ସଂଵେଷ୍ଟନେନୈଵ ଗଣାଧିନାଥ ।
ଭକ୍ତଂ ସୁଭୂଷଂ କୁରୁ ଭୂଷଣେନ
ଵରପ୍ରଦାନଂ ସଫଲଂ ପରେଶ ॥ 34 ॥

କଟୀତଟେ ରତ୍ନସୁଵର୍ଣଯୁକ୍ତାଂ
କାଞ୍ଚୀଂ ସୁଚିତ୍ତେନ ଚ ଧାରଯାମି ।
ଵିଘ୍ନେଶ ଜ୍ଯୋତିର୍ଗଣଦୀପନୀଂ ତେ
ପ୍ରସୀଦ ଭକ୍ତଂ କୁରୁ ମାଂ ଦଯାବ୍ଧେ ॥ 35 ॥

ହେରମ୍ବ ତେ ରତ୍ନସୁଵର୍ଣଯୁକ୍ତେ
ସୁନୂପୁରେ ମଞ୍ଜିରକେ ତଥୈଵ ।
ସୁକିଙ୍କିଣୀନାଦଯୁତେ ସୁବୁଦ୍ଧ୍ଯା
ସୁପାଦଯୋଃ ଶୋଭଯ ମେ ପ୍ରଦତ୍ତେ ॥ 36 ॥

ଇତ୍ଯାଦି ନାନାଵିଧଭୂଷଣାନି
ତଵେଚ୍ଛଯା ମାନସକଲ୍ପିତାନି ।
ସମ୍ଭୂଷଯାମ୍ଯେଵ ତ୍ଵଦଙ୍ଗକେଷୁ
ଵିଚିତ୍ରଧାତୁପ୍ରଭଵାନି ଢୁଣ୍ଢେ ॥ 37 ॥

ସୁଚନ୍ଦନଂ ରକ୍ତମମୋଘଵୀର୍ଯଂ
ସୁଘର୍ଷିତଂ ହ୍ଯଷ୍ଟକଗନ୍ଧମୁଖ୍ଯୈଃ ।
ଯୁକ୍ତଂ ମଯା କଲ୍ପିତମେକଦନ୍ତ
ଗୃହାଣ ତେ ତ୍ଵଙ୍ଗଵିଲେପନାର୍ଥମ୍ ॥ 38 ॥

ଲିପ୍ତେଷୁ ଵୈଚିତ୍ର୍ଯମଥାଷ୍ଟଗନ୍ଧୈ-
-ରଙ୍ଗେଷୁ ତେଽହଂ ପ୍ରକରୋମି ଚିତ୍ରମ୍ ।
ପ୍ରସୀଦ ଚିତ୍ତେନ ଵିନାଯକ ତ୍ଵଂ
ତତଃ ସୁରକ୍ତଂ ରଵିମେଵ ଫାଲେ ॥ 39 ॥

ଘୃତେନ ଵୈ କୁଙ୍କୁମକେନ ରକ୍ତାନ୍
ସୁତଣ୍ଡୁଲାଂସ୍ତେ ପରିକଲ୍ପଯାମି ।
ଫାଲେ ଗଣାଧ୍ଯକ୍ଷ ଗୃହାଣ ପାହି
ଭକ୍ତାନ୍ ସୁଭକ୍ତିପ୍ରିଯ ଦୀନବନ୍ଧୋ ॥ 40 ॥

ଗୃହାଣ ଭୋ ଚମ୍ପକମାଲତୀନି
ଜଲପଙ୍କଜାନି ସ୍ଥଲପଙ୍କଜାନି ।
ଚିତ୍ତେନ ଦତ୍ତାନି ଚ ମଲ୍ଲିକାନି
ପୁଷ୍ପାଣି ନାନାଵିଧଵୃକ୍ଷଜାନି ॥ 41 ॥

