Lord Shiva

শিৱ সহস্ৰনাম স্তোত্ৰম্

(Shiva Sahasranama Stotram in Assamese)

Mahabharata

Also known as tatah sa prayato bhutva mama tata

Language:Sanskrit
Translation:English

The Shiva Sahasranama Stotram (1000 names of Lord Shiva) from the Anushasana Parva of the Mahabharata. Taught by Sage Upamanyu to Lord Krishna, and recited to Yudhishthira. Reciting these thousand names destroys all sins, grants merit equivalent to the Ashwamedha sacrifice, and ultimately leads to liberation.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 182
ততঃ স প্ৰযতো ভূত্ৱা মম তাত যুধিষ্ঠিৰ ।
প্ৰাঞ্জলিঃ প্ৰাহ ৱিপ্ৰৰ্ষিৰ্নামসঙ্গ্ৰহমাদিতঃ ॥ ১॥
উপমন্যুৰুৱাচ

ব্ৰহ্মপ্ৰোক্তৈৰৃষিপ্ৰোক্তৈৰ্ৱেদৱেদাঙ্গসম্ভৱৈঃ ।
সৰ্ৱলোকেষু ৱিখ্যাতং স্তুত্যং স্তোষ্যামি নামভিঃ ॥ ২॥
মহদ্ভিৰ্ৱিহিতৈঃ সত্যৈঃ সিদ্ধৈঃ সৰ্ৱাৰ্থসাধকৈঃ ।
ঋষিণা তণ্ডিনা ভক্ত্যা কৃতৈৰ্ৱেদকৃতাত্মনা ॥ ৩॥
যথোক্তৈঃ সাধুভিঃ খ্যাতৈৰ্মুনিভিস্তত্ত্ৱদৰ্শিভিঃ ।
প্ৰৱৰং প্ৰথমং স্ৱৰ্গ্যং সৰ্ৱভূতহিতং শুভম্ ॥ ৪॥
শ্ৰুতেঃ সৰ্ৱত্ৰ জগতি ব্ৰহ্মলোকাৱতাৰিতৈঃ ।
সত্যৈস্তত্পৰমং ব্ৰহ্ম ব্ৰহ্মপ্ৰোক্তং সনাতনম্ ।
ৱক্ষ্যে যদুকুলশ্ৰেষ্ঠ শৃণুষ্ৱাৱহিতো মম ॥ ৫॥
ৱৰযৈনং ভৱং দেৱং ভক্তস্ত্ৱং পৰমেশ্ৱৰম্ ।
তেন তে শ্ৰাৱযিষ্যামি যত্তদ্ব্ৰহ্ম সনাতনম্ ॥ ৬॥
ন শক্যং ৱিস্তৰাত্কৃত্স্নং ৱক্তুং সৰ্ৱস্য কেনচিত্ ।
যুক্তেনাপি ৱিভূতীনামপি ৱৰ্ষশতৈৰপি ॥ ৭॥
যস্যাদিৰ্মধ্যমন্তং চ সুৰৈৰপি ন গম্যতে ।
কস্তস্য শক্নুযাদ্ৱক্তুং গুণান্কাৰ্ত্স্ন্যেন মাধৱ ॥ ৮॥
কিন্তু দেৱস্য মহতঃ সঙ্ক্ষিপ্তাৰ্থপদাক্ষৰম্ ।
শক্তিতশ্চৰিতং ৱক্ষ্যে প্ৰসাদাত্তস্য ধীমতঃ ॥ ৯॥
অপ্ৰাপ্য তু ততোঽনুজ্ঞাং ন শক্যঃ স্তোতুমীশ্ৱৰঃ ।
যদা তেনাভ্যনুজ্ঞাতঃ স্তুতো ৱৈ স তদা মযা ॥ ১০॥
অনাদিনিধনস্যাহং জগদ্যোনেৰ্মহাত্মনঃ ।
নাম্নাং কঞ্চিত্সমুদ্দেশং ৱক্ষ্যাম্যৱ্যক্তযোনিনঃ ॥ ১১॥
ৱৰদস্য ৱৰেণ্যস্য ৱিশ্ৱৰূপস্য ধীমতঃ ।
শৃণু নাম্নাং চযং কৃষ্ণ যদুক্তং পদ্মযোনিনা ॥ ১২॥
দশ নামসহস্ৰাণি যান্যাহ প্ৰপিতামহঃ ।
তানি নিৰ্মথ্য মনসা দধ্নো ঘৃতমিৱোদ্ধৃতম্ ॥ ১৩॥
গিৰেঃ সাৰং যথা হেম পুষ্পসাৰং যথা মধু ।
ঘৃতাত্সাৰং যথা মণ্ডস্তথৈতত্সাৰমুদ্ধৃতম্। ১৪॥
সৰ্ৱপাপাপহমিদং চতুৰ্ৱেদসমন্ৱিতম্ ।
প্ৰযত্নেনাধিগন্তৱ্যং ধাৰ্যং চ প্ৰযতাত্মনা ॥ ১৫॥
মাঙ্গল্যং পৌষ্টিকং চৈৱ ৰক্ষোঘ্নং পাৱনং মহত্ ॥ ১৬॥
ইদং ভক্তায দাতৱ্যং শ্ৰদ্দধানাস্তিকায চ ।
নাশ্ৰদ্দধানৰূপায নাস্তিকাযাজিতাত্মনে ॥ ১৭॥
যশ্চাভ্যসূযতে দেৱং কাৰণাত্মানমীশ্ৱৰম্ ।
স কৃষ্ণ নৰকং যাতি সহপূৰ্ৱৈঃ সহাত্মজৈঃ ॥ ১৮॥
