What is Ganesha Manasa Puja in Malayalam?

Read Ganesha Manasa Puja in Malayalam script — full lyrics with English meaning and transliteration. Ganesha Manasa Puja is a profound devotional composition that invites the practitioner to perform an elaborate ritual of worship entirely within the mind. By visualizing the awakening, bathing, decorating, and offering of food to Lord Ganesha, the devotee transcends physical limitations to connect with the divine. This internal meditation serves to purify the practitioner's consciousness, remove psychological obstacles, and cultivate deep focus. Chanting these verses helps harmonize the mind, instilling inner peace and divine grace, ultimately leading to spiritual clarity and the removal of worldly impediments through the blessings of the Lord of Beginnings.

Which deity is Ganesha Manasa Puja in Malayalam dedicated to?

Ganesha Manasa Puja in Malayalam is a Sanskrit hymn dedicated to Lord Ganesha.

Ganesha Manasa Puja in Malayalam - Sanskrit Text & Meaning

വിഘ്നേശവീര്യാണി വിചിത്രകാണി
ബന്ദീജനൈര്മാഗധകൈഃ സ്മൃതാനി ।
ശ്രുത്വാ സമുത്തിഷ്ഠ ഗജാനന ത്വം
ബ്രാഹ്മേ ജഗന്മങ്ഗലകം കുരുഷ്വ ॥ 1 ॥

ഏവം മയാ പ്രാര്ഥിത വിഘ്നരാജ-
-ശ്ചിത്തേന ചോത്ഥായ ബഹിര്ഗണേശഃ ।
തം നിര്ഗതം വീക്ഷ്യ നമന്തി ദേവാഃ
ശമ്ഭ്വാദയോ യോഗിമുഖാസ്തഥാഹമ് ॥ 2 ॥

ശൌചാദികം തേ പരികല്പയാമി
ഹേരമ്ബ വൈ ദന്തവിശുദ്ധിമേവമ് ।
വസ്ത്രേണ സമ്പ്രോക്ഷ്യ മുഖാരവിന്ദം
ദേവം സഭായാം വിനിവേശയാമി ॥ 3 ॥

ദ്വിജാദിസര്വൈരഭിവന്ദിതം ച
ശുകാദിഭിര്മോദസുമോദകാദ്യൈഃ ।
സമ്ഭാഷ്യ ചാലോക്യ സമുത്ഥിതം തം
സുമണ്ഡപം കല്പ്യ നിവേശയാമി ॥ 4 ॥

രത്നൈഃ സുദീപ്തൈഃ പ്രതിബിമ്ബിതം തം
പശ്യാമി ചിത്തേന വിനായകം ച ।
തത്രാസനം രത്നസുവര്ണയുക്തം
സങ്കല്പ്യ ദേവം വിനിവേശയാമി ॥ 5 ॥

സിദ്ധ്യാ ച ബുദ്ധ്യാ സഹ വിഘ്നരാജ
പാദ്യം കുരു പ്രേമഭരേണ സര്വൈഃ ।
സുവാസിതം നീരമഥോ ഗൃഹാണ
ചിത്തേന ദത്തം ച സുഖോഷ്ണഭാവമ് ॥ 6 ॥

തതഃ സുവസ്ത്രേണ ഗണേശമാദൌ
സമ്പ്രോക്ഷ്യ ദൂര്വാദിഭിരര്ചയാമി ।
ചിത്തേന ഭാവപ്രിയ ദീനബന്ധോ
മനോ വിലീനം കുരു തേ പദാബ്ജേ ॥ 7 ॥

കര്പൂരകൈലാദിസുവാസിതം തു
സുകല്പിതം തോയമഥോ ഗൃഹാണ ।
ആചമ്യ തേനൈവ ഗജാനന ത്വം
കൃപാകടാക്ഷേണ വിലോകയാശു ॥ 8 ॥

