Lord Ganesha

বহুরূপ গণপতি (দ্বাত্রিংশদ্গণপতি) ধ্যান শ্লোকাঃ

(Bahurupa Ganapati (Dvatrimshad Ganapati) Dhyana Shlokas in Bengali)

From Mudgala Purana

Also known as karastha kadalicutapanaseksukamodakam

Language:Sanskrit
Translation:English

These meditative verses describe the thirty-two distinct forms of Lord Ganesha, a collection originating from the Mudgala Purana. Each form represents unique attributes, mudras, and symbolic objects, embodying various aspects of cosmic energy and divine grace. By meditating on these Dhyana Shlokas, devotees seek to align their consciousness with the multifaceted nature of the remover of obstacles. Chanting these verses is believed to bestow spiritual clarity, mental balance, and holistic prosperity, helping the practitioner overcome deep-seated karmic challenges while invoking the protective and auspicious presence of Ganesha in his diverse manifestations.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics

1. শ্রী বাল গণপতিঃ

করস্থ কদলীচূতপনসেক্ষুকমোদকম্ ।
বালসূর্যনিভং বন্দে দেবং বালগণাধিপম্ ॥ 1 ॥
2. শ্রী তরুণ গণপতিঃ
পাশাঙ্কুশাপূপকপিত্থজম্বূ-
-স্বদন্তশালীক্ষুমপি স্বহস্তৈঃ ।
ধত্তে সদা যস্তরুণারুণাভঃ
পাযাত্ স যুষ্মাংস্তরুণো গণেশঃ ॥ 2 ॥
3. শ্রী ভক্ত গণপতিঃ
নারিকেলাম্রকদলীগুডপাযসধারিণম্ ।
শরচ্চন্দ্রাভবপুষং ভজে ভক্তগণাধিপম্ ॥ 3 ॥
4. শ্রী বীর গণপতিঃ
বেতালশক্তিশরকার্মুকচক্রখড্গ-
-খট্বাঙ্গমুদ্গরগদাঙ্কুশনাগপাশান্ ।
শূলং চ কুন্তপরশুং ধ্বজমুদ্বহন্তং
বীরং গণেশমরুণং সততং স্মরামি ॥ 4 ॥
5. শ্রী শক্তি গণপতিঃ
আলিঙ্গ্য দেবীং হরিতাঙ্গযষ্টিং
পরস্পরাশ্লিষ্টকটিপ্রদেশম্ ।
সন্ধ্যারুণং পাশসৃণী বহন্তং
ভযাপহং শক্তিগণেশমীডে ॥ 5 ॥
6. শ্রী দ্বিজ গণপতিঃ
যং পুস্তকাক্ষ গুণদণ্ডকমণ্ডলু শ্রী-
-বিদ্যোতমানকরভূষণমিন্দুবর্ণম্ ।
স্তম্বেরমাননচতুষ্টযশোভমানং
ত্বাং যঃ স্মরেত্ দ্বিজগণাধিপতে স ধন্যঃ ॥ 6 ॥
7. শ্রী সিদ্ধ গণপতিঃ
পক্বচূতফলপুষ্পমঞ্জরী-
-রিক্ষুদণ্ডতিলমোদকৈঃ সহ ।
উদ্বহন্ পরশুমস্তু তে নমঃ