ইদং ধ্যানমিদং যোগমিদং ধ্যেযমনুত্তমম্ ।
ইদং জপ্যমিদং জ্ঞানং ৰহস্যমিদমুত্তমম্ ॥ ১৯॥
যং জ্ঞাত্ৱা অন্তকালেঽপি গচ্ছেত পৰমাং গতিম্ ।
পৱিত্ৰং মঙ্গলং মেধ্যং কল্যাণমিদমুত্তমম্ ॥ ২০॥
ইদং ব্ৰহ্মা পুৰা কৃত্ৱা সৰ্ৱলোকপিতামহঃ ।
সৰ্ৱস্তৱানাং ৰাজত্ৱে দিৱ্যানাং সমকল্পযত্ ॥ ২১॥
তদা প্ৰভৃতি চৈৱাযমীশ্ৱৰস্য মহাত্মনঃ ।
স্তৱৰাজ ইতি খ্যাতো জগত্যমৰপূজিতঃ ॥ ২২॥
ব্ৰহ্মলোকাদযং স্ৱৰ্গে স্তৱৰাজোঽৱতাৰিতঃ ।
যতস্তণ্ডিঃ পুৰা প্ৰাপ তেন তণ্ডিকৃতোঽভৱত্ ॥ ২৩॥
স্ৱৰ্গাচ্চৈৱাত্ৰ ভূৰ্লোকং তণ্ডিনা হ্যৱতাৰিতঃ ।
সৰ্ৱমঙ্গলমাঙ্গল্যং সৰ্ৱপাপপ্ৰণাশনম্ ॥ ২৪॥
নিগদিষ্যে মহাবাহো স্তৱানামুত্তমং স্তৱম্ ।
ব্ৰহ্মণামপি যদ্ব্ৰহ্ম পৰাণামপি যত্পৰম্ ॥ ২৫॥
তেজসামপি যত্তেজস্তপসামপি যত্তপঃ ।
শান্তীনামপি যা শান্তিৰ্দ্যুতীনামপি যা দ্যুতিঃ ॥ ২৬॥
দান্তানামপি যো দান্তো ধীমতামপি যা চ ধীঃ ।
দেৱানামপি যো দেৱো ঋষীণামপি যস্ত্ৱৃষিঃ ॥ ২৭॥
যজ্ঞানামপি যো যজ্ঞঃ শিৱানামপি যঃ শিৱঃ ।
ৰুদ্ৰাণামপি যো ৰুদ্ৰঃ প্ৰভা প্ৰভৱতামপি ॥ ২৮॥
যোগিনামপি যো যোগী কাৰণানাং চ কাৰণম্ ।
যতো লোকাঃ সম্ভৱন্তি ন ভৱন্তি যতঃ পুনঃ ॥ ২৯॥
সৰ্ৱভূতাত্মভূতস্য হৰস্যমিততেজসঃ ।
অষ্টোত্তৰসহস্ৰং তু নাম্নাং শৰ্ৱস্য মে শৃণু ।
যচ্ছ্ৰুত্ৱা মনুজৱ্যাঘ্ৰ সৰ্ৱান্কামানৱাপ্স্যসি ॥ ৩০॥
(অথ সহস্ৰনামস্তোত্ৰম্ ।)

ওঁ স্থিৰঃ স্থাণুঃ প্ৰভুৰ্ভীমঃ প্ৰৱৰো ৱৰদো ৱৰঃ । (প্ৰভুৰ্ভানুঃ)
সৰ্ৱাত্মা সৰ্ৱৱিখ্যাতঃ সৰ্ৱঃ সৰ্ৱকৰো ভৱঃ ॥ ৩১॥
জটী চৰ্মী শিখী খড্গী সৰ্ৱাঙ্গঃ সৰ্ৱভাৱনঃ । (চৰ্মী শিখণ্ডী চ)
হৰশ্চ হৰিণাক্ষশ্চ সৰ্ৱভূতহৰঃ প্ৰভুঃ ॥ ৩২॥
প্ৰৱৃত্তিশ্চ নিৱৃত্তিশ্চ নিযতঃ শাশ্ৱতো ধ্ৰুৱঃ ।
শ্মশানৱাসী ভগৱান্খচৰো গোচৰোঽৰ্দনঃ ॥ ৩৩॥
অভিৱাদ্যো মহাকৰ্মা তপস্ৱী ভূতভাৱনঃ ।
উন্মত্তৱেষপ্ৰচ্ছন্নঃ সৰ্ৱলোকপ্ৰজাপতিঃ ॥ ৩৪॥
মহাৰূপো মহাকাযো ৱৃষৰূপো মহাযশাঃ ।
মহাত্মা সৰ্ৱভূতাত্মা ৱিশ্ৱৰূপো মহাহনুঃ ॥ ৩৫॥
লোকপালোঽন্তৰ্হিতাত্মা প্ৰসাদো হযগৰ্দভিঃ ।
পৱিত্ৰং চ মহাংশ্চৈৱ নিযমো নিযমাশ্ৰিতঃ ॥ ৩৬॥
সৰ্ৱকৰ্মা স্ৱযম্ভূত আদিৰাদিকৰো নিধিঃ ।
সহস্ৰাক্ষো ৱিশালাক্ষঃ সোমো নক্ষত্ৰসাধকঃ ॥ ৩৭॥
চন্দ্ৰঃ সূৰ্যঃ শনিঃ কেতুৰ্গ্ৰহো গ্ৰহপতিৰ্ৱৰঃ ।
অত্ৰিৰত্ৰ্যানমস্কৰ্তা মৃগবাণাৰ্পণোঽনঘঃ ॥ ৩৮॥
মহাতপা ঘোৰতপা অদীনো দীনসাধকঃ ।
সংৱত্সৰকৰো মন্ত্ৰঃ প্ৰমাণং পৰমং তপঃ ॥ ৩৯॥
যোগী যোজ্যো মহাবীজো মহাৰেতা মহাবলঃ ।
সুৱৰ্ণৰেতাঃ সৰ্ৱজ্ঞঃ সুবীজো বীজৱাহনঃ ॥ ৪০॥
দশবাহুস্ত্ৱনিমিষো নীলকণ্ঠ উমাপতিঃ ।
ৱিশ্ৱৰূপঃ স্ৱযংশ্ৰেষ্ঠো বলৱীৰো বলো গণঃ ॥ ৪১॥ (বলৱীৰোঽবলো)
গণকৰ্তা গণপতিৰ্দিগ্ৱাসাঃ কাম এৱ চ ।
মন্ত্ৰৱিত্পৰমো মন্ত্ৰঃ সৰ্ৱভাৱকৰো হৰঃ ॥ ৪২॥
কমণ্ডলুধৰো ধন্ৱী বাণহস্তঃ কপালৱান্ ।