ପୁଷ୍ପୋପରି ତ୍ଵଂ ମନସା ଗୃହାଣ
ହେରମ୍ବ ମନ୍ଦାରଶମୀଦଲାନି ।
ମଯା ସୁଚିତ୍ତେନ ପ୍ରକଲ୍ପିତାନି
ହ୍ଯପାରକାଣି ପ୍ରଣଵାକୃତେ ତୁ ॥ 42 ॥

ଦୂର୍ଵାଙ୍କୁରାନ୍ଵୈ ମନସା ପ୍ରଦତ୍ତାଂ-
-ସ୍ତ୍ରିପଞ୍ଚପତ୍ରୈର୍ଯୁତକାଂଶ୍ଚ ସ୍ନିଗ୍ଧାନ୍ ।
ଗୃହାଣ ଵିଘ୍ନେଶ୍ଵର ସଙ୍ଖ୍ଯଯା ତ୍ଵଂ
ହୀନାଂଶ୍ଚ ସର୍ଵୋପରି ଵକ୍ରତୁଣ୍ଡ ॥ 43 ॥

ଦଶାଙ୍ଗଭୂତଂ ମନସା ମଯା ତେ
ଧୂପଂ ପ୍ରଦତ୍ତଂ ଗଣରାଜ ଢୁଣ୍ଢେ ।
ଗୃହାଣ ସୌରଭ୍ଯକରଂ ପରେଶ
ସିଦ୍ଧ୍ଯା ଚ ବୁଦ୍ଧ୍ଯା ସହ ଭକ୍ତପାଲ ॥ 44 ॥

ଦୀପଂ ସୁଵର୍ତ୍ଯା ଯୁତମାଦରାତ୍ତେ
ଦତ୍ତଂ ମଯା ମାନସକଂ ଗଣେଶ ।
ଗୃହାଣ ନାନାଵିଧଜଂ ଘୃତାଦି-
-ତୈଲାଦିସମ୍ଭୂତମମୋଘଦୃଷ୍ଟେ ॥ 45 ॥

ଭୋଜ୍ଯଂ ଚ ଲେହ୍ଯଂ ଗଣରାଜ ପେଯଂ
ଚୋଷ୍ଯଂ ଚ ନାନାଵିଧଷଡ୍ରସାଢ୍ଯମ୍ ।
ଗୃହାଣ ନୈଵେଦ୍ଯମଥୋ ମଯା ତେ
ସୁକଲ୍ପିତଂ ପୁଷ୍ଟିପତେ ମହାତ୍ମନ୍ ॥ 46 ॥

ସୁଵାସିତଂ ଭୋଜନମଧ୍ଯଭାଗେ
ଜଲଂ ମଯା ଦତ୍ତମଥୋ ଗୃହାଣ ।
କମଣ୍ଡଲୁସ୍ଥଂ ମନସା ଗଣେଶ
ପିବସ୍ଵ ଵିଶ୍ଵାଦିକତୃପ୍ତିକାରିନ୍ ॥ 47 ॥

ତତଃ କରୋଦ୍ଵର୍ତନକଂ ଗୃହାଣ
ସୌଗନ୍ଧ୍ଯଯୁକ୍ତଂ ମୁଖମାର୍ଜନାଯ ।
ସୁଵାସିତେନୈଵ ସୁତୀର୍ଥଜେନ
ସୁକଲ୍ପିତଂ ନାଥ ଗୃହାଣ ଢୁଣ୍ଢେ ॥ 48 ॥

ପୁନସ୍ତଥାଚମ୍ଯ ସୁଵାସିତଂ ଚ
ଦତ୍ତଂ ମଯା ତୀର୍ଥଜଲଂ ପିବସ୍ଵ ।
ପ୍ରକଲ୍ପ୍ଯ ଵିଘ୍ନେଶ ତତଃ ପରଂ ତେ
ସମ୍ପ୍ରୋଞ୍ଛନଂ ହସ୍ତମୁଖେ କରୋମି ॥ 49 ॥