শ্রীসমৃদ্ধিযুত হেমপিঙ্গল ॥ 7 ॥
8. শ্রী উচ্ছিষ্ট গণপতিঃ
নীলাব্জদাডিমীবীণাশালীগুঞ্জাক্ষসূত্রকম্ ।
দধদুচ্ছিষ্টনামাযং গণেশঃ পাতু মেচকঃ ॥ 8 ॥
9. শ্রী বিঘ্ন গণপতিঃ
শঙ্খেক্ষুচাপকুসুমেষুকুঠারপাশ-
-চক্রস্বদন্তসৃণিমঞ্জরিকাশরাদ্যৈঃ ।
পাণিশ্রিতৈঃ পরিসমীহিতভূষণশ্রী-
-বিঘ্নেশ্বরো বিজযতে তপনীযগৌরঃ ॥ 9 ॥
10. শ্রী ক্ষিপ্র গণপতিঃ
দন্তকল্পলতাপাশরত্নকুম্ভাঙ্কুশোজ্জ্বলম্ ।
বন্ধূককমনীযাভং ধ্যাযেত্ ক্ষিপ্রগণাধিপম্ ॥ 10 ॥
11. শ্রী হেরম্ব গণপতিঃ
অভযবরদহস্তঃ পাশদন্তাক্ষমালা-
-সৃণিপরশু দধানো মুদ্গরং মোদকং চ ।
ফলমধিগতসিংহঃ পঞ্চমাতঙ্গবক্ত্রো
গণপতিরতিগৌরঃ পাতু হেরম্বনামা ॥ 11 ॥
12. শ্রী লক্ষ্মী গণপতিঃ
বিভ্রাণঃ শুকবীজপূরকমিলন্মাণিক্যকুম্ভাকুশান্
পাশং কল্পলতাং চ খড্গবিলসজ্জ্যোতিঃ সুধানির্ঝরঃ ।
শ্যামেনাত্তসরোরুহেণ সহিতং দেবীদ্বযং চান্তিকে
গৌরাঙ্গো বরদানহস্তসহিতো লক্ষ্মীগণেশোঽবতাত্ ॥ 12 ॥
13. শ্রী মহা গণপতিঃ
হস্তীন্দ্রাননমিন্দুচূডমরুণচ্ছাযং ত্রিনেত্রং রসা-
-দাশ্লিষ্টং প্রিযযা সপদ্মকরযা স্বাঙ্কস্থযা সন্ততম্ ।
বীজাপূরগদেক্ষুকার্মুকলসচ্চক্রাব্জপাশোত্পল-
-ব্রীহ্যগ্রস্ববিষাণরত্নকলশান্ হস্তৈর্বহন্তং ভজে ॥ 13 ॥
14. শ্রী বিজয গণপতিঃ
পাশাঙ্কুশস্বদন্তাম্রফলবানাখুবাহনঃ ।
বিঘ্নং নিহন্তু নঃ সর্বং রক্তবর্ণো বিনাযকঃ ॥ 14 ॥
15. শ্রী নৃত্ত গণপতিঃ
পাশাঙ্কুশাপূপকুঠারদন্ত-
-চঞ্চত্করাক্লুপ্তবরাঙ্গুলীকম্ ।
পীতপ্রভং কল্পতরোরধস্থং
ভজামি নৃত্তোপপদং গণেশম্ ॥ 15 ॥
16. শ্রী ঊর্ধ্ব গণপতিঃ
কল্হারশালিকমলেক্ষুকচাপবাণ-
-দন্তপ্ররোহকগদী কনকোজ্জ্বলাঙ্গঃ ।
আলিঙ্গনোদ্যতকরো হরিতাঙ্গযষ্ট্যা
দেব্যা করোতু শুভমূর্ধ্বগণাধিপো মে ॥ 16 ॥
17. শ্রী একাক্ষর গণপতিঃ
রক্তো রক্তাঙ্গরাগাঙ্কুশকুসুমযুতস্তুন্দিলশ্চন্দ্রমৌলিঃ
নেত্রৈর্যুক্তস্ত্রিভির্বামনকরচরণো বীজপূরং দধানঃ ।
হস্তাগ্রাক্লুপ্ত পাশাঙ্কুশরদবরদো নাগবক্ত্রোঽহিভূষো
দেবঃ পদ্মাসনস্থো ভবতু সুখকরো ভূতযে বিঘ্নরাজঃ ॥ 17 ॥
18. শ্রী বর গণপতিঃ
সিন্দূরাভমিভাননং ত্রিনযনং হস্তে চ পাশাঙ্কুশৌ
বিভ্রাণং মধুমত্কপালমনিশং সাধ্বিন্দুমৌলিং ভজে ।
পুষ্ট্যাশ্লিষ্টতনুং ধ্বজাগ্রকরযা পদ্মোল্লসদ্ধস্তযা
তদ্যোন্যাহিত পাণিমাত্তবসুমত্পাত্রোল্লসত্পুষ্করম্ ॥ 18 ॥
19. শ্রী ত্র্যক্ষর গণপতিঃ