অশনী শতঘ্নী খড্গী পট্টিশী চাযুধী মহান্ ॥ ৪৩॥
স্ৰুৱহস্তঃ সুৰূপশ্চ তেজস্তেজস্কৰো নিধিঃ ।
উষ্ণীষী চ সুৱক্ত্ৰশ্চ উদগ্ৰো ৱিনতস্তথা ॥ ৪৪॥
দীৰ্ঘশ্চ হৰিকেশশ্চ সুতীৰ্থঃ কৃষ্ণ এৱ চ ।
শৃগালৰূপঃ সিদ্ধাৰ্থো মুণ্ডঃ সৰ্ৱশুভঙ্কৰঃ ॥ ৪৫॥
অজশ্চ বহুৰূপশ্চ গন্ধধাৰী কপৰ্দ্যপি ।
ঊৰ্ধ্ৱৰেতা ঊৰ্ধ্ৱলিঙ্গ ঊৰ্ধ্ৱশাযী নভঃস্থলঃ ॥ ৪৬॥
ত্ৰিজটী চীৰৱাসাশ্চ ৰুদ্ৰঃ সেনাপতিৰ্ৱিভুঃ ।
অহশ্চৰো নক্তঞ্চৰস্তিগ্মমন্যুঃ সুৱৰ্চসঃ ॥ ৪৭॥
গজহা দৈত্যহা কালো লোকধাতা গুণাকৰঃ ।
সিংহশাৰ্দূলৰূপশ্চ আৰ্দ্ৰচৰ্মাম্বৰাৱৃতঃ ॥ ৪৮॥
কালযোগী মহানাদঃ সৰ্ৱকামশ্চতুষ্পথঃ ।
নিশাচৰঃ প্ৰেতচাৰী ভূতচাৰী মহেশ্ৱৰঃ ॥ ৪৯॥
বহুভূতো বহুধৰঃ স্ৱৰ্ভানুৰমিতো গতিঃ ।
নৃত্যপ্ৰিযো নিত্যনৰ্তো নৰ্তকঃ সৰ্ৱলালসঃ ॥ ৫০॥
ঘোৰো মহাতপাঃ পাশো নিত্যো গিৰিৰুহো নভঃ ।
সহস্ৰহস্তো ৱিজযো ৱ্যৱসাযো হ্যতন্দ্ৰিতঃ ॥ ৫১॥
অধৰ্ষণো ধৰ্ষণাত্মা যজ্ঞহা কামনাশকঃ ।
দক্ষযাগাপহাৰী চ সুসহো মধ্যমস্তথা ॥ ৫২॥
তেজোপহাৰী বলহা মুদিতোঽৰ্থোঽজিতোঽৱৰঃ । (মুদিতোঽৰ্থোঽজিতো ৱৰঃ)
গম্ভীৰঘোষা গম্ভীৰো গম্ভীৰবলৱাহনঃ ॥ ৫৩॥
ন্যগ্ৰোধৰূপো ন্যগ্ৰোধো ৱৃক্ষপৰ্ণস্থিতিৰ্ৱিভুঃ । (ৱৃক্ষকৰ্ণ)
সুতীক্ষ্ণদশনশ্চৈৱ মহাকাযো মহাননঃ ॥ ৫৪॥
ৱিষ্ৱক্সেনো হৰিৰ্যজ্ঞঃ সংযুগাপীডৱাহনঃ ।
তীক্ষ্ণতাপশ্চ হৰ্যশ্ৱঃ সহাযঃ কৰ্মকালৱিত্ ॥ ৫৫॥
ৱিষ্ণুপ্ৰসাদিতো যজ্ঞঃ সমুদ্ৰো ৱডৱামুখঃ ।
হুতাশনসহাযশ্চ প্ৰশান্তাত্মা হুতাশনঃ ॥ ৫৬॥
উগ্ৰতেজা মহাতেজা জন্যো ৱিজযকালৱিত্ ।
জ্যোতিষামযনং সিদ্ধিঃ সৰ্ৱৱিগ্ৰহ এৱ চ ॥ ৫৭॥
শিখী মুণ্ডী জটী জ্ৱালী মূৰ্তিজো মূৰ্ধগো বলী ।
ৱেণৱী পণৱী তালী খলী কালকটঙ্কটঃ ॥ ৫৮॥
নক্ষত্ৰৱিগ্ৰহমতিৰ্গুণবুদ্ধিৰ্লযো গমঃ । (লযোঽগমঃ)
প্ৰজাপতিৰ্ৱিশ্ৱবাহুৰ্ৱিভাগঃ সৰ্ৱগোমুখঃ ॥ ৫৯॥ (সৰ্ৱগোঽমুখঃ)
ৱিমোচনঃ সুসৰণো হিৰণ্যকৱচোদ্ভৱঃ । (সুশৰণো)
মেঢ্ৰজো বলচাৰী চ মহীচাৰী স্ৰুতস্তথা ॥ ৬০॥
সৰ্ৱতূৰ্যনিনাদী চ সৰ্ৱাতোদ্যপৰিগ্ৰহঃ ।
ৱ্যালৰূপো গুহাৱাসী গুহো মালী তৰঙ্গৱিত্ ॥ ৬১॥
ত্ৰিদশস্ত্ৰিকালধৃক্কৰ্মসৰ্ৱবন্ধৱিমোচনঃ ।
বন্ধনস্ত্ৱসুৰেন্দ্ৰাণাং যুধি শত্ৰুৱিনাশনঃ ॥ ৬২॥
সাঙ্খ্যপ্ৰসাদো দুৰ্ৱাসাঃ সৰ্ৱসাধুনিষেৱিতঃ ।
প্ৰস্কন্দনো ৱিভাগজ্ঞো অতুল্যো যজ্ঞভাগৱিত্ ॥ ৬৩॥
সৰ্ৱৱাসঃ সৰ্ৱচাৰী দুৰ্ৱাসা ৱাসৱোঽমৰঃ ।
হৈমো হেমকৰো যজ্ঞঃ সৰ্ৱধাৰী ধৰোত্তমঃ ॥ ৬৪॥
লোহিতাক্ষো মহাক্ষশ্চ ৱিজযাক্ষো ৱিশাৰদঃ ।
সঙ্গ্ৰহো নিগ্ৰহঃ কৰ্তা সৰ্পচীৰনিৱাসনঃ ॥ ৬৫॥
মুখ্যোঽমুখ্যশ্চ দেহশ্চ কাহলিঃ সৰ্ৱকামদঃ । (মুখ্যো মুখ্যশ্চ)
সৰ্ৱকাসপ্ৰসাদশ্চ সুবলো বলৰূপধৃত্ ॥ ৬৬॥
সৰ্ৱকামৱৰশ্চৈৱ সৰ্ৱদঃ সৰ্ৱতোমুখঃ ।
আকাশনিৰ্ৱিৰূপশ্চ নিপাতী হ্যৱশঃ খগঃ ॥ ৬৭॥
ৰৌদ্ৰৰূপোংঽশুৰাদিত্যো বহুৰশ্মিঃ সুৱৰ্চসী ।
