જય સંસ્કૃતભાષે, જય સંસ્કૃતભાષે,
કુરુ કરુણાં કરુણાર્દ્રે, ત્વચ્છરણે દાસે॥ધ્રુ॥
કુરુ કરુણાં કરુણાર્દ્રે, ત્વચ્છરણે દાસે॥ધ્રુ॥
વેદા ભગવદ્ગીતા ઉપનિષદઃ સર્વાઃ,
તવ વૈ દિવ્યશરીરં યૈસ્ત્વં સદ્ગર્વા॥૧॥
તવ વૈ દિવ્યશરીરં યૈસ્ત્વં સદ્ગર્વા॥૧॥
કપિલપતઞ્જલિશઙ્કરગોતમકણભુગ્ભિઃ,
જૈમિનિમુખ્યૈર્મુનિભિરિષ્ટા બહુસદ્ભિઃ॥૨॥
જૈમિનિમુખ્યૈર્મુનિભિરિષ્ટા બહુસદ્ભિઃ॥૨॥
વ્યાસઃ કાલીદાસો ભારવિકવિબાણૌ,
ભવભૂતિર્ભવભૂતિઃ, ભાસશ્રીહર્ષો॥૩॥
ભવભૂતિર્ભવભૂતિઃ, ભાસશ્રીહર્ષો॥૩॥
કોઽન્યો લોકે યો વૈ સમતામેષાં કુરુતાં,
વાલ્મીકિશ્ચ સુબન્ધુઃ, ક્વાન્યસ્યામાસ્તે॥૪॥
વાલ્મીકિશ્ચ સુબન્ધુઃ, ક્વાન્યસ્યામાસ્તે॥૪॥
વેદૌ જ્યોતિર્ધનુષોઃ પુનરાયુર્વેદઃ,
અતુલરસાયનશાસ્ત્રં કસ્તુલયેલ્લોકે॥૫॥
અતુલરસાયનશાસ્ત્રં કસ્તુલયેલ્લોકે॥૫॥
કિં તચ્છાસ્ત્રં લોકે ન ત્વં યન્મૂલં,
નાસ્તિ જગદ્ધિતકારિણિ,
જનસુખમનુકૂલમ્॥૬॥
નાસ્તિ જગદ્ધિતકારિણિ,
જનસુખમનુકૂલમ્॥૬॥
વિશ્વસ્મિન્ વિશ્વેઽસ્મિન્ શાન્તિશ્ચેન્મૃગ્યા,
ત્વચ્ચરણૌ હિત્ત્વા નો ગતિરિહ જનવાસે॥૭॥
ત્વચ્ચરણૌ હિત્ત્વા નો ગતિરિહ જનવાસે॥૭॥
જનિમરણાદ્ભુતદુઃખૈઃ પરિપૂર્ણે ભુવને,
તવ ચરણૌ કિલ શરણં સ્યાતામાશાસે॥૮॥
તવ ચરણૌ કિલ શરણં સ્યાતામાશાસે॥૮॥
વયમપિ ભવભયભીતા ભી-તાપહ-રૂપામ્,
ત્વાં શરણં પ્રાપ્તાઃ, કુરુ કરુણાં કરુણાર્દ્રૈઃ॥૯॥
ત્વાં શરણં પ્રાપ્તાઃ, કુરુ કરુણાં કરુણાર્દ્રૈઃ॥૯॥
ત્યક્ત્વા ખર્વં કૂપં જલનિધિરુપસેવ્યઃ,
વિશ્વે વિશ્વજના ઇહ સાદરમર્થ્યન્તે॥૧૦॥
વિશ્વે વિશ્વજના ઇહ સાદરમર્થ્યન્તે॥૧૦॥
રામઃ પરશુસપૂર્વોઽપૂર્વૈઃ સ્તુતિદીપૈઃ,
માતઃ આરાર્ત્તિક્યં કુર્વન્ ત્વચ્ચરણૌ શ્રયતે॥૧૧॥
માતઃ આરાર્ત્તિક્યં કુર્વન્ ત્વચ્ચરણૌ શ્રયતે॥૧૧॥