What is Bhagavad Gita Chapter 10 — Vibhūti Yoga?

Read Bhagavad Gita Chapter 10 — Vibhūti Yoga in Assamese script — full lyrics with English meaning and transliteration. Krishna begins by declaring that he is the source of gods and sages alike, and that knowing him as such leads to freedom from delusion. He grants wisdom and inner illumination to devotees who love him sincerely. Arjuna, overwhelmed by this revelation, praises Krishna as the Supreme Being beyond birth and death and asks to hear more about his manifestations so that he can meditate upon them. Krishna then enumerates countless divine expressions — among lights he is the sun, among rivers the Ganga, among warriors Arjuna himself. Each instance points to the same truth: wherever greatness appears, it is a reflection of the divine.

Which deity is Bhagavad Gita Chapter 10 — Vibhūti Yoga dedicated to?

Bhagavad Gita Chapter 10 — Vibhūti Yoga is a Sanskrit hymn dedicated to Lord Krishna.

Who composed Bhagavad Gita Chapter 10 — Vibhūti Yoga?

Bhagavad Gita Chapter 10 — Vibhūti Yoga is traditionally attributed to Vyasa.

Bhagavad Gita Chapter 10 — Vibhūti Yoga in Assamese

ওঁ শ্ৰীপৰমাত্মনে নমঃ

অথ দশমোঽধ্যাযঃ ।

ৱিভূতিযোগঃ
শ্ৰীভগৱানুৱাচ

ভূয এৱ মহাবাহো শৃণু মে পৰমং ৱচঃ ।
যত্তেঽহং প্ৰীযমাণায ৱক্ষ্যামি হিতকাম্যযা ॥ 1 ॥

ন মে ৱিদুঃ সুৰগণাঃ প্ৰভৱং ন মহৰ্ষযঃ ।
অহমাদিৰ্হি দেৱানাং মহৰ্ষীণাং চ সৰ্ৱশঃ ॥ 2 ॥

যো মামজমনাদিং চ ৱেত্তি লোকমহেশ্ৱৰম্ ।
অসম্মূঢঃ স মৰ্ত্যেষু সৰ্ৱপাপৈঃ প্ৰমুচ্যতে ॥ 3 ॥

বুদ্ধিৰ্জ্ঞানমসম্মোহঃ ক্ষমা সত্যং দমঃ শমঃ ।
সুখং দুঃখং ভৱোঽভাৱো ভযং চাভযমেৱ চ ॥ 4 ॥

অহিংসা সমতা তুষ্টিস্তপো দানং যশোঽযশঃ ।
ভৱন্তি ভাৱা ভূতানাং মত্ত এৱ পৃথগ্ৱিধাঃ ॥ 5 ॥

মহৰ্ষযঃ সপ্ত পূৰ্ৱে চত্ৱাৰো মনৱস্তথা ।
মদ্ভাৱা মানসা জাতা যেষাং লোক ইমাঃ প্ৰজাঃ ॥ 6 ॥

এতাং ৱিভূতিং যোগং চ মম যো ৱেত্তি তত্ত্ৱতঃ ।
সোঽৱিকম্পেন যোগেন যুজ্যতে নাত্ৰ সংশযঃ ॥ 7 ॥

অহং সৰ্ৱস্য প্ৰভৱো মত্তঃ সৰ্ৱং প্ৰৱৰ্ততে ।
ইতি মত্ৱা ভজন্তে মাং বুধা ভাৱসমন্ৱিতাঃ ॥ 8 ॥

মচ্চিত্তা মদ্গতপ্ৰাণা বোধযন্তঃ পৰস্পৰম্ ।
কথযন্তশ্চ মাং নিত্যং তুষ্যন্তি চ ৰমন্তি চ ॥ 9 ॥

তেষাং সততযুক্তানাং ভজতাং প্ৰীতিপূৰ্ৱকম্ ।
দদামি বুদ্ধিযোগং তং যেন মামুপযান্তি তে ॥ 10 ॥

তেষামেৱানুকম্পাৰ্থমহমজ্ঞানজং তমঃ ।
নাশযাম্যাত্মভাৱস্থো জ্ঞানদীপেন ভাস্ৱতা ॥ 11 ॥

অৰ্জুন উৱাচ

পৰং ব্ৰহ্ম পৰং ধাম পৱিত্ৰং পৰমং ভৱান্ ।
পুৰুষং শাশ্ৱতং দিৱ্যমাদিদেৱমজং ৱিভুম্ ॥ 12 ॥

