Lord Ganesha

বহুৰূপ গণপতি (দ্ৱাত্ৰিংশদ্গণপতি) ধ্যান শ্লোকাঃ

(Bahurupa Ganapati (Dvatrimshad Ganapati) Dhyana Shlokas in Assamese)

From Mudgala Purana

Also known as karastha kadalicutapanaseksukamodakam

Language:Sanskrit
Translation:English

These meditative verses describe the thirty-two distinct forms of Lord Ganesha, a collection originating from the Mudgala Purana. Each form represents unique attributes, mudras, and symbolic objects, embodying various aspects of cosmic energy and divine grace. By meditating on these Dhyana Shlokas, devotees seek to align their consciousness with the multifaceted nature of the remover of obstacles. Chanting these verses is believed to bestow spiritual clarity, mental balance, and holistic prosperity, helping the practitioner overcome deep-seated karmic challenges while invoking the protective and auspicious presence of Ganesha in his diverse manifestations.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics

1. শ্ৰী বাল গণপতিঃ

কৰস্থ কদলীচূতপনসেক্ষুকমোদকম্ ।
বালসূৰ্যনিভং ৱন্দে দেৱং বালগণাধিপম্ ॥ 1 ॥
2. শ্ৰী তৰুণ গণপতিঃ
পাশাঙ্কুশাপূপকপিত্থজম্বূ-
-স্ৱদন্তশালীক্ষুমপি স্ৱহস্তৈঃ ।
ধত্তে সদা যস্তৰুণাৰুণাভঃ
পাযাত্ স যুষ্মাংস্তৰুণো গণেশঃ ॥ 2 ॥
3. শ্ৰী ভক্ত গণপতিঃ
নাৰিকেলাম্ৰকদলীগুডপাযসধাৰিণম্ ।
শৰচ্চন্দ্ৰাভৱপুষং ভজে ভক্তগণাধিপম্ ॥ 3 ॥
4. শ্ৰী ৱীৰ গণপতিঃ
ৱেতালশক্তিশৰকাৰ্মুকচক্ৰখড্গ-
-খট্ৱাঙ্গমুদ্গৰগদাঙ্কুশনাগপাশান্ ।
শূলং চ কুন্তপৰশুং ধ্ৱজমুদ্ৱহন্তং
ৱীৰং গণেশমৰুণং সততং স্মৰামি ॥ 4 ॥
5. শ্ৰী শক্তি গণপতিঃ