ଦ୍ରାକ୍ଷାଦିରମ୍ଭାଫଲଚୂତକାନି
ଖାର୍ଜୂରକାର୍କନ୍ଧୁକଦାଡିମାନି ।
ସୁସ୍ଵାଦଯୁକ୍ତାନି ମଯା ପ୍ରକଲ୍ପ୍ଯ
ଗୃହାଣ ଦତ୍ତାନି ଫଲାନି ଢୁଣ୍ଢେ ॥ 50 ॥

ପୁନର୍ଜଲେନୈଵ କରାଦିକଂ ତେ
ସଙ୍କ୍ଷାଲଯାମି ମନସା ଗଣେଶ ।
ସୁଵାସିତଂ ତୋଯମଥୋ ପିବସ୍ଵ
ମଯା ପ୍ରଦତ୍ତଂ ମନସା ପରେଶ ॥ 51 ॥

ଅଷ୍ଟାଙ୍ଗଯୁକ୍ତଂ ଗଣନାଥ ଦତ୍ତଂ
ତାମ୍ବୂଲକଂ ତେ ମନସା ମଯା ଵୈ ।
ଗୃହାଣ ଵିଘ୍ନେଶ୍ଵର ଭାଵଯୁକ୍ତଂ
ସଦା ସକୃତ୍ତୁଣ୍ଡଵିଶୋଧନାର୍ଥମ୍ ॥ 52 ॥

ତତୋ ମଯା କଲ୍ପିତକେ ଗଣେଶ
ମହାସନେ ରତ୍ନସୁଵର୍ଣଯୁକ୍ତେ ।
ମନ୍ଦାରକାର୍ପାସକଯୁକ୍ତଵସ୍ତ୍ରୈ-
-ରନର୍ଘ୍ଯସଞ୍ଛାଦିତକେ ପ୍ରସୀଦ ॥ 53 ॥

ତତସ୍ତ୍ଵଦୀଯାଵରଣଂ ପରେଶ
ସମ୍ପୂଜଯାମି ମନସା ଯଥାଵତ୍ ।
ନାନୋପଚାରୈଃ ପରମପ୍ରିଯୈସ୍ତୁ
ତ୍ଵତ୍ପ୍ରୀତିକାମାର୍ଥମନାଥବନ୍ଧୋ ॥ 54 ॥

ଗୃହାଣ ଲମ୍ବୋଦର ଦକ୍ଷିଣାଂ ତେ
ହ୍ଯସଙ୍ଖ୍ଯଭୂତାଂ ମନସା ପ୍ରଦତ୍ତାମ୍ ।
ସୌଵର୍ଣମୁଦ୍ରାଦିକମୁଖ୍ଯଭାଵାଂ
ପାହି ପ୍ରଭୋ ଵିଶ୍ଵମିଦଂ ଗଣେଶ ॥ 55 ॥

ରାଜୋପଚାରାନ୍ଵିଵିଧାନ୍ଗୃହାଣ
ହସ୍ତ୍ଯଶ୍ଵଛତ୍ରାଦିକମାଦରାଦ୍ଵୈ ।
ଚିତ୍ତେନ ଦତ୍ତାନ୍ ଗଣନାଥ ଢୁଣ୍ଢେ
ହ୍ଯପାରସଙ୍ଖ୍ଯାନ୍ ସ୍ଥିରଜଙ୍ଗମାଂସ୍ତେ ॥ 56 ॥

ଦାନାଯ ନାନାଵିଧରୂପକାଂସ୍ତେ
ଗୃହାଣ ଦତ୍ତାନ୍ମନସା ମଯା ଵୈ ।
ପଦାର୍ଥଭୂତାନ୍ ସ୍ଥିରଜଙ୍ଗମାଂଶ୍ଚ
ହେରମ୍ବ ମାଂ ତାରଯ ମୋହଭାଵାତ୍ ॥ 57 ॥