പ്രവാലമുക്താഫലഹാടകാദ്യൈഃ
സുസംസ്കൃതം ഹ്യന്തരഭാവകേന ।
അനര്ഘ്യമര്ഘ്യം സഫലം കുരുഷ്വ
മയാ പ്രദത്തം ഗണരാജ ഢുണ്ഢേ ॥ 9 ॥

സൌഗന്ധ്യയുക്തം മധുപര്കമാദ്യം
സങ്കല്പിതം ഭാവയുതം ഗൃഹാണ ।
പുനസ്തഥാചമ്യ വിനായക ത്വം
ഭക്താംശ്ച ഭക്തേശ സുരക്ഷയാശു ॥ 10 ॥

സുവാസിതം ചമ്പകജാതികാദ്യൈ-
-സ്തൈലം മയാ കല്പിതമേവ ഢുണ്ഢേ ।
ഗൃഹാണ തേന പ്രവിമര്ദയാമി
സര്വാങ്ഗമേവം തവ സേവനായ ॥ 11 ॥

തതഃ സുഖോഷ്ണേന ജലേന ചാഹ-
-മനേകതീര്ഥാഹൃതകേന ഢുണ്ഢേ ।
ചിത്തേന ശുദ്ധേന ച സ്നാപയാമി
സ്നാനം മയാ ദത്തമഥോ ഗൃഹാണ ॥ 12 ॥

തതഃ പയഃസ്നാനമചിന്ത്യഭാവ
ഗൃഹാണ തോയസ്യ തഥാ ഗണേശ ।
പുനര്ദധിസ്നാനമനാമയ ത്വം
ചിത്തേന ദത്തം ച ജലസ്യ ചൈവ ॥ 13 ॥

തതോ ഘൃതസ്നാനമപാരവന്ദ്യ
സുതീര്ഥജം വിഘ്നഹര പ്രസീദ ।
ഗൃഹാണ ചിത്തേന സുകല്പിതം തു
തതോ മധുസ്നാനമഥോ ജലസ്യ ॥ 14 ॥

സുശര്കരായുക്തമഥോ ഗൃഹാണ
സ്നാനം മയാ കല്പിതമേവ ഢുണ്ഢേ ।
തതോ ജലസ്നാനമഘാപഹന്തൃ
വിഘ്നേശ മായാഭ്രമം വാരയാശു ॥ 15 ॥

സുയക്ഷപങ്കസ്ഥമഥോ ഗൃഹാണ
സ്നാനം പരേശാധിപതേ തതശ്ച ।
കൌമണ്ഡലീസമ്ഭവജം കുരുഷ്വ
വിശുദ്ധമേവം പരികല്പിതം തു ॥ 16 ॥

തതസ്തു സൂക്തൈര്മനസാ ഗണേശം
സമ്പൂജ്യ ദൂര്വാദിഭിരല്പഭാവൈഃ ।
അപാരകൈര്മണ്ഡലഭൂതബ്രഹ്മ-
-ണസ്പത്യകൈസ്തം ഹ്യഭിഷേചയാമി ॥ 17 ॥

തതഃ സുവസ്ത്രേണ തു പ്രോഞ്ഛനം ത്വം
ഗൃഹാണ ചിത്തേന മയാ സുകല്പിതമ് ।
തതോ വിശുദ്ധേന ജലേന ഢുണ്ഢേ
ഹ്യാചാന്തമേവം കുരു വിഘ്നരാജ ॥ 18 ॥

അഗ്നൌ വിശുദ്ധേ തു ഗൃഹാണ വസ്ത്രേ
ഹ്യനര്ഘ്യമൌല്യേ മനസാ മയാ തേ ।
ദത്തേ പരിച്ഛാദ്യ നിജാത്മദേഹം
താഭ്യാം മയൂരേശ ജനാംശ്ച പാലയ ॥ 19 ॥

ആചമ്യ വിഘ്നേശ പുനസ്തഥൈവ
ചിത്തേന ദത്തം മുഖമുത്തരീയമ് ।
ഗൃഹാണ ഭക്തപ്രതിപാലക ത്വം
നമോ യഥാ താരകസംയുതം തു ॥ 20 ॥