আলিঙ্গ্য দেৱীং হৰিতাঙ্গযষ্টিং
পৰস্পৰাশ্লিষ্টকটিপ্ৰদেশম্ ।
সন্ধ্যাৰুণং পাশসৃণী ৱহন্তং
ভযাপহং শক্তিগণেশমীডে ॥ 5 ॥
6. শ্ৰী দ্ৱিজ গণপতিঃ
যং পুস্তকাক্ষ গুণদণ্ডকমণ্ডলু শ্ৰী-
-ৱিদ্যোতমানকৰভূষণমিন্দুৱৰ্ণম্ ।
স্তম্বেৰমাননচতুষ্টযশোভমানং
ত্ৱাং যঃ স্মৰেত্ দ্ৱিজগণাধিপতে স ধন্যঃ ॥ 6 ॥
7. শ্ৰী সিদ্ধ গণপতিঃ
পক্ৱচূতফলপুষ্পমঞ্জৰী-
-ৰিক্ষুদণ্ডতিলমোদকৈঃ সহ ।
উদ্ৱহন্ পৰশুমস্তু তে নমঃ
শ্ৰীসমৃদ্ধিযুত হেমপিঙ্গল ॥ 7 ॥
8. শ্ৰী উচ্ছিষ্ট গণপতিঃ
নীলাব্জদাডিমীৱীণাশালীগুঞ্জাক্ষসূত্ৰকম্ ।
দধদুচ্ছিষ্টনামাযং গণেশঃ পাতু মেচকঃ ॥ 8 ॥
9. শ্ৰী ৱিঘ্ন গণপতিঃ
শঙ্খেক্ষুচাপকুসুমেষুকুঠাৰপাশ-
-চক্ৰস্ৱদন্তসৃণিমঞ্জৰিকাশৰাদ্যৈঃ ।
পাণিশ্ৰিতৈঃ পৰিসমীহিতভূষণশ্ৰী-
-ৱিঘ্নেশ্ৱৰো ৱিজযতে তপনীযগৌৰঃ ॥ 9 ॥
10. শ্ৰী ক্ষিপ্ৰ গণপতিঃ
দন্তকল্পলতাপাশৰত্নকুম্ভাঙ্কুশোজ্জ্ৱলম্ ।
বন্ধূককমনীযাভং ধ্যাযেত্ ক্ষিপ্ৰগণাধিপম্ ॥ 10 ॥
11. শ্ৰী হেৰম্ব গণপতিঃ
অভযৱৰদহস্তঃ পাশদন্তাক্ষমালা-
-সৃণিপৰশু দধানো মুদ্গৰং মোদকং চ ।
ফলমধিগতসিংহঃ পঞ্চমাতঙ্গৱক্ত্ৰো
গণপতিৰতিগৌৰঃ পাতু হেৰম্বনামা ॥ 11 ॥
12. শ্ৰী লক্ষ্মী গণপতিঃ
বিভ্ৰাণঃ শুকবীজপূৰকমিলন্মাণিক্যকুম্ভাকুশান্
পাশং কল্পলতাং চ খড্গৱিলসজ্জ্যোতিঃ সুধানিৰ্ঝৰঃ ।
শ্যামেনাত্তসৰোৰুহেণ সহিতং দেৱীদ্ৱযং চান্তিকে
গৌৰাঙ্গো ৱৰদানহস্তসহিতো লক্ষ্মীগণেশোঽৱতাত্ ॥ 12 ॥
13. শ্ৰী মহা গণপতিঃ
হস্তীন্দ্ৰাননমিন্দুচূডমৰুণচ্ছাযং ত্ৰিনেত্ৰং ৰসা-
-দাশ্লিষ্টং প্ৰিযযা সপদ্মকৰযা স্ৱাঙ্কস্থযা সন্ততম্ ।
বীজাপূৰগদেক্ষুকাৰ্মুকলসচ্চক্ৰাব্জপাশোত্পল-
-ৱ্ৰীহ্যগ্ৰস্ৱৱিষাণৰত্নকলশান্ হস্তৈৰ্ৱহন্তং ভজে ॥ 13 ॥
14. শ্ৰী ৱিজয গণপতিঃ
পাশাঙ্কুশস্ৱদন্তাম্ৰফলৱানাখুৱাহনঃ ।
ৱিঘ্নং নিহন্তু নঃ সৰ্ৱং ৰক্তৱৰ্ণো ৱিনাযকঃ ॥ 14 ॥
15. শ্ৰী নৃত্ত গণপতিঃ
