॥ তৃতীযঃ সৰ্গঃ ॥
॥ মুগ্ধমধুসূদনঃ ॥
কংসাৰিৰপি সংসাৰৱাসনাবন্ধশৃঙ্খলাম্ ।
ৰাধামাধায হৃদযে তত্যাজ ৱ্ৰজসুন্দৰীঃ ॥ 18 ॥
কংসাৰিৰপি সংসাৰৱাসনাবন্ধশৃঙ্খলাম্ ।
ৰাধামাধায হৃদযে তত্যাজ ৱ্ৰজসুন্দৰীঃ ॥ 18 ॥
ইতস্ততস্তামনুসৃত্য ৰাধিকা-মনঙ্গবাণৱ্ৰণখিন্নমানসঃ ।
কৃতানুতাপঃ স কলিন্দনন্দিনী-তটান্তকুঞ্জে ৱিষসাদ মাধৱঃ ॥ 19 ॥
কৃতানুতাপঃ স কলিন্দনন্দিনী-তটান্তকুঞ্জে ৱিষসাদ মাধৱঃ ॥ 19 ॥
॥ গীতং 7 ॥
মামিযং চলিতা ৱিলোক্য ৱৃতং ৱধূনিচযেন ।
সাপৰাধতযা মযাপি ন ৱাৰিতাতিভযেন ॥
হৰি হৰি হতাদৰতযা গতা সা কুপিতেৱ ॥ 1 ॥
সাপৰাধতযা মযাপি ন ৱাৰিতাতিভযেন ॥
হৰি হৰি হতাদৰতযা গতা সা কুপিতেৱ ॥ 1 ॥
কিং কৰিষ্যতি কিং ৱদিষ্যতি সা চিৰং ৱিৰহেণ ।
কিং ধনেন জনেন কিং মম জীৱনেন গৃহেণ ॥ 2 ॥
কিং ধনেন জনেন কিং মম জীৱনেন গৃহেণ ॥ 2 ॥
চিন্তযামি তদাননং কুটিলভ্ৰু কোপভৰেণ ।
শোণপদ্মমিৱোপৰি ভ্ৰমতাকুলং ভ্ৰমৰেণ ॥ 3 ॥
শোণপদ্মমিৱোপৰি ভ্ৰমতাকুলং ভ্ৰমৰেণ ॥ 3 ॥
তামহং হৃদি সঙ্গতামনিশং ভৃশং ৰমযামি ।
কিং ৱনেঽনুসৰামি তামিহ কিং ৱৃথা ৱিলপামি ॥ 4 ॥
কিং ৱনেঽনুসৰামি তামিহ কিং ৱৃথা ৱিলপামি ॥ 4 ॥
তন্ৱি খিন্নমসূযযা হৃদযং তৱাকলযামি ।
তন্ন ৱেদ্মি কুতো গতাসি ন তেন তেঽনুনযামি ॥ 5 ॥
তন্ন ৱেদ্মি কুতো গতাসি ন তেন তেঽনুনযামি ॥ 5 ॥
দৃশ্যতে পুৰতো গতাগতমেৱ মে ৱিদধাসি ।
কিং পুৰেৱ সসম্ভ্ৰমং পৰিৰম্ভণং ন দদাসি ॥ 6 ॥
কিং পুৰেৱ সসম্ভ্ৰমং পৰিৰম্ভণং ন দদাসি ॥ 6 ॥
ক্ষম্যতামপৰং কদাপি তৱেদৃশং ন কৰোমি ।
দেহি সুন্দৰি দৰ্শনং মম মন্মথেন দুনোমি ॥ 7 ॥
দেহি সুন্দৰি দৰ্শনং মম মন্মথেন দুনোমি ॥ 7 ॥
ৱৰ্ণিতং জযদেৱকেন হৰেৰিদং প্ৰৱণেন ।
কিন্দুবিল্ৱসমুদ্ৰসম্ভৱৰোহিণীৰমণেন ॥ 8 ॥
কিন্দুবিল্ৱসমুদ্ৰসম্ভৱৰোহিণীৰমণেন ॥ 8 ॥
হৃদি বিসলতাহাৰো নাযং ভুজঙ্গমনাযকঃ কুৱলযদলশ্ৰেণী কণ্ঠে ন সা গৰলদ্যুতিঃ ।
মলযজৰজো নেদং ভস্ম প্ৰিযাৰহিতে মযি প্ৰহৰ ন হৰভ্ৰান্ত্যানঙ্গ ক্ৰুধা কিমু ধাৱসি ॥ 20 ॥