ମନ୍ଦାରପୁଷ୍ପାଣି ଶମୀଦଲାନି
ଦୂର୍ଵାଙ୍କୁରାଂସ୍ତେ ମନସା ଦଦାମି ।
ହେରମ୍ବ ଲମ୍ବୋଦର ଦୀନପାଲ
ଗୃହାଣ ଭକ୍ତଂ କୁରୁ ମାଂ ପଦେ ତେ ॥ 58 ॥

ତତୋ ହରିଦ୍ରାମବିରଂ ଗୁଲାଲଂ
ସିନ୍ଦୂରକଂ ତେ ପରିକଲ୍ପଯାମି ।
ସୁଵାସିତଂ ଵସ୍ତୁ ସୁଵାସଭୂତୈ-
-ର୍ଗୃହାଣ ବ୍ରହ୍ମେଶ୍ଵର ଶୋଭନାର୍ଥମ୍ ॥ 59 ॥

ତତଃ ଶୁକାଦ୍ଯାଃ ଶିଵଵିଷ୍ଣୁମୁଖ୍ଯା
ଇନ୍ଦ୍ରାଦଯଃ ଶେଷମୁଖାସ୍ତଥାନ୍ଯେ ।
ମୁନୀନ୍ଦ୍ରକାଃ ସେଵକଭାଵଯୁକ୍ତାଃ
ସଭାସନସ୍ଥଂ ପ୍ରଣମନ୍ତି ଢୁଣ୍ଢିମ୍ ॥ 60 ॥

ଵାମାଙ୍ଗକେ ଶକ୍ତିଯୁତା ଗଣେଶଂ
ସିଦ୍ଧିସ୍ତୁ ନାନାଵିଧସିଦ୍ଧିଭିସ୍ତମ୍ ।
ଅତ୍ଯନ୍ତଭାଵେନ ସୁସେଵତେ ତୁ
ମାଯାସ୍ଵରୂପା ପରମାର୍ଥଭୂତା ॥ 61 ॥

ଗଣେଶ୍ଵରଂ ଦକ୍ଷିଣଭାଗସଂସ୍ଥା
ବୁଦ୍ଧିଃ କଲାଭିଶ୍ଚ ସୁବୋଧିକାଭିଃ ।
ଵିଦ୍ଯାଭିରେଵଂ ଭଜତେ ପରେଶ
ମାଯାସୁ ସାଙ୍ଖ୍ଯପ୍ରଦଚିତ୍ତରୂପାଃ ॥ 62 ॥

ପ୍ରମୋଦମୋଦାଦଯଃ ପୃଷ୍ଠଭାଗେ
ଗଣେଶ୍ଵରଂ ଭାଵଯୁତା ଭଜନ୍ତେ ।
ଭକ୍ତେଶ୍ଵରା ମୁଦ୍ଗଲଶମ୍ଭୁମୁଖ୍ଯାଃ
ଶୁକାଦଯସ୍ତଂ ସ୍ମ ପୁରୋ ଭଜନ୍ତେ ॥ 63 ॥

ଗନ୍ଧର୍ଵମୁଖ୍ଯା ମଧୁରଂ ଜଗୁଶ୍ଚ
ଗଣେଶଗୀତଂ ଵିଵିଧସ୍ଵରୂପମ୍ ।
ନୃତ୍ଯଂ କଲାଯୁକ୍ତମଥୋ ପୁରସ୍ତା-
-ଚ୍ଚକ୍ରୁସ୍ତଥା ହ୍ଯପ୍ସରସୋ ଵିଚିତ୍ରମ୍ ॥ 64 ॥

ଇତ୍ଯାଦିନାନାଵିଧଭାଵଯୁକ୍ତୈଃ
ସଂସେଵିତଂ ଵିଘ୍ନପତିଂ ଭଜାମି ।
ଚିତ୍ତେନ ଧ୍ଯାତ୍ଵା ତୁ ନିରଞ୍ଜନଂ ଵୈ
କରୋମି ନାନାଵିଧଦୀପଯୁକ୍ତମ୍ ॥ 65 ॥