ৱসুৱেগো মহাৱেগো মনোৱেগো নিশাচৰঃ ॥ ৬৮॥
সৰ্ৱৱাসী শ্ৰিযাৱাসী উপদেশকৰোঽকৰঃ ।
মুনিৰাত্মনিৰালোকঃ সম্ভগ্নশ্চ সহস্ৰদঃ ॥ ৬৯॥
পক্ষী চ পক্ষৰূপশ্চ অতিদীপ্তো ৱিশাম্পতিঃ ।
উন্মাদো মদনঃ কামো হ্যশ্ৱত্থোঽৰ্থকৰো যশঃ ॥ ৭০॥
ৱামদেৱশ্চ ৱামশ্চ প্ৰাগ্দক্ষিণশ্চ ৱামনঃ ।
সিদ্ধযোগী মহৰ্ষিশ্চ সিদ্ধাৰ্থঃ সিদ্ধসাধকঃ ॥ ৭১॥
ভিক্ষুশ্চ ভিক্ষুৰূপশ্চ ৱিপণো মৃদুৰৱ্যযঃ ।
মহাসেনো ৱিশাখশ্চ ষষ্টিভাগো গৱাম্পতিঃ ॥ ৭২॥
ৱজ্ৰহস্তশ্চ ৱিষ্কম্ভী চমূস্তম্ভন এৱ চ ।
ৱৃত্তাৱৃত্তকৰস্তালো মধুৰ্মধুকলোচনঃ ॥ ৭৩॥
ৱাচস্পত্যো ৱাজসনো নিত্যমাশ্ৰমপূজিতঃ ।
ব্ৰহ্মচাৰী লোকচাৰী সৰ্ৱচাৰী ৱিচাৰৱিত্ ॥ ৭৪॥
ঈশান ঈশ্ৱৰঃ কালো নিশাচাৰী পিনাকৱান্ ।
নিমিত্তস্থো নিমিত্তং চ নন্দিৰ্নন্দিকৰো হৰিঃ ॥ ৭৫॥
নন্দীশ্ৱৰশ্চ নন্দী চ নন্দনো নন্দিৱৰ্ধনঃ ।
ভগহাৰী নিহন্তা চ কালো ব্ৰহ্মা পিতামহঃ ॥ ৭৬॥
চতুৰ্মুখো মহালিঙ্গশ্চাৰুলিঙ্গস্তথৈৱ চ ।
লিঙ্গাধ্যক্ষঃ সুৰাধ্যক্ষো যোগাধ্যক্ষো যুগাৱহঃ ॥ ৭৭॥
বীজাধ্যক্ষো বীজকৰ্তা অৱ্যাত্মাঽনুগতো বলঃ ।
ইতিহাসঃ সকল্পশ্চ গৌতমোঽথ নিশাকৰঃ ॥ ৭৮॥
দম্ভো হ্যদম্ভো ৱৈদম্ভো ৱশ্যো ৱশকৰঃ কলিঃ ।
লোককৰ্তা পশুপতিৰ্মহাকৰ্তা হ্যনৌষধঃ ॥ ৭৯॥
অক্ষৰং পৰমং ব্ৰহ্ম বলৱচ্ছক্ৰ এৱ চ ।
নীতিৰ্হ্যনীতিঃ শুদ্ধাত্মা শুদ্ধো মান্যো গতাগতঃ ॥ ৮০॥
বহুপ্ৰসাদঃ সুস্ৱপ্নো দৰ্পণোঽথ ত্ৱমিত্ৰজিত্ ।
ৱেদকাৰো মন্ত্ৰকাৰো ৱিদ্ৱান্সমৰমৰ্দনঃ ॥ ৮১॥
মহামেঘনিৱাসী চ মহাঘোৰো ৱশীকৰঃ ।
অগ্নিৰ্জ্ৱালো মহাজ্ৱালো অতিধূম্ৰো হুতো হৱিঃ ॥ ৮২॥
ৱৃষণঃ শঙ্কৰো নিত্যং ৱৰ্চস্ৱী ধূমকেতনঃ । (নিত্যৱৰ্চস্ৱী)
নীলস্তথাঙ্গলুব্ধশ্চ শোভনো নিৰৱগ্ৰহঃ ॥ ৮৩॥
স্ৱস্তিদঃ স্ৱস্তিভাৱশ্চ ভাগী ভাগকৰো লঘুঃ ।
উত্সঙ্গশ্চ মহাঙ্গশ্চ মহাগৰ্ভপৰাযণঃ ॥ ৮৪॥
কৃষ্ণৱৰ্ণঃ সুৱৰ্ণশ্চ ইন্দ্ৰিযং সৰ্ৱদেহিনাম্ ।
মহাপাদো মহাহস্তো মহাকাযো মহাযশাঃ ॥ ৮৫॥
মহামূৰ্ধা মহামাত্ৰো মহানেত্ৰো নিশালযঃ ।
মহান্তকো মহাকৰ্ণো মহোষ্ঠশ্চ মহাহনুঃ ॥ ৮৬॥
মহানাসো মহাকম্বুৰ্মহাগ্ৰীৱঃ শ্মশানভাক্ ।
মহাৱক্ষা মহোৰস্কো হ্যন্তৰাত্মা মৃগালযঃ ॥ ৮৭॥
লম্বনো লম্বিতোষ্ঠশ্চ মহামাযঃ পযোনিধিঃ ।
মহাদন্তো মহাদংষ্ট্ৰো মহাজিহ্ৱো মহামুখঃ ॥ ৮৮॥
মহানখো মহাৰোমা মহাকেশো মহাজটঃ ।
প্ৰসন্নশ্চ প্ৰসাদশ্চ প্ৰত্যযো গিৰিসাধনঃ ॥ ৮৯॥
স্নেহনোঽস্নেহনশ্চৈৱ অজিতশ্চ মহামুনিঃ ।
ৱৃক্ষাকাৰো ৱৃক্ষকেতুৰনলো ৱাযুৱাহনঃ ॥ ৯০॥
গণ্ডলী মেৰুধামা চ দেৱাধিপতিৰেৱ চ ।
অথৰ্ৱশীৰ্ষঃ সামাস্য ঋক্সহস্ৰামিতেক্ষণঃ ॥ ৯১॥
যজুঃপাদভুজো গুহ্যঃ প্ৰকাশো জঙ্গমস্তথা ।
অমোঘাৰ্থঃ প্ৰসাদশ্চ অভিগম্যঃ সুদৰ্শনঃ ॥ ৯২॥
উপকাৰঃ প্ৰিযঃ সৰ্ৱঃ কনকঃ কাঞ্চনচ্ছৱিঃ ।
নাভিৰ্নন্দিকৰো ভাৱঃ পুষ্কৰস্থপতিঃ স্থিৰঃ ॥ ৯৩॥