পাশাঙ্কুশাপূপকুঠাৰদন্ত-
-চঞ্চত্কৰাক্লুপ্তৱৰাঙ্গুলীকম্ ।
পীতপ্ৰভং কল্পতৰোৰধস্থং
ভজামি নৃত্তোপপদং গণেশম্ ॥ 15 ॥
16. শ্ৰী ঊৰ্ধ্ৱ গণপতিঃ
কল্হাৰশালিকমলেক্ষুকচাপবাণ-
-দন্তপ্ৰৰোহকগদী কনকোজ্জ্ৱলাঙ্গঃ ।
আলিঙ্গনোদ্যতকৰো হৰিতাঙ্গযষ্ট্যা
দেৱ্যা কৰোতু শুভমূৰ্ধ্ৱগণাধিপো মে ॥ 16 ॥
17. শ্ৰী একাক্ষৰ গণপতিঃ
ৰক্তো ৰক্তাঙ্গৰাগাঙ্কুশকুসুমযুতস্তুন্দিলশ্চন্দ্ৰমৌলিঃ
নেত্ৰৈৰ্যুক্তস্ত্ৰিভিৰ্ৱামনকৰচৰণো বীজপূৰং দধানঃ ।
হস্তাগ্ৰাক্লুপ্ত পাশাঙ্কুশৰদৱৰদো নাগৱক্ত্ৰোঽহিভূষো
দেৱঃ পদ্মাসনস্থো ভৱতু সুখকৰো ভূতযে ৱিঘ্নৰাজঃ ॥ 17 ॥
18. শ্ৰী ৱৰ গণপতিঃ
সিন্দূৰাভমিভাননং ত্ৰিনযনং হস্তে চ পাশাঙ্কুশৌ
বিভ্ৰাণং মধুমত্কপালমনিশং সাধ্ৱিন্দুমৌলিং ভজে ।
পুষ্ট্যাশ্লিষ্টতনুং ধ্ৱজাগ্ৰকৰযা পদ্মোল্লসদ্ধস্তযা
তদ্যোন্যাহিত পাণিমাত্তৱসুমত্পাত্ৰোল্লসত্পুষ্কৰম্ ॥ 18 ॥
19. শ্ৰী ত্ৰ্যক্ষৰ গণপতিঃ
গজেন্দ্ৰৱদনং সাক্ষাচ্চলত্কৰ্ণসুচামৰং
হেমৱৰ্ণং চতুৰ্বাহুং পাশাঙ্কুশধৰং ৱৰম্ ।
স্ৱদন্তং দক্ষিণে হস্তে সৱ্যে ত্ৱাম্ৰপলং তথা
পুষ্কৰৈৰ্মোদকং চৈৱ ধাৰযন্তমনুস্মৰেত্ ॥ 19 ॥
20. শ্ৰী ক্ষিপ্ৰপ্ৰসাদ গণপতিঃ
ধৃতপাশাঙ্কুশকল্পলতা স্ৱৰদশ্চ বীজপূৰযুতঃ
শশিশকলকলিতমৌলিস্ত্ৰিলোচনোঽৰুণশ্চ গজৱদনঃ ।
ভাসুৰভূষণদীপ্তো বৃহদুদৰঃ পদ্মৱিষ্টৰোল্লসিতঃ
ৱিঘ্নপযোধৰপৱনঃ কৰধৃতকমলঃ সদাস্তু মে ভূত্যৈ ॥ 20 ॥
21. শ্ৰী হৰিদ্ৰা গণপতিঃ
হৰিদ্ৰাভং চতুৰ্বাহুং কৰীন্দ্ৰৱদনং প্ৰভুম্ ।
পাশাঙ্কুশধৰং দেৱং মোদকং দন্তমেৱ চ ।
ভক্তাভযপ্ৰদাতাৰং ৱন্দে ৱিঘ্নৱিনাশনম্ ॥ 21 ॥
22. শ্ৰী একদন্ত গণপতিঃ
লম্বোদৰং শ্যামতনুং গণেশং
কুঠাৰমক্ষস্ৰজমূৰ্ধ্ৱগাত্ৰম্ ।
সলড্ডুকং দন্তমধঃ কৰাভ্যাং
ৱামেতৰাভ্যাং চ দধানমীডে ॥ 22 ॥
23. শ্ৰী সৃষ্টি গণপতিঃ
পাশাঙ্কুশস্ৱদন্তাম্ৰফলৱানাখুৱাহনঃ ।
