॥ ସପ୍ତମଃ ସର୍ଗଃ ॥
॥ ନାଗରନାରାଯଣଃ ॥
ଅତ୍ରାନ୍ତରେ ଚ କୁଲଟାକୁଲଵର୍ତ୍ମପାତ-ସଞ୍ଜାତପାତକ ଇଵ ସ୍ଫୁଟଲାଞ୍ଛନଶ୍ରୀଃ ।
ଵୃନ୍ଦାଵନାନ୍ତରମଦୀପଯଦଂଶୁଜାଲୈ-ର୍ଦିକ୍ସୁନ୍ଦରୀଵଦନଚନ୍ଦନବିନ୍ଦୁରିନ୍ଦୁଃ ॥ 40 ॥
ଅତ୍ରାନ୍ତରେ ଚ କୁଲଟାକୁଲଵର୍ତ୍ମପାତ-ସଞ୍ଜାତପାତକ ଇଵ ସ୍ଫୁଟଲାଞ୍ଛନଶ୍ରୀଃ ।
ଵୃନ୍ଦାଵନାନ୍ତରମଦୀପଯଦଂଶୁଜାଲୈ-ର୍ଦିକ୍ସୁନ୍ଦରୀଵଦନଚନ୍ଦନବିନ୍ଦୁରିନ୍ଦୁଃ ॥ 40 ॥
ପ୍ରସରତି ଶଶଧରବିମ୍ବେ ଵିହିତଵିଲମ୍ବେ ଚ ମାଧଵେ ଵିଧୁରା ।
ଵିରଚିତଵିଵିଧଵିଲାପଂ ସା ପରିତାପଂ ଚକାରୋଚ୍ଚୈଃ ॥ 41 ॥
ଵିରଚିତଵିଵିଧଵିଲାପଂ ସା ପରିତାପଂ ଚକାରୋଚ୍ଚୈଃ ॥ 41 ॥
॥ ଗୀତଂ 13 ॥
କଥିତସମଯେଽପି ହରିରହହ ନ ଯଯୌ ଵନମ୍ ।
ମମ ଵିଫଲମିଦମମଲରୂପମପି ଯୌଵନମ୍ ॥
ଯାମି ହେ କମିହ ଶରଣଂ ସଖୀଜନଵଚନଵଞ୍ଚିତା ॥ 1 ॥
ମମ ଵିଫଲମିଦମମଲରୂପମପି ଯୌଵନମ୍ ॥
ଯାମି ହେ କମିହ ଶରଣଂ ସଖୀଜନଵଚନଵଞ୍ଚିତା ॥ 1 ॥
ଯଦନୁଗମନାଯ ନିଶି ଗହନମପି ଶୀଲିତମ୍ ।
ତେନ ମମ ହୃଦଯମିଦମସମଶରକୀଲିତମ୍ ॥ 2 ॥
ତେନ ମମ ହୃଦଯମିଦମସମଶରକୀଲିତମ୍ ॥ 2 ॥
ମମ ମରଣମେଵ ଵରମତିଵିତଥକେତନା ।
କିମିହ ଵିଷହାମି ଵିରହାନଲଚେତନା ॥ 3 ॥
କିମିହ ଵିଷହାମି ଵିରହାନଲଚେତନା ॥ 3 ॥
ମାମହହ ଵିଧୁରଯତି ମଧୁରମଧୁଯାମିନୀ ।
କାପି ହରିମନୁଭଵତି କୃତସୁକୃତକାମିନୀ ॥ 4 ॥
କାପି ହରିମନୁଭଵତି କୃତସୁକୃତକାମିନୀ ॥ 4 ॥
ଅହହ କଲଯାମି ଵଲଯାଦିମଣୀଭୂଷଣମ୍ ।
ହରିଵିରହଦହନଵହନେନ ବହୁଦୂଷଣମ୍ ॥ 5 ॥
ହରିଵିରହଦହନଵହନେନ ବହୁଦୂଷଣମ୍ ॥ 5 ॥
କୁସୁମସୁକୁମାରତନୁମତନୁଶରଲୀଲଯା ।
ସ୍ରଗପି ହୃଦି ହନ୍ତି ମାମତିଵିଷମଶୀଲଯା ॥ 6 ॥
ସ୍ରଗପି ହୃଦି ହନ୍ତି ମାମତିଵିଷମଶୀଲଯା ॥ 6 ॥
ଅହମିହ ନିଵସାମି ନଗଣିତଵନଵେତସା ।