দ্ৱাদশস্ত্ৰাসনশ্চাদ্যো যজ্ঞো যজ্ঞসমাহিতঃ ।
নক্তং কলিশ্চ কালশ্চ মকৰঃ কালপূজিতঃ ॥ ৯৪॥
সগণো গণকাৰশ্চ ভূতৱাহনসাৰথিঃ ।
ভস্মশযো ভস্মগোপ্তা ভস্মভূতস্তৰুৰ্গণঃ ॥ ৯৫॥
লোকপালস্তথা লোকো মহাত্মা সৰ্ৱপূজিতঃ । (লোকপালস্তথাঽলোকো)
শুক্লস্ত্ৰিশুক্লঃ সম্পন্নঃ শুচিৰ্ভূতনিষেৱিতঃ ॥ ৯৬॥
আশ্ৰমস্থঃ ক্ৰিযাৱস্থো ৱিশ্ৱকৰ্মমতিৰ্ৱৰঃ ।
ৱিশালশাখস্তাম্ৰোষ্ঠো হ্যম্বুজালঃ সুনিশ্চলঃ ॥ ৯৭॥
কপিলঃ কপিশঃ শুক্ল আযুশ্চৈৱি পৰোঽপৰঃ ।
গন্ধৰ্ৱো হ্যদিতিস্তাৰ্ক্ষ্যঃ সুৱিজ্ঞেযঃ সুশাৰদঃ ॥ ৯৮॥
পৰশ্ৱধাযুধো দেৱ অনুকাৰী সুবান্ধৱঃ ।
তুম্বৱীণো মহাক্ৰোধ ঊৰ্ধ্ৱৰেতা জলেশযঃ ॥ ৯৯॥
উগ্ৰো ৱংশকৰো ৱংশো ৱংশনাদো হ্যনিন্দিতঃ ।
সৰ্ৱাঙ্গৰূপো মাযাৱী সুহৃদো হ্যনিলোঽনলঃ ॥ ১০০॥
বন্ধনো বন্ধকৰ্তা চ সুবন্ধনৱিমোচনঃ ।
স যজ্ঞাৰিঃ স কামাৰিৰ্মহাদংষ্ট্ৰো মহাযুধঃ ॥ ১০১॥
বহুধানিন্দিতঃ শৰ্ৱঃ শঙ্কৰঃ শঙ্কৰোঽধনঃ । (শঙ্কৰোঽনঘঃ)
অমৰেশো মহাদেৱো ৱিশ্ৱদেৱঃ সুৰাৰিহা ॥ ১০২॥
অহিৰ্বুধ্ন্যোঽনিলাভশ্চ চেকিতানো হৱিস্তথা ।
অজৈকপাচ্চ কাপালী ত্ৰিশঙ্কুৰজিতঃ শিৱঃ ॥ ১০৩॥
ধন্ৱন্তৰিৰ্ধূমকেতুঃ স্কন্দো ৱৈশ্ৰৱণস্তথা ।
ধাতা শক্ৰশ্চ ৱিষ্ণুশ্চ মিত্ৰস্ত্ৱষ্টা ধ্ৰুৱো ধৰঃ ॥ ১০৪॥
প্ৰভাৱঃ সৰ্ৱগো ৱাযুৰৰ্যমা সৱিতা ৰৱিঃ । (সৰ্ৱগোৱাযুৰৰ্যমা)
উষঙ্গুশ্চ ৱিধাতা চ মান্ধাতা ভূতভাৱনঃ ॥ ১০৫॥
ৱিভুৰ্ৱৰ্ণৱিভাৱী চ সৰ্ৱকামগুণাৱহঃ ।
পদ্মনাভো মহাগৰ্ভশ্চন্দ্ৰৱক্ত্ৰোঽনিলোঽনলঃ ॥ ১০৬॥
বলৱাংশ্চোপশান্তশ্চ পুৰাণঃ পুণ্যচঞ্চুৰী ।
কুৰুকৰ্তা কুৰুৱাসী কুৰুভূতো গুণৌষধঃ ॥ ১০৭॥
সৰ্ৱাশযো দৰ্ভচাৰী সৰ্ৱেষাং প্ৰাণিনাং পতিঃ ।
দেৱদেৱঃ সুখাসক্তঃ সদসত্সৰ্ৱৰত্নৱিত্ ॥ ১০৮॥
কৈলাসগিৰিৱাসী চ হিমৱদ্গিৰিসংশ্ৰযঃ ।
কূলহাৰী কূলকৰ্তা বহুৱিদ্যো বহুপ্ৰদঃ ॥ ১০৯॥
ৱণিজো ৱৰ্ধকী ৱৃক্ষো বকুলশ্চন্দনশ্ছদঃ ।
সাৰগ্ৰীৱো মহাজত্ৰুৰলোলশ্চ মহৌষধঃ ॥ ১১০॥
সিদ্ধাৰ্থকাৰী সিদ্ধাৰ্থশ্ছন্দোৱ্যাকৰণোত্তৰঃ ।
সিংহনাদঃ সিংহদংষ্ট্ৰঃ সিংহগঃ সিংহৱাহনঃ ॥ ১১১॥
প্ৰভাৱাত্মা জগত্কালস্থালো লোকহিতস্তৰুঃ ।
সাৰঙ্গো নৱচক্ৰাঙ্গঃ কেতুমালী সভাৱনঃ ॥ ১১২॥
ভূতালযো ভূতপতিৰহোৰাত্ৰমনিন্দিতঃ ॥ ১১৩॥
ৱাহিতা সৰ্ৱভূতানাং নিলযশ্চ ৱিভুৰ্ভৱঃ ।
অমোঘঃ সংযতো হ্যশ্ৱো ভোজনঃ প্ৰাণধাৰণঃ ॥ ১১৪॥ (প্ৰাণধাৰকঃ)
ধৃতিমান্মতিমান্দক্ষঃ সত্কৃতশ্চ যুগাধিপঃ ।
গোপালিৰ্গোপতিৰ্গ্ৰামো গোচৰ্মৱসনো হৰিঃ। ১১৫॥
হিৰণ্যবাহুশ্চ তথা গুহাপালঃ প্ৰৱেশিনাম্ ।
প্ৰকৃষ্টাৰিৰ্মহাহৰ্ষো জিতকামো জিতেন্দ্ৰিযঃ ॥ ১১৬॥
গান্ধাৰশ্চ সুৱাসশ্চ তপঃসক্তো ৰতিৰ্নৰঃ ।
মহাগীতো মহানৃত্যো হ্যপ্সৰোগণসেৱিতঃ ॥ ১১৭॥
মহাকেতুৰ্মহাধাতুৰ্নৈকসানুচৰশ্চলঃ ।
আৱেদনীয আদেশঃ সৰ্ৱগন্ধসুখাৱহঃ ॥ ১১৮॥
তোৰণস্তাৰণো ৱাতঃ পৰিধী পতিখেচৰঃ ।