യജ്ഞോപവീതം ത്രിഗുണസ്വരൂപം
സൌവര്ണമേവം ഹ്യഹിനാഥഭൂതമ് ।
ഭാവേന ദത്തം ഗണനാഥ തത്ത്വം
ഗൃഹാണ ഭക്തോദ്ധൃതികാരണായ ॥ 21 ॥

ആചാന്തമേവം മനസാ പ്രദത്തം
കുരുഷ്വ ശുദ്ധേന ജലേന ഢുണ്ഢേ ।
പുനശ്ച കൌമണ്ഡലകേന പാഹി വിശ്വം
പ്രഭോ ഖേലകരം സദാ തേ ॥ 22 ॥

ഉദ്യദ്ദിനേശാഭമഥോ ഗൃഹാണ
സിന്ദൂരകം തേ മനസാ പ്രദത്തമ് ।
സര്വാങ്ഗസംലേപനമാദരാദ്വൈ
കുരുഷ്വ ഹേരമ്ബ ച തേന പൂര്ണമ് ॥ 23 ॥

സഹസ്രശീര്ഷം മനസാ മയാ ത്വം
ദത്തം കിരീടം തു സുവര്ണജം വൈ ।
അനേകരത്നൈഃ ഖചിതം ഗൃഹാണ
ബ്രഹ്മേശ തേ മസ്തകശോഭനായ ॥ 24 ॥

വിചിത്രരത്നൈഃ കനകേന ഢുണ്ഢേ
യുതാനി ചിത്തേന മയാ പരേശ ।
ദത്താനി നാനാപദകുണ്ഡലാനി
ഗൃഹാണ ശൂര്പശ്രുതിഭൂഷണായ ॥ 25 ॥

ശുണ്ഡാവിഭൂഷാര്ഥമനന്തഖേലിന്
സുവര്ണജം കഞ്ചുകമാഗൃഹാണ ।
രത്നൈശ്ച യുക്തം മനസാ മയാ യ-
-ദ്ദത്തം പ്രഭോ തത്സഫലം കുരുഷ്വ ॥ 26 ॥

സുവര്ണരത്നൈശ്ച യുതാനി ഢുണ്ഢേ
സദൈകദന്താഭരണാനി കല്പ്യ ।
ഗൃഹാണ ചൂഡാകൃതയേ പരേശ
ദത്താനി ദന്തസ്യ ച ശോഭനാര്ഥമ് ॥ 27 ॥

രത്നൈഃ സുവര്ണേന കൃതാനി താനി
ഗൃഹാണ ചത്വാരി മയാ പ്രകല്പ്യ ।
സമ്ഭൂഷയ ത്വം കടകാനി നാഥ
ചതുര്ഭുജേഷു ഹ്യജ വിഘ്നഹാരിന് ॥ 28 ॥

വിചിത്രരത്നൈഃ ഖചിതം സുവര്ണ-
-സമ്ഭൂതകം ഗൃഹ്യ മയാ പ്രദത്തമ് ।
തഥാങ്ഗുലീഷ്വങ്ഗുലികം ഗണേശ
ചിത്തേന സംശോഭയ തത്പരേശ ॥ 29 ॥

വിചിത്രരത്നൈഃ ഖചിതാനി ഢുണ്ഢേ
കേയൂരകാണി ഹ്യഥ കല്പിതാനി ।
സുവര്ണജാനി പ്രമഥാധിനാഥ
ഗൃഹാണ ദത്താനി തു ബാഹുഷു ത്വമ് ॥ 30 ॥

പ്രവാലമുക്താഫലരത്നജൈസ്ത്വം
സുവര്ണസൂത്രൈശ്ച ഗൃഹാണ കണ്ഠേ ।
ചിത്തേന ദത്താ വിവിധാശ്ച മാലാ
ഉരോദരേ ശോഭയ വിഘ്നരാജ ॥ 31 ॥

