Lord Ganesha

మరకత శ్రీ లక్ష్మీగణపతి ప్రపత్తిః

(Marakata Sri Laksmiganapati Prapattih in Telugu)

Nateshvara

Also known as marakatha lakshmi ganapati prapatti

Language:Sanskrit
Translation:English

A prapatti, a formal surrender, and the thing to notice is that every epithet in it is dual. It is not Ganesha's feet that are taken refuge in but the pair of them, Lakshmi's and Ganesha's together, and the whole hymn is built to keep the two inseparable: the pair whose mantra-form is increased by the name of good-facedness; the pair bound by the work of wiping aversion away; the pair known by the winnowing of the elephant's ear; the pair whose greatness scrapes the clouds. Even the names arrive as attributes of both rather than of him alone — the single tusk, Lambodara, Heramba, the dignity of standing elder brother to Skanda, a whiteness like the kunda flower. Sixteen verses, and the refrain never varies: at the feet of Lakshmi-Ganesha I take refuge.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
అథ మరకత శ్రీ లక్ష్మీగణపతి ప్రపత్తిః
సౌముఖ్యనామపరివర్ధితమన్త్రరూపౌ
వైముఖ్యభావపరిమార్జన కర్మబద్ధౌ ।
ప్రాముఖ్యకీర్తి వరదాన విధానకర్మౌ
లక్ష్మీగణేశచరణౌ శరణం ప్రపద్యే ॥ ౧ ॥
శ్రేష్ఠైకదన్తగజరూపనిజానుభావ్యౌ
గోష్ఠీప్రపఞ్చితపునీతకథాప్రసఙ్గౌ ।
ప్రోష్ఠప్రదాయక సమున్నతభద్రరూపౌ
లక్ష్మీగణేశచరణౌ శరణం ప్రపద్యే ॥ ౨ ॥
రాజద్విలాసకపిలాహ్వయరూపభాసౌ
భ్రాజత్కలానివహసంస్తుతదివ్యరూపౌ ।
సౌజన్యభాసురమనోవిషయప్రభాసౌ
లక్ష్మీగణేశచరణౌ శరణం ప్రపద్యే ॥ ౩ ॥
విభ్రాజదాత్మగజకర్ణికయా సువేద్యౌ
శుభ్రాంశు సౌమ్యరుచిరౌ శుభచిన్తనీయౌ ।
అభ్రఙ్కషాత్మమహిమౌ మహనీయవర్ణౌ
లక్ష్మీగణేశచరణౌ శరణం ప్రపద్యే ॥ ౪ ॥
లమ్బోదరాత్మకతనూవిభవానుభావ్యౌ
బిమ్బాయమానవరకాన్తిపథానుగమ్యౌ ।
సమ్బోధితాఖిల చరాచరలోకదృశ్యౌ
లక్ష్మీగణేశచరణౌ శరణం ప్రపద్యే ॥ ౫ ॥
దుష్టాసురేషు వికటీకృతనైజరూపౌ
శిష్టానురఞ్జనచణౌ శిఖరాయమాణౌ ।
సృష్టిస్థితిప్రలయకారణకార్యమగ్నౌ
లక్ష్మీగణేశచరణౌ శరణం ప్రపద్యే ॥ ౬ ॥
నిర్విఘ్నరాజితపథౌ నియమైకవేద్యౌ
గర్వాపనేయచరితౌ గణరాడ్వినోదౌ ।