ৱিঘ্নং নিহন্তু নঃ শোণঃ সৃষ্টিদক্ষো ৱিনাযকঃ ॥ 23 ॥
24. শ্ৰী উদ্দণ্ড গণপতিঃ
কল্হাৰাম্বুজবীজপূৰকগদাদন্তেক্ষুচাপং সুমং
বিভ্ৰাণো মণিকুম্ভশালিকলশৌ পাশং সৃণিং চাব্জকম্ ।
গৌৰাঙ্গ্যা ৰুচিৰাৰৱিন্দকৰযা দেৱ্যা সমালিঙ্গতঃ
শোণাঙ্গঃ শুভমাতনোতু ভজতামুদ্দণ্ডৱিঘ্নেশ্ৱৰঃ ॥ 24 ॥
25. শ্ৰী ঋণমোচক গণপতিঃ
পাশাঙ্কুশৌ দন্তজম্বু দধানঃ স্ফাটিকপ্ৰভঃ ।
ৰক্তাংশুকো গণপতিৰ্মুদে স্যাদৃণমোচকঃ ॥ 25 ॥
26. শ্ৰী ঢুণ্ঢি গণপতিঃ
অক্ষমালাং কুঠাৰং চ ৰত্নপাত্ৰং স্ৱদন্তকম্ ।
ধত্তে কৰৈৰ্ৱিঘ্নৰাজো ঢুণ্ঢিনামা মুদেঽস্তু নঃ ॥ 26 ॥
27. শ্ৰী দ্ৱিমুখ গণপতিঃ
স্ৱদন্তপাশাঙ্কুশৰত্নপাত্ৰং
কৰৈৰ্দধানো হৰিনীলগাত্ৰঃ ।
ৰক্তাংশুকো ৰত্নকিৰীটমালী
ভূত্যৈ সদা মে দ্ৱিমুখো গণেশঃ ॥ 27 ॥
28. শ্ৰী ত্ৰিমুখ গণপতিঃ
শ্ৰীমত্তীক্ষ্ণশিখাঙ্কুশাক্ষৱৰদান্ দক্ষে দধানঃ কৰৈঃ
পাশং চামৃতপূৰ্ণকুম্ভমভযং ৱামে দধানো মুদা ।
পীঠে স্ৱৰ্ণমযাৰৱিন্দৱিলসত্সত্কৰ্ণিকাভাসুৰে
স্ৱাসীনস্ত্ৰিমুখঃ পলাশৰুচিৰো নাগাননঃ পাতু নঃ ॥ 28 ॥
29. শ্ৰী সিংহ গণপতিঃ
ৱীণাং কল্পলতামৰিং চ ৱৰদং দক্ষে ৱিদত্তে কৰৈ-
-ৰ্ৱামে তামৰসং চ ৰত্নকলশং সন্মঞ্জৰীং চাভযম্ ।
শুণ্ডাদণ্ডলসন্মৃগেন্দ্ৰৱদনঃ শঙ্খেন্দুগৌৰঃ শুভো
দীৱ্যদ্ৰত্ননিভাংশুকো গণপতিঃ পাযাদপাযত্ স নঃ ॥ 29 ॥
30. শ্ৰী যোগ গণপতিঃ
যোগাৰূঢো যোগপট্টাভিৰামো
বালাৰ্কাভশ্চেন্দ্ৰনীলাংশুকাঢ্যঃ ।
পাশেক্ষ্ৱক্ষান্ যোগদণ্ডং দধানো
পাযান্নিত্যং যোগৱিঘ্নেশ্ৱৰো নঃ ॥ 30 ॥
31. শ্ৰী দুৰ্গা গণপতিঃ
তপ্তকাঞ্চনসঙ্কাশশ্চাষ্টহস্তো মহত্তনুঃ
দীপ্তাঙ্কুশং শৰং চাক্ষং দন্তু দক্ষে ৱহন্ কৰৈঃ ।
ৱামে পাশং কাৰ্মুকং চ লতাং জম্বু দধত্কৰৈঃ
ৰক্তাংশুকঃ সদা ভূযাদ্দুৰ্গাগণপতিৰ্মুদে ॥ 31 ॥
32. শ্ৰী সঙ্কষ্টহৰ গণপতিঃ
বালাৰ্কাৰুণকান্তিৰ্ৱামে বালাং ৱহন্নঙ্কে
লসদিন্দীৱৰহস্তাং গৌৰাঙ্গীং ৰত্নশোভাঢ্যাম্ ।
