জয সংস্কৃতভাষে, জয সংস্কৃতভাষে,
কুৰু কৰুণাং কৰুণাৰ্দ্ৰে, ত্ৱচ্ছৰণে দাসে॥ধ্ৰু॥
কুৰু কৰুণাং কৰুণাৰ্দ্ৰে, ত্ৱচ্ছৰণে দাসে॥ধ্ৰু॥
ৱেদা ভগৱদ্গীতা উপনিষদঃ সৰ্ৱাঃ,
তৱ ৱৈ দিৱ্যশৰীৰং যৈস্ত্ৱং সদ্গৰ্ৱা॥১॥
তৱ ৱৈ দিৱ্যশৰীৰং যৈস্ত্ৱং সদ্গৰ্ৱা॥১॥
কপিলপতঞ্জলিশঙ্কৰগোতমকণভুগ্ভিঃ,
জৈমিনিমুখ্যৈৰ্মুনিভিৰিষ্টা বহুসদ্ভিঃ॥২॥
জৈমিনিমুখ্যৈৰ্মুনিভিৰিষ্টা বহুসদ্ভিঃ॥২॥
ৱ্যাসঃ কালীদাসো ভাৰৱিকৱিবাণৌ,
ভৱভূতিৰ্ভৱভূতিঃ, ভাসশ্ৰীহৰ্ষো॥৩॥
ভৱভূতিৰ্ভৱভূতিঃ, ভাসশ্ৰীহৰ্ষো॥৩॥
কোঽন্যো লোকে যো ৱৈ সমতামেষাং কুৰুতাং,
ৱাল্মীকিশ্চ সুবন্ধুঃ, ক্ৱান্যস্যামাস্তে॥৪॥
ৱাল্মীকিশ্চ সুবন্ধুঃ, ক্ৱান্যস্যামাস্তে॥৪॥
ৱেদৌ জ্যোতিৰ্ধনুষোঃ পুনৰাযুৰ্ৱেদঃ,
অতুলৰসাযনশাস্ত্ৰং কস্তুলযেল্লোকে॥৫॥
অতুলৰসাযনশাস্ত্ৰং কস্তুলযেল্লোকে॥৫॥
কিং তচ্ছাস্ত্ৰং লোকে ন ত্ৱং যন্মূলং,
নাস্তি জগদ্ধিতকাৰিণি,
জনসুখমনুকূলম্॥৬॥
নাস্তি জগদ্ধিতকাৰিণি,
জনসুখমনুকূলম্॥৬॥
ৱিশ্ৱস্মিন্ ৱিশ্ৱেঽস্মিন্ শান্তিশ্চেন্মৃগ্যা,
ত্ৱচ্চৰণৌ হিত্ত্ৱা নো গতিৰিহ জনৱাসে॥৭॥
ত্ৱচ্চৰণৌ হিত্ত্ৱা নো গতিৰিহ জনৱাসে॥৭॥
জনিমৰণাদ্ভুতদুঃখৈঃ পৰিপূৰ্ণে ভুৱনে,
তৱ চৰণৌ কিল শৰণং স্যাতামাশাসে॥৮॥
তৱ চৰণৌ কিল শৰণং স্যাতামাশাসে॥৮॥
ৱযমপি ভৱভযভীতা ভী-তাপহ-ৰূপাম্,
ত্ৱাং শৰণং প্ৰাপ্তাঃ, কুৰু কৰুণাং কৰুণাৰ্দ্ৰৈঃ॥৯॥
ত্ৱাং শৰণং প্ৰাপ্তাঃ, কুৰু কৰুণাং কৰুণাৰ্দ্ৰৈঃ॥৯॥
ত্যক্ত্ৱা খৰ্ৱং কূপং জলনিধিৰুপসেৱ্যঃ,
ৱিশ্ৱে ৱিশ্ৱজনা ইহ সাদৰমৰ্থ্যন্তে॥১০॥
ৱিশ্ৱে ৱিশ্ৱজনা ইহ সাদৰমৰ্থ্যন্তে॥১০॥
ৰামঃ পৰশুসপূৰ্ৱোঽপূৰ্ৱৈঃ স্তুতিদীপৈঃ,
মাতঃ আৰাৰ্ত্তিক্যং কুৰ্ৱন্ ত্ৱচ্চৰণৌ শ্ৰযতে॥১১॥
মাতঃ আৰাৰ্ত্তিক্যং কুৰ্ৱন্ ত্ৱচ্চৰণৌ শ্ৰযতে॥১১॥