Lord Ganesha

ಮರಕತ ಶ್ರೀ ಲಕ್ಷ್ಮೀಗಣಪತಿ ಪ್ರಪತ್ತಿಃ

(Marakata Sri Laksmiganapati Prapattih in Kannada)

Nateshvara

Also known as marakatha lakshmi ganapati prapatti

Language:Sanskrit
Translation:English

A prapatti, a formal surrender, and the thing to notice is that every epithet in it is dual. It is not Ganesha's feet that are taken refuge in but the pair of them, Lakshmi's and Ganesha's together, and the whole hymn is built to keep the two inseparable: the pair whose mantra-form is increased by the name of good-facedness; the pair bound by the work of wiping aversion away; the pair known by the winnowing of the elephant's ear; the pair whose greatness scrapes the clouds. Even the names arrive as attributes of both rather than of him alone — the single tusk, Lambodara, Heramba, the dignity of standing elder brother to Skanda, a whiteness like the kunda flower. Sixteen verses, and the refrain never varies: at the feet of Lakshmi-Ganesha I take refuge.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ಅಥ ಮರಕತ ಶ್ರೀ ಲಕ್ಷ್ಮೀಗಣಪತಿ ಪ್ರಪತ್ತಿಃ
ಸೌಮುಖ್ಯನಾಮಪರಿವರ್ಧಿತಮನ್ತ್ರರೂಪೌ
ವೈಮುಖ್ಯಭಾವಪರಿಮಾರ್ಜನ ಕರ್ಮಬದ್ಧೌ ।
ಪ್ರಾಮುಖ್ಯಕೀರ್ತಿ ವರದಾನ ವಿಧಾನಕರ್ಮೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧ ॥
ಶ್ರೇಷ್ಠೈಕದನ್ತಗಜರೂಪನಿಜಾನುಭಾವ್ಯೌ
ಗೋಷ್ಠೀಪ್ರಪಞ್ಚಿತಪುನೀತಕಥಾಪ್ರಸಙ್ಗೌ ।
ಪ್ರೋಷ್ಠಪ್ರದಾಯಕ ಸಮುನ್ನತಭದ್ರರೂಪೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೨ ॥
ರಾಜದ್ವಿಲಾಸಕಪಿಲಾಹ್ವಯರೂಪಭಾಸೌ
ಭ್ರಾಜತ್ಕಲಾನಿವಹಸಂಸ್ತುತದಿವ್ಯರೂಪೌ ।
ಸೌಜನ್ಯಭಾಸುರಮನೋವಿಷಯಪ್ರಭಾಸೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೩ ॥
ವಿಭ್ರಾಜದಾತ್ಮಗಜಕರ್ಣಿಕಯಾ ಸುವೇದ್ಯೌ
ಶುಭ್ರಾಂಶು ಸೌಮ್ಯರುಚಿರೌ ಶುಭಚಿನ್ತನೀಯೌ ।
ಅಭ್ರಙ್ಕಷಾತ್ಮಮಹಿಮೌ ಮಹನೀಯವರ್ಣೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೪ ॥
ಲಮ್ಬೋದರಾತ್ಮಕತನೂವಿಭವಾನುಭಾವ್ಯೌ
ಬಿಮ್ಬಾಯಮಾನವರಕಾನ್ತಿಪಥಾನುಗಮ್ಯೌ ।
ಸಮ್ಬೋಧಿತಾಖಿಲ ಚರಾಚರಲೋಕದೃಶ್ಯೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೫ ॥
ದುಷ್ಟಾಸುರೇಷು ವಿಕಟೀಕೃತನೈಜರೂಪೌ
ಶಿಷ್ಟಾನುರಞ್ಜನಚಣೌ ಶಿಖರಾಯಮಾಣೌ ।
ಸೃಷ್ಟಿಸ್ಥಿತಿಪ್ರಲಯಕಾರಣಕಾರ್ಯಮಗ್ನೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೬ ॥
ನಿರ್ವಿಘ್ನರಾಜಿತಪಥೌ ನಿಯಮೈಕವೇದ್ಯೌ
ಗರ್ವಾಪನೇಯಚರಿತೌ ಗಣರಾಡ್ವಿನೋದೌ ।