দক্ষেঽঙ্কুশৱৰদানং ৱামে পাশং চ পাযসং পাত্ৰং
নীলাংশুকলসমানঃ পীঠে পদ্মাৰুণে তিষ্ঠন্ ॥ 32 ॥
সঙ্কটহৰণঃ পাযাত্ সঙ্কটপূগাদ্গজাননো নিত্যম্ ।
শ্ৰী ৱল্লভ গণপতি
বীজাপূৰ গদেক্ষুকাৰ্মুকভুজাচক্ৰাব্জ পাশোত্পল
ৱ্ৰীহ্যগ্ৰস্ৱৱিষাণ ৰত্নকলশ প্ৰোদ্যত্কৰাম্ভোৰুহঃ ।
ধ্যেযো ৱল্লভযা চ পদ্মকৰযাশ্লিষ্টো জ্ৱলদ্ভূষযা
ৱিশ্ৱোত্পত্তিৱিনাশসংস্থিতিকৰো ৱিঘ্নো ৱিশিষ্টাৰ্থদঃ ॥
শ্ৰী সিদ্ধিদেৱী
পীতৱৰ্ণাং দ্ৱিনেত্ৰাং তামেকৱক্ত্ৰাম্বুজদ্ৱযাং
নৱৰত্নকিৰীটাং চ পীতাম্বৰসুধাৰিণীম্ ।
ৱামহস্তে মহাপদ্মং দক্ষে লম্বকৰান্ৱিতাং
জাজীচম্পকমালাং চ ত্ৰিভঙ্গীং ললিতাঙ্গিকাম্ ॥
গণেশদক্ষিণে ভাগে গুৰুঃ সিদ্ধিং তু ভাৱযেত্ ॥
শ্ৰী বুদ্ধিদেৱী
দ্ৱিহস্তাং চ দ্ৱিনেত্ৰাং তামেকৱক্ত্ৰাং ত্ৰিভঙ্গিকাং
মুক্তামণিকিৰীটাং চ দক্ষে হস্তে মহোত্পলম্ ।
ৱামে প্ৰলম্বহস্তাং চ দিৱ্যাম্বৰসুধাৰিণীং
শ্যামৱৰ্ণনিভাং ভাস্ৱত্সৰ্ৱাভৰণভূষিতাম্ ॥
পাৰিজাতোত্পলামাল্যাং গণেশো ৱামপাৰ্শ্ৱকে
ধ্যাত্ৱা বুদ্ধিং সুৰূপাং সমৰ্চযেদ্দেশিকোত্তমঃ ॥

More Ganesha Stotras

आरती गजवदन विनायक की
Arati Gajavadana Vinayaka Ki
चिन्तामणि षट्पदी
Chintamani Shatpadi
दारिद्र्य दहन गणपति स्तोत्रम्
Daridrya Dahana Ganapati Stotram
धुण्ढिराज भुजङ्ग प्रयात स्तोत्रम्
Dhundhiraja Bhujanga Prayata Stotram
एकादश गणेश स्तोत्र (युगपुरुष कृत)
Ekadasa Ganesa Stotra Yugapurusa Krta
गजाननं भूतगणादि
Gajananam Bhuthaganadhi
ओ-ङ्ग॒णाना᳚-न्त्वा ग॒णप॑तिग्ं हवामहे क॒वि-ङ्क॑वी॒नां
Gananamtva Ganapatim
गणपत्यथर्वशीर्षम्
Ganapati Atharvashirsha (Sectioned Recension)
View All Ganesha Collection →

Explore More

Ganesha CollectionWealthObstaclesHealthProtectionWisdomHome