ಜಯ ಸಂಸ್ಕೃತಭಾಷೇ, ಜಯ ಸಂಸ್ಕೃತಭಾಷೇ,
ಕುರು ಕರುಣಾಂ ಕರುಣಾರ್ದ್ರೇ, ತ್ವಚ್ಛರಣೇ ದಾಸೇ॥ಧ್ರು॥
ಕುರು ಕರುಣಾಂ ಕರುಣಾರ್ದ್ರೇ, ತ್ವಚ್ಛರಣೇ ದಾಸೇ॥ಧ್ರು॥
ವೇದಾ ಭಗವದ್ಗೀತಾ ಉಪನಿಷದಃ ಸರ್ವಾಃ,
ತವ ವೈ ದಿವ್ಯಶರೀರಂ ಯೈಸ್ತ್ವಂ ಸದ್ಗರ್ವಾ॥೧॥
ತವ ವೈ ದಿವ್ಯಶರೀರಂ ಯೈಸ್ತ್ವಂ ಸದ್ಗರ್ವಾ॥೧॥
ಕಪಿಲಪತಞ್ಜಲಿಶಙ್ಕರಗೋತಮಕಣಭುಗ್ಭಿಃ,
ಜೈಮಿನಿಮುಖ್ಯೈರ್ಮುನಿಭಿರಿಷ್ಟಾ ಬಹುಸದ್ಭಿಃ॥೨॥
ಜೈಮಿನಿಮುಖ್ಯೈರ್ಮುನಿಭಿರಿಷ್ಟಾ ಬಹುಸದ್ಭಿಃ॥೨॥
ವ್ಯಾಸಃ ಕಾಲೀದಾಸೋ ಭಾರವಿಕವಿಬಾಣೌ,
ಭವಭೂತಿರ್ಭವಭೂತಿಃ, ಭಾಸಶ್ರೀಹರ್ಷೋ॥೩॥
ಭವಭೂತಿರ್ಭವಭೂತಿಃ, ಭಾಸಶ್ರೀಹರ್ಷೋ॥೩॥
ಕೋಽನ್ಯೋ ಲೋಕೇ ಯೋ ವೈ ಸಮತಾಮೇಷಾಂ ಕುರುತಾಂ,
ವಾಲ್ಮೀಕಿಶ್ಚ ಸುಬನ್ಧುಃ, ಕ್ವಾನ್ಯಸ್ಯಾಮಾಸ್ತೇ॥೪॥
ವಾಲ್ಮೀಕಿಶ್ಚ ಸುಬನ್ಧುಃ, ಕ್ವಾನ್ಯಸ್ಯಾಮಾಸ್ತೇ॥೪॥
ವೇದೌ ಜ್ಯೋತಿರ್ಧನುಷೋಃ ಪುನರಾಯುರ್ವೇದಃ,
ಅತುಲರಸಾಯನಶಾಸ್ತ್ರಂ ಕಸ್ತುಲಯೇಲ್ಲೋಕೇ॥೫॥
ಅತುಲರಸಾಯನಶಾಸ್ತ್ರಂ ಕಸ್ತುಲಯೇಲ್ಲೋಕೇ॥೫॥
ಕಿಂ ತಚ್ಛಾಸ್ತ್ರಂ ಲೋಕೇ ನ ತ್ವಂ ಯನ್ಮೂಲಂ,
ನಾಸ್ತಿ ಜಗದ್ಧಿತಕಾರಿಣಿ,
ಜನಸುಖಮನುಕೂಲಮ್॥೬॥
ನಾಸ್ತಿ ಜಗದ್ಧಿತಕಾರಿಣಿ,
ಜನಸುಖಮನುಕೂಲಮ್॥೬॥
ವಿಶ್ವಸ್ಮಿನ್ ವಿಶ್ವೇಽಸ್ಮಿನ್ ಶಾನ್ತಿಶ್ಚೇನ್ಮೃಗ್ಯಾ,
ತ್ವಚ್ಚರಣೌ ಹಿತ್ತ್ವಾ ನೋ ಗತಿರಿಹ ಜನವಾಸೇ॥೭॥
ತ್ವಚ್ಚರಣೌ ಹಿತ್ತ್ವಾ ನೋ ಗತಿರಿಹ ಜನವಾಸೇ॥೭॥
ಜನಿಮರಣಾದ್ಭುತದುಃಖೈಃ ಪರಿಪೂರ್ಣೇ ಭುವನೇ,
ತವ ಚರಣೌ ಕಿಲ ಶರಣಂ ಸ್ಯಾತಾಮಾಶಾಸೇ॥೮॥
ತವ ಚರಣೌ ಕಿಲ ಶರಣಂ ಸ್ಯಾತಾಮಾಶಾಸೇ॥೮॥
ವಯಮಪಿ ಭವಭಯಭೀತಾ ಭೀ-ತಾಪಹ-ರೂಪಾಮ್,
ತ್ವಾಂ ಶರಣಂ ಪ್ರಾಪ್ತಾಃ, ಕುರು ಕರುಣಾಂ ಕರುಣಾರ್ದ್ರೈಃ॥೯॥
ತ್ವಾಂ ಶರಣಂ ಪ್ರಾಪ್ತಾಃ, ಕುರು ಕರುಣಾಂ ಕರುಣಾರ್ದ್ರೈಃ॥೯॥
ತ್ಯಕ್ತ್ವಾ ಖರ್ವಂ ಕೂಪಂ ಜಲನಿಧಿರುಪಸೇವ್ಯಃ,
ವಿಶ್ವೇ ವಿಶ್ವಜನಾ ಇಹ ಸಾದರಮರ್ಥ್ಯನ್ತೇ॥೧೦॥
ವಿಶ್ವೇ ವಿಶ್ವಜನಾ ಇಹ ಸಾದರಮರ್ಥ್ಯನ್ತೇ॥೧೦॥
ರಾಮಃ ಪರಶುಸಪೂರ್ವೋಽಪೂರ್ವೈಃ ಸ್ತುತಿದೀಪೈಃ,
ಮಾತಃ ಆರಾರ್ತ್ತಿಕ್ಯಂ ಕುರ್ವನ್ ತ್ವಚ್ಚರಣೌ ಶ್ರಯತೇ॥೧೧॥
ಮಾತಃ ಆರಾರ್ತ್ತಿಕ್ಯಂ ಕುರ್ವನ್ ತ್ವಚ್ಚರಣೌ ಶ್ರಯತೇ॥೧೧॥