What is Marakata Sri Laksmiganapati Prapattih?

A prapatti, a formal surrender, and the thing to notice is that every epithet in it is dual. It is not Ganesha's feet that are taken refuge in but the pair of them, Lakshmi's and Ganesha's together, and the whole hymn is built to keep the two inseparable: the pair whose mantra-form is increased by the name of good-facedness; the pair bound by the work of wiping aversion away; the pair known by the winnowing of the elephant's ear; the pair whose greatness scrapes the clouds. Even the names arrive as attributes of both rather than of him alone — the single tusk, Lambodara, Heramba, the dignity of standing elder brother to Skanda, a whiteness like the kunda flower. Sixteen verses, and the refrain never varies: at the feet of Lakshmi-Ganesha I take refuge.

Which deity is Marakata Sri Laksmiganapati Prapattih dedicated to?

Marakata Sri Laksmiganapati Prapattih is a Sanskrit hymn dedicated to Lord Ganesha.

Who composed Marakata Sri Laksmiganapati Prapattih?

Marakata Sri Laksmiganapati Prapattih is traditionally attributed to Nateshvara.

Marakata Sri Laksmiganapati Prapattih – Meaning

अथ मरकत श्री लक्ष्मीगणपति प्रपत्तिः

सौमुख्यनामपरिवर्धितमन्त्ररूपौ
वैमुख्यभावपरिमार्जन कर्मबद्धौ ।
प्रामुख्यकीर्ति वरदान विधानकर्मौ
लक्ष्मीगणेशचरणौ शरणं प्रपद्ये ॥ १ ॥

श्रेष्ठैकदन्तगजरूपनिजानुभाव्यौ
गोष्ठीप्रपञ्चितपुनीतकथाप्रसङ्गौ ।
प्रोष्ठप्रदायक समुन्नतभद्ररूपौ
लक्ष्मीगणेशचरणौ शरणं प्रपद्ये ॥ २ ॥

राजद्विलासकपिलाह्वयरूपभासौ
भ्राजत्कलानिवहसंस्तुतदिव्यरूपौ ।
सौजन्यभासुरमनोविषयप्रभासौ
लक्ष्मीगणेशचरणौ शरणं प्रपद्ये ॥ ३ ॥

विभ्राजदात्मगजकर्णिकया सुवेद्यौ
शुभ्रांशु सौम्यरुचिरौ शुभचिन्तनीयौ ।
अभ्रङ्कषात्ममहिमौ महनीयवर्णौ
लक्ष्मीगणेशचरणौ शरणं प्रपद्ये ॥ ४ ॥

लम्बोदरात्मकतनूविभवानुभाव्यौ
बिम्बायमानवरकान्तिपथानुगम्यौ ।
सम्बोधिताखिल चराचरलोकदृश्यौ
लक्ष्मीगणेशचरणौ शरणं प्रपद्ये ॥ ५ ॥

दुष्टासुरेषु विकटीकृतनैजरूपौ
शिष्टानुरञ्जनचणौ शिखरायमाणौ ।
सृष्टिस्थितिप्रलयकारणकार्यमग्नौ
लक्ष्मीगणेशचरणौ शरणं प्रपद्ये ॥ ६ ॥

निर्विघ्नराजितपथौ नियमैकवेद्यौ
गर्वापनेयचरितौ गणराड्विनोदौ ।
सर्वोन्नतौ सकलपालनकर्मशीलौ
लक्ष्मीगणेशचरणौ शरणं प्रपद्ये ॥ ७ ॥

गाणाधिपत्यपदवीप्रविभक्तदीपौ
प्राणप्रदानकुशलौ प्रविलासभावौ ।
त्राणोत्सुकौ निरतभाग्यविधानशीलौ
लक्ष्मीगणेशचरणौ शरणं प्रपद्ये ॥ ८ ॥

प्राग्धूमकेतुवरनाम विराजमानौ
स्वाधीनकर्मकुशलौ समभावभाव्यौ ।
बाधानिवारणचणौ भवबन्धनाशौ
लक्ष्मीगणेशचरणौ शरणं प्रपद्ये ॥ ९ ॥

ईशौ गणाधिपति दिव्यपथानुगम्यौ
राशीकृतात्मगुणभाग्यविवर्धमानौ ।
आशान्तदीप्तिविभवौ सुकृतात्मदृश्यौ
लक्ष्मीगणेशचरणौ शरणं प्रपद्ये ॥ १० ॥

मौलीन्दुकान्तिविशदीकृततत्त्वभासौ
केलीविलासरुचिरौ कमनीयशोभौ ।
व्यालोलभक्तिरमणौ वरदानशीलौ
लक्ष्मीगणेशचरणौ शरणं प्रपद्ये ॥ ११ ॥

श्रेष्ठौगजाननपुराणकथाविलीनौ
श्रेष्ठप्रभावलयिनौ चिरदीप्तिभासौ ।
श्रेष्ठात्मतत्त्व चरितौ शिवदानशीलौ
लक्ष्मीगणेशचरणौ शरणं प्रपद्ये ॥ १२ ॥

श्रीवक्रतुण्डमुखकान्तिसमानभासौ
भावोन्नतिप्रथित संस्तवनीयशोभौ ।
सेवानुरक्तजनतावनकर्मदक्षौ
लक्ष्मीगणेशचरणौ शरणं प्रपद्ये ॥ १३ ॥

शूर्पोपमान निजकर्णविलेख्यवर्णौ
दर्पापनोदनचणौ दरहासशोभौ ।
कर्पूर साम्यविमलौ करुणाविलासौ
लक्ष्मीगणेशचरणौ शरणं प्रपद्ये ॥ १४ ॥

हेरम्बनामपठनेन विराजमानौ
प्रारम्भकार्यफलदान समर्चनीयौ ।
श्रीरम्यकान्तिविभवौ चिरकीर्तिनिष्ठौ
लक्ष्मीगणेशचरणौ शरणं प्रपद्ये ॥ १५ ॥

स्कन्दाग्रजत्वपदवीविलसत् प्रभावौ
मन्दारसुन्दर सुमार्चितदिव्यरूपौ ।
कुन्दोपमौ कविजनात्मविलासहासौ
लक्ष्मीगणेशचरणौ शरणं प्रपद्ये ॥ १६ ॥

More Ganesha Stotras

Explore More