ସ୍ମରତି ମଧୁସୂଦନୋ ମାମପି ନ ଚେତସା ॥ 7 ॥
ସ୍ମରତି ମଧୁସୂଦନୋ ମାମପି ନ ଚେତସା ॥ 7 ॥
ହରିଚରଣଶରଣଜଯଦେଵକଵିଭାରତୀ ।
ଵସତୁ ହୃଦି ଯୁଵତିରିଵ କୋମଲକଲାଵତୀ ॥ 8 ॥
ଵସତୁ ହୃଦି ଯୁଵତିରିଵ କୋମଲକଲାଵତୀ ॥ 8 ॥
ତତ୍କିଂ କାମପି କାମିନୀମଭିସୃତଃ କିଂ ଵା କଲାକେଲିଭି-ର୍ବଦ୍ଧୋ ବନ୍ଧୁଭିରନ୍ଧକାରିଣି ଵନୋପାନ୍ତେ କିମୁ ଭ୍ରାମ୍ଯତି ।
କାନ୍ତଃ କ୍ଲାନ୍ତମନା ମନାଗପି ପଥି ପ୍ରସ୍ଥାତୁମେଵାକ୍ଷମଃ ସଙ୍କେତୀକୃତମଞ୍ଜୁଵଞ୍ଜୁଲଲତାକୁଞ୍ଜେଽପି ଯନ୍ନାଗତଃ ॥ 42 ॥
କାନ୍ତଃ କ୍ଲାନ୍ତମନା ମନାଗପି ପଥି ପ୍ରସ୍ଥାତୁମେଵାକ୍ଷମଃ ସଙ୍କେତୀକୃତମଞ୍ଜୁଵଞ୍ଜୁଲଲତାକୁଞ୍ଜେଽପି ଯନ୍ନାଗତଃ ॥ 42 ॥
ଅଥାଗତାଂ ମାଧଵମନ୍ତରେଣ ସଖୀମିଯଂ ଵୀକ୍ଷ୍ଯ ଵିଷାଦମୂକାମ୍ ।
ଵିଶଙ୍କ୍ମାନା ରମିତଂ କଯାପି ଜନାର୍ଦନଂ ଦୃଷ୍ଟଵଦେତଦାହ ॥ 43 ॥
ଵିଶଙ୍କ୍ମାନା ରମିତଂ କଯାପି ଜନାର୍ଦନଂ ଦୃଷ୍ଟଵଦେତଦାହ ॥ 43 ॥
॥ ଗୀତଂ 14 ॥
ସ୍ମରସମରୋଚିତଵିରଚିତଵେଶା ।
ଗଲିତକୁସୁମଦରଵିଲୁଲିତକେଶା ॥
କାପି ମଧୁରିପୁଣା ଵିଲସତି ଯୁଵତିରଧିକଗୁଣା ॥ 1 ॥
ଗଲିତକୁସୁମଦରଵିଲୁଲିତକେଶା ॥
କାପି ମଧୁରିପୁଣା ଵିଲସତି ଯୁଵତିରଧିକଗୁଣା ॥ 1 ॥
ହରିପରିରମ୍ଭଣଵଲିତଵିକାରା ।
କୁଚକଲଶୋପରି ତରଲିତହାରା ॥ 2 ॥
କୁଚକଲଶୋପରି ତରଲିତହାରା ॥ 2 ॥
ଵିଚଲଦଲକଲଲିତାନନଚନ୍ଦ୍ରା ।
ତଦଧରପାନରଭସକୃତତନ୍ଦ୍ରା ॥ 3 ॥
ତଦଧରପାନରଭସକୃତତନ୍ଦ୍ରା ॥ 3 ॥
ଚଞ୍ଚଲକୁଣ୍ଡଲଦଲିତକପୋଲା ।
ମୁଖରିତରସନଜଘନଗଲିତଲୋଲା ॥ 4 ॥
ମୁଖରିତରସନଜଘନଗଲିତଲୋଲା ॥ 4 ॥
ଦଯିତଵିଲୋକିତଲଜ୍ଜିତହସିତା ।
ବହୁଵିଧକୂଜିତରତିରସରସିତା ॥ 5 ॥
ବହୁଵିଧକୂଜିତରତିରସରସିତା ॥ 5 ॥
ଵିପୁଲପୁଲକପୃଥୁଵେପଥୁଭଙ୍ଗା ।
ଶ୍ଵସିତନିମୀଲିତଵିକସଦନଙ୍ଗା ॥ 6 ॥
ଶ୍ଵସିତନିମୀଲିତଵିକସଦନଙ୍ଗା ॥ 6 ॥