ചന്ദ്രം ലലാടേ ഗണനാഥ പൂര്ണം
വൃദ്ധിക്ഷയാഭ്യാം തു വിഹീനമാദ്യമ് ।
സംശോഭയ ത്വം വരസംയുതം തേ
ഭക്തിപ്രിയത്വം പ്രകടീകുരുഷ്വ ॥ 32 ॥

ചിന്താമണിം ചിന്തിതദം പരേശ
ഹൃദ്ദേശഗം ജ്യോതിര്മയം കുരുഷ്വ ।
മണിം സദാനന്ദസുഖപ്രദം ച
വിഘ്നേശ ദീനാര്ഥദ പാലയസ്വ ॥ 33 ॥

നാഭൌ ഫണീശം ച സഹസ്രശീര്ഷം
സംവേഷ്ടനേനൈവ ഗണാധിനാഥ ।
ഭക്തം സുഭൂഷം കുരു ഭൂഷണേന
വരപ്രദാനം സഫലം പരേശ ॥ 34 ॥

കടീതടേ രത്നസുവര്ണയുക്താം
കാഞ്ചീം സുചിത്തേന ച ധാരയാമി ।
വിഘ്നേശ ജ്യോതിര്ഗണദീപനീം തേ
പ്രസീദ ഭക്തം കുരു മാം ദയാബ്ധേ ॥ 35 ॥

ഹേരമ്ബ തേ രത്നസുവര്ണയുക്തേ
സുനൂപുരേ മഞ്ജിരകേ തഥൈവ ।
സുകിങ്കിണീനാദയുതേ സുബുദ്ധ്യാ
സുപാദയോഃ ശോഭയ മേ പ്രദത്തേ ॥ 36 ॥

ഇത്യാദി നാനാവിധഭൂഷണാനി
തവേച്ഛയാ മാനസകല്പിതാനി ।
സമ്ഭൂഷയാമ്യേവ ത്വദങ്ഗകേഷു
വിചിത്രധാതുപ്രഭവാനി ഢുണ്ഢേ ॥ 37 ॥

സുചന്ദനം രക്തമമോഘവീര്യം
സുഘര്ഷിതം ഹ്യഷ്ടകഗന്ധമുഖ്യൈഃ ।
യുക്തം മയാ കല്പിതമേകദന്ത
ഗൃഹാണ തേ ത്വങ്ഗവിലേപനാര്ഥമ് ॥ 38 ॥

ലിപ്തേഷു വൈചിത്ര്യമഥാഷ്ടഗന്ധൈ-
-രങ്ഗേഷു തേഽഹം പ്രകരോമി ചിത്രമ് ।
പ്രസീദ ചിത്തേന വിനായക ത്വം
തതഃ സുരക്തം രവിമേവ ഫാലേ ॥ 39 ॥

ഘൃതേന വൈ കുങ്കുമകേന രക്താന്
സുതണ്ഡുലാംസ്തേ പരികല്പയാമി ।
ഫാലേ ഗണാധ്യക്ഷ ഗൃഹാണ പാഹി
ഭക്താന് സുഭക്തിപ്രിയ ദീനബന്ധോ ॥ 40 ॥

ഗൃഹാണ ഭോ ചമ്പകമാലതീനി
ജലപങ്കജാനി സ്ഥലപങ്കജാനി ।
ചിത്തേന ദത്താനി ച മല്ലികാനി
പുഷ്പാണി നാനാവിധവൃക്ഷജാനി ॥ 41 ॥

പുഷ്പോപരി ത്വം മനസാ ഗൃഹാണ
ഹേരമ്ബ മന്ദാരശമീദലാനി ।
മയാ സുചിത്തേന പ്രകല്പിതാനി
ഹ്യപാരകാണി പ്രണവാകൃതേ തു ॥ 42 ॥

ദൂര്വാങ്കുരാന്വൈ മനസാ പ്രദത്താം-
-സ്ത്രിപഞ്ചപത്രൈര്യുതകാംശ്ച സ്നിഗ്ധാന് ।
ഗൃഹാണ വിഘ്നേശ്വര സങ്ഖ്യയാ ത്വം
ഹീനാംശ്ച സര്വോപരി വക്രതുണ്ഡ ॥ 43 ॥