সংযোগো ৱৰ্ধনো ৱৃদ্ধো অতিৱৃদ্ধো গুণাধিকঃ ॥ ১১৯॥
নিত্য আত্মসহাযশ্চ দেৱাসুৰপতিঃ পতিঃ ।
যুক্তশ্চ যুক্তবাহুশ্চ দেৱো দিৱি সুপৰ্ৱণঃ ॥ ১২০॥
আষাঢশ্চ সুষাণ্ঢশ্চ ধ্ৰুৱোঽথ হৰিণো হৰঃ ।
ৱপুৰাৱৰ্তমানেভ্যো ৱসুশ্ৰেষ্ঠো মহাপথঃ ॥ ১২১॥
শিৰোহাৰী ৱিমৰ্শশ্চ সৰ্ৱলক্ষণলক্ষিতঃ ।
অক্ষশ্চ ৰথযোগী চ সৰ্ৱযোগী মহাবলঃ ॥ ১২২॥
সমাম্নাযোঽসমাম্নাযস্তীৰ্থদেৱো মহাৰথঃ ।
নিৰ্জীৱো জীৱনো মন্ত্ৰঃ শুভাক্ষো বহুকৰ্কশঃ ॥ ১২৩॥
ৰত্নপ্ৰভূতো ৰত্নাঙ্গো মহাৰ্ণৱনিপানৱিত্ ।
মূলং ৱিশালো হ্যমৃতো ৱ্যক্তাৱ্যক্তস্তপোনিধিঃ ॥ ১২৪॥
আৰোহণোঽধিৰোহশ্চ শীলধাৰী মহাযশাঃ ।
সেনাকল্পো মহাকল্পো যোগো যুগকৰো হৰিঃ ॥ ১২৫॥
যুগৰূপো মহাৰূপো মহানাগহনো ৱধঃ ।
ন্যাযনিৰ্ৱপণঃ পাদঃ পণ্ডিতো হ্যচলোপমঃ ॥ ১২৬॥
বহুমালো মহামালঃ শশী হৰসুলোচনঃ ।
ৱিস্তাৰো লৱণঃ কূপস্ত্ৰিযুগঃ সফলোদযঃ ॥ ১২৭॥
ত্ৰিলোচনো ৱিষণ্ণাঙ্গো মণিৱিদ্ধো জটাধৰঃ ।
বিন্দুৰ্ৱিসৰ্গঃ সুমুখঃ শৰঃ সৰ্ৱাযুধঃ সহঃ ॥ ১২৮॥
নিৱেদনঃ সুখাজাতঃ সুগন্ধাৰো মহাধনুঃ ।
গন্ধপালী চ ভগৱানুত্থানঃ সৰ্ৱকৰ্মণাম্ ॥ ১২৯॥
মন্থানো বহুলো ৱাযুঃ সকলঃ সৰ্ৱলোচনঃ ।
তলস্তালঃ কৰস্থালী ঊৰ্ধ্ৱসংহননো মহান্ ॥ ১৩০॥
ছত্ৰং সুচ্ছত্ৰো ৱিখ্যাতো লোকঃ সৰ্ৱাশ্ৰযঃ ক্ৰমঃ ।
মুণ্ডো ৱিৰূপো ৱিকৃতো দণ্ডী কুণ্ডী ৱিকুৰ্ৱণঃ। ১৩১॥
হৰ্যক্ষঃ ককুভো ৱজ্ৰো শতজিহ্ৱঃ সহস্ৰপাত্ ।
সহস্ৰমূৰ্ধা দেৱেন্দ্ৰঃ সৰ্ৱদেৱমযো গুৰুঃ ॥ ১৩২॥
সহস্ৰবাহুঃ সৰ্ৱাঙ্গঃ শৰণ্যঃ সৰ্ৱলোককৃত্ ।
পৱিত্ৰং ত্ৰিককুন্মন্ত্ৰঃ কনিষ্ঠঃ কৃষ্ণপিঙ্গলঃ। ১৩৩॥
ব্ৰহ্মদণ্ডৱিনিৰ্মাতা শতঘ্নীপাশশক্তিমান্ ।
পদ্মগৰ্ভো মহাগৰ্ভো ব্ৰহ্মগৰ্ভো জলোদ্ভৱঃ ॥ ১৩৪॥
গভস্তিৰ্ব্ৰহ্মকৃদ্ব্ৰহ্মী ব্ৰহ্মৱিদ্ব্ৰাহ্মণো গতিঃ ।
অনন্তৰূপো নৈকাত্মা তিগ্মতেজাঃ স্ৱযম্ভুৱঃ ॥ ১৩৫॥
ঊৰ্ধ্ৱগাত্মা পশুপতিৰ্ৱাতৰংহা মনোজৱঃ ।
চন্দনী পদ্মনালাগ্ৰঃ সুৰভ্যুত্তৰণো নৰঃ ॥ ১৩৬॥
কৰ্ণিকাৰমহাস্ৰগ্ৱী নীলমৌলিঃ পিনাকধৃত্ ।
উমাপতিৰুমাকান্তো জাহ্নৱীধৃগুমাধৱঃ ॥ ১৩৭॥
ৱৰো ৱৰাহো ৱৰদো ৱৰেণ্যঃ সুমহাস্ৱনঃ ।
মহাপ্ৰসাদো দমনঃ শত্ৰুহা শ্ৱেতপিঙ্গলঃ ॥ ১৩৮॥
পীতাত্মা পৰমাত্মা চ প্ৰযতাত্মা প্ৰধানধৃত্ ।
সৰ্ৱপাৰ্শ্ৱমুখস্ত্ৰ্যক্ষো ধৰ্মসাধাৰণো ৱৰঃ ॥ ১৩৯॥
চৰাচৰাত্মা সূক্ষ্মাত্মা অমৃতো গোৱৃষেশ্ৱৰঃ ।
সাধ্যৰ্ষিৰ্ৱসুৰাদিত্যো ৱিৱস্ৱান্সৱিতাঽমৃতঃ ১৪০॥
ৱ্যাসঃ সৰ্গঃ সুসঙ্ক্ষেপো ৱিস্তৰঃ পৰ্যযো নৰঃ ।
ঋতু সংৱত্সৰো মাসঃ পক্ষঃ সঙ্খ্যাসমাপনঃ ॥ ১৪১॥
কলা কাষ্ঠা লৱা মাত্ৰা মুহূৰ্তাহঃক্ষপাঃ ক্ষণাঃ ।
ৱিশ্ৱক্ষেত্ৰং প্ৰজাবীজং লিঙ্গমাদ্যস্তু নিৰ্গমঃ ॥ ১৪২॥
সদসদ্ৱ্যক্তমৱ্যক্তং পিতা মাতা পিতামহঃ ।
স্ৱৰ্গদ্ৱাৰং প্ৰজাদ্ৱাৰং মোক্ষদ্ৱাৰং ত্ৰিৱিষ্টপম্ ॥ ১৪৩॥
নিৰ্ৱাণং হ্লাদনশ্চৈৱ ব্ৰহ্মলোকঃ পৰা গতিঃ ।