গজেন্দ্রবদনং সাক্ষাচ্চলত্কর্ণসুচামরং
হেমবর্ণং চতুর্বাহুং পাশাঙ্কুশধরং বরম্ ।
স্বদন্তং দক্ষিণে হস্তে সব্যে ত্বাম্রপলং তথা
পুষ্করৈর্মোদকং চৈব ধারযন্তমনুস্মরেত্ ॥ 19 ॥
20. শ্রী ক্ষিপ্রপ্রসাদ গণপতিঃ
ধৃতপাশাঙ্কুশকল্পলতা স্বরদশ্চ বীজপূরযুতঃ
শশিশকলকলিতমৌলিস্ত্রিলোচনোঽরুণশ্চ গজবদনঃ ।
ভাসুরভূষণদীপ্তো বৃহদুদরঃ পদ্মবিষ্টরোল্লসিতঃ
বিঘ্নপযোধরপবনঃ করধৃতকমলঃ সদাস্তু মে ভূত্যৈ ॥ 20 ॥
21. শ্রী হরিদ্রা গণপতিঃ
হরিদ্রাভং চতুর্বাহুং করীন্দ্রবদনং প্রভুম্ ।
পাশাঙ্কুশধরং দেবং মোদকং দন্তমেব চ ।
ভক্তাভযপ্রদাতারং বন্দে বিঘ্নবিনাশনম্ ॥ 21 ॥
22. শ্রী একদন্ত গণপতিঃ
লম্বোদরং শ্যামতনুং গণেশং
কুঠারমক্ষস্রজমূর্ধ্বগাত্রম্ ।
সলড্ডুকং দন্তমধঃ করাভ্যাং
বামেতরাভ্যাং চ দধানমীডে ॥ 22 ॥
23. শ্রী সৃষ্টি গণপতিঃ
পাশাঙ্কুশস্বদন্তাম্রফলবানাখুবাহনঃ ।
বিঘ্নং নিহন্তু নঃ শোণঃ সৃষ্টিদক্ষো বিনাযকঃ ॥ 23 ॥
24. শ্রী উদ্দণ্ড গণপতিঃ
কল্হারাম্বুজবীজপূরকগদাদন্তেক্ষুচাপং সুমং
বিভ্রাণো মণিকুম্ভশালিকলশৌ পাশং সৃণিং চাব্জকম্ ।
গৌরাঙ্গ্যা রুচিরারবিন্দকরযা দেব্যা সমালিঙ্গতঃ
শোণাঙ্গঃ শুভমাতনোতু ভজতামুদ্দণ্ডবিঘ্নেশ্বরঃ ॥ 24 ॥
25. শ্রী ঋণমোচক গণপতিঃ
পাশাঙ্কুশৌ দন্তজম্বু দধানঃ স্ফাটিকপ্রভঃ ।
রক্তাংশুকো গণপতির্মুদে স্যাদৃণমোচকঃ ॥ 25 ॥
26. শ্রী ঢুণ্ঢি গণপতিঃ
অক্ষমালাং কুঠারং চ রত্নপাত্রং স্বদন্তকম্ ।
ধত্তে করৈর্বিঘ্নরাজো ঢুণ্ঢিনামা মুদেঽস্তু নঃ ॥ 26 ॥
27. শ্রী দ্বিমুখ গণপতিঃ
স্বদন্তপাশাঙ্কুশরত্নপাত্রং
করৈর্দধানো হরিনীলগাত্রঃ ।
রক্তাংশুকো রত্নকিরীটমালী
ভূত্যৈ সদা মে দ্বিমুখো গণেশঃ ॥ 27 ॥
28. শ্রী ত্রিমুখ গণপতিঃ
শ্রীমত্তীক্ষ্ণশিখাঙ্কুশাক্ষবরদান্ দক্ষে দধানঃ করৈঃ
পাশং চামৃতপূর্ণকুম্ভমভযং বামে দধানো মুদা ।
পীঠে স্বর্ণমযারবিন্দবিলসত্সত্কর্ণিকাভাসুরে
স্বাসীনস্ত্রিমুখঃ পলাশরুচিরো নাগাননঃ পাতু নঃ ॥ 28 ॥
29. শ্রী সিংহ গণপতিঃ
বীণাং কল্পলতামরিং চ বরদং দক্ষে বিদত্তে করৈ-
-র্বামে তামরসং চ রত্নকলশং সন্মঞ্জরীং চাভযম্ ।
শুণ্ডাদণ্ডলসন্মৃগেন্দ্রবদনঃ শঙ্খেন্দুগৌরঃ শুভো
দীব্যদ্রত্ননিভাংশুকো গণপতিঃ পাযাদপাযত্ স নঃ ॥ 29 ॥
30. শ্রী যোগ গণপতিঃ
যোগারূঢো যোগপট্টাভিরামো
বালার্কাভশ্চেন্দ্রনীলাংশুকাঢ্যঃ ।