ദശാങ്ഗഭൂതം മനസാ മയാ തേ
ധൂപം പ്രദത്തം ഗണരാജ ഢുണ്ഢേ ।
ഗൃഹാണ സൌരഭ്യകരം പരേശ
സിദ്ധ്യാ ച ബുദ്ധ്യാ സഹ ഭക്തപാല ॥ 44 ॥

ദീപം സുവര്ത്യാ യുതമാദരാത്തേ
ദത്തം മയാ മാനസകം ഗണേശ ।
ഗൃഹാണ നാനാവിധജം ഘൃതാദി-
-തൈലാദിസമ്ഭൂതമമോഘദൃഷ്ടേ ॥ 45 ॥

ഭോജ്യം ച ലേഹ്യം ഗണരാജ പേയം
ചോഷ്യം ച നാനാവിധഷഡ്രസാഢ്യമ് ।
ഗൃഹാണ നൈവേദ്യമഥോ മയാ തേ
സുകല്പിതം പുഷ്ടിപതേ മഹാത്മന് ॥ 46 ॥

സുവാസിതം ഭോജനമധ്യഭാഗേ
ജലം മയാ ദത്തമഥോ ഗൃഹാണ ।
കമണ്ഡലുസ്ഥം മനസാ ഗണേശ
പിബസ്വ വിശ്വാദികതൃപ്തികാരിന് ॥ 47 ॥

തതഃ കരോദ്വര്തനകം ഗൃഹാണ
സൌഗന്ധ്യയുക്തം മുഖമാര്ജനായ ।
സുവാസിതേനൈവ സുതീര്ഥജേന
സുകല്പിതം നാഥ ഗൃഹാണ ഢുണ്ഢേ ॥ 48 ॥

പുനസ്തഥാചമ്യ സുവാസിതം ച
ദത്തം മയാ തീര്ഥജലം പിബസ്വ ।
പ്രകല്പ്യ വിഘ്നേശ തതഃ പരം തേ
സമ്പ്രോഞ്ഛനം ഹസ്തമുഖേ കരോമി ॥ 49 ॥

ദ്രാക്ഷാദിരമ്ഭാഫലചൂതകാനി
ഖാര്ജൂരകാര്കന്ധുകദാഡിമാനി ।
സുസ്വാദയുക്താനി മയാ പ്രകല്പ്യ
ഗൃഹാണ ദത്താനി ഫലാനി ഢുണ്ഢേ ॥ 50 ॥

പുനര്ജലേനൈവ കരാദികം തേ
സങ്ക്ഷാലയാമി മനസാ ഗണേശ ।
സുവാസിതം തോയമഥോ പിബസ്വ
മയാ പ്രദത്തം മനസാ പരേശ ॥ 51 ॥

അഷ്ടാങ്ഗയുക്തം ഗണനാഥ ദത്തം
താമ്ബൂലകം തേ മനസാ മയാ വൈ ।
ഗൃഹാണ വിഘ്നേശ്വര ഭാവയുക്തം
സദാ സകൃത്തുണ്ഡവിശോധനാര്ഥമ് ॥ 52 ॥

തതോ മയാ കല്പിതകേ ഗണേശ
മഹാസനേ രത്നസുവര്ണയുക്തേ ।
മന്ദാരകാര്പാസകയുക്തവസ്ത്രൈ-
-രനര്ഘ്യസഞ്ഛാദിതകേ പ്രസീദ ॥ 53 ॥

തതസ്ത്വദീയാവരണം പരേശ
സമ്പൂജയാമി മനസാ യഥാവത് ।
നാനോപചാരൈഃ പരമപ്രിയൈസ്തു
ത്വത്പ്രീതികാമാര്ഥമനാഥബന്ധോ ॥ 54 ॥