సర్వోన్నతౌ సకలపాలనకర్మశీలౌ
లక్ష్మీగణేశచరణౌ శరణం ప్రపద్యే ॥ ౭ ॥
గాణాధిపత్యపదవీప్రవిభక్తదీపౌ
ప్రాణప్రదానకుశలౌ ప్రవిలాసభావౌ ।
త్రాణోత్సుకౌ నిరతభాగ్యవిధానశీలౌ
లక్ష్మీగణేశచరణౌ శరణం ప్రపద్యే ॥ ౮ ॥
ప్రాగ్ధూమకేతువరనామ విరాజమానౌ
స్వాధీనకర్మకుశలౌ సమభావభావ్యౌ ।
బాధానివారణచణౌ భవబన్ధనాశౌ
లక్ష్మీగణేశచరణౌ శరణం ప్రపద్యే ॥ ౯ ॥
ఈశౌ గణాధిపతి దివ్యపథానుగమ్యౌ
రాశీకృతాత్మగుణభాగ్యవివర్ధమానౌ ।
ఆశాన్తదీప్తివిభవౌ సుకృతాత్మదృశ్యౌ
లక్ష్మీగణేశచరణౌ శరణం ప్రపద్యే ॥ ౧౦ ॥
మౌలీన్దుకాన్తివిశదీకృతతత్త్వభాసౌ
కేలీవిలాసరుచిరౌ కమనీయశోభౌ ।
వ్యాలోలభక్తిరమణౌ వరదానశీలౌ
లక్ష్మీగణేశచరణౌ శరణం ప్రపద్యే ॥ ౧౧ ॥
శ్రేష్ఠౌగజాననపురాణకథావిలీనౌ
శ్రేష్ఠప్రభావలయినౌ చిరదీప్తిభాసౌ ।
శ్రేష్ఠాత్మతత్త్వ చరితౌ శివదానశీలౌ
లక్ష్మీగణేశచరణౌ శరణం ప్రపద్యే ॥ ౧౨ ॥
శ్రీవక్రతుణ్డముఖకాన్తిసమానభాసౌ
భావోన్నతిప్రథిత సంస్తవనీయశోభౌ ।
సేవానురక్తజనతావనకర్మదక్షౌ
లక్ష్మీగణేశచరణౌ శరణం ప్రపద్యే ॥ ౧౩ ॥
శూర్పోపమాన నిజకర్ణవిలేఖ్యవర్ణౌ
దర్పాపనోదనచణౌ దరహాసశోభౌ ।
కర్పూర సామ్యవిమలౌ కరుణావిలాసౌ
లక్ష్మీగణేశచరణౌ శరణం ప్రపద్యే ॥ ౧౪ ॥
హేరమ్బనామపఠనేన విరాజమానౌ
ప్రారమ్భకార్యఫలదాన సమర్చనీయౌ ।
శ్రీరమ్యకాన్తివిభవౌ చిరకీర్తినిష్ఠౌ
లక్ష్మీగణేశచరణౌ శరణం ప్రపద్యే ॥ ౧౫ ॥
స్కన్దాగ్రజత్వపదవీవిలసత్ ప్రభావౌ
మన్దారసున్దర సుమార్చితదివ్యరూపౌ ।
కున్దోపమౌ కవిజనాత్మవిలాసహాసౌ
లక్ష్మీగణేశచరణౌ శరణం ప్రపద్యే ॥ ౧౬ ॥
ఇతి శ్రీ మరకత లక్ష్మీగణపతి ప్రపత్తిః సమ్పూర్ణా ॥

More Ganesha Stotras

मरकत श्री लक्ष्मीगणपति स्तोत्रम्
Marakata Sri Laksmiganapati Stotram
मरकत श्री लक्ष्मीगणपति सुप्रभातम्
Marakata Sri Laksmiganapati Suprabhatam
श्रीगणेश आरती (जय वक्रतुंडा)
Marathi Ganesh Aarti (Jai Vakratunda)
मयूरेश स्तोत्रम्
Mayuresa Stotram
मूषिकवाहन मोदकहस्त चामरकर्ण विलम्बितसूत्र
Mooshika Vahana
नानापरिमळ दुर्वा शेंदूर शमिपत्रें
Nana Parimal Durva Shendur Shamipatre Ganesh Aarti
नारद कृत गणेश स्तोत्रम्
Narada Krta Ganesa Stotram
पञ्चश्लोकि गणेश पुराणम्
Pancasloki Ganesa Puranam
View All Ganesha Collection →

Explore More

Ganesha CollectionWealthObstaclesHealthProtectionWisdomHome