পাশেক্ষ্বক্ষান্ যোগদণ্ডং দধানো
পাযান্নিত্যং যোগবিঘ্নেশ্বরো নঃ ॥ 30 ॥
31. শ্রী দুর্গা গণপতিঃ
তপ্তকাঞ্চনসঙ্কাশশ্চাষ্টহস্তো মহত্তনুঃ
দীপ্তাঙ্কুশং শরং চাক্ষং দন্তু দক্ষে বহন্ করৈঃ ।
বামে পাশং কার্মুকং চ লতাং জম্বু দধত্করৈঃ
রক্তাংশুকঃ সদা ভূযাদ্দুর্গাগণপতির্মুদে ॥ 31 ॥
32. শ্রী সঙ্কষ্টহর গণপতিঃ
বালার্কারুণকান্তির্বামে বালাং বহন্নঙ্কে
লসদিন্দীবরহস্তাং গৌরাঙ্গীং রত্নশোভাঢ্যাম্ ।
দক্ষেঽঙ্কুশবরদানং বামে পাশং চ পাযসং পাত্রং
নীলাংশুকলসমানঃ পীঠে পদ্মারুণে তিষ্ঠন্ ॥ 32 ॥
সঙ্কটহরণঃ পাযাত্ সঙ্কটপূগাদ্গজাননো নিত্যম্ ।
শ্রী বল্লভ গণপতি
বীজাপূর গদেক্ষুকার্মুকভুজাচক্রাব্জ পাশোত্পল
ব্রীহ্যগ্রস্ববিষাণ রত্নকলশ প্রোদ্যত্করাম্ভোরুহঃ ।
ধ্যেযো বল্লভযা চ পদ্মকরযাশ্লিষ্টো জ্বলদ্ভূষযা
বিশ্বোত্পত্তিবিনাশসংস্থিতিকরো বিঘ্নো বিশিষ্টার্থদঃ ॥
শ্রী সিদ্ধিদেবী
পীতবর্ণাং দ্বিনেত্রাং তামেকবক্ত্রাম্বুজদ্বযাং
নবরত্নকিরীটাং চ পীতাম্বরসুধারিণীম্ ।
বামহস্তে মহাপদ্মং দক্ষে লম্বকরান্বিতাং
জাজীচম্পকমালাং চ ত্রিভঙ্গীং ললিতাঙ্গিকাম্ ॥
গণেশদক্ষিণে ভাগে গুরুঃ সিদ্ধিং তু ভাবযেত্ ॥
শ্রী বুদ্ধিদেবী
দ্বিহস্তাং চ দ্বিনেত্রাং তামেকবক্ত্রাং ত্রিভঙ্গিকাং
মুক্তামণিকিরীটাং চ দক্ষে হস্তে মহোত্পলম্ ।
বামে প্রলম্বহস্তাং চ দিব্যাম্বরসুধারিণীং
শ্যামবর্ণনিভাং ভাস্বত্সর্বাভরণভূষিতাম্ ॥
পারিজাতোত্পলামাল্যাং গণেশো বামপার্শ্বকে
ধ্যাত্বা বুদ্ধিং সুরূপাং সমর্চযেদ্দেশিকোত্তমঃ ॥

More Ganesha Stotras

आरती गजवदन विनायक की
Arati Gajavadana Vinayaka Ki
चिन्तामणि षट्पदी
Chintamani Shatpadi
दारिद्र्य दहन गणपति स्तोत्रम्
Daridrya Dahana Ganapati Stotram
धुण्ढिराज भुजङ्ग प्रयात स्तोत्रम्
Dhundhiraja Bhujanga Prayata Stotram
एकादश गणेश स्तोत्र (युगपुरुष कृत)
Ekadasa Ganesa Stotra Yugapurusa Krta
गजाननं भूतगणादि
Gajananam Bhuthaganadhi
ओ-ङ्ग॒णाना᳚-न्त्वा ग॒णप॑तिग्ं हवामहे क॒वि-ङ्क॑वी॒नां
Gananamtva Ganapatim
गणपत्यथर्वशीर्षम्
Ganapati Atharvashirsha (Sectioned Recension)
View All Ganesha Collection →

Explore More

Ganesha CollectionWealthObstaclesHealthProtectionWisdomHome