মলযজৰজো নেদং ভস্ম প্ৰিযাৰহিতে মযি প্ৰহৰ ন হৰভ্ৰান্ত্যানঙ্গ ক্ৰুধা কিমু ধাৱসি ॥ 20 ॥
পাণৌ মা কুৰু চূতসাযকমমুং মা চাপমাৰোপয ক্ৰীডানিৰ্জিতৱিশ্ৱ মূৰ্ছিতজনাঘাতেন কিং পৌৰুষম্ ।
তস্যা এৱ মৃগীদৃশো মনসিজপ্ৰেঙ্খত্কটাক্ষাশুগ-শ্ৰেণীজৰ্জৰিতং মনাগপি মনো নাদ্যাপি সন্ধুক্ষতে ॥ 21 ॥
তস্যা এৱ মৃগীদৃশো মনসিজপ্ৰেঙ্খত্কটাক্ষাশুগ-শ্ৰেণীজৰ্জৰিতং মনাগপি মনো নাদ্যাপি সন্ধুক্ষতে ॥ 21 ॥
ভ্ৰূচাপে নিহিতঃ কটাক্ষৱিশিখো নিৰ্মাতু মৰ্মৱ্যথাং শ্যামাত্মা কুটিলঃ কৰোতু কবৰীভাৰোঽপি মাৰোদ্যমম্ ।
মোহং তাৱদযং চ তন্ৱি তনুতাং বিম্বাদৰো ৰাগৱান্ সদ্ৱৃত্তস্তনমণ্দলস্তৱ কথং প্ৰাণৈৰ্মম ক্ৰীডতি ॥ 22 ॥
মোহং তাৱদযং চ তন্ৱি তনুতাং বিম্বাদৰো ৰাগৱান্ সদ্ৱৃত্তস্তনমণ্দলস্তৱ কথং প্ৰাণৈৰ্মম ক্ৰীডতি ॥ 22 ॥
তানি স্পৰ্শসুখানি তে চ তৰলাঃ স্নিগ্ধা দৃশোৰ্ৱিভ্ৰমা-স্তদ্ৱক্ত্ৰাম্বুজসৌৰভং স চ সুধাস্যন্দী গিৰাং ৱক্ৰিমা ।
সা বিম্বাধৰমাধুৰীতি ৱিষযাসঙ্গেঽপি চেন্মানসং তস্যাং লগ্নসমাধি হন্ত ৱিৰহৱ্যাধিঃ কথং ৱৰ্ধতে ॥ 23 ॥
সা বিম্বাধৰমাধুৰীতি ৱিষযাসঙ্গেঽপি চেন্মানসং তস্যাং লগ্নসমাধি হন্ত ৱিৰহৱ্যাধিঃ কথং ৱৰ্ধতে ॥ 23 ॥
ভ্ৰূপল্লৱং ধনুৰপাঙ্গতৰঙ্গিতানি বাণাঃ গুণঃ শ্ৰৱণপালিৰিতি স্মৰেণ ।
তস্যামনঙ্গজযজঙ্গমদেৱতাযাং অস্ত্ৰাণি নিৰ্জিতজগন্তি কিমৰ্পিতানি ॥ 24 ॥
তস্যামনঙ্গজযজঙ্গমদেৱতাযাং অস্ত্ৰাণি নিৰ্জিতজগন্তি কিমৰ্পিতানি ॥ 24 ॥
[এষঃ শ্লোকঃ কেষুচন সংস্কৰণেষু ৱিদ্যতে]
তিৰ্যক্কণ্ঠ ৱিলোল মৌলি তৰলোত্তং সস্য ৱংশোচ্চৰদ্-
দীপ্তিস্থান কৃতাৱধান ললনা লক্ষৈৰ্ন সংলক্ষিতাঃ ।
সম্মুগ্ধে মধুসূদনস্য মধুৰে ৰাধামুখেন্দৌ সুধা-
সাৰে কন্দলিতাশ্চিৰং দধতু ৱঃ ক্ষেমং কটাক্ষোৰ্ম্ময ॥ (25) ॥
তিৰ্যক্কণ্ঠ ৱিলোল মৌলি তৰলোত্তং সস্য ৱংশোচ্চৰদ্-
দীপ্তিস্থান কৃতাৱধান ললনা লক্ষৈৰ্ন সংলক্ষিতাঃ ।
সম্মুগ্ধে মধুসূদনস্য মধুৰে ৰাধামুখেন্দৌ সুধা-
সাৰে কন্দলিতাশ্চিৰং দধতু ৱঃ ক্ষেমং কটাক্ষোৰ্ম্ময ॥ (25) ॥
॥ ইতি শ্ৰীগীতগোৱিন্দে মুগ্ধমধুসূদনো নাম তৃতীযঃ সৰ্গঃ ॥