দেৱাসুৰৱিনিৰ্মাতা দেৱাসুৰপৰাযণঃ ॥ ১৪৪॥
দেৱাসুৰগুৰুৰ্দেৱো দেৱাসুৰনমস্কৃতঃ ।
দেৱাসুৰমহামাত্ৰো দেৱাসুৰগণাশ্ৰযঃ ॥ ১৪৫॥
দেৱাসুৰগণাধ্যক্ষো দেৱাসুৰগণাগ্ৰণীঃ ।
দেৱাতিদেৱো দেৱৰ্ষিৰ্দেৱাসুৰৱৰপ্ৰদঃ ॥ ১৪৬॥
দেৱাসুৰেশ্ৱৰো ৱিশ্ৱো দেৱাসুৰমহেশ্ৱৰঃ ।
সৰ্ৱদেৱমযোঽচিন্ত্যো দেৱতাত্মাঽঽত্মসম্ভৱঃ ॥ ১৪৭॥
উদ্ভিত্ত্ৰিৱিক্ৰমো ৱৈদ্যো ৱিৰজো নীৰজোঽমৰঃ ॥
ঈড্যো হস্তীশ্ৱৰো ৱ্যাঘ্ৰো দেৱসিংহো নৰৰ্ষভঃ ॥ ১৪৮॥
ৱিবুধোঽগ্ৰৱৰঃ সূক্ষ্মঃ সৰ্ৱদেৱস্তপোমযঃ ।
সুযুক্তঃ শোভনো ৱজ্ৰী প্ৰাসানাং প্ৰভৱোঽৱ্যযঃ ॥ ১৪৯॥
গুহঃ কান্তো নিজঃ সৰ্গঃ পৱিত্ৰং সৰ্ৱপাৱনঃ ।
শৃঙ্গী শৃঙ্গপ্ৰিযো বভ্ৰূ ৰাজৰাজো নিৰামযঃ ॥ ১৫০॥
অভিৰামঃ সুৰগণো ৱিৰামঃ সৰ্ৱসাধনঃ ।
ললাটাক্ষো ৱিশ্ৱদেৱো হৰিণো ব্ৰহ্মৱৰ্চসঃ ॥ ১৫১॥
স্থাৱৰাণাং পতিশ্চৈৱ নিযমেন্দ্ৰিযৱৰ্ধনঃ ।
সিদ্ধাৰ্থঃ সিদ্ধভূতাৰ্থোঽচিন্ত্যঃ সত্যৱ্ৰতঃ শুচিঃ ॥ ১৫২॥
ৱ্ৰতাধিপঃ পৰং ব্ৰহ্ম ভক্তানাং পৰমা গতিঃ ।
ৱিমুক্তো মুক্ততেজাশ্চ শ্ৰীমান্শ্ৰীৱৰ্ধনো জগত্ ॥ ১৫৩॥
(ইতি সহস্ৰনামস্তোত্ৰম্ । )

যথা প্ৰধানং ভগৱানিতি ভক্ত্যা স্তুতো মযা ।
যন্ন ব্ৰহ্মাদযো দেৱা ৱিদুস্তত্ত্ৱেন নৰ্ষযঃ ।
স্তোতৱ্যমৰ্চ্যং ৱন্দ্যং চ কঃ স্তোষ্যতি জগত্পতিম্ ॥ ১৫৪॥
ভক্তিং ত্ৱেৱং পুৰস্কৃত্য মযা যজ্ঞপতিৰ্ৱিভুঃ ।
ততোঽভ্যনুজ্ঞাং সম্প্ৰাপ্য স্তুতো মতিমতাং ৱৰঃ ॥ ১৫৫॥
শিৱমেভিঃ স্তুৱন্দেৱং নামভিঃ পুষ্টিৱৰ্ধনৈঃ ।
নিত্যযুক্তঃ শুচিৰ্ভক্তঃ প্ৰাপ্নোত্যাত্মানমাত্মনা ॥ ১৫৬॥
এতদ্ধি পৰমং ব্ৰহ্ম পৰং ব্ৰহ্মাধিগচ্ছতি ॥ ১৫৭॥
ঋষযশ্চৈৱ দেৱাশ্চ স্তুৱন্ত্যেতেন তত্পৰম্ ॥ ১৫৮॥
স্তূযমানো মহাদেৱস্তুষ্যতে নিযতাত্মভিঃ ।
ভক্তানুকম্পী ভগৱানাত্মসংস্থাকৰো ৱিভুঃ ॥ ১৫৯॥
তথৈৱ চ মনুষ্যেষু যে মনুষ্যাঃ প্ৰধানতঃ ।
আস্তিকাঃ শ্ৰদ্ধধানাশ্চ বহুভিৰ্জন্মভিঃ স্তৱৈঃ ॥ ১৬০॥
ভক্ত্যা হ্যনন্যমীশানং পৰং দেৱং সনাতনম্ ।
কৰ্মণা মনসা ৱাচা ভাৱেনামিততেজসঃ ॥ ১৬১॥
শযানা জাগ্ৰমাণাশ্চ ৱ্ৰজন্নুপৱিশংস্তথা ।
উন্মিষন্নিমিষংশ্চৈৱ চিন্তযন্তঃ পুনঃ পুনঃ ॥ ১৬২॥
শৃণ্ৱন্তঃ শ্ৰাৱযন্তশ্চ কথযন্তশ্চ তে ভৱম্ ।
স্তুৱন্তঃ স্তূযমানাশ্চ তুষ্যন্তি চ ৰমন্তি চ ॥ ১৬৩॥
জন্মকোটিসহস্ৰেষু নানাসংসাৰযোনিষু ।
জন্তোৰ্ৱিগতপাপস্য ভৱে ভক্তিঃ প্ৰজাযতে ॥ ১৬৪॥
উত্পন্না চ ভৱে ভক্তিৰনন্যা সৰ্ৱভাৱতঃ ।
ভাৱিনঃ কাৰণে চাস্য সৰ্ৱযুক্তস্য সৰ্ৱথা ॥ ১৬৫॥
এতদ্দেৱেষু দুষ্প্ৰাপং মনুষ্যেষু ন লভ্যতে ।
নিৰ্ৱিঘ্না নিশ্চলা ৰুদ্ৰে ভক্তিৰৱ্যভিচাৰিণী ॥ ১৬৬॥
তস্যৈৱ চ প্ৰসাদেন ভক্তিৰুত্পদ্যতে নৄণাম্ ।
যেন যান্তি পৰাং সিদ্ধিং তদ্ভাগৱতচেতসঃ ॥ ১৬৭॥ (যে ন)
যে সৰ্ৱভাৱানুগতাঃ প্ৰপদ্যন্তে মহেশ্ৱৰম্ ।
প্ৰপন্নৱত্সলো দেৱঃ সংসাৰাত্তান্সমুদ্ধৰেত্ ॥ ১৬৮॥