আহুস্ত্ৱামৃষযঃ সৰ্ৱে দেৱৰ্ষিৰ্নাৰদস্তথা ।
অসিতো দেৱলো ৱ্যাসঃ স্ৱযং চৈৱ ব্ৰৱীষি মে ॥ 13 ॥

সৰ্ৱমেতদৃতং মন্যে যন্মাং ৱদসি কেশৱ ।
ন হি তে ভগৱন্ৱ্যক্তিং ৱিদুৰ্দেৱা ন দানৱাঃ ॥ 14 ॥

স্ৱযমেৱাত্মনাত্মানং ৱেত্থ ত্ৱং পুৰুষোত্তম ।
ভূতভাৱন ভূতেশ দেৱদেৱ জগত্পতে ॥ 15 ॥

ৱক্তুমৰ্হস্যশেষেণ দিৱ্যা হ্যাত্মৱিভূতযঃ ।
যাভিৰ্ৱিভূতিভিৰ্লোকানিমাংস্ত্ৱং ৱ্যাপ্য তিষ্ঠসি ॥ 16 ॥

কথং ৱিদ্যামহং যোগিংস্ত্ৱাং সদা পৰিচিন্তযন্ ।
কেষু কেষু চ ভাৱেষু চিন্ত্যোঽসি ভগৱন্মযা ॥ 17 ॥

ৱিস্তৰেণাত্মনো যোগং ৱিভূতিং চ জনাৰ্দন ।
ভূযঃ কথয তৃপ্তিৰ্হি শৃণ্ৱতো নাস্তি মেঽমৃতম্ ॥ 18 ॥

শ্ৰীভগৱানুৱাচ

হন্ত তে কথযিষ্যামি দিৱ্যা হ্যাত্মৱিভূতযঃ ।
প্ৰাধান্যতঃ কুৰুশ্ৰেষ্ঠ নাস্ত্যন্তো ৱিস্তৰস্য মে ॥ 19 ॥

অহমাত্মা গুডাকেশ সৰ্ৱভূতাশযস্থিতঃ ।
অহমাদিশ্চ মধ্যং চ ভূতানামন্ত এৱ চ ॥ 20 ॥

আদিত্যানামহং ৱিষ্ণুৰ্জ্যোতিষাং ৰৱিৰংশুমান্ ।
মৰীচিৰ্মৰুতামস্মি নক্ষত্ৰাণামহং শশী ॥ 21 ॥

ৱেদানাং সামৱেদোঽস্মি দেৱানামস্মি ৱাসৱঃ ।
ইন্দ্ৰিযাণাং মনশ্চাস্মি ভূতানামস্মি চেতনা ॥ 22 ॥

ৰুদ্ৰাণাং শঙ্কৰশ্চাস্মি ৱিত্তেশো যক্ষৰক্ষসাম্ ।
ৱসূনাং পাৱকশ্চাস্মি মেৰুঃ শিখৰিণামহম্ ॥ 23 ॥

পুৰোধসাং চ মুখ্যং মাং ৱিদ্ধি পাৰ্থ বৃহস্পতিম্ ।
সেনানীনামহং স্কন্দঃ সৰসামস্মি সাগৰঃ ॥ 24 ॥

মহৰ্ষীণাং ভৃগুৰহং গিৰামস্ম্যেকমক্ষৰম্ ।
যজ্ঞানাং জপযজ্ঞোঽস্মি স্থাৱৰাণাং হিমালযঃ ॥ 25 ॥

অশ্ৱত্থঃ সৰ্ৱৱৃক্ষাণাং দেৱৰ্ষীণাং চ নাৰদঃ ।
গন্ধৰ্ৱাণাং চিত্ৰৰথঃ সিদ্ধানাং কপিলো মুনিঃ ॥ 26 ॥

উচ্চৈঃশ্ৰৱসমশ্ৱানাং ৱিদ্ধি মামমৃতোদ্ভৱম্ ।
ঐৰাৱতং গজেন্দ্ৰাণাং নৰাণাং চ নৰাধিপম্ ॥ 27 ॥

আযুধানামহং ৱজ্ৰং ধেনূনামস্মি কামধুক্ ।
প্ৰজনশ্চাস্মি কন্দৰ্পঃ সৰ্পাণামস্মি ৱাসুকিঃ ॥ 28 ॥