ഗൃഹാണ ലമ്ബോദര ദക്ഷിണാം തേ
ഹ്യസങ്ഖ്യഭൂതാം മനസാ പ്രദത്താമ് ।
സൌവര്ണമുദ്രാദികമുഖ്യഭാവാം
പാഹി പ്രഭോ വിശ്വമിദം ഗണേശ ॥ 55 ॥

രാജോപചാരാന്വിവിധാന്ഗൃഹാണ
ഹസ്ത്യശ്വഛത്രാദികമാദരാദ്വൈ ।
ചിത്തേന ദത്താന് ഗണനാഥ ഢുണ്ഢേ
ഹ്യപാരസങ്ഖ്യാന് സ്ഥിരജങ്ഗമാംസ്തേ ॥ 56 ॥

ദാനായ നാനാവിധരൂപകാംസ്തേ
ഗൃഹാണ ദത്താന്മനസാ മയാ വൈ ।
പദാര്ഥഭൂതാന് സ്ഥിരജങ്ഗമാംശ്ച
ഹേരമ്ബ മാം താരയ മോഹഭാവാത് ॥ 57 ॥

മന്ദാരപുഷ്പാണി ശമീദലാനി
ദൂര്വാങ്കുരാംസ്തേ മനസാ ദദാമി ।
ഹേരമ്ബ ലമ്ബോദര ദീനപാല
ഗൃഹാണ ഭക്തം കുരു മാം പദേ തേ ॥ 58 ॥

തതോ ഹരിദ്രാമബിരം ഗുലാലം
സിന്ദൂരകം തേ പരികല്പയാമി ।
സുവാസിതം വസ്തു സുവാസഭൂതൈ-
-ര്ഗൃഹാണ ബ്രഹ്മേശ്വര ശോഭനാര്ഥമ് ॥ 59 ॥

തതഃ ശുകാദ്യാഃ ശിവവിഷ്ണുമുഖ്യാ
ഇന്ദ്രാദയഃ ശേഷമുഖാസ്തഥാന്യേ ।
മുനീന്ദ്രകാഃ സേവകഭാവയുക്താഃ
സഭാസനസ്ഥം പ്രണമന്തി ഢുണ്ഢിമ് ॥ 60 ॥

വാമാങ്ഗകേ ശക്തിയുതാ ഗണേശം
സിദ്ധിസ്തു നാനാവിധസിദ്ധിഭിസ്തമ് ।
അത്യന്തഭാവേന സുസേവതേ തു
മായാസ്വരൂപാ പരമാര്ഥഭൂതാ ॥ 61 ॥

ഗണേശ്വരം ദക്ഷിണഭാഗസംസ്ഥാ
ബുദ്ധിഃ കലാഭിശ്ച സുബോധികാഭിഃ ।
വിദ്യാഭിരേവം ഭജതേ പരേശ
മായാസു സാങ്ഖ്യപ്രദചിത്തരൂപാഃ ॥ 62 ॥

പ്രമോദമോദാദയഃ പൃഷ്ഠഭാഗേ
ഗണേശ്വരം ഭാവയുതാ ഭജന്തേ ।
ഭക്തേശ്വരാ മുദ്ഗലശമ്ഭുമുഖ്യാഃ
ശുകാദയസ്തം സ്മ പുരോ ഭജന്തേ ॥ 63 ॥

ഗന്ധര്വമുഖ്യാ മധുരം ജഗുശ്ച
ഗണേശഗീതം വിവിധസ്വരൂപമ് ।
നൃത്യം കലായുക്തമഥോ പുരസ്താ-
-ച്ചക്രുസ്തഥാ ഹ്യപ്സരസോ വിചിത്രമ് ॥ 64 ॥

ഇത്യാദിനാനാവിധഭാവയുക്തൈഃ
സംസേവിതം വിഘ്നപതിം ഭജാമി ।
ചിത്തേന ധ്യാത്വാ തു നിരഞ്ജനം വൈ
കരോമി നാനാവിധദീപയുക്തമ് ॥ 65 ॥