এৱমন্যে ৱিকুৰ্ৱন্তি দেৱাঃ সংসাৰমোচনম্ ।
মনুষ্যাণামৃতে দেৱং নান্যা শক্তিস্তপোবলম্ ॥ ১৬৯॥
ইতি তেনেন্দ্ৰকল্পেন ভগৱান্সদসত্পতিঃ ।
কৃত্তিৱাসাঃ স্তুতঃ কৃষ্ণ তণ্ডিনা শুভবুদ্ধিনা ॥ ১৭০॥
স্তৱমেতং ভগৱতো ব্ৰহ্মা স্ৱযমধাৰযত্ ।
গীযতে চ স বুদ্ধ্যেত ব্ৰহ্মা শঙ্কৰসন্নিধৌ ॥ ১৭১॥
ইদং পুণ্যং পৱিত্ৰং চ সৰ্ৱদা পাপনাশনম্ ।
যোগদং মোক্ষদং চৈৱ স্ৱৰ্গদং তোষদং তথা ॥ ১৭২॥
এৱমেতত্পঠন্তে য একভক্ত্যা তু শঙ্কৰম্ ।
যা গতিঃ সাঙ্খ্যযোগানাং ৱ্ৰজন্ত্যেতাং গতিং তদা ॥ ১৭৩॥
স্তৱমেতং প্ৰযত্নেন সদা ৰুদ্ৰস্য সন্নিধৌ ।
অব্দমেকং চৰেদ্ভক্তঃ প্ৰাপ্নুযাদীপ্সিতং ফলম্ ॥ ১৭৪॥
এতদ্ৰহস্যং পৰমং ব্ৰহ্মণো হৃদি সংস্থিতম্ ।
ব্ৰহ্মা প্ৰোৱাচ শক্ৰায শক্ৰঃ প্ৰোৱাচ মৃত্যৱে ॥ ১৭৫॥
মৃত্যুঃ প্ৰোৱাচ ৰুদ্ৰেভ্যো ৰুদ্ৰেভ্যস্তণ্ডিমাগমত্ ।
মহতা তপসা প্ৰাপ্তস্তণ্ডিনা ব্ৰহ্মসদ্মনি ॥ ১৭৬॥
তণ্ডিঃ প্ৰোৱাচ শুক্ৰায গৌতমায চ ভাৰ্গৱঃ ।
ৱৈৱস্ৱতায মনৱে গৌতমঃ প্ৰাহ মাধৱ ॥ ১৭৭॥
নাৰাযণায সাধ্যায সমাধিষ্ঠায ধীমতে ।
যমায প্ৰাহ ভগৱান্সাধ্যো নাৰাযণোঽচ্যুতঃ ॥ ১৭৮॥
নাচিকেতায ভগৱানাহ ৱৈৱস্ৱতো যমঃ ।
মাৰ্কণ্ডেযায ৱাৰ্ষ্ণেয নাচিকেতোঽভ্যভাষত ॥ ১৭৯॥
মাৰ্কণ্ডেযান্মযা প্ৰাপ্তো নিযমেন জনাৰ্দন ।
তৱাপ্যহমমিত্ৰঘ্ন স্তৱং দদ্যাং হ্যৱিশ্ৰুতম্ ॥ ১৮০॥
স্ৱৰ্গ্যমাৰোগ্যমাযুষ্যং ধন্যং ৱেদেন সংমিতম্ ।
নাস্য ৱিঘ্নং ৱিকুৰ্ৱন্তি দানৱা যক্ষৰাক্ষসাঃ ॥ ১৮১॥
পিশাচা যাতুধানা ৱা গুহ্যকা ভুজগা অপি ।
যঃ পঠেত শুচিঃ পাৰ্থ ব্ৰহ্মচাৰী জিতেন্দ্ৰিযঃ ।
অভগ্নযোগো ৱৰ্ষং তু সোঽশ্ৱমেধফলং লভেত্ ॥ ১৮২॥
ইতি শ্ৰীমন্মহাভাৰতে অনুশাসনপৰ্ৱণি দানধৰ্মপৰ্ৱণি অষ্টচত্ৱাৰিংশোঽধ্যাযঃ ॥ ৪৮ ॥ শ্ৰীমহাদেৱসহস্ৰনামস্তোত্ৰং সমাপ্তম্ । শ্ৰীকৃষ্ণাৰ্পণমস্তু । শ্ৰীশিৱাৰ্পণমস্তু ।

More Shiva Stotras

श्रीदुर्गासप्तशतीसहस्रनामस्तोत्रम्
Shri Durga Saptashati Sahasranama Stotram
हनुमत्सहस्रनामस्तोत्रम् (रुद्रयामलतः)
Hanumatsahasranamastotram Rudrayamala
श्रीकामकलाकालीसहस्रनामावलिः
Shri Kamakala Kali Sahasranamavali
श्री बाला त्रिपुरसुन्दरी सहस्रनामावली (१)
Sri Bala Tripurasundari Sahasranamavali 1
श्रीकालीसहस्रनामस्तोत्रम्
Sri Kali Sahasranama Stotram (Brihannila Tantra)
श्री कामकलाकाली सहस्रनाम स्तोत्रम्
Sri Kamakala Kali Sahasranama from Mahakala Samhita
श्रीकुमारीसहस्रनामस्तोत्रम्
Sri Kumari Sahasranama Stotram
श्री ललिता सहस्रनाम पूर्वपीठिका
Sri Lalita Sahasranama Purvapithika
View All Sahasranama Collection →

Explore More

Sahasranama CollectionWealthObstaclesHealthProtectionWisdomHome