ଚତୁର୍ଭୁଜଂ ପାଶଧରଂ ଗଣେଶଂ
ତଥାଙ୍କୁଶଂ ଦନ୍ତଯୁତଂ ତମେଵମ୍ ।
ତ୍ରିନେତ୍ରଯୁକ୍ତଂ ତ୍ଵଭଯଙ୍କରଂ ତଂ
ମହୋଦରଂ ଚୈକରଦଂ ଗଜାସ୍ଯମ୍ ॥ 66 ॥

ସର୍ପୋପଵୀତଂ ଗଜକର୍ଣଧାରଂ
ଵିଭୂତିଭିଃ ସେଵିତପାଦପଦ୍ମମ୍ ।
ଧ୍ଯାଯେଦ୍ଗଣେଶଂ ଵିଵିଧପ୍ରକାରୈଃ
ସୁପୂଜିତଂ ଶକ୍ତିଯୁତଂ ପରେଶମ୍ ॥ 67 ॥

ତତୋ ଜପଂ ଵୈ ମନସା କରୋମି
ସ୍ଵମୂଲମନ୍ତ୍ରସ୍ଯ ଵିଧାନଯୁକ୍ତମ୍ ।
ଅସଙ୍ଖ୍ଯଭୂତଂ ଗଣରାଜ ହସ୍ତେ
ସମର୍ପଯାମ୍ଯେଵ ଗୃହାଣ ଢୁଣ୍ଢେ ॥ 68 ॥

ଆରାର୍ତିକାଂ କର୍ପୂରକାଦିଭୂତା-
-ମପାରଦୀପାଂ ପ୍ରକରୋମି ପୂର୍ଣାମ୍ ।
ଚିତ୍ତେନ ଲମ୍ବୋଦର ତାଂ ଗୃହାଣ
ହ୍ଯଜ୍ଞାନଧ୍ଵାନ୍ତାଘହରାଂ ନିଜାନାମ୍ ॥ 69 ॥

ଵେଦେଷୁ ଵିଘ୍ନେଶ୍ଵରକୈଃ ସୁମନ୍ତ୍ରୈଃ
ସୁମନ୍ତ୍ରିତଂ ପୁଷ୍ପଦଲଂ ପ୍ରଭୂତମ୍ ।
ଗୃହାଣ ଚିତ୍ତେନ ମଯା ପ୍ରଦତ୍ତ-
-ମପାରଵୃତ୍ତ୍ଯା ତ୍ଵଥ ମନ୍ତ୍ରପୁଷ୍ପମ୍ ॥ 70 ॥

ଅପାରଵୃତ୍ଯା ସ୍ତୁତିମେକଦନ୍ତଂ
ଗୃହାଣ ଚିତ୍ତେନ କୃତାଂ ଗଣେଶ ।
ଯୁକ୍ତାଂ ଶ୍ରୁତିସ୍ମାର୍ତଭଵୈଃ ପୁରାଣୈଃ
ସର୍ଵୈଃ ପରେଶାଧିପତେ ମଯା ତେ ॥ 71 ॥

ପ୍ରଦକ୍ଷିଣା ମାନସକଲ୍ପିତାସ୍ତା
ଗୃହାଣ ଲମ୍ବୋଦର ଭାଵଯୁକ୍ତାଃ ।
ସଙ୍ଖ୍ଯାଵିହୀନା ଵିଵିଧସ୍ଵରୂପା
ଭକ୍ତାନ୍ ସଦା ରକ୍ଷ ଭଵାର୍ଣଵାଦ୍ଵୈ ॥ 72 ॥