ചതുര്ഭുജം പാശധരം ഗണേശം
തഥാങ്കുശം ദന്തയുതം തമേവമ് ।
ത്രിനേത്രയുക്തം ത്വഭയങ്കരം തം
മഹോദരം ചൈകരദം ഗജാസ്യമ് ॥ 66 ॥

സര്പോപവീതം ഗജകര്ണധാരം
വിഭൂതിഭിഃ സേവിതപാദപദ്മമ് ।
ധ്യായേദ്ഗണേശം വിവിധപ്രകാരൈഃ
സുപൂജിതം ശക്തിയുതം പരേശമ് ॥ 67 ॥

തതോ ജപം വൈ മനസാ കരോമി
സ്വമൂലമന്ത്രസ്യ വിധാനയുക്തമ് ।
അസങ്ഖ്യഭൂതം ഗണരാജ ഹസ്തേ
സമര്പയാമ്യേവ ഗൃഹാണ ഢുണ്ഢേ ॥ 68 ॥

ആരാര്തികാം കര്പൂരകാദിഭൂതാ-
-മപാരദീപാം പ്രകരോമി പൂര്ണാമ് ।
ചിത്തേന ലമ്ബോദര താം ഗൃഹാണ
ഹ്യജ്ഞാനധ്വാന്താഘഹരാം നിജാനാമ് ॥ 69 ॥

വേദേഷു വിഘ്നേശ്വരകൈഃ സുമന്ത്രൈഃ
സുമന്ത്രിതം പുഷ്പദലം പ്രഭൂതമ് ।
ഗൃഹാണ ചിത്തേന മയാ പ്രദത്ത-
-മപാരവൃത്ത്യാ ത്വഥ മന്ത്രപുഷ്പമ് ॥ 70 ॥

അപാരവൃത്യാ സ്തുതിമേകദന്തം
ഗൃഹാണ ചിത്തേന കൃതാം ഗണേശ ।
യുക്താം ശ്രുതിസ്മാര്തഭവൈഃ പുരാണൈഃ
സര്വൈഃ പരേശാധിപതേ മയാ തേ ॥ 71 ॥

പ്രദക്ഷിണാ മാനസകല്പിതാസ്താ
ഗൃഹാണ ലമ്ബോദര ഭാവയുക്താഃ ।
സങ്ഖ്യാവിഹീനാ വിവിധസ്വരൂപാ
ഭക്താന് സദാ രക്ഷ ഭവാര്ണവാദ്വൈ ॥ 72 ॥

നതിം തതോ വിഘ്നപതേ ഗൃഹാണ
സാഷ്ടാങ്ഗകാദ്യാം വിവിധസ്വരൂപാമ് ।
സങ്ഖ്യാവിഹീനാം മനസാ കൃതാം തേ
സിദ്ധ്യാ ച ബുദ്ധ്യാ പരിപാലയാശു ॥ 73 ॥

ന്യൂനാതിരിക്തം തു മയാ കൃതം ചേ-
-ത്തദര്ഥമന്തേ മനസാ ഗൃഹാണ ।
ദൂര്വാങ്കുരാന്വിഘ്നപതേ പ്രദത്താന്
സമ്പൂര്ണമേവം കുരു പൂജനം മേ ॥ 74 ॥

ക്ഷമസ്വ വിഘ്നാധിപതേ മദീയാന്
സദാപരാധാന് വിവിധസ്വരൂപാന് ।
ഭക്തിം മദീയാം സഫലാം കുരുഷ്വ
സമ്പ്രാര്ഥയാമി മനസാ ഗണേശ ॥ 75 ॥

തതഃ പ്രസന്നേന ഗജാനനേന
ദത്തം പ്രസാദം ശിരസാഭിവന്ദ്യ ।
സ്വമസ്തകേ തം പരിധാരയാമി
ചിത്തേന വിഘ്നേശ്വരമാനതോഽസ്മി ॥ 76 ॥