ಸರ್ವೋನ್ನತೌ ಸಕಲಪಾಲನಕರ್ಮಶೀಲೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೭ ॥
ಗಾಣಾಧಿಪತ್ಯಪದವೀಪ್ರವಿಭಕ್ತದೀಪೌ
ಪ್ರಾಣಪ್ರದಾನಕುಶಲೌ ಪ್ರವಿಲಾಸಭಾವೌ ।
ತ್ರಾಣೋತ್ಸುಕೌ ನಿರತಭಾಗ್ಯವಿಧಾನಶೀಲೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೮ ॥
ಪ್ರಾಗ್ಧೂಮಕೇತುವರನಾಮ ವಿರಾಜಮಾನೌ
ಸ್ವಾಧೀನಕರ್ಮಕುಶಲೌ ಸಮಭಾವಭಾವ್ಯೌ ।
ಬಾಧಾನಿವಾರಣಚಣೌ ಭವಬನ್ಧನಾಶೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೯ ॥
ಈಶೌ ಗಣಾಧಿಪತಿ ದಿವ್ಯಪಥಾನುಗಮ್ಯೌ
ರಾಶೀಕೃತಾತ್ಮಗುಣಭಾಗ್ಯವಿವರ್ಧಮಾನೌ ।
ಆಶಾನ್ತದೀಪ್ತಿವಿಭವೌ ಸುಕೃತಾತ್ಮದೃಶ್ಯೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧೦ ॥
ಮೌಲೀನ್ದುಕಾನ್ತಿವಿಶದೀಕೃತತತ್ತ್ವಭಾಸೌ
ಕೇಲೀವಿಲಾಸರುಚಿರೌ ಕಮನೀಯಶೋಭೌ ।
ವ್ಯಾಲೋಲಭಕ್ತಿರಮಣೌ ವರದಾನಶೀಲೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧೧ ॥
ಶ್ರೇಷ್ಠೌಗಜಾನನಪುರಾಣಕಥಾವಿಲೀನೌ
ಶ್ರೇಷ್ಠಪ್ರಭಾವಲಯಿನೌ ಚಿರದೀಪ್ತಿಭಾಸೌ ।
ಶ್ರೇಷ್ಠಾತ್ಮತತ್ತ್ವ ಚರಿತೌ ಶಿವದಾನಶೀಲೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧೨ ॥
ಶ್ರೀವಕ್ರತುಣ್ಡಮುಖಕಾನ್ತಿಸಮಾನಭಾಸೌ
ಭಾವೋನ್ನತಿಪ್ರಥಿತ ಸಂಸ್ತವನೀಯಶೋಭೌ ।
ಸೇವಾನುರಕ್ತಜನತಾವನಕರ್ಮದಕ್ಷೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧೩ ॥
ಶೂರ್ಪೋಪಮಾನ ನಿಜಕರ್ಣವಿಲೇಖ್ಯವರ್ಣೌ
ದರ್ಪಾಪನೋದನಚಣೌ ದರಹಾಸಶೋಭೌ ।
ಕರ್ಪೂರ ಸಾಮ್ಯವಿಮಲೌ ಕರುಣಾವಿಲಾಸೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧೪ ॥
ಹೇರಮ್ಬನಾಮಪಠನೇನ ವಿರಾಜಮಾನೌ
ಪ್ರಾರಮ್ಭಕಾರ್ಯಫಲದಾನ ಸಮರ್ಚನೀಯೌ ।
ಶ್ರೀರಮ್ಯಕಾನ್ತಿವಿಭವೌ ಚಿರಕೀರ್ತಿನಿಷ್ಠೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧೫ ॥
ಸ್ಕನ್ದಾಗ್ರಜತ್ವಪದವೀವಿಲಸತ್ ಪ್ರಭಾವೌ
ಮನ್ದಾರಸುನ್ದರ ಸುಮಾರ್ಚಿತದಿವ್ಯರೂಪೌ ।
ಕುನ್ದೋಪಮೌ ಕವಿಜನಾತ್ಮವಿಲಾಸಹಾಸೌ
ಲಕ್ಷ್ಮೀಗಣೇಶಚರಣೌ ಶರಣಂ ಪ್ರಪದ್ಯೇ ॥ ೧೬ ॥
ಇತಿ ಶ್ರೀ ಮರಕತ ಲಕ್ಷ್ಮೀಗಣಪತಿ ಪ್ರಪತ್ತಿಃ ಸಮ್ಪೂರ್ಣಾ ॥

More Ganesha Stotras

मरकत श्री लक्ष्मीगणपति स्तोत्रम्
Marakata Sri Laksmiganapati Stotram
मरकत श्री लक्ष्मीगणपति सुप्रभातम्
Marakata Sri Laksmiganapati Suprabhatam
श्रीगणेश आरती (जय वक्रतुंडा)
Marathi Ganesh Aarti (Jai Vakratunda)
मयूरेश स्तोत्रम्
Mayuresa Stotram
मूषिकवाहन मोदकहस्त चामरकर्ण विलम्बितसूत्र
Mooshika Vahana
नानापरिमळ दुर्वा शेंदूर शमिपत्रें
Nana Parimal Durva Shendur Shamipatre Ganesh Aarti
नारद कृत गणेश स्तोत्रम्
Narada Krta Ganesa Stotram
पञ्चश्लोकि गणेश पुराणम्
Pancasloki Ganesa Puranam
View All Ganesha Collection →

Explore More

Ganesha CollectionWealthObstaclesHealthProtectionWisdomHome