ନତିଂ ତତୋ ଵିଘ୍ନପତେ ଗୃହାଣ
ସାଷ୍ଟାଙ୍ଗକାଦ୍ଯାଂ ଵିଵିଧସ୍ଵରୂପାମ୍ ।
ସଙ୍ଖ୍ଯାଵିହୀନାଂ ମନସା କୃତାଂ ତେ
ସିଦ୍ଧ୍ଯା ଚ ବୁଦ୍ଧ୍ଯା ପରିପାଲଯାଶୁ ॥ 73 ॥

ନ୍ଯୂନାତିରିକ୍ତଂ ତୁ ମଯା କୃତଂ ଚେ-
-ତ୍ତଦର୍ଥମନ୍ତେ ମନସା ଗୃହାଣ ।
ଦୂର୍ଵାଙ୍କୁରାନ୍ଵିଘ୍ନପତେ ପ୍ରଦତ୍ତାନ୍
ସମ୍ପୂର୍ଣମେଵଂ କୁରୁ ପୂଜନଂ ମେ ॥ 74 ॥

କ୍ଷମସ୍ଵ ଵିଘ୍ନାଧିପତେ ମଦୀଯାନ୍
ସଦାପରାଧାନ୍ ଵିଵିଧସ୍ଵରୂପାନ୍ ।
ଭକ୍ତିଂ ମଦୀଯାଂ ସଫଲାଂ କୁରୁଷ୍ଵ
ସମ୍ପ୍ରାର୍ଥଯାମି ମନସା ଗଣେଶ ॥ 75 ॥

ତତଃ ପ୍ରସନ୍ନେନ ଗଜାନନେନ
ଦତ୍ତଂ ପ୍ରସାଦଂ ଶିରସାଭିଵନ୍ଦ୍ଯ ।
ସ୍ଵମସ୍ତକେ ତଂ ପରିଧାରଯାମି
ଚିତ୍ତେନ ଵିଘ୍ନେଶ୍ଵରମାନତୋଽସ୍ମି ॥ 76 ॥

ଉତ୍ଥାଯ ଵିଘ୍ନେଶ୍ଵର ଏଵ ତସ୍ମା-
-ଦ୍ଗତସ୍ତତସ୍ତ୍ଵନ୍ତରଧାନଶକ୍ତ୍ଯା ।
ଶିଵାଦଯସ୍ତଂ ପ୍ରଣିପତ୍ଯ ସର୍ଵେ
ଗତାଃ ସୁଚିତ୍ତେନ ଚ ଚିନ୍ତଯାମି ॥ 77 ॥

ସର୍ଵାନ୍ନମସ୍କୃତ୍ଯ ତତୋଽହମେଵ
ଭଜାମି ଚିତ୍ତେନ ଗଣାଧିପଂ ତମ୍ ।
ସ୍ଵସ୍ଥାନମାଗତ୍ଯ ମହାନୁଭାଵୈ-
-ର୍ଭକ୍ତୈର୍ଗଣେଶସ୍ଯ ଚ ଖେଲଯାମି ॥ 78 ॥

ଏଵଂ ତ୍ରିକାଲେଷୁ ଗଣାଧିପଂ ତଂ
ଚିତ୍ତେନ ନିତ୍ଯଂ ପରିପୂଜଯାମି ।
ତେନୈଵ ତୁଷ୍ଟଃ ପ୍ରଦଦାତୁ ଭାଵଂ
ଵିଶ୍ଵେଶ୍ଵରୋ ଭକ୍ତିମଯଂ ତୁ ମହ୍ଯମ୍ ॥ 79 ॥

ଗଣେଶପାଦୋଦକପାନକଂ ଚ
ହ୍ଯୁଚ୍ଛିଷ୍ଟଗନ୍ଧସ୍ଯ ସୁଲେପନଂ ତୁ ।
ନିର୍ମାଲ୍ଯସନ୍ଧାରଣକଂ ସୁଭୋଜ୍ଯଂ
ଲମ୍ବୋଦରସ୍ଯାସ୍ତୁ ହି ଭୁକ୍ତଶେଷମ୍ ॥ 80 ॥

