॥ তৃতীযঃ সর্গঃ ॥
॥ মুগ্ধমধুসূদনঃ ॥
কংসারিরপি সংসারবাসনাবন্ধশৃঙ্খলাম্ ।
রাধামাধায হৃদযে তত্যাজ ব্রজসুন্দরীঃ ॥ 18 ॥
কংসারিরপি সংসারবাসনাবন্ধশৃঙ্খলাম্ ।
রাধামাধায হৃদযে তত্যাজ ব্রজসুন্দরীঃ ॥ 18 ॥
ইতস্ততস্তামনুসৃত্য রাধিকা-মনঙ্গবাণব্রণখিন্নমানসঃ ।
কৃতানুতাপঃ স কলিন্দনন্দিনী-তটান্তকুঞ্জে বিষসাদ মাধবঃ ॥ 19 ॥
কৃতানুতাপঃ স কলিন্দনন্দিনী-তটান্তকুঞ্জে বিষসাদ মাধবঃ ॥ 19 ॥
॥ গীতং 7 ॥
মামিযং চলিতা বিলোক্য বৃতং বধূনিচযেন ।
সাপরাধতযা মযাপি ন বারিতাতিভযেন ॥
হরি হরি হতাদরতযা গতা সা কুপিতেব ॥ 1 ॥
সাপরাধতযা মযাপি ন বারিতাতিভযেন ॥
হরি হরি হতাদরতযা গতা সা কুপিতেব ॥ 1 ॥
কিং করিষ্যতি কিং বদিষ্যতি সা চিরং বিরহেণ ।
কিং ধনেন জনেন কিং মম জীবনেন গৃহেণ ॥ 2 ॥
কিং ধনেন জনেন কিং মম জীবনেন গৃহেণ ॥ 2 ॥
চিন্তযামি তদাননং কুটিলভ্রু কোপভরেণ ।
শোণপদ্মমিবোপরি ভ্রমতাকুলং ভ্রমরেণ ॥ 3 ॥
শোণপদ্মমিবোপরি ভ্রমতাকুলং ভ্রমরেণ ॥ 3 ॥
তামহং হৃদি সঙ্গতামনিশং ভৃশং রমযামি ।
কিং বনেঽনুসরামি তামিহ কিং বৃথা বিলপামি ॥ 4 ॥
কিং বনেঽনুসরামি তামিহ কিং বৃথা বিলপামি ॥ 4 ॥
তন্বি খিন্নমসূযযা হৃদযং তবাকলযামি ।
তন্ন বেদ্মি কুতো গতাসি ন তেন তেঽনুনযামি ॥ 5 ॥
তন্ন বেদ্মি কুতো গতাসি ন তেন তেঽনুনযামি ॥ 5 ॥
দৃশ্যতে পুরতো গতাগতমেব মে বিদধাসি ।
কিং পুরেব সসম্ভ্রমং পরিরম্ভণং ন দদাসি ॥ 6 ॥
কিং পুরেব সসম্ভ্রমং পরিরম্ভণং ন দদাসি ॥ 6 ॥
ক্ষম্যতামপরং কদাপি তবেদৃশং ন করোমি ।
দেহি সুন্দরি দর্শনং মম মন্মথেন দুনোমি ॥ 7 ॥
দেহি সুন্দরি দর্শনং মম মন্মথেন দুনোমি ॥ 7 ॥
বর্ণিতং জযদেবকেন হরেরিদং প্রবণেন ।
কিন্দুবিল্বসমুদ্রসম্ভবরোহিণীরমণেন ॥ 8 ॥
কিন্দুবিল্বসমুদ্রসম্ভবরোহিণীরমণেন ॥ 8 ॥
হৃদি বিসলতাহারো নাযং ভুজঙ্গমনাযকঃ কুবলযদলশ্রেণী কণ্ঠে ন সা গরলদ্যুতিঃ ।
মলযজরজো নেদং ভস্ম প্রিযারহিতে মযি প্রহর ন হরভ্রান্ত্যানঙ্গ ক্রুধা কিমু ধাবসি ॥ 20 ॥
