ജയ സംസ്കൃതഭാഷേ, ജയ സംസ്കൃതഭാഷേ,
കുരു കരുണാം കരുണാര്ദ്രേ, ത്വച്ഛരണേ ദാസേ॥ധ്രു॥
കുരു കരുണാം കരുണാര്ദ്രേ, ത്വച്ഛരണേ ദാസേ॥ധ്രു॥
വേദാ ഭഗവദ്ഗീതാ ഉപനിഷദഃ സര്വാഃ,
തവ വൈ ദിവ്യശരീരം യൈസ്ത്വം സദ്ഗര്വാ॥൧॥
തവ വൈ ദിവ്യശരീരം യൈസ്ത്വം സദ്ഗര്വാ॥൧॥
കപിലപതഞ്ജലിശങ്കരഗോതമകണഭുഗ്ഭിഃ,
ജൈമിനിമുഖ്യൈര്മുനിഭിരിഷ്ടാ ബഹുസദ്ഭിഃ॥൨॥
ജൈമിനിമുഖ്യൈര്മുനിഭിരിഷ്ടാ ബഹുസദ്ഭിഃ॥൨॥
വ്യാസഃ കാലീദാസോ ഭാരവികവിബാണൌ,
ഭവഭൂതിര്ഭവഭൂതിഃ, ഭാസശ്രീഹര്ഷോ॥൩॥
ഭവഭൂതിര്ഭവഭൂതിഃ, ഭാസശ്രീഹര്ഷോ॥൩॥
കോഽന്യോ ലോകേ യോ വൈ സമതാമേഷാം കുരുതാം,
വാല്മീകിശ്ച സുബന്ധുഃ, ക്വാന്യസ്യാമാസ്തേ॥൪॥
വാല്മീകിശ്ച സുബന്ധുഃ, ക്വാന്യസ്യാമാസ്തേ॥൪॥
വേദൌ ജ്യോതിര്ധനുഷോഃ പുനരായുര്വേദഃ,
അതുലരസായനശാസ്ത്രം കസ്തുലയേല്ലോകേ॥൫॥
അതുലരസായനശാസ്ത്രം കസ്തുലയേല്ലോകേ॥൫॥
കിം തച്ഛാസ്ത്രം ലോകേ ന ത്വം യന്മൂലം,
നാസ്തി ജഗദ്ധിതകാരിണി,
ജനസുഖമനുകൂലമ്॥൬॥
നാസ്തി ജഗദ്ധിതകാരിണി,
ജനസുഖമനുകൂലമ്॥൬॥
വിശ്വസ്മിന് വിശ്വേഽസ്മിന് ശാന്തിശ്ചേന്മൃഗ്യാ,
ത്വച്ചരണൌ ഹിത്ത്വാ നോ ഗതിരിഹ ജനവാസേ॥൭॥
ത്വച്ചരണൌ ഹിത്ത്വാ നോ ഗതിരിഹ ജനവാസേ॥൭॥
ജനിമരണാദ്ഭുതദുഃഖൈഃ പരിപൂര്ണേ ഭുവനേ,
തവ ചരണൌ കില ശരണം സ്യാതാമാശാസേ॥൮॥
തവ ചരണൌ കില ശരണം സ്യാതാമാശാസേ॥൮॥
വയമപി ഭവഭയഭീതാ ഭീ-താപഹ-രൂപാമ്,
ത്വാം ശരണം പ്രാപ്താഃ, കുരു കരുണാം കരുണാര്ദ്രൈഃ॥൯॥
ത്വാം ശരണം പ്രാപ്താഃ, കുരു കരുണാം കരുണാര്ദ്രൈഃ॥൯॥
ത്യക്ത്വാ ഖര്വം കൂപം ജലനിധിരുപസേവ്യഃ,
വിശ്വേ വിശ്വജനാ ഇഹ സാദരമര്ഥ്യന്തേ॥൧൦॥
വിശ്വേ വിശ്വജനാ ഇഹ സാദരമര്ഥ്യന്തേ॥൧൦॥
രാമഃ പരശുസപൂര്വോഽപൂര്വൈഃ സ്തുതിദീപൈഃ,
മാതഃ ആരാര്ത്തിക്യം കുര്വന് ത്വച്ചരണൌ ശ്രയതേ॥൧൧॥
മാതഃ ആരാര്ത്തിക്യം കുര്വന് ത്വച്ചരണൌ ശ്രയതേ॥൧൧॥