অনন্তশ্চাস্মি নাগানাং ৱৰুণো যাদসামহম্ ।
পিতৄণামৰ্যমা চাস্মি যমঃ সংযমতামহম্ ॥ 29 ॥

প্ৰহ্লাদশ্চাস্মি দৈত্যানাং কালঃ কলযতামহম্ ।
মৃগাণাং চ মৃগেন্দ্ৰোঽহং ৱৈনতেযশ্চ পক্ষিণাম্ ॥ 30 ॥

পৱনঃ পৱতামস্মি ৰামঃ শস্ত্ৰভৃতামহম্ ।
ঝষাণাং মকৰশ্চাস্মি স্ৰোতসামস্মি জাহ্নৱী ॥ 31 ॥

সৰ্গাণামাদিৰন্তশ্চ মধ্যং চৈৱাহমৰ্জুন ।
অধ্যাত্মৱিদ্যা ৱিদ্যানাং ৱাদঃ প্ৰৱদতামহম্ ॥ 32 ॥

অক্ষৰাণামকাৰোঽস্মি দ্ৱন্দ্ৱঃ সামাসিকস্য চ ।
অহমেৱাক্ষযঃ কালো ধাতাহং ৱিশ্ৱতোমুখঃ ॥ 33 ॥

মৃত্যুঃ সৰ্ৱহৰশ্চাহমুদ্ভৱশ্চ ভৱিষ্যতাম্ ।
কীৰ্তিঃ শ্ৰীৰ্ৱাক্চ নাৰীণাং স্মৃতিৰ্মেধা ধৃতিঃ ক্ষমা ॥ 34 ॥

বৃহত্সাম তথা সাম্নাং গাযত্ৰী ছন্দসামহম্ ।
মাসানাং মাৰ্গশীৰ্ষোঽহমৃতূনাং কুসুমাকৰঃ ॥ 35 ॥

দ্যূতং ছলযতামস্মি তেজস্তেজস্ৱিনামহম্ ।
জযোঽস্মি ৱ্যৱসাযোঽস্মি সত্ত্ৱং সত্ত্ৱৱতামহম্ ॥ 36 ॥

ৱৃষ্ণীনাং ৱাসুদেৱোঽস্মি পাণ্ডৱানাং ধনঞ্জযঃ ।
মুনীনামপ্যহং ৱ্যাসঃ কৱীনামুশনা কৱিঃ ॥ 37 ॥

দণ্ডো দমযতামস্মি নীতিৰস্মি জিগীষতাম্ ।
মৌনং চৈৱাস্মি গুহ্যানাং জ্ঞানং জ্ঞানৱতামহম্ ॥ 38 ॥

যচ্চাপি সৰ্ৱভূতানাং বীজং তদহমৰ্জুন ।
ন তদস্তি ৱিনা যত্স্যান্মযা ভূতং চৰাচৰম্ ॥ 39 ॥

নান্তোঽস্তি মম দিৱ্যানাং ৱিভূতীনাং পৰন্তপ ।
এষ তূদ্দেশতঃ প্ৰোক্তো ৱিভূতেৰ্ৱিস্তৰো মযা ॥ 40 ॥

যদ্যদ্ৱিভূতিমত্সত্ত্ৱং শ্ৰীমদূৰ্জিতমেৱ ৱা ।
তত্তদেৱাৱগচ্ছ ত্ৱং মম তেজোংঽশসম্ভৱম্ ॥ 41 ॥

অথৱা বহুনৈতেন কিং জ্ঞাতেন তৱাৰ্জুন ।
ৱিষ্টভ্যাহমিদং কৃত্স্নমেকাংশেন স্থিতো জগত্ ॥ 42 ॥

ওঁ তত্সদিতি শ্ৰীমদ্ভগৱদ্গীতাসূপনিষত্সু ব্ৰহ্মৱিদ্যাযাং যোগশাস্ত্ৰে
শ্ৰীকৃষ্ণাৰ্জুনসংৱাদে ৱিভূতিযোগো নাম দশমোঽধ্যাযঃ ॥10 ॥

শ্ৰীমদ্ভগৱদ্গীতা মূলম্ - দশমোঽধ্যাযঃ

Explore More

More Krishna Stotras

Explore More