ଯଂ ଯଂ କରୋମ୍ଯେଵ ତଦେଵ ଦୀକ୍ଷା
ଗଣେଶ୍ଵରସ୍ଯାସ୍ତୁ ସଦା ଗଣେଶ ।
ପ୍ରସୀଦ ନିତ୍ଯଂ ତଵ ପାଦଭକ୍ତଂ
କୁରୁଷ୍ଵ ମାଂ ବ୍ରହ୍ମପତେ ଦଯାଲୋ ॥ 81 ॥

ତତସ୍ତୁ ଶଯ୍ଯାଂ ପରିକଲ୍ପଯାମି
ମନ୍ଦାରକାର୍ପାସକଵସ୍ତ୍ରଯୁକ୍ତାମ୍ ।
ସୁଵାସପୁଷ୍ପାଦିଭିରର୍ଚିତାଂ
ତେ ଗୃହାଣ ନିଦ୍ରାଂ କୁରୁ ଵିଘ୍ନରାଜ ॥ 82 ॥

ସିଦ୍ଧ୍ଯା ଚ ବୁଦ୍ଧ୍ଯା ସହିତଂ ଗଣେଶ
ସୁନିଦ୍ରିତଂ ଵୀକ୍ଷ୍ଯ ତଥାହମେଵ ।
ଗତ୍ଵା ସ୍ଵଵାସଂ ଚ କରୋମି ନିଦ୍ରାଂ
ଧ୍ଯାତ୍ଵା ହୃଦି ବ୍ରହ୍ମପତିଂ ତଦୀଯଃ ॥ 83 ॥

ଏତାଦୃଶଂ ସୌଖ୍ଯମମୋଘଶକ୍ତେ
ଦେହି ପ୍ରଭୋ ମାନସଜଂ ଗଣେଶ ।
ମହ୍ଯଂ ଚ ତେନୈଵ କୃତାର୍ଥରୂପୋ
ଭଵାମି ଭକ୍ତିରସଲାଲସୋଽହମ୍ ॥ 84 ॥

ଗାର୍ଗ୍ଯ ଉଵାଚ।
ଏଵଂ ନିତ୍ଯଂ ମହାରାଜ ଗୃତ୍ସମଦୋ ମହାଯଶାଃ ।
ଚକାର ମାନସୀଂ ପୂଜାଂ ଯୋଗୀନ୍ଦ୍ରାଣାଂ ଗୁରୁଃ ସ୍ଵଯମ୍ ॥ 85 ॥

ଯ ଏତାଂ ମାନସୀଂ ପୂଜାଂ କରିଷ୍ଯତି ନରୋତ୍ତମଃ ।
ପଠିଷ୍ଯତି ସଦା ସୋଽପି ଗାଣପତ୍ଯୋ ଭଵିଷ୍ଯତି ॥ 86 ॥

ଶ୍ରାଵଯିଷ୍ଯତି ଯୋ ମର୍ତ୍ଯଃ ଶ୍ରୋଷ୍ଯତେ ଭାଵସଂଯୁତଃ ।
ସ କ୍ରମେଣ ମହୀପାଲ ବ୍ରହ୍ମଭୂତୋ ଭଵିଷ୍ଯତି ॥ 87 ॥

ଯଂ ଯମିଚ୍ଛତି ତଂ ତଂ ଵୈ ସଫଲଂ ତସ୍ଯ ଜାଯତେ ।
ଅନ୍ତେ ସ୍ଵାନନ୍ଦଗଃ ସୋଽପି ଯୋଗିଵନ୍ଦ୍ଯୋ ଭଵିଷ୍ଯତି ॥ 88 ॥

ଗଣେଶ ମାନସ ପୂଜା

ଗୃତ୍ସମଦ ଉଵାଚ ।

Explore More

ଗୃତ୍ସମଦ ଉଵାଚ ।

More Ganesha Stotras

Explore More