মলযজরজো নেদং ভস্ম প্রিযারহিতে মযি প্রহর ন হরভ্রান্ত্যানঙ্গ ক্রুধা কিমু ধাবসি ॥ 20 ॥
পাণৌ মা কুরু চূতসাযকমমুং মা চাপমারোপয ক্রীডানির্জিতবিশ্ব মূর্ছিতজনাঘাতেন কিং পৌরুষম্ ।
তস্যা এব মৃগীদৃশো মনসিজপ্রেঙ্খত্কটাক্ষাশুগ-শ্রেণীজর্জরিতং মনাগপি মনো নাদ্যাপি সন্ধুক্ষতে ॥ 21 ॥
তস্যা এব মৃগীদৃশো মনসিজপ্রেঙ্খত্কটাক্ষাশুগ-শ্রেণীজর্জরিতং মনাগপি মনো নাদ্যাপি সন্ধুক্ষতে ॥ 21 ॥
ভ্রূচাপে নিহিতঃ কটাক্ষবিশিখো নির্মাতু মর্মব্যথাং শ্যামাত্মা কুটিলঃ করোতু কবরীভারোঽপি মারোদ্যমম্ ।
মোহং তাবদযং চ তন্বি তনুতাং বিম্বাদরো রাগবান্ সদ্বৃত্তস্তনমণ্দলস্তব কথং প্রাণৈর্মম ক্রীডতি ॥ 22 ॥
মোহং তাবদযং চ তন্বি তনুতাং বিম্বাদরো রাগবান্ সদ্বৃত্তস্তনমণ্দলস্তব কথং প্রাণৈর্মম ক্রীডতি ॥ 22 ॥
তানি স্পর্শসুখানি তে চ তরলাঃ স্নিগ্ধা দৃশোর্বিভ্রমা-স্তদ্বক্ত্রাম্বুজসৌরভং স চ সুধাস্যন্দী গিরাং বক্রিমা ।
সা বিম্বাধরমাধুরীতি বিষযাসঙ্গেঽপি চেন্মানসং তস্যাং লগ্নসমাধি হন্ত বিরহব্যাধিঃ কথং বর্ধতে ॥ 23 ॥
সা বিম্বাধরমাধুরীতি বিষযাসঙ্গেঽপি চেন্মানসং তস্যাং লগ্নসমাধি হন্ত বিরহব্যাধিঃ কথং বর্ধতে ॥ 23 ॥
ভ্রূপল্লবং ধনুরপাঙ্গতরঙ্গিতানি বাণাঃ গুণঃ শ্রবণপালিরিতি স্মরেণ ।
তস্যামনঙ্গজযজঙ্গমদেবতাযাং অস্ত্রাণি নির্জিতজগন্তি কিমর্পিতানি ॥ 24 ॥
তস্যামনঙ্গজযজঙ্গমদেবতাযাং অস্ত্রাণি নির্জিতজগন্তি কিমর্পিতানি ॥ 24 ॥
[এষঃ শ্লোকঃ কেষুচন সংস্করণেষু বিদ্যতে]
তির্যক্কণ্ঠ বিলোল মৌলি তরলোত্তং সস্য বংশোচ্চরদ্-
দীপ্তিস্থান কৃতাবধান ললনা লক্ষৈর্ন সংলক্ষিতাঃ ।
সম্মুগ্ধে মধুসূদনস্য মধুরে রাধামুখেন্দৌ সুধা-
সারে কন্দলিতাশ্চিরং দধতু বঃ ক্ষেমং কটাক্ষোর্ম্ময ॥ (25) ॥
তির্যক্কণ্ঠ বিলোল মৌলি তরলোত্তং সস্য বংশোচ্চরদ্-
দীপ্তিস্থান কৃতাবধান ললনা লক্ষৈর্ন সংলক্ষিতাঃ ।
সম্মুগ্ধে মধুসূদনস্য মধুরে রাধামুখেন্দৌ সুধা-
সারে কন্দলিতাশ্চিরং দধতু বঃ ক্ষেমং কটাক্ষোর্ম্ময ॥ (25) ॥
॥ ইতি শ্রীগীতগোবিন্দে মুগ্ধমধুসূদনো নাম তৃতীযঃ সর্গঃ ॥