ഉത്ഥായ വിഘ്നേശ്വര ഏവ തസ്മാ-
-ദ്ഗതസ്തതസ്ത്വന്തരധാനശക്ത്യാ ।
ശിവാദയസ്തം പ്രണിപത്യ സര്വേ
ഗതാഃ സുചിത്തേന ച ചിന്തയാമി ॥ 77 ॥

സര്വാന്നമസ്കൃത്യ തതോഽഹമേവ
ഭജാമി ചിത്തേന ഗണാധിപം തമ് ।
സ്വസ്ഥാനമാഗത്യ മഹാനുഭാവൈ-
-ര്ഭക്തൈര്ഗണേശസ്യ ച ഖേലയാമി ॥ 78 ॥

ഏവം ത്രികാലേഷു ഗണാധിപം തം
ചിത്തേന നിത്യം പരിപൂജയാമി ।
തേനൈവ തുഷ്ടഃ പ്രദദാതു ഭാവം
വിശ്വേശ്വരോ ഭക്തിമയം തു മഹ്യമ് ॥ 79 ॥

ഗണേശപാദോദകപാനകം ച
ഹ്യുച്ഛിഷ്ടഗന്ധസ്യ സുലേപനം തു ।
നിര്മാല്യസന്ധാരണകം സുഭോജ്യം
ലമ്ബോദരസ്യാസ്തു ഹി ഭുക്തശേഷമ് ॥ 80 ॥

യം യം കരോമ്യേവ തദേവ ദീക്ഷാ
ഗണേശ്വരസ്യാസ്തു സദാ ഗണേശ ।
പ്രസീദ നിത്യം തവ പാദഭക്തം
കുരുഷ്വ മാം ബ്രഹ്മപതേ ദയാലോ ॥ 81 ॥

തതസ്തു ശയ്യാം പരികല്പയാമി
മന്ദാരകാര്പാസകവസ്ത്രയുക്താമ് ।
സുവാസപുഷ്പാദിഭിരര്ചിതാം
തേ ഗൃഹാണ നിദ്രാം കുരു വിഘ്നരാജ ॥ 82 ॥

സിദ്ധ്യാ ച ബുദ്ധ്യാ സഹിതം ഗണേശ
സുനിദ്രിതം വീക്ഷ്യ തഥാഹമേവ ।
ഗത്വാ സ്വവാസം ച കരോമി നിദ്രാം
ധ്യാത്വാ ഹൃദി ബ്രഹ്മപതിം തദീയഃ ॥ 83 ॥

ഏതാദൃശം സൌഖ്യമമോഘശക്തേ
ദേഹി പ്രഭോ മാനസജം ഗണേശ ।
മഹ്യം ച തേനൈവ കൃതാര്ഥരൂപോ
ഭവാമി ഭക്തിരസലാലസോഽഹമ് ॥ 84 ॥

ഗാര്ഗ്യ ഉവാച।
ഏവം നിത്യം മഹാരാജ ഗൃത്സമദോ മഹായശാഃ ।
ചകാര മാനസീം പൂജാം യോഗീന്ദ്രാണാം ഗുരുഃ സ്വയമ് ॥ 85 ॥

യ ഏതാം മാനസീം പൂജാം കരിഷ്യതി നരോത്തമഃ ।
പഠിഷ്യതി സദാ സോഽപി ഗാണപത്യോ ഭവിഷ്യതി ॥ 86 ॥

ശ്രാവയിഷ്യതി യോ മര്ത്യഃ ശ്രോഷ്യതേ ഭാവസംയുതഃ ।
സ ക്രമേണ മഹീപാല ബ്രഹ്മഭൂതോ ഭവിഷ്യതി ॥ 87 ॥

യം യമിച്ഛതി തം തം വൈ സഫലം തസ്യ ജായതേ ।
അന്തേ സ്വാനന്ദഗഃ സോഽപി യോഗിവന്ദ്യോ ഭവിഷ്യതി ॥ 88 ॥

ഗണേശ മാനസ പൂജ

ഗൃത്സമദ ഉവാച ।

Explore More

ഗൃത്സമദ ഉവാച ।

More Ganesha Stotras

Explore More