ଶ୍ରମଜଲକଣଭରସୁଭଗଶରୀରା ।
ପରିପତିତୋରସି ରତିରଣଧୀରା ॥ 7 ॥
ପରିପତିତୋରସି ରତିରଣଧୀରା ॥ 7 ॥
ଶ୍ରୀଜଯଦେଵଭଣିତହରିରମିତମ୍ ।
କଲିକଲୁଷଂ ଜନଯତୁ ପରିଶମିତମ୍ ॥ 8 ॥
କଲିକଲୁଷଂ ଜନଯତୁ ପରିଶମିତମ୍ ॥ 8 ॥
ଵିରହପାଣ୍ଡୁମୁରାରିମୁଖାମ୍ବୁଜ-ଦ୍ଯୁତିରିଯଂ ତିରଯନ୍ନପି ଚେତନାମ୍ ।
ଵିଧୁରତୀଵ ତନୋତି ମନୋଭୁଵଃ ସହୃଦଯେ ହୃଦଯେ ମଦନଵ୍ଯଥାମ୍ ॥ 44 ॥
ଵିଧୁରତୀଵ ତନୋତି ମନୋଭୁଵଃ ସହୃଦଯେ ହୃଦଯେ ମଦନଵ୍ଯଥାମ୍ ॥ 44 ॥
॥ ଗୀତଂ 15 ॥
ସମୁଦିତମଦନେ ରମଣୀଵଦନେ ଚୁମ୍ବନଵଲିତାଧରେ ।
ମୃଗମଦତିଲକଂ ଲିଖତି ସପୁଲକଂ ମୃଗମିଵ ରଜନୀକରେ ॥
ରମତେ ଯମୁନାପୁଲିନଵନେ ଵିଜଯୀ ମୁରାରିରଧୁନା ॥ 1 ॥
ମୃଗମଦତିଲକଂ ଲିଖତି ସପୁଲକଂ ମୃଗମିଵ ରଜନୀକରେ ॥
ରମତେ ଯମୁନାପୁଲିନଵନେ ଵିଜଯୀ ମୁରାରିରଧୁନା ॥ 1 ॥
ଘନଚଯରୁଚିରେ ରଚଯତି ଚିକୁରେ ତରଲିତତରୁଣାନନେ ।
କୁରବକକୁସୁମଂ ଚପଲାସୁଷମଂ ରତିପତିମୃଗକାନନେ ॥ 2 ॥
କୁରବକକୁସୁମଂ ଚପଲାସୁଷମଂ ରତିପତିମୃଗକାନନେ ॥ 2 ॥
ଘଟଯତି ସୁଘନେ କୁଚଯୁଗଗଗନେ ମୃଗମଦରୁଚିରୂଷିତେ ।
ମଣିସରମମଲଂ ତାରକପଟଲଂ ନଖପଦଶଶିଭୂଷିତେ ॥ 3 ॥
ମଣିସରମମଲଂ ତାରକପଟଲଂ ନଖପଦଶଶିଭୂଷିତେ ॥ 3 ॥
ଜିତବିସଶକଲେ ମୃଦୁଭୁଜଯୁଗଲେ କରତଲନଲିନୀଦଲେ ।
ମରକତଵଲଯଂ ମଧୁକରନିଚଯଂ ଵିତରତି ହିମଶୀତଲେ ॥ 4 ॥
ମରକତଵଲଯଂ ମଧୁକରନିଚଯଂ ଵିତରତି ହିମଶୀତଲେ ॥ 4 ॥
ରତିଗୃହଜଘନେ ଵିପୁଲାପଘନେ ମନସିଜକନକାସନେ ।
ମଣିମଯରସନଂ ତୋରଣହସନଂ ଵିକିରତି କୃତଵାସନେ ॥ 5 ॥
ମଣିମଯରସନଂ ତୋରଣହସନଂ ଵିକିରତି କୃତଵାସନେ ॥ 5 ॥
ଚରଣକିସଲଯେ କମଲାନିଲଯେ ନଖମଣିଗଣପୂଜିତେ ।
ବହିରପଵରଣଂ ଯାଵକଭରଣଂ ଜନଯତି ହୃଦି ଯୋଜିତେ ॥ 6 ॥
ବହିରପଵରଣଂ ଯାଵକଭରଣଂ ଜନଯତି ହୃଦି ଯୋଜିତେ ॥ 6 ॥
ରମଯତି ସଦୃଶଂ କାମପି ସୁଭୃଶଂ ଖଲହଲଧରସୋଦରେ ।
କିମଫଲମଵସଂ ଚିରମିହ ଵିରସଂ ଵଦ ସଖି ଵିଟପୋଦରେ ॥ 7 ॥
କିମଫଲମଵସଂ ଚିରମିହ ଵିରସଂ ଵଦ ସଖି ଵିଟପୋଦରେ ॥ 7 ॥
ଇହ ରସଭଣନେ କୃତହରିଗୁଣନେ ମଧୁରିପୁପଦସେଵକେ ।
କଲିଯୁଗଚରିତଂ ନ ଵସତୁ ଦୁରିତଂ କଵିନୃପଜଯଦେଵକେ ॥ 8 ॥
କଲିଯୁଗଚରିତଂ ନ ଵସତୁ ଦୁରିତଂ କଵିନୃପଜଯଦେଵକେ ॥ 8 ॥
ନାଯାତଃ ସଖି ନିର୍ଦଯୋ ଯଦି ଶଠସ୍ତ୍ଵଂ ଦୂତି କିଂ ଦୂଯସେ ସ୍ଵଚ୍ଛନ୍ଦଂ ବହୁଵଲ୍ଲଭଃ ସ ରମତେ କିଂ ତତ୍ର ତେ ଦୂଷଣମ୍ ।
ପଶ୍ଯାଦ୍ଯ ପ୍ରିଯସମ୍ଗମାଯ ଦଯିତସ୍ଯାକୃଷ୍ଯମାଣଂ ଗଣୈ-ରୁତ୍କଣ୍ଠାର୍ତିଭରାଦିଵ ସ୍ଫୁଟଦିଦଂ ଚେତଃ ସ୍ଵଯଂ ଯାସ୍ଯତି ॥ 45 ॥
ପଶ୍ଯାଦ୍ଯ ପ୍ରିଯସମ୍ଗମାଯ ଦଯିତସ୍ଯାକୃଷ୍ଯମାଣଂ ଗଣୈ-ରୁତ୍କଣ୍ଠାର୍ତିଭରାଦିଵ ସ୍ଫୁଟଦିଦଂ ଚେତଃ ସ୍ଵଯଂ ଯାସ୍ଯତି ॥ 45 ॥
॥ ଗୀତଂ 16 ॥
ଅନିଲତରଲକୁଵଲଯନଯନେନ ।
ତପତି ନ ସା କିସଲଯଶଯନେନ ॥
ସଖି ଯା ରମିତା ଵନମାଲିନା ॥ 1 ॥
ତପତି ନ ସା କିସଲଯଶଯନେନ ॥
ସଖି ଯା ରମିତା ଵନମାଲିନା ॥ 1 ॥
ଵିକସିତସରସିଜଲଲିତମୁଖେନ ।
ସ୍ଫୁଟତି ନ ସା ମନସିଜଵିଶିଖେନ ॥ 2 ॥
ସ୍ଫୁଟତି ନ ସା ମନସିଜଵିଶିଖେନ ॥ 2 ॥
ଅମୃତମଧୁରମୃଦୁତରଵଚନେନ ।
ଜ୍ଵଲତି ନ ସା ମଲଯଜପଵନେନ ॥ 3 ॥
ଜ୍ଵଲତି ନ ସା ମଲଯଜପଵନେନ ॥ 3 ॥
ସ୍ଥଲଜଲରୁହରୁଚିକରଚରଣେନ ।
ଲୁଠତି ନ ସା ହିମକରକିରଣେନ ॥ 4 ॥
ଲୁଠତି ନ ସା ହିମକରକିରଣେନ ॥ 4 ॥
ସଜଲଜଲଦସମୁଦଯରୁଚିରେଣ ।
ଦଲତି ନ ସା ହୃଦି ଚିରଵିରହେଣ ॥ 5 ॥
ଦଲତି ନ ସା ହୃଦି ଚିରଵିରହେଣ ॥ 5 ॥
କନକନିକଷରୁଚିଶୁଚିଵସନେନ ।
ଶ୍ଵସତି ନ ସା ପରିଜନହସନେନ ॥ 6 ॥
ଶ୍ଵସତି ନ ସା ପରିଜନହସନେନ ॥ 6 ॥
ସକଲଭୁଵନଜନଵରତରୁଣେନ ।
ଵହତି ନ ସା ରୁଜମତିକରୁଣେନ ॥ 7 ॥
ଵହତି ନ ସା ରୁଜମତିକରୁଣେନ ॥ 7 ॥
ଶ୍ରୀଜଯଦେଵଭଣିତଵଚନେନ ।
ପ୍ରଵିଶତୁ ହରିରପି ହୃଦଯମନେନ ॥ 8 ॥
ପ୍ରଵିଶତୁ ହରିରପି ହୃଦଯମନେନ ॥ 8 ॥
ମନୋଭଵାନନ୍ଦନ ଚନ୍ଦନାନିଲ ପ୍ରସୀଦ ରେ ଦକ୍ଷିଣ ମୁଞ୍ଚ ଵାମତାମ୍ ।
କ୍ଷଣଂ ଜଗତ୍ପ୍ରାଣ ଵିଧାଯ ମାଧଵଂ ପୁରୋ ମମ ପ୍ରାଣହରୋ ଭଵିଷ୍ଯସି ॥ 46 ॥
କ୍ଷଣଂ ଜଗତ୍ପ୍ରାଣ ଵିଧାଯ ମାଧଵଂ ପୁରୋ ମମ ପ୍ରାଣହରୋ ଭଵିଷ୍ଯସି ॥ 46 ॥
ରିପୁରିଵ ସଖୀସଂଵାସୋଽଯଂ ଶିଖୀଵ ହିମାନିଲୋ ଵିଷମିଵ ସୁଧାରଶ୍ମିର୍ଯସ୍ମିନ୍ଦୁନୋତି ମନୋଗତେ ।
ହୃଦଯମଦଯେ ତସ୍ମିନ୍ନେଵଂ ପୁନର୍ଵଲତେ ବଲାତ୍ କୁଵଲଯଦୃଶାଂ ଵାମଃ କାମୋ ନିକାମନିରଙ୍କୁଶଃ ॥ 47 ॥
ହୃଦଯମଦଯେ ତସ୍ମିନ୍ନେଵଂ ପୁନର୍ଵଲତେ ବଲାତ୍ କୁଵଲଯଦୃଶାଂ ଵାମଃ କାମୋ ନିକାମନିରଙ୍କୁଶଃ ॥ 47 ॥
ବାଧାଂ ଵିଧେହି ମଲଯାନିଲ ପଞ୍ଚବାଣ ପ୍ରାଣାନ୍ଗୃହାଣ ନ ଗୃହଂ ପୁନରାଶ୍ରଯିଷ୍ଯେ ।
କିଂ ତେ କୃତାନ୍ତଭଗିନି କ୍ଷମଯା ତରଙ୍ଗୈ-ରଙ୍ଗାନି ସିଞ୍ଚ ମମ ଶାମ୍ଯତୁ ଦେହଦାହଃ ॥ 48 ॥
କିଂ ତେ କୃତାନ୍ତଭଗିନି କ୍ଷମଯା ତରଙ୍ଗୈ-ରଙ୍ଗାନି ସିଞ୍ଚ ମମ ଶାମ୍ଯତୁ ଦେହଦାହଃ ॥ 48 ॥
ପ୍ରାତର୍ନୀଲନିଚୋଲମଚ୍ଯୁତମୁରସ୍ସଂଵୀତପୀତାମ୍ବରମ୍
ରଧାଯାଶ୍କିତଂ ଵିଲୋକ୍ଯ ହସତି ସ୍ଵୈରଂ ସଖୀମଣ୍ଡଲେ ।
ଵ୍ରୀଡାଚଞ୍ଚଲମଞ୍ଚଲଂ ନଯନଯୋରାଧାଯ ରାଧାନନେ
ସ୍ଵାଦୁସ୍ମେରମୁଖୋଽଯମସ୍ତୁ ଜଗଦାନନ୍ଦାଯ ନନ୍ଦାତ୍ମଜଃ॥(କସ୍ମିଂଶ୍ଚନ ପାଠାନ୍ତରେ ଇଦଂ ପଦ୍ଯଂ ଵିଦ୍ଯତେ)
॥
ରଧାଯାଶ୍କିତଂ ଵିଲୋକ୍ଯ ହସତି ସ୍ଵୈରଂ ସଖୀମଣ୍ଡଲେ ।
ଵ୍ରୀଡାଚଞ୍ଚଲମଞ୍ଚଲଂ ନଯନଯୋରାଧାଯ ରାଧାନନେ
ସ୍ଵାଦୁସ୍ମେରମୁଖୋଽଯମସ୍ତୁ ଜଗଦାନନ୍ଦାଯ ନନ୍ଦାତ୍ମଜଃ॥(କସ୍ମିଂଶ୍ଚନ ପାଠାନ୍ତରେ ଇଦଂ ପଦ୍ଯଂ ଵିଦ୍ଯତେ)
॥
ଇତି ଗୀତଗୋଵିନ୍ଦେ ଵିପ୍ରଲବ୍ଧାଵର୍ଣନେ ନାଗନାରାଯଣୋ ନାମ ସପ୍ତମଃ ସର